RMN DYHB Bacolod 747

RMN DYHB Bacolod 747 NOT JUST NO. 1, SIMPLY THE BEST! KBP Golden Dove Awardee for Best AM Station.
(6)

PAGGAL-OM, MANIPIS NGA ULAN SA NIR KABAHIN LAMANG SANG LOCALIZED THUNDERSTORM, SUNO SA OCDKabahin lamang sang localized ...
26/12/2025

PAGGAL-OM, MANIPIS NGA ULAN SA NIR KABAHIN LAMANG SANG LOCALIZED THUNDERSTORM, SUNO SA OCD

Kabahin lamang sang localized thunderstorms ang paggulugal-om sang kahawaan kag panalagsahon nga pagtupa sang manipis nga ulan sa Negros Island Region.

Ginklaro ni Office of the Civil Defense Regional Director Donato Sermeno III nga base sa forecast sang PAGASA, wala na sang lauman nga bagyo ukon anuman nga weather disturbance tubtob sa katapusan sang tuig 2025.

Ila pa ginahulat ang masunod naman nga forecast para sa pagbukas sang 2026.

Nahibaluan nga ginalantaw sang PAGASA nga yara sa duha tubtob walo ka tropical cyclones ang magasulod sa Philippine Area of Responsibility sa una nga anom ka bulan sang 2026.

Base sa forecast, zero to one storm kada bulan ang magaluntad sa Enero tubtob Abril samtang isa tubtob duha naman sa Mayo kag Hunyo.

26/12/2025

DAGAT NAMING KARAPATAN 🌊
Isang espesyal na dokumentaryo na tumatalakay sa tunay na kalagayan ng mga mangingisdang Pilipino sa gitna ng tensyon sa West Philippine Sea.

Itutuloy pa rin ba ang pakikibaka para sa karapatan at kabuhayan? Panoorin at maging saksi sa kwento ng tapang, pagpupursige, at tahimik na paglaban.

Inihahandog ng RMN at iFM Dagupan, katuwang ang Fish Right Program.

Tunga sa milyon nga bulig, gindonar sang Landbank sa Negros Occidental Nagdonar sang P500,000 ang Land Bank of the Phili...
26/12/2025

Tunga sa milyon nga bulig, gindonar sang Landbank sa Negros Occidental

Nagdonar sang P500,000 ang Land Bank of the Philippines (LANDBANK) para sa Negros Occidental.

Ang cheke sang nasambit nga financial aid ang personal nga gin-turnover ni Landbank Bacolod Branch Head Jocelyn Amodia turned kag ini ang ginbaton ni Negros Occidental Provincial Administrator Atty. Rayfrando Diaz.

Ang tunga sa milyon nga bulig ang para sa mga local government units sa probinsya nga apektado sang Bagyo Tino.

Ink ang ginalauman magaserbe bilang relief kag recovery efforts sa mga apektado nga komunidad nga kabahin sang tikang sang Landbank sa iya padayun nga suporta kag bulig sa komunidad sa tion sang kalamidad.

[Via PGNO/Facebook]

26/12/2025

SENTRO SERBISYO | Radyoman Yves Montecillo kag Nikki Magbanua. Download DYHB app on Google Play for sign-on to sign-off programs including radio dramas.

PILA KA RESIDENTE SANG BRGY. VISTA ALEGRE NAGDANGOP SA DSSD MATAPOS WALA NADALA SA PAYOUT PARA SA ECTNagdangop sa Depart...
26/12/2025

PILA KA RESIDENTE SANG BRGY. VISTA ALEGRE NAGDANGOP SA DSSD MATAPOS WALA NADALA SA PAYOUT PARA SA ECT

Nagdangop sa Department of Social Services and Development (DSSD) ang pila ka residente sang Brgy. Vista Alegre, Bacolod matapos nagreklamo nga wala nadala sa masterlist sang payout sang emergency cash transfer (ECT) para sa mga naapektuhan sang bagyo Tino.

