PRESIDENTE MARCOS MOTAMBONG SA KADAUGAN SA MACTAN
TAN-AWA: Kompirmadi na nga motambong isip pinasudunggang dinapit sa Ika 503rd nga kasaulogan sa Kadaugan sa Mactan nga ipahigayon sa Liberty Shrine sa Barangay Mactan, Siyudad sa Lapulapu sa Abril 27, 2024 si Presidente Ferdinand "Bingbong" Marcos .
Ang Public Information Office sa Siyudad sa Lapulapu ang mipahibawo sa hingpit nga pagdawat ni Presidente Marcos sa pagdapit ni Mayor Junard "Ahong" Chan.
Motambong usab ang presidente sa Capsule Laying Ceremony sa Mactan Newtown. Expo nga mosunod sa kalihokan sa Kadaugan sa Mactan.
Ang Mactan Newtown Expo dunay kapasidad nga 2,500 diin maoy gitinguha nga venue sa ASEAN Summit sunod tuig.
Wala pa hinuoy kompirmasyon kun tambungan ba usab sa presidente ang groundbreaking ceremony sa multi-billion Skyway project ug ang labing unang socialized housing nga ubos sa programa sa Nasudnong Gobiyerno.
Dunay ipatuman nga lockdown kun dili na pasudlon ang mga sakop media bisan dunay accreditation kun molapas na oras nga gitagal sa venue nga tambungan sa presidente
#itvnewscebu
#pbbm
#pbbmkadaugansamactan
MGA PULIS SA LAPULAPU NGA OVERSTAYING SA ILANG PWESTO IBALHIN
TAN-AWA : Maoy plano sa Officer-In-Charge (OIC) sa Lapulapu City Police Office nga mopatuman og gagmay'ng lahugay sa mga pulis nga dugay na nadistino sa ilang pwesto o buhatan.
Si OIC City Director, Coronel Eli Baron miingon nga iyang ipasusi ang lima ka Police stations ug ubang Police Units sa LCPO kun kinsay mga opisyal ug dili opisyal nga dugay na sa ilang pwesto kay posible nga mabalhin kini sa laing station o ubang unit sa LCPO.
Apil nga posibleng ibalhin og pwesto ang mga opisyal nga sakop sa directorial staff sa LCPO headquarters apan timbangtibangon hinuon una kun dunay makasunod sa trabaho sa naghupot sa pwesto.
Giklaro hinuon ni Col. Baron nga mohangyo una siya sa Police Regional Office niini kay dili siya makapatuman sa lahugay isip usa lang ka OIC gawas kun siya na gyud ang mapilian ni Mayor Junard "Ahong" Chan nga maoy manahimong City Director .
Gipadayag ni Col. Baron nga demokrasya ang iyang oamaahi sa pagdumala sa Kapulisan o ikunsulta una niya sa iyang nga sakop unang mopagawas og desisyon may labot sa palisiya sa ilang buhatan.
Si Baron kasamtangang gipuli sa multi-awarded nga kanhi LCPO City Director , Coronel Elmer Lim.
#itvnewscebu
#overstayingibalhin
LIVE : 1st anniversary ug tree lightings sa The Reef Island resort sa Barangay Mactan, Siyudad sa Lapulapu.
Gitambungan kini ni Lapulapu City Lone District Representative, Congresswoman Cindi Chan ug ang kadagkuan ug mga kawani sa resort.
| CAL
#itvnewscebu
#1stanniversaryTheReefResort
NISAKA ANG KASO SA RAPE SA LAPULAPU
TAN-AWA : Taas ang pagsaka sa kaso sa pagpanglugos sa Siyudad sa Lapulapu gikan sa Abril hangtud sa Hunyo niining tuiga itande sa susamang mga buwan sa niaging tuig.
Ang Hepe sa Women and Children Protection Desk (WCPD) sa Lapulapu City Police Office, Capt. Rowena Peñaflor mibutyag nga niabot og napulo ka mga kaso sa pagpanglugos ang nidangoo sa iyang buhatan gikan sa Abril ug sa unang duha ka semana sa Hunyo samtang upat lang sa niaging tuig
Matud ni Peñaflor nga sagad sa mga biktima mga tinun-an nga mokuyog ug moapil of inum sa Ilang kaklase nga lalake. apan ubang suspek kabanay lang sa biktima.
Pulos na hinuon nailhan ang suspek sa kasong rape ug gipasakaan na og mga kaso .
