Canlubang Ngayon

Home
Philippines
Calamba
Canlubang Ngayon

An Online News Portal dedicated to bring fresh and recent news, information and events happening inside and outside the Barangay Canlubang.

06/06/2024

TINGNAN: Naghain ng Motion For Leave to Intervene si OIC Edgar Mangubat sa COMELEC upang ipadiskwalipika na ng tuluyan si Larry Dimayuga dahil sa ginawa nitong maagang pangangampanya noong nakaraang Barangay at Sangguniang Kabataan Eleksyon.

Kasabay nito, hinihiling din niya sa COMELEC na siya na ang kilalaning Kapitan ng Barangay Canlubang dahil patay din umano ang unang kagawad na nakakuha ng pinakaramaming boto.

Sa aming pagiimbestiga, nakatakda na sanang maglabas ng resolusyon ang COMELEC sa susunod na linggo, kung sino kina Larry Dimayuga o Dexter Bathan ang uupo bilang kapitan ng Barangay Canlubang. Ngunit mas tumagal pa ito dahil sa panibangong resolusyon na inilabas ni OIC Edgar Mangubat.

Base naman sa aming impormante na malapit sa pamilya ni OIC Edgar Mangubat, papatagalin na lamang nila umano ang paggulong ng kaso sa COMELEC hanggang sa susunod na taon para si OIC Mangubat na lang ang umupo bilang Kapitan ng barangay Canlubang.

Amin namang hiningi ang panig ni Larry Dimayuga at Dexter Bathan tungkol sa issue ngunit hindi sila sumagot sa aming mga tawag o text.

- Allen Lopez | News Correspondent

12/05/2024

Mula sa bumubuo ng Canlubang Ngayon, Isang pagbati ng Happy Mother's Day sa lahat ng mga dakila't magigiting na mga Ina at mga tumatayong ilaw ng tahanan sa kanilang mga pamilya.

Sa inyong mga kamay, natatagpuan namin ang tunay na kahulugan ng pagmamahal at pag-aaruga. Walang sapat na salita upang maipahayag ang aming pasasalamat sa inyong walang sawang pagmamahal at sakripisyo.

Muli, Happy Mother's Day po sa inyong lahat! 💙

10/05/2024

𝗘𝗗𝗜𝗧𝗢𝗥𝗬𝗔𝗟

ANO NA?

Ilang buwan nakalipas kami ay tumahimik upang mag obserba sa paligid at sa buong canlubang.

Ilang buwan narin nakalipas ng namatay at humihingi ng hustisya ang pamilya ng Kgg Marion Cogay ngunit nawala na ito parang bula at hindi na binigyan ng pansin.

Ilang buwan narin ang nakalipas ngunit hanggang ngayon ay wala parin tayong AMA ng baranggay na syang tutugon at mamununo sa nasasakupan.

Ang hustisya ba at katotohanan ay talaga bang natatabunan dito sa Canlubang.

Mayor Ross Rizal kami ay sumuporta at umasa sa isang CALAMBAGO ngunit sa aming baranggay lahat ay wala parin pagbabago.

Maari ba itong isang issue lamang na sumakay ang mga pulitiko para mag HYPE kumilos tayo pagalawin nyo ang baso ng sa ganon maging maunlad ang aming baranggay,

Kami sa Canlubang Ngayon ay hindi titigil magbigay ng kaalaman at katotohanan sa lahat ng taga canlubang dahil tulad ninyo kami rin sya umaasa sa isang maunlad at masaganang barangay.

- (c) Allen Lopez | News Correspondent

Si Allen Lopez ay lehitimong taga-Barangay Canlubang, nakapagtapos ng AB Journalism sa Unibersidad ng Philippinas at kasalukuyang miyembro ng National Union of Journalist in the Philippines (NUJP).

28/04/2024

𝗩𝗣 𝗦𝗔𝗥𝗔 𝗡𝗔𝗡𝗚𝗨𝗡𝗔 𝗦𝗔 𝗦𝗨𝗥𝗩𝗘𝗬 𝗡𝗚 𝗠𝗚𝗔 𝗜𝗕𝗢𝗕𝗢𝗧𝗢 𝗣𝗔𝗥𝗔 𝗦𝗔 𝗣𝗔𝗚𝗞𝗔𝗣𝗥𝗘𝗦𝗜𝗗𝗘𝗡𝗧𝗘 𝗦𝗔 𝟮𝟬𝟮𝟴 𝗘𝗟𝗘𝗖𝗧𝗜𝗢𝗡

Nanguna si Bise Presidente Sara Duterte sa survey ng mga iboboto ng Pilipino para sa susunod na presidential elections.

Sa resulta ng survey na isinagawa ng Oculum Research and Analytics, umabot sa 42% ng mga respondents ang nagsabing si Duterte ang kanilang iboboto bilang pangulo.

Malayo ito kumpara sa iba pang presidential bets na sina Senador Raffy Tulfo na nakakuha lamang ng 17% at dating Bise Presidente Leni Robredo na may 10%.

Kasama rin sa mga lumabas na pangalan na posibleng iboto ng mga Pilipino sa pagkapresidente sina Iskor Moreno, Senador Imee Marcos at dating Senador Manny Pacquiao na pare-parehong nakakuha ng 4%.

Nasa 2% naman ng mga respondents ang nagsabing iboboto nila sa pagkapagulo si Senador Robinhood Padilla habang 0.4% para kay House Speaker Martin Romualdez.

(c) Allen Lopez | News Correspondent | Canlubang Ngayon

23/02/2024

We're from CANLUBANG, of course WALA PA RIN KAMING KAPITAN.

13/02/2024

𝗧𝗜𝗡𝗚𝗡𝗔𝗡: Naghain si Larry Dimayuga ng Motion for Reconsideration sa Commission on Elections (COMELEC) upang ibasura ang inilabas nilang resolusyon noong Pebrero 5, 2024 tungkol sa kanyang diskwalipikasyon.

Sa 29 pahina, iginiit ni Larry Dimayuga na hindi siya nangampanya ng maaga bagkus ginagampanan lang niya ang kanyang tungkulin bilang kapitan ng Barangay Canlubang.

Ayon din sa dokumentong kayang iprinisinta, hindi umano siya namili o bumili ng boto nitong nakaraang Barangay at Sangguniang Kabataan eleksyon at saksi umano ang Diyos dito.

Nanawagan sila ngayon sa COMELEC na siya ang iproklama bilang Kapitan ng Barangay Canlubang.

Atin namang hiningi ang panig ni Dexter Bathan tungkol sa issue ngunit hindi pa ito sumasagot sa aming mga tawag o text,.

Bukas naman ang Canlubang Ngayon para sa panig ni Larry Dimayuga at Dexter Bathan.

(c) Allen Lopez | News Correspondent | Canlubang Ngayon

08/02/2024

𝗗𝗘𝗫𝗧𝗘𝗥 𝗕𝗔𝗧𝗛𝗔𝗡, 𝗠𝗔𝗚𝗦𝗜𝗦𝗜𝗟𝗕𝗜𝗡𝗚 𝗞𝗔𝗣𝗜𝗧𝗔𝗡 𝗡𝗚 𝗖𝗔𝗡𝗟𝗨𝗕𝗔𝗡𝗚

Sa pinal na desisyon na inilabas ng COMELEC, inutusan nito ang Barangay Board of Canvasser ng Canlubang na iproklama na si Dexter Bathan bilang Kapitan ng Barangay Canlubang.

