BNHS - An Layag

19/12/2024

𝐁𝐍𝐇𝐒 𝐅𝐚𝐜𝐮𝐥𝐭𝐲 𝐆𝐢𝐟𝐭-𝐆𝐢𝐯𝐢𝐧𝐠, 𝐦𝐮𝐥𝐢𝐧𝐠 𝐢𝐬𝐢𝐧𝐚𝐠𝐚𝐰𝐚
𝑩𝒂𝒍𝒊𝒕𝒂 | Joyce Mae Daria

Idinaos ang ikalimang taon ng BNHS Faculty Gift-Giving activity nitong Disyembre 18, 2024 sa Pambansang Paaralang Sekundarya ng Banquerohan (BNHS) sa pangunguna ng BNHS faculty staff na dinaluhan ng mga g**o at piling mag-aaral.

Naisakatuparan ang gawain sa pangunguna ni G. Nico Solano, pangulo ng BNHS Faculty Club, Gng. Maricel Bromahon bilang host, kasama ang iba pang mga g**o at ang Supreme Secondary Learner Government (SSLG).

"Ang gift-giving activity ay may malaking kahalagahan sa pagpapalakas ng ugnayan at pagbibigay pagpapahalaga sa mga kasamahan," pahayag ni G. Solano.

Aniya, nahirapan din sila sa paghahanda para rito dahil sa kakulangan ng oras at resources.

Dinaluhan ang nasabing gift-giving activity ng 94 na mag-aaral mula junior high school hanggang senior high school.

"Masaya..na-overwhelm ako ngayon dahil natulungan ako ng aktibidad na ito. Kahit simple lang, may panghanda na kami sa pasko," pahayag ni Erika Lorilla, isa sa mga benepisyaryo

Nagkaroon din ng simpleng palaro tulad ng "bring me" at "hep hep hooray" na nagbigay aliw sa mga dumalo.

𝐋𝐚𝐫𝐚𝐰𝐚𝐧 𝐧𝐢:
Kristel Basilla, Tagakuha ng Larawan
Althea Ellaine Botalon, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo
Kathleen Mirabel

12/12/2024

Pagbati sa mga manunulat at mamamahayag ng An Layag na nagwagi sa katatapos lamang na 2024 Division Schools Press Conference!👏⛵️ Ang panalong ito ang naging bunga ng inyong determinasyon at pagpupunyagi.

-JOYCE MAE O. DARIA
Pagsulat ng Balita
3rd Place (RSPC Qualifier)

-GIE ANN A. ATULI
Pagsulat ng Balitang Pampalakasan
5th Place (RSPC Qualifier)

-RADIO BROADCASTING TEAM
*Dessa Bayna
*Mikkee Llaneta
*Mark Joseph Armero
*Dane Christine Botalon
*Ruth Aringo
*John Vhon N**o
Best in Infomercial
5th Place

Mga Tagasanay at Tagapayo:
Graciel Anne A. Laguilles
Anjannette A. Amor

Pagbati rin sa iba pang kinatawan ng publikasyon sa ibang mga kategorya!👏 Maraming salamat sa tapang at husay na ipinamalas ng bawat isa.

Laging tandaan na sa bawat laban, ang pinakamahalaga'y umuwing dala ang mga bagong karanasan at pagkatuto, at magamit ito sa positibong paglago bilang isang manunulat at bilang isang tao.

Patuloy na maglalayag at magpapahayag ⛵️

03/12/2024

𝐆𝐒𝐏 𝐋𝐞𝐠𝐚𝐳𝐩𝐢 𝐂𝐨𝐮𝐧𝐜𝐢𝐥, 𝐧𝐚𝐤𝐢𝐢𝐬𝐚 𝐬𝐚 𝐬𝐞𝐫𝐞𝐦𝐨𝐧𝐲𝐚 𝐧𝐠 𝐇𝐮𝐥𝐢𝐧𝐠 𝐏𝐚𝐫𝐚𝐧𝐠𝐚𝐥 𝐬𝐚 𝐰𝐚𝐭𝐚𝐰𝐚𝐭 𝐧𝐠 𝐏𝐢𝐥𝐢𝐩𝐢𝐧𝐚𝐬
𝑩𝒂𝒍𝒊𝒕𝒂| Joyce Mae O. Daria

Pinangunahan ng Girl Scout of the Philippines (GSP) Legazpi Council ang kauna-unahang seremonya ng pagsunog ng mga lumang watawat ng bansa sa isinagawang Huling Parangal sa watawat ng Pilipinas sa dibisyon noong ika-30 ng Nobyembre, 2024 sa Pambansang Paaralang Sekundarya ng Banquerohan (BNHS).

Kabilang sa mga nakiisa sa nasabing seremonya ay mula sa Cabangan HS, Banquerohan NHS, Oro site HS, St. Raphael Academy, Legazpi City Science HS, at Gogon HS, kasama si Gemmiah Dhaine Trilles bilang Inang Bayan, Senior Girl Scout ng BNHS, Gng. Johannie Balgemino, nag-organisa ng aktibidad, at mga panauhing pandangal na sina G. Danilo V. Llarena, district supervisor, at G. Jolan B. Torres, punong-g**o ng BNHS.

Pormal na sinunog ang mga watawat ng Pilipinas sa pamamagitan ng paglapat ng mga ito sa ibabaw ng apoy na pinangunahan ni Bb. Trilles at G. Llarena habang pinapatugtog ang mga awiting makabayan na "Magkaisa", "Ang Bayan Ko", at "Kanlungan".

Ibinahagi ni G. Llarena ang kasaysayan ng mga lumang watawat kasabay ng pagwagayway ng walong ebolusyon ng watawat ng Pilipinas na hawak ng mga piling Girl Scout.

Nagbigay-pugay rin si Gng. Balgemino sa pamamagitan ng pagbigkas ng tulang "Ang Aking Bandila" ni Cirio H. Panganiban na sinundan ng mensahe ukol sa kahalagahan ng watawat na ibinahagi naman ni G. Torres.

Matagumpay na inilibing ang abo ng mga watawat sa isang sagradong lugar sa paaralan na hindi dinadaanan ng mga tao.

𝐋𝐚𝐫𝐚𝐰𝐚𝐧 𝐧𝐢:
Kristel Basilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto

24/11/2024

19/11/2024

𝑯𝒊𝒈𝒑𝒊𝒕𝒂𝒏 𝒂𝒏𝒈 𝒌𝒂𝒑𝒊𝒕 𝒔𝒂 𝒎𝒈𝒂 𝒂𝒍𝒐𝒏𝒈 𝒑𝒂𝒑𝒂𝒍𝒂𝒑𝒊𝒕! 🌊

Isang malaking GOODLUCK para sa lahat ng Banqueros na kakasa sa Bicol University College Entrance Test! Hiling ng punong patnugutan ng An Layag ang magandang resulta para sa inyong lahat. Malagpasan at mapagtagumpayan ninyo sana ang mga alon ng pagsubok na inyong haharapin.

Patuloy sa paglalayag, at muli ay isang malaking GOODLUCK, Banqueros! 🍀

𝐊𝐚𝐩𝐬𝐲𝐨𝐧 𝐧𝐢:
Mhia Arabella Loveranes, Punong Patnugot
Ysabella Cano, Patnugot sa Lathalain

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto

18/11/2024

ANNOUNCEMENT | Resumption of Face to Face Classes

Please be informed that classes at Banquerohan National High School will resume tomorrow, November 19, 2024 (Tuesday).

17/11/2024

Due to PDRRMC-APSEMO Advisory No. 32-2024, Banquerohan National High School will be shifting to an Alternative Delivery Modality (ADM) for classes on November 18, 2024. Self-Learning Modules (SLMs) and Activity Sheets will be sent through class chatrooms, and learners are advised to contact their Subject Teachers through their respective class group chats for further instructions, activities, and tasks.

14/11/2024

𝐒𝐚 𝐝𝐚𝐭𝐢𝐧𝐠 𝐤𝐚𝐩𝐢𝐭𝐚𝐧 𝐧𝐠 𝐚𝐦𝐢𝐧𝐠 𝐛𝐚𝐧𝐠𝐤𝐚, 𝐭𝐚𝐨𝐬-𝐩𝐮𝐬𝐨𝐧𝐠 𝐩𝐚𝐬𝐚𝐬𝐚𝐥𝐚𝐦𝐚𝐭 𝐩𝐚𝐫𝐚 𝐬𝐚 𝐢𝐲𝐨, 𝐒𝐢𝐫 𝐃𝐚𝐧!

Ang bangka na iyong nilayag tungo sa maayos at matagumpay na samahan ay nakarating na sa paroroonan. Dumaong man ang bangka na iyong pinamunuan, pangakong muling itutuloy ang paglayag dala ang mga aral at masasayang ala-ala na pinagsaluhan.

Ang mga makabagdamdaming awitin at mensaheng inialay ng mga nagmamahal na g**o, mag-aaral, at kawani ng paaralan ay simpleng paraan lamang upang ipadama ang pagpapasalamat at pagmamahal.

Ang iyong pinamalas na galing sa pamumuno ay tunay na tumatak sa puso't isipan. Maging ang iyong pagmamahal, dedikasyon, at suporta ay hindi malilimutan. Maraming salamat at hanggang sa muli, Sir Dan! ⛵🌊

𝐋𝐚𝐫𝐚𝐰𝐚𝐧 𝐧𝐢:
Naediel Marie Arcilla, Patnugot sa Pagkuha ng Larawan
Mary Nathalie Arcilla, Tagakuha ng Larawan
Kristel Basilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Kathleen Mirabel
Charmelle Jane Homo

10/11/2024

Sa nagdaang 𝐒𝐞𝐚𝐫𝐜𝐡 𝐟𝐨𝐫 𝐀𝐦𝐛𝐚𝐬𝐬𝐚𝐝𝐨𝐫 𝐚𝐧𝐝 A𝐦𝐛𝐚𝐬𝐬𝐚𝐝𝐫𝐞𝐬𝐬 𝐨𝐟 𝐆𝐨𝐨𝐝𝐰𝐢𝐥𝐥 2024, masigabong palakpakan ang hatid sa lahat ng kalahok! Ang tagisan ng galing at talino ay tunay na nagbigay saya sa mga mag-aaral. Kasabay nito, matagumpay na nairaos ang selebrasyon at naipakita ang kahalagahan nito. 👏🏻🍂

𝐋𝐚𝐫𝐚𝐰𝐚𝐧 𝐧𝐢:
Naediel Marie Arcilla, Tagakuha ng Larawan
Mary Nathalie Arcilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Kathleen Mirabel
Charmelle Jane Homo

10/11/2024

𝐖𝐚𝐠𝐢 𝐚𝐧𝐠 𝐭𝐮𝐧𝐚𝐲 𝐧𝐚 𝐧𝐚𝐠𝐤𝐚𝐤𝐚𝐢𝐬𝐚
𝑩𝒂𝒍𝒊𝒕𝒂𝒏𝒈 𝑳𝒂𝒕𝒉𝒂𝒍𝒂𝒊𝒏 | Ysabella Cano

Bukod sa pasko na inaabangan sa pagsapit ng ber months, sa Pambansang Paaralang Sekundarya ng Banquerohan (BNHS), isa pang kaganapan ang kinapapanabikang matunghayan. Maraming kaganapan ngunit ibang-iba rin ang pananabik ng mga mag-aaral at g**o sa tuwing magdiriwang ng 𝐔𝐧𝐢𝐭𝐞𝐝 𝐍𝐚𝐭𝐢𝐨𝐧𝐬.

Ang United Nations ay ipinagdiriwang tuwing buwan ng Oktubre subalit naudlot ito dahil sa masamang panahon dulot ng mga bagyo. Ipinagbubuklod nito ang mga bansa upang mapanatili ang kapayapaan at katiwasayan sa pagitan ng mga bansang kasama rito. Israel, Mexico, France, Germany, Africa, Venezuela, Argentina, South Korea, Canada, Japan, China, Philippines at Egypt ang ilan sa mga kabilang dito. Ito rin ang mga bansa na ibinida ng mga opisyal na kandidato para sa Ambassador and Ambassadress of Goodwill 2024.

