Focus Chitwan

23/01/2025

रत्ननगर वडा नं .- १० स्वाबलम्बन टोल निवासी
पुष्पमणी शर्माको निवासबाट मङ्गलबार
राति करिब ११ बजेदेखि बुधबार बिहान ५ बजेसम्मको
समयमा आँगनमा राखिएको आर्थिक आम्दानीको मुख्य स्रोत रहेको (Auto) अटो हराएको हुँदा फेला पार्नुहुने
महानुभावहरुले खबर गरिदिनुहोला । धन्यवाद
यो सुचना सेयर गरीदिनु हुन सबैलाई अनुरोध गर्दछु।

21/01/2025

Daily life in the unseen Rural Village in Nepal to the World.

Hi, My Name is Netra Grg and I'm finding daily life in the un… Focus Chitwan needs your support for Daily life in the unseen Rural Village in Nepal to the World

14/01/2025

पृथ्वीराजमार्ग सडक विस्तार : पूर्वी खण्डमा ७४ प्रतिशत प्रगति
पृथ्वीराजमार्गको मुग्लिन–पोखरा सडक विस्तार कार्यले तीव्रता पाएको छ । आँबुखैरेनीबाट जामुनेसम्म ४१ दशमलव ४५ किलोमिटर दूरीमा सडक विस्तार भइरहेको हो । यस खण्डको हालसम्म ७४ प्रतिशत भौतिक प्रगति भएको छ ।

पूर्वी खण्डमा २७ दशमलव ४ किलोमिटर दूरीमा अन्तिम चरणको कालोपत्रकार्य सम्पन्न भएको पूर्वीखण्डका सूचना अधिकारी विष्णुप्रसाद पाण्डेले जानकारी दिए । उनका अनुसार पहिलो चरणमा ६ सेन्टिमिटर र दोस्रो चरणमा चार सेन्टिमिटर गरी दश सेन्टिमिटर सडक कालोपत्र गरिएको छ ।

उक्त सडक खण्डमध्ये ६९ किमी सडक दूरीमा दुई लेनका सडक कालोपत्रकार्य सम्पन्न गरिएको पूर्वीखण्डका सूचना अधिकारी पाण्डेले जानकारी दिए । पाण्डेका अनुसार अन्तिम चरणको कालोपत्र गर्ने काम भइरहेको छ । जिल्लाको डुम्रे, छिर्कन र दमौली खण्डमा निर्माण कार्य तीब्रगतिमा अघि बढाइएको छ ।

बन्दीपुर, आँबुखैरेनी र व्यास तीन पालिकाका विभिन्न ठाउँमा अन्तिम कालोपत्रको काम अगाडि बढाइएको छ । पहिलो चरणमा एकतर्फी अन्तिम कालोपत्र सकेर अर्कोतर्फ काम सुरू गरिनेछ, अन्तिम चरणको कालोपत्र सकिएपछि सडक रङरोगनको काम अगाडि बढाइने आयोजनाले जनाएको छ ।

पूर्वी खण्डअन्तर्गत नै दमौलीको बुल्दीपुलबाट घाँसीकुवातर्फको खण्डमा पनि कालोपत्र गरिँदै छ । दमौली बजारमासमेत सडक विस्तारका लागि अहिले नाली बनाउने काम भइरहेको छ । दमौली बजारमा केन्द्र विन्दुबाट २३–२३ मिटरलाई आधार मानेर सडक विस्तारको काम भइरहेको छ ।

यस खण्डमा साना चौध वटा पुल निर्माणकार्य सकिएका छन् । ठूला तीन वटामध्ये डुम्रे बजार नजिकैको एउटा पुल अन्तिम चरणमा पुगेको छ, दुई वटाको निर्माणकार्य सम्पन्न भइसकेको छ । व्यास नगरपालिका–४ र ५ जोड्ने मादी नदीमा निर्माण भइरहेको पुलको काम ५० प्रतिशत बढी पूरा भइसकेको छ । पूर्वी खण्डमा २०७७ साल माघ १७ गते सम्झौता भई २०७८ साल वैशाख २ गतेदेखि काम सुरू भएको थियो ।

पूर्वी खण्डको ठेक्का चाइना कम्युनिकेशन कन्स्ट्रक्सनले पाएको छ । विसं २०२६ मा रेखाङ्कन भएको सडकमा सवारीसाधनको चाप बढ्दै गएपछि एसियाली विकास बैंक (एडिबी) को ऋण सहयोगमा सडक चार लेनको बनाउन लागिएको हो । पूर्वी खण्डको ठेक्का छ अर्ब २१ करोड ३१ लाख १३ हजारमा लागेको थियो । यस खण्डको सम्झौता म्याद समाप्त भएपछि पुनः फागुन २ गतेसम्मका लागि म्याद थप गरिएको छ ।

