Radyo Bandera-Bacolod City/Negros Occidental

13/11/2024

WATCH: K-balo ka bala nga gin-ulan sang snow ang desyerto sa Saudi Arabia?

14/07/2024

24/06/2024

K5 Mobile Legends: Bang Bang Qualifiers
Top 8 Teams Best of 3 series

13/04/2024

LABORER GINLUTHANG-PATAY SANG DUHA KA WALA PA MAKILAL-AN NGA SUSPETSADO SA LA CASTELLANA

Gibawian sang kabuhi ang 36-anyos nga lalaki matapos ginluthang sang duha ka wala pa makilal-an nga mga suspestado sa Purok Paho, Brgy. Cabagnaan, banwa sang La Castellana, Negros Occidental, takna las 6:30 sang gab-i, Huwebes, Abril 11, 2024.

Ginkilala ang biktima kay Junior Bartolome y Toquero, laborer, kasado, kag residente sang nasambit nga lugar.

Base sa spot report sang La Castellana Municipal Police Station, hinali na lamang nagkadto ang duha ka mga suspetsado sa balay ni Bartolome kag ila ini ginluthang sang makapila ka beses samtang yara ini sa ulingan sa likod sang ila balay.

Nakaangkon ang biktima sang madamo nga igo sang bala sa nagkalain-lain nga bahin sang iya lawas.

Gilayon naman ini gindala sa La Castellana RHU apang gindeklarar ini nga dead on arrival sang attending physician.

Samtang, nagapatigayon naman ang imbestigasyon sang mga otoridad agud mahibaluan ang motibo sa pagpangluthang kag makilal-an ang duha ka mga suspestado nga nagpalagyo matapos ang krimen.*

Ini nga update ginadul-ong sang:







👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru Shopee:
🛒https://shopee.ph/clinicadealternativomedicina

Reyster Saim Gani | April 13, 2024
Via Ka-K5 Pervical Villamor

13/04/2024

28-ANYOS NGA LALAKI, NAKUHAAN MGA ARMAS, BALA KAG ILIGAL NGA DRUGA SA MOISES PADILLA

Nakuhaan ang 28-anyos nga lalaki sang mga armas, bala, kag iligal nga druga matapos sang ginserbe nga search warrant sang mga otoridad sa Brgy. Inolingan, banwa sang Moises Padilla, Negros Occidental, takna las 4:30 kaina sang kaagahon, Abril 13, 2024.

Ginkilala ang akusado kay Rhembert Librado y Manolo, wala sang asawa, wala sang obra, kag residente sang nasambit nga lugar.

Base sa spot report sang Moises Padilla Municipal Police Station, nakumpiskar gikan kay Librado ang mga masunod:

• Isa ka armas luthang nga cal .38 revolver;
• Duha ka bala;
• Isa ka improvised shotgun;
• Isa ka bala sang improvised shotgun;
• 12 ka heat-sealed transparent plactic sachet sang ginasuspetsuhan shabu;
• Isa ka improvised tooter;
• Tatlo ka lighter;
• Isa ka rolyo sang aluminum foil;
• Isa ka gunting;
• P340 nga cash;
• Isa ka wala unod nga marlboro cigarette pack;
• Isa ka kahita;
• Duha ka bamboo clips;
• Kag isa ka gamay nga straw.

Ginabulubanta nagabug-at sang 5 ka gramos kag nagabalor sang P34,0000 ang nakumpiskar nga suspected shabu.

Si Librado ang may pending warrant of arrest nga gin-isyu ni Hon. Cyclamen Fernandez, Executive Judge sang Regional Trial Court, 6TH Judicial Region sa La Carlota City Negros Occidental nga ginpetsahan Abril 12, 2024.

