GMB ( Guiuan Media Bureau )

Ini iton hulagway han padayon nga gin hihimo nga mga panimalay han Acted (INGO) ug NHA nga nahimumutang han Brgy. Cogon Guiuan Eastern Samar. Ini nga mga nasabi nga mga panimalay an mga benepisyaryo hini, amo adton aada ha mga danger zone han Guiuan ug na detirminar na han DSWD.

Mga nag papa abot nga guiuananon han ira gin trabahu-an han Kalahi Cash for Work han nakalabay nga Pebrero ug Marso nga sulod han 15 diyas nga cash for work an dako na iton hingalipay nga nakapag tikang na han payout han ira gin trabahuan, aada ha purlominos 3,900.00 ka pesos an ira makakarawat nga sweldo. Kun mahinumdoman han mga nakalabay nga bulan ug semana, an mga nag papa-abot hini nga ira cash for nga sweldo an damo na reklamo ug mga espekulasyon nga deri mga mahitungdanun, ug ngani halos tawagon nala an kalahi hin deri asya nga pag hingaran, dara han ira pag iliw han ira sweldo. Dara naman han pag paninguha han Municipal Mayor han Guiuan ug mga nag dudumara han Kalahi Program naka pag tikan naman an payout han mga benepesyaryo han nakalabay nga semana. Samtang an Brgy Cogon an nag pahigayon han ira payout, nga kundi-in gin kahimangraw hi Rochelyn Abulencia nga kumarawat han iya gin trabaho-an han cash for work han Kalahi, ug Sumala ha iya, ona niya nga pag gagahinan han iya gin karawat amo an pag bayad han iya mga naging otang, ug dara gihapon nga harani na iton ira kapatronan han Brgy Cogon, mag gagahin gihapon hiya para hini nga okasyon.