Radio Sarlahi 105.7Mhz

03/11/2022

हुलाकी मार्गमा नेताहरुलाई आवातजावतमा रोक
रेडियो सर्लाही, कार्तिक १७ गते ।। मंसिर ४ गते हुने चुनावलाई लिएर आजदेखि दलहरुले प्रचार प्रसार गर्न पाउने भएपनि सर्लाहीको कौडेनामा भने दल र तिनका नेता तथा उमेदवारहरुलाई आवातजावतमा रोक लगाइएको छ ।
तराईको लाईफलाईन मानिएको हुलाकी राजमार्ग निर्माणमा लापरवाही गरेको र जनताको स्वास्थ्यमा खेलवाड गरेको कारण कौडेना वडा नम्बर ३ का वडाअध्यक्ष पचु चौधरीको नेतृत्वमा स्थानीयले नेताहरुलाई आवतजावतमा रोक लगाएको कौडेनाबाट पत्रकार निरज यादवले जानकारी दिए ।
नेताहरुलाई आवतजावतमा रोक लगाउने कार्यको नेतृत्व गरेका वडा अध्यक्ष चौधरीले हुलाकी राजमार्ग समयमै बनाउने भनेर प्रतिवद्धता गर्न र अलपत्र छाड्ने गरेको कारण नेता र नेतृत्वबाट पटक पटक धोका भएकोले आवातजावतमै रोक लगाउने निर्णय गरेर आफूहरु सडक अबरुद्ध गर्न बाध्य भएको बताए । उनले समयमै बनाउन नसकिएपनि सडकमा नियमित पानी छिटेर धुलो उड्न रोक्ने कार्य समेत नगरेको भन्दै सडकमा उड्ने धुलोका कारण नागरीकको स्वास्थ्यमा नकरात्मक असर परिरहेको बताए । उनले सडक नबन्दा तराईका हजारौं बासिन्दाले यात्रामा कठिनाई भोग्नु परीरहेको बताए ।
उनले प्रशासनले समेत हुलाकी सडक नबनाउने ठेकेदारलाई कुनै कार्वाही नगरेको भन्दै अब जनताले नै निर्णय गर्ने भन्दै आफूहरु सडक अवरुद्ध गर्न अघि बढेको बताए । उनले तत्काल सडकमा पानी छर्कने काम गरे र सडक छिट्टै बनाउने प्रतिवद्धता भएमात्रै सडक खुलाउने बताए ।

02/11/2022

अतिथी ः हरी प्रसाद उप्रेती, प्रतिनिधि सभा सदस्य उमेदवार, सर्लाही क्षेत्र नम्बर ३
प्रस्तोता ः पत्रकार सोम दियाली,
स्टेशन ः सामुदायिक रेडियो सर्लाही १०५.७ मेगाहर्ज

31/10/2022

कार्यक्रम : सन्दर्भ संवाद
अतिथि : पञ्च बहादुर लामा, राष्ट्रिय स्वतन्त्र पार्टी बाट प्रतिनिधिसभा सदस्य उमेदवार, क्षेत्र नम्बर ३, सर्लाही
प्रस्ताेता: पत्रकार साेम दियाली
स्टेसन : सामुदायिक रेडियाे सर्लाही १०५.७ मेगाहर्ज ।

30/10/2022

30/10/2022

कार्यक्रम : सन्दर्भ संवाद
अतिथि : बैकुण्ठ सापकाेटा, प्रतिनिधिसभा सदस्य स्वतन्त्र उमेदवार, क्षेत्र नम्बर १, सर्लाही
प्रस्ताेता: पत्रकार साेम दियाली
स्टेसन : सामुदायिक रेडियाे सर्लाही १०५.७ मेगाहर्ज ।

29/10/2022

कार्यक्रम :सन्दर्भ सम्वाद
अतिथि : पार्थमणि भट्टराई, राजनीतिक विश्लेषक
प्रस्ताेता : पत्रकार साेम दियाली
स्टेसन : सामुदायिक रेडियाे सर्लाही १०५.७ मेगाहर्ज

29/10/2022

छठ पर्व किन मनाईन्छ ?
ठुला ठुला मान्छेकाे मात्रै कुरा सुन्ने र विश्वास गर्ने हामी अाज भुई मान्छेकाे पनि कुरा सनाैं न ।

28/10/2022

गणेश प्रसाईं के भन्नुहुन्छ ? सुन्नुुस है ..

27/10/2022

कार्यक्रम : सन्दर्भ सम्वाद
अतिथि : डिल्ली प्रसाद उप्रेती, प्रदेश सभा सदस्य उमेदवार, सर्लाही क्षेत्र नम्वर ३(क)
स्टेसन : सामुदायिक रेडियाे सर्लाही १०५.७ मेगाहर्ज ।