Nunut niini, gihugtan sa Kapulisan sa Lapulapu ang kampanya arun malikay nga mabiktima sa pagpanglugos ang mga tinun-an ug ubang Kababayen-an ilabi na mga minor de edad
Nagbutang na og tarpaulin ang Kapulisan nga nagpahimangno sa Kababayen-an ilabi na mga tinun-an arun malikay nga mabiktima sa pagpanglugos.
#itvnewscebu
#LCPOkasosarape
BAG-ONG DRUG PERSONALITIES ANG MGA NADAKPAN NGA NISULOD SA LAPULAPU
TAN-AWA : Sagad sa nadakpan nga nahilambigit sa pagpamaligya sa ginadiling drugas nga naglihok sa Siyudad sa Lapulapu mga bag-ong drug personalities.
Ang Hepe sa City Drug Enforcement Unit (CDEU), Major Aibert Jay Samson miingon nga wala maapil sa listahan sa drug personalities sa Lapulapu ang ilang ulahing mga nadakpan nga nakuhaan og daghan bulto ug pakite sa shabu nga mobalor og minilyon ka pisos.
Matud ni Major Samson nga gikan sa mainland Cebu ang suplay sa shabu nga nasakmit sa Kapulisan sa Lapulapu apan dunay ubang mga dinakpan nga dunay kontak sulod sa prisohan .
Gisusi sa Kapulisan sa Lapulapu kun dunay koneksyon o susama ba og tinubdan sa ilegal nga drugas ang ilang mga dinakpan.
Gawas hinuon sa Lapulapu, sumala ni Major Samson nga naglihok usab sa negusyo sa ilegal nga drugas ang ilang pipila ka mga nadakpan sa ubang Siyudad sa Sugbo.
Nasayran nga ang ulahing nadakpan sa Kapulisan sa Lapulapu nakuhaan og shabu nga mobalor og kapin sa P3.7 milyones.
#itvnewscebu
MODOBLE ANG MOAPIL SA 3rd MOTORCYCLE SKILLS CHALLENGE SA MANDAUE
Gipasabot nga modoble ang gidaghanon sa mosalmot sa ikatulo nga Motorcycle Skills Challenge ipahigayon atbang sa PUJ ug Bus terminal sa Park mall sa Siyudad sa Mandaue ugmang adlawa.
Hiniusang gipasiugdahan ang kalihokan sa Mandaue City Police Office ug sa Mandaue City Police Advisory Council.
Si Deputy City Police Director, Lt. Col. Franc Rodulf Oriol miingon nga mas daghan ang mosalmot karung tuiga sa motorcycle skills challenge itande sa unang duha ka tuig tungod kay gidungagan ang ilang category nga apil na 150cc above diin ang niaging kompetisyon 400cc above category lang kun big bikes.
Matud ni Oriol nga ang tumong sa kalihokan mao ang pagkat-on og disiplina sa pagmaneho sa motorsiklo ang mga drayber sanglit dunay seminar ang itanyag sa partisrpante.
Ang Bise Presidente sa MCPO Advisory Council, Mesraem King miingon nga ang kita sa ilang kalihokan gamiton sa lainlaing nilang proyekto nga may labot sa pagpatunhay sa kalinaw ug kahusay sa Siyudad.
Ang Motorcycle Skills Challenge dili lumba sa paspas momaneho og moyorsiklo apan ang maayo momane-obra pagsikotsikot sa likuon nga agianan. (CAL)
#itvnewscebu
#MCPOmotorcycleskillschallenge
NO.1 MOST WANTED PERSON SA MANDAUE SIKOP
TAN-AWA : Nadakpan na kagahapon sa hapon ang numero uno sa listahan sa municipal level nga pinangita sa balaud sa Siyudad sa Mandaue nga nag-atubang sa kaso may labot sa ilegal nga drugas.
Ang gidakop pinasikad sa warrant of arrest nga nagtagotago sa Barangay Subangdako mao si Archie Garcia, 42 anyus nga molopyo sa Barangay Casili, Consolacion ug way trabaho.
Matud pa ni Deputy City Police Director, Lt. Col. Franc Rodulf Oriol nga ang mga sakop sa Mandaue City Police Station 2 nga gipangulohan sa deputy station Commander Capt. Jessie Tañola ang nitunol sa warrant of Arrest ngadto sa akusado nga wala hinuon magpakitag pagsukol o nisuway'g sibat.
Dugang ni Oriol nga way Armas ug ilegal nga mga butang nga nakuha gikan sa akusado.
Kasamtangang gitanggong ang akusado holding facility sa station 2 nga anaa sa Barangay Subangdako.