Ito ay matapos i-disqualify ng COMELEC si Larry Dimayuga at hindi na bilangin ang boto na nakuha nito dahil sa paglabag sa Section 80 of Omnibus Election Code.

Matatandaan na si Bathan ang sumunod na nakakuha ng pinakamataas na boto sa pagka-Kapitan noong nakaraang Barangay at SK election.

Dagdag pa ng COMELEC, mayroon 36 na Kapitan, Kagawad at SK Chairman ang kanila nang dinisqualify dahil sa kaliwa't kanang paglabag sa election code tulad ng maagang pangangampanya, pagbili ng boto at iba pa.

06/02/2024

𝗖𝗢𝗠𝗘𝗟𝗘𝗖, 𝗡𝗔𝗚𝗟𝗔𝗕𝗔𝗦 𝗡𝗔 𝗡𝗚 𝗗𝗘𝗦𝗜𝗦𝗬𝗢𝗡 - 𝗟𝗔𝗥𝗥𝗬 𝗢. 𝗗𝗜𝗠𝗔𝗬𝗨𝗚𝗔, 𝗗𝗜𝗦𝗤𝗨𝗔𝗟𝗜𝗙𝗜𝗘𝗗!

𝗧𝗜𝗡𝗚𝗡𝗔𝗡: Kopya ng desisyon ng COMELEC 2nd Division tungkol sa diskwalipikasyon na isinampa laban kay Larry O. Dimayuga dahil sa pre-mature campaigning noong nakaraang Barangay at Sangguniang Kabataan Election.

Sa anin na pahinang desisyon, pinagtibay ng COMELEC ang mga isinumiteng ebidensya at reklamo laban kay Larry O. Dimayuga tungkol sa maagang pangangampanya. Ayon sa COMELEC, hindi sila kumbinsido sa sinasabi ni Larry O. Dimayuga na taunang proyekto ng Barangay ang pamimigay tulong sa mga mag-aaral ng day care, solo parents, persons with disability at miyembro ng kapatiran ng Treskillon.

Matatandaan na ipinost pa ni Larry O. Dimayuga ang kanyang maagang pangangampanya sa kanyang page kasama ang ilan sa kanyang mga ka-ticket.

Ito umano ay malinaw na paglabag sa Section 80 of Omnibus Election Code kung kaya't kanilang pinagtibay ang diskwalipikasyon at hindi pahintulutang umupo si Larry O. Dimayuga bilang kapitan ng Barangay Canlubang.

Dahil dito, hindi na bibilangin ng COMELEC ang boto ni Larry Dimayuga at inuutusan ang Barangay Board of Canvassers ng Canlubang na iproklama ang kandidatong may pinakamataas na boto bilang Kapitan ng Barangay Canlubang.

Pinagtibay nina Commissioner Marlon Casquejo, Commissioner Rey Bulay at Commissioner Nelson Celis ang desisyon laban kay Larry O. Dimayuga.

(c) Allen Lopez | News Correspondent | Canlubang Ngayon

06/02/2024

𝟑𝟕 𝐀𝐍𝐘𝐎𝐒 𝐍𝐀 𝐆𝐈𝐍𝐀𝐍𝐆 𝐍𝐀𝐓𝐀𝐆𝐏𝐔𝐀𝐍𝐆 𝐏𝐀𝐓𝐀𝐘 𝐒𝐀 𝐂𝐀𝐍𝐋𝐔𝐁𝐀𝐍𝐆, 𝐂𝐀𝐋𝐀𝐌𝐁𝐀 𝐀𝐓 𝐇𝐈𝐍𝐈𝐇𝐈𝐍𝐀𝐋𝐀𝐍𝐆 𝐇𝐈𝐍𝐀𝐋𝐀𝐘 𝐏𝐀

Natagpuang patay ang isang 37 anyos na ginang sa isang madamong bahagi ng Saint Joseph the Worker Church sa kahabaan ng Old Canlubang Golf Course, Barangay Canlubang, Calamba City, Laguna kahapon Pebrero-1.

Kinilala ang biktima na si Julie Ann Lofranco, mula Zamboanga Del Sur.

Ayon sa imbestigasyon, natagpuan ng security guard ng Emirates Security Agency ang bangkay na walang saplot, habang ito ay nagpapatrol sa area pasado alas-7:00 ng umaga. Agad namang sinabi nito sa isang residente ang tungkol sa nakita.

Sa kabilang banda, wala umanong saksak o tama ng bala sa katawan ang bangkay, hindi rin nawawala ang cellphone, pera, pitaka at ang iniwang bag na nakabukas na may lamang pasaporte.

Samantaala, ang biktima na si Lofranco ay ang ikalawang biktima na ng r**e sa nasabing lugar. Matatandaang isa ring Japanese Trader ang pinatay doon.

19/01/2024

𝗞𝗢𝗦𝗘𝗛𝗔𝗟 𝗠𝗔𝗥𝗜𝗢 𝗖𝗢𝗚𝗔𝗬, 𝗝𝗥. 𝗣𝗔𝗧𝗔𝗬 𝗠𝗔𝗧𝗔𝗣𝗢𝗦 𝗣𝗔𝗚𝗕𝗔𝗕𝗔𝗥𝗜𝗟𝗜𝗡 𝗡𝗚 𝗛𝗜𝗡𝗗𝗜 𝗣𝗔 𝗡𝗔𝗞𝗜𝗞𝗜𝗟𝗔𝗟𝗔𝗡𝗚 𝗦𝗔𝗟𝗔𝗥𝗜𝗡

Patay si number 1 konsehal ng barangay Mario Cogay, Jr. matapos itong tambangan at pagbabarilin sa loob mismo ng kanyang bahay kaninang madaling araw.

Wala raw alam ang pamilya na may kagalit ang biktima at maging sa banta sa buhay nito.

Kaagad naman inutusan ni Mayor Ross Rizal ang Calamba PNP na magtatag ng special investigation task group para lutasin ang krimen. Sinusuri na rin ang mga CCTV footages na maaring makatulong sa imbestigasyon.

Nakiki-isa ang Canlubang Ngayon sa pakikiramay at panawagan ng hustisya para kay Konsehal Mario Castillo Cogay, Jr.

10/01/2024

𝗢𝗜𝗖 𝗘𝗗𝗚𝗔𝗥 𝗠𝗔𝗡𝗚𝗨𝗕𝗔𝗧 𝗔𝗧 𝗠𝗚𝗔 𝗞𝗔𝗪𝗔𝗡𝗜 𝗡𝗚 𝗕𝗔𝗥𝗔𝗡𝗚𝗔𝗬 𝗖𝗔𝗡𝗟𝗨𝗕𝗔𝗡𝗚 𝗞𝗜𝗡𝗨𝗞𝗪𝗘𝗦𝗧𝗬𝗢𝗡 𝗡𝗚 𝗞𝗪𝗔𝗟𝗜𝗣𝗜𝗞𝗔𝗦𝗬𝗢𝗡 𝗡𝗜 𝗞𝗢𝗡. 𝗠𝗔𝗥𝗜𝗢 𝗖𝗢𝗚𝗔𝗬

Dahil sa inilabas na desisyon ng COMELEC tungkol sa pagwawalang bisa ng diskwalipikasyon nila Konsehal Mario Cogay at Konsehala Kim Legaspi. Marami tuloy sa mga kawani ng barangay ang nangamba kung maipagpapatuloy ba ang mga magagandang proyekto at programa ng kasalukuyang OIC Edgar Mangubat.