26/10/2022

आज नेपाल संवत् ११४३ मनाइँदै, म्हः पूजा पनि मनाईदै
रेडियो सर्लाही, कार्तिक ९ गते ।। नेपाल संवत् ११४३ आज देशभर विविध कार्यक्रम आयोजना गरी मनाइँदैछ । यस संवत्लाई हाल नेवार समुदायले नयाँ वर्षका रूपमा मनाउने गरेका छन् । राष्टिय विभूति शंखधर साख्वाले विसं ९३७ (इसं ८८०) मा गरीब जनताको ऋण मोचन गरी नेपाल संवत्को सुरुवात गराएका थिए ।
नेपाल संवत्ले पृथ्वीनारायण शाहको शासनकालसम्म राष्ट्रिय संवत्को मान्यता पाएको लुम्बिनी बौद्ध विश्वविद्यालयका पूर्वउपकुलपति त्रिरत्न मानन्धरले जानकारी दिए । ‘लिच्छविकालका राजा राघवदेवको शासनकालबाट सुरु भएको नेपाल संवत् पृथ्वीनारायण शाहको शासनकालसम्म मौलिक संवतका रूपमा चलेको थियो, लिच्छविकाल अघि शक संवत् प्रचलनमा थियो, नेपाल देशको नामबाट राखिएकाले यो मौलिक संवत् हो,’ उनले भने ।
विसं २००७ मा प्रजातन्त्रको स्थापना भएदेखि नै नेपाल संवत्लाई राष्ट्रिय मान्यताका लागि अभियान चलाइएको छ । नेपाल संवत्लाई नयाँ वर्षका रूपमा काठमाडौं, ललितपुर, भक्तपुर, बनेपा, धुलिखेल, बाह्रबिसे, दोलखा भीमेश्वरलगायत नेवार समुदायको बाहुल्य रहेका स्थानमा विशेष रूपमा मनाउने गरिन्छ ।
गरिब जनताको ऋण मोचन गराई सामाजिक सेवाको उत्कृष्ट नमूना प्रस्तुत गरेको र नेपालमा मौलिक संवत्समेत चलाएको कार्यको उच्च मूल्याङ्कन गर्दै २०५६ सालको नयाँ वर्षका दिनमा तत्कालीन प्रधानमन्त्री कृष्णप्रसाद भट्टराईले साख्वालाई राष्टिय विभूति घोषणा गरेका थिए । त्यस्तै विसं २०६५ मा तत्कालीन प्रधानमन्त्री पुष्पकमल दाहालले नेपाल संवत्ले राष्ट्रिय मान्यता पाउने घोषणा गरेका थिए । कार्तिक कृष्ण औँसीका दिन बही खाता बन्द गरी नयाँ वर्ष अर्थात् कार्तिक शुक्ल प्रतिपदाका दिन नयाँ बही खाताको सुरुआत गर्ने परम्परा समेत काठमाडौंमा अझै छ ।
म्हः (आत्म) पूजा
आजैको दिन नेवार समुदायमा म्हः (आत्म) पूजा समेत गरिन्छ । कार्तिक शुक्ल प्रतिपदाका दिन आज नेवार समुदायका मानिसहरूले आफ्नो आत्म (म्हः) पूजा पर्व मनाउने गर्दछन् ।
यस वर्ष मङ्गलबार र बुधबार दुई दिन प्रतिपदा तिथि परेको छ । भक्तपुरलगायत केही स्थानमा भने हिजो नै नेपाल संवत्को नयाँ वर्ष मनाइएको छ । यसैगरी एकथरी नेवार समुदायले मङ्गलबार म्हः (आत्म) पूजा गरेका छन् । अर्काथरीले भने बुधबार गर्दैछन् ।
मानिसको आत्मा नै सबैभन्दा ठूलो र महत्वपूर्ण भएकाले आत्म पूजा गर्ने परम्परा शास्त्रीय भएको धर्मशास्त्रविद् प्रा डा रामचन्द्र गौतम बताउनुहुन्छ । आत्म सन्तुष्ट बनाई खुसी राख्न सके देवी देवता पनि प्रसन्न भई आशीर्वाद दिने र जीवन लिएको पनि सार्थक हुने धार्मिक विश्वाससमेत छ । –रासस

26/10/2022

आज गोवर्धनपूजा र गोरुपूजा
रेडियो सर्लाही, कार्तिक ९ गते ।। कार्तिक शुक्ल प्रतिपदा अर्थात् गोवर्धनपूजा । बुधबार प्रातः कालमा गोवर्धन पर्वतको प्रतिमा बनाएर पूजा गर्ने परम्परा छ ।
द्वापरयुगमा भगवान् कृष्णले गोवर्धन पर्वत उठाएर गोकुलवासीको संरक्षण गरेको सम्झनास्वरूप यो पर्व मनाइन्छ ।
भगवान् कृष्णले कृषि जनजीवनका लागि गोवर्धन पर्वतको ठूलो महत्त्व रहेको बताएपछि यसको पूजा गर्ने परम्परा बसेको पुराणमा उल्लेख छ । गोवर्धन पर्वतको पूजाबाट प्रकृतिको संरक्षण गर्नुपर्ने र यसलाई विकृत हुन दिन नहुने सन्देश पाइन्छ ।
गोवर्धनपूजाका अवसरमा देवालय तथा बाटोमा तोरण टाँग्ने र रात्रिमा पनि नाचगान गरेर, पासा आदि खेलेर रमाइलो गर्ने चलन छ। यस अवसरमा रमाइलो गरेर बिताउनेको वर्ष रमाइलो हुने उल्लेख छ ।
उत्सव मनाउने, नाचगान गर्ने जस्ता पुराणका निर्देशअनुसार नेपाली समाजमा देउसी (द्यौसी) खेल्ने परम्परा छ । देउसीसँगै स्थान विशेषअनुसार बालन, खैँजडी भजन गाउने चलन पनि छ। उत्सव गर्दै रात्रिमा बलिको पूजा गर्ने विधि पनि बताइएको छ । बुधबार नै गोरुको पनि पूजा गरिँदैछ । गोरुको पूजा गरी अनुकुलको पदार्थ खुवाउने र खुल्ला छाडिदिने चलन छ । नेपालजस्तो पहाडी भू–भाग भएको मुलुकका लागि कृषिकर्ममा गोरु ज्यादै उपयोगी जनावर मानिन्छ ।
गोवर्धनपूजालाई हलीतिहार पनि भनिन्छ । नेपाल पञ्चांग निर्णायक विकास समितिका अनुसार बुधबार २३ः३० घडी अर्थात् अपराह्न ३ बजेर ११ मिनेटसम्म बजेसम्म प्रतिपदा तिथि छ ।

