98.5 i-FM Cauayan

Home
Philippines
Cauayan
98.5 i-FM Cauayan

Official Facebook account of 98.5 iFM Cauayan

Number One FM Station in Cauayan City as per 2021 Nielsen and KBP- Kantar Survey and the latest March 2022 KBP Kantar Survey.

03/07/2024

Tara, nature break! 🍃

📍 Simmacbot Mt.Province
📷 Bharon Arellano/Facebook

03/07/2024

𝒊𝑫𝑶𝑳, 𝒏𝒂𝒓𝒊𝒕𝒐 𝒏𝒂 𝒂𝒏𝒈 𝒂𝒕𝒊𝒏𝒈 𝑲𝒘𝒆𝒏𝑻𝒖𝒍𝒂 𝒏𝒈𝒂𝒚𝒐𝒏𝒈 𝒂𝒓𝒂𝒘.

03/07/2024

𝐒𝐚 𝐏𝐚𝐠𝐦𝐚𝐦𝐚𝐡𝐚𝐥, 𝐤𝐚𝐲𝐚 𝐦𝐨 𝐛𝐚𝐧𝐠 𝐤𝐨𝐧𝐭𝐫𝐨𝐥𝐢𝐧 𝐨 𝐩𝐢𝐠𝐢𝐥𝐚𝐧 𝐚𝐧𝐠 𝐢𝐲𝐨𝐧𝐠 𝐧𝐚𝐫𝐚𝐫𝐚𝐦𝐝𝐚𝐦𝐚𝐧?

03/07/2024

𝗥𝗢𝗫𝗔𝗦 𝗣𝗦, 𝗠𝗨𝗟𝗜𝗡𝗚 𝗞𝗜𝗡𝗜𝗟𝗔𝗟𝗔 𝗕𝗜𝗟𝗔𝗡𝗚 𝗕𝗘𝗦𝗧 𝗠𝗨𝗡𝗜𝗖𝗜𝗣𝗔𝗟 𝗣𝗢𝗟𝗜𝗖𝗘 𝗦𝗧𝗔𝗧𝗜𝗢𝗡

CAUAYAN CITY- Muling itinanghal bilang Best Municipal Police Station ang Roxas Police Station sa buwan ng Hunyo.

Nakuha ng Roxas Police Station ang Highest Rating in the Operational Accomplishments na nakapagtala ng 35.92 points at Highest Number of Accomplishments mula ika-21 hanggang ika-25 ng Hunyo sa isinagawang Simultaneous Anti-Criminality and Law Enforcement Operation (SACLEO) sa Class B Police Station Category.

Samantala, binigyang pugay naman ang pamunuan ng Roxas Police Station sa pangunguna ni PMaj Ardee Tion sa kanilang dedikasyon at malaking konstribusyon sa pagsugpo ng mga kriminalidad.

03/07/2024

𝗛𝗜𝗚𝗜𝗧 𝗣𝟭𝟬𝟬-𝗠𝗜𝗟𝗬𝗢𝗡 𝗣𝗥𝗘𝗠𝗬𝗢 𝗡𝗚 𝟲/𝟰𝟵, 𝗪𝗔𝗟𝗔𝗡𝗚 𝗡𝗔𝗞𝗔𝗞𝗨𝗛𝗔

Walang maswerteng nakapag-uwi ng Php 101,347,894.00 na jackpot ng Super Lotto 6/49.

Ang lumabas na bola mula sa ginanap na draw kagabi ay 10-49-14-04-39-06.

Samantala, ang jackpot naman ng Ultra Lotto 6/58 ay Php 49,500,000.00 at ang lumabas naman na winning combination ay 04-33-58-06-38-32.

Kaugnay nito, dahil wala pa ring nakkakasungkit sa jackpot prizes ng lotto, inaasahang mas tatas pa ito sa mga susunod na araw.

03/07/2024

RMN NETWORK NEWS - 07/03/2024- 12:00 NN

Huwag magpahuli sa mga bago at maiinit na mga balita. Narito na ang 40-minutong RMN Network News, kasama sina Drew San Fernando at Radyoman Elmar Acol

Youtube: https://rb.gy/o4enz
Tiktok: https://rb.gy/7wsxs7

03/07/2024

𝗠𝗘𝗡𝗧𝗔𝗟 𝗛𝗘𝗔𝗟𝗧𝗛 𝗣𝗥𝗢𝗕𝗟𝗘𝗠𝗦, 𝗧𝗜𝗡𝗨𝗧𝗨𝗧𝗨𝗞𝗔𝗡 𝗡𝗚 𝗗𝗢𝗛 𝗥𝟬𝟮

CAUAYAN CITY - Isa sa pangunahing tinututukan ngayon ng Department of Health Region 02 ay ang pagbibigay ng tulong para sa mga taong dumaranas ng mental health problems.