Maraming mga usap-usapan kung ano ang kakayahan ni Konsehal Mario Cogay sa pagpaplano, pagpapatakbo ng barangay at lalong higit sa lahat ang paghawak ng malaking pondo ng Barangay Canlubang.

Sa atin pagsisiyasat at sa tulong na din ng ilang mga kawani ng barangay, ating napagalamanan na simula ng panunungkulan ni Konsehal Mario Cogay ay wala man lang itong naipanukalang batas para sa ikabubuti ng ating mga kabarangay. Bukod dito, maraming alegasyon ng korapsyon lalong lalo nasa usapin ng basura sa ating barangay.

Mismong taong barangay na din ang nagsabi sa Canlubang Ngayon na may pondo para sa tatlong beses kada linggo ang hakot ng basura sa ating barangay ngunit madalas ay hindi pa ito umaabot sa dalawa. Ito ay dahil sa ibinubulsa umano ni Konsehal Mario Cogay ang ilang araw na dapat ibayad para sa basura.

Ating hiningi naman ang panig ni Konsehal Mario Cogay tungkol sa issue na ibinabato sa kanya ng mga kawani ng Barangay Canlubang ngunit hanggang sa ngayon ay hindi pa ito nasagot sa ating tawag.

(c) Therine Ocampo | News Correspondent | Canlubang Ngayon

27/11/2023

𝗢𝗜𝗖 𝗣𝗨𝗡𝗢𝗡𝗚 𝗕𝗔𝗥𝗔𝗡𝗚𝗔𝗬 𝗘𝗗𝗚𝗔𝗥 𝗠𝗔𝗡𝗚𝗨𝗕𝗔𝗧, 𝗛𝗜𝗡𝗗𝗜 𝗠𝗔𝗞𝗔𝗚𝗔𝗟𝗔𝗪 𝗡𝗚 𝗠𝗔𝗔𝗬𝗢𝗦 𝗦𝗔 𝗕𝗔𝗥𝗔𝗡𝗚𝗔𝗬

Halos mag-iisang buwan na mula ng matapos ang Barangay at Sangguniang Kabataan election ngunit hanggang sa ngayon ay hindi pa rin ibinababa ang hatol ng diskwalipikasyon ni Larry Dimayuga sa COMELEC.

Dahil dito, binigyan ng kapangyarihan ng Department of Interior and Local Government (DILG) si OIC Edgar Mangubat na siya ang pansamantalang umupo bilang kapitan ng ating barangay.

Ngunit hindi umano makagalaw ng maayos at hindi maipagpatuloy ang ilan sa mga proyekto at programa ng barangay dahil araw-araw na nasa opisina ng barangay ang mag-asawang Larry at Eugenia Dimayuga na siyang nagmamando at nakikialam sa mga desisyon sa barangay.

Ayon sa ilang mga kawani ng barangay na aming nakausap, tila palamuti lang umano si OIC Mangubat dahil si Eugenia at Larry pa rin ang may huling desisyon sa lahat ng usapin ng barangay. Samantalang malakas ang ugong ugong na ibababa na ng COMELEC ang hatol na diskwalipikasyon laban kay Larry Dimayuga sa mga susunod na linggo.

Dagdag pa ng ilang kawani, mas mabuti sana na hayaan na lang muna si OIC Mangubat magpatakbo ng barangay dahil may basbas na din umano ito ni Mayor Ross Rizal at ng DILG. Masyadong kapit-tuko umano ang mag-asawang Dimayuga sa kapangyarihan.

Amin namang hiningi ang panig ni Larry Dimayuga tungkol sa issue ngunit hindi ito nagpaunlak ng panayam.

13/11/2023

MALIGAYANG KAARAWAN! MAYOR ROSS RIZAL 🎉🎂🎈

Nakiki-isa ang bumubuo ng Canlubang Ngayon sa pagdiriwang ng kaarawan ng ating minamahal na City Mayor Ross Rizal, hangad namin ay magkaroon ka ng mabuting kalusugan, at nawa'y marami pa sa ating mamamayan ang iyong matulungan. Kaisa mo kami sa iyong parangap ng isang maayos, ligtas at asensadong Calamba! Isang taos-pusong pasasalamat sayo. 💙

11/11/2023

𝗧𝗜𝗡𝗚𝗡𝗔𝗡: Oath taking ni OIC Edgar Mangubat sa ating City Mayor Ross Rizal

Itinalaga bilang pansamantalang Punong Barangay ng Canlubang si Kagawad Edgar Mangubat, kahapon, habang hinihintay pa ang desisyon ng COMELEC tungkol sa pagdidiskwalipika kay Larry O. Dimayuga dahil sa patong-patong na kasong paglabag ng early campaign na mahigpit na ipinagbawal noong nakaraang eleksyon.

Sinaksihan naman ni DILG Calamba City Director Jennifer Quirente ang nasabing oath taking. Ito ay mandato ng DILG na magtalaga muna ng pansamantalang kahalili habang nag aantay ng desisyon mula sa COMELEC upang maipagpatuloy at hindi maging balakid ang iba't ibang programa at proyekto ng ating Pamahalaang Barangay.

Samantala, kasama sa kinasuhan ng COMELEC sina Mario Cogay, Kim Legaspi at Larry Marasigan na hanggang sa ngayon ay nagaantay din ng desisyon ng COMELEC kung sila ay makakaupo ngayong termino.

Kahapon ay naglabas muli ang COMELEC ng mga desisyon ng iba't ibang mga Punong barangay, kagawad, SK Chairman at SK Kagawad na dinisqualify ng COMELEC dahil sa paglabag, ngunit hindi pa kasama sa inilabas na desisyon ang para sa ating barangay.

08/11/2023

𝗧𝗜𝗡𝗚𝗡𝗔𝗡: OATHTAKING NG APAT (4) NA KAGAWAD NG BARANGAY CANLUBANG KAY MAYOR ROSS RIZAL

Pormal nang nanumpa ang prinoklamang apat (4) na kagawad ng Barangay Canlubang na sina Edgar Mangubat, Hector Fajardo, Eric Manaig at Catherine Calopez sa harap mismo ng ating butihing Mayor Ross Rizal.

Samantalang no show naman sina Mario Cogay, Kim Legaspi, Larry Marasigan at si Larry Dimayuga na hanggang sa ngayon ay hindi pa rin pinoproklama ng COMELEC dahil sa patong-patong na reklamo at paglabag noong nakaraang eleksyon.

Matatandaan na bago ang Barangay at Sangguniang Kabataan Eleksyon ay pumutok ang balita na maaring madisqualify at hindi maiproklama si Kapitan Larry Dimayuga dahil sa paglabag ng maagang pangangampanya, ngunit pinabulaanan niya ito at pilit niyang sinasabi na wala daw ito katotohanan.