GIbutyag usab ni Lt. Col. Oriol nga laing upat ka ordinary wanted persons ang ilang nadakpan sa magkalahi nga lugar kagahapon.
Si City Police Director , Coronel Jeffrey Caballes ang nimando nga hingusgan ang pagpatuman sa karaan ug bag-ong warrant of arrest nga giluwatan sa korte arun maminusan ang kriminal nga nagtagotago sa Siyudad sa Mandaue.
#itvnewscebu
#mcpomostwanted
LABING UNANG MEDIA CENTER GITUKOD SA KAPULISAN SA LAPULAPU
TAN-AWA : Gitukod sa Kapulisan sa Siyudad sa Lapulapu ang Media Center alang sa mga tigbalita ug magsusuwat sa lainlaing media outlets sa Sugbo.
Si City Police Director, Coronel Elmer Lim miingon nga usa Kini sa iyang proyekto nga gisaad nga magtukod og media center sa dihang nilingkod isip mangulo sa Kapulisan sa Lapulapu niadtong Oktobre sa niaging tuig.
Matud ni Lim, ang tumong niini arun madali sa pagpagawas sa mga sakop sa media ang mga panghitabo, kalihokan ug kalamboan sa Kapulusan sa Lapulapu sanglit anaa gitukod ang media center sulod sa LCPO Headquarters diin ikauban ang mga sakop sa iyang Public Information Office.
Tinguha ni Col. Lim nga dunay transparency ang iyang pagdumala sa Lapulapu City Police Office arun mosalmot ang dakong pagsalig sa mga Oponganon ngadto sa mga pulis.
Way gasto ang gobiyerno sa pagtukod sa media center kay ang iyang asawa nga presidente sa ilang group of companies ang niabaga niini ug dunay ubang nga gustong motabang ilabi na sa mga gamit nga ginahanglan niini.
MGA PULIS NADISTINO SA OPISINA APIL SA PAGPATROLYA SA KADALANAN
TAN-AWA : Mga pulis sa Siyudad sa Lapulapu nga anaa magtrabaho sa opisina sa lainlaing Police Units sa ilang headquarters gipaapil na ni City Police Director , Coronel Elmer Lim sa pagpatrolya sa kadalanan ug sa mga establisamento.
Matud ni Col. Lim nga mogawas na sa ilang opisina ang mga admin personnel sa Lapulapu City Police Office headquarters tag duha ka oras sa buntag ug sa hapon arun apil sa pagbantay sa kadalanan.
Gipadayag ni Col..Lim nga iyang gihatag og prayoridad ang crime prevention program pinaagi sa pagpakatap og daghan mga pulis sa kadalanan.
Giklaro ni Col. Lim nga back up lang ang mga pulis sa opisina sa regular nga nadistino sa patrolling ug sa mga pulis sa police stations nga nag roving sa kadalanan ug nga establisamento nga daghan og mga tawo.
" Mas sayon ang crime prevention kay sa crime solution tungoy kay kun way krimen way kaso nga sulbaron ug way imbestigasyon ug kaso nga isang-at sa korte, " nagkanayon.
Subay niini, subling giawhag ni Col. Lim ang mga Oponganon nga mopahibawo gilayon sa labing duol nga buhatan sa Kapulisan kun dunay moabot nga kaduhaduhaan ang mga lihok arun mapugngan ang mga dautang plano niini.
#itvnewscebu
#lcpoAdmintopatrol
DERBY SA KAKA SA LAPULAPU GUDAKOP
TAN-AWA : Lima ka mga sugarol ang nadakpan sa Kapulisan sa Siyudad sa Lapulapu nga gipangulohan ni City Police Director, Coronel Elmer Lim nga apil sa derby sa kaka sa Barangay Basak.
Matud ni Col. Lim nga nakadawat sila'g taho nga niuso ang derby sa kaka sa Barangay Basak hinungdan ilang guhimoan og operations nga niresulta sa pagkasikop sa lima ka mga tawo apan daghan usab ang nakasibat.
Ang mga nadakpan mao kadto mismong niapil sa derby sa kaka ug ang referee . Suma look a ni Lim nga Karun lang sila makadakop og derby sa kaka kay sagad niini motumaw kun uso o tigdagsa sa mga kaka.
Mipahimangno si Col. Lim sa mga sugarol nga gihingusgan sa Kapulisan sa Lapulapu ang kampanya batuk sa ilegal nga sugal.
Gani, si Lim miingon nga 13 ka mga tawo ang ilang nadakpan sa upat ka operations sa niaging semana tungod sa pag-apil sa tigbakay .