Nakahunong karon sa Moises Padilla MPS si Librado nga nagapang-atubang sa kaso nga paglapas sa RA 9165 ukon ukon Comprehensive Dangerous Drugs Act of 2002 kag RA 10591 ukon iligal nga paghupot sang armas.*

Ini nga update ginadul-ong sang:







👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru Shopee:
🛒https://shopee.ph/clinicadealternativomedicina

Reyster Saim Gani | April 13, 2024
Via Ka-K5 Pervical Villamor

13/04/2024

18 KA MGA BALAY ‘TOTALLY DAMAGED’ SA NAGLUNTAD NGA SUNOG SA BRGY. 18, BACOLOD CITY; KAHALITAN NAGDANGAT SA P3 MILLION

‘Totally damaged’ ang 18 tanan ka mga balay samtang tatlo naman ang ‘partially damaged’ sa nagluntad nga sunog sa Purok Interior, Brgy. 18, Bacolod City, Negros Occidental, takna las 8:51 kaina sang aga, Abril 13, 2024

Nagdangat naman sa 21 ka pamilya ang apektado sang sunog nga nagbilin sang ginabulubanta P3 million nga kahalitan.

Ang tag-iya sang balay nga ginhalinan sang sunog amo si Encarnacion Rodriguez. Naglab-ot sa 3rd alarm ang sunog.

Maswerte naman nga wala sang may nasamaran ukon napatay sa nagluntad nga sunog nga nagdangat sa 3rd alarm.

Ginahibalo pa sang mga otoridad ang ginhalinan sang nasambit nga sunog.*

Ini nga update ginadul-ong sang:







👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru Shopee:
🛒https://shopee.ph/clinicadealternativomedicina

Reyster Saim Gani | April 13, 2024
Via Ka-K5 Randy Coronel
Photo for visuals only

07/04/2024

BUHI NGA BAKA SA BACOLOD, GINKUHAAN KASUDLAN; SUSPEK, GINPAGUHA SA PRISOHAN

Ginkumpirmar ni PCPT Dax Santillan, Hepe sang Bacolod Police Station 6 nga ginhilway na ang lalaki nga gina-alegar nanglaplap sang panit ka buhi nga baka nga ginapaharab sa isa ka bakante nga lote sa Barangay Taculing bangud sa kakulang sang ebidensya.

Suno kay Santillan, nadakpan ang suspek sadtong Biernes sang hapon, Abril 5, 2024 sa bulig sang mga concerned citizen.

Ang suspek ang ginkilala sa kay alias "Reneboy" kag residente sang Purok Rosal, Barangay Taculing.

Kahapon sang aga, adlaw nga Sabado, Abril 6, ginpasaka nila ang kaso nga Animal Welfare Act of 1999 apang wala ini ginbaton sang piskal rason nga ginhilway ang suspetsado bangud nagtakop na ang reglementary period sini.

Dugang pa ni Santillan, yara na sa husto nga pang-edaron si Reneboy apang makita sa mga giyo sini nga may deperensya ini sa paminsaron.

Sandig sa reklamo sang tag-iya, gin laplapan ni Reneboy ang iya tatlo ka baka nga ginapaharab sa bakante nga lote kag ginkuha ang unod.

Ginhingagaw nalang pakatay sang tag-iya ang iya mga baka antes pa man ini napatay.

Suno kay Santillan, negosyo sang tag-iya ang pagbakal kag pagbaligya sang livestock kag ginapadala sa Manila.

Pagklaro ni Santillan nga kun makasumiter ang tag-iya sang mabakod nga ebidensya nga makatudlo sang suspek nga amo ang imbolbado sa nasambit nga krimen nakahanda sila nga ipasaka liwat ang kaso batok sa suspetsado pinaagi sa regular filing.

By K5 Randy Coronel

Ini nga update ginadul-ong sang:








👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.

🛒 Maaari ring umorder thru shopee: https://shopee.ph/clinicadealternativomedicina.

Coolen Cubia | April 7, 2024

07/04/2024

07/04/2024

MAESTRA NADAKPAN SANG IYA BANA, NAGA "ANA-ANA" SA TRAYSIKOL DRIVER SA ILOILO

Nadakpan ang isa ka maestra sa Dumangas, Iloilo kag ang iya sini nga kerido nga isa ka traysikol driver nga naga 'ana-ana" sa sulod kwarto sang isa ka resort sa Brgy. Jardin, Dumangas, Iloilo las 10:10 sang aga, Sabado, Abril 6.

Base sa impormasyon, ang maestra naga-edad 37-anyos, kag residente sang Anilao, Iloilo.

Apang, nahibaluan nga nagatudlo ini sa Sagay City, Negros Occidental.