14/01/2025

तमू ल्होसारको आयव्यय सार्वजनिक :
साढे पाँच लाख खर्च, एक लाख १४ हजार बचत

भरतपुर । तमू ह्युल छोंज धीं गुरूङ राष्ट्रिय परिषद् चितवनद्वारा आयोजित ‘तमू ल्होसार पर्व–२०८१’ मा साढे पाँच लाख रूपैयाँ खर्च भएको छ । सोमबार परिषद्अन्तर्गत तमू ल्होसार पर्व मूल आयोजक समितिले आयोजना गरेको समीक्षात्मक बैठक तथा आयव्यय सार्वजनिक कार्यक्रममार्फत संस्थाकी कोषाध्यक्ष ज्ञानदेवी गुरूङद्वारा प्रस्तुत प्रतिवेदनमा अनुमानित खर्चभन्दा कम खर्चमा पर्व सम्पन्न भएको देखिएको हो ।

तीन दिनसम्म सञ्चालन भएको ल्होसार पर्वका लागि यसवर्ष करिब साढे ६ लाख रूपैयाँ खर्च हुने अनुमान गरिएको थियो । हरेक वर्ष अर्थ सङ्कलन गरेरै पर्व मनाउँदै आएको तमू ह्युल छोंज धींले यसवर्ष छ लाख ६४ हजार ९९० रूपैयाँ अर्थ सङ्कलन गरेको थियो । सबै खर्च कटाएर एक लाख १४ हजार ४५७ रूपैयाँ बचत गर्न सफल भएको उनले बताइन् ।

ल्होसार पर्व मनाउनका लागि यसवर्ष पनि सबैभन्दा बढी खर्च मञ्च व्यवस्थापनमा देखिएको छ, जसमा एक लाख २५ हजार रूपैयाँ खर्च भएको छ । त्यसपछि खाना व्यवस्थापनमा ९२ हजार ९६० रूपैयाँ खर्च भएको आयोजकले जनाएको छ । ल्होसार तमू जातिको मौलिक सांस्कृतिक पर्व भएको हुँदा यसलाई थप व्यवस्थित बनाएर यसवर्षको ल्होसार सफल पारेको तमू ह्युल छोंज धीं चितवनका वरिष्ठ उपाध्यक्ष कृष्णबहादुर घोताने गुरूङले बताए । आगामी वर्ष अझ थप व्यवस्थितका साथ ल्होसार मनाउने उनले बताए ।

विभिन्न २९ वटा शीर्षकमा भएको खर्चको समग्र हिसाब हेर्दा अनुमानित बजेटभन्दा कममा कार्यक्रम सम्पन्न भएको आयोजक संस्थाकी अध्यक्ष एवं तमू ल्होसार पर्व–२०८१ मूल समारोह समितिकी संयोजक विमलादेवी गुरूङले जानकारी दिइन् । उनले ल्होसार सफल पार्नका लागि भूमिका निर्वाह गर्ने उपसमितिका संयोजक तथा सदस्यहरुका साथै कार्यक्रममा साथ दिने सम्पूर्णप्रति धन्यवाद ज्ञापन गरिन् ।

तमू ह्युल छोंज धीं चितवनका सचिव किशोर गुरूङका अनुसार सहभागीसमेत विगतका वर्षभन्दा यसवर्ष बढेको देखिएको छ । ‘हामीले सात हजारवटा गेटपास ल्याउँदा दिउँसो २ बजे नै सकियो’, उनले भने, ‘साँझसम्ममा करिब १० हजारको हाराहारीमा सहभागी सङ्ख्या पुगेको हाम्रो अनुमान छ ।’ पुस १५ गतेमात्रै नभई १४ गते रात्रिको भीड पनि उस्तै रहेको हुँदा कार्यक्रमप्रतिको आकर्षण हरेक वर्ष बढ्दै गएको उनले दाबी गरे ।
https://www.chitwanpost.com.np/20250114-15591

14/01/2025

तमू ह्युल छोज धी गुरुङ राष्ट्रीय परिषद, चितवनको संगठन बिस्तार अभियान अन्तर्गत तमू ह्युल छोज धी गुरुङ राष्ट्रीय परिषद चितवनकी अध्यक्ष बिमलादेवी गुरुङ, सचिव किशोर गुरुङ, सगठन सचिव मिना गुरुङ र तमुस्यो ह्युल छोज धी गुरुङ महिला राष्ट्रीय परिषद, बागमति प्रदेश कार्यसमितिकी उपाध्यक्ष हरीमाया गुरुङको उपस्थिति र स्थानीय तमु अगुवा, सामाजिक ब्यक्तित्व जीना गुरुङज्युको समन्वयमा लेख बहादुर गुरुङज्युको अध्यक्षतामा १४ सदस्सिय "तमू ह्युल छोज धी गुरुङ राष्ट्रीय परिषद, राप्ति नगर कार्यसमिति" सर्वसम्मत गठन गरियो।

"तमू ह्युल छोज धी गुरुङ राष्ट्रीय परिषद, राप्ति नगर कार्यसमिति"
१) अध्यक्ष : श्री लेखबहादुर गुरुङ
२) उपाध्यक्ष : श्री नन्द प्रसाद गुरुङ
३) सचिव : श्री निरज गुरुङ
४) सगठन सचिव : श्री कल्पना गुरुङ
५) प्रचार सचिव : श्री धन कुमारी गुरुङ
६) कोषाध्यक्ष : श्री चन्दा गुरुङ
७) सह कोषाध्यक्ष : श्री गौमाया गुरुङ
८) सदस्य : श्री मगराज गुरुङ
९) सदस्य : श्री गजमाया गुरुङ
१०) सदस्य : श्री सिता गुरुङ
११) सदस्य : श्री चिजमाया गुरुङ
१२) सदस्य : श्री खेम गुरुङ
१३) सदस्य : श्री जिना गुरुङ
१४) सदस्य : श्री बेलमाया गुरुङ

