Balitang Pasig News

25/03/2021

91,754 record-breaking active COVID cases sa PH – DOH data

Tuloy pa rin sa mataas ang trend ng panibagong bilang na mga bagong nahawa sa COVID-19 sa Pilipinas matapos na maitala ang 6,666.

Batay sa datos mula sa Department of Health (DOH), hindi pa kasama sa mga bagong kaso ang mula sa pitong mga laboratoryo na bigong makapagsumite ng bagong mga data.

Sa ngayon nasa 684,311 na ang kabuuang bilang na mga kinapitan ng virus mula noong nakaraang taon.

Samantala, marami naman ang naitalang bagong gumaling sa COVID-19 na umaabot sa 1,072 kaya naman sa kabuuan nasa 84.7% na o 579,518 ang mga nakarekober.

Sa kabila nito nasa 47 naman ang bagong mga nasawi bunsod ng deadly virus.

Nilinaw din naman ng DOH na 11 kaso na dati raw ay nasa listahan ng recoveries ay kasama pala sa mga namatay matapos ang final validation.

Ang death toll ngayon sa bansa mula noong nakaraang taon ay umaabot na sa 13,039.

Sa ngayon record breaking na ang bilang ng mga aktibong kaso o pasyente sa bansa na umaabot sa 91,754 pero nasa 97.8% ay mga mild at asymtomatic.

Kaugnay nito, una nang sinabi ni DOH Epidemiology Bureau director Dr. Alethea De Guzman na nalampasan na ng Pilipinas ang peak ng COVID cases noong Hulyo at Agosto ng nakalipas na taon.

Tinawag din niya ang Metro Manila na nasa “high risk” na ang classification batay sa bilis ng pagdami ng mga kaso at lawak ng mga apektado.

Balita Mula: https://www.bomboradyo.com/91754-record-breaking-active-covid-cases-sa-ph-doh-data/

Top Stories 91,754 record-breaking active COVID cases sa PH – DOH data By Bombo NewsCenter - March 25, 2021 | 12:15 AM 150 Share Facebook Twitter Viber Pinterest WhatsApp Linkedin Tuloy pa rin sa mataas ang trend ng panibagong bilang na mga bagong nahawa sa COVID-19 sa Pilipinas matapos na maitala...

24/03/2021

24/03/2021

In pursuant to DTI Memorandum Circular 21-11, s. 2021 as adopted by the City Government of Pasig through Executive Order No. PCG-20, s. 2021, operations of the following business establishments shall be suspended until April 4, 2021:
- gyms and fitness centers;
- internet cafes; and
- spa and full body massage places.

23/03/2021

20 PNP quarantine control points, istriktong ipapatupad sa mga boundaries ng ‘NCR-Plus bubble’

Naglabas na ng listahan ang Philippine National Police (PNP) ng mga lugar na nilagyan nila ng quarantine control points.

Ito ay makaraang isailalim sa bubble general community quarantine (GCQ) ang Metro Manila, Bulacan, Cavite, Laguna at Rizal dahil sa patuloy na pagtaas na kaso ng COVID 19.

Ayon kay PNP spokesperson B/Gen. Ildibrandi Usana dalawa ang checkpoints “ingress at egress” na ibig sabihin dalawang border control point.

“Yung boundaries ng NCR plus doon sa strategic areas kung san doon yung boundary po ilo-locate yung checkpoint. Now outside the boundary meron din po yung border control kung sino po yung papasok sa NCR plus. So, kung sila po ay essential worker definitely po sila ay papayagan pero kapag non-essential workers sasabihan lang po yung papasok na bumalik na po,” paliwanag ni Gen. Usana.

Ang mga itinalagang quaratine control points ay ang mga sumusunod:

Sa Bulacan hanggang sa boundary ng Pampanga, inilatag ang checkpoint sa: 1. DRT Highway, Brgy. Bulualto, San Miguel Bulacan hanggang Gapan, Nueva Ecija 2. Brgy. San Roque Road, Baliuag hanggang Candaba, Pampanga Mac Arthur, Brgy. Gatbuca, Calumpit, Bulacan hanggang Apalit, Pampanga at Brgy San Pascual, Hagonoy, Bulacan hanggang Sapang Kawayan, Masantol Pampanga.

Sa NLEX Southbound exit kasama ang may checkpoint ay ang: Pulilan ext; Sta Rita ext.; Bocaue ext; Philippine Arena ext; Meycauayan ext at Marilao exit.

Sa Cavite-Batangas boundaries naman ay: Brgy. Amuyong, Alfonso, Cavite hanggang Nasugbu, Batangas; Brgy. Sapatang 1, Ternate, Cavite hanggang Nasugbu, Batangas; Brgy. Sungay East at San Jose Tagaytay City hanggang Brgy. Guillermo, Talisay, Batangas.

Sa Laguna-Batangas boundary: Brgy. Makiling, Calamba City hanggang Sto. Tomas, Batangas; Brgy. San Agustin, Alaminos, Laguna hanggang Sto. Tomas, Batangas.

At sa Laguna-Quezon boundaries naman: Brgy. San Antonio 2, San Pablo City, Laguna hanggang Tiaong, Quezon City ; Brgy san Antonio Luisana, Laguna hanggang Lucba, Quezon ; Brgy. Tunhac, Famy Laguna hanggang Real, Quezon At Brgy. San Isidro Majayjay Madlena Road hangganng Lucban, Quezon province.

Balita Mula: https://www.bomboradyo.com/20-pnp-quarantine-control-points-itinalaga-sa-mga-boundaries-ng-ncr-plus-bubble/

NationTop Stories 20 PNP quarantine control points, istriktong ipapatupad sa mga boundaries ng ‘NCR-Plus bubble’ By Bombo Analy Soberano - March 22, 2021 | 1:27 PM 391 Share Facebook Twitter Viber Pinterest WhatsApp Linkedin Naglabas na ng listahan ang Philippine National Police (PNP) ng mga lug...

19/03/2021

May 66,567 active cases (10% ng kabuuang bilang ng cases) sa Pilipinas, ayon sa DOH nitong Huwebes. Ito na ang pinak**ataas na active cases sa bansa mula Setyembre 19, 2020.

Narito ang mga balitang dapat mong bantayan ngayong Biyernes, Marso 19, 2021:

* Nadagdagan pa ng 5,290 ang coronavirus cases sa Pilipinas nitong Huwebes. Ito na ang ika-5 pinak**ataas na naitalang bilang sa loob ng 24 oras mula nang pumutok ang pandemya, ayon sa ABS-CBN Data Analytics team. https://bit.ly/3ts7D4u

* Namatay dahil sa sakit ang 21 pang pasyente, habang gumaling naman ang 439 pang iba. https://bit.ly/3ts7D4u

* Sa ngayon, may 66,567 active cases sa bansa. https://bit.ly/3ts7D4u

* 13 pang Pinoy abroad ang nagpositibo sa coronavirus, ayon sa DFA. https://bit.ly/3tzVSJb

* Epektibo at ligtas gamitin ang AstraZeneca vaccine, ayon sa European Medicines Agency. https://bit.ly/3vAwjtz

* Dahil dito, itutuloy na ng ilang bansa sa EU ang paggamit muli ng AstraZeneca vaccines. https://bit.ly/3eR73sY

* Lumala pa ang COVID-19 situation sa Pilipinas kung ikukumpara ang nangyari noong Marso 2020, kung kailan inumpisahan ng bansa ang pagtugon sa pandemya, at ngayong Marso 2021, ayon sa dating DOH secretary. https://bit.ly/39cPtfx

* Nanindigan ang FDA na hindi dapat turukan ng Sinovac vaccines ang mga senior citizen kasunod ng anunsyo ng gobyerno na posibleng ito ang brand ng bakuna na ibibigay nila sa senior citizens. https://bit.ly/3eTbt2m

* Karamihan sa P.3 coronavirus variant na naitala sa Pilipinas ay nadiskubre sa Central Visayas, ayon sa DOH. https://bit.ly/38Sq0YA

* Target ng DOH na magkaroon ng "steady supply" ng bakuna ang Pilipinas para makamit ang target na magkaroon na ng "better Christmas" sa bansa. https://bit.ly/3vDJxpe

* Nakaranas naman ng adverse reaction sa bakuna ang 3.11 porsyento ng mga naturukan na nito sa bansa, ayon sa FDA. https://bit.ly/3eUJbEU

* Posibleng naging kampante ang mga tao nang magsimulang dumating ang mga bakuna kaya tumaas ang bilang ng coronavirus cases sa bansa, ayon sa isang doktor. https://bit.ly/3ttMNl8

* Nagpositibo muli sa coronavirus si DTI Sec. Ramon Lopez. https://bit.ly/3cQbvWj

* Itinanggi ni Palace spokesperson Harry Roque na sa luxury hotel siya naka-quarantine. https://bit.ly/3lpTouh

* Sa Baguio, kailangan nang sumailalim sa RT-PCR test o antigen test ang mga nais pumasok sa lungsod. https://bit.ly/38X2bPb