Samtang, ang kerido sang maestra ang naga-edad 47-anyos, kag residente sang Brgy. Culob Sambag, Anilao, Iloilo.

Nahibaluan nga ang bana sang maestra ang nagatrabaho bilang Admin Assitant ll sa School Division Office sa probinsya sang Negros Occidental.

Nagpangayo sang bulig ang bana nga maestro sa kapulisan matapos mahibaluan nga nag-updanay ang iya asawa nga maestra sa iya sini nga kerido sa isa ka resort sa Iloilo.

Sa pagresponder sang kapulisan, didto mismo nadakpan sa akto sang bana ang pagkambyada sang traysikol driver sa pribado nga parte sang lawas sang maestra.

Sa karon, nakahunong ang maestra kag kerido sini sa Dumanga PNP kag nakatalana nga pasakaan sang kaso.

Ini nga update ginadul-ong sang:








👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.

🛒 Maaari ring umorder thru shopee: https://shopee.ph/clinicadealternativomedicina.

Coolen Cubia | April 7, 2024
Via K5 San Carlos

07/04/2024

HEAT INDEX SA NEGROS, 40 DEGREE CELCIUS

Yara karon sa 40 degree celsius ang heat index sa probinsya sang Negros Occidental sini nga Domingo, Abril 7.

Ini ang base sa update sang DOST-PAGASA.

Ini nga update ginadul-ong sang:








👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.

🛒 Maaari ring umorder thru shopee: https://shopee.ph/clinicadealternativomedicina.

Coolen Cubia | April 7, 2024

07/04/2024

TATLO KA PERSONA, NAKUHAAN MASOBRA P54K NGA BALOR SANG SHABU SA BRGY. 14, BACOLOD CITY

Arestado ang tatlo ka persona matapos makuhaan sang iligal nag druga sa buy-bust operation nga ginpatigayon sa Purok Jose Rizal, Barangay 14, Bacolod City, Negros Occidental, takna las 4:12 sang gab-i, Abril 5, 2024.

Ginkilala ang mga nadakpan kanday Julius De Pedro Batayen alyas ‘Julius’, 39-anyos, Ralph Lauren A. Allera alyas ‘Lorence’, ginasuspetsuhan nga drug den maintainer, 27-years old, kag Christine P. Macabante alyas ‘Tintin’, 29-anyos.

Nakumpiskar sa mga nadakpan ang anom ka pakete sang ginasuspetsuhan shabu nga ginabulubanta nagabug-at sang 8 ka gramos kag nagabalor sang P54,500.

Magluwas sa suspected shabu, nakumpiskar man ang P400 nga cash, improvised tooters, disposable lighters, black coin purse, kag cash.

Magapang-atubang ang mga nadakpan sa kaso nga paglapas sa Republic Act 9165 ukon Comprehensive Dangerous Drugs Act of 2002.*

Ini nga update ginadul-ong sang:







👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru Shopee:
🛒https://shopee.ph/clinicadealternativomedicina

Reyster Saim Gani | April 7, 2024
Via Ka-K5 Carla Rosnefed

07/04/2024

MGA TAGA-BACOLOD, NAKABATYAG SANG LINOG

Kasunod sang pagtay-og sang magnitude 3.2 nga linog sa banwa sang Murcia, Negros Occidental, nabatyagan man ini sa syudad sang Bacolod.

Ginkumpirmar sang Provincial Disaster Risk Reduction Management Office nga las 5:26 nagluntad ang linog sa Murcia.

Tectonic naman ang origin sini, wala sang nareport nga intensities kag wala naman sang ginalauman nga aftershocks kag kahalitan.

Ini nga update ginadul-ong sang:








👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.

🛒 Maaari ring umorder thru shopee: https://shopee.ph/clinicadealternativomedicina.

Coolen Cubia | April 7, 2024

07/04/2024

KLASE SA HIMAMAYLAN SUSPENDIDO BUWAS NGA ADLAW, LUNES

Suspendido sa buwas nga adlaw, Lunes, Abril 8 ang klase sa syudad sang Himamaylan.

Ini ang para sa tanan nga lebel, pampubliko kag pribado nga mga buluthuan sa nasambit nga syudad.