Ayon kay Regional Director Amelita Macliing Pangilinan ng DOH, upang matugunan ang mental health issues ay nagbibigay ang kanilang ahensya ng Human Resource for Health (HRH) sa mga RHUs sa buong rehiyon, at trainings sa mental health psychosocial, at stress debriefing.

Bukod dito, nagbibigay rin aniya sila ng tulong para sa mga taong walang kakayahang lumapit upang magpatingin sa Psychiatrist.

Kabilang na dito ang pamamahagi ng libreng antipsychotic drugs para sa mga pasyenteng dumaranas ng psychosis.

Sinabi pa ni RD Pangilinan na kabilang pa sa kanilang tinututukan ay ang kaso ng pagpapakamatay lalo na sa mga kabataan.

Kabilang sa kanilang ginawang interbensyon ay ang pagbibigay ng training sa mga health workers na maidedeploy sa mga paaralan upang magbigay ng mental health counseling sa pamamagitan ng Ugnayan organizations and mobilization of regular mental health programs in school.

Maliban pa dito, malugod din nitong ibinalita na ang Cagayan Valley Medical Center ay malapit nang magkaroon ng Health Science Department na mayroon ding Department of Psychiatry.

03/07/2024

𝗗𝗢𝗟𝗘-𝗧𝗨𝗣𝗔𝗗, 𝗡𝗔𝗠𝗔𝗛𝗔𝗚𝗜 𝗡𝗚 𝗣𝟭𝟵-𝗠𝗜𝗟𝗬𝗢𝗡𝗚 𝗣𝗔𝗦𝗔𝗛𝗢𝗗 𝗦𝗔 𝗠𝗚𝗔 𝗕𝗘𝗡𝗜𝗣𝗘𝗦𝗬𝗔𝗥𝗬𝗢

Cauayan City - Natanggap na ng mga benipesyaryo mula sa Cagayan ang kanilang sahod sa TUPAD mula sa Department of Labor and Employment.

Umabot sa P19,949,250 ang kabuuang halaga ng naipamahaging sahod sa 4,286 na mga indibidwal.

Kabilang sa mga benipesyaryo ay mula sa bayan ng Aparri, Buguey, Camalaniugan, Sta. Ana, Sta. Teresita, Gonzaga, Sta. Praxedes, Claveria, Allacapan, Alcala, Sto. Niño, Rizal, at Baggao, Cagayan.

Ang natanggap na sahod ng mga ito ay kapalit ng kanilang sampung araw na paglilinis at pag-aayos sa mga pampublikong pasilidad sa kani-kanilang mga barangay.

Samantala, ayon kay DOLE Regional Director Jesus Elpidio Atal Jr., na tuloy-tuloy ang ibibigay nilang suporta at tulong sa mga mamamayan na nangangailangan.

03/07/2024

𝗜𝗦𝗢𝗟𝗔𝗧𝗘𝗗 𝗥𝗔𝗜𝗡 𝗦𝗛𝗢𝗪𝗘𝗥𝗦, 𝗔𝗦𝗔𝗛𝗔𝗡 𝗡𝗚𝗔𝗬𝗢𝗡𝗚 𝗔𝗥𝗔𝗪 𝗗𝗔𝗛𝗜𝗟 𝗦𝗔 𝗘𝗔𝗦𝗧𝗘𝗥𝗟𝗜𝗘𝗦

CAUAYAN CITY- Makakaranas ngayong araw ng mga kalat-kalat na mahihina hanggang malalakas na pag-ulan ang ilang lugar sa Probinsya ng Isabela.

Ito ay dahil pa rin sa presensya ng Easterlies, o mainit na hanging nag mumula sa dagat pasipiko at ng Intertropical convergence zone o itcz.

Ayon sa forecast ng PAGASA, posibleng sa mga susunod na araw ay hihina na rin ang ITCZ kaya naman hindi na rin ito gaanong makakaapekto sa ating bansa.

Dagdag pa, wala ring minomonitor na namumuong LPA ang PAGASA at inaasahan na walang mabubuo sa susunod na dalawa hanggang tatlong araw.

Gayunman, hindi pa rin inaalis ng PAGASA ang posibilidad na may dalawa hanggang tatlong bagyo ang mabuo at pumasok sa PAR ngayong Hulyo.

03/07/2024

𝗔𝗥𝗠𝗬 𝗥𝗘𝗖𝗥𝗨𝗜𝗧𝗠𝗘𝗡𝗧 𝗡𝗔 𝗪𝗔𝗟𝗔𝗡𝗚 𝗔𝗚𝗘 𝗟𝗜𝗠𝗜𝗧, 𝗙𝗔𝗞𝗘 𝗡𝗘𝗪𝗦 𝗔𝗬𝗢𝗡 𝗦𝗔 𝗣𝗛𝗜𝗟. 𝗔𝗥𝗠𝗬

CAUAYAN CITY -Pinabulaanan ng Philippine Army ang kumakalat ngayon sa social media na mass army recruitment na wala umanong age limit.

