Kbckhabar

20/04/2024

कौन बनेगा करोडपति दर्ता सुरु
‘कौन बनेगा करोडपति’मार्फत अमिताभ बच्चनको पुनरागमन हुन्छ या हुँदैन भन्ने अन्योलबीच फ्यानका लागि खुसीको खबर छ । यो भारतीय टिभी रियालिटी शोको १६ औं सिजनको मंगलबार घोषणा भएको छ ।
‘कौन बनेगा करोडपति १६’ को लागि दर्ता सुरु भएको छ र निर्माताले प्रोमो सार्वजनिक गरेका छन् । प्रसारण मिति खुलाइएको छैन, तर दर्ता सुरु भएको छ ।

20/04/2024

सलमानको घरबाहिर गोली चलाउने दुई जना आरोपी पक्राउ
काठमाडौं । बलिउड अभिनेता सलमान खानको घरबाहिर गोली चलाउने दुवै आरोपी गुजरातको भुजबाट पक्राउ परेका छन् । घटनाको अनुसन्धान गरिरहेको मुम्बई क्राइम ब्रान्चको टोलीले उनीहरुलाई पक्राउ गरेको हो ।
दुवै जनालाई पश्चिमी कच्छबाट पक्राउ गरेको गुजरात प्रहरीले पुष्टि गरेको छ । पक्राउ परेका २४ वर्षीय विक्की गुप्ता र २१ वर्षीय सागर श्रीजोगेन्द्र पालमाथि आइतबार बिहान सलमानको घरबाहिर गोली चलाएको आरोप छ ।

19/04/2024

नयाँ सरकार गठन प्रक्रिया सुरु गर्ने एमाले–माओवादी गठबन्धनको तयारी
मोरङ/कोशी प्रदेश सभाले २६ वैशाखभित्र विश्वासको मत लिन मुख्यमन्त्री केदार कार्कीलाई निर्देशन दिने संकल्प प्रस्ताव बहुमतले पास गरेको छ ।
नेपाली कांग्रेसका प्रदेश सभा सदस्य कार्की २७ असोज २०८० मा संविधानको धारा १६८ (५) अनुसार मुख्यमन्त्री बनेका थिए । माओवादीलाई मुख्यमन्त्री दिने तत्कालीन सत्ता गठबन्धनको निर्णयविरुद्ध कांग्रेसका ८ सांसदले विद्रोह गरेपछि कार्की नेकपा एमालेका ४० सांसदले समर्थनमा मुख्यमन्त्री बनेका थिए ।
तर २१ फागुनमा केन्द्रको गठबन्धन फेरिएपछि सातवटै प्रदेशका सरकार पनि प्रभावित भए । एमाले र माओवादी लगायतका सत्तारुढ दलले सातै प्रदेशको मुख्यमन्त्री भागवण्डा गरे, मधेश र बागमती बाहेक पाँच प्रदेशको मुख्यमन्त्री फेरिने भयो ।
प्रदेश प्रमुखले विशेष अधिवेशनको मिति तोकेपछि प्रदेश सभामा संकल्प प्रस्ताव दर्ता भयो । एमाले प्रमुख सचेतक रेवतीरमण भण्डारी प्रस्तावक तथा गणेश उप्रेती र किशोरचन्द्र दुलाल समर्थक रहेको संकल्प प्रस्तावमा मुख्यमन्त्री कार्कीले प्रदेशसभाको बहुमत सदस्य (९३ मध्ये ५२) को समर्थन गुमाइसेकाले २६ वैशाखभित्र विश्वासको मत लिन मुख्यमन्त्रीलाई निर्देशन दिने छ ।

19/04/2024

सवारी कर देशैभरिबाट तिर्ने व्यवस्था
मोरङ/ एक प्रदेशमा दर्ता भएको सवारी साधन अर्को प्रदेशमा चलिरहेको भए कर तिर्न सोही प्रदेशमा आउनु पर्ने झन्झटिलो प्रावधान हटाउन राष्ट्रिय प्राकृतिक स्रोत तथा वित्त आयोगले सुझाव दिएको छ ।
आगामी आर्थिक वर्ष (आव) २०८१/८२ का लागि एकल कर प्रशासनअन्तर्गत प्रदेश सरकारहरूले संकलन गरी स्थानीय विभाज्य कोषमा जम्मा गर्ने सवारी साधन करलाई स्थानीय सरकारबीच बाँडफाँट गर्ने सम्बन्धमा ७ वटै प्रदेशलाई सिफारिस गर्दै यस्तो सुझाव दिएको हो ।
कर तिर्न भने दर्ता भएकै प्रदेशमा पुग्नु पर्छ । सवारी धनीले आफूले तिर्नुपर्ने सवारी साधन कर नेपालभित्र आफू बसेकै नजिकमा पर्ने सवारी कर बुझाउने कार्यालयमा बुझाउन मिल्ने व्यवस्था गर्न आयोगले भनेको छ । यसरी संकलन भएको कर प्रदेश–प्रदेश बीचको समन्वयमा सम्बन्धित प्रदेशलाई हस्तान्तरण गर्न समेत भनेको छ । आधुनिक सूचना प्रविधिको प्रयोग गर्दै विद्युतीय प्रणालीबाट सवारी साधन करको भुक्तानी व्यवस्था मिलाउन समेत आयोगले भनेको छ ।