* Sa kalahating buwan lang, naitala sa Bacoor ang 494 kasoi ng , ayon kay Mayor Lani Mercado. https://bit.ly/3eR59IQ

* "Stable" ang bilang ng kaso ng COVID-19 sa Cebu at wala ito sa critical zone, ayon sa DOH. https://bit.ly/3cEZpis

* Papayagan na ang pagsusumite ng saliva RT-PCR test bilang requirement sa pagpasok sa Boracay. https://bit.ly/3eVS1Ce

* Kinumpirma ni Bianca Lapus na nagpositibo siya sa coronavirus. https://bit.ly/3tAwEKR

* Posibleng maging seasonal disease ang COVID-19 sakaling magpatuloy ang pagkalat ng sakit, ayon sa UN. https://bit.ly/3tuBnNW

Para sa iba pang balita kaugnay ng COVID-19, i-click ito: http://bit.ly/COVID19watch

18/03/2021

COVID-19 cases sa Pilipinas, posibleng sumipa ng ’28-beses’ dahil sa mga ‘variant’ – DOH

MANILA – Posibleng sumipa ng hanggang 28-beses ang bilang ng mga bagong kaso ng coronavirus (COVID-19) sa Pilipinas sa susunod na buwan kung dadami pa ang tatamaan ng “variants of concern” ng SARS-CoV-2.

Ito ang inamin ng Department of Health (DOH) matapos mag-ulat ng karagdagang kaso ng “variants of concern” ng sakit noong weekend.

“Ayaw nating umabot sa punto na lahat ng samples na nase-sequence natin ay magiging variants of concern. Kapag ganoon (ang nangyari), itong nakikita nating pagtaas (ngayon), hindi lang 3-times, 4-times, pwedeng up to 28-times yung increase na makita natin,” ani Epidemiology Bureau officer-in-charge director Dr. Alethea de Guzman.

Aabot na sa 177 ang bilang ng tinamaan ng B.1.1.7 variant na unang na-diskubre sa United Kingdom. Nasa 90 naman ang infected ng B.1.351 variant mula South Africa, at isa ang may P.1 variant na mula Brazil.

Ayon sa mga pag-aaral, naging mas nakakahawa ang SARS-CoV-2 virus matapos mag-mutate o magbago ng anyo.

Nakita ang katangian na ito sa tatlong variants of concern.

Sinasabi namang may epekto sa bakuna ang mutation ng virus na nakita sa South Africa at Brazil.

“Kung ang reproduction number (R-Naught) ay 1 lang, so kung mayroong 100 tao, ang mai-infect niya ay just another a 100 people. Pero since these variants will be 70-times more transmissible ang R-Naught magja-jump siya. Example from ang R-Naught of 1.25, it jumps to 1.95. So from just 100 infecting another 125, its now from 100 people will infect 195 people.”

“And for each of those 195 people, there are also infecting an additional 195 people.”

Sa ngayon, 4,160 samples na ang naisailalim ng Pilipinas sa “whole genome sequencing.” Pero wala pa raw sa 7% nito ang katumbas ng mga kaso ng variants of concern.

Batay sa datos ng DOH, limang rehiyon na ang may mga kaso ng B.1.1.7 variant. Kabilang na rito ang Cordillera, Central Luzon, Calabarzon, National Capital Region, at Northern Mindanao.

Tatlong rehiyon naman ang may kaso ng B.1.351 variant, kabilang na ang NCR, Cagayan Valley at Northern Mindanao.

Binigyang diin ni Dr. De Guzman na hindi lang mga variant ng coronavirus ang sanhi ng pagsipa ng mga bagong kaso k**akailan.

“Kahit wala tayong nakikita pang variants of concern sa maraming lugar sa Pilipinas, talagang may pagtaas ng kaso dito… ibig sabihin hindi lang variants of concern ang dahilan ng pagtaas.”

“At the end of the day, its the adherence to all of these public health standards na nagiging driver kung bakit tuloy-tuloy at mabilis ang pagtaas ng kaso.”

Batay sa huling datos ng DOH, aabot na sa 631,320 ang total coronavirus cases sa Pilipinas.

Balita mula: https://www.bomboradyo.com/covid-19-cases-sa-pilipinas-posibleng-sumipa-ng-28-beses-dahil-sa-mga-variant-doh/

Sci-TechTop Stories COVID-19 cases sa Pilipinas, posibleng sumipa ng ’28-beses’ dahil sa mga ‘variant’ – DOH By Bombo Christian Yosores - March 17, 2021 | 6:22 PM 218 Share Facebook Twitter Viber Pinterest WhatsApp Linkedin IMAGE | Dr. De Guzman’s presentation/Screengrab, DOH MANILA – ...