Sa pamamagitan ng isang facebook post, nilinaw ng sandatahang lakas na walang katotohanan ang kumakalat ngayon na online application at maituturing itong scam.

Mahigpit ding ipinapaalala sa publiko na isa lamang ang ginagamit na website ng Philippine Army at doon lamang umano sila tumatanggap ng aplikasyon sa mga nagnanais na maging sundalo.

Mariing ipinabatid ng ahensya na hindi sila tumatanggap ng bayad mula sa mga aplikante at aspiring soldier.

Sa fake post, nakasaad dito na maaari umanong mag-apply ang mga K12 graduates, no age limit, at nag-aalok pa ng P42,000 na buwanang sahod.

Pinapaalalahan ang publiko na maging mapanuri sa mga nakikita online dahil karamihan sa mga ito ay walang katotohanan at mas mabuti na lamang na sumangguni sa kinauukulan upang malinawan.

03/07/2024

𝗥𝗘𝗜𝗡𝗔 𝗠𝗘𝗥𝗖𝗘𝗗𝗘𝗦 𝗣𝗦, 𝗡𝗔𝗚𝗕𝗜𝗚𝗔𝗬 𝗣𝗔𝗔𝗟𝗔𝗟𝗔 𝗦𝗔 𝗠𝗚𝗔 𝗠𝗢𝗧𝗢𝗥𝗜𝗦𝗧𝗔

Cauayan City - Muling pinaalalahanan ng Reina Mercedes - Police Station ang mga motorista kaugnay sa pagiging responsable at maingat sa pagmamaneho sa kalsada.

Sa eksklusibong panayam ng iFM News Team kay Police Major Charles Cariño, hepe ng Reina Mercedes - Police Station, isa ang vehicular accidents sa mga insidenteng madalas na maitala sa kanilang nasasakupan.

Hinggil dito, upang maiwasan ang mga aksidenteng naitatala, ang hanay ng Reina Mercedes - Police Station ay nag sasagawa ng kabi-kabilaang intervention programs.

Sinabi ni Police Major Cariño, hindi talaga kayang kontrolin ng kapulisan ang mga aksidente, kaya naman nagsasagawa sila ng Information Dissemination, Mobile, at Foot Patrol upang mabawasan ang aksidente sa naturang bayan.

03/07/2024

PANAWAGAN

Tinatawagan ng pansin si Ginoong Marcelo Alvaro Hermogela ng Cabatuan, Isabela.

Napulot po ni G. Alfredo Jimenez sa Brgy. District 1, San Manuel, Isabela ang inyong mga ID.

Kung sino man ang nakakakilala kay Alvaro ay maanong pakisabihan na maari nitong kunin kay G. Alfredo Jimenez sa waiting shed sa tapat ng ISELCO sa Brgy. District 1, San Manuel, Isabela.

📷iFM News

03/07/2024

𝗣𝗔𝗡𝗜𝗕𝗔𝗚𝗢𝗡𝗚 𝗧𝗔𝗔𝗦-𝗦𝗔𝗛𝗢𝗗, 𝗣𝗜𝗡𝗔𝗚-𝗔𝗔𝗥𝗔𝗟𝗔𝗡

CAUAYAN CITY - Pinag-aaralan ngayon ng Senado ang pagdaragdag ng buwanang sahod ng mga manggagawa sa bansa.

Ayon kay Senate Pres. Chiz Escudero, ang P35 na additional sa minimum wage ay kulang na kulang lalo na sa panahon ngayon na mataas ang inflation rate.

Aniya, malayong matugunan nito ang pangangailangan ng bawat Pilipino.

Sinita rin nito ang ahensya na humahawak sa desisyon ng pag-iimplementa ng taas-sahod dahil umano sa hindi makatotohanan na pagtulong ng mga ito sa mga manggagawa.

Inihayag naman ng Senador na nagpasa ang Senado ng panukalang batas para sa P100 across-the-board na dagdag-sahod ngunit inamin din nito na hindi pa rin iyon sapat para sa isang disenteng pamumuhay at para maitaguyod ang pang araw-araw na pangangailangan.

03/07/2024

IDOL, tara na mag kaalaman na ulit with DJ Rico para sa Anything sa Morning!

BODY CLOCK PROBLEM: Paano aayusin?

