07/01/2025
မိတ်ဆွေ တို့ တနေ့တာ အတွက် နည်းနည်းလေး
အိပ်ရာစောစောထပြီး နံနက်တိုင်း
S.A.V.E.R.S ဆိုတဲ့ အချက် ၆ ချက်ကို လုပ်ပေးကြည့်ပါ။
နံနက်မိုးလင်း အိပ်ရာထတိုင်းမှာ
ဘဝက အဓိပ္ပာယ်မဲ့နေသလို ခံစားနေရပြီလား ?
ရည်မှန်းချက် အိပ်မက်တွေ ပျောက်ဆုံးနေပြီလား ?
ဘာလုပ်လို့ လုပ်ရမှန်းမသိ ဖြစ်နေပြီလား ?
ဘဝက ပျင်းစရာကောင်းနေပြီလား ?
အားမလိုအားမရတွေ ဖြစ်နေပြီလား ?
မိုးလင်းနေထွက်လာပေမယ့်
အမှောင်ကျသလိုဖြစ်နေတဲ့ ဘဝတွေအတွက်
life S.A.V.E.R.S ဘဝကယ်တင်နည်း ၆ ချက် ရှိပါတယ်။
1. S - Silence (၅ မိနစ်)
တိတ်ဆိတ်ခြင်း လိုအပ်ပါတယ်။ မိုးလင်းအိပ်ရာနိုးတာနဲ့ ဘာမှမလုပ်ခင် အိပ်ရာပေါ်မှာ ထိုင်လျက် ငြိမ်ငြိမ်လေး meditate လုပ်ပေးရပါမယ်။ အတိတ်ကို ပြန်မတွေး၊ အနာဂတ်ကို စိတ်မပူ၊ ဘာဆိုဘာမှမစဉ်းစားဘဲ လက်ရှိအချိန်လေးမှာပဲ ၅ မိနစ်လောက် နေထိုင်ကြည့်ပါ။ တစ်နေ့တာလုံးအတွက် စိတ်ငြိမ်သက်တည်ငြိမ်မှုကို ရရှိစေပါလိမ့်မယ်။
2. A - Affirmation (၃ မိနစ်)
ကိုယ့်ကိုယ်ကို အားပေးစကားပြောပေးတာ၊ ချီးကျူးတာတွေက နေ့တစ်နေ့ကိုရင်ဆိုင်ဖို့ ခွန်အားတွေ အများကြီးရပါတယ်။ တစ်ချိန်က အောင်မြင်မှုတွေ၊ ပျော်ရွှင်မှုတွေကို ပြန်ကြားယောင်ပါ။ ရှေ့ဆက်နေ့ရက်တွေကိုလည်း ကျိန်းသေ ကောင်းကောင်းဖြတ်သန်းဖို့ ယုံကြည်ပါ။ ကိုယ့်ရဲ့ဖြစ်တည်မှုနဲ့ ပိုင်ဆိုင်မှုတွေကို အကောင်းဘက်ကနေ ဂုဏ်ယူကြည့်ပါ။
3. V - Visualize (၃ မိနစ်)
ဒီနေ့ ကိုယ်ဖြစ်ချင်တာတစ်ခုကို တွေးပါ။ ပြီးရင် ဖြစ်သွားတဲ့အချိန်ကို ပုံဖော်ကြည့်ပါ။ ပြီးရင် ဒီနေ့ အကောင်အထည်ဖော်ပါ။ အလားတူ တစ်လအတွင်း ဖြစ်ချင်တာ၊ တစ်နှစ်အတွင်း ဖြစ်ချင်တာတွေကို စဉ်းစားပြီး ဖြစ်သွားပြီလို့ ပုံဖော်ကြည့်ပါ။ ကြိုးစားလိုစိတ်တွေ ထွက်ပေါ်လာပါလိမ့်မယ်။
4. E - Exercise (၅ မိနစ်)
လမ်းဆင်းလျှောက်တာဖြစ်ဖြစ်၊ စက်ဘီးစီးတာဖြစ်ဖြစ်၊ ယောဂကျင့်တာ ဖြစ်ဖြစ်၊ ကိုယ်လက်လှုပ်ရှားမှုတစ်ခုခုကို ၅ မိနစ်လောက် ပြုလုပ်ကြည့်ပါ။ ဦးနှောက်နဲ့ နှလုံးသားမှာ ခွန်အားတွေပြည့်လာပြီး အကြံကောင်းတွေ ရရှိစေသလို စိတ်ပျော်ရွှင်မှုတွေလည်း ပေါက်ပွါးစေပါတယ်။
5. R - Read (၅ မိနစ်)
စာဖတ်တာကလည်း ဦးနှောက်နဲ့ နှလုံးသားကို အာဟာရပြုတာပါပဲ။ ဘဝအတွက် လိုအပ်တဲ့ ဗဟုသုတတွေရော၊ စိတ်အတွက်လိုအပ်တဲ့ ကြံ့ခိုင်မှုတွေရော ရရှိစေပါတယ်။ နံနက်တိုင်း ၅ မိနစ်လောက် စာဖတ်တဲ့အကျင့် ထားကြည့်ပါ။
6. S - Scribe (၄ မိနစ်)
လက်ရှိခံစားချက်၊ အတွေး၊ အိပ်မက် စတာတွေကို စာအုပ်ထဲမှာ နံနက်တိုင်း ချရေးကြည့်ပါ။ Journaling လုပ်တာဟာ ကိုယ်ဖြစ်ချင်တဲ့အရာတွေနဲ့ ကိုယ့်ရဲ့အတွေးတွေကို တစ်စုတစည်းတည်း ဖြစ်စေပါတယ်။ ကိုယ့်ကိုယ်ကို ပိုနားလည်လာစေဖို့လည်း အထောက်အကူပြုပါတယ်။
Ange တို့ဘဝရဲ့ လက်ရှိအခြေအနေတွေဟာ
မကောင်းတာတွေ ဖြစ်နေတဲ့အခါ
ကိုယ့်ကိုယ်ကို အပြစ်တင်နေစရာမလိုပါဘူး။
ဝမ်းနည်းနေစရာမလိုပါဘူး။
နိုးထလာခြင်းတွေဟာ အဓိပ္ပာယ်မဲ့နေစရာမလိုပါဘူး။
ကိုယ့်စိတ်ကို ကိုယ် heal လုပ်ပါ။
နံနက်စောစောထပြီး S.A.V.E.R.S ၆ ချက်နဲ့ အတူ
ဘဝရဲ့ အဓိပ္ပာယ်တွေကို ပြန်ဖော်ဆောင်ပါ။
ရှင်သန်နေတဲ့ နေ့ရက်တွေကို ကျေးဇူးတင်ရင်း
မကောင်းတဲ့ကာလတွေကို
အားအင်အပြည့်နဲ့ ရင်ဆိုင်ဖြတ်သန်းပေးပါ။
Ange ကတော့မိတ်ဆွေတိူ့အတွက်
သုံးဝင်မယ်လို့ မျှော်လင့်ပါတယ်။