26/10/2022

तपाईको भोट, तपाईको छनौट

26/10/2022

सन्दर्भ सम्वाद
अतिथी : कृष्ण भारद्वाज, पण्डित÷गायक तथा संगीतकार
प्रस्तोता : पत्रकार सोम दियाली
स्टेशन : सामुदायिक रेडियो सर्लाही १०५.७ मेगाहर्ज

26/10/2022

हरिवन निवासी वाग्ले एमालेको मधेश प्रदेश प्रचार विभागको सचिवमा नियुक्त
रेडियो सर्लाही, कार्तिक ९ गते ।। सर्लाही हरिवन निवासी एमाले नेता चुडामणि वाग्लेले नेकपा एमाले मधेश प्रदेशको महत्वपूर्ण जिम्मेवारी पाउनुभएको छ ।
हरिवन ८ निवासी नेता वाग्लेलाई नेकपा एमालेको मधेश प्रदेश कमिटिले पार्टीको प्रचार विभागको सचिव पदमा मनोनित गरेको हो ।
पलामो समयको पत्रकारीताको अनुभवलाई राजनीति मार्फत समाजसेवामा लगाउने अठोट अनुरुप पत्रकारीताको जिम्मेवारी त्यागेर राजनीतिमा लाग्नुभएका उहाँ नेकपा एमालेको हरिवन नगर कमिटि अध्यक्ष भई सक्नु भएको नेता हुनुहुन्छ । त्यस्तै एमालेकै सर्लाही क्षेत्र नम्बर ३ क को संयोजक समेत भई सक्नुभएका उहाँ पार्टीको जिल्ला प्रचार विभाग प्रमुख हुनुहुन्थ्यो ।
त्यसपछि पार्टी अध्यक्ष केपी शर्मा ओलीको कमदबाट रुष्ट हुनुभएको उहाँ माधव नेपाल नेतृत्वको समाजवादीमा सक्रिय हुनुभयो । एकीकृत समाजवादीमा पनि असन्तुष्ट भएपछि उहाँ पुनः एमालेमै फर्कनु भयो ।
एमालेमा फर्के लगतै जिल्ला कमिटी सर्लाहीले उहाँलाई जिल्ला कमिटि सदस्य मनोनित गरेको थियो । पार्टी प्रतिको लगाव, योगदान, उहाँमा निहित क्षमताको उच्च मूल्यांकन गर्दै उहाँलाई पार्टीको मधेश प्रदेश प्रचार विभाग सचिवको जिम्मेवारी दिईएको मधेश प्रदेश कमिटी उपाध्यक्ष रेवती पन्तले जानकारी दिनुभयो ।

23/10/2022

तिहार तथा छठको हार्दिक शुभकामना ।

22/10/2022

Scout's Notice for Deusi Vailo

22/10/2022

साँस्कृतिक जगेर्ना र चेतनाका लागि देउसी भैलाे कार्यक्रम ।

22/10/2022

विद्युत अवरुद्ध हुने सुचना ।।
नेपाल विधुत प्राधिकरण वितरण केन्द्र लालवन्दी अन्तरगत हरिवन फिडरमा मर्मतको काम गर्नुपर्ने भएकोले अाज (शनिवार) विहान ८ बजेदेखि बेलेकी ५ बजे सम्म विधुत अवरुद्ध हुने हरिवन फिडर अन्तरगतका सम्पुर्ण ग्राहक महानुभावमा जानकारी गराईन्छ ।
यसबाट पर्न जाने असुविधाप्रति प्नधिकरण क्षमाप्रार्थी छ ।
नाेट: मर्मतकाे कार्य छिट्टै सकिए बेलुकी ५ बजे अगावै लाईन सुचारु हुनेछ ।
-- ने.वि.प्रा. हरिवन फिडर शाखा
हरिवन, सर्लाही

21/10/2022

हरिपुर्वाका बाल सञ्जालका पदाधिकारीहरुले बुझाए उमेदवारलाई ध्यानाकर्षण पत्र(भिडियोसहित)

रेडियो सर्लाही, कार्तिक ४ गते ।। आगामी मंसीर ४ गते हुने संघ तथा प्रदेश सभा सदस्य निर्वाचन नजिकिँदै छ । दल र तिनका उमेदवार तथा स्वतन्त्र उमेदवारहरु समेत चुनावी प्रचार प्रसारमा जुटी सकेका छन् ।