19/04/2024

१६० वर्षे विरासत बोकेको ‘इन्टिलिजेन्ट’ कार
काठमाडौं । चीनको ‘टप फोर’ कार निर्मातामा पर्ने चांगान सन् १८६२ मा स्थापना भएको थियो । चांगानभन्दा पहिले अन्य धेरै ब्रान्डले कार बनाइसकेका थिए । तर, चांगानले उनीहरूका हरेक सीमा पार गरेको छ ।
बेन्ज मोटरवागनको नाममा पेटेन्ट दर्ता गरेको १ सय वर्षपछि मात्र चांगान कार उत्पादनमा लागेको थियो । १८६२ मा लि होङझाउले सांघाईमा फरेन गन ब्युरो सुरु गरेका थिए । उनी चीनमा शासन गरेको अन्तिम साम्राज्यवादी वंशज क्विङ शासनकालका राजनीतिज्ञ तथा सैन्य प्रमुख थिए । त्यो बेला क्विङ वंशजले आन्तरिक अस्थिरता, युरोपेली आप्रवासी र जापानी आक्रमणकारीको सामना गरेको थियो जसका लागि उनीहरूलाई हातहतियार आपूर्ति स्थिर रूपमा आवश्यक थियो ।
सांघाई फोरेन गन ब्युरो, १८६२ विभिन्न परिस्थितिले यो व्यापार सुरुमा सुझाउ र त्यसपछि नान्जिङमा स्थानान्तरण भयो जहाँ कम्पनीको नाम जियालिङ मेसिनरी ब्युरोमा परिणत भयो । त्यहाँ हतियारको व्यापारमात्र होइन, उत्पादन पनि हुनु थाल्यो । १८८४ मा भएको फ्रान्ससँगको युद्ध र १८९४ मा जापानसँगको युद्धमा यो कम्पनीले क्विङ वंशलाई हतियार आपूर्ति गरेको थियो ।

18/04/2024

दुबईमा मुुसलधारे पानीले ढुुवान्स
मोरङ, ६ बैशाख
भारी वर्षा भएपछि संयुक्त अरब इमिरेट्स (यूएई)को दुबईलगायत क्षेत्रमा जनजीवन हलचल भएको छ ।
३ दिन जैले मुुसलधार पानि पर्दा ओमानका १९ जना, दुबईमा १ जना, पाकिस्तान र अफगानिस्तानमा पनि १ सय जना भन्दा बढिको मृत्यु भएको जनाइएको छ ।
मुसलधार पानि पर्दा यूएई, ओमानलगायत क्षेत्रका स्कूूल, कलेजहरू बन्द गरिएको छ । त्यसैगरी अधिकांश क्षेत्रका सडक यातायात बन्द भएका छन् ।

17/04/2024

‘सुहाङले चुनाव हारे इलामलाई घाटा हुन्छ’
मोरङ, ५ बैशाख
बैशाख १५ गते इलाम क्षेत्र नं. २ मा हुने उपनिर्वाचनको महोल तत्दै गएको छ । जसमा विभिन्न दलका उम्मेद्वारहरु घर दैलो कार्यक्रम गर्दै आ-आफ्नो एजेन्डाहरु सुनाएर भोट माग्दै हिडिरहेका छन् ।
सोही क्रममा इलामको मङ्गलबारे बजारमा आयोजित कार्यक्रममा नेकपा एमालेका अध्यक्ष केपी शर्मा ओलीले सुहाङ नेम्वाङले चुनाव हारे इलामलाई घाटा हुने बताएका छन् । यस ठाउँबाट एमालेले निर्वाचन हार्ये भने सुहाङलाई भन्दा पनि इलामलाई घाटा हुने अध्यक्ष ओलिले बताएका छन् ।
एमालेमा युवाको पंक्ति सामेल गर्नका लागि सुहाङ नेम्वाङलाई उम्मेद्वार बनाएको अध्यक्ष ओलीले भने ‘सुहाङ योग्य उम्मेद्वार हुन्, उनलाई सुवास नेम्वाङका छोराको रूपमा मात्र इलाम २ का मतदाताले हेर्ने छैनन् ।’ संविधानमा संघीयता एमालेकै जोडबलमा राखिएको र पहिचानवादीको लागि एमाले बलियो शक्ति भएको अध्यक्ष ओलिले जनाएका छन् । ‘किरात धर्मगुरु फाल्गुनन्दलाई राष्ट्रिय विभूतिको स्थान कसले दियो, एमालेले होइन, अनि अहिले एमालेलाई नै उडाउने ?’ ओलीले प्रश्न गरेका थिए । एमालेले सबै धर्म र संस्कृतिको सम्मान गर्ने भएकोले सुहाङलाई जिताउनुपर्ने उनको भनाई छ ।

17/04/2024

नेपाल विद्यार्थी संघले गृहमन्त्री लामिखानेको पुत्ला जलाए
मोरङ, ५ बैशाख
उपप्रधानमन्त्री तथा गृहमन्त्री रवि लामिछानेको पुत्ला नेपाली कांग्रेसको विद्यार्थी संगठन नेपाल विद्यार्थी संघले जलाएको छ । गृहमन्त्रीको पुत्ला काठमाडौंको रत्नराज्य लक्ष्मी क्याम्पस अगाडि नेविसंघका कार्यकर्ताहरुले जलाएका छन् ।
सहकारी ठगीमा लामिछाने संलग्न भएको र छानबिन गरिनुपर्ने भन्दै नेपाली कांग्रेसले संसदीय छानबिन समिति गठन गर्नुपर्ने भन्दै विरोध गर्दै आएको थियो । बुटवलको सुप्रिम सहकारी ठगी प्रकरणको अनुसन्धान गर्दा नेपाल प्रहरीले सो सहकारीबाट गोर्खा मिडिया प्रालिमा १४ करोड रुपैयाँ लगेको खुलेको थियो । जसमध्ये २ करोड रुपैयाँ रवि लामिछानेको नाममा झिकिएको देखिएको थियो ।