Sandig ini sa gin-issue nga Executive Order No. 2024-26 ni Mayor Raymund Tongson nga nagadeklarar sang 'class suspension'.

Ini nga update ginadul-ong sang:








👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.

🛒 Maaari ring umorder thru shopee: https://shopee.ph/clinicadealternativomedicina.

Coolen Cubia | April 7, 2024

07/04/2024

TROLLS KAG FAKE NEWS PAMATUKAN, MATUOD-TUOD NGA ISYU SANG KOMUNIDAD PAGATUTOKAN SUNO KAY SENADOR PADILLA

Sa iya mensahe sa atubang sa mga katapo sang Negros Press Club (NPC), nagpaalintun si Senador Robinhood Ferdinand Padilla sa mga miembro sang Media nga indi magpapierde sa mga trolls nga nagapalapta sang fake news kag pakamaayuhon nga pagatutokan ang matuod-tuod nga isyu sang kumonidad.

Suno kay Padilla, nagadamo na subong ang mga trolls nga nagapalapta sang fake news bisan diin nga bahin sang kalibutan.

Bisan sa United States of America (USA) kag European Union nagapatigayon man sila sang Senate Hearing batok sa fake news, dugang pa ni Padilla.

Bilang tigpamuno sang Committee on Public Information and Mass Media sa Senado, nagapanawagan si Padilla sa mga katapo sang Fourth Estate nga pagatutukan ang mga matuod-tuod nga isyu sang komunidad kasubong sang epekto sang El Niño kag problema sa mga mangunguma kag iban pa nga sektor.

Dugang pa ni Padilla, sa sitwasyon sang aton pungsod subong indi na mahibaluan kun ano ang matuod kag kun ano ang peke nga balita

Nasubuan man si Padilla bangud mas ginapatihan pa sang mga pumuluyo ang mga trolls kumparar sa mga lehitimo nga mga alagad sang journalism.

Ginpahayag man sang Senador nga dako ini nga panghangkat sa mga katapo sa lehitimo nga media kun paano pamatukan ang pagpalapta sang fake news.

Nangin dinapit nga bisita kag induction officer si Padilla sa ika-88th nga Induction kag Oath Taking Ceremony sang Negros Press Club (NPC) kagab-i, Abril 6, 2024 nga ginhiwat sa SMX Convention Center sa SM City Bacolod.

By Randy Coronel

Ini nga update ginadul-ong sang:







👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru Shopee:
🛒https://shopee.ph/clinicadealternativomedicina

Reyster Saim Gani | April 7, 2024

07/04/2024

PATI SI CHITO MIRANDA NAGKAON SANG CHICKEN INASAL SA BACOLOD

Wala ginpalampas sang OPM Band nga Parokya ni Edgar sa pagpanguna ni Chito Miranda ang pagkaon sang Chicken Inasal sa syudad sang Bacolod.

Indi lang kansi ang gintalawan sang mga ini, bangud pati Cansi, dalasdas.

Ang nasambit nga banda ang nag-perform sa festival sang Himamaylan City, Negros Occidental.

Matandaan nga pati si Ice Suguerra ang nagkaon man sang Bacolod's Chicken Inasal sang nagtambong ini sa Induction kag Oath Taking sang mga newly officers and member sang Negros Press Club.

Ini nga update ginadul-ong sang:








👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.

🛒 Maaari ring umorder thru shopee: https://shopee.ph/clinicadealternativomedicina.

Coolen Cubia | April 7, 2024

06/04/2024

MURCIA, GINATAY-OG SANG 3.2 MAGNITUDE NGA LINOG

Gintay-og sang 3.2 magnitude nga linog ang banwa sang Murcia, Negros Occidental takna las 5:26 sang aga subong nga Domingo, Abril 7, 2024.

May kadalumon ini nga 001 kilometros kag tectonic ang ginhalinan, base sa report sang Philippine Institute of Volcanology and Seismology (PHIVOLCS).

Wala naman sang may gina-ekspektar nga aftershocks kag damages matapos nagluntad ang linog.*

Ini nga update ginadul-ong sang:







👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru Shopee:
🛒https://shopee.ph/clinicadealternativomedicina

Reyster Saim Gani | April 7, 2024
Via PHIVOLCS-DOST