सर्वसम्मत निर्वाचित तमू ह्युल छोज धी गुरुङ राष्ट्रीय परिषद, राप्ति नगर कार्यसमिति का अध्यक्ष लगायत सम्पूर्ण कार्यसमिति परिवारलाई अध्यक्ष बिमला देवी गुरुङ ज्युले खदा लगाएर हार्दिक बधाई एवम् सफल कार्यकालको शुभकामना ब्यक्त सहित राप्ति नगर कार्यसमिति गठन बैठकको माईन्युट नव निर्वाचित सचिव निरज गुरुङलाई हस्तान्तरण गर्नुभयो।
https://www.facebook.com/profile.php?id=100087887755140

14/01/2025

तमू ह्युलको राप्तीमा लेखबहादुर

राप्ती । तमू ह्युल छोंज धीं गुरूङ राष्ट्रिय परिषद्को राप्ती नगर समिति गठन गरिएको छ । समितिको अध्यक्षमा लेखबहादुर गुरूङ चयन भएका छन् ।

तीनवर्षे कार्यकालका लागि गठित समितिको उपाध्यक्षमा नन्दप्रसाद गुरूङ, सचिवमा नीरज गुरूङ, सङ्गठन सचिवमा कल्पना गुरूङ, प्रचार सचिवमा धनकुमारी गुरूङ, कोषाध्यक्षमा चन्दा गुरूङ र सहकोषाध्यक्षमा गौमाया गुरूङलाई चयन गरिएको तमू ह्युल छोंज धीं चितवनका सचिव किशोर गुरूङले जानकारी दिए ।

सदस्यहरुमा भने मगराज गुरूङ, गजमाया गुरूङ, सीता गुरूङ, चिजमाया गुरूङ, खेम गुरूङ, जिना गुरूङ र बेलमाया गुरूङ चयन भएका छन् । जिल्ला सचिव किशोर गुरूङका अनुसार तीन सदस्य पछि मनोनीत गर्ने गरी हाललाई १४ सदस्यीय कार्यसमिति गठन गरिएको हो ।

सङ्गठन विस्तारका क्रममा तमू ह्युल छोंज धीं गुरूङ राष्ट्रिय परिषद् चितवनकी अध्यक्ष विमलादेवी गुरूङको नेतृत्वमा सचिव किशोर गुरूङ, सङ्गठन सचिव मीना गुरूङ र तमूस्यो ह्युल छोंज धीं गुरूङ महिला राष्ट्रिय परिषद्, बागमती प्रदेश समितिकी उपाध्यक्ष हरिमाया गुरूङलगायतको टोली राप्ती पुगेको थियो ।
https://www.chitwanpost.com.np/20250114-15599

14/01/2025

खैरहनीमा खिचरा महोत्सवको दसौँ संस्करण सुरू,
सौराहाको विकल्प खोज्न हुँदैन : मुख्यमन्त्री

खैरहनी । खैरहनीमा सोमबारदेखि खिचरा महोत्सवको दसौँ संस्करण सुरू भएको छ । थारु कल्याणकारिणी सभा चितवन क्षेत्र नं–७ को आयोजना रहेको महोत्सवको बागमती प्रदेशका मुख्यमन्त्री बहादुरसिंह लामाले उद्घाटन गरेका छन् ।

सो अवसरमा उनले सौराहा पर्यटकीय हिसाबले उत्कृष्ट गन्तव्य रहेको भन्दै यसको विकल्प खोज्न नहुने बताए । निकुञ्ज र थारु संस्कृतिका कारण सौराहा उत्कृष्ट गन्तव्यको रुपमा परिचित रहेको भन्दै उनले अनेकौँ बहाना बनाएर सौराहाको विकल्प खोज्न नहुने तर्क गरे । उनले सौराहालाई सिरानी हालेर पर्यटनको दायरा फराकिलो बनाउन सकिने विचार व्यक्त गरे ।

थारु संस्कृति पर्यटन विकासको आधार भएको भन्दै उनले थारु संस्कृतिका कारण सौराहा विश्वसामु परिचित रहेको बताए । थारु संस्कृतिमार्फत पर्यटन विकास गर्ने थुप्रै आधारहरु रहेको भन्दै त्यसका लागि प्रदेश सरकारले योजना बनाएर काम गर्ने उनले बताए । ‘थारु संस्कृतिमार्फत पर्यटक भिœयाउने थुप्रै आधारहरु छन्’, उनले भने, ‘त्यसका लागि थारु समुदायले परम्परागतरुपमा प्रयोग गर्दै आएका सामग्रीको संरक्षण गर्नुपर्छ ।’