08/04/2024

तेलुगु सुपरस्टार अल्लु अर्जुनो जन्म उत्सवमा पुष्पा २ को टिजर सार्वजनिक भएको छ । उक्त टिजरर्ने भूकाल मचाएको छ । अल्लु अर्जुको लुक्स ने उनके अवर ध्यानाकर्षण र सबैले मनपराएका छन् ।

https://www.youtube.com/watch?v=wboGYls1Bns&t=4s

07/04/2024

प्रेम वर्देवा गएनन् मनोनय दर्ता गर्न
२० जनाले गराए मनोनयन दर्ता गराए
इलाम क्षेत्र नं. २ मा बैशाख १५ हुने उपनिर्वाचनमा २० जनाले मनोनयन दर्ता गरेका छन् । जसमा १२ जना विभिन्न पार्टीबाट रहेका छन् भने ८ जना स्वतन्त्रले उम्मेद्वारी दिएका छन् ।
उम्मेद्वारी दिन गएका सर्लाहीका उमेश दाहाल प्रस्तावक र समर्थक नपाएका कारण मनोनयन दर्ता भएन भने उर्लाबारीका प्रेम वर्देवाले उम्मेद्वारी दिने भनेर ढोल पिटे र विभिन्न व्यक्तिसँग केही रकम उठाए उम्मेद्वारी दर्ता गर्न भने गएनन् । अब उर्लाबारीका जनतालाई के भन्छन् प्रेम वर्देवा हेर्न र सुन्न बाँकी छ ।

03/04/2024

बुहारी करणी गरेको आरोपमा जेठाजु पक्राउ
उर्लाबारी/भाइकी श्रीमतीलाई करणी गरेको आरोपमा उर्लाबारी वडा नं. ४ बस्ने बर्ष ३० का पौडेल थरका एक व्यक्तिलाई पीडित महिलाको जाहेरीका आधारमा इलाका प्रहरी कार्यालय उर्लाबारीले पक्राउ गरेको छ ।
करणी गरेकोे जाहेरीमा जेठाजुले २५ वर्षीया महिलालाई मुख तथा घाटीमा समाती भाग्न, उम्कन र कराउनसमेत नसक्ने गरि बोकी आफू सुत्ने कोठामा लगी लडाई जबर्जस्ती गरेको उल्लेख गरिएको छ । घटनाबारे जानकारी भए लगत्तै आरोपी पौडेललाई उनकै घरबाट पक्राउ गरिएको इलाका प्रहरी कार्यालय उर्लाबारीका प्रमुख प्रहरी निरीक्षक देबेन्द्र दासले बताएका छन् । आरोपीलाई ५ दिनको म्याद थप गरी अनुसन्धान सुरु गरिएको दासले जानकारी दिएका छन् ।

24/03/2024

जर्वजस्ती गर्न खोज्ने लिम्बू पक्राउ
मोरङ/मोरङको केराबारी ६ मा एक महिलालाई जर्वजस्ती करणीको प्रयास गरेको आरोपमा प्रहरीले एक जनालाई पक्राउ गरेको छ ।
घरमा सुतिरहेको बेला घरको ढोका खोली कोठाभित्र प्रवेश गरी बोली नआउने एक महिलालाई जर्वजस्ती गरणीको प्रयास गरेको अभियोगमा केराबारी ६ का ४७ वर्षीय जितवहादुर लिम्बूलाई पक्राउ गरिएको प्रहरीले जनाएको छ । पक्राउ परेका अभियुक्तलाई इप्रका बेलबारीमा आवश्यक कार्वाही र अनुसन्धानका लागि राखिएको जनाएको छ ।
मध्यरात घरको कोठाभित्र पसी दुई नावालिका छोरीहरुलाई मोवायल खेलाउन दिएर भुल्याएको र आफ्नो कोठामा प्रवेश गरी जर्वजस्ती गर्न खोजेपछि पिडित महिला चिच्याउँदै बाहिर निश्केपछि छिमेकीले थाहा पाएका थिए । प्रहरी बरिष्ट नायकको कमाण्डमा खटिएको इप्रका
केराबारीको टोलीले पिडक लिम्बूलाई पक्राउ गरी बेलबारी पठाएको
छ ।
मध्यरात घरबाट चिच्याउँदै बाहिर निश्किएपछि के भयो भनि सोध्दा घट्नाबारे जानकारी दिएपछि जेठानी दिदीको सहयोगमा पक्राउ
गरी प्रहरीलाई खबर गरेका थिए । पिडकले यस अघि पनि आफ्नो श्रीमतिलाई पटक पटक कुटपिट गरी यातना दिने गरेको स्थानीयले बताएका छन् ।

