Mitralal Sharma

31/10/2023

पापीलाई सबैभन्दा बढी पुण्य चाहिन्छ,
अधर्मीलाई सबैभन्दा बढी धर्म चाहिन्छ।
धनले सबै कुरा किन्न नपाइने रहेछ त्यसैले,
बदनामलाई सबैभन्दा बढी नाम चाहिन्छ ।

10/10/2023

कसैलाई जलाउनु छ भने पुर्ण रुपमा जलाएर छोड्नु, आगो मात्र लगाएर छोड्यौ भने तिमी आफैं समस्यामा पर्नेछौ ।

29/09/2023

24/07/2023

अझै बढी प्रगाढ हुने अपेक्षाका साथ गाँसिएका सम्बन्धहरु कहिलेकाहीँ तिक्तता तिर मोडिंदा रहेछन् ।

26/06/2023

कसैलाई प्रहार गर्नु अघी उसको चाल अध्ययन गर्नु आवश्यक हुन्छ ।

19/12/2022

मेरा प्यारा साथीहरु, नमस्कार ! भोलि अर्थात् मंगलबार मेरो फेसबुकमा अन्तिम दिन रहनेछ । त्यसपछि म कहिल्यै अनलाईन आउने छैन, न कि कुनै पोष्टहरु गर्नेछु । किनकि पर्सि अर्थात् बुधबार देखि म अध्ययनको सिलसिलामा अमेरिका जाँदैछु ।
सामाजशास्त्रका ती कक्षाहरु निरन्तर चार बर्षसम्म चल्नेछन् । त्यसपछिको मेरो दैनिकी अत्यन्तै व्यस्त रहनेछ । यति व्यस्त रहनेछ कि सायद मलाई फेसबुक चलाउन समेत फुर्सद हुनेछैन । म सबैलाई सम्झिरहेको हुनेछु । समय अत्यन्तै कम छ र त्यो छिटो दौडिन्छ । मैले सबैलाई म जाँदैछु भनेर खबर दिन सकेको छैन । कृपया मलाई चिन्ने सबैलाई यो सन्देश फरवार्ड गरिदिनु होला ।
मैले पनि यो सन्देश प्राप्त गर्नासाथ फरवार्ड गरेको हुँ ।
मलाई पनि यो थाहा छैन कि अमेरिका को जाँदैछ ?😊😁

02/11/2022

Punturee

31/10/2022

@भाइटिका

14/10/2022

साथीहरु आज हामी सपनाका बारेमा कुरा गरौं है । आफ्नो जीवनकालमा हामी निदाएका बेला त्यस्ता धेरै सपनाहरु देखेका हुन्छौं जो हाम्रो सोचाइ भन्दा विल्कुल फरक हुन्छन् । विपनामा कहिल्यै सोचेकै छैन भन्ने जस्ता कुराहरु पनि आउँछन् । हो कतिपय सपनाहरू त्यस्ता पनि होलान् । तर धेरैजसो सपनाहरू विभिन्न समयमा हाम्रो मनमा खेलेका कुराहरुको प्रतिबिम्बका रुपमा आएको अनुभव मैले पाएँ । तर ती सबै ए टु जेड नभएर अथवा जस्ताको तस्तै नआएर फरक फरक घटना प्रसँगहरु मिश्रित रुपमा आउँदा रहेछन् ।

म तपाईंहरु सँग मैले हालसालै देखेको एक सपनाको बारेमा कुरा गर्न चाहन्छु । त्यो भन्दा अगाडि एउटा कुरा के भनिहालौं भने सपनाका बिषयमा धेरै विद्वानहरुले धेरै व्याख्या गरेका होलान् । लेख, रचना, पुस्तक, चलचित्र आदिमा धेरै उल्लेख गरिएको होला । तर आज मैले चाहिँ ती विभिन्न ठाउँमा बताइएका तथ्यहरुको अध्ययन विना केवल आफ्नो अनुभव मात्र शेयर गर्न खोजेको हुँ । ल आउनु होस् अब प्रवेश गरौं खास बिषयवस्तु तिर ।

मैले देखेको सपना यसप्रकार छ :
म मेरा ३ जना आफन्तहरुको बिचमा छु । ती मध्य एक दम्पती छन् । अर्का एकजना पुरुष जो मध्यपानको नशामा चुर भएर महिलालाई पछाडी बाट अंगालेर राखिरहेका छन् भने महिलाका श्रीमानले छुटाउन कोशिश गरिरहेका छन् । यत्तिकैमा एक्कासि ती पुरुषले महिलाका संवेदनशील अंगमा हात लगाउन पुग्छन् । त्यसपछि महिलाका श्रीमान् अलि कडा रुपमा प्रस्तुत भएर २/४ थप्पड गालामा जमाइदिन्छन् तर उनको प्रहार खासै कडा हुँदैन । तर मलाई त्यो कुरा पाच्य हुँदैन र मेरो साथमा भएको एउटा तौलियाले हिर्काउँदै ती पुरुषलाई लखेट्न थाल्छु । यत्तिकैमा प्रसङ्ग बदलिएर अर्कैतिर पुग्छ ।

अब मेरो सपना र विपनाको बिचमा कति समानता थिए त भन्ने बारेमा बताउँछु है त । ती बदमाश पुरुष लाई अघिल्लो साँझ नशामा लठ्ठिएकै देखेको थिएँ । दम्पतीको संयुक्त तस्विर पनि संजाल तिर देखेको थिएँ । सपनामा अलि अनौठो संयोग के थियो भने आफ्नी श्रीमती माथि दुर्व्यवहार गरेकोमा श्रीमानको प्रतिक्रिया खासै कडा थिएन । सपनाभित्र त्यो खालको विश्लेषण पनि मनभित्र आउँदो रहेछ । फेरी उतिबेलै आफ्नो मनले नै जवाफ दियो शायद आदरणीय व्यक्ति भएको कारण बिषय वस्तु धेरै तन्काएनन् अथवा धेरै लफडा गरेनन् ती महिलाका श्रीमानले ।

अन्त्यमा निष्कर्ष सपना भनेको हाम्रो विपनामा विभिन्न समयमा भएका घटना , देखिएका दृश्य , गरिएका संवाद , छलफल र भेटघाट आदि कुराहरुको समिश्रण रहेछ भनेर यो प्रसँग टुंग्याउने अनुमति चाहे । धन्यवाद !

12/10/2022

From my reels.

11/10/2022

10/10/2022