05/01/2025
GISUPAK sa Department of Health-Davao Region ang mga istorya nga nikaylap sa social media bahin sa usa ka misteryusong kagaw, gitawag og “human metapneumovirus (HMPV)” niabot na sa Pilipinas human nga wala pa maprobari ang outbreak sa China sayo ning semanaha.
Gisulti sa ahensiya sa panglangwas sa nasud nga kagahapon, Biyernes, Enero 3, 2025, nga wala pa masusi sa World Health Organization (WHO) ang impormasyon nga giangkon sa mga netizens ug uban pang news outlets gikan sa langyaw'ng kabaybayonan nga kasamtangang nakamugna og kataranta sa social media.
"Reliable sources currently do not support circulating posts on social media about an alleged international health concern. There is no confirmation from either the cited country or the World Health Organization (WHO),” sumala sa pahayag sa ahensiya sa panglawas.
“The Philippines through the Department of Health (DOH) is an active participant in the network of WHO Member States that follow the International Health Regulations (IHR). This established system is what gives reliable updates about international health concerns,” dugang pa niini.
Sumala sa DOH nga kasamtangan nilang gimonitor ang pagsulbong sa pagpangangkon sa online nga nakadagkot og kahadlok sa mga Pilipino, nga nagdasig kanila nga susihon ang kamatuoran.
“Philippine disease surveillance systems are in place and working. The DOH is actively verifying all information, and will keep the Filipino public updated. Please do not share questionable websites or online sources. Let us not spread misinformation and confusion," panawagan sa DOH.
Niadtong 2024, daghang mga foreign websites nagtaho nga ang HMPV, usa ka Ribonucleic acid (RNA) virus nga nalakip sa Pneumoviridae, Metapneumovirus genus mao ang “new epidemic” sa China, lima ka tuig human ang Covid-19 unang nadeparahan sa Wuhan, China.
Ang WHO ug ang kagamhanang Chinese wala pa magpagawas og opisyal nga health advisories o nideklara og state of emergency, bisan sa mga indikasyon nga ang maong respiratory infections nagkadaghan na sa China.
Sumala sa American Lung Association, ang (hMPV) mao ang nag-unang hinungdan sa acute respiratory infection. Giila kini niadtong 2001 sa mga scientists sa Netherlands.
Gitumbok sa US-based medical association nga ang kasagaran nga komon nga paagi nga ang hMPV motakod gikan sa tawo ngadto sa ilang tawo mao ang pinaagi sa "close contact" sa nataptan nga indibiduwal, nga mahitabo pinaagi sa pag-ubo ug pag-atsing o paggunit sa nataptan nga mga dulaan o doorknobs.
📷 | CTTO
Para himsog kanunay ang panglawas, mag:
Mapalit sa: Clinica De Alternativo Medicina & Wellness Center Inc. Gingoog
sa may Doña graciana st. Corner Adelfa st. duol sa Integrated Bus Terminal
via: Luis Ruiz | January 5, 2025
