06/02/2023
February 6,2023/DEAREST ONE PROGRAM Monday,WEDNESDAY and FRIDAY 1-3pm
Letter Sender for the Day
Gubot nga pagpuyo
DEAREST ONE
Good afternoon Crystal ug sa tanang mga nagsunod , kanunay ning radio station Radyo Kalambuan DXNE FM….
Ako diay si Kristine ,taga Kapatagan ,Lanao del Norte.
ADuna koy problema sa akong pagpuyo. ADuna koy ka-live in. Nagkauyab mi og duha ka tuig ug naglive-in sulod sa usa ka tuig.
Apan ang among pagpuyo nahimong gubot.
Kadaghan na mi nagbulag, unya magbalik na sab. Nangita man god siya og lain busa nagkayagaw hinuon ang among pagpuyo.
Ako siyang gipapili kon kinsa namo, ako ang iyang gipili. Busa nagbalik mi og ipon. Apan wala gihapoy kalinaw ang among panag-uban. Kanunay lang away. Ning tuiga, wala nay klaro ang among relasyon.
Kay halos dili na man siya manumbaling nako. Buot niyang mag-iyahay na lang mi kay dili man gyud mi magkasinabot bisan unsaon.
Nagduda sab ko nga nagbalik sab sila niadtong babaye nga iyang nauyab kaniadto.Crystal love kaayo naku siya, gani nagtuo ko nga kami na gyud sa hangtud.
Apan wala kini mahimong reyalidad kay wala na mi karon.
Nia na ko ipon sa akong ginikanan.
Apan guol pa gihapon ko sa gidangatan sa among relasyon. Buot sa akong parents nga magbalik na lang mi sa akong kapuyo kay magul-anon man ko. Gusto silang magmalipayon ko. Apan unsaon man nga wala na man siya sa akong kiliran?
Mahimo pa ba ming magbalik bisan pa niining among kahimtang karon?
KRISTINE