25/07/2024
VERY IMPORTANT PINOY TOUR SA NEGROS OCCIDENTAL NANGIN MADINALANG-ON
Nangin madinalag-on ang duha ka adlaw nga Very Important Pinoy (VIP) tour sa Negros Occidental nga nag-umpisa sang Hulyo 23 tubtob Hulyo 24 nga ginlakipan sang masobra 230 ka mga Filipino-Americans nga kalabanan senior citizens.
Sa pahayag ni Provincial Tourism Officer Cheryl Decena, ang VIP tour ukon 2024 Ambassador’s Tour ang isa ka programa sang Department of Foreign Affairs (DFA) kaupod ang Department of Tourism (DOT) kada tuig para sa mga Fil-Am nga madugay na nga nagapuyo sa Estados Unidos.
Suno pa kay Decena nga isa sa mga tinutuyo sang programa amo ang mapabalik ang mga Fil-Am sa pungsod agud indi malipatan ang kultura sang Pilipinas ang lugar nga ila ginhalinan antis sila nagpadulong sa Estados Unidos.
Sa una nga adlaw sang tour, nagpadulong ang mga turista sa Kapitolyo Probinsyal para makipagkita kay Gobernador Eugenio Jose Lacson kag namakal sang mga produkto sang Negros Occidental sa Technology and Livelihood Development Center (TLDC) kag sa ANP pagkatapos nagbisita sa Ruins Talisay antis nagpadulong sa Bacolod City Government Center para manyapon kaupod ang pila ka mga konsehal kag si Mayor Albee Benitez.
Sa ikaduha nga adlaw, Hulyo 24, sandig sa ila itinerary, nagpadulong naman ang mga turista sa Lakawon Resort para mag-relax antis nagpadulong sa siudad sang Victorias sakay sa anum ka bus sang Southwest Transport.
Sa schedule sang mga turista, 10 ka adlaw ang ila pagbisita sa Pilipinas kag matapos ang ila tour sa probinsya, sila naman ang magapadulong sa Cagayan De Oro para tan-awon ang mga nagakalain-lain nga mga tourist destination sa lugar.*
By Red Salgado
Ini nga update ginadul-ong sang:
👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.
🛒 Maaari ring umorder thru shopee: https://shopee.ph/clinicadealternativomedicina.
Marv Aranjuez | July 25, 2024
Your No. 1 Quality Health and Wellness Food Supplement Check out Clinica De Alternativo deals and product reviews online now!