17/03/2021

Mga menor-de-edad sa Metro Manila bawal ng lumabas

Pagbabawalan ng makalabas ang mga menor de edad sa Metro Manila.

Ayon kay Metropolitan Manila Development Authority (MMDA) chairman Benhur Abalos jr, na simula Marso 17 ay hindi na papayagang lumabas sa kanilang bahay ang mga may edad 18-anyos pababa.

Ito aniya ang napapgkasunduan sa ginagawang pagpupulong ng mga alkalde sa Metro Manila.

Lahat aniya ng 17 mga alkalde ay nagkasundo sa nasabing usapin.

Ang hakbang aniya ay para hindi na tumaas pa ang kaso ng COVID-19 sa bansa.

Magugunitang noong nakaraang buwan ay iminungkahi ng gobyerno na payagan ng makalabas ang mga nasa edad 15 hanggang 17.

Balita Mula: https://www.bomboradyo.com/mga-menor-de-edad-sa-metro-manila-bawal-ng-lumabas/

Top Stories Mga menor-de-edad sa Metro Manila bawal ng lumabas By Bombo Jovino Galang - March 17, 2021 | 12:24 AM 136 Share Facebook Twitter Viber Pinterest WhatsApp Linkedin Pagbabawalan ng makalabas ang mga menor de edad sa Metro Manila. Ayon kay Metropolitan Manila Development Authority (MMDA) ch...

16/03/2021

Mga mahihirap nais na bakunahan agad laban sa COVID-19 ni Duterte

Nais ni Pangulong Rodrigo Duterte na mabakunahan na agad ang mga informal settlers o mga mamamayan na mahihirap.

Sa kaniyang public address nitong Lunes ng gabi, na hindi na ito makapaghintay na mayroon pang sobra na bakuna para lamang sa mga mahihirap ang buhay.

Dagdag pa ng pangulo na kung maaari ay bakunahan ang mga ito sa lalong madaling panahon kapag natapos ng mabakunahan ang mga health workers, senior citizens at kahit huli na aniya ang mga empleyado ng gobyerno.

Mas maganda aniya na mismong ang Department of Health (DOH) ang iikot sa mga lugar kung saan marami ang hirap sa buhay para mapabilis ang pagpapabakuna.

Pagtitiyak naman ni DOH Secretary Francisco Duque III na paghahandaan nila ang nasabing naging kautusan ng pangulo.

Balita Mula: https://www.bomboradyo.com/mga-mahihirap-nais-na-bakunahan-agad-laban-sa-covid-19-ni-duterte/

Top Stories Mga mahihirap nais na bakunahan agad laban sa COVID-19 ni Duterte By Bombo Jovino Galang - March 16, 2021 | 3:29 AM 279 Share Facebook Twitter Viber Pinterest WhatsApp Linkedin Nais ni Pangulong Rodrigo Duterte na mabakunahan na agad ang mga informal settlers o mga mamamayan na mahihirap...

15/03/2021

"Noong nakaraang Biyernes ay nawalan po tayo ng isang matalik na kaibigan dahil sa COVID-19," sinabi ni Sotto sa gitna ng kaniyang "Monday Morning" livestream para sa mga Pasigueño.

Basahin ang mga detalye: https://bit.ly/3bMlGMj

15/03/2021

12/03/2021

ALAMIN: Ano ang mga ‘variants of concern’ ng COVID-19 virus?

(SPECIAL REPORT) MANILA – Tatlong “variants of concern” ng SARS-CoV-2 o ang virus na nagdudulot ng COVID-19, ang binabantayan ngayon ng mga eksperto sa buong mundo.

Ang B.1.1.7 na unang na-detect sa United Kingdom, ang B.1.351 na unang natuklasan sa South Africa, at ang P.1 na nadiskubre sa Brazil.

Ayon kay Dr. Eva Maria Cutiongco-Dela Paz, executive director ng University of the Philippines-National Institute of Health (UP-NIH), bagamat natagpuan sa magkakaibang bansa ang nasabing variants, nakita naman ang pagkakapareho ng kanilang mutation.

Batay sa mga pag-aaral, nakita sa tatlong variant ang “N501Y” mutation. Ito ang pagbabago ng anyo sa parte ng virus na nagdulot ng pagiging mas agresibo nitong makahawa sa ibang tao.

“Ito ay nakaka-apekto sa receptor binding domain ng spike protein. Ito (spike protein) ang protina na ginagamit pang-kapit ng virus sa cell ng katawan ng tao. (Dahil sa mutation) napapalitan ang amino acid ng protina na nasa position 501 ng SARS-CoV-2 ng another amino acid. Yung mutation ay malapit sa dulo kaya binago nito ang hugis ng protina upang magkaroon ng mas mahigpit ang kapit sa cell,” paliwanag ni Dr. Dela Paz.

Bukod sa N501Y mutation, nadiskubre rin sa B.1.351 at P.1 ang “E484K” o mas kilala sa tawag na “escape mutation.”

“Sapagkat nakakatulong sa pagtakas ng virus sa mga panlaban sa immune system ng katawan sa pamamagitan ng pagbabago ng anyo. Ayon sa mga eksperimento, mas mataas na serum antibodies ang kailangan upang maiwasan ang impeksyon sa mga cell ng tao katawan (itong E484K mutation).”

Lumabas sa isang pag-aaral k**akailan na nabawasan umano ng South African variant ang efficacy ng AstraZeneca vaccines.

Pero iginiit ng World Health Organization na mababa ang bilang ng populasyong pinag-aralan, kaya hindi pa masasabing kaya ngang labanan ng naturang variant ang mga bakuna.

Sa ngayon ang B.1.1.63 o lineage ng SARS-CoV-2 na natuklasan sa Hong Kong ang nananatiling dominant sa Pilipinas. Hindi ito itinuturing na banta ng mga eksperto.

Ayon kay Dr. Dela Paz, ang “lineages” ay sub-type ng SARS-CoV-2.

“Ang mga lineage ay parang iba’t-ibang angkan. Sa loob, mayroon naging sangay at naka-ipon ng mga mutations na maaaring hindi na katulad ng pinanggalingan niyang main family line. Kapag nakaipon ito ng significant mutations, tinatawag ito na variant,” paliwanag ng eksperto.

Una nang sinabi ng mga dalubhasa na normal ang “mutation” o pagbabago sa anyo ng mga virus para sila ay mabuhay.

Gayunpaman, maaari rin daw na maging mapanganib para sa mismong virus ang pagbabago nito ng anyo.

“Habang dumadami sila (virus) pwedeng silang magkaroon ng mutations or “typo errors” kasi kino-kopya niya ang sarili niya. Sa pag-kopya niya pwedeng magka-typo error. Ito ay upang sila ay magsurvive at lumakas.”

“Habang lumalaki ang bilang ng mga kaso ng COVID, nabibigyan ng pagkakataon ang virus na magbago. Ang bawat taong mahahawaan ay pagkakataon para sa SARS-CoV-2 virus na likhain ang kanyang sarili.”

BRAZIL P.1 VARIANT SA PILIPINAS?
Nitong Miyerkules nang linawin ng Department of Health (DOH) na wala pang kaso ng P.1 “variant of concern” ng SARS-CoV-2 sa Pilipinas.

Pahayag ito ng ahensya matapos sabihin ni Quezon City Mayor Joy Belmonte na mayroon na ring kaso ng binabantayang SARS-CoV-2 variant mula Brazil ang lungsod.

“We’d like to clarify that we have not detected the Brazilian variant of concern (P.1 lineage) in the 3,420 samples we have sequenced as of this date,” ani Health Usec. Maria Rosario Vergeire.

Paliwanag ng tagapagsalita ng DOH, tanging ang Brazil lineage ng SARS-CoV-2 virus na B.1.1.28 ang may presensya sa bansa. Pero hindi raw ito katulad ng B.1.1.7 (United Kingdom) at B.1.351 (South African) variant, na may pinangangambagang katangian.

“We would also like to clarify that a common variant identified among our sequenced samples was of Brazilian origin (B.1.1.28) but NOT a variant of concern,” dagdag ni Vergeire.

Batay sa huling tala ng DOH, mayroon nang 118 kaso ng UK variant sa bansa. Bukod dito, may 58 kaso na rin ng South African variant; at 85 kaso ng N501Y at E48K mutations.

“Ang mga variants of concern ay hindi pa dominant sa bansa… hindi pa natin sinasabi na may kasiguraduhan. Kailangan pang mas pag-aralan at makapag-sequence ng samples na galing sa mga lugar na may spike or clustering ng cases.”

Palaging mag-ingat mga kakampi, stay and keep safe!

Balita Mula: https://www.bomboradyo.com/alamin-ano-ang-mga-variants-of-concern-ng-covid-19-virus/

Sci-TechTop Stories ALAMIN: Ano ang mga ‘variants of concern’ ng COVID-19 virus? By Bombo Christian Yosores - March 11, 2021 | 10:25 PM 90 Share Facebook Twitter Viber Pinterest WhatsApp Linkedin IMAGE | Dr. Eva Maria Cutiongco-Dela Paz, executive directo, UP-National Institute of Health/Screeng...

11/03/2021

The City Government of Pasig, upon the recommendation of the CityEpidemiology and Surveillance Unit (CESU), is TEMPORARILY CLOSING the CITY ASSESSOR'S OFFICE.

Personnel from Assessor's Office were exposed to a confirmed asymptomatic case of Covid-19 last Tuesday 9 March 2021.

The RT-PCR swab result of the said personnel was released yesterday and following the DOH guidelines, the CESU advised the temporary closing of the City Assessor's Office to prevent further transmission of the virus. All exposed personnel will be tested for Covid-19.

Normal operations of the City Assessor's Office will resume after 14 days from the start of the temporary closure AND once it has been ascertained that there have been no further transmission among its employees.

Thank you for your understanding and we apologize for any inconvenience that this may cause.

11/03/2021

DOT: ‘Pag-require ng RT-PCR test sa mga turista, nakadepende na sa mga LGUs’

Nasa k**ay na umano ng mga lokal na pamahalaan kung kanilang ire-require ang mga turista na sumailalim sa RT-PCR COVID-19 test bago payagang makapasok sa kani-kanilang mga lugar.

Ito ang binigyang-diin ni Tourism Secretary Bernadette Romulo-Puyat sa nangyaring distribusyon ng cash assistance sa mga tourism workers sa lalawigan ng Rizal.

Ayon kay Puyat, mga local government units na rin daw ang bahala kung anong klaseng RT-PCR test – kung saliva o swab – ang kanilang ire-require sa mga biyahero.

Inilahad din ng kalihim na may mga LGUs ang ayaw pang magbukas kahit na nasa modified general community quarantine (MGCQ) ang mga ito dahil hindi pa sila handang buksan ang kanilang lugar sa mga turista.

May ilan din namang LGUs ang gusto nang tumanggap muli ng mga turista at hindi na raw kailangan pang magpa-test bago bumiyahe.

Sinabi pa ni Puyat na may ilan pa ring mga destinasyon na nag-oobliga pa rin ng RT-PCR test, tulad ng Boracay; Bohol; El Nido, Coron, San Vicente, at Puerto Princesa sa Palawan; Ilocos Norte; Ilocos Sur; Pangasinan; La Union; Siargao; Siquijor; Dumaguete; at Iloilo.

Balita Mula: https://www.bomboradyo.com/dot-pag-require-ng-rt-pcr-test-sa-mga-turista-nakadepende-na-sa-mga-lgus/

Top Stories DOT: ‘Pag-require ng RT-PCR test sa mga turista, nakadepende na sa mga LGUs’ By Bombo Bam Orpilla - March 10, 2021 | 7:33 PM 223 Share Facebook Twitter Viber Pinterest WhatsApp Linkedin Nasa k**ay na umano ng mga lokal na pamahalaan kung kanilang ire-require ang mga turista na sumail...

10/03/2021

Economic managers, iginiit na dapat pa ring buksan ang ekonomiya sa gitna ng pagtaas ng COVID-19 cases

Itinutulak pa rin ng mga economic managers ng Pangulong Rodrigo Duterte ang tuluyang pagbubukas ng ekonomiya ng bansa sa kabila ng pagsirit ng bilang ng mga kaso ng COVID-19.

Sa isang joint statement, binigyang-diin nima acting Socioeconomic Planning Sec. Karl Kendrick Chua, Finance Sec. Carlos Dominguez III, at Budget Sec. Wendel Avisado na maaari pa rin itong maisagawa nang ligtas lalo pa’t nagpapatuloy na ang vaccination program ng pamahalaan.

Inihayag din nila na upang mapabilis ang pagsigla ng ekonomiya at paglikha ng marami pang mga trabaho ngayong taon, kailangan ang tinatawag na “three-pronged strategy”.

Una ay ang ligtas na pagbubukas muli ng ekonomiya kasabay ng mahigpit na pagtalima sa health standards.

“On the first strategy, the gradual reopening of the economy requires a more careful and calibrated approach, given the risks from the new COVID-19 variants. A more targeted approach is also needed,” saad ng economic managers.

“On the one hand, we will need to be more vigilant in high-risk areas by strictly enforcing the health standards and using localized quarantines. This way, we can reduce virus spread without affecting the healthy majority who are in need of jobs to address their hunger and other health concerns,” dagdag nito.

Ikalawa ang implementasyon ng recovery package, lalo na sa mga napaglaanan na ng pondo ngunit hindi pa tuluyang nagagastos.

“The higher stimulus through the Bayanihan II, the 2020 budget extension, the 2021 budget, as well as the swift enactment or implementation of key legislations are all crucial,” saad nila.

“These reforms include the Financial Institutions Strategic Transfer (FIST) Act, the Corporate Recovery and Tax Incentives for Enterprises (CREATE) Act, and the Government Financial Institutions Unified Initiative to Distressed Enterprises for Economic Recovery (GUIDE) Act,” dagdag nila.

Ikatlo ang pagsig**o na naipatutupad ang vaccine program na sasaklaw sa buong adult population.

“We continue to receive more doses to keep the vaccination program going for the high-risk populations. We aim to provide vaccines to at least 70 million Filipinos this year, or 100 percent of the entire adult population,” sabi ng economic managers.

“Rolling out these lifesaving doses will allow us to safely open the economy more and restore jobs and incomes to make our fight against hunger more sustainable,” anang mga opisyal.

Pahayag ito ng economic managers matapos tumaas sa 1.6-milyon ang bilang ng mga Pilipinong walang trabaho noong Enero.

Una rito, sa kabila ng tumataas na bilang ng mga kaso, hindi sinang-ayunan ng Malakanyang ang posibilidad na magpatupad muli ng lockdown dahil sapat na naman daw ang bilang ng mga k**a sa intensive care units ng mga ospital, maging sa mga isolation facilities.

Balita Mula: https://www.bomboradyo.com/economic-managers-iginiit-na-dapat-pa-ring-buksan-ang-ekonomiya-sa-gitna-ng-pagtaas-ng-covid-19-cases/

Top Stories Economic managers, iginiit na dapat pa ring buksan ang ekonomiya sa gitna ng pagtaas ng COVID-19 cases By Bombo Bam Orpilla - March 9, 2021 | 7:58 PM 192 Share Facebook Twitter Viber Pinterest WhatsApp Linkedin Itinutulak pa rin ng mga economic managers ng Pangulong Rodrigo Duterte ang t...

08/03/2021

1.4-million doses ng Sinovac vaccines, darating sa PH ngayong Marso: Galvez

MANILA – Inamin ni Vaccine czar Carlito Galvez na madadagdagan pa ng 1.4-million doses ang supply ng Pilipinas sa coronavirus vaccines na gawa ng Chinese pharmaceutical company na Sinovac.

“Mayroon nang parating, na-procure na 1-million (doses) na darating sa March 21; and with the generosity of the Chinese government, another 400,000 (doses) will be given to us,” ani Galvez.

Noong nakaraang Linggo nang unang dumating sa bansa ang 600,000 doses na donasyon ng Chinese government.

Sa ngayon matagumpay na raw na nai-deliver ang unang 331,000 doses sa lahat ng regional offices ng Department of Health (DOH) sa buong bansa.

Nakatakda namang ipamahagi ang natitirang doses kapag sinimulan na ang pagbabakuna para sa second dose.

“Yung dito sa Metro Manila, yung Sinovac na first dose, almost deployed at consumated na. Yung next nila is yung second dose.”

“Nakita natin na mabilis yung rollout kasi once dumating sa kanila (hospitals), kinabukasan nagro-rollout agad sila. So I don’t think there’s no confusion.”

Sa ilalim ng rekomendasyon ng National Immunization Technical Advisory Group (NITAG), ibibigay ang ikalawang dose ng Sinovac vaccine matapos ang apat na linggo.

Ayon kay Galvez, pumapalo na ng hanggang 15,000 doses ng bakuna kada araw ang naro-rolyo ng gobyerno sa higit 100 ospital.

Target ng pamahalaan na maturukan ang nasa 1.7-million healthcare workers, na pinaka-una sa priority list ng National Vaccination and Deployment Plan for COVID-19 vaccines.

Para magawa ito, kakailanganin daw ng 4-million doses ng bakuna para pa lang sa hanay ng medical frontliners.

Ngayong gabi may nakatakda pang dumating na 38,700 doses ng AstraZeneca vaccines na mula sa COVAX facility ng World Health Organization.

Balita Mula: https://www.bomboradyo.com/1-4-million-doses-ng-sinovac-vaccines-darating-sa-ph-ngayong-marso-galvez/

Top Stories 1.4-million doses ng Sinovac vaccines, darating sa PH ngayong Marso: Galvez By Bombo Christian Yosores - March 7, 2021 | 3:07 PM 173 Share Facebook Twitter Viber Pinterest WhatsApp Linkedin IMAGE | Vaccine czar Carlito Galvez giving a speech at the ceremonial vaccination in QualiMed Hosp...

05/03/2021

Pasig City DRRMO Hotline Advisory

The maintenance activity concerning our emergency hotline has already been completed.

For emergencies, you may contact us again through 8643-0000.

Thank you.

04/03/2021

Panukalang pagpapaikli ng summer break, ‘di na itutuloy ng DepEd

Hindi na umano itutuloy ng Department of Education (DepEd) ang panukalang pagpapaikli ng summer break ng mga estudyante sa dalawang linggo lamang.

Sa isang mensahe, sinabi ni DepEd Usec. Diosdado San Antonio na dahil tutol sa mungkahi ang kanilang mga stakeholders, hindi na raw nila imumungkahi ang dalawang linggong break.

Noong nakalipas na buwan, sinabi ni San Antonio na ikinokonsidera ng kagawaran ang pagpapalawig ng school year at pagpapaikli ng dalawang buwang summer break sa dalawang linggo.

Umani naman ito ng samu’t saring batikos mula sa mga grupo ng mga g**o at kabataan.

Kahapon nang in-adjust ng DepEd ang kasalukuyang school calendar upang tugunan ang learning gaps sa mga bata ung saan inurong nila ang huling araw ng klase sa Hulyo 10 mula sa orihinal na Hunyo 11.

Hindi naman masabi ng mga education officials kung ang mga pagbabago sa school calendar ay magpapaikli summer break.

Ayon kay Education Undersecretary Nepomuceno Malaluan, sumasailalim pa raw sa deliberasyon ang petsa kung kailan magsisimula ang susunod na school year.

Balita Mula: https://www.bomboradyo.com/panukalang-pagpapaikli-ng-summer-break-di-na-itutuloy-ng-deped/

Top Stories Panukalang pagpapaikli ng summer break, ‘di na itutuloy ng DepEd By Bombo Bam Orpilla - March 3, 2021 | 5:32 PM 382 Share Facebook Twitter Viber Pinterest WhatsApp Linkedin Hindi na umano itutuloy ng Department of Education (DepEd) ang panukalang pagpapaikli ng summer break ng mga estu...

03/03/2021

DepEd, pinalawig ang school year hanggang Hulyo 10, 2021

Pinalawig ng Department of Education ang school year para sa basic education level sa Hulyo 10.

Sa isang kautusan, sinabi ni Education Sec. Leonor Briones na natukoy ng kagawaran ang mga learning gaps sa mga estudyante matapos ang patuloy nilang pag-monitor sa implementasyon ng distance learning.

Maliban dito, bibigyan din ng karagdagang instructional time ang mga g**o para sa iba’t ibang learning delivery modalities.

“These learning gaps are attributable to reduced academic opportunities at home and substantial loss of live contact with teachers,” wika ni Briones.

Sang-ayon sa kautusan, inurong ng DepEd ang third grading period sa Mayo 15 mula sa Marso 22, habang ang fourth quarter ay sa Hulyo 10 mula sa Mayo 17.

Nagtapos noong Pebrero 27 ang second quarter.

Orihinal namang itinakda ang pagtatapos ng school year sa Hunyo 11.

Mula Marso 1 hanggang 12, magsasagawa ang mga paaralan ng intervention at remediation activities para sa mga mag-aaral.

Sa Marso 15 hanggang 19 naman, dadalo sa isang professional development program na inorganisa ng mga eskwelahan o iba pang mga kaukulang units ng DepEd ang mga g**o.

Saklaw sa bagong polisiya ang lahat ng mga pampublikong elementarya at sekondaryang paaralan sa buong bansa.

Samantala, ang mga pribadong eskwelahan, technical and vocational institutions, at higher education institutions na nag-aalok ng basic education ay hinihikayat lamang na ipatupad ang guidelines ng ahensya.

Hindi naman tiyak sa ngayon kung paiiklin ng bagong polisiya ang summer break ng mga estudyante.

Balita Mula: https://www.bomboradyo.com/deped-pinalawig-ang-school-year-hanggang-hulyo-10-2021/

Top Stories DepEd, pinalawig ang school year hanggang Hulyo 10, 2021 By Bombo Bam Orpilla - March 2, 2021 | 8:46 PM 298 Share Facebook Twitter Viber Pinterest WhatsApp Linkedin Pinalawig ng Department of Education ang school year para sa basic education level sa Hulyo 10. Sa isang kautusan, sinabi n...