Isa sa nagreklamo amo si Sheila Amihan sang Purok Ariring. Suno diri, naguba ang atop sang iya balay kag isa ka semana ini nga nagtinir sa evacuation kag nalakip sila sa mga gin-evaluate para sa ayuda.

Ginreklamo ni Amihan nga wala ini nalakip sa mga ginpatawag sang barangay para sa payout subong nga adlaw. Ginreklamo man sini nga wala sa ila ginpakita ang masterlist.

Nahibaluan nga isa ang Vista Alegre sa may payout sang ECT sini nga adlaw. Sa media interview naman kay DSSD head Dr. Richelle Verdeprado-Mangga, ginpahayag sini nga amat-amat na nila gin-check ang mga nagreklamo kag pila sa mga ini ang yara gid man sa masterlist.

Ginpatawgan man ni Dr. Verdeprado-Mangga ang area supervisor angut sa ginareklamo nga masterlist.

Apang may yara sang sistema ang Department of Social Welfare and Development (DSWD) nga mabutang sa "for compliance" ang isa ka beneficiary kon may problema sa encoding sang data kaangay sang spelling sang ngalan, apelyido kag bisan sa birth dates.

Apang gilayon man ini nga ginapaidalom sa verification kag ginapahibalo ang benificiary angut diri.

Subong nga adlaw may schedule sang payout sa Vista Alegre, Taculing, Sum-ag, Pahanocoy kag Singcang.

Bwas naman ang ulihi nga schedule sang payout sa barangay nga ginalakipan sang Tangub, Villamonte kag Montevista.

Nahibaluan nga ang mga slightly affected ang makabaton sang β‚±5,369 kag β‚±10,325 naman ang mga severely affected. Sa kabug-usan, 39,364 ang yara sa listahan nga makabaton sang ECT sa Bacolod. Antes magtakop sang Disyembre 2025 tinguhaan sang DSSD nga matapos ang ECT payout sa Bacolod City.

LOOK | Sitwasyon sa lakat sang trapiko sa banwa sang Hinigaran pasado alas-11:30 sini nga aga, Disyembre 26.
26/12/2025

LOOK | Sitwasyon sa lakat sang trapiko sa banwa sang Hinigaran pasado alas-11:30 sini nga aga, Disyembre 26.

LOOK. Sitwasyon sa gwa sang balaligyaan sang bulto nga prutas sa dalan San Sebastian sa ciudad sang Bacolod, subong nga ...
26/12/2025

LOOK. Sitwasyon sa gwa sang balaligyaan sang bulto nga prutas sa dalan San Sebastian sa ciudad sang Bacolod, subong nga Disyembre 26.

814 KA MGA GOVERNMENT SCHOLARS, NAGBATON SANG TAG-P3K NGA FINANCIAL ASSISTANCENagbaton sang tag-P3,000 nga balor sang fi...
26/12/2025

814 KA MGA GOVERNMENT SCHOLARS, NAGBATON SANG TAG-P3K NGA FINANCIAL ASSISTANCE

Nagbaton sang tag-P3,000 nga balor sang financial assistance para sa first semester sang school year 2025-2026 ang
ang 814 tanan ka mga government scholars sang Bacolod City

Ang distribusyon sang nasambit nga bulig pinansyal ang ginhiwat tinalikdan nga Disyembre 24 sa Bacolod City Government Center nga personal nga ginkuha sang mga scholars gikan sa nagkalian-lain nga pribado kag pampubliko nga mga eskwelahan.

Nagdangat naman sa P2.4 million ang kabug-usan nga balor sang bulig pinansyal nga ginrelease sang ciudad sa mga scholars.

Nahibaluan nga tag-3K nga allowance ang ginahatag sa mga scholars kaupod sang tuition subsidy gikan sa ciudad nga direkta nga ginabayad sa mga eskwelahan.

"By supporting education more, we choose a future where no Bacolodnon child’s potential is held hostage by social status or circumstance," pahayag ni Bacolod City Mayor Greg Gasataya.

Nagalaum man ang alkalde nga ang financial aid nga ginbaton sang mga scholars ang makabulig sa mga immediate academic kag personal nga mga kinahanglanon sang mga estudyante.