यसै क्रममा उमेदवारहरुले चुनाव जितेपछि बालबालिकाको सवालमा चै कसरी काम गर्छन् ? यो आम बालबाकिाका प्रश्न हो । यसै शिलशिलामा हरिपूर्वा बाल सञ्जालले उमेदवारहरुको घोषणा पत्रमा आफूहरुको सवाल समावेश गर्न माग गर्दै स्वतन्त्र उमेदवार विरेन्द्र प्रसाद अधिकारीलाई ध्यानाकर्षण पत्र बुझाएका छन् ।

प्रदेश तथा संघीय सरकारका नीति तथा कार्यक्रममा बालबालिकाका सवाललाई घोषणापत्र÷व्यवहारमा कार्यान्वयन गर्न हरिपुर्वा बाल सञ्जालका अध्यक्ष अंगेश साह तथा उपाध्यक्ष साहिन खातुनले प्रदेशसभा सदस्य पदका स्वतन्त्र उमेदवार अधिकारीलाइ १४ बुँदे ध्यानाकर्षण पत्र बुझाएका हुन् ।

‘उहाँले आफ्नो घोषणापत्र ल्याउँदै हुनुहुन्छ भन्ने थाहा पाएर घोषणा पत्रमा बालबालिकाका सवाललाई जोडदार रुपमा समावेश गर्न भन्दै हामीले ध्यानाकर्षण पत्र बुझाएका हौं ।’, अधिकारीलाई ध्यानाकर्षण पत्र बुझाएपछि सञ्जालका उपाध्यक्ष साहिन खातुन भन्नुभयो,‘सबै बालबालिकाहरु पाउनु पर्ने अधिकार सुनिश्चित गर्नु पर्ने राज्यको दायित्व हो । यसमा विशेषगरी राजनीतिक दलका नेताहरुको विशेष भूमिका रहन्छ ।’

ध्यानाकर्षण पत्रमा प्रदेश तथा संघीय सरकारले बालबालिकामैत्री योजना बनाउनु पर्ने र त्यसका लागि कुल बजेटको १५ प्रतिशत रकम छुट्याउनु पर्ने, प्रदेश तथा संघीय सरकारमा गौरवको आयोजनाको रुपमा बालमैत्री स्थानीय शासन, पोषणयुक्त संघ तथा प्रदेश, बालविवाह मुक्त देश, बालश्रममुक्त देश, किशोरकिशोरीमैत्री संघ तथा प्रदेश, परम्परागत हानिकारक अभ्यासको अन्त्य, विभेद, दुव्र्यवहार, हेपाइ, हिंसा लगायत प्रदेश तथा संघीय सरकारका रूपमा विकास गरी सोको घोषणा, कार्यान्वयन र दिगोपनका लागि काम गरिनु पर्ने ।, विद्यालय र बालबालिका शान्तिक्षेत्र हुन् भन्ने अवधारणाप्रति प्रतिवद्ध रहदै बालबालिकाको दलगत प्रयोग नहुने सवाल सुनिश्चित गरिनु पर्ने लगायतका बुँदाहरु समावेश गरिएको छ ।
बालबालिकाहरुले ध्यानाकर्षण पत्रमा उल्लेख गरेका छन्,‘हाम्रो गाउँघर वस्तीमा बाटो, बत्ती, पानी, पुललगायतका भौतिक पुर्वाधारको जति खाँचो छ त्यतिकै खाँचो हामी बालबालिकाको समग्र विकासका लागि छ ।’

बालबालिकाको ध्यानाकर्षण पत्र बुझ्दै स्वतन्त्र पदका उमेदवार अधिकारीले आफूले चुनाव जिते बालबालिकाको पक्षमै काम गर्ने बताउनुभएको छ । ‘बालबालिका भविष्यका कर्णधार हुन्, उनीहरुले नै भोलि यो देश काँधमा बोक्ने छन् । त्यसैले उनीहरुको सवाललाई राज्यले सम्बोधन गर्नुपर्छ । म चुनाव जितेपछि बालबालिकाले ध्यानाकर्षण पत्रमा उल्लेख गरेका कुराहरुलाई अक्षरस पालना गर्न गराउन प्रतिवद्ध छु ।’, स्वतन्त्र उमेदवार अधिकारीले भने ।

20/10/2022

चन्द्रनगर : वडास्तरबाटै भत्ता वितरण सुरु, सेवाग्राही दंग

20/10/2022

साजन कार्कीमाथि भएकाे गाेली प्रहार घट्नाका सम्बन्धमा जिल्ला प्रहरी कार्यालय सर्लाहीले गरेकाे प्रेस मिट २०७९/७/३

20/10/2022

साजन कार्की अाक्रमण घट्नाका अाराेपी सार्बजनिक

20/10/2022

उपमेयर घलान र वडा अध्यक्ष रेजाले गरे रेडियो सर्लाहीको निरीक्षण

रेडियो सर्लाही, कार्तिक ३ गते ।। हरिवन नगरपालिकाकी उपमेयर हरिमाया घलान र वडा नम्बर ११ का वडा अध्यक्ष शेख मेहबुब रेजाले रेडियो सर्लाहीको अनुगमन तथा निरीक्षण गर्नुभएको छ ।