03/07/2024

𝗔𝗖𝗖𝗘𝗦𝗦 𝗥𝗢𝗔𝗗 𝗣𝗥𝗢𝗝𝗘𝗖𝗧 𝗦𝗔 𝗖𝗔𝗕𝗔𝗧𝗨𝗔𝗡, 𝗠𝗔𝗟𝗔𝗣𝗜𝗧 𝗡𝗚 𝗠𝗔𝗧𝗔𝗣𝗢𝗦

CAUAYA CITY - Kasalukuyang nasa 84.2% na ang natapos ng DPWH - Isabela, 3rd District Engineering Office sa access road project para sa Magat River Irrigation System, A2a12 Service Road na matatagpuan sa Barangay Luzon, Cabatuan, Isabela.

Ipinatupad ang nasabing proyekto sa ilalim ng programang KATUBIGAN (KAlsada TUngo sa PatuBIGAn) na may layuning mapabuti ang transportasyon lalo na sa mga nag-aangkat ng produktong pang-agrikultura.

Bukod dito, mapapadali na rin ang pag-access ng mga mamamayan ng tubig sa buong komunidad.

Nasa P26 million ang inilaan para dito sa ilalim ng 2024 General Appropriations Act (GAA).

03/07/2024

𝗣𝟱𝗠, 𝗜𝗡𝗜𝗟𝗔𝗔𝗡 𝗦𝗔 𝗞𝗢𝗡𝗦𝗧𝗥𝗨𝗞𝗦𝗬𝗢𝗡 𝗡𝗚 𝗠𝗨𝗟𝗧𝗜-𝗣𝗨𝗥𝗣𝗢𝗦𝗘 𝗛𝗔𝗟𝗟 𝗦𝗔 𝗟𝗔𝗕𝗜𝗡𝗔𝗕

CAUAYAN CITY- Kasalukuyan ang konstruksyon ng limang milyong pisong halaga na Multi-Purpose Hall sa Brgy. Labinab, lungsod ng Cauayan.

Sa panayam ng IFM News Team kay Punong Barangay Juanito Estrada, sinimulan ang konstruksyon noong nakaraang buwan ng Hunyo, at aabutin ito ng apat na buwan bago matapos.

Aniya, ang nasabing proyekto ay kanyang hiniling kay Congressman Faustino "Inno" Dy, na sya namang pinondohan ng limang milyo piso.

Dagdag pa niya, ang ipapatayong multi-purpose hall ay may dalawang palapag, kung saan ang nasa ibaba ay gagawing opisina ng Sangguniang Kabataan, habang evacuation center naman sa ikalawang palapag.

Ang proyektong ito ay bahagi ng kanilang paghahanda para sa paparating na tag-ulan o sa anumang kalamidad.

02/07/2024

𝗣𝗨𝗟𝗦𝗢 𝗡𝗚 𝗠𝗔𝗦𝗔: SANG-AYON BA KAYO SA SINABI NG DSWD NA LABAG SA BATAS ANG PAGDARAOS NG BEAUTY PAGEANT PARA SA MGA BATA?

02/07/2024

RMN NETWORK NEWS - 07/03/2024- 7:00 AM

Huwag magpahuli sa mga bago at maiinit na mga balita. Narito na ang 40-minutong RMN Network News, kasama sina Radyoman Aljo Bendijo at Zhander Cayabyab

02/07/2024

Ayus lang kung wala kang pera, ang mahalaga sanay ka na! 😅 Huwag magpaka stress idol, dahil handa ka na si iDOL Phina Pantasya na samahan ka sa kapehan, kwentuhan, sa balita at tugtugan all in tayo diyan sa "i" sa Umaga.

02/07/2024

Kaway-kaway sa mga hinahabol sa panaginip.
Sana all lods hinahabol! 😅

02/07/2024

𝗣𝟰-𝗠𝗜𝗟𝗬𝗢𝗡 𝗛𝗔𝗟𝗔𝗚𝗔 𝗡𝗚 𝗧𝗨𝗟𝗢𝗡𝗚, 𝗜𝗣𝗜𝗡𝗔𝗚𝗞𝗔𝗟𝗢𝗢𝗕 𝗦𝗔 𝗙𝗢𝗥𝗠𝗘𝗥 𝗥𝗘𝗕𝗘𝗟𝗦 𝗦𝗔 𝗦𝗔𝗡 𝗠𝗔𝗥𝗜𝗔𝗡𝗢

CAUAYAN CITY - Umaabot sa nasa P4 milyon ang ipinagkaloob ng Department of Labor and Employment sa nasa 200 former rebels na sumuko sa bayan ng San Mariano, Isabela.

