Only a blogger can understand the joy of knowing that his or her blogs bring joy to the readers!
27/12/2024
KUNG SINO PA ‘YUNG MAY TRABAHO, SILA PA ‘YUNG WALANG BAGONG DAMIT.
Kadalasan, sila pa ‘yung inuuna ang pangangailangan bago ang kagustuhan. Hindi dahil kuripot sila, kundi dahil alam nila ang hirap ng kumita ng pera. Bawat pisong dumadaan sa kamay nila ay may kaakibat na pagod, puyat, at sakripisyo. Kaya bago bumili ng bagong damit o anuman, mas inuuna nila ang mga bagay na mas mahalaga—pang-aral ng kapatid, gastusin sa bahay, o ipon para sa kinabukasan.
Hindi ibig sabihin nito na wala silang pangarap para sa sarili. Ang totoo, sila ang may pinakamalalaking pangarap, pero alam nila ang tamang oras at paraan para marating ito. Minsan nga, kahit gusto nilang magluho, natututo silang magtiis dahil mas masarap sa pakiramdam na may ipon kaysa may luho.
Ang taong may trabaho at kayang kontrolin ang paggastos ay taong may matibay na disiplina at responsibilidad. Hindi man nakikita sa panlabas na anyo ang bunga ng kanilang pagsisikap, pero sa mga bagay na mahalaga—tulad ng seguridad ng pamilya o sariling kalayaan sa utang—sila ang tunay na mayaman.
Sa huli, hindi naman sukatan ang bagong damit o gamit para masabi kung gaano kaganda ang takbo ng buhay. Ang tunay na tagumpay ay nasa kakayahan mong pamahalaan ang iyong buhay, lalo na ang perang pinaghirapan mo. Kaya sa mga
katulad ko tahimik lang na nagtatrabaho at nagtitipid, saludo sa inyo. Ikaw, ako, sila, tayo ang mga tunay na bida.