हरिवन नगरपालिका ११ स्थित बजारमा रहेको जिल्लाकै पहिलो रेडियोको पहिचान बनाएको सामुदायिक रेडियो सर्लाहीको अनुगमन तथा निरीक्षण गर्नुहुँदै उपमेयर घलान र वडा अध्यक्ष रेजाले रेडियोको भौतिक संरचना निर्माण र गुणस्तर सुधारमा आवश्यक सम्पूर्ण सहयोग नगरपालिकाले गर्ने प्रतिवद्धता जनाउनुभएको छ ।

तिहार, छठ तथा अन्य पर्वको शुभकामना आदान प्रदानसहित उहाँहरुलाई स्वागत तथा सम्मान गर्न आयोजित कार्यक्रमलाई सम्बोधन गर्नुहुँदै उपमेयर घलानले सामुदायिक रेडियो सर्लाही हरिवनको मात्र नभई जिल्लाकै सम्पति भएकोले यसको संरक्षण गर्नु आवश्यक रहेको बताउनुभयो । उहाँले स्थानीय सरकारका गतिविधि तथा देशविदेशका सूचना नगर तथा जिल्लावासीलाई सुसुचित गराउन विगत देखि नै रेडियोले खेलेको भूमिका उल्लेखनीय रहेको भन्नुहुँदै रेडियोलाई थप व्यवस्थित र स्तरीय बनाउन यसका सञ्चालक तथा व्यवस्थापनलाई सुझाव दिनुभयो ।

त्यस्तै विशिष्ट अथिति हरिवन ११ का वडा अध्यक्ष शेख मेहबुव रेजाले ढिलै भएपनि रेडियोले आफूहरुलाई सम्झेर स्वागत तथा सम्मान गरेको भन्दै धन्यवाद दिनुभयो । उहाँले विगतमा पनि आफूले व्यक्तिगत तथा आफ्नो वडाको तर्फबाट रेडियोलाई आवश्यक सहयोग गर्दै आएकोले अब पनि यथेष्ट सहयोग गर्ने बताउनुभयो । ‘रेडियोले विर्सियोकी भन्ने लागेको थियो,’ वडाअध्यक्ष रेजाले भन्नुभयो,‘तर अब नयाँ व्यवस्थापनसहित अझ स्तरीय ढंगले सञ्चालन हुने कुराले निकै खुशि लागेको छ । हामी आवश्यक सहयोग गर्न तयार छौं ।’

रेडियो सञ्चालन तथा व्यवस्थापन उपसमितिका सदस्य विनय न्यौपानेको अध्यक्षतामा भएको कार्यक्रममा सोही उपसमितिका सदस्य सुरज खनाल, उपमेयरका स्वकीय सचिव एक बहादुर तामाङ, रेडियोका स्टेशन म्यानेजर पत्रकार सोम दियाली, रेडियोका शुभेच्छुक वाङ्चु लामा लगायतको उपस्थिति रहेको थियो । सो क्रममा हरिवनवासीको अपार माया पाएर उपमेयरमा निर्वाचित हुनु भएका उपमेयर घलान, र दोश्रो कार्यकालका लागि वडा अध्यक्षमा निर्वाचित हुनु भएका वडा अध्यक्ष रेजालाई रेडियोको तर्फबाट दोसल्ला ओढाई सम्मान गरिएको थियो ।

त्यस्तै उहाँहरुको सफल कार्यकालको लागि शुभकामना समेत रेडियोले व्यक्त गरेको रेडियोका स्टेशन म्यानेजर दियालीले जानकारी दिनुभयो । उहाँका अनुसार रेडियो सर्लाहीको अहिले नयाँ स्टुडियो निर्माण तथा टावरको मर्मत संभारको काम भईरहेको छ ।

19/10/2022

सर्लाहीमा लुटेराहरुले चलाएको गोली लागी सगुन साकोसका शाखा प्रमुख घाइते
रेडियो सर्लाही, कार्तिक २ गते ।। सर्लाहीको बागमतीमा लुटेराहरुले चलाएको गोली लागेर सगुन साकोसका शाखा प्रमुख घाइते भएका छन् ।
घाईते हुनेमा हरिवन स्थित सगुन साकोसको बागमती नगरपालिका १ स्थित मिलनचोकमा रहेको शाखामा प्रमुखको रुपमा कार्यरत लालबन्दी नगरपालिका २ बस्ने अन्दाजी ३४ वर्षिय साजन कार्की रहेका छन् ।
कार्कीको शरीका विभिन्न भागमा गोली लागेको छ । उनलाई हरिवनस्थित एड्भान्स सरस्वती हस्पिटलमा सामान्य उपचारपछि सिमरा हुँदै हेलिकप्टर मार्फत काठमाण्डौं लगिएको छ ।
आज विहान कार्की कार्यालय समयमै कार्यालय पुगेका थिए । उनले ४ जना सेवाग्राहीसँग कारोवार समेत गरिसकेका थिए । त्यस लगतै भारतीय नम्बर प्लेटमा आएका तीन जना लुटेराहरुले सो शाखा लुटन खोजेपछि शाखा प्रमुख कार्कीले प्रतिकार गर्न खोज्दा उनीमाथि ४ राउण्ड गोली प्रहार भएको सगुन साकोसका संस्थापक अध्यक्ष बाबुराम घिमिरेले बताए ।
घिमिरेका अनुसार प्रारम्भिक जानकारी अनुसार लुटेराहरुले रकम भने लुट्न पाएनन् । शाखा प्रमुख कार्कीले अवरोध गरेपछि उनीहरुले सरासर ४ राउण्ड गोली हानेर फरार भए । शाखा प्रमुख कार्कीको काँध, पाखुरा, तिघ्रा र कोखामा गरी चार ठाउँमा गोली लागेको छ ।
उनीमाथि गोली प्रहार गर्ने लुटेराहरु भने फरार भएका छन् । उनीहरुको खोजी भइरहेको जिल्ला प्रहरी कार्यालय सर्लाहीले जनाएको छ ।