[Via Bacolod Stronger Together/Facebook]

ANAY MIEMBRO SANG AFP, ARESTADO MATAPOS NAGPALUPOK SANG ARMAS LUTHANG SA BISPERAS SANG PASKWA SA CIUDAD SANG BAGOArestad...
26/12/2025

ANAY MIEMBRO SANG AFP, ARESTADO MATAPOS NAGPALUPOK SANG ARMAS LUTHANG SA BISPERAS SANG PASKWA SA CIUDAD SANG BAGO

Arestado ang isa ka anay miembro sang Armed Forces of the Philippines (AFP) matapos nagpalupok sang armas luthang sa bisperas sang paskwa tinalikdan nga Disyembre 24 sa Purok Rosas, Barangay Balingasag, Bago City.

Base sa report sang Bago City PNP, ang suspek ang isa ka lalaki kag retired personnel sang AFP kag residente sang nasambit nga barangay.

Sandig sa report, gina-alegar nabatian ang asod-asod nga lupok sang armas luthang kag gina-alegar nga ini ang halin sa balay sang lalaki nga yara sa idalum sang impluewensya sang makahulubog nga ilimnon.

Sang ginpamangkot, ginpanginwala sang lalaki ang alegasyon apang narekober sang kapulisan ang fired cartridge sang .45 caliber sa iya balay.

Sa pangpang-usisa sang kapulisan, narekober dugang ang mga bala sang armas luthang lakip na ang empty magazine nga may unod nga mga bala.

Sa karon, yara na sa kustodiya sang Bago City Components Police Station and biktima para sa nagakaigo nga disposisyon.

ππ€π‡πˆππ€π‹πŽ 𝐒𝐀 π‡πŽπ‹πˆπƒπ€π˜Amon ginapahibalo nga ang CLMMRH Outpatient Department, upod man ang mga online portals (OPD Telekons...
26/12/2025

ππ€π‡πˆππ€π‹πŽ 𝐒𝐀 π‡πŽπ‹πˆπƒπ€π˜

Amon ginapahibalo nga ang CLMMRH Outpatient Department, upod man ang mga online portals (OPD Telekonsulta kag OPD TeleSkedyul), sarado sa masunod nga mga petsa:
Disyembre 29, 2025 | Lunes(Memo Circular No. 111)
Disyembre 30, 2025 | Martes (Adlaw ni Rizal)
Disyembre 31, 2025 | Miyerkules (Bisperas sang Bag-ong Tuig)
Enero 1, 2026 | Huwebes (Bag-ong Tuig)
Enero 2, 2026 | Biyernes (Memo Circular No. 111)
Magabalik ang regular nga konsultasyon sa Lunes, Enero 5, 2026.

π‡πŽπ‹πˆπƒπ€π˜ π€πƒπ•πˆπ’πŽπ‘π˜

Please be advised that the CLMMRH Outpatient Department,
as well as its online portals (OPD Telekonsulta and OPD TeleSkedyul)
will be closed on:
December 29, 2025 | Monday (Memo Circular No. 111)
December 30, 2025 | Tuesday (Rizal’s Day)
December 31, 2025 | Wednesday (New Year’s Eve)
January 1, 2026 | Thursday (New Year)
January 2, 2026 | Friday (Memo Circular No. 111)
Regular consultations will resume on Monday, January 5, 2026.

via Clmmrh Out-Patient Department TeleSkedyul/Facebook

26/12/2025

WATCH | Time-lapse footage sa nagluntad nga ash emission sa Bulkan Kanlaon sini nga adlaw, Disyembre 26.

Ini ang nagluntad pasado alas-6:27 kaina sang aga kag ginabulubanta yara sa 400 meters ang nangin kataason sini.

[Video from PHIVOLCS]

Address

RMN Broadcast Center, 17th Street Lacson, Bacolod City
Bacolod City
6100

Website

Alerts

Be the first to know and let us send you an email when RMN DYHB Bacolod 747 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to RMN DYHB Bacolod 747:

Shortcuts

Share

Category