Ito ang pangatlong beses na nagsinungaling at hindi inamin ni Kapitan Larry Dimayuga ang kanyang pagkakasala. Una dito ay ang kanyang pagkakahuli sa pagoorganisa ng Tupada noong pandemya. Pangalawa, ay ang lumabas na maanumalyang mahigit na 16 Million na transakyon kung saan halos double at triple ang presyo ng kanyang pinamahagi noong pandemya at ang huli ay ang hindi pag amin sa publiko na kasama siya sa hindi maipoproklama ng COMELEC dahil sa patong patong na reklamo.

Dumistansya din si Mayor Ross Rizal matapos tanungin din siya ng ilang mga kasama natin sa media kung bakit hanggang sa ngayon ay hindi pa naipoproklama si Larry O. Dimayuga.

Ayon mismo kay Mayor Ross, "Wala po tayong magagawa. Ito po ay hatol ng COMELEC at dapat po natin ito sundin. Malinaw po at matibay po ang ebidensya laban kay Larry Dimayuga na siya ay lumabag sa ilang kautusan ng COMELEC. Kung ano't ano man ang magiging desisyon ay atin po itong kikilalanin at irerespeto"

01/11/2023

𝗣𝗔𝗡𝗢𝗢𝗥𝗜𝗡: Aksidente sa motorcade ni Kapitan Larry Dimayuga.

Kitang kita sa video na nalaglag ang dalawang taga suporta ni Kapitan Larry Diayuga sa motor matapos magpakitang gilas ito at inangat ang harapang bahagi nito.

Hindi naman nagtamo ng malalang injury ang taga suporta.

31/10/2023

𝗧𝗜𝗡𝗚𝗡𝗔𝗡: Proklamasyon ng apat (4) na kagawad ng Barangay Canlubang

Naiproklama na ang apat (4) na Barangay Kagawad na nanalo sa ginanap na Barangay and Sangguniang Kabataan Election (BSKE) kaninang alas-3 ng hapon.

Tanging sina Barangay Kagawad Edgar Mangubat, Hector Fajardo, Eric Manaig at Catherine Calopez ang prinoklama at itinaas ang kamay ng mga kawani ng COMELEC Calamba.

Samantalang sina Mario Cogay, Kim Legaspi, Larry Marasigan at si Larry Dimayuga ay hindi pinahintulutang iproklama ng COMELEC dahil sa mga patong-patong na kasong kinahaharap nito dahil sa maagang pangangampanya at pagbili ng boto na mahigpit na ipinagbabawal ng COMELEC.

Ayon sa tagapagsalita ng COMELEC, kung tuluyan nang ma disqualify at hindi maiproklama sina Mario Cogay, Kim Legaspi, Larry Marasigan at si Larry Dimayuga ang sumunod na nakakuha ng pinakamaraming boto ang ipoproklama ng COMELEC.

Hindi rin dumating sina Larry Dimayuga, Mario Cogay at Larry Marasigan sa proklamasyon ng maaring makasama nila sa Sangguniang Barangay kanina.

30/10/2023

𝗢𝗣𝗜𝗦𝗬𝗔𝗟 𝗡𝗔 𝗣𝗔𝗛𝗔𝗬𝗔𝗚

Ngayong araw ng eleksyon, bantayan natin ang ating boto. Ito ang araw na pantay-pantay ang lahat ng tao. Walang mayaman, walang mahirap. Lahat maaring mamili ng lider na magaayos at magbibigay ng kapaki-pakinabang na programa at proyekto para sa ating mga kabarangay.

Umasa po kayo na ang buong team ng Canlubang Ngayon ay hindi magsasawang maghatid sa inyong ng totoo at patas na balitang nangyayari sa ating barangay. Walang kinikilingan at simulat sapul kakampi ang taong canlubang para ihayag at imulat sa katotohanan,

29/10/2023

𝗧𝗜𝗡𝗚𝗡𝗔𝗡: Listahan ng mga diskwalipikang mga kandidato para sa Barangay and Sangguniang Kabataang Election.

Kasama sa listahan sina:

1. Larry O. Dimayuga - Punong Barangay
2. Mario Cogay, Jr. - Barangay Kagawad
3. Ponsing Marasigan - Barangay Kagawad
4. Larry Marasigan - Barangay Kagawad
5. Kim Mayuga Legaspi - Barangay Kagawad

Sa bisa ng Implementation of Minue Resolution No. 23-0730, ang mga kandidatong nasa listahan ay hindi ipoproklama ng COMELEC at hindi na babasahin ang kanilang boto dahil sa patong patong na paglabag sa early campaign.

28/10/2023

𝗟𝗔𝗥𝗥𝗬 𝗢. 𝗗𝗜𝗠𝗔𝗬𝗨𝗚𝗔, 𝗗𝗜𝗦𝗤𝗨𝗔𝗟𝗜𝗙𝗘𝗗 𝗦𝗔 𝗣𝗔𝗚𝗧𝗔𝗞𝗕𝗢 𝗕𝗜𝗟𝗔𝗡𝗚 𝗞𝗔𝗣𝗜𝗧𝗔𝗡 𝗡𝗚 𝗕𝗔𝗥𝗔𝗡𝗚𝗔𝗬 𝗖𝗔𝗡𝗟𝗨𝗕𝗔𝗡𝗚

Isang dokumento ang inilabas mismo ng Commission On Elections tungkol sa pagkakadiskwalipika ni Larry Oña Dimayuga sa pagtakbo nito bilang Kapitan ng Barangay Canlubang dahil sa patong patong na kaso at reklamo sa Task Force Against Pre-Mature Campaign.

Sa labing-anim na pahinang desisyon ng COMELEC na pirmado mismo ni Director Jose Nick Mendros ng Task Force Against Premature Campaigning napatunayan nilang nilabag ni Larry Dimayuga ang ilang mga probisyon ng kautusan ng COMELEC hinggil sa maagang pangangampanya.

Ayon sa naging desisyon, inireklamo si Larry Dimayuga sa mga issue ng katiwalian at korapsyon sa barangay. Dagdag pa sa reklamo ang pamimigay umano ni Larry Dimayuga ng pera at tshirt sa mga botante na maliwanag na vote-buying.

Dahil dito, pinagtibay ng COMELC na diskwalipika na si Dimayuga na tumakbo bilang Kapitan ng Barangay Canlubang, hindi na bilangin ang kanyang boto at kung sakaling manalo siya sa darating na eleksyon ay isuspinde ang kanyang proklamasyon.

Mahigpit na ipinagbawal ng COMELEC ang early campaign para sa mga humahangad sa posisyon ng Barangay at Sangguniang Kabataan.

Kamakailan ay naglabas ng opisyal na pahayag si Larry Dimayuga na wala umanong katotohanan ang kanyang mga disqualification case ngunit ito ay kabaliktaran ng dokumentong aming nakuha mula sa COMELEC. Malinaw na nagsisinungaling si Larry Dimayuga sa hinaharap niyang kaso sa COMELEC ng mga panahon na yon.

Amin namang hiningi ang panig ni Larry Dimayuga tungkol sa issue ngunit minabuti nilang antayin ang desisyon ng COMELEC bago magbigay ng anumang interbyu.