15/10/2022

सबै जिल्लामा फैलियो डेंगी, देशभर ४७ जनाको मृत्यु
रासस, काठमाडौँ ।।
असोज २९ गते ।। डेंगी संक्रमण ७७ वटै जिल्लामा फैलिएको छ । डेंगीबाट हालसम्म ४७ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । गत साउनदेखि हालसम्म ३८ हजार नौ सय १८ जनामा डेंगी पुष्टि भएको छ । डेंगी संक्रमण रोक्न प्रतिकार्यका कार्य तीव्र पारिएको मन्त्रालयले जनाएको छ ।
मन्त्रालयका अनुसार आज ५२ जनामा कोरोना संक्रमण पुष्टि भएको छ । एक हजार ७६३ नमुना परीक्षण गर्दा सो संख्यामा कोरोना संक्रमण पुष्टि भएको हो । आज १६ जना कोरोना संक्रमणमुक्त भएका छन् । सक्रिय संक्रमितको संख्या छ सय ६७ छ ।
नेपालमा हालसम्म १० लाख एक सय २३ जनामा कोरोना संक्रमण पुष्टि भएको छ । नौ लाख ८७ हजार चार सय ३८ कोरोना संक्रमणमुक्त भएका छन् । बाह्र हजार १८ जनाले कोरोना संक्रमणबाट ज्यान गुमाएका छन् ।
आज ३० हजार आठ ७६ जनाले कोरोना संक्रमण विरुद्धको खोप लगाएका छन् । हालसम्म दुई करोड ३२ लाख आठ हजार चार सय ८४ जनाले खोपको पहिलो मात्रा, दुई करोड २३ लाख २४ हजार नौ सय ३३ जनाले पूर्ण मात्रा र ७९ लाख ७२ हजार सात सय ९१ जनाले अतिरिक्त मात्रा लगाएका छन् ।

11/10/2022

डेंगी नियन्त्रणका लागि हरिवनमा औषधी छिट्न शुरु, वडा अध्यक्ष रेजा नै देखिए फ्रण्टमा
रेडियो सर्लाही, हरिवन ।।
असोज २५ गते ।। ‘खोजौं र नष्ट गरौं’ भन्ने नाराका साथ हरिवनमा लामखुट्टे मार्ने औषधी छिट्न सुरु गरिएको छ ।
पछिल्लो समय हरिवनसहित देशभर डेंगीको संक्रमण फैलिएको भन्दै त्यसको नियन्त्रण तथा रोकथाम गर्ने उदेश्यले यहाँ पनि स्प्रे गरिएको हो ।
पुरै नगरलाई नै स्प्रे गर्ने अभियान अन्तर्गत पहिलो दिन आज हरिवन नगरपालिकाको वडा नम्बर ११ को हरिवन बजारका विभिन्न स्थानहरुमा औषधी छिटिएको छ । औषधी छिट्न नगरपालिकाको स्वास्थ्य शाकाका स्वास्थ्यकर्मीसँगै वडा अध्यक्ष शेख मेहबुब रेजा आफै खटिनु भएको छ । उहाँले नगरपालिकाको एम्बुलेन्समा बसेर आफैले लामखुट्टे मार्ने औषधि छिट्नु भएको छ ।
डेंगी रोग नियन्त्रण तथा रोकथामको प्रमुख उपाय भनेकै सर्च एण्ड डिस्ट्रोय अर्थात लामखुट्टे बस्ने वास स्थान र त्यसको लार्भा नष्ट गर्नु भएकोले औषधि छिटिएको नगर स्वास्थ्य शाखाका प्रमुख शशीकान्त सिंहले बताउनुभयो ।
‘खोजौं र नष्ट गरौं’ अभियानको सुरुवात स्वरुप हरिवन बजारका विभिन्न स्थानमा औषधी छिट्ने काम गरिएको वडा अध्यक्ष शेख मेहबुव रेजाले बताउनुभयो ।
खोजौंं र नष्ट गरौं अभियान नगरभरी नै सञ्चालन गर्ने तयारी गरिएको नगर स्वास्थ्य शाखाका सह–संयोजक रामबाबु चौधरीले बताउनुभयो ।
उहाँले घर वरपर रहेका खाली बोटल, टायर तथा फोहोरहरु लामखुट्टेको बासस्थान भएकोले ती स्थानहरु सफा गर्नु पर्ने बताउनुभयो । त्यस्तै उहाँले घरमा राखिएका गमला, नावरको पानीमा समेत लामखुट्टेले फुल पार्ने भएकोले ती स्थानहरुमा पानी जम्न नदिन नगरवासीलाई आग्रह गर्नुभयो ।
एडिज एजिप्टाई जातको लामखुट्टेको टोकाईबाट डेंगी रोग लाग्ने गर्दछ । हरिवनमा डेंगी संक्रमितहरुको यकिन तथ्यांक नभएपनि ३०÷३५ जनाभन्दा बढी या घटी पनि हुन सक्ने नगर स्वास्थ्य शाखाको अनुमान रहेको छ ।