18/03/2024

शिक्षा शाखा प्रमुखको यौन प्रस्ताव !
मोरङ/ कानेपोखरी गाउँपालिकाका शिक्षा शाखाका प्रमुखले गोप्य रुपमा शिक्षिकासँग राखेको यौन प्रस्ताव बाहिरिएको छ ।
शिक्षा शाखा प्रमुख वेगबहादुर काफ्लेले सरुवा मिलाउने तर सरुवा गरेबापत आफूसँग यौन सम्बन्ध राख्नुपर्ने दुई जनाको गोप्य कुराकानी बाहिरिएको हो । प्रावि तहका ती शिक्षिकालाई अघिकृत काफ्लेले घर पाएक सरुवा गरिदिने यस बापत यौन सम्पर्क गर्नुपर्ने प्रस्ताव राखेका थिए । शिक्षिका मोरङ बाहिरबाट घर पायक आउन चाहेको कुराकानीबाट बुझिन्छ ।
काफ्लेले सरुवा हुनुअघि नै काम हुनुपर्ने सिधा कुरा राखेको स्कृतसटमा देखिन्छ । बिबाहित शिक्षिकाले भने आफूबाट यौन कार्य नहुने बरु सरुवा गरे बापत कति रकम लाग्छ हस्बेनसँग कुरा गरेर रकम दिने कुरा गरेको फेसबुक म्यासेन्जरमा देखिन्छ । शिक्षिकाले यसो भन्दा सेक्स फाल्टै हो, सरुवाको रकम फाल्टै हो, सेक्स र सरुवाको छुट्टा छुट्टै कुरा भनेको कुराकानीमा उल्लेख छ ।
शिक्षिकाले म त्यस्तो मान्छे होइन भन्दा शिक्षा शाखाका अधिकृत वेगबहादुर काफ्लेले भने ती महिलालाई रोमन (अग्रेजी लेटर)मा सेक्स नहुने नै हो ? भनेर प्रस्न राखेको स्कृतसट बाहिरिएको हो । बिबाहित शिक्षिकाले अस्वीकार गरेपनि पटक पटक यौन प्रस्ताव गरेको १८ वटा स्कृन सटहरु बाहिरिएको हो ।
यौन प्रस्ताव शिक्षिकाले अस्वीकृत गरेपछि अधिकृत काफ्लेले महिलाको फेसबुक खाता ब्लक गरेको बुझिएको छ ।
तीन बर्ष अघिको बिषय प्रतिशोधको आधारमा बाहिर ल्याएको शिक्षा शाखा प्रमुख काफ्लेले बताएका छन् । मोबाइल कुराकानीमा काफ्लेले ती शिक्षिकासँग चिनजान नै नभएको दाबी गरेका छन् । शिक्षिकासँग यौन प्रस्तावको बिषय बाहिर आउन थालेपछि शिक्षा शाखा प्रमुख काफ्ले तनावमा परेको र शुक्रबारदेखि कार्यालय नआएको एक जनप्रतिनिधिले जनाएको छ ।
कानेपोखरी गाउँ पालिकामा एकलौटी बहुमत रहेको एमालेमा दुई खेमा भएकोले कुनै पक्षले बाहिर ल्याएको हुन सक्ने एक स्थानीयबासीले जनाएको छ । शिक्षा बिभाग प्रमुख काफ्लेलाई एक पक्षले समार्थन र अर्को पक्ष काफ्लेको काम तथा व्यवहारदेखि आजित भएको बुझिएको छ ।

11/03/2024

11/03/2024

दादुरा रुबेला खोप अभियान २९ गतेदेखि सुुरु
उर्लाबारी/ मोरङको उर्लाबारी नगरपालिमा फागुन २९ गतेदेखि दादुरा रुबेला खोप अभियान सुुरु हुने भएको छ ।
उर्लाबारी नगरपालिकाको स्वास्थ्य शाखाले अभिमुखीकरण कार्यक्रको आयोजना गरी अभियानबारे जानकारी दिइएको छ । आइतबार दादुरा रुबेला खोप अभियानको पूर्व तयारीका लागि पालिका स्तरीय अभिमुखीकरण कार्यक्रम गरिएको जनाइएको छ । नगर उपप्रमुख मीना खतिवडा पौडेलको अध्यक्षतामा भएको अभिमुखीकरणमा राजनीतिक दलका प्रमुख तथा प्रतिनिधि, जनप्रतिनिधिहरु, संघसंस्थाका प्रतिनिधि, पत्रकारलगायतको उपस्थिति रहेको थियो ।
उर्लाबारीका सबै वडामा तोकिएको केन्द्रमा खटिएका स्वास्थ्यकर्मीले ९ महिनादेखि १५ वर्षसम्मका बालबालिकालाई यो खोप लगाउने स्वास्थ्य शाखाका जनस्वास्थ्य निरीक्षक रेणुकाप्रसाद काफ्लेले जानकारी दिएका छन् । उनले सर्वसाधारणलाई सो रोग सबन्धी जनचेतना जगाउने उद्देश्यले अभिमुखीकरण कार्यक्रम आयोजना गरिएको बताएका छन् । कार्यक्रममा कोशी प्रदेश स्वास्थ्य निर्देशनालयका खोप अधिकृत श्याम भण्डारीले खोप नलाउँदाको हानी-नोक्सानी, खोपबाट बञ्चित हुँदाको असर, खोपपछिको फाइदा लगायतका बारेमा सहभागीहरुलाई सहजीकरण गरेका थिए ।

24/02/2024

"दरबार हत्याकाण्डको फेरी छानबिन हुन्छ" - प्रधानमन्त्री दाहाल

15/02/2024

माओवादी भन्दै पैसा उठाउने पक्राउ
मोरङ, ३ फागुन
धम्की दिएर चन्दा असुली गरेको आरोपमा प्रहरीले दुई जनालाई पक्राउ गरेको छ ।
मोरङ, सुनसरी र झापाका शैक्षिक संस्थाहरुमा भूमिगत संगठनको नाममा चन्दा आतंक मच्चाउने दुई जनालाई पक्राउ गरिएको जिल्ला प्रहरी कार्यालय मोरङले जनाएको छ ।
मंगलबार इलाम माम्सेबुङ १ गजुरमुखी घरभई काठमाडौँ भिमसेनगोला बस्दै आएका ३८ वर्षीय प्रवीण मिश्र र पाँचथर याङवरक गाउँपालिका- १ का ३० वर्षीय विपिन अधिकारीलाई पक्राउ परेको प्रहरी उपरीक्षक (एसपी) दीपक पोखरेलले जानकारी दिए ।
उनका अनुसार यो समूहले पछिल्लो केही समय यता नेपाल कम्युनिष्ट पार्टी (माओवादी) को नाममा शैक्षिक संस्थाहरुमा चन्दा आतंक मच्याइरहेको थियो । बुधबार विराटनगर महानगरपालिका- ३ मा नेपाली सेनाले डिस्पोज गरेको शंकास्पद वस्तु पनि दुई व्यक्तिले राखेको खुलेको उनले बताए ।

04/02/2024

दक्षिण भारतीय अभिनेता थलापति विजयले राजनीतिक दलको घोषणा गरेका छन् । उनको दलको नाम ‘तमिझागा वेत्री कझगम’ (विजयी तमिल संघ) राखिएको
छ ।
यद्यपि, उनको पार्टीले सन् २०२४ को लोकसभा चुनाव भने लड्ने छैन । विज्ञप्ति जारी गर्दै सन् २०२४ को चुनावमा पार्टीले भाग नलिने उल्लेख गरेका छन् ।
उनले भने‘धर्म, जात र जताततै भ्रष्टाचार मात्रै देखिने वर्तमान राजनीतिक वातावरणलाई मध्यनजर गर्दै भ्रष्टाचारमुक्त, प्रगतिशील र धर्मनिरपेक्ष सरकारको लक्ष्य राखेको छु,।’