26/10/2023

𝗧𝗜𝗡𝗚𝗡𝗔𝗡: Maanumalyang transaksyon ng Pamahalaang Barangay ng Canlubang sa pangunguna ni Kapitan Larry Dimayuga.

Kinukwestyon ngayon ng Commission on Audit (COA) tungkol sa maanumalyang transaksyon ng Barangay Canlubang noong pandemya. Sa aming nakuhang dokumento, ikinagulat ng COA Officer na halos double o triple ang presyo ng mga binili para sa ipapamahaging relief goods noong Marso 2020.

Nakailang sulat na umano ang COA sa Pamahalaang Barangay ng Canlubang upang ipaliwanag ang mga over price na bilihin noong pandemya ngunit hindi nila ito maipaliwanag.

Sa bisa ng Barangay Resolution No: 18-2020 na inapprubahan ng majority ng mga Barangay Kagawad, nailabas ang tumatagingting na 16 Milyong pisong pondo ng barangay.

Aming hiningi ang panig ni Kapitan Larry Dimayuga tungkol sa issue ngunit hindi siya sumagot sa aming mga tawag o text.

21/10/2023

𝐓𝐈𝐍𝐆𝐍𝐀𝐍: Magarbong farm ni Kapitan Larry Dimayuga sa Casile kung saan inaalagaan ang kanyang mahigit isang daan (100) na manok panabong.

Ayon sa aming nakuhang Deed of Sale, nabili ni Kapitan Larry Dimayuga ang kulang kulang na isang hektaryang lupa noong May 2020 - panahon ng pandemya na nagkakahalagang umaabot sa apat na milyong piso (4,000,000).

Sa aming pagsusuri, hindi nakadeklara ang lupaing ito sa ipinasang Statement of Assets, Liabilities, and Net Worth (SALN) ni Kapitan Larry Dimayuga noong taong 2021, 2022 hanggang sa ngayon.

Aming hiningi ang panig ni Kapitan Larry Dimayuga tungkol sa issue ngunit ayon sa kanya, ang anak niya umabo ang nagmamay-ari ng farm sa Brgy. Casile at hindi siya.

(c) Allen Lopez | News Correspondent | Canlubang Ngayon

20/10/2023

𝗞𝗔𝗣𝗜𝗧𝗔𝗡 𝗟𝗔𝗥𝗥𝗬 𝗗𝗜𝗠𝗔𝗬𝗨𝗚𝗔 𝗡𝗜𝗟𝗜𝗡𝗔𝗪 𝗡𝗔 𝗛𝗜𝗡𝗗𝗜 𝗦𝗜𝗬𝗔 𝗗𝗜𝗦𝗤𝗨𝗔𝗟𝗜𝗙𝗜𝗘𝗗

Sa inilabas sa opisyal na pahayag ni Larry Dimayuga sa kanyang Facebook Account, nilinaw niya na walang katotohanan ang kumakalat na bali-balita na siya ay disqualifed na sa pagtakbo nilang Kapitan ng ating barangay.

Ito umano ay dahil sa patong patong na reklamo ng premature campaign na natanggap ng COMELEC.

Binigyang diin din ni Kapitan Larry Dimayuga na walang anumang disqualification case na isinampa sa kanya.

Dagdag pa niya na wala siyang anumang nilalabag na panuntunan ng COMELEC kaugnay ng nalalapit na halalan.

Kinukumpirma naman namin sa COMELEC Main Office kung totoo ngang walang kasong diskwalipikasyon laban kay Kapitan Larry Dimayuga.

19/10/2023

𝗠𝗔𝗬𝗢𝗥 𝗥𝗢𝗦𝗦 𝗥𝗜𝗭𝗔𝗟, 𝗡𝗔𝗡𝗔𝗪𝗔𝗚𝗔𝗡 𝗡𝗚 𝗜𝗦𝗔𝗡𝗚 𝗠𝗔𝗧𝗜𝗪𝗔𝗦𝗔𝗬 𝗔𝗧 𝗣𝗔𝗬𝗔𝗣𝗔𝗡𝗚 𝗞𝗔𝗠𝗣𝗔𝗡𝗬𝗔𝗛𝗔𝗡!

Sa pagbubukas ng kampanyahan para sa mga humahangad sa Barangay at SK Eleksyon ngayong araw ay nanawagan ang ating buthihing Mayor Ross Rizal sa mga Calambeños ng isang matiwasay at payapang kampanyahan.

Inaasahan din ng ating butihing Mayor ang respeto at disiplina sa ating mga mamamayan.

Mensahe niya para sa mga humahangad sa posisyon sa Barangay at SK na kung ano man ang maging resulta ng halalan ay laging isa isip ang tunay kahulugan ng kanilang paghangad sa . Gayundin, inaaahan ko ang respeto at disiplina ng bawat isang mamamayan.
Anuman ang maging resulta sa halalan, tandaan natin ang tunay na kahulugan kung bakit tayo ay sumusubok na paglingkuran ang ating mga ka-barangay.

15/10/2023

𝗢𝗩𝗘𝗥𝗣𝗥𝗜𝗖𝗘𝗗 𝗡𝗔 𝗕𝗜𝗚𝗔𝗦, 𝗦𝗔𝗥𝗗𝗜𝗡𝗔𝗦, 𝗖𝗢𝗥𝗡𝗕𝗘𝗘𝗙 𝗔𝗧 𝗜𝗧𝗟𝗢𝗚 𝗡𝗢𝗢𝗡𝗚 𝗣𝗔𝗡𝗗𝗘𝗠𝗬𝗔, 𝗦𝗔𝗔𝗡 𝗡𝗔𝗣𝗨𝗡𝗧𝗔?

Isang dokumento ang aming nakuha mula sa Commission on Audit (COA) tungkol sa maanumalyang transakyon ng Barangay Canlubang sa pangunguna ni Kapitan Larry O. Dimayuga noong pandemya. (Minarapat naming takpan ang ibang detalye para na rin sa kaligtasan ng aming impormante)

Base sa dokumento, bumili ang Pamahalaang Barangay ng Canlubang sa Maricel Prago Enterprise ng sardinas, cornbeef, itlog at bigas na sobrang nakakalula dahil sa sobrang taas ng presyo.
Tinatayang aabot sa Php 52 kada isang lata ng sardinas, Php 50 kada isang lata ng cornbeef, halos Php 14 ang isang pirasong itlog at Php 3,250 naman kada kalahating kabang bigas.

Makailang beses na umanong kinuswestyon ng COA si Kapitan Larry O. Dimayuga dahil sa sobrang taas ng presyo na kanyang inaprubahan at binili noong pandemya ngunit ito umano ay dahil sa walang makuhang supply ng relief goods sa buong Laguna.

Aming siniyasat ang Opisyal na page ng Barangay Canlubang at ng Opisyal na page ni Kapitan Larry Dimayuga, ngunit wala namang nailathala na ipinamigay ng nasabing relief goods noong buwan ng Abril hanggang Agosto.

Tanging galing sa Pamahalaang Lungsod ng Calamba at iba pang mga pribadong kompanya na nagdonate at nagbigay ng tulong ang ipinamahagi ni Kapitan Larry O. Dimayuga sa ating mga kabarangay.