02/07/2024

𝗜𝗠𝗣𝗟𝗘𝗠𝗘𝗡𝗧𝗔𝗦𝗬𝗢𝗡 𝗡𝗚 𝗣𝗥𝗢𝗝𝗘𝗖𝗧 𝗟𝗔𝗪𝗔 𝗔𝗧 𝗕𝗜𝗡𝗛𝗜 𝗦𝗔 𝟲 𝗟𝗚𝗨'𝘀 𝗦𝗔 𝗜𝗦𝗔𝗕𝗘𝗟𝗔, 𝗡𝗔𝗧𝗔𝗣𝗢𝗦 𝗡𝗔

Cauayan City - Pormal nang nagtapos ang dalawampung-araw na implementasyon ng Project Lawa at Binhi sa anim na bayan sa lalawigan ng Isabela.

Ang programang ito ay sa ilalim ng Risk Resiliency Program ng DSWD Field Office 2, kung saan kabilang sa mga bayan mula sa Isabela na nakatangap ng benipisyo ay ang bayan ng Burgos, Palanan, Delfin Albano, San Mariano, Echague, at Ilagan City.

Umabot naman sa P30,945,600 ang halaga ng naipamahaging cash assistance sa 3,684 na partner-benificiaries na sumailalim sa Cash-For-Work/Training sa paggawa ng imbakan ng tubig, small farm reservoir, at communal garden.

Samantala, tiniyak naman ng mga benipisyaryo na ipagpapatuloy nila ang proyektong nasimulan kahit tapos na ang programa, upang may mapagkunan sila ng kanilang magagamit sa pang araw-araw na gastusin.

Matatandaang ang programang ito ay isinagawa matapos ang naging direktiba ni DSWD Secretary Rex Gatchalian.

02/07/2024

𝗜𝗦𝗔𝗡𝗚 𝗗𝗥𝗔𝗬𝗕𝗘𝗥 𝗦𝗔 𝗦𝗢𝗨𝗧𝗛 𝗞𝗢𝗥𝗘𝗔, 𝗡𝗔𝗛𝗔𝗛𝗔𝗥𝗔𝗣 𝗦𝗔 𝗛𝗢𝗠𝗜𝗖𝗜𝗗𝗘 𝗜𝗡𝗩𝗘𝗦𝗧𝗜𝗚𝗔𝗧𝗜𝗢𝗡

CAUAYAN CITY - Nahaharap sa homicide investigation ang isang driver sa South Korea matapos masangkot sa isang intersection accident sa capital ng South Korea.

Ayon sa driver, hindi nito inaasahang bibilis ang takbo ng kanyang sasakyan, dahilan ng pagsalpok nito sa dalawa pang sasakyan.

Nagresulta ang aksidente sa pagkakamatay ng siyam na katao, habang anim ang sugatan, kabilang ang naturang driver.

Sa ulat ng kapulisan ng nasabing bansa, wala umano sa impluwensiya ng alak o droga ang driver.

Dagdag pa nito, ipapadala sa forensic agency ang sasakyan para sa imbestigasyon.

02/07/2024

𝟮𝟭𝟲 𝗙𝗥𝗘𝗘 𝗣𝗔𝗧𝗘𝗡𝗧 𝗧𝗜𝗧𝗟𝗘𝗦, 𝗜𝗣𝗜𝗡𝗔𝗠𝗔𝗛𝗔𝗚𝗜 𝗦𝗔 𝗡𝗨𝗘𝗩𝗔 𝗩𝗜𝗭𝗖𝗔𝗬𝗔

CAUAYAN CITY - Pinarangalan ng DENR Region 2 ang mga mamamayan ng Nueva Vizcaya ng 216 Free Patent Titles bilang parte ng pagdiriwang ng Environment Month at kanilang 37th Anniversary.

Bukod dito iginawad din ng DENR ang mga programa at serbisyo katulad ng One Stop shops, photo booths, product exhibits, at iba pa.

Ang nasabing aktibidad ay dinaluhan ni DENR regional Director Gwendolyn Bambalan at hinikayat ang mga Novo Vizcayanos na damihan pa ang pagtatanim ng mga puno upang makabawas sa epekto ng Climate Change.

Naging matagumpay ang pagtatapos ng aktibidad sa tulong ng Land Registration Authority, Philippine National Police, Provincial Local Government Unit ng Nueva Vizcaya at ng iba pang ahensya.

02/07/2024

𝟭𝟴-𝗔𝗡𝗬𝗢𝗦 𝗡𝗔 𝗟𝗔𝗟𝗔𝗞𝗜, 𝗧𝗜𝗠𝗕𝗢𝗚 𝗦𝗔 𝗞𝗔𝗦𝗢𝗡𝗚 𝗣𝗔𝗡𝗚𝗚𝗔𝗚𝗔𝗛𝗔𝗦𝗔

Cauayan City - Hindi na makapag-tatago pa sa batas ang isang labing-walong taong gulang na lalaki matapos itong maaresto ng mga awtoridad sa Brgy. San Fermin, Cauayan City, Isabela.