04/02/2024

सरकारको ध्यानाकर्षण गराऔं

नेपाल-भारतको संयुक्त आयोगको बैठकका विषयमा कुरा उठाउन जरुरी थियोे तर कुरा उठेन । यसबाट थाहा हुन्छ कि सरकार कति सम्वेदनशील छ भनेर । सरकारले प्रमुख प्रतिपक्षी दललाई कुनै जानकारी नगराई बैदेशिक महत्वका बिषयमा रणनीतिक योजना बनाउन सम्भव हँदैन । यस्ता बिषयमा प्रमुख प्रतिपक्षी दललाई जानकारी सरकारले गराउनु पर्दथ्यो ।
भारतमा भएका बैठकमा के के कुराको छलफल भयो र के सहमति भयो भन्ने विषयमा प्रमुख प्रतिपक्षीसँग कुनै छलफल नहुनु दुखद पक्ष हो । प्रतिपक्षसँग कुनै परामर्श र छलफल नगरिएको बिषयमा गम्भीर चिन्ता प्रकट हुनु स्वभाविक हो । राष्ट्रियताका प्रश्नमा सत्ताले प्रतिपक्षलाई विश्वासमा लिएर काम गर्नुपर्ने मान्यतालाई गठबन्धनले बिर्सन हुँदैन । सत्ता पक्षले संसदीय मूल्य र मान्यता विपरीतको कुनै काम गर्नु हुँदैन । अझ सम्झौतामा नेपालको सार्वभौमिकता र बजेट प्रणालीलाई नै प्रभाव पार्ने गरी भारतीय दूतावासले २० करोड सम्मका योजना सोझै सञ्चालन गर्ने सम्झौता भएको कुराले भारतले नेपालमा पनि प्रत्यक्ष शासन चलाउन सुरु गरेको त होइन भन्ने त्रास बढेको छ । नेपालको बजेट प्रणालीलाई कमजोर पार्ने हिसाबले कुनै काम गरिनु हुन्न भन्ने कुरामा आम नेपाली चनाखो हुन जरुरी छ ।
सत्ताको आडमा भएका यस प्रकारका गतिविधिले आम नेपालीलाई घोर निन्दा र भर्त्सना गर्नुपर्ने अवस्थामा पुर्याएको छ । यस्ता समसामयिक राजनीतिक विषयमा विमर्श गर्न सबैको ध्यान जानुपर्छ । त्यसैगरी वर्तमान सत्ता गठबन्धन सरकार सामाजिक सद्भाव भड्काउन प्रयत्नशील रहेको छ ।
सामाजिक सद्भाव नखलबलियोस् र राष्ट्रिय एकता कमजोर नहोस् भनेर सधैँ सामाजिक सद्भावको पक्षमा काम गर्दै आएका पार्टीहरुको ध्यान यता पनि जान जरुरी छ । गठबन्धनको नेतृत्व गर्नेहरू जातीय सद्भावलाई भड्काउनको लागि विभिन्न बहानामा आगो सल्काउने काम गरिरहेका छन्। जसको निन्दा र भर्त्सना गर्न जरुरी छ। गठबन्धन सरकारले मुलुकमा विग्रह ल्याउने होइन शान्ति कायम गर्न सक्नुपर्छ ।
अहिले राष्ट्रिय स्वाभिमान र स्वतन्त्रताको कुरा पनि कमजोर बनेको छ । हिजो सरकारमा हुँदा विदेशीले अतिक्रमण गरेको भूमि फिर्ता लिनुपर्छ भनेर सम्पूणर् देश भरिका शक्तिलाई एक ठाउँमा उभ्याउने काम एमालेले गरेको भए पनि त्यसको रक्षाकवचको रुपमा सरकार किन प्रस्तुत हुँदैन ? यदि मुलकका यत्रा बिषयहरुमा सरकार किन मौन अहिले गठबन्धनका प्रधानमन्त्रीले भारत भ्रमणमा जाँदा त्यसको बारेमा बोल्न समेत नसकेको भन्दै आलोचना किन खेप्न
परिरहेको छ । हाम्रो मिचिएको भूमि फिर्ता लिनुपर्छ भनेर कूटनीतिक पहल र प्रयत्न पनि गर्दैनन्, त्यस्तो एउटा निर्लज्ज र कायर खालको भूमिका खेलिरहने हो भने मुलुकले निकास कहिले पाउँछ ? त्यसैले राष्ट्र हित र राष्ट्रिय स्वाधीनता विपरीतको कार्य नगर्न सरकारलाई खबरदारी गर्नैपर्ने अवस्था आएको यस अवस्थामा सरकारको डरलाग्दो षडयन्त्रपूणर् योजनामा नफस्न सबै सचेत हुन जरुरी छ ।
त्यसैले त्यो सहमति, त्यो सम्झौताको विरोध गरिनुपर्दछ, त्यस प्रति सबैले असहमति प्रकट गर्दै सरकारको ध्यानाकर्षण गर्न आवश्यक छ । राष्ट्रिय स्वाधीनता र स्वाभिमानलाई कमजोर हुन नदिने दृढतापूर्वक उभिने प्रतिबद्धता राजनीतिक दलहरूले देखाउने बेला आएको छ ।

