01/01/2025
USA KA SAKOP SA SCAA GIPUSIL ATOL SA BAG-ONG TUIG DIDTO SA SOMINOT
Hustisya karon ang singgit sa pamilyang nahabilin human gipusil-patay ang usa ka sakop sa SCAA didto sa Sominot, Zamboanga del Sur.
Ang biktima giila nga si Bernado Ganar, taga Golictop, Midsalip, Zamboanga del Sur kinsa gipusil sa iyang kaila atol mismo sa pagsugat sa bag-ong tuig 2025.
Matod pa anaa kini sa grupo nga nag inom alang sa pag selebrar sa New Year apan misangpot kini sa panaglalis sa usa ka alyas Jason.
Kalit matod pa milanit ug pi***la ang responsable dayong pusil igo sa ulo sa biktima nga maoy mitsa sa wala damhang kamatayon niini.
Ang biktima usa kini sa mga security es**rt ni mayor Johnriel Melo sa lungsod sa Sominot.
Sa karon gipalawman na sa kapulisan ang imbistigasyon alang sa dugang impormasyon kun nganonh misangpot aa pagpamusil.