Amin namang hiningi ang panig ni Kapitan Larry O. Dimayuga tungkol sa issue ngunit hindi pa siya simasagot sa aming mga tawag o text. Bukas naman ang Canlubang Ngayon sa panig ng ating kapitan.

(c) Allen Lopez | News Correspondent | Canlubang Ngayon

10/10/2023

𝗖𝗢𝗡𝗚𝗥𝗘𝗦𝗦𝗪𝗢𝗠𝗔𝗡 𝗖𝗛𝗔 𝗛𝗘𝗥𝗡𝗔𝗡𝗗𝗘𝗭, 𝗡𝗜𝗟𝗜𝗡𝗔𝗪 𝗡𝗔 𝗪𝗔𝗟𝗔𝗡𝗚 𝗦𝗜𝗬𝗔𝗡𝗚 𝗦𝗜𝗡𝗨𝗦𝗨𝗣𝗢𝗥𝗧𝗔𝗛𝗔𝗡𝗚 𝗞𝗔𝗡𝗗𝗜𝗗𝗔𝗧𝗢 𝗦𝗔 𝗣𝗔𝗚𝗞𝗔𝗞𝗔𝗣𝗜𝗧𝗔𝗡 𝗦𝗔 𝗕𝗔𝗥𝗔𝗡𝗚𝗔𝗬 𝗖𝗔𝗡𝗟𝗨𝗕𝗔𝗡𝗚

Kumakalat ngayon sa social media ang talumpati ng tauhan ni Congresswoman Cha Hernandez na sinasabing nakasuporta ang kongresista sa kandidatura ni Larry O. Dimayuga sa pagkakapitan ng Barangay Canlubang.

Sa isang liham na sagot ni Congresswoman Cha Hernandez sa Civil Service Commission o CSC, nilinaw niya na ginamit lamang ni Matt Palentinos ang kanyang pangalan na walang panhintulot. Binigyang diin din niya na wala siyang sinusuportahan na kahit sinong kandidato sa pagka kapitan ng barangay dahil ito ay labag sa batas.

Pinaiimbestigahan niya ngayon ang kanyang tauhan na si Matt Palentinos dahil lumabag ito sa Commission on Elections (COMELEC) and Civil Service Commission (CSC) Joint Circular No. 001, series of 2016 dated 29 March 2016 dahil sa pangangampanya nito kay Larry O. Dimayuga.

Nagbabala naman ang CSC sa mga kawani ng gobyerno na nangangampanya ng kani-kanilang kandidato na maari silang masuspinde o matanggal sa trabaho na walang makukuhang anumang benepisyo.

(c) Allen Lopez | News Correspondent | Canlubang Ngayon

08/10/2023

𝗣𝗨𝗟𝗦𝗢 𝗡𝗚 𝗖𝗔𝗡𝗟𝗨𝗕𝗔𝗡𝗚

Sino ang pitong (7) Barangay Kagawad na iboboto mo ngayong darating na Barangay Election sa Oktubre 30, 2023? At Bakit siya ang iyong napusuang Kandidato?

04/10/2023

𝗞𝗔𝗣𝗜𝗧𝗔𝗡 𝗟𝗔𝗥𝗥𝗬 𝗗𝗜𝗠𝗔𝗬𝗨𝗚𝗔, 𝗧𝗜𝗡𝗔𝗪𝗔𝗚 𝗡𝗔 𝗠𝗨𝗞𝗛𝗔𝗡𝗚 𝗣𝗘𝗥𝗔 𝗔𝗧 𝗣𝗔𝗧𝗔𝗬-𝗚𝗨𝗧𝗢𝗠 𝗔𝗡𝗚 𝗠𝗚𝗔 𝗧𝗔𝗚𝗔 𝗞𝗔𝗣𝗔𝗬𝗔𝗣𝗔𝗔𝗡

Trending ngayon sa social media ang screenshot ng usapan ni Kapitan Larry O. Dimayuga at ng kanyang political lider matapos nitong sabihin na patay-gutom at mukhang pera ang mga taga Sitio Kapayapaan.

Ayon sa aming source, nainis na daw si Kapitan Larry O. Dimayuga sa ilan sa kanyang mga lider na hingi ng hingi umano ng bigas na ipapamahagi umano sa mga taga-suporta niya roon.

Kung kaya't nakapagbitiw ng maanghang na salita si Kapitan Larry Dimayuga na mukhang pera umano at patay-gutom ang mga ito.

Base sa contact number na nakalagay sa screenshot ay kumpirmado ngang kay Kapitan Larry Dimayuga ito dahil ito ang aming tinatawagan kung nais naming hingiin ang kanyang panig sa ilang mga issue na kanyang kinasasangkutan.

Amin ding ipinasuri sa PNP Calamba ang nasabing screenshot at kinumpirma nila mismong ito ay tunay at hindi edited. Binigyang diin din nila na ang mga ganitong screenshot na mula sa mga cellphone ay mahirap peke-in.

Amin namang hiningi ang panig ni Kapitan Larry Dimayuga tungkol sa issue ngunit hindi siya sumasagot sa aming mga tawag o text.

(c) Allen Lopez | News Correspondent | Canlubang Ngayon

27/09/2023

𝗙𝗔𝗞𝗘 𝗡𝗘𝗪𝗦 𝗣𝗢 𝗕𝗔?

Sa aming balitang inilabas noong Setyembre 24, 2023 tungkol sa pagkwestyon ng DSWD Regional Office tungkol sa pamamahagi ng AICS sa Canlubang.

Maraming naglabasang paratang tungkol sa di umano'y "Fake News" ang balitang aming inilabas. Kasama na dito ang opisyal na pahayag ng DSWD Regional Office.

Ngunit, base sa kanilang opisyal na pahayag TAHASAN LANG NILANG TINAWAG NA FAKENEWS ANG BALITA AT WALANG NAGING SAGOT ANG DSWD REGIONAL OFFICE TUNGKOL SA ISSUE NA AMING INILABAS.

Binubura din ng admin ng page ng DSWD Regional Office ang mga comment ng Netizen kung ito ay hindi akma o sumasalungat sa opisyal na pahayag na kanilang inilabas.

Kung kaya't inulan ng "HAHA" reaction ang nasabing post ng DSWD Regional Office IVA dahil maraming mga taga Canlubang ang magpapatotoo sa balitang aming inilabas.

Nais din nating kalampagin at batayan ang nasabing ahensya kung bakit pinahihintulutan nilang gamitin ang pondo ng bayan mula sa pinagpagurang TAX ng mamamayan sa panahon ng election ban.

Nais din nating bigyan ng linaw kung bakit kinakailangang hatiin sa Dalawang Libong Piso (P2,000) ang matatanggap ng mga residente ng Barangay Canlubang at hindi Apat na Libong Piso (P4,000).

Para saan din ang stub na pinamimigay ni Kapitan Larry O. Dimayuga na sinasabing matatanggap ang kulang na Dalawang Libong Piso (P2,000) pagkatapos ng eleksyon at kung siya pa rin ang uupo? Isa itong malinaw at lantarang vote-buying na labag sa ating batas at konstitusyon.

At sa huli, bakit kinakailangan mangampanya at maghayag ng suporta ni Matt Palentinos kay Kapitan Larry Dimayuga at ginagamit pa nito ang pangalan ni Congresswoman Cha Hernandez? Ito ay maliwanag na labag sa Commission on Elections (COMELEC) and Civil Service Commission (CSC) Joint Circular No. 001, series of 2016 dated 29 March 2016 na sinasabing ang isang empleyado ng gobyerno ay hindi nararapat magendorso ng isang kandidato.

Ito po ang mga isyu na dapat talakayin at kinakailangan ng bawat isang taga Canlubang ng sagot. Hindi tamang isang "Fake News" lamang ang sagot sa mga katiwalian at kalokohang ginagawa sa kaban ng bayan.

Tandaan po ninyo na maingat po naming hinihimay ang mga balitang aming inilalabas at hindi namin papalagpasin ang mga tiwaling gawain ng mga pulitikong nagpapasarap mula sa pinagpagurang tax ng ating mga kabaranggay.

Asahan po ninyo na tuloy-tuloy kaming magbabantay at magsisiwalat ng korapsyon at iba't ibang issue sa ating barangay na walang kinikilingan at walang pinoprotektahan.

Mula noon hanggang ngayon, nakatutok kami upang ihatid ang tama, patas at kongkretong balita.

WALA PONG FAKE NEWS DITO.

Maraming Salamat po!

24/09/2023

𝗗𝗦𝗪𝗗 𝗥𝗘𝗚𝗜𝗢𝗡𝗔𝗟 𝗢𝗙𝗙𝗜𝗖𝗘, 𝗞𝗜𝗡𝗨𝗪𝗘𝗦𝗧𝗬𝗢𝗡 𝗔𝗡𝗚 𝗣𝗔𝗠𝗔𝗠𝗔𝗛𝗔𝗚𝗜 𝗡𝗚 𝗔𝗜𝗖𝗦 𝗦𝗔 𝗖𝗔𝗡𝗟𝗨𝗕𝗔𝗡𝗚

Ikinagulat ni DSWD Regional Director Barry R. Chua, M.D. ang paraan ng pamimigay ng DSWD Assistance to Individuals in Crisis Situation (AICS) sa ilang barangay sa Calamba at kasama na sa Canlubang.

Ayon kay RD Chua, ang pondo na ibinaba sa mga kongresista ay ibinaba din sa mga Barangay Kapitan na kung saan sila ang namimili kung sino ang mabibigyan ng P10,000 hanggang P4,000 ayuda mula sa DSWD.

Ngunit imbes umano na apat na libong piso (P4,000) ang matanggap ng mga residente ng Barangay Canlubang ay dalawang libong piso (P2,000) lang ang ipinamahagi ni Kapitan Larry Dimayuga.

Bukod dito, namamahagi umano ng stub si Kapitan Larry Dimayuga at sinasabing tska lamang matatanggap ang natitirang dalawang libong piso (P2,000) pagkatapos umano ng eleksyon ng barangay sa Oktubre.

Dagdag pa ni RD Chua, Malinaw na vote-buying ang ginagawa ni Kapitan Larry Dimayuga at wala umanong kinalaman ang mismong kongresista at opisina ni Congresswoman Cha Hernandez tungkol dito.

Sa imbestigasyon ding nakalap ng DSWD Regional Office, karamihan sa binigyan ng ayuda mula sa pondo ng DSWD AICS ay mga lider at tagasuporta ni Kapitan Larry Dimayuga. Karamihan pa sa mga nakatanggap ay mga kamag-anakan ni Kapitan Larry Dimayuga at ng kanyang asawa na hindi prioridad dahil maayos at magaganda naman ang buhay.

Ipapatawag ng DSWD Regional Office si Kapitan Larry Dimayuga tungkol sa issue.

Nanawagan din si RD Chua na gamitin sa wasto ang pondo ng gobyerno dahil ito ay galing sa mga tax payers. Ang programang AICS ay para sa mga residenteng lubos na nangangailangan pagdating sa medical assistance, funeral assistance, educational assistance, food assistance at iba pa. Hindi ito umano para sa pambili ng boto ngayong darating na eleksyon.

(c) Allen Lopez | News Correspondent | Canlubang Ngayon

Address

Canlubang
Calamba

Website

http://www.canlubangngayon.net/

Alerts

Be the first to know and let us send you an email when Canlubang Ngayon posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Canlubang Ngayon:

Videos

𝗣𝗔𝗡𝗢𝗢𝗥𝗜𝗡: Aksidente sa motorcade ni Kapitan Larry Dimayuga. Kitang kita sa video na nalaglag ang dalawang taga suporta ni Kapitan Larry Diayuga sa motor matapos magpakitang gilas ito at inangat ang harapang bahagi nito. Hindi naman nagtamo ng malalang injury ang taga suporta.

𝗖𝗢𝗡𝗚𝗥𝗘𝗦𝗦𝗪𝗢𝗠𝗔𝗡 𝗖𝗛𝗔 𝗛𝗘𝗥𝗡𝗔𝗡𝗗𝗘𝗭, 𝗡𝗜𝗟𝗜𝗡𝗔𝗪 𝗡𝗔 𝗪𝗔𝗟𝗔𝗡𝗚 𝗦𝗜𝗬𝗔𝗡𝗚 𝗦𝗜𝗡𝗨𝗦𝗨𝗣𝗢𝗥𝗧𝗔𝗛𝗔𝗡𝗚 𝗞𝗔𝗡𝗗𝗜𝗗𝗔𝗧𝗢 𝗦𝗔 𝗣𝗔𝗚𝗞𝗔𝗞𝗔𝗣𝗜𝗧𝗔𝗡 𝗦𝗔 𝗕𝗔𝗥𝗔𝗡𝗚𝗔𝗬 𝗖𝗔𝗡𝗟𝗨𝗕𝗔𝗡𝗚 Kumakalat ngayon sa social media ang talumpati ng tauhan ni Congresswoman Cha Hernandez na sinasabing nakasuporta ang kongresista sa kandidatura ni Larry O. Dimayuga sa pagkakapitan ng Barangay Canlubang. Sa isang liham na sagot ni Congresswoman Cha Hernandez sa Civil Service Commission o CSC, nilinaw niya na ginamit lamang ni Matt Palentinos ang kanyang pangalan na walang panhintulot. Binigyang diin din niya na wala siyang sinusuportahan na kahit sinong kandidato sa pagka kapitan ng barangay dahil ito ay labag sa batas. Pinaiimbestigahan niya ngayon ang kanyang tauhan na si Matt Palentinos dahil lumabag ito sa Commission on Elections (COMELEC) and Civil Service Commission (CSC) Joint Circular No. 001, series of 2016 dated 29 March 2016 dahil sa pangangampanya nito kay Larry O. Dimayuga. Nagbabala naman ang CSC sa mga kawani ng gobyerno na nangangampanya ng kani-kanilang kandidato na maari silang masuspinde o matanggal sa trabaho na walang makukuhang anumang benepisyo. (c) Allen Lopez | News Correspondent | Canlubang Ngayon

𝗣𝗔𝗡𝗢𝗢𝗥𝗜𝗡: Wasak ang motor ng isang lalaki matapos nitong iwasan ang isang tricycle at bumangga sa isang gater sa harap ng Molson Park sa Barangay Canlubang. Ayon sa inisyal na imbestigasyon, masyadong mabilis ang pagpapatakbo ng motorsiklo at hindi nito kaagad nakita ang isang tricycle kung kaya't pag pihit nito ay kaagad naman siyang sumalpok sa gater. Wasak wasak ang motorsiklo ng rider na nagtamo lamang ng ilang galos. Ayon sa impormasyon na aming nakuha, ilang beses sila umano tumawag sa Barangay ng Canlubang para makahingi ng tulong, first aid o ambulansya ngunit walang sumasagot na kawani ng barangay. Isinakay na lamang nila umano ang rider ng motorsiklo sa tricycle at dinala sa pinakamalapit na pagamutan upang mabigyan ng paunang lunas. - Allen Lopez | News Correspondent | Canlubang Ngayon

𝗣𝗔𝗡𝗢𝗢𝗥𝗜𝗡: Aktuwal na kuha ng PHIVOLCS ng Phreatomagmatic eruption ng bulkang Taal bandang 3:16 PM hanggang 3:21 PM ngayon araw. Itinaas na sa Alert level 3 ang bulkang Taal. COURTESY: DOST-PHIVOLCS

𝗕𝗮𝗿𝗮𝗻𝗴𝗮𝘆 𝗰𝗮𝗽𝘁𝗮𝗶𝗻 𝘀𝗮 𝗟𝗮𝗴𝘂𝗻𝗮 𝗻𝗮 𝘁𝗶𝗻𝗮𝗱𝘁𝗮𝗱 𝗻𝗴 𝗯𝗮𝗹𝗮 𝗮𝗻𝗴 𝘀𝗮𝘀𝗮𝗸𝘆𝗮𝗻 𝘀𝗮 𝗮𝗺𝗯𝘂𝘀𝗵, 𝗵𝗶𝗺𝗮𝗹𝗮𝗻𝗴 𝗻𝗮𝗸𝗮𝗹𝗶𝗴𝘁𝗮𝘀 Naniniwala ang isang punong barangay sa Calamba, Laguna na may plano pa sa kaniya ang Diyos matapos siyang makaligtas sa ambush. Kahit kasi tinadtad ng bala ng baril ang kaniyang sasakyan, himalang galos lang mula sa talsik ng bubog sa salamin ng sasakyan ang kaniyang tinamo. Sa ulat ni John Consulta sa GMA News "24 Oras" nitong Miyerkules, kinilala ang biktima na si Arvin Manguiat, chairman ng Barangay Palo Alto. Nagmamaneho ng kaniyang sasakyan ang biktima nang tambangan siya ng isang itim na SUV at may nakabuntot pang motorsiklo sa Barangay Paciano. Ayon sa pulisya, hindi bababa sa 50 tama ng bala ng baril ang tinamo ng sasakyan ni Manguiat, na nagtamo lang ng mga sugat sa braso pero walang tama ng bala. "Siguro po mga dalawang dipa na lang po ang layo ko sa kanila. Bale sumandal na lang po ako sa pagkakaupo ko, nakiramdam po ako kung talagang pinagkakaloob ng Diyos na kuhanin na niya ako," ayon sa biktima. "Ito pong mga naging tama sa braso ko, mga talsik na po ng bubog ng salamin po ng sasakyan. Wala naman po ako naging tama ng bala. Siguro po may plano pa ang Panginoon sa akin kaya po maswerte po akong nakaligtas," dagdag ni Manguiat. Hinala niya, ang mahigpit na kampanya niya laban sa ilegal na droga ang dahilan ng pagtatangka sa kaniyang buhay. "'Yong tungkol po sa droga siguro. Marami po kasi akong pinahuli rito. Kung 'yon naman po ang dahilan, kung may nasagasaan man ako sa kanila, eh hindi ko po 'yon pinagsisisihan dahil alam ko po na mas marami akong buhay na kabataan na nailigtas sa pinagbabawal na gamot," pahayag ni Manguiat. Patuloy naman ang imbestigasyon ng mga awtoridad para mahuli ang mga nakatakas na salarin.—FRJ, GMA News

𝗣𝗔𝗡𝗢𝗢𝗥𝗜𝗡: Pinasinayaan ni Mayor Timmy Chipeco ang Global Care Medical Center sa Barangay Canlubang bilang isa sa mga Vaccination Center sa lungsod ng Calamba, Laguna. Video (c) Calamba City Iipeso

PANOORIN: Nasunog ang isang establishimento sa Asia 1, Barangay Canlubang kaninang alas11:30 ng umaga. Inaalam na po ng ating mga awtoridad ang pinagmulan ng sunog. video (c) Jhay Ar Cruz Bermundo

𝗧𝗔𝗡𝗢𝗡𝗚 𝗡𝗚 𝗕𝗔𝗬𝗔𝗡: 𝗞𝗮𝗽𝗶𝘁𝗮𝗻 𝗶𝗻-𝗮𝗽𝗽𝗼𝗶𝗻𝘁 𝘀𝗮𝗿𝗶𝗹𝗶𝗻𝗴 𝗮𝗻𝗮𝗸 𝗻𝗮 𝗸𝗮𝗴𝗮𝘄𝗮𝗱, 𝘁𝗮𝗺𝗮 𝗯𝗮? Panoorin ang naging sagot ni Department and Interior and Local Government (DILG) for Barangay Affairs Usec. Martin Diño tungkol sa legalidad ng pag-aapoint sa anak ng isang namatay o nagresign na kagawad ng barangay. Katulad ito ng nangyari sa ating barangay matapos sumakabilang-buhay si Kagawad Mario Legaspi at inirekomenda ng ating Kapitan Larry O. Dimayuga ang anak ni Kagawad Legaspi na si Kim Legaspi. Video (c) Sa Barangay Tay

𝗣𝗔𝗡𝗢𝗢𝗥𝗜𝗡: Mensahe ni Department of Interior and Local Government (DILG) Undersecretary for Barangay Affairs Martin Diño sa mga kapitan. Binangiit ni Usec. Martin Diño ang usapin tungkol sa Barangay Anti-Drug Abuse Council o (BADAC). Sa inyong pananaw, nagagampanan ba ng ating Barangay ang usapin tungkol sa illegal na droga sa ating Barangay?

𝗣𝗔𝗡𝗢𝗢𝗥𝗜𝗡: Ulat ng GMA 24 Oras tungkol sa pagkakahuli kay Barangay Canlubang Kapitan Larry Dimayuga dahil sa pagiging operator ng illegal na tupada. Nahuli din kay Kapitan Dimayuga ang isang caliber 9mm Glock 17, Gen 4 Austria Pistol, isang magazine at 16 live ammunition na walang lisyensya. Noong lunes, May 24, 2021 naglabas ng opisyal na pahayag ang Official page ng Barangay Canlubang na pinabubulaanan na nahuli at nakulong si Kapitan Larry Dimayuga at sinasabing siya lamang ay nasa kanyang opisina at tinutuloy gampanan ang kanyang responsibilidad bilang Kapitan ng barangay. Ngunit dahil sa mga naglalabasang dokumento at iba pang report mula sa media ay napatunayang walang katotohanan ang naging pahayag ng barangay. - Rey Angeles | News Correspondent | Canlubang Ngayon