04/02/2024

‘स्पाइडरम्यान ४’ आउने
स्पाइडरम्यानको पछिल्लो भाग ‘नो वे होम’ अन्तिम जस्तो सबैलाई लागेको थियो । स्पाइडरम्यानको अर्को भागमा अभिनेता टम हल्याण्डलाई हटाइए र स्पाइडरम्यानको नयाँ भाग आउने निर्माताहरुले जनाएका छन् ।
सन् २०२३ को मे महिनामा स्पाइडरम्यानको नयाँ भाग अपरिहार्य भएको निर्माता एमी पास्कलले बताएका थिए । अभिनेता हल्याण्डले नयाँ भाग अझै प्रारम्भिक चरणमा रहेको बताएका थिए । यता मार्वल सिनेम्याटिक युनिभर्सका प्रमुख केभिन फेगले ‘स्पाइडरम्यान ४’ बारे नयाँ खबर बाहिर ल्याएका हुन् । मार्वल फिल्मसँगको एक अन्तर्वार्तामा उनले आफूहरुसँग चौथो भागको कथावस्तु रहेको जानकारी दिएका थिए । उनले भने, ‘हाम्रा लेखकले केही समयदेखि आफ्ना विचारलाई कागजमा उतार्न थालेका छन् ।’
स्पाइडरम्यानको नयाँ भाग कहिले बन्छ भन्ने चै टुंगो भएको छैन । हलिउडमा चलेको लामो हड्तालका कारण फिल्मको निर्माण प्रभावित भएका थिए । मार्वल स्टुडियोका केही फिल्मको निर्माण नै रोकिएको थियो ।
सोनी र मार्वल स्टुडियोबीच हालै भएको कुराकानीअनुसार सन् २०२४ भित्रै फिल्मको निर्माण सकिने जनाइएको छ । अहिलेसम्म आएका सबै ‘स्पाइडरम्यान’ फ्रेन्चाइजीमा स्पाइडरम्यानको भूमिका चित्रण गरेका कलाकारलाई निकै मन पराइएको छ । रिपोर्टलाई विश्वास गर्ने हो भने टम हल्याण्डलाई ‘स्पाइडरम्यान ४’ मा देख्न सकिन्छ । जेन्डाया र ज्याकोब बाटालोन पनि यसमा देखिनेछन् । स्पाइडरम्यानको तीनवटा भागमा टम हल्याण्डले दमदार अभिनय गरेका छन् । उनी ‘स्पाइडरम्यान ः होम कमिङ’, ‘स्पाइडरम्यान ः नो वे होम’ र ‘स्पाइडरम्यान ः फार फ्रम होम’मा देखा परेका छन् र दर्शकले निकै रुचाएका छन् ।

27/01/2024

बाटोमा पेन खोलेर रेप गर्न खोज्नेलाई रामधुलाई

05/01/2024

नरिवल पानी पिउँदा सुन्दर बच्चा जन्मिन्छ ?
हरेक आमाबुवा चाहन्छन्, आफ्नो बच्चा सग्लो जन्मियोस्, स्वस्थ होस् । तन्दुरुस्त होस् । सही तौलको होस् । र, सुन्दर पनि ।
गर्भको शिशु कसरी सुन्दर हुन्छ त ?
मान्छेहरु भन्छन्, ‘गर्भावस्थामा नरिवल पानी खाँदा बच्चा सुन्दर जन्मिन्छन् ।’ गर्भावस्थामा आमाले जस्तो खानपान गर्छन्, त्यसको सोझो प्रभाव गर्भको शिशुमा पर्छन् भनेका छन् चिकित्सकहरुले । त्यसैले उनीहरुले यस अवस्थामा के खाने र के नखाने भनी निर्देशिका नै तयार गरेका छन् । यस हिसाबले गर्भावस्थामा नरिवल वा नरिवल पानी एकदमै लाभदायक हुने पोषणविद्हरु बताउँछन् । ‘त्यस क्षणमा नरिवल पानी पिउँदा शरीरको तापमान सन्तुलित हुन्छ,’ पोषणविद् प्रतीक निरौला
भन्छन् । यद्यपि नरिवल पानीकै कारण बच्चा गोरो वा सुन्दर जन्मिन्छन् भन्ने कुरा भ्रम रहेको उनी बताउँछन् ।
बच्चाको विकासका लागि फाइदाजनक नरिवल पानी
गर्भावस्थामा नरिवल पानीको सेवनले बच्चाको विकास राम्ररी हुन पाउँछ । नरिवलको पानीमा ओमेगा-३ फ्याटी एसिड र क्याल्सियम प्रचुर मात्रामा पाइन्छ, जुन बच्चाको विकासका लागि महत्वपूणर् मानिने निरौला बताउँछन् । नरिवल पानीमा क्याल्सियम, पोटासियम, म्याग्नेसियम र भिटामिन सी प्रचुर मात्रामा पाइन्छ । ‘गर्भावस्थामा
नरिवलको पानी पिउनाले गर्भवती महिलाको रोग
प्रतिरोधात्मक क्षमता बढाउनुका साथै मिर्गौलाको काममा सुधार ल्याउँछ,’ निरौला भन्छन्, ‘यसको सेवनले पिसाब नलीको संक्रमणबाट बचाउने र उच्च रक्तचाप कम गर्न पनि सहयोग गर्छ ।’ गर्भावस्थामा कब्जियत एक सामान्य समस्या हो तर नरिवल पानीको सेवनले यसबाट बच्न सकिने उनको सुझाव छ । नरिवलको पानीमा क्यालोरी, ओमेगा-३ फ्याटी एसिड र फाइबर प्रशस्त मात्रामा पाइन्छ, जसले गर्भावस्थामा महिलाको तौल नियन्त्रणमा राख्न मद्दत गर्छ ।
आमाको खानपानको प्रभाव बच्चामा
गर्भावस्थाको समयमा खानपानमा विशेष ध्यान
दिनुपर्छ । गर्भवतीले खाएका खानेकुराबाट नै बच्चाले सम्पूणर् पोषण प्राप्त गर्छ । बच्चाको शारीरिक र मानसिक वृद्धि विकासमा खानपानको महत्त्वपूणर् भूमिका हुने
निरौला बताउँछन् । गर्भावस्थामा आफू र गर्भको बच्चा दुवै जनाका लागि खाना पुर्‍याउनुपर्ने हुनाले अरू बेलाको भन्दा बढी खानु जरुरी हुन्छ । अरू बेला चार पटक खाना खाइन्छ भने गर्भावस्थामा पाँच पटक खानुपर्ने
निरौला सुझाउँछन् ।
‘गर्भवती महिलाले स्थानीय स्तरमा उपलब्ध हुने सात समूहका विभिन्न खाद्यवस्तुहरू जस्तै अन्न वा जमिनमुनि फल्ने कन्दमूल, गेडागुडी तेलहन, दूध तथा दुग्ध पदार्थ, मासु-माछा अण्डा, भिटामिन पाइने फलफूल र
तरकारीमध्येबाट कम्तीमा चार समूहका खानेकुरा
खानुपर्छ । यस्ता पोषणयुक्त खानपानले गर्भवती महिला र गर्भको बच्चालाई स्वस्थ राख्न मद्दत गर्छ,’ निरौला भन्छन् । बच्चा तन्दुरुस्त-कमजोर, ठूलो-सानो जन्मिनुमा खानपानको महत्त्वपूणर् भूमिका हुन्छ । आमाले खाएको खानेकुराबाट गर्भको बच्चा बाँच्ने हुनाले उनको खाना बढी पोषिलो हुनुपर्छ । ‘आमाले खाएको खानाबाट बच्चाले उचित मात्रामा प्रोटिन, भिटामिन, खनिज पदार्थ क्याल्सियम, फस्फोरस, फलाम र शक्ति पाउँछ,’ निरौला भन्छन्, ‘जस्तै, खानामा क्याल्सियमको कमी भएमा बच्चाको शरीरको संरचना राम्रो हुँदैन, हाड र
दाँत राम्रो बन्दैन, दाँतमा कीरा लाग्छ ।
त्यसैले गर्भावस्थामा क्याल्सियमयुक्त खानेकुरा बढी खानुपर्छ ।’

