19/06/2021
संस्कृति, पर्यटन तथा नागरिक उड्डयन मन्त्रालयमार्फत आगामी आर्थिक वर्ष २०७८–७९ को योजनामा स्याङ्जाका २१ वटा आयोजना समेटिएका छन् ।
११ पालिका रहेका स्याङ्जाको हरिनास, विरुवा र अर्जुन चौपारी गाउँपालिकाबाहेकका सम्पूर्ण पालिकाहरुको लागि मन्त्रालयले छनोट भएका आयोजनाहरुमा आवश्यक बजेट समेत विनियोजन गरेको मन्त्रालयले जनाएको छ ।
मन्त्रालयका अनुसार प्रदेश तहमा हस्तान्तरण भएका शशर्त पूँजीगत योजनाअन्तर्गत चापाकोट नगरपालिका वडा नं १० छापको गह्रौँ कालिका मन्दिरका लागि १० लाख, मगर समाज साँस्कृतिक घर निर्माणको लािग १० लाख, नेवार समाज सांस्कृतिक घर निर्माणका लागि ८ लाख, वडा नं ९ को बेल्चौरमा रहेको त्रिभुरेश्वर शिव (राधाकृष्ण) मन्दिरका लागि ८ लाख विनियोजन गरिएको छ ।
पुरातवत्व विभागमार्फत पुतलीबजार नगरपालिकाको सतहुँकोट तथा चण्डीथान संरक्षण गर्न १० लाख र सोही नगरपालिका १३ को सितलादेवी मन्दीर संरक्षण पुन निमार्ण गर्न १० लाख, कालीगण्डकी गाउँपालिकाको आलमदेवी मन्दिर संरक्षणका लागि २५ लाख, वालिङ नगरपालिका १४ बान्द्रे भन्ज्याङ दुर्गा संरक्षण गर्नका लागि १० लाख र आधिँखोला गाउँपालिका ५ को काला भैरवकोट मन्दिरका लागि २५ लाख विनियोजन गरेको छ ।
मन्त्रालयका अनुसार स्थानीय तहमा हस्तान्तरण भएका पूँजीगत योजनाअन्तर्गत फेदीखोला गाउँपालिका २ को भैरवस्थान पर्यटन पूर्वाधार निर्माण गर्नको लागि १० लाख विनियोजन गरेको छ ।
त्यसैगरी आधिखोला गाउँपालिका वडा नं १ र २ को गोरुजुरे पर्यटन पूर्वाधर निर्माण योजनाका लागि ८ लाख र सेतीदोभान प्रहरी चौकीदेखि साधना गार्डन जाने पदमार्ग तथा दृश्यावलोकन टावर निर्माण गर्नको लागि १० लाख विनियोजन गरेको छ ।
मन्त्रालयले वालिङ नगरपालिका वडा नं १४ लंकाकोट पर्यटन पूर्वाधार विकास कार्यक्रमको लागि १२ लाख र पुतलीबजार नगरपालिका ५ को डाडे, टारी, ठूल ढुगा) र हरिहर मन्दिर क्षेत्र पूर्वाधार निर्माणको लागि १० लाख विनियोजन भएको छ ।
त्यसै गरी आधिँखोला गाउँपालिकाको काफलटारी गुरुकुलका लागि १२ लाख र कालीगण्डकी गाउँपालिका वडा नं ४ को क्षेत्रपाल कालिका मन्दिर संरक्षण गर्नको लागि १० लाख विनियोजन गरेको मन्त्रालयले जनाएको छ ।
गल्याङ नगरपालिका वडा नं ३ को चण्डेश्वरी मन्दिरका लागि १० लाख र ११ मा रहेको गह्रौँ भगवती मन्दिर, तुल्सिभञ्ज्याङ दिमिकको लागि १५ लाख विनियोजन गरेको छ ।
त्यसैगरी भीरकोट नगरपालिकाको सिद्ध गोपालेश्वर पशुपतिनाथ मन्दिर निर्माणका लागि ८ लाख र कदङ्ग मदरसा स्तोन्नतिका लागि १० लाख विनियोजन गरेको छ ।
त्यसै गरी चापाकोट नगरपालिका १ को महारुद्रस्थान पर्यटकीयस्थल निर्माणका लागि १० लाख, ९ को उत्तरगंगा शन्तिकुञ्ज मधुवनधाम राममन्दिर परिसर पर्यटकीयस्थल निर्माणका लागि ८ लाख र ७ को रामजानकी मन्दिर पर्यटन पूर्वाधार विकासका लागि ७ लाख विनियोजन गरेको पर्यटन मन्त्रालयले जनाएको छ ।