10/10/2022

हरिवनमा डेंगी रोग नियन्त्रण तथा रोकथामका लागि औषधी छरिने

रेडियो सर्लाही, हरिवन ।।
असोज २४ गते ।। डेंगी रोग नियन्त्रण तथा रोकथाम सम्बन्धी अभियान अन्तर्गत मंगलवार हरिवनमा लामखुट्टे मार्ने औषधि छिटिने भएको छ ।
हरिवनसहित देशभर बढ्दै गएको डेंगी रोगको नियन्त्रण तथा रोकथामका लागि स्थानीय तहलाई अभियान नै सञ्चालन गर्न स्वास्थ्य तथा जनसंख्या मन्त्रालयबाट परिपत्र भएपछि हरिवन नगरपालिकाको स्वास्थ्य शाखाले पनि लामखुट्टेले फुल पार्ने ठाउँहरु खोजौं र नष्ट गरौं भन्ने नारासहित अभियान सञ्चालन गरेको र अभियान अन्तर्गत नै मंगलवार हरिवनमा लामखुट्टे मार्ने औषधी छिट्न लागिएको हरिवन नगर स्वास्थ्य शाखाले जनाएको छ ।
नगर स्वास्थ्य शाखाका अनुसार अभियान अन्तर्गत भोलि विहान ७ बजे वडा नम्बर ११ मा मुनेश्वर साहको घर हुँदै पश्चिम परिवार नियोजनको अफिससम्म रोड दायाँबाया र नयाँरोड राजमार्गको दायाबायाँका स्थानहरुमा स्प्रे गर्न लागिएको हो ।
लामखुट्टे मार्ने औषधी छिट्ने अघिल्लो दिन सोमबार बेलुकी हरिवनमा डेंगी सम्बन्धी सचेतना ¥याली निकालिएको छ । नगरप्रमुख रमेश कुमार बुढाथोकी(कमल), उपमेयर हरिमाया घलान, हरिवन ११ का वडा अध्यक्ष शेख मेहबुब रेजा, प्रमुख प्रशासकीय अधिकृत सुरेन्द्र प्रधान, नगर स्वास्थ्य शाखाका प्रमुख शशीकान्त सिंह, सासापुर स्वास्थ्य चौकीका प्रमुख श्याम विनोद कुशवाहा, स्वास्थ्य शाखाका कर्मचारीहरुको सहभागितामा सचेतनामूलक ¥याली निकालिएको नगर स्वास्थ्य शाखाका सह–संयोजक रामबाबु चौधरीले जानकारी दिनुभयो ।
हरिवनलाई डेंगीमुक्त नगर बनाउने उदेश्यले खोजौं र नष्ट गरौं अभियान अन्तर्गत नै लामखुट्टे मार्ने औषधी छिट्न लागिएको नगर प्रमुख रमेश कुमार बुढाथोकी(कमल)ले बताउनुभयो । उहाँले डेंगी रोग नियन्त्रण तथा रोकथाम अभियानमा आवश्यक सहयोग गर्न नगरवासीलाई आव्हान समेत गर्नुभयो ।
त्यस्तै नगर स्वास्थ्य शाखाका प्रमुख शशीकान्त सिंहले अहिले जुनसुकै बेला लामखुट्टेले टोकेपनि त्यसबाट डेंगी संक्रमणको जोखिम रहेकोले डेंगीबाट बच्ने उत्तम उपाय नै लामखुट्टेको टोकाईबाट बच्नु रहेको बताउनुभयो । उहाँले घर वरपर रहेका खाली बोटल, टायर तथा फोहोरहरु लामखुट्टेको बासस्थान भएकोले ती स्थानहरु सफा गर्नु पर्ने बताउनुभयो । त्यस्तै उहाँले घरमा राखिएका गमला, नावरको पानीमा समेत लामखुट्टेले फुल पार्ने भएकोले ती स्थानहरुमा पानी जम्न नदिन नगरवासीलाई आग्रह गर्नुभयो ।
एडिज एजिप्टाई जातको लामखुट्टेको टोकाईबाट डेंगी रोग लाग्ने गर्दछ । हरिवनमा डेंगी संक्रमितहरुको यकिन तथ्यांक नभएपनि ३०÷३५ जनाभन्दा बढी या घटी पनि हुन सक्ने नगर स्वास्थ्य शाखाको अनुमान रहेको छ ।