Sa bisa ng warrant of arrest na inisyu ng korte, nadakip ang suspek na kinilalang si Alyas "Kokoy", 18-anyos, residente ng nabanggit na lugar na siya ring itinuturing na Top 1 Most Wanted Person sa lambak ng Cagayan matapos maharap sa kasong labing-apat (14) na bilang ng Statutory R**e.

Ayon sa report, nagsimula umano ang pananamantala nito sa biktima taong 2017 at muling nasundan noong taong 2022 at 2023.

Samantala, wala namang inirekomendang piyansa ang korte para sa pansamantalang kalayaan ng suspek, kaya kasalukuyan itong nasa pangangalaga ng Cauayan City PS para sa dokumentasyon bago ito ipasakamay sa korteng pinagmulan ng kanyang kaso.

02/07/2024

𝗠𝗚𝗔 𝗞𝗢𝗡𝗦𝗬𝗨𝗠𝗘𝗥 𝗡𝗚 𝗜𝗦𝗘𝗟𝗖𝗢-𝟭, 𝗣𝗜𝗡𝗔𝗔𝗟𝗔𝗟𝗔𝗛𝗔𝗡𝗔𝗡

CAUAYAN CITY- Nagbigay paalala ang pamunuan ng Isabela Electric Cooperative-1 (ISELCO-1) sa mga miyembro nito hinggil sa kanilang mga utang na dapat bayaran.

Magsasagawa ng malawakang disconnection o pag-puputol ng koneksyon ng kuryente ngayong buwan ng Hulyo taong kasalukuyan.

Apektado nito ang Member Consumer-Owners (MCO) na mayroong isang buwan o higit pa na utang sa kanilang buwanang konsumo.

Ang direktiba na ito ay alinsunod sa “Disconnection Policy” ng nasabing opisina, kung saan, layunin nitong matugunan ang pangangailangan ng kooperatiba tulad na lamang ng pagbabayad sa serbisyo ng kuryente.

Samantala, pina-paalalahanan naman ang mga konsyumer na magbayad ng buwanang konsumo upang hindi maputulan ng suplay ng kuryente, alinsunod sa siyam na araw na palugit matapos matanggap ang Statement of Account.

Address

4F OMA Building, Rizal Avenue, District 3, Cauayan City
Cauayan
3305

Telephone

+639271818329

Website

https://rmn.ph/985ifmcauayan/

Alerts

Be the first to know and let us send you an email when 98.5 i-FM Cauayan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 98.5 i-FM Cauayan:

Videos

𝒊𝑫𝑶𝑳, 𝒏𝒂𝒓𝒊𝒕𝒐 𝒏𝒂 𝒂𝒏𝒈 𝒂𝒕𝒊𝒏𝒈 𝑲𝒘𝒆𝒏𝑻𝒖𝒍𝒂 𝒏𝒈𝒂𝒚𝒐𝒏𝒈 𝒂𝒓𝒂𝒘. #KwentulaTulaAtKwentongACS #KwentongACS #DEARiFM #985iFMCauayan #iDOL #NumberOne

RMN NETWORK NEWS - 07/03/2024- 12:00 NN

RMN NETWORK NEWS - 07/03/2024- 12:00 NN Huwag magpahuli sa mga bago at maiinit na mga balita. Narito na ang 40-minutong RMN Network News, kasama sina Drew San Fernando at Radyoman Elmar Acol Youtube: https://rb.gy/o4enz Tiktok: https://rb.gy/7wsxs7 #RMNNetworkNews #TatakRMN

𝗗𝗢𝗟𝗘-𝗧𝗨𝗣𝗔𝗗, 𝗡𝗔𝗠𝗔𝗛𝗔𝗚𝗜 𝗡𝗚 𝗣𝟭𝟵-𝗠𝗜𝗟𝗬𝗢𝗡𝗚 𝗣𝗔𝗦𝗔𝗛𝗢𝗗 𝗦𝗔 𝗠𝗚𝗔 𝗕𝗘𝗡𝗜𝗣𝗘𝗦𝗬𝗔𝗥𝗬𝗢

𝗣𝟱𝗠, 𝗜𝗡𝗜𝗟𝗔𝗔𝗡 𝗦𝗔 𝗞𝗢𝗡𝗦𝗧𝗥𝗨𝗞𝗦𝗬𝗢𝗡 𝗡𝗚 𝗠𝗨𝗟𝗧𝗜-𝗣𝗨𝗥𝗣𝗢𝗦𝗘 𝗛𝗔𝗟𝗟 𝗦𝗔 𝗟𝗔𝗕𝗜𝗡𝗔𝗕

Anything Sa Morning

IDOL, tara na mag kaalaman na ulit with DJ Rico para sa Anything sa Morning! BODY CLOCK PROBLEM: Paano aayusin? #DJRico #985ifmcauayan #AnythingsaMorning #NumeroUno