05/01/2024

‘सिमसारको संरक्षणमा नगरपालिका जुट्ने’
उर्लाबारी/मोरङको उर्लाबारी नगरपालिका वडा नं.२ मा रहेको बेतिनी सामुदायिक वनको २१ औं वार्षिक साधारणसभा सम्पन्न भएको छ ।
कार्यक्रममा उर्लाबारी नगरपालिकाका नगरप्रमुख गंगाप्रसाद खरेलको प्रमुख आतिथ्यता रहेको थियो भने विभिन्न संघसंस्था, सामाजिक ब्यक्तित्वहरु र सामुदायिक वन समूहका प्रतिनिधिहरु लगायतको उपस्थित रहेको थियो ।
वन संरक्षण तथा विकास, वन पैदावर संकलन तथा सदुपयोगका कार्यक्रमहरु, कृषि महिला तथा विपन्नमुखी आयमुलक, संस्थागत विकास, सामुदायिक विकास, सिमसार संरक्षण तथा पर्यापर्यटन विकासको कार्यक्रम जस्ता कार्यक्रमहरु आर्थिक बर्ष २०८०/०८१ को प्रस्तावित वार्षिक कार्ययोजनाहरुलाई समूहका अध्यक्ष भीमबहादुर राईले प्रस्तुत गरेका थिए ।
त्यस्तै आर्थिक बर्ष २०७९/०८० को आय व्यय प्रतिबेदन र आर्थिक वर्ष २०८०/०८१ को लागि अनुमानित आय व्यय तथा कार्य नीतिका कार्यक्रमहरु समूहका कोषाध्यक्ष अर्जुन बास्तोलाले प्रस्तुत गरेका थिए । त्यस्तै वार्षिक प्रगति प्रतिबेदन समुहकी सचिव अरुणा थापाले प्रस्तुत गरेकी थिइन् । त्यस्तै उक्त कार्यक्रममा उत्कृष्ट कर्मचारी गणेश धिमाल र दिलबहादुर, जेष्ठ नागरिक लक्ष्मीमाया कार्की र हरिबहादुर थापा, उत्कृष्ट प्रचारप्रसारमा पत्रकार जगन्नाथ भट्टराई, उपभोक्ता समुहका उत्कृष्ट टोली प्रमुखहरु इन्द्रप्रसाद फूूयाँल र बिमला धिमाललाई नगद, प्रमाणपत्र र दोसल्ला ओढाएर सम्मान गरिएको थिाय ।
सो अवसरमा नगर प्रमुुख गंगाप्रसाद खरेलले अब साढे ३ बर्षसम्म बेतिनी सिमसारको संरक्षणमा नगरपालिका जुट्ने बताएका छन् । त्यसैगरी सामुदायिक वनका प्रदेश सदस्य अग्नी पौडेलले पालिकासँग मिलेर काम गर्न आग्रह गर्दै सरकारले बनाएको नियमावली र त्यसको कार्यान्वयनका बारेेेेमा बोलेका थिए । सो कार्यक्रममा सब डिभिजन कार्यालय मंगलबारेका प्रमुख नविन राज दाहालले सामुदायिक वनले निभाउनुपर्ने भूमिकाका बारेमा चर्चा गरेका थिए ।

04/01/2024

संविधानसभाद्वारा सुविधाजनक बहुमत, संविधान जारी गर्ने अन्तर्राष्ट्रिय मान्यता र परम्परा, संविधानसभाका जिम्मेवार सदस्यहरूको कर्तव्य
एवं दायित्वबमोजिम संविधान जारी गरी मुलुकभर लागू गरिएको
हो । कानुनको मान्यताअनुसार कोही कसैले संविधान, कानुनबारे जानकारी छैन, ज्ञान भएन भनेर छुटकारा पाउँदैन । प्रत्येक नागरिकले जान्न अनिवार्य छ ।