10/10/2022

डेंगी सम्बन्धी सचेतना र्याली । अायाेजक हरिवन नगरपालिका स्वास्थ्य शाखा ।

10/10/2022

सर्लाही क्षेत्र नम्बर ३ मा संघीय संसदका लागि १३ जनाको उमेदवारी
सोम दियाली, हरिवन ।।
असोज २४ गते ।। आगामी मंसीर ४ गते हुने संघ तथा प्रदेशसभा सदस्य निर्वाचनका लागि सर्लाही क्षेत्र नम्बर ३ मा संघीय संसदका लागि १३ जनाको उमेदवारी परेको छ भने सोही क्षेत्रमा प्रदेशसभा तर्फ (क) मा १८ जना र (ख)मा १९ जनाको उमेदवारी परेको छ ।
संघीय संसदका लागि क्षेत्र नम्बर ३ मा १० जना स्वतन्त्रसहित ८ ओटा दलका उमेदवारहरुले उमेदवारी दर्ता गराएका छन् । जसमा बाम गठबन्धनबाट नेकपा माओवादी केन्द्रका नेता संविधानसभा सदस्य नरेन्द्र साहले उमेदवारी दर्ता गराउनुभएको छ । उहाँको पहिलो नम्बरमै दर्ता रहेको छ । त्यसैगरी संविधानसभा सदस्य एमाले नेता हरि उप्रेतीले पनि संघीय संसदका लागि उमेदवारी दिनुभएको छ । एमाले जसपा गठबन्धनको साझा उमेदवारको रुपमा उमेदवारी दिनुभएका उप्रेतीको ६ नम्बरमा उमेदवारी दर्ता भएको छ ।

त्यसैगरी संघीय संसदकै लागि रवि लामिछाने नेतृत्वका राष्ट्रिय स्वतन्त्र पार्टीबाट पञ्च बहादुर सिङ्तानले उमेदवारी दर्ता गराउनुभएको छ । हाम्रो नेपाली पार्टी नामक पार्टीकी भवानी घिमिरे, मंगोल अर्गनाईजेशनका ईन्द्रमान वाईवा, जनमत पार्टीबाट त्रिभुवन कुमार सिंह र बहुजन एकता पार्टीबाट राजकुमार पासवानको उमेदवारी पनि परेको छ । त्यस्तैगरी संघीय संसदकै लागि अभिषेक प्रसाद साह, उत्तर कुमार मैनाली, ओम प्रसाद मैनाली, कृष्ण राय यादव, रामविहारी महतो र श्याम बाबु यादवले पनि स्वतन्त्र उमेदवारी दर्ता गराउनुभएको छ ।
त्यस्तै प्रदेशसभा सदस्य तर्फ क्षेत्र नम्बर ३(क)बाट निर्वतमान प्रदेशसभा सदस्य एकीकृत समाजवादी पार्टीका नेता डिल्ली प्रसाद उप्रेतीले बाम लोकतान्त्रिक गठबन्धनको साझा उमेदवारको रुपमा उमेदवारी दर्ता गराउनुभएको छ । एमाले जसपा गठबन्धनका साझा उमेदवारका रुपमा एमाले नेता हरिवनका संस्थापक मेयर गणेश प्रसाद प्रसाईले उमेदवारी दिनुभएको छ । त्यस्तै राप्रपाबाट श्रीराम महतो, बहुजन एकता पार्टीबाट सोमन दुसाद, हाम्रो नेपाली पार्टीबाट ईन्द्रजीत प्रसाद महतो र मंगोल नेशनल अर्गनाईजेशन पार्टीबाट बुद्धलाल रुम्बाले उमेदवारी दिनुभएको छ । त्यस्तै क्षेत्र नम्बर ३ कै (क) बाट हरिवन नगरपालिकाकी संस्थापक उपमेयर रेणुका कुमारी पौडेल, स्वतन्त्र व्यक्ति कमल बहादुर कार्की, कल्याणी उप्रेती, कविर लामा, गंगालाल थिङ्ग, जंगली महतो, जवाहारलाल कुशवाहा, रोशन लामा, रामजिवन साह, महेश कुमार कटुवाल, वैकुण्ठ प्रसाईं र बुद्धिप्रसाद विमलीले उमेदवारी दर्ता गराउनुभएको छ ।
त्यस्तै प्रदेशसभा सदस्यकै लागि ३को (ख) बाट नेपाली काँग्रेसका नेता संविधानसभा सदस्य हरेस प्रसाद महतोले वाम गठबन्धनको साझा उमेदवारको रुपमा उमेदवारी दिनुभएको छ । त्यस्तै एमाले जसपा गठबन्धनको साझा उमेदवारको रुपमा जनता समाजवादी पार्टीका संजक कुमार यादवले पनि उमेदवारी दिनुभएको छ । त्यस्तै राप्रपाबाट मुकेश कुमार साह, जनता प्रगतिशिल पार्टी नेपालबाट शेख शहिदुल्लाह, जनमत पार्टीबाट शत्रुधन साह सोनार, हाम्रो नेपाली पार्टीबाट सुनिल प्रसाद गुप्ता र बहुजन एकता पार्टीबाट अहिमन महराले प्रदेशसभा सदस्यका लागि उमेदवारी दिनुभएको छ ।
त्यस्तै प्रदेशसभा सदस्यकै लागि क्षेत्र नम्बर ३ (ख)बाट कमल साह कल्वार, किशोरी ठाकुर, गायत्री कुमारी, घनश्याम झा, दिलिप कुमार महतो, दिलिप कुमार राय, नवल किशोर साह, नेमिवालाल राय, रामेश्वर राय यादव, भाग्यनारायण महतो, राकेश कुमार राय र सरोज कुमार रायले पनि उमेदवारी दिनुभएको छ ।