Noong ika-28 ng Oktubre, opisyal na sinimulan ang pagdiriwang ng United Nations sa temang "One common future, One common agenda" sa pamamagitan ng pagtaas ng watawat ng mga bansang inirerepresenta ng mga kandidato at sumunod ang mga aktibidad na inihanda ng Araling Panlipunan (AP) Club. Samantala, ginanap ang '𝐒𝐞𝐚𝐫𝐜𝐡 𝐟𝐨𝐫 𝐀𝐦𝐛𝐚𝐬𝐬𝐚𝐝𝐨𝐫 𝐚𝐧𝐝 𝐚𝐦𝐛𝐚𝐬𝐬𝐚𝐝𝐫𝐞𝐬𝐬 𝐨𝐟 𝐆𝐨𝐨𝐝𝐰𝐢𝐥𝐥 2024' noong ikaapat ng Nobyembre bilang panapos na programa.

Maiinit na hiyawan at malalakas na palakpakan ang isinalubong ng mga mag-aaral sa kanilang mga sinusuportahang kandidato sa unang paglantad nito sa intermission number kasama ang Firemyxx Dancers. Hindi nahinto ang sigawan nang isa-isang nagpakilala ang bawat kandidato ng kanilang sarili gamit ang mga pangmalakasang introduksiyon na kanilang inihanda.

Sumunod ang Preliminary Question and Answers na nagpakaba sa mga manonood ngunit napalitan ng saya nang narinig ang mga sagot ng kani-kanilang kandidato na nag-iwan din ng mga makabuluhang pahayag na nagpamangha sa mga manonood. Habang naghahanda ang mga kandidato sa kanilang susunod na presentasyon, pinarangalan muna ang mga nagwagi sa mga aktibidad na inihanda ng AP Club at pinaunlakan din si Gng. Guia P. Dela Cruz, OIC ng BNHS sa kaniyang mensahe.

Hindi naman mawawala sa ganitong mga kompetisyon ang mga kultural na kasuotan na ibibida ng bawat bansa. Walang hinto ang sigawan sa paglabas ng mga kandidato suot ang kanilang magagandang kasuotan na sumisimbolo sa bansang kanilang inirerepresenta.

Pinarangalan ang mga natatanging kandidato ng mga 'minor awards'. Ang Mr. and Ms. Congeniality ay sina G. Lenard Loquinario ng Japan at Bb. Kathrina Julia Bahilio ng Canada. Ang Best in Ramp ay sina G. Jeremy John Marcaida ng Venezuela at Ma. Monica Alejo ng France. Nasungkit naman nina G. Rowel Tadeo ng France at Bb. Gemmiah Dhaine Trilles ng Venezuela ang Mr. And Ms. Photogenic. Muli ring nakuha nina G. Jeremy John Marcayda at Bb. Marjorie Leron ang Peoples Choice Award. Best in Production Number naman sina G. Clarence Bautista ng South Africa at Bb. Jamiesha Kaethe Remondavia ng Pilipinas.

Itinanghal na Ambassador at Ambassadress ng Dolces de Marias food products sina G. Sherwin Alamo, China at Bb. Jamiesha Kaethe Remondavia, Pilipinas. Mr. and Ms. Highlands Eco Spring sina G. Mark Jude Maraña, Pilipinas at Bb. Christine Joy Datur, South Africa.

At ito na... ang makapigil hiningang anunsyo, ang pasok sa top 4 at mag-uuwi ng korona. Nasungkit nina G. Sherwin Alamo na inirerepresenta ang China at Bb. Christine Datur na dala ang watawat ng South Africa ang ikatlong pwesto. Ang ikalawang pwesto naman ay nakuha nina G. John Pierre Hernandez ng South Korea at Bb. Kathrina Julia Bahilio ng Canada. Samantala, napasakamay nina G. Jory Ardales ng Israel at Bb. Franz Kate Louise Marigondon ng Germany ang unang pwesto.

Sa huli, naiuwi ang korona nina Jamiesha Kaethe Remondavia at Mark Jude Maraña, representantes ng PILIPINAS, at itinanghal na bagong Ambassador and Ambassadress of Goodwill 2024. Sila rin ang nagwagi sa kultural na kasuotan. Hindi matatawaran ang saya na naramdaman ng mga nanalo maging ang mga manonood ay nagdiwang sa pagkapanalo ng dalawa.

"Sobrang saya kasi isa ito sa mga memorable na nangyari sa akin sa taong ito" sabi ni G. Maraña, ang bagong Ambassador.

"Masaya pero hindi pa rin nawawala yung kaba kasi super unexpected" pahayag naman ni Bb. Remondavia, ang bagong Ambassadress.

Ayon sa kanilang panayam, maaasahan na magiging modelo sila sa mga Banquero na katulad din nilang minsan ay pinanghihina ng loob sa pagsasalita sa harap ng maraming tao na mas mapa-unlad pa ang kumpiyansa sa sarili.

Ang programang ito ay isang paraan lamang ng pagpapamalas ng pagkakaisa, panalo man o talo hinding-hindi mawawala ang mga puso na pinaglakip ng ating lahi. Sa likod ng programang ito ay ang matibay na samahan na nagkaisa upang mabuo ang pagdiriwang na ito. Tandaan na ang matagumpay na pagkakaisa ay nagsisimula sa sarili at wagi kung ito'y tunay.

𝐋𝐚𝐫𝐚𝐰𝐚𝐧 𝐧𝐢:
Naediel Marie Arcilla, Patnugot sa Pagkuha ng Larawan
Mary Nathalie Arcilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo

31/10/2024

Opisyal nang inumpisahan ng Pambansang Paaralang Sekundarya ng Banquerohan ang pagdiriwang ng 𝐔𝐧𝐢𝐭𝐞𝐝 𝐍𝐚𝐭𝐢𝐨𝐧𝐬 na may temang "𝑶𝒏𝒆 𝑪𝒐𝒎𝒎𝒐𝒏 𝑭𝒖𝒕𝒖𝒓𝒆, 𝑶𝒏𝒆 𝑪𝒐𝒎𝒎𝒐𝒏 𝑨𝒈𝒆𝒏𝒅𝒂" nitong nakaraang Lunes, ika-28 ng Oktubre sa pangunguna ng Araling Panlipunan Club.

Inumpisahan ito sa isang pambungad na mensahe ni Bb. Mikkee Llaneta, pangulo ng AP Club. Ayon sa kanya, "kahit marami man ang pagkakaiba-iba, mapalenggwahe, kultura, at pamumuhay, ang iisang adhikain ang nagiging dahilan ng pagkakaisa." Sinundan ito ng pagtaas ng mga watawat bilang pagpapakita ng suporta at pakikiisa sa bawat bansang kasapi sa UN.

Nagbigay rin ng mensahe ang punong-g**o, Danilo V. Llanera bilang pagsuporta sa pagdiriwang. Nagkaroon din ng pagpapakilala sa bawat kandidato o representante ng bawat bansa sa gaganaping 𝐀𝐦𝐛𝐚𝐬𝐬𝐚𝐝𝐨𝐫 𝐚𝐧𝐝 𝐀𝐦𝐛𝐚𝐬𝐬𝐚𝐝𝐫𝐞𝐬𝐬 𝐨𝐟 𝐆𝐨𝐨𝐝𝐰𝐢𝐥𝐥 2024.

Sinubok din ang kaalaman ng mga mag-aaral sa pamamagitan ng mga katanungang nagbabalik tanaw patungkol sa United Nations na pinangunahan ni Bb. Shiena Apuli. Sa huling bahagi ay nagbigay ng mga paalala at iba pang impormasyon ang tagapayo ng AP Club na si Bb. Jelene Daep kaugnay ng nasabing pagdiriwang.

Inaasahan ang iba pang kapana-panabik na kaganapan sa mga susunod na araw kung saan ito'y tiyak na mapupuno ng saya at mga bagong kaalaman.

𝐊𝐚𝐩𝐬𝐲𝐨𝐧 𝐧𝐢:
Kizha Nathalie Llaneta, Manunulat ng Balita
Mhia Arabella Loveranes, Punong Patnugot

𝐋𝐚𝐫𝐚𝐰𝐚𝐧 𝐧𝐢:
Cassandra Balines, Tagakuha ng Larawan
Kristel Basilla, Tagakuha ng Larawan
Althea Ellaine Botalon, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo

29/10/2024

𝑴𝒖𝒍𝒊𝒏𝒈 𝒎𝒂𝒈𝒍𝒂𝒍𝒂𝒚𝒂𝒈, 𝒎𝒖𝒍𝒊𝒏𝒈 𝒎𝒂𝒈𝒑𝒂𝒑𝒂𝒉𝒂𝒚𝒂𝒈.

Mula sa 𝐩𝐚𝐠-𝐚𝐬𝐚𝐧𝐠 inaalon ng panahon, muling maglalayag patungo sa 𝒎𝒂𝒑𝒂𝒏𝒂𝒈𝒖𝒕𝒂𝒏𝒈 𝒑𝒂𝒎𝒂𝒎𝒂𝒉𝒂𝒚𝒂𝒈 at 𝒎𝒂𝒌𝒂𝒕𝒂𝒓𝒖𝒏𝒈𝒂𝒏𝒈 𝒌𝒂𝒕𝒐𝒕𝒐𝒉𝒂𝒏𝒂𝒏. Buong puso at ikinagagalak na ipinakikilala ang lupon ng mga tagapagtaguyod ng katotohanan, ang manunulat at mamamahayag na bumubuo sa 𝐏𝐮𝐧𝐨𝐧𝐠 𝐏𝐚𝐭𝐧𝐮𝐠𝐮𝐭𝐚𝐧 𝐧𝐠 𝐀𝐧 𝐋𝐚𝐲𝐚𝐠, ang opisyal na pahayagan sa Filipino ng Pambansang Paaralang Sekundarya ng Banquerohan para sa taong panuruan 2024-2025. ⛵🌊

𝐏𝐔𝐍𝐎𝐍𝐆 𝐏𝐀𝐓𝐍𝐔𝐆𝐎𝐓:
Mhia Arabella B. Loveranes

𝐏𝐀𝐍𝐆𝐀𝐋𝐀𝐖𝐀𝐍𝐆 𝐏𝐔𝐍𝐎𝐍𝐆 𝐏𝐀𝐓𝐍𝐔𝐆𝐎𝐓:
Gie-Ann A. Atuli

𝐓𝐀𝐆𝐀𝐏𝐀𝐍𝐆𝐀𝐒𝐈𝐖𝐀𝐍𝐆 𝐏𝐀𝐓𝐍𝐔𝐆𝐎𝐓:
Joyce Mae O. Daria

𝐏𝐀𝐓𝐍𝐔𝐆𝐎𝐓 𝐒𝐀 𝐁𝐀𝐋𝐈𝐓𝐀:
Krystine V. Bellen

𝐏𝐀𝐓𝐍𝐔𝐆𝐎𝐓 𝐒𝐀 𝐄𝐃𝐈𝐓𝐎𝐑𝐘𝐀𝐋:
Jhannine Ll. Dagta

𝐏𝐀𝐓𝐍𝐔𝐆𝐎𝐓 𝐒𝐀 𝐋𝐀𝐓𝐇𝐀𝐋𝐀𝐈𝐍:
Maria Ysabella M. Cano

𝐏𝐀𝐓𝐍𝐔𝐆𝐎𝐓 𝐒𝐀 𝐏𝐀𝐆𝐋𝐀𝐋𝐀𝐑𝐀𝐖𝐀𝐍𝐆 𝐓𝐔𝐃𝐋𝐈𝐍𝐆:
Jerick James C. Bongos

𝐏𝐀𝐓𝐍𝐔𝐆𝐎𝐓 𝐒𝐀 𝐏𝐀𝐆-𝐔𝐋𝐎 𝐀𝐓 𝐏𝐀𝐆𝐒𝐈𝐏𝐈:
Scarlet Shane D. Sodsod

𝐏𝐀𝐓𝐍𝐔𝐆𝐎𝐓 𝐒𝐀 𝐁𝐀𝐋𝐈𝐓𝐀𝐍𝐆 𝐏𝐀𝐌𝐏𝐀𝐋𝐀𝐊𝐀𝐒𝐀𝐍:
Gie-Ann A. Atuli

𝐏𝐀𝐓𝐍𝐔𝐆𝐎𝐓 𝐒𝐀 𝐊𝐎𝐋𝐔𝐌:
Mhia Arabella B. Loveranes

𝐏𝐀𝐓𝐍𝐔𝐆𝐎𝐓 𝐒𝐀 𝐀𝐆𝐇𝐀𝐌 𝐀𝐓 𝐓𝐄𝐊𝐍𝐎𝐋𝐎𝐇𝐈𝐘𝐀:
Assel A. Abache

𝐏𝐀𝐓𝐍𝐔𝐆𝐎𝐓 𝐒𝐀 𝐏𝐀𝐆𝐊𝐔𝐇𝐀 𝐍𝐆 𝐋𝐀𝐑𝐀𝐖𝐀𝐍:
Naediel Marie M. Arcilla

𝑴𝒈𝒂 𝒎𝒂𝒏𝒖𝒏𝒖𝒍𝒂𝒕 𝒂𝒕 𝒌𝒐𝒏𝒕𝒓𝒊𝒃𝒖𝒕𝒐𝒓:

𝐁𝐀𝐋𝐈𝐓𝐀:
Joyce Mae O. Daria
Eliza L. Poche
Cristine A. Mirabel
Shayla M. Mariscotes
Fiona Mae B. Perdigon
Kizha Natalie A. Llaneta

𝐄𝐃𝐈𝐓𝐎𝐑𝐘𝐀𝐋:
Clarisse A. Rivero
Mark Dave C. Asiado
Xyriel Shane G. Millare
Cherry Ann M. Arango
Cristine Joy A. Del Ayre

𝐋𝐀𝐓𝐇𝐀𝐋𝐀𝐈𝐍:
Akhira Mae L. Palma
Riela M. Apin
Rachelle Loraine L. Tamang

𝐏𝐀𝐆𝐋𝐀𝐋𝐀𝐑𝐀𝐖𝐀𝐍𝐆 𝐓𝐔𝐃𝐋𝐈𝐍𝐆:
Moriel V. Aringo
James Zaque A. Loreto
Mary Joy A. Luzano
Kim L. Broñosa
Ronald A. Alcantara

𝐏𝐀𝐆-𝐔𝐔𝐋𝐎 𝐀𝐓 𝐏𝐀𝐆𝐒𝐈𝐏𝐈:
Bluessom L. Madrona
Xyhra Mae M. Aycardo
Jamille M. Marquez

𝐁𝐀𝐋𝐈𝐓𝐀𝐍𝐆 𝐏𝐀𝐌𝐏𝐀𝐋𝐀𝐊𝐀𝐒𝐀𝐍:
Rheanne M. Centeno
Christine Joy M. Datur
Margarett C. Asiado
Limuel A. Orolfo
Divine Grace S. Leron

𝐊𝐎𝐋𝐔𝐌:
Gemmiah Dhaine L. Trilles
Ashley Nicole A. Baldon
Erlyn A. Gandol
Kristine Angela A. Balmedina

𝐀𝐆𝐇𝐀𝐌 𝐀𝐓 𝐓𝐄𝐊𝐍𝐎𝐋𝐎𝐇𝐈𝐘𝐀:
Raffi A. Abache

𝐏𝐀𝐆𝐊𝐔𝐇𝐀 𝐍𝐆 𝐋𝐀𝐑𝐀𝐖𝐀𝐍:
Mary Nathalie M. Arcilla
Cassandra M. Balines
Althea Ellaine E. Botalon
Rahel Ariza R. Araña
Kristel A. Basilla

𝐑𝐀𝐃𝐈𝐎𝐁𝐑𝐎𝐀𝐃𝐂𝐀𝐒𝐓𝐈𝐍𝐆:
Mikkee A. Llaneta
Danica Mae A. Aycardo
Alexa Mae D. Froyalde
Reyhan Nash A. Mapa
Ruth L. Aringo
Dessa P. Bayna
Dane Christine T. Botalon
Danica D. Alba
Allynn A. Alvarado
Mark Joseph L. Armero

𝐓𝐄𝐊𝐍𝐈𝐊𝐀𝐋:
John Vhon F. N**o
Deniel M. Barbacano
Vincent O. Barbacano

𝐓𝐀𝐆𝐀-𝐀𝐍𝐘𝐎 𝐍𝐆 𝐏𝐀𝐇𝐈𝐍𝐀:
Julio Ceazar A. Loreto
Charmelle Jane B. Homo
Kathleen Joy A. Mirabel
Jannelle I. Alegre

𝐌𝐆𝐀 𝐓𝐀𝐆𝐀𝐏𝐀𝐘𝐎:
Graciel Anne A. Laguilles
Anjannette A. Amor

𝑴𝒂𝒈𝒍𝒂𝒍𝒂𝒚𝒂𝒈, 𝑴𝒂𝒈𝒑𝒂𝒑𝒂𝒉𝒂𝒚𝒂𝒈.⛵🌊

𝐊𝐚𝐩𝐬𝐢𝐲𝐨𝐧 𝐧𝐢:
Mhia Arabella B. Loveranes, Punong Patnugot

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Kathleen Mirabel
Charmelle Jane Homo

25/10/2024

𝐌𝐢𝐫𝐚𝐛𝐢𝐭𝐞, 𝐎𝐫𝐨𝐥𝐟𝐨 𝐤𝐚𝐦𝐩𝐞𝐨𝐧 𝐬𝐚 𝐌𝐞𝐧'𝐬 𝐁𝐚𝐝𝐦𝐢𝐧𝐭𝐨𝐧 𝐈𝐧𝐭𝐞𝐫-𝐒𝐜𝐡𝐨𝐨𝐥 𝐓𝐨𝐮𝐫𝐧𝐚𝐦𝐞𝐧𝐭'24
𝑩𝒂𝒍𝒊𝒕𝒂𝒏𝒈 𝑰𝒔𝒑𝒐𝒓𝒕𝒔 | Christine Joy Datur

Kalkuladong mga atake at nakahahangang teamwork ang ibinida ng tambalang Karl Mirabite at Limuel Orolfo ng Banquerohan National High School (BNHS) kontra sa koponan ng Gogon High School (GHS) na sina Jade Raña at John Gady Loria sa iskor na 21-12, 21-16, nang sungkitin nito ang kampeonato sa umaatikabong Men's Badminton Championship sa Inter-School Tournament na ginanap sa Divine Word College of Legazi, High Shool Campus, nitong ika-20 ng Oktubre 2024.

Gitgitang laban ang natunghayan sa unang set, ngunit pinatunayan ng koponan ng BNHS ang angking galing nang kanilang pagharian ang dalawang magkasunod na set na hindi nagawang ungusan ng GHS.

Kapit-tuko ang puntos ng dalawang koponan sa unang bahagi ng laro nang sumalansan ang BNHS ng nagliliparang clear shots na simamahan pa ng matataas na talon ni Orolfo, 6-6.

Nagpakawala naman ang GHS nang kade-kadenang smashes upang subuking masundot ang kalamanagan kontra BNHS sa pangunguna ni Raña, ngunit hindi ito sapat upang malusutan ang koponan, 10-7.

Kalkulado ng koponan ng BNHS ang kanilang mga hataw dahilan upang masilat ang unang set sa iskor na 21-12.

Bumandera ang tambalang Orolfo at Mirabite sa ikalawang bahagi ng sagupaan nang rumatsada ang huli nang mababangis na smashes kontra sa matitibay na blocks ng kalaban, 10-8.

Humataw pa ang dalawa nang kumana si Loria ng isang drop shot ngunit bigo pa rin na malamangan ang kabilang koponan sa iskor na 17-12, pabor sa BNHS.

Bumira para sa mga huling puntos ng laro ang tambalang Orolfo at Mirabite ng mga asintadong smashes upang maisara ang bakbakang BNHS kontra GHS sa iskor na, 21-16.

"Sa puon, ano medyo makakurab pero aram ko sa sadiri ko na kaya ko man makipagsabayan kaya habang nagakawat na kami, kung anong napagtrainingan mi, 'yun so mga tigagibo ko," ani Orolfo.

"Ako ay isang honor student, alam ko na mahirap pagsabayin ang pag-aaral at paglalaro pero 'pag gusto may paraan, 'pag ayaw maraming dahilan," saad ni Mirabite. "Dapat balance lang, think positive always, padayon lang," dagdag pa ng kampeon.

Patuloy pa rin ang kanilang pag-eensayo upang maging handa para sa mga haharapin pang bakbakan sa hinaharap.

𝐋𝐚𝐫𝐚𝐰𝐚𝐧 𝐧𝐢:
Cassandra Balines, Tagakuha ng Larawan
Rahel Ariza Araña, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo

15/10/2024

𝐁𝐑𝐀𝐕𝐄𝐒 𝐡𝐮𝐦𝐚𝐭𝐚𝐰 𝐬𝐚 𝐁𝐚𝐝𝐦𝐢𝐧𝐭𝐨𝐧 𝐈𝐧𝐭𝐞𝐫-𝐒𝐜𝐡𝐨𝐨𝐥 𝐓𝐨𝐮𝐫𝐧𝐚𝐦𝐞𝐧𝐭
𝑩𝒂𝒍𝒊𝒕𝒂𝒏𝒈 𝑰𝒔𝒑𝒐𝒓𝒕𝒔 | Christine Joy Datur

Bumida ang nakalilitong smashes at matibay na baseline defense ng tambalang Karl Mirabite at Limuel Orolfo ng Banquerohan National High School (BNHS) kontra James David Alamares at Jasper Rein Alfonso ng Bagumbayan East Washington National High School (BEWNHS) na nahirapang makaungos sa kanilang naging banggaan dahilan para tuluyang makapasok ang BNHS sa finals sa Men's Badminton Doubles, Inter-School Tournament, 23-25, 21-7, 21-9, na ginanap sa Gregorian Mall Legazpi, ika-12 ng Oktubre, 2024.

Umeksena agad sa unang set ang mga nakalulusaw na smashes ng tambalang Mirabite at Orolfo at nagawang lusutan ang agresibong blocks ng katunggaling koponan dahilan upang umabante sa laban, 10-4.

Bumawi ang BEWNHS kaya nagpakawala ng malalakas na opensa sina Orolfo at Mirabite upang mabawi ang kalamangan ngunit bigong makuha ang two-point lead nina Alamares at Alfonso hanggang sa maselyuhan ang unang set, 23-25.

Humataw sa ikalawang set ang mga pamatay na drops ni Orolfo na agad namang sinamahan ng maiilap na depensa ni Mirabite na siyang nagpaungos pa ng iskor sa dalawa, 12-2.

Nangibabaw muli ang mapanlinlang na taktika nina Mirabite at Orolfo matapos kumana ng smashes at masig**ong mailusot ang bawat tira upang manalo sa ikalawang set, 21-7.

Pumalo ang laban sa ikatlong set at agad na ibinuhos nina Mirabite at Orolfo ang kanilang buong lakas na nakatulong sa pagragasa ng puntos, 10-6.

Nakipaghampasan at muling nagpaulan ng maiinit na smashes ang dalawa upang maisara ang bakbakan at tuluyang maselyuhan ang panalo ng BNHS, 21-9.

"Magtiwala lang sa sarili at sa iyong kakampi. Ang pag-uusap namin sa loob ng court ay malaking bagay para makuha ang aming tagumpay, communication is the key," ani Mirabite.

Nakatakdang lumaban sina Mirabite at Orolfo sa papalapit na championship match ng Men's Badminton Doubles, Inter-School Tournament sa ika-19 ng Oktubre na gaganapin sa Gregorian Mall Legazpi.

𝐋𝐚𝐫𝐚𝐰𝐚𝐧 𝐧𝐢:
Naediel Marie Arcilla, Patnugot sa Pagkuha ng Larawan
Cassandra Balines, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Kathleen Mirabel

10/10/2024

𝐁𝐍𝐇𝐒 𝐬𝐢𝐧𝐢𝐥𝐚𝐭 𝐚𝐧𝐠 𝐆𝐨𝐠𝐨𝐧 𝐇𝐒 𝐬𝐚 𝐒𝐞𝐩𝐚𝐤 𝐓𝐚𝐤𝐫𝐚𝐰 𝐅𝐢𝐧𝐚𝐥𝐬
𝑩𝒂𝒍𝒊𝒕𝒂𝒏𝒈 𝑰𝒔𝒑𝒐𝒓𝒕𝒔 | Rheanne Centeno

Tinapos ng regu ng BNHS ang laban kontra Gogon High School (GHS) sa pamamagitan ng 4-1 set victory sa championship match ng Sepak Takraw Inter-School Tournament sa secondary girls category na ginanap sa Paaralang Elementarya ng Puro, ika-5 ng Oktubre, 2024.

Gitgitan ang tapatan ng dalawang koponan sa unang bahagi ng laban ngunit agad na nagpakitang-gilas si Saralyn Villegas, tekong ng BNHS, matapos rumatsada ng limang magkakasunod na service aces, 2-6.

Tinapatan din ni Quennie Nuyda ng BNHS ang mga headings ng kalaban na si Leira Menes na mas lalong nagdala ng tensyon sa laro. Nagtapos ang unang set pabor sa BNHS, 10-15.

Humagibis ang laro sa ikalawang set at nagkapalitan ng kalamangan ang dalawang koponan ngunit sa huli nakakuha ng momentum ang GHS at inangkin ang ikalawang set, 13-15.

Umarangkada at hindi na pinalampas ng BNHS ang pagkakataon sa ikatlong set. Nagsimula ang laban sa dikit na puntos ngunit unti-unting kinuha ng BNHS ang malaking kalamangan, mula 3-1 hanggang 14-5. Tuluyan nilang nakuha ang panalo sa ikatlong set,15-5.

Matindi ang naging bakbakan sa huling set, nagpatuloy ang palitan ng puntos sa pagitan ng dalawang koponan ngunit inungusan ng BNHS ang kalaban gamit ang malabulalakaw nitong mga sipa.

Umarangkada ang koponan mula 3-3 at kumamada ng magkakasunod na puntos, 7-3.

Nakahabol nang bahagya ang GHS, 14-9, ngunit hindi pa rin nila nalusutan ang matitinik na kalaban. Tuluyang sinelyuhan ng BNHS ang kampeonato, 15-10.

Magpapakitang gilas ang nanalong koponan sa darating na Zonal Meet kasama ang kanilang mahusay na coach, Gng. Marian Orolfo.

𝐋𝐚𝐫𝐚𝐰𝐚𝐧 𝐧𝐢:
Kristel Basilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo

08/10/2024

𝐁𝐍𝐇𝐒 𝐀𝐫𝐧𝐢𝐬 𝐓𝐞𝐚𝐦, 𝐧𝐚𝐠𝐛𝐮𝐥𝐬𝐚 𝐧𝐠 𝐭𝐚𝐭𝐥𝐨𝐧𝐠 𝐦𝐞𝐝𝐚𝐥𝐲𝐚 𝐬𝐚 𝐈𝐧𝐭𝐞𝐫-𝐒𝐜𝐡𝐨𝐨𝐥 𝐓𝐨𝐮𝐫𝐧𝐚𝐦𝐞𝐧𝐭
𝑩𝒂𝒍𝒊𝒕𝒂𝒏𝒈 𝑰𝒔𝒑𝒐𝒓𝒕𝒔 | Divine Grace Leron

Nasungkit ng mga manlalaro mula sa Pambansang Paaralang Sekundarya ng Banquerohan ang dalawang pilak at isang bronseng medalya sa ginanap na Arnis Inter-School Tournament nito lamang ika-5 ng Oktubre, 2024 sa Albay Central School.

Makalaglag-pangang tapang ang pinamalas ng mga babaeng manlalaro ng arnis sa kategoryang class A, B, C at D na sina Princess Puche, Jessa Mae Llaneta, Elloizza Reales, Lyka Mae Llaneta at April Lobos na naging resulta ng pagkakakamit ng tatlong medalya.

Naglalagablab na bagsik ang pinatunayan nila sa iba't ibang kategorya, parehong silver ang nasungkit nina Puche sa class A category, at si Llaneta naman sa class C category. Samantala, naiuwi naman ni Reales ang bronze sa class D category.

Abot-langit ang kanilang mga ngiti sa naging resulta ng kanilang laro. Ayon sa mga manlalaro, ipinagmamalaki nila ang bawat isa dahil lahat ng kanilang ginawang pagsisikap at mga sakripisyo ay nagkaroon ng magandang resulta. Nais din nilang paghusayin at hubogin pa ang kanilang kakayahan. "Sa tingin ko kailangan ko i-improve ang aking bilis at mga teknik," sambit ni Llaneta.

Pinasasalamatan nila ang kanilang coach na si G. Rommel Blacer sa pagtuturo at walang sawang suporta sa kanila. "Kung hindi dahil sa kaniya, hindi kami makakaabot dito," saad ni Puche.

Ani G. Blacer, bago ang laban kailangan magkaroon ng tiwala sa sarili at ayusin ang pag-uugali sa gitna ng laban. Kinakailangan din na mailabas nila ang kanilang napag-ensayuhan at galingan sa laro. "Matinding exercise, training, kailangan maintain tsaka disiplina" dagdag niya.

Aarangkada ang mga nagwagi sa darating na Zonal Meet at matinding paghahanda ang inaasahang gagawin ng mga manlalaro sa kanilang susunod na laban.

Ayon kay Llaneta, mag-eensayo pa nang mabuti at palalakasin pa nila ang kanilang pangangatawan nang sa gayon ay maging maganda at mahusay ang kanilang pagganap. Maglalaan din sila ng sapat na oras sa pagpapahinga.

𝐋𝐚𝐫𝐚𝐰𝐚𝐧 𝐧𝐢:
Althea Ellaine Botalon, Tagakuha ng Larawan
Margarett Asiado, Manunulat ng Balitang Pampalakasan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo

08/10/2024

𝐏𝐚𝐠𝐤𝐢𝐥𝐚𝐥𝐚 𝐬𝐚 𝐦𝐠𝐚 𝐁𝐚𝐲𝐚𝐧𝐢 𝐧𝐠 𝐏𝐚𝐚𝐫𝐚𝐥𝐚𝐧, 𝐀𝐫𝐚𝐰 𝐧𝐠 𝐦𝐠𝐚 𝐆𝐮𝐫𝐨 𝐧𝐚𝐠𝐢𝐧𝐠 𝐞𝐬𝐩𝐞𝐬𝐲𝐚𝐥 𝐚𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠
𝒏𝒊: 𝑺𝒉𝒂𝒚𝒍𝒂 𝑴. 𝑴𝒂𝒓𝒊𝒔𝒄𝒐𝒕𝒆𝒔

Ika- 2 ng Oktubre taong 2024 ay sama-samang ipinagdiwang ang Araw ng mga G**o na pinangunahan ng mga opisyal ng Supreme Secondary Learner Government (SSLG) na ginanap sa Pambansang Paaralang Sekundarya ng Banquerohan (BNHS).

Sinimulan ang selebrasyon sa isang enggrandeng pagsalubong sa mga g**o mula sa ika- 7 hanggang sa ika- 12 baitang. Sinundan ito ng isang paghataw ng zumba na pinangunahan ni G. Ronel Arana kasama ang mga piling mag-aaral . Ang lahat ay inanyayahang sumabay sa pag-indak saliw ng modernong tugtugin.

Sa pagpatuloy ng selebrasyon ay ibinida ng mga batang Banquero ang kanilang natatanging galing sa pagsayaw at pag-awit na iniaalay sa mga bayaning kanilang itinuturing sa loob ng paaralan. Nariyan ang grupo ng BRV Dancers, Musiko Banquero, Firemyxx Dancers, at mga mag-araal mula sa ika-8 baitang.

Naging sentro ng selebrasyon ang kapana-panabik na Teachers Got Talent tampok ang iba't ibang pakulo at talento mula sa mga g**o sa bawat baitang.

Nagsimula ang gawaing ito sa pagpapakilala sa mga hurado sa pangunguna ng SSLG Adviser na si Bb. Shiena Eloisa Apuli. Kabilang sa mga hurado si G. Ruben Abunda mula sa Cagbacong High School, SPTA President na si G. Allan Asaytuno, at si G. Arnold Reodique, na nagpakita ng kanilang pananabik na matunghayan ang talentong tatak Banquero.

Bumida ang mga g**o sa ika- 7 hanggang ika-12 baitang sa Teacher's Got Talent. Iba't ibang mga talento ang kanilang ipinamalas sa madla kagaya na lamang ng pagkanta, pagsayaw, pag-arte at iba pa.

Nagwagi ng ikatlong pwesto ang mga g**o mula sa ika- 9 na baitang samantalang nasungkit naman ng kinatawang g**o mula sa ika- 12 baitang ang ikalawang pwesto. Itinanghal namang kampeon ang grupo ng mga g**o mula sa ika- 8 baitang sa kakaibang talentong kanilang ibinida.

Sa huling bahagi ng programa ay nagbigay ng panapos na mensahe si Bb. Apuli. Nagpasalamat ito sa tulong at kooperasyon ng lahat lalo na sa mga opisyal ng SSLG sa pagiging matagumpay at espesyal ng pagdiriwang ng Araw ng mga G**o.

𝐋𝐚𝐫𝐚𝐰𝐚𝐧 𝐧𝐢:
Naediel Marie Arcilla, Patnugot sa Larawan
Mary Nathalie Arcilla, Tagakuha ng Larawan
Cassandra Balines, Tagakuha ng Larawan
Althea Ellaine Botalon, Tagakuha ng Larawan
Kristel Basilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Kathleen Mirabel
Charmelle Jane Homo

03/10/2024

𝐒𝐚𝐫𝐚𝐧𝐠𝐠𝐨𝐥𝐚: 𝐁𝐚𝐥𝐢𝐧𝐭𝐚𝐭𝐚𝐰 𝐧𝐠 𝐏𝐚𝐠𝐤𝐚𝐛𝐚𝐭𝐚
𝑳𝒂𝒕𝒉𝒂𝒍𝒂𝒊𝒏 | Riela M. Apin

Agaw-pansin ang mga laruan na palutang-lutang sa ere habang nakapusod ang tali nito sa kamay ng mga batang nakatingala sa mga ulap at abot-langit ang ngiti.

Sari-saring kulay, disenyo, at hugis ng saranggola ang ibinida ng mga mag-aaral na nasa ikapito at ikawalong baitang sa isinagawang kite flying para sa pagsisimula ng pagdiriwang ng Linggo ng Agham kamakailan sa Pambansang Paaralang Sekundarya ng Banquerohan.

Pangunahing layunin ng gawaing ito na muling mapukaw ang interes ng mga bata at magkaroon ng kawilihan sa pagpapalipad ng saranggola at matuto ng Agham sa paraang kasiya-siya.

Ang saranggola ay yari sa pinagtagpi-tagping plastik, karaniwang gamit ay manipis na patpat ng kawayan bilang balangkas at kung minsan naman ay sinapinan pa ng tela. Ito ay mas kilala sa tawag na 'buradol' sa bernakular na wikang Bikol.

Kapag ang hangin ay dumaan sa mga pakpak ng saranggola, depende sa anggulo nito, ay maaari itong lumikha ng pag-angat o paghila. Mas malaki ang ibabaw ng mga pakpak ng saranggola, mas malakas ang puwersang nalilikha nito. Ang puwersang ito ay nalilikha kapag may mababang presyon na nabubuo sa likod ng saranggola dahil sa hangin na tumatama sa mga pakpak nito.

Malaki man o maliit, tila ba hinihila ka papalapit sa kanila. Kaakit-akit panoorin ang pinagsamang mga hugis sa paggawa ng mga ito. Tamang-tama rin ang panahon at oras na inilaan para rito dahil napakataas ng lipad ng mga saranggola na tila ba singtayog ng mga pangarap ng bawat kabataang Banquero. Katulad ng pagtupad ng isang pangarap, diskarte at determinasyon ang naging puhunan ng mga kalahok sa pagpapalipad nito.

Hindi rin alintana sa kanila ang pagpapapansin ni haring araw, mainit at nakasisilaw. Nakakunot man ang mga noo, may kurba pa rin sa mga labi na nagpakita ng kanilang matatamis na ngiti. Tila nabuksang muli ang masaya at sariwang memorya ng kanilang pagkabata.

Makikita sa kanilang mga mukha ang tuwa habang ginagawa ito. Ang mga g**o at mag-aaral namang nasa mas mataas na baitang ay nasiyahan din at nagsisihiyawan sa panonood ng makukulay na saranggola, wari‘y iniisip ang mga panahon nang sila ay bata pa.

Tunay ngang napakasayang tingnan ng mga saranggola sa ere habang malalim ang iniisip, mapabata o matanda man ay makararamdam ng tuwa habang ito‘y pinapanood. Gaano man kalayo o kataas ang narating mo sa buhay mapahihinto ka pa rin sa ganito kagandang tanawin, tunay ngang walang pinipiling edad at estado ang kasiyahan.

Hindi lamang nadagdagan ang kaalaman dahil sa pagpapalipad ng saranggola, muli ring naranasan at napadpad sa masasayang ala-ala ng pagkabata.

𝐋𝐚𝐫𝐚𝐰𝐚𝐧 𝐧𝐢:
Naediel Marie Arcilla, Patnugot sa Pagkuha ng Larawan
Mary Nathalie Arcilla, Tagakuha ng Larawan
Althea Ellaine Botalon, Tagakuha ng Larawan
Cassandra Balines, Tagakuha ng Larawan
Kristel Basilla, Tagakuha ng Larawan

𝐏𝐚𝐠-𝐚𝐚𝐧𝐲𝐨 𝐧𝐢:
Julio Ceazar Loreto
Charmelle Jane Homo
Kathleen Mirabel