मुख्यमन्त्री लामाले खैरहनीमा निर्माण गरिएको थारु संस्कृति सङ्ग्रहालय सञ्चालनका लागि आगामी आर्थिक वर्षमा बजेट विनियोजन गर्ने बताए । चितवन कृषि, पर्यटन, शिक्षा र स्वास्थ्यको हब रहेको भन्दै उनले चितवनको पर्यटनमार्फत आर्थिक समृद्धिको मार्ग कोर्न सकिने बताए । मुख्यमन्त्री लामाले खैरहनीमा अलपत्र परेको चिस्यान केन्द्र सञ्चालनका लागि पहल गर्ने बताए । १५ करोडको लगानीमा निर्माण गर्दागर्दै अलपत्र परेको चिस्यान केन्द्रको सञ्चालनका लागि भएको अवरोध कानुनी प्रक्रियाअनुसार टुङ्गो लगाएर सञ्चालन गर्ने वातावरण तयार गर्ने उनको भनाइ छ ।

कार्यक्रममा थारु कल्याणकारिणी सभाका केन्द्रीय सदस्य वासुदेव चौधरीले थारु संस्कृति संरक्षणका लागि तीनै तहका सरकार सकारात्मक हुनुपर्ने बताए । थारु संस्कृतिलाई पर्यटनसँग जोडेर आर्थिक उपार्जनको माध्यम बनाउन सकिने भन्दै उनले यसका लागि सरकारको सहयोग आवश्यक रहेको बताए । उनले थारु समुदायको राजनीतिक अधिकार स्थापित हुन नसकेको भन्दै मुलुकका प्रमुख राजनीतिक दल थारु समुदायप्रति उदारवादी हुनुपर्नेमा जोड दिए ।

आयोजक संस्थाका अध्यक्ष तथा महोत्सव मूल समारोह समितिका संयोजक रामेश्वर चौधरीले थारु संस्कृति जोगाउन हरेक वर्ष खिचरा महोत्सव आयोजना गर्दै आएको बताए । १५० वटा स्टल रहेको सो महोत्सव परिसरमा थारु समुदायको परम्परागत खाना घोंगी, चिचर र कृषि उत्पादनमा थारु समुदायले प्रयोग गर्ने हलगोरूको प्रतिमा निर्माण गरिएको उनले बताए । माघ ७ गतेसम्म चल्ने महोत्सवमा थारु समुदायका परम्परागत खानाका परिकारको प्रवद्र्धनमा जोड दिइएको छ ।

‘राष्ट्रिय एकता र विविधता हाम्रो शान ः बहुजाति, भाषा, संस्कृति नेपालको पहिचान’ भन्ने मूल नाराका साथ आयोजना गरिएको उक्त महोत्सव चितवन जिल्लाकै पहिलो सांस्कृतिक, व्यापारिक एवं आफ्नै विशेषता र मह¤व रहेको आयोजक संस्थाका पूर्वअध्यक्ष नारायण महतोले बताए । खिचरा महोत्सव थारु समुदायको कला, संस्कृति, भेषभूषा प्रवद्र्धन गर्ने मह¤वपूर्ण ब्रान्ड बनेको उनले बताए । महोत्सवलाई चितवनवासी थारु समुदायले मात्र नभई देशभर रहेका थारु समुदायले नै गर्वको रुपमा लिने गरेको भन्दै उनले थारु समुदायको संस्कृति, भेषभूषा, भाषाको संरक्षण गर्नु प्रमुख उद्देश्य रहेको बताए ।

थारु कल्याणकारिणी सभा केन्द्रीय पार्षद् चन्द्राकुमारी चौधरीले स्वागत मन्तव्य राखेको सो कार्यक्रममा बागमती प्रदेशका वन तथा वातावरणमन्त्री कृष्ण सिलवाल, प्रदेशसभा सांसद्हरु जगन्नाथ थपलिया, कृष्णप्रसाद खनाल, माया श्रेष्ठ, खैरहनी नगरपालिकाका मेयर शशिकुमार खनियाँ, बागमती प्रदेशका पूर्वमन्त्री दावादोर्जे लामा, खैरहनी नगरपालिकाकी उपमेयर कमला उप्रेती, माडी नगरपालिकाका उपमेयर खेमप्रसाद महतो, थारु कल्याणकारिणी सभा चितवनका अध्यक्ष ललितकुमार चौधरी, खैरहनी वडा नं–५ का वडाध्यक्ष छत्रनाथ सुवेदी, नेपाली कांग्रेसका नगर अध्यक्ष गुणराज श्रेष्ठ, एमालेका नगर अध्यक्ष पूर्णबहादुर डल्लाकोटी, खैरहनी उद्योग वाणिज्य संघका अध्यक्ष कुमार खनाललगायतले मन्तव्य राखेका थिए ।

उद्घाटन कार्यक्रम महोत्सव मूल समारोह समितिका संयोजक चौधरीको अध्यक्षतामा भएको थियो । नेपाल पर्यटन बोर्ड र उद्योग वाणिज्य संघ खैरहनी प्रवद्र्धक रहेको सो महोत्सवको संरक्षकमा खैरहनी नगरपालिका, थारु कल्याणकारिणी सभा, जिल्ला कार्यसमिति चितवन रहेका छन् ।
https://www.chitwanpost.com.np/20250114-15575

14/01/2025

थारु सम्वत २६४८ को सुवर्ण अवसरमा, थारु समुदायको नयाँ वर्षको स्वागतार्थ विशेष कार्यक्रमको आयोजना गरिन लागेको जानकारी गराउँदै, तपाईंलाई यस शुभ अवसरमा गरिमामय उपस्थितिको लागि हार्दिक निमन्त्रणा गर्दछौं।

📅Date : Poush 29 to Magh 7th 2081
📍Venue : Khairahani - 5, Gaucharan, Chitwan
📍Event by : Tharu Kalyan Karini Sabha, Chhetra No. 7

🎤 Sabin Rai & The Pharaoh
🎤 Purna Rai and Daju Bhai
🎤 Nischal Basnet with Band
🎤 Samir Shrestha & The Goodboyz
🎤 Rockhead Nepal
🎤 Trishna Gurung and The Collab
🎤 Jayan & Mitra
🎤 Mr D
🎤 Indrakala Rai
Special Guest
Saroj Khanal
Pradeep Khadka
Anna Sharma
Divya Rayamajhi
🎤 RK Tharu
🎤Samikchya Chaudhary
🎤 Sunil Pandit
🎤 Anjila Regmi
🎤 Sahima Shrestha
🎤 Muna Aryal
🎤 Krishala Chaudhary
🎤 Ramesor Rijal
🎤 Khusboo Pradhan
✨Attractions:
🎆 Mesmerizing Firework
🎶 Live Music
💃 Dance, Cultural Performance
🍱 Traditional tharu food stalls
Games

Don't miss out the biggest celebration of Tharu New Year calendar 2648
See less

11/01/2025

राष्ट्रनिर्माता श्री५ बडामहाराजाधिराज पृथ्विनारायण शाहको
३०३ औं जन्मजयन्ती तथा राष्ट्रिय एकता दिवसको उपलक्ष्यमा
आयोजित"चियापान तथा द्वीप प्रज्वलन"कार्यक्रम मा
सम्पूर्ण देशभक्त नागरिक लाई उपस्थितिको लागि
हार्दिक निमन्त्रणा
स्थान र समय - पौष २७ गते
दिनको ठीक ४ बजे
सौराहाचोक टाडी

Santosh Lama Focus Chitwan Focus Chitwan Netra Grg

05/01/2025

उद्योग बाणिज्य संघ चितवनको आयोजनामा
पौष २५ गतेबाट १५औ चितवन महोत्सव हुने भएको छ ।

05/01/2025

जनतासँग माननीय,
निर्वाचन क्षेत्र अन्तर्गत इच्छाकामना गाउँपालिका ६ स्थित कुयलघारीमा रहेको गौरीखोला झरना जाने बाटो निर्माणका लागि माननीय मन्त्री ज्युको विषेश पहलमा बागमती प्रदेश सरकारको ३५ लाख बजेटमा भैरहेको कामको अनुगमन गर्नु हुँदै बागमती प्रदेश सरकारको वन तथा वातावरण मन्त्री माननीय कृष्ण प्रसाद सिलवाल ।

स्रोतः मा. वन तथा वातावरण मन्त्री कृष्ण सिलवालको सचिवालय
https://www.facebook.com/profile.php?id=61564388277649

05/01/2025

हंस सहकारीले बाँड्यो विपन्न विद्यार्थीलाई न्यानो कपडा

चितवन – हंस बहुउद्देश्यीय सहकारी संस्था लिमिटेडले भरतपुर-११ गणेश स्थानमा रहेको श्री सिद्धि जनकल्याण आधारभूत विद्यालयमा अध्ययनरत आर्थिक अवस्था कमजोर रहेका विद्यार्थीहरूलाई लक्षित गरी न्यानो कपडा वितरण गरेको छ ।

संस्थाका अध्यक्ष दिनेशकुमार चुकेको अध्यक्षतामा कार्यक्रम सम्पन्न गरिएको थियो । अध्यक्ष चुकेले सहकारीको एक सिद्धान्त समुदायप्रतिको चासोलाई प्राथमिकतामा राख्दै संस्थाले विगतदेखि सामाजिक सेवाका क्षेत्रमा योगदान गर्दै आएको कुरा उल्लेख गरे । सामाजिक उत्तरदायित्वलाई अझ प्रभावकारी बनाउने प्रतिबद्धता प्रकट गर्दै यस्तो कार्यक्रमले संस्थालाई समुदायसँग अझ नजिक बनाउने विश्वास पनि व्यक्त गरे ।

संस्थाका उपाध्यक्ष बाबुराम अधिकारीले स्वागत मन्तव्य राख्दै संस्थाको परिचय सहित कार्यक्रमको औचित्यलाई जोड दिए । उनेल सहकारीको मुख्य उद्देश्य आर्थिक मात्र नभई सामाजिक क्षेत्रमा पनि योगदान पुर्‍याउनु हो भने यस्ता कार्यक्रमले संस्थाको समाजप्रतिको दायित्वलाई प्रतिबिम्बित गर्ने बताए ।

विद्यालय व्यवस्थापन समितिका अध्यक्ष शालिकराम सापकोटाले विद्यार्थीहरूको आवश्यकता पूरा गर्दै सामाजिक सेवामा महत्वपूर्ण योगदान दिएकोमा संस्थालाई धन्यवाद दिदै उनले यस्तो सहयोगबाट विद्यालयका विद्यार्थीहरूलाई पठनपाठनमा प्रोत्साहन मिल्ने बताए।

सो अवसरमा संस्थाकी सचिव शारदा शर्मा पौडेलले सहकारीले शिक्षा, स्वास्थ्य, र सामाजिक सेवामा गरेको निरन्तर प्रयासबारे चर्चा गरिन् । उनले संस्थाले अन्य क्षेत्रमा पनि सामाजिक सेवामा महत्वपूर्ण भूमिका खेलेको कुरा जोड गरिन् ।

कार्यक्रममा संस्थाका प्रबन्धक नारायणप्रसाद सापकोटाले सहकारीले चितवन जिल्लामा आर्थिक गतिविधिसँगै सामाजिक सेवामा पनि उल्लेखनीय कार्य गर्दै आएको बताए। संस्थाको उद्देश्य मात्र लाभ वितरण नभई समुदायमा दीर्घकालीन प्रभाव पार्ने कार्यक्रम ल्याउनु रहेको कुरामा जोड दिँदै उनले ६० जना विद्यार्थीलाई न्यानो कपडा वितरण गरिएको र यसले विद्यार्थीहरूको दैनिक जीवनमा सकारात्मक प्रभाव पार्ने कुरा उल्लेख गरे ।

उक्त कार्यक्रममा संस्थाका लेखा समितिका सदस्य कृष्णहरि तिमिल्सेना, सञ्चालक अनिता मैनाली, सूर्य बराल, होमनाथ सापकोटा, लेखा प्रमुख नविना अधिकारी, र विद्यालयकी प्रधानाध्यापक कमला पौडेल लगायतको उपस्थिति रहेको थियो । विद्यालय परिसरमा सम्पन्न उक्त कार्यक्रमले विद्यार्थीहरूलाई चिसो मौसममा सहयोग पुर्याउने विश्वास गरिएको छ ।

https://a2zsamachar.com/310987/?fbclid=IwZXh0bgNhZW0CMTEAAR01i8bGvzUu7511WLsgtgkD_cMAOvtq3dE2Ro-hn-dnLg0xvkVdWy-SUUM_aem_C5eifqW-FFxTc4R5xJ9Fbg

05/01/2025

चौध वर्षीया छात्राले लेखिन् उपन्यास, विद्यालयमा गरियो विमोचन

चितवन – भरतपुर महानगरपालिका–१२, वसन्तचोकमा रहेको एड्भेञ्चर इङ्ग्लिस बोर्डिङ स्कुलकी १४ वर्षीया छात्रा प्रेक्षा शर्माद्वारा लिखित उपन्यास ‘फाइण्डिङ द होराइजन’ को बुधबार एक समारोहबिच विमोचन गरिएको छ । एड्भेन्चर स्कुलमा कक्षा ९ मा अध्ययनरत छात्रा प्रेक्षाले लेखेको १८० पृष्ठको उपन्यास विमोचन गरिएको हो ।

कार्यक्रमका प्रमुख अतिथि भरतपुर महानगरपालिका–१२ का वडाध्यक्ष लेखनाथ पन्त ‘हरि’ ले कलिलो उमेरमै पुस्तक लेखेर अब्बल प्रतिभाको उदाहरण बनेकी प्रेक्षाको लागि आवश्यक सहयोग गर्न व्यक्तिगतरुपमा आफू र संस्थागत हिसाबले वडा कार्यालय सधैँ तयार रहेको बताए ।

कार्यक्रममा उपस्थित सबैले उपन्यासकारको लेखन शैली र उपन्यासको गहिराई सम्बन्धमा चर्चा गर्दै सफलताको शुभकामना दिएका थिए । कार्यक्रममा आयोजकले दाबी नगरे पनि वक्ताहरुले प्रेक्षा शर्मा सम्भवतः नेपालकै सबैभन्दा कान्छी उपन्यासकार रहेको समेत उल्लेख गरे ।

पुस्तकबारे समीक्षात्मक मन्तव्य दिँदै प्राध्यापक घनश्यामराम काफ्लेले कथामा परिपक्वता रहेको बताए । ‘कथा, प्रस्तुति, पात्र चयन, कथावाचन निकै परिपक्व लाग्यो’ उनले भने, ‘यो उपन्यास पढ्दा बाललेखकले लेखेको जस्तै लाग्दैन ।’

२०६७ पुस १८ गते बेलायतको लन्डन शहरमा जन्मिएकी प्रेक्षा पाँच वर्षको हुँदा बाबुआमासहित नेपाल आइन् । पढाइमा अब्बल प्रेक्षा दैनिक रातको १२ बजेसम्म साहित्यिक पुस्तक पढ्ने गरेको उनका बुबा तथा एड्भेञ्चर स्कुलका प्राचार्य प्रेम शर्मा बस्यालले बताए ।

‘नेपालबाट फर्केर लन्डन पुगेपछि प्रेक्षाले सधैँ नेपाल कहिले जाने भनेर सोध्न थालेपछि सम्पत्तिभन्दा ठुलो कुरा सन्तान हो भन्ने लागेर सपरिवार नेपाल फर्कियौँ’ बस्यालले भने, ‘म नेपाल फर्किने कुरा सुनेर धेरै साथीहरुले किन ? भनी प्रश्न गर्नुभएको थियो । आज छोरीले उत्तर दिएकी छिन्, हामी किन नेपाल आयौँ ?’

नेपालमै अर्थशास्त्रको प्राध्यापक बन्ने र साहित्यलाई पनि सँगसँगै लैजाने लक्ष्य लिएको लेखक प्रेक्षा बताउँछिन् । उपन्यासको मूल्य ३२५ रुपैयाँ छ । यस पुस्तकको बिक्रीबाट प्राप्त रकममध्ये प्रतिपुस्तक ५० रुपैयाँ चितवन मानव सेवा आश्रमलाई समर्पण गरिने उपन्यासकार प्रेक्षाले बताइन् ।

उपन्यासकार प्रेक्षाकी हजुरआमा गंगादेवी शर्मा र मावलतर्फकी हजुरआमा भागीरथी भट्टराईको अध्यक्षतामा सम्पन्न विमोचन कार्यक्रममा साहित्यकारहरु एलबी क्षेत्री, प्राडा कर्ण बानियाँ, विद्या भण्डारी ’चिराग’, प्याब्सन भरतपुरका अध्यक्ष मीनराज बस्ताकोटी, प्याब्सन भरतपुरका सल्लाहकार लेखनाथ खनाल, अङ्कुरम् स्कुलका निर्देशक नयम चौधरी, भ्याली स्टेट कलेजका प्रिन्सिपल बाबुराम खनाल, बस्याल वंश समाजका अध्यक्ष राजु बस्याल लगायतको उपस्थिति थियो ।

https://a2zsamachar.com/310691/?fbclid=IwZXh0bgNhZW0CMTEAAR3slblRhh8s64N_emsmxHGEi14Wem6stKtmgiDcM27ql2MkD9FlQjZI_ZQ_aem_i2hRAXsnN_5Qu6gewHtjUw

05/01/2025

“फेशन अनप्लग्ड” को विशेष शो हुने

भरतपुररचितवनमा अन्तर्राष्ट्रिय स्तरको फेशनसँग सम्बन्धित “फेशन अनप्लग्ड” को विशेष शो हुने भएको छ । उज्यालो टाईम्स मिडिया एण्ड एडभरटाइजिङ्ग प्रा।लि।र नेपाल डायरिज प्रा।लि।को संयुक्त आयोजनामा पौष २७ गते शनिबार भरतपुर–१२, चितवनस्थित स्मार्ट गार्डेन एण्ड रेष्टुरेण्ट को प्राङ्गणमा कार्यक्रम हुने आयोजकले जनाएको छ ।

चर्चित तथा लोकप्रिय गायिका एलिना चौहान मुख्य आकर्षणको रुपमा रहने कार्यक्रममा राष्ट्रियस्तरका ख्याती प्राप्त फेशन डिजाइनर अमित बरालको साथमा आवर क्लोसेट ब्राण्डबाट डिजाइन कलेक्सन र नाड व्याण्डको लाइभ म्युजिकसँगै चर्चित मोडलहरुले रनवेमा आफ्नो जादुमय प्रस्तुति दिनेछन् ।
कार्यक्रममा आशिक ताम्राकार, विकल्पराज श्रेष्ठ, चन्दन विश्वकर्मा, आयुष्मा श्रेष्ठ, सबिन मगर, दिव्या रानाभाट, विपन श्रेष्ठ लगायतका चर्चित मोडलहरुको समेत सहभागिता रहने छन् । कार्यक्रममा सिनियर फेशन कोरियोग्राफर प्रज्ञा तिवारीले टे«निङ्ग गराउनु भएको छ ।

कार्यक्रमको लागि सहयोगी संस्थाको रुपमा दिप केयर फाउण्डशेन नेपाल, दुईप्राङग्रे साधन पार्टनरमा यामाहा, प्रोडक्सन पार्टनरमा शुभ वेइडिङ्ग, मेकअप पार्टनरमा आरती आर्टिस्ट्री, पब्लिसिटी डिजाइनरमा डब्लु थ्री डेभलपर्स, हस्पिटालिटी पार्टनरमा होटल जमघट, इन्टरनेट पार्टनरमा टेकमाइण्ड नेटवर्क रहेको उज्यालो टाईम्सका प्रबन्ध निर्देशक राकेशमान श्रेष्ठले जानकारी दिनुभयो ।

04/01/2025

कैलास कोइरालाको `शास्त्र´माथि भरतपुरमा विमर्श

भरतपुर, २० पुस ।
नेपाली कांग्रेसका नेता तथा लेखक कैलास कोइरालाको दोस्रो उपन्यास `शास्त्र´को गृह विमोचन तथा विमर्श गरिएको छ । दियालो फूडल्यान्ड भरतपुर-२ क्षेत्रपुरमा गरिएको कार्यक्रममा लेखकका पिता मनोहरि कोइराला, प्रमुख अतिथि नेपाली काँग्रेस चितवनका सभापति राजेश्वर खनाल र कार्यक्रमका अध्यक्ष उदय अधिकारीले किताब विमोचन गर्नुभएको हो ।

सम्पूर्ण किताब नारायणगढले आयोजना गरेको कार्यक्रममा किताबका सन्दर्भमा रहेर गीता गुरुङ, प्रकाश अधिकारी, विजय सुवेदी र डाक्टर भोजराज अधिकारीले टिप्पणी राख्नुभएको थियो ।

किताबमाथि बोल्दै इच्छाकामना गाउँपालिकाकी पूर्व अध्यक्ष गीता गुरुङले शास्त्रमा लेखक कोइरालाले राजनीतिक संस्कारको विषय उठान गरेको बताउनुभयो । त्यसैगरी प्रकाश अधिकारीले शास्त्रमा लेखकले पूर्वीय र पाश्चात्य दर्शनलाई समेटेर वैचारिक किताब बनाएको बताउनु भयो । `यो पुस्तकमा पूर्वीय र पाश्चात्य दर्शनलाई संवादका रूपमा लेखिएको छ । यसमा आख्यानभन्दा विचारहरू धेरै छन्´, वक्ता अधिकारीले भन्नुभयो – `किताबमा ध्यान र ज्ञानलाई सँगसँगै जोड्नुभएको छ । किताबले राजनीतिका नाममा चलिरहेका लुटलाई उजागर गरिदिएको छ ।´

त्यसैगरी डाक्टर भोजराज अधिकारीले शास्त्रले लेखक कोइरालाको राजनीतिक बाटोलाई स्पष्ट पारेको बताउनु भयो । आफूले कैलास कोइरालाको `राजव्यूह´ उपन्यास पनि पढेको र शास्त्र पढ्दा दुबै किताबको उद्देश्य राजनीतिलाई कसरी सहि नेतृत्व दिन सकिन्छ भन्ने देखाउन खोजिएको उहाँले बताउनु भयो । त्यस्तै विजय सुवेदीले शास्त्रमा हाम्रो सामाजिक र राजनीतिक अवस्था चित्रण भएको बताउनु भयो । माओवादी द्वन्द्व र अन्य घटनाक्रम पुस्तकमा समेटिएको उहाँले बताउनु भयो ।

कार्यक्रमका प्रमुख अतिथि राजेश्वर खनालले चितवनको राजनीतिमा कोइराला परिवारको भूमिका महत्त्वपूर्ण रहेको बताउँदै लेखकका पिताजी मनोहरि कोइरालाले नेपाली कांग्रेस चितवनको लागि गरेको योगदानको चर्चा गर्नु भयो । खनालले कोइराला परिवारका तीन भाइ छोरा प्रकाश, विकास र कैलाससँग आफूले संगत गरेको बताउँदै राजनीतिक यात्रामा कहिलेकाही प्रतिद्वन्द्वीसमेत हुनुपरेको बताउनु भयो । `पदीय जिम्मेवारीमा नहुँदाको समय कैलासजीका लागि फलदायी बन्यो । दुईवटा किताब लगातार आए । उहाँको जीवनको यो महत्त्वपूर्ण उपलब्धि हो´, खनालले भन्नुभयो ।

कार्यक्रममा बोल्दै लेखक कोइरालाले शास्त्रमा विशेषगरी राजनीतिक बेथितिको चर्चा गरिएको उल्लेख गर्नुभयो । सम्पूर्ण किताब नारायणगढले आयोजना गरेको कार्यक्रमलाई लेखराम सापकोटाले सहजीकरण गर्नुभएको थियो ।

04/01/2025

बहस,विमर्श र वाचन !!!
यो कार्यक्रम यसकारण पनि महत्त्वपूर्ण छ । सबैको चासोको विषय बनेको प्रिय विधा गजलको कार्यक्रम हो । कविडाँडा राष्ट्रिय गजल उत्सव- २०८१ मा तपाईं सबैलाई स्वागत गर्दछौँ । कार्यक्रम पुस २७ गते शनिबार बिहान ८ बजेदेखि ग्यालेक्सी गार्डेन रिसोर्ट, भरतपुर-५ लङ्कू, यज्ञपुरीमा हुँदैछ ।

03/01/2025

`राजव्यूह´ उपन्यासका लेखक कैलास कोइरालाको दोस्रो उपन्यास `शास्त्र´को
गृह विमोचन तथा विमर्श कार्यक्रम पुस २० गते
शनिबार बिहान ११:३० बजे दियालो फूडल्यान्ड भरतपुर-२ क्षेत्रपुरमा हुँदैछ ।
उक्त कार्यक्रममा सहभागिताका लागि यहाँलाई अनुरोध गर्दछौँ ।

03/01/2025

रत्ननगर नगरपालिकाद्वारा लोकसेवा तयारी कक्षाको समुद्घाटन कार्यक्रम ।