04/01/2024

एनिमल २ मा बबीको क्यारेक्टर पुुनजिवित हुने !
२०२३ मा निर्माण भएको एनिमल फिलिममा बबी देओलको क्यारेक्टरले मुख्य अभिनय रहेका रणवीर कपुरको क्यारेक्टरलाई सर्लक निलेको थियो । उक्त फिलिममा बबीको रोल बढीमा
१५-१६ मिनेटको मात्र थियो ।
सोही क्रेजका कारण एनिमल २ मा बबीको क्यारेक्टरलाई पुुजजिवित गर्ने योजना रहेको जनाइएको छ ।
‘एनिमल पार्क’मा निर्माण पक्षले एक्सनका साथै इमोसन ड्रामा देखाउने बताइएको छ । उक्त फिलिममा बबीको पात्रको मृत्यु भएको देखाइएको छ । तर बबीको क्यारेकटरलाई दर्शकले मनपराएपछि निर्माता टिमले दर्शकको क्रेज अनुसार पुनजिवित बनाइने जनाएको छ । तपाईहरुलाई कस्तो लाग्छ एनिमल २ मा बबिको क्यारेटर पुनजिवित बनाउँदा ठिक की बेठिक लाग्छ ? कमेन्ट गर्नु होला ।

19/12/2023

भविष्यको समृद्धिको आधार बनाऊ
उर्लाबारी, ३ पुस
पूर्व पश्चिम मध्यपहाडी लोकमार्ग( पुष्पलाल मार्ग ) मा नेकपा एमालेले समृद्ध संकल्प यात्रा सम्पन्न गरेको छ।एमालेले त्यस क्षेत्रका विशेषताहरू,समस्या ,सम्भावनाको अध्ययन गर्दै ग्रामीण जनमतसँग अघि सारेका काममध्ये अधुरा र अपुरा रहेका कार्यभारहरू पूरा
गरिछाड्ने संकल्प गर्दै यात्रा सम्पन्न भएको छ। त्यस क्षेत्रमा उपलब्ध मानवमैत्री स्रोतसाधन र पूर्वाधार विकासको स्थलगत अवलोकन र पहाडबाट हुने बसाइसराइलाई कसरी न्यूनीकरण गर्न सकिन्छ भन्ने अध्ययन गर्नु र कार्यान्वयनको लागि यसको दस्तावेजीकरण गर्नु यात्राको मुख्य उद्देश्य राखेर यात्रा गर्नु सबल पक्ष हो। उक्त कदमले मध्यपहाडी क्षेत्र प्रकृतिप्रेमी मानव जीवन र बस्ती विकासका लागि भविष्यको समृद्धिको आधार बनाउन के गर्न सकिन्छ भनेर अध्ययन गर्नु र सरकारी तवरबाट यसलाई कार्यान्वयनमा ल्याउनु नै सचेत नागरिक वा सामाजिक तथा राजनैतिक संस्थाको काम हो ।
यो १९ दिने लामो संकल्प यात्राको विषयलाई लिएर विभिन्न कोणबाट चर्चा हुने गरेको पाइन्छ । नेपाली समाजमा बढ्दो
निराशाको खेती, आशाभन्दा पनि उदासिनताको बढ्दो अभ्यास र बढ्ता जाग्दो नकारात्मक प्रभावसामु बजारमा उठ्ने र हुने गरेका चर्चा परिचर्चालाई व्यक्तिको बुझाइ र विषयगत योग्यताका साथ बुझ्न सकिन्छ ।तर पनि नेपालका नेताहरुले जोखिम मोलेर भएपनि यस्तो यात्रा गर्नु चानचुने कुरा होइन ।यो यात्रा आफैंमा सन्देश मूलक नै थियोे । जे भने पनि देशी-विदेशी शक्तिको सक्रियतामा उब्जेको चौतर्फी चेराबन्दीको शिकार भएको एमालेले व्यापक जनसमर्थनकै कारण आफ्नो यात्रा पूरा गरेको छ । नेतृत्वको बुद्धिमतापूणर् कदमबाट यो सहजै सम्भव भएको छ । सडक निर्माणकार्यको आरम्भ गर्ने पार्टीले यसका अधुरा अपुरा कार्यभारहरू पूरा गर्ने संकल्प गर्नु पनि आवश्यक नै थियो। तब न स्थानीयले साथ दिएका हुन् ।
यस्तो मध्यजाडोको समय सार्वजनिक भेटघाट र जनसंवाद ,सम्बोधनक्रममा कुनै प्रवाहविना एमालेका नेता लगातार यात्रामा संलग्न हुनु अरुलाई पाठ पनि होइन र ? यहाँ जनतालाई आश्वस्त पार्ने गुलिया र मिठा प्रतिवद्धताबाहेक कार्यक्रमिक र कार्यनीतिक रूपमा आघि सारिएका विषयवस्तुलाई वस्तुपरक कार्यान्वयनको तहमा दलहरू अहिलेसम्म नओर्लिएको स्थितिमा एमालेले जनतासँग जोडिने नयाँ बाटो रोजेको छ । सो क्रममा सर्वदलीय छलफल ,भेटघाट , अन्तरक्रिया ,भलाकुसारी, सम्बादले पनि धेरै काम गरेको छ ।
झुलाघाट-चिवाभञ्ज्याङ मध्यपहाडी पुष्पलाल लोकमार्ग समृद्धिका लागि संकल्प यात्रामार्फत नागरिकमा छाएको निराशालाई आशामा परिणत गर्न र सुतेका शक्तिलाई जनानेक्षित गतिमा विकास-निर्माणतर्फ जगाउन एमाले सफल भएको मान्नैपर्छ । यसले नेपाली समाजमा आशाको दीप जलाएको छ, समाज रुपान्तरणको मुद्दासँग स्थानीय पार्टी कमिटी र निर्वाचित जनप्रतिनिधिलाई एमालेले उभ्याएको छ, यसलