Jham

14/11/2024

Luwan di Gardinero

Baken nalalaka di biyag di gardeniro,
Sinay di sugal ngem legal ay bisyo.
Mula et adi ammu nu wadan tu,
Puunan et adi ammu nu man taulin tu.

Panawen ya nginan di presyo,
Sisay di kanayon ay problema tako.
Inagew ay bisitaen inis ek tako,
Nu mayat ngatan iyat da ay tinmubo.

Man yungo dan mula,
Tan danum yan masapol da.
Baken mayat bulong da,
Tan kurang sey ang na.

Biyag di gardinero sin nadumaduma ay tiempo.
Nu palalon segit na et udan di anapen da,
Nu man ugan libuo et din agew awagan da.
Panawen si inagew et importante sin mula da.

Umalin apit di nateng ay makwani,
Enda man timpuyog ay umili.
Ta apit yan napaspas ay malpas,
Bareng abutan presyo ya adi updas kumupas.

Inkambyo das kinta,
Ta abutanay otsenta.
Dumateng pay ed halsema,
Na flat din guma na.

Esay oras taktak na,
Presyo yan duwan binmaba.
Nabbay sin byahe na,
Otsenta yan nanbalin ay trenta.

Man yungo din akin mula,
Luluwa nan man tedted sisan mata na.
Tarakin mula na,
Nem maga di bayad na.

Nu kanan yun nalalaka,
Maga tan sugal na.
Nanginan inpustam,
Ngem man manu din pangabakam.

Ad addu di gardinero,
Man luluwa begew si presyo.
Ngem iyaman en daida,
Way nateng ay masida.

09/10/2024

peace 🍃 🌊

06/10/2024

04/10/2024

A day well spent with my labidabis🫶

03/10/2024

02/10/2024

Esay Kimkim //in a blink of an eye//
(reminiscing thy childhood)

Sin esay kimkim ko, ad adduy nabaliwan sin lubong ko. Nanrugi sin ka ung unga, enggana sin nasikenak et parintis ko di ennak dinedemang. Engganas nan rugi di eskwela ay makwani ay permi di ragsak ya sabsabali ay marikriknak. Kanak sin kumaanak, ad adduy ka ay ayam kod eskwelaan. Malpas di eskwela et sumaa ak ed beey yan da ama en ina di umuna ay matamang kod tungdo ay sem sem ed sin batawa.

Linmabas di kataw e taw en, sin kasin esay kimkim ad adduy nanbaliw. Inmalin tiyempo ay ek man eskwelad syudad, ta say iturpos ko di kurso ay ennak layden. Binmaybayag et ad adduy nan daanak ay padas di biyag sinan syudad ay makwani. Sin inagsapa ay enak bumangon, maga di makan ay naisasagana tan magas da ama en ina ay nan isagana. Bumangon nak si nasapa tan maga di umiuto. Amey ak ed eskwelaan asak pay sumaa sin masdem ay maga di en mang se seed en sak en sin batawa.

Piga pay ay tawen di en anusan ay ad adduy en mabalbaliwan, begew si esay kimkim. Waday makwani ay bakasyon et peteg di ragsak tan enak sumaa ta ek man tamang ed ili ya ek bisitaen pamilyak. Sinmaa ak, permi di ragsak ko tan kasin nailak ay wada da sin batawa ay mang se seed en sak en. Tinmukdo ak sin batawa asak pay tamtamangen garden da, ad adduy padas di biyag ko ay nan tauli sin nemnem ko. Ennak nandan sin ublaan asak mailan bato ay eyak naseseypan ed idi. Din bayabas ay enmi ala alan lames na uray adi nayaom. Din ginawang ay enmi panlanglanguyan ed edi. Din duntog ay enmi pan-ayu ayusipan ya pan ala alaan sin makan ay naidomdoma.

Ngem begew si esay kimkim, danan padas et kaman nan balin ay isturya di biyag. Isunga habang waday oras mo, sumaa ka ed ili yu ta engka tamangen danan yu ya em ilan dadin pamilyam. Umalin tu di tiempo ay mamagaan ka si oras ya sin esay kimkim mo, ad addun to di panbaliwan di lubong ay adam masipsiputan.Sin lubong mo et ad adduy man balbaliw, kaman metlang din tawen ay lumablabas et ad addu di umal ali ya ad addu abe di mamagmaga wennu mabalbaliwan.

02/10/2024

The perfect weekend escape:)