#itvnewscebu
#lcpoderbysakaka
HUGOT NGA SEGURIDAD GIPATUMAN SA MACTAN AIRPORT NUNUT SA PAGDAGSA SA MGA TURISTA
TAN-AWA : Mas hugot nga seguridad ang gipatuman sa Mactan Cebu International Airport (MCIA) tungod sa pagdagsang pagbalik sa mga Lokal ug langyaw'ng turista sa Sugbo.
Ang bag-ong Hepe sa MCIA Police Station, Major Jerome Villegas miingon nga kanunay nga ilang gipatuman ang hugot nga seguridad arun malikayan ang krimen nga nahitabo sulod sa airport.
Nagbutang na sila og Police desk sa Arrival ug Departure areas lakip na sa parking area ug huwatan sa mga taxi.
Hinuon, matud ni Major Villegas nga way nadawat nga hulga sa seguridad sa airport ug dili mabalaka ang katawhan.
Dugang ni Major Villegas nga hugot ang ilang pakig-alayon sa lainlaing ahensya sa gobiyerno nga anaa sa airport.
Si Villegas maoy gipuli ni Major Marvin Bolic nga gidistino na sa Rehiyonal nga buhatan sa Aviation Security Unit (AVSEU-7)
#itvnewscebu
#chrisligan
#mciapolicestation
4-STOREY BUILDING SA LAPULAPU CITY HOSPITAL MAHUNAN SUNOD BUWAN
TAN-AWA: Gikatakdang masubhan na ang 4-storey building sa Lapulapu City Hospital nga dunay 200-bed capacity.
Gawas sa bag-ong edipisyo sa ospital, matud ni Mayor Junard "Ahong" Chan nga gi-uograde usab ang nga kahimanan niini diin modawat na og major operations.
Samtang 5th phase sa ospital arun nahingpit na ang tanang edipisyo mahuman sulod niining tuig diin mahimo nang gub-on arun labas na ang parking area.
Ubos sa level 1 hospital ang Lapulapu City Hospital apan gitinguha ni Mayor Chan nga mahimong level 2 hospital arun mas lapad ang serbisyo nga maghatag niini ngadto sa Oponganon.
Basi sa Department of Health (DOH) guidelines, ang Level 1 hospital kinahanglan nga dunay licensed nga operating room, recovery room, maternity facilities, isolation facilities, clinical laboratory, imaging facility, ug pharmacy.
Samtang ubos sa Level 2 hospital, dunay specialized departments sama sa intensive care units, respiratory therapy services, tertiary clinical laboratory, ug Level 2 imaging facility nga sangkap sa mobile X-ray equipment.
"Once ma open na ang atoang 4-story building nga hospital, naa na man, mo cater na man ta og mga major operation, naa na sab tay mga Lab equipment nga atong magamit," nagkanayon si Mayor Chan.
Sa samang kalamboan, gibutyag sa Mayor nga nanghatag og health cards si Kongresista Cindi Chan ngadto sa mga pobre arun libre ang ilang gasto sa ospital samtang kadtong kinahanglan nga ibalhin sa pribadong ospital gigahinan og pundo sa Kongresista.
#lapulapucityhospital
#chrisligan
#itvnewscebu
ANAK GILUGOS SA AMAHAN WALA NAY MAAYONG PANGISIP
TAN-AWA : Natrauma ug wala na maayong panghunahuna ang anak nga babaye nga gilugos sa makadaghang higayon sa iyang kaugalingon amahan nga nahitabo sa Barangay Poblacion, Siyudad sa Lapulapu.
Ang 44 anyus nga amahan nasikop sa Tracker Team sa Investigation and Detective Management Unit (IDMU) nga gipangulohan ni Lt. Col. Christian Torres human masundi niini ang bag-ong kapuyo.
Nag-atubang og tulo ka counts sa kasong pagpanglugos ang amahan nga natanggong na sa detention center sa Lapulapu City Police Office ug way piyansa nga girekomendar ang korte batuk niini.
Matud ni City Police Director, Coronel Elmer Lim nga nag-una nga Most Wanted Person sa Siyudad sa Lapulapu ang Amahan kinsa nagtagotago human mapasakai og mga kaso.
#itvnewscebu
#chrisligan
MANDAUE CITY POLICE OFFICE NAG-UNA SA PAGSULBAD SA KRIMEN TIBUOK CENTRAL VISAYAS
TAN-AWA : Nakuha sa Mandaue City Police Office (MCPO) nga gipangulohan ni City Police Director, P/Coronel Jeffrey Caballes ang titulo isip numero uno sa Crime Solution Effeciency kun pagsulbad sa krimen sa tibuok Central Visayas gikan sa Enero hangtud sa Abril niining tuiga.