𝟮𝟭𝟲 𝗙𝗥𝗘𝗘 𝗣𝗔𝗧𝗘𝗡𝗧 𝗧𝗜𝗧𝗟𝗘𝗦, 𝗜𝗣𝗜𝗡𝗔𝗠𝗔𝗛𝗔𝗚𝗜 𝗦𝗔 𝗡𝗨𝗘𝗩𝗔 𝗩𝗜𝗭𝗖𝗔𝗬𝗔

𝗣𝗨𝗟𝗦𝗢 𝗡𝗚 𝗠𝗔𝗦𝗔: SANG-AYON BA KAYO SA SINABI NG DSWD NA LABAG SA BATAS ANG PAGDARAOS NG BEAUTY PAGEANT PARA SA MGA BATA?

RMN NETWORK NEWS - 07/03/2024- 7:00 AM

RMN NETWORK NEWS - 07/03/2024- 7:00 AM Huwag magpahuli sa mga bago at maiinit na mga balita. Narito na ang 40-minutong RMN Network News, kasama sina Radyoman Aljo Bendijo at Zhander Cayabyab

"i" sa Umaga

𝗣𝟰-𝗠𝗜𝗟𝗬𝗢𝗡 𝗛𝗔𝗟𝗔𝗚𝗔 𝗡𝗚 𝗧𝗨𝗟𝗢𝗡𝗚, 𝗜𝗣𝗜𝗡𝗔𝗚𝗞𝗔𝗟𝗢𝗢𝗕 𝗦𝗔 𝗙𝗢𝗥𝗠𝗘𝗥 𝗥𝗘𝗕𝗘𝗟𝗦 𝗦𝗔 𝗦𝗔𝗡 𝗠𝗔𝗥𝗜𝗔𝗡𝗢

𝗣𝟰-𝗠𝗜𝗟𝗬𝗢𝗡 𝗛𝗔𝗟𝗔𝗚𝗔 𝗡𝗚 𝗧𝗨𝗟𝗢𝗡𝗚, 𝗜𝗣𝗜𝗡𝗔𝗚𝗞𝗔𝗟𝗢𝗢𝗕 𝗦𝗔 𝗙𝗢𝗥𝗠𝗘𝗥 𝗥𝗘𝗕𝗘𝗟𝗦 𝗦𝗔 𝗦𝗔𝗡 𝗠𝗔𝗥𝗜𝗔𝗡𝗢 CAUAYAN CITY - Umaabot sa nasa P4 milyon ang ipinagkaloob ng Department of Labor and Employment sa nasa 200 former rebels na sumuko sa bayan ng San Mariano, Isabela.

Sarrrap Mag 6 to 9

Tuesday fun sa Saaaraaaap mag 6 to 9 kasama si idol Patty Kim! Fun Katanungan: Kung ang presyo ng bilihin patuloy ang pagtaas, ano na lang ba ang bumababa? Txtline: 0927 1818 329 #SarapMag6To9 #IdolPattyKim

RMN NETWORK NEWS - 07/02/2024- 12:00 NN

RMN NETWORK NEWS - 07/02/2024- 12:00 NN Huwag magpahuli sa mga bago at maiinit na mga balita. Narito na ang 40-minutong RMN Network News kasama si Drew San Fernando Youtube: https://rb.gy/o4enz Tiktok: https://rb.gy/7wsxs7 #RMNNetworkNews #TatakRMN

𝗗𝗘𝗡𝗚𝗨𝗘 𝗔𝗪𝗔𝗥𝗘𝗡𝗘𝗦𝗦 𝗖𝗔𝗠𝗣𝗔𝗜𝗚𝗡, 𝗜𝗦𝗜𝗡𝗔𝗚𝗔𝗪𝗔

𝗗𝗘𝗡𝗚𝗨𝗘 𝗔𝗪𝗔𝗥𝗘𝗡𝗘𝗦𝗦 𝗖𝗔𝗠𝗣𝗔𝗜𝗚𝗡, 𝗜𝗦𝗜𝗡𝗔𝗚𝗔𝗪𝗔 CAUAYAN CITY - Bilang pagsugpo sa Dengue, nagsagawa ng Dengue Health Awareness Month Campaign ang DOH-Cagayan Valley Center for Health Development, sa ilalim ng kanilang Dengue Prevention and Control Program, katuwang ang Health Promotion Unit.

