19/03/2020
Magandang Gabi po mga ka-barangay!
Nais po naming ipaalam sa inyong kaalaman na simula po bukas, ika-20 ng Marso, 2020, Biyernes ika-6:00 ng umaga hanggang ika-2:00 ng hapon na lamang po pwedeng gamitin ang BARANGAY FAMILY ACCESS PASS para bumili ng mga pangangailan ng inyong pamilya tulad ng mga pagkain at gamot.
Pagsapit po ng ika-2:01 ng hapon hanggang gabi ay hindi na po kayo maaring lumabas ng bahay!
KAHIT MAY ACCESS PASS PO KAYO HUHULIHIN PA RIN PO KAYO KAPAG LUMABAS KAYO NG BAHAY SA HINDI TAMANG ORAS!
Ang lumabag po sa utos na ito (Enhanced Community Quarantine) ay may karampatang parusa, multa at pagkakakulong ayon sa Republic Act 11332.
Multa na hindi bababa sa Dalawampung libong piso (₱ 20,000.00) ngunit hindi hihigit sa limampung libong piso (₱ 50,000.00) o pagkakakulong ng hindi bababa sa isang (1) buwan ngunit hindi hihigit sa anim (6) na buwan, o parehong tulad ng multa at pagkabilanggo.
Ang inyong pakikiisa at malawak na pang-unawa ay malaking tulong po sa bawat isa para iwasan ang paglaganap ng sakit na COVID-19.
Maraming Salamat po!