Basi sa ilang records, sagad sa walo ka Focused Crimes sa Siyudad sa Mandaue nga naglakip sa murder, homicide, Rape, Physical Injuries, robbery, theft, carnapping sa motor vehicles ug motorcycles nasulbad na.
Gitumbok ni Col. Caballes ang kakugi, katakus ug pagtinabangay sa iyang mga sakop ang hinungdan nga nakuha nila ang kalampusan.
" I credited this remarkable result to the active, able and allied MCPO personnel that give justice to the victims of crimes, " nagkanayon si Col. Lim.
Dugang ni Col. Caballes, "Mandaue’s Finest does not settle for average, because we bring our best and give all that we had," .
Maoy tinguha ni Col. Caballes nga ang Siyudad sa Mandaue maoy labing luwas puy-an ug malinawon nga lugar sa Sugbo.
#itvnewscebu
#TeamMCPO
WUSHU PRESENTATION SA SOUTH KOREA GIHUGOPAN
TAN-AWA : Gitapuk-an sa mga tawo ang Wushu presentation sa Team Raptors sa South Korea nga guest contingent sa labing unang Sadsad sa Kadaugan nga gipahigayon sa Mactan Newtown sa Barangay Mactan, Siyudad sa Lapulapu.
Ang Sadsad sa Kadaugan tipik sa mga kalihokan sa 502nd Kadaugan sa Mactan.
Ang Team Raptors maoy nag-una sa napulo ka mga contingent sa Sadsad sa Kadalanan kun Street Dancing sa Sadsad sa Kadaugan.
Nipresentar usab kagabii sa Grand Showdown sa Sadsad sa Kadaugan nga gipahigayon sa Liberty Shrine sa Barangay Mactan.
Maoy tinguha sa mga Koreano nga moapil gihapon sa kalihokan sa Kadaugan sa Mactan sunod tuig.
#itvnewscebu
TAN-AWA : Grand Fireworks Display sa 502nd Kadaugan sa Mactan nga gipahigayon sa Liberty Shrine sa Barangay Mactan, Siyudad sa Lapulapu kagabii.
#itvnewscebu
PABILING ASF-FREE ANG LALAWIGAN SA BOHOL
TAN-AWA : Way bisan usa ka kaso sa African Swine Fever (ASF) nga makasulod sa Probinsya sa Bohol nga niigo sa daghang Probinsya apil na sa Sugbo.
Si Bohol Provincial Administrator Aster Caberte mibutyag sa MyTV Cebu nga hugot ang ilang pagpatuman sa mga balaud ug pagmonitor kada adlaw arun dili makasulod ang kaso sa ASF sa ilang Probinsya.
Matud ni Caberte nga dili nila pasudlon ang mga baboy ug karne nga gikan sa mga Probinsya nga dunay kaso sa ASF apil niini ang gikan sa Probinsya sa Sugbo.
Wala mabalaka si Caberte sa suplay sa ilang karne kay dunay kaugalingon nga suplay ang Bohol nga wala magsalig sa ubang probinsya.
Hinuon, mokompra sila og suplay sa lawug sa hayupan sa pipila ka mga lugar sa Mindanao nga way kaso sa ASF.
#itvnewscebu
ANDAM NA ANG TANAN SA 502th KADAUGAN SA MACTAN
TAN-AWA : Sayong sugdan ang reenactment sa 502th Kadaugan sa Mactan nga ipahigayon sa Liberty Shrine sa Barangay Mactan, Siyudad sa Lapulapu ugmang adlawa.
Si Mayor Junard "Ahong" Chan miingon nga nagpaabot nalang ang performers sa Kadaugan sa Mactan pagsugod sa kalihokan nga nahingpit na ang ilang pagbansaybansay alang sa reenactment.
Mopasundayag usab ang nga arnisador human sa reenactment.
Gihan-ay na usab ang Liberty Shrine arun hapsay ang dagan kalihokan ug gipahugtam ang seguridad.
Matud ni City Police Director , Coronel Elmer Lim nga daghan mga pulis ang ipakatap nga mogatag og seguridad sa Kadaugan sa Mactan.
Si Tourism Secretary Christina Frasco nga maoy pinasidunggang dinapit ug ang iyang mga under secretaries mikompirmar na nga motan-aw sa Kadaugan sa Mactan.
#itvnewscebu