𝗕𝗔𝗡𝗦𝗔𝗡𝗚 𝗥𝗨𝗦𝗦𝗜𝗔, 𝗡𝗔𝗚𝗣𝗔𝗟𝗜𝗣𝗔𝗗 𝗡𝗚 𝗠𝗜𝗦𝗦𝗜𝗟𝗘𝗦 𝗦𝗔 𝗨𝗞𝗥𝗔𝗜𝗡𝗘; 𝟳 𝗞𝗔𝗧𝗔𝗢, 𝗣𝗔𝗧𝗔𝗬

𝗕𝗔𝗡𝗦𝗔𝗡𝗚 𝗥𝗨𝗦𝗦𝗜𝗔, 𝗡𝗔𝗚𝗣𝗔𝗟𝗜𝗣𝗔𝗗 𝗡𝗚 𝗠𝗜𝗦𝗦𝗜𝗟𝗘𝗦 𝗦𝗔 𝗨𝗞𝗥𝗔𝗜𝗡𝗘; 𝟳 𝗞𝗔𝗧𝗔𝗢, 𝗣𝗔𝗧𝗔𝗬 CAUAYAN CITY - Umabot sa pito ang namatay, kabilang ang dalawang bata, habang 31 naman ang nasugatan matapos magpalipad ng missiles ang Russia sa bansang Ukraine.

𝗣𝗥𝗘𝗦𝗬𝗢 𝗡𝗚 𝗜𝗧𝗟𝗢𝗚, 𝗣𝗔𝗧𝗨𝗟𝗢𝗬 𝗔𝗡𝗚 𝗣𝗔𝗚𝗧𝗔𝗔𝗦

𝗣𝗥𝗘𝗦𝗬𝗢 𝗡𝗚 𝗜𝗧𝗟𝗢𝗚, 𝗣𝗔𝗧𝗨𝗟𝗢𝗬 𝗔𝗡𝗚 𝗣𝗔𝗚𝗧𝗔𝗔𝗦 CAUAYAN CITY- Bagama't hindi nagkakaroon ng kakulangan sa suplay ay patuloy ang pagtaas ng presyo ng itlog sa Pamilihang Lungsod ng Cauayan.

RMN NETWORK NEWS - 07/02/2024- 7:00 AM

RMN NETWORK NEWS - 07/02/2024- 7:00 AM Huwag magpahuli sa mga bago at maiinit na mga balita. Narito na ang 40-minutong RMN Network News, kasama sina Radyoman Aljo Bendijo at Zhander Cayabyab

BALITANG LANDBANK

IFM NEWS LOKAL

𝗕𝗙𝗣 𝗖𝗔𝗨𝗔𝗬𝗔𝗡, 𝗡𝗔𝗚𝗦𝗔𝗟𝗜𝗧𝗔 𝗡𝗔 𝗞𝗔𝗨𝗚𝗡𝗔𝗬 𝗦𝗔 𝗡𝗔𝗡𝗚𝗬𝗔𝗥𝗜𝗡𝗚 𝗦𝗨𝗡𝗢𝗚 Cauayan City - Nagbigay ng pahayag ang Cauayan City Fire Station hinggil sa impormasyon na kumakalat ngayon sa Social Media kaugnay sa nangyaring insidente ng sunog sa Cauayan City Private Market noong ika-30 ng Hunyo. Sa eksklusibong panayam ng iFM News Team kay Senior Fire Officer 2 Trinidad Arroyo, Chief Operations at Chief Investigation and Intelligence ng BFP Cauayan, sinabi nitong 4,000 liters at hindi lamang dalawang drum ang lamang tubig ng kanilang firetruck ngunit mabilis itong naubos dahil dalawang hose ang ikinabit rito para sa mabilisang pag-aapula ng apoy. Bukod pa rito, hindi rin totoong naunang rumespunde ang fire stations mula sa ibang bayan dahil matapos matanggap ang impormasyon ay kaagad silang rumespunde sa lugar ng sunog. Nanindigan rin ang BFP Cauayan na ginawa nila ang lahat ng kanilang makakaya upang isalba ang mga nasusunog na tindahan ngunit dahil sa gawa sa light materials ang mga stalls ay mabilis na kumalat ang apoy na naging sanhi sa pagkatupok ng mga ito.

Shortcuts

98.5 iFM Cauayan Station Profile

98.5 iFM Cauayan is a radio station on FM band under the largest radio network in the country, Radio Mindanao Network.

Its 24-hour programming is an amalgamation of music/entertainment, news/public affairs and public service program. While it provides news and information to our listeners in the morning, we offer music and entertainment just like a regular FM station at the rest of the day.

Radio station 98.5 iFM Cauayan is also a fast growing social media crave as signified by its fast growing followers and likers in Facebook, Youtube and Twitch tv.

The station is equipped with a 10, 000 watts Elenos transmitter an Omnia audio processor together with state of the art equipment and computers that makes radio listening a very pleasant moment.