https://www.facebook.com/102881752701127/

Matang Lion

Home
Philippines
Legazpi
Matang Lion

News and Information

25/06/2024

Padagos nang sinayumahan Kan sangguniang panglalawigan Kan albay na aprobaran an nomramiento nin natividad krisnan bilang pamayo Kan provl assessors office. Sa regular session Kan junta probinsyal,si kinatawan Shiena Marie onrubia de la Cruz an nagbusol Kan kahagadan na ikonsiderar an nomramiento ni krisnan alagad nanindogan an mayoriya Kan junta na Dai ini oyonan sa pagsasabi na dapat mag agi sa tamang proceso mantang nagpaso na an 15 diyas na Plaso Para actuaran an nominasyon . Dahilan kaini mabalik naman sa step one si krisnan Para sa saiyang nomramiento.

25/06/2024

Naghahapot an sangguniang panglalawigan Kan albay kon ano an patrabaho sa penaranda park na sa ngunyan pigkudalan na. Sa regular session Kan junta probinsyal,sinabi ni kinatawan Melissa abadeza armedilla,pamayo Kan committee on tourism culture and arts na Dai lamang Siya nin informasyon manonongod sa Plano kon ano an gigibohon sa Parke,gurano an fundong gagaston kon rarangkahon an mga historical parts kaini asin iba pa. Sa ibong na lado,sinabi man ni kinatawan Dante arandia na puede nindang invitaran sa pagtiripon an mga representante hale sa oficina Kan provl administrator,provl planning and devt office,provl engg office,provl budget office provl tourism and cultural affairs office Para magtao nin informasyon kon ano an naisihan ninda sa proyekto. Mientrastanto,sinabi ni kinatawan Raul rosal na Kan panahon ni dating gobernador Noel rosal may nakatagamang 40 milyones pisos Para sa rehabilitasyon asin pagpagayon sa Parke.

04/03/2024

Local
Sarong kasunduan an napirmahan kasohapon entri Kan gobyerno probinsyal Kan albay asin dept of health sa katuyuhan na Mas mapakarhay an serbisyong pangsalud sa probinsya Lalo na sa mga harayong lugar. Sinabi ni doh undersecretary asin acting doh regl director Nestor santiago na dakulang tabang sa albay an sobra sa 343.5 Milyon pesos na fundo na ibababa Kan doh sa albay na magagamit sa implementasyon nin iba ibang programa sa saluD Para sa komunidad. Idinagdag pa niya na marhay man na an albay kasabay na sa universal health care program Kan gobyerno na Mas pakikinabangan Kan mga albayanos. Sa ibong na lado sobra an pasasalamat asin kaogmahan ni gobernador grex lagman sa doh sa pagsasabi na dakulang tabang ini sa probinsya. Sinabi niya na ngunyan na Semana maabot sa albay an doh assessment team tanganing reparohon kon anong gamit an kulang sa mga hospital.idinagdag pa ni lagman na dapat man mapakusog an kakayahan asin abilidad Kan mga tauhan Kan hospital Lalo na sa operasyon Kan mga modernong equipahes sa hospital. An kasunduan napirmahan ninda santiago asin lagman mantang presente man si brhmc chief Dr Eric raborar asin mga empleados Kan doh 5 asin pho.

04/03/2024

Formal na pinonan Kan bureau of fire protection an kick off program sa obserbasyon Kan fire prevention month ngunyan na bulan. Kasobagong aga nagkaigwa nin foot parade hale sa penaranda park pasiring sa bicol university college of engg gym kon saen duman nagkaigwa nin programa.so bfp regl director f/chief supt.ricardo perdigon an nangenot sa program na may temang sa pag iwas sa sunog hindi ka nag iisa.ini pinartisiparan Kan mga miembros Kan bfp,pnp,pcg,ocd bjmp asin iba pa mantang ipinarada man an mga assets Kan bfp siring sa firetruck rescue vehicle ambulances asin iba mantang nagsabay man an mga fire volunteers

15/02/2024

Dai ako natatakot asin handa Kong ampangon an reklamo kontra sako. Ini an matagas na paninindogan asin kasimbagan ni gobernador grex lagman matapos siyang Sangatan nin reklamo sa office of the ombudsman ni dating punong barangay alwin nimo Kan barangay anislag daraga albay dahilan sa alegadong pagresibe nin jueteng payola. Saiyang tinawan nin paliwanag na nongka siya nagresibe nin maski sarong sentimo hale sa jueteng dahilan ta illegal ini. Idinagdag pa ni lagman na siya naniniwala na an reklamo ni nimo may halong politika sa pagsasabi na may mga darakulang politiko an nasa likod kaini. Sinabi Kan gobernador na ini desinyo Kan mga poderosing politico sa albay na Punason sa serbisyo publioo an pamilya lagman na nongka mangyayari dahilan ta handa sindang makipaglaban Para sa interes Kan mga albayanos.

13/02/2024

Tinawan nin paliwanag ni legazpi city election officer atty.connie del Castillo na maagi pa sa proceso an aplikasyon Kan mga nagparehistro Para makapartisipar sa masunod na eleksyon
Saiyang sinabi na Dai man nangangahulugan na kon nagpalista na an sarong persona konsiderado na siyang botante sa rason na an aplikasyon maagi pa sa validasyon asin verifikasyon. Idinagdag pa ni del Castillo na kon may reklamo kontra sa nagparehistro pendiente an papel kaini alagad kon daing problema an aplikasyon madaling aaprobaran. Sa ibong na lado,nangapodan siya sa mga residentes Kan legazpi city na aprobitsaran an rehistrasyon tanganing makapartisipar sa proceso electoral sa masunod na taon.

13/02/2023

Sports...
Handa na an gobyerno probinsyal kan albay sa pag p**n kan go for gold intertown basketball tournament gov grex lagman Cup 2023 sa albay astro dome sa Feb 17. Sinabi ni rondon Ricafort, pamayo kan albay provl youth and sports devt office na 14 lgu an mapartisipar sa inter lgu category asin 23 na team sa 40 years old and above category. Enot na magkakaigwa nin foot parade an mga teams hale sa penaranda Park pasiring sa astro dome para sa opening program na pangengenotan mismo kan gobernador. 100,000 pisos an makukua kan kampeon asin 50,000 sa runner up mantang an tropeo espesyal dahilan ta gibo ini sa albay ceramics center sa tiwi, albay. Mapili man kan miss gov cup 2023. An pakawat madurar nin haros 2 bulan.

07/02/2023

Invalid and no legal basis. Ini an napapalaman sa committee report ni kinatawan abugada Melissa abadeza armedilla, pamayo kan committee on laws sa sangguniang panglalawigan kan albay may kinaaraman sa propuestong ordinansa kan sangguniang panglungsod kan legazpi na may kamawotan na tawan nin economic welfare benefits asin iba pang allowances an mga empleados kan gobyerno lokal na nagkakantidad nin 30, 000 pisos kada saro. Sakop kaini an 1 500 pisos na medical allowance kada semester, rice allowance asin iba pang beneficios. Sa regular session kan junta probinsyal kaso hapon, ipinaliwanag ni armedilla na sa pag aadal ninda kaiba an provl budget office nag luwas na daing ley na puedeng maging basehan para magtao kan siring na beneficios sa mga empleados kan gobyerno lokal kan ciudad. Ini pinaboran kan mayorjya kan mga miembros kan junta probinsyal.

10/01/2023

Tinawan nin asegurasyon ni gobernador Grex lagman kan albay na ipighahanda na kan gobyerno probinsyal an cheke para maka bayad na kan moroso sa konsumo nin kuryente an probinsya sa albay electric cooperative. Saiyang sinabi na an cheke na nagkakantjdad nin lampas sa un Milyon pisos posibling maibayad sa aleco sa masunod na semana. Idinagdag pa ni Lagman na ini gigibohon kan gobyerno probinsyal para maging halimbawa sa ibang local govt unit na may moroso man na dapat bayadan sa aleco tanganing makatabang sa pagbangon kan kooperatiba nin kuryente asin makabayad man sa mga utang kaini

09/01/2023

Bilang pasasalamat kan doh chd bicol nakatalaan na tawan nin honra an nagkapirang elehidong opisyales kan gobyerno.stakeholders.individuals asin media practitioners na katuwang ninda sa pagbalangibog kan saindang mga adbokasiya lalo na sa panahon kan pandemic kawsa kan covid 19. An honra itatao sa gigibohon na aktibidades sa marison Hotel sa legazpi city sa enero 13.2023. Mismong si doh Rd Ernie Vera asin iba pang opisyales kan doh 5 an matao kan honra sa mga recipientes kaini. Ini parte kan taunan na salud Bikolnon awards 2022.

08/01/2023

Abangan...

Address

Legazpi
4500

Website

facebook.com

Alerts

Be the first to know and let us send you an email when Matang Lion posts news and promotions. Your email address will not be used for any other purpose, and you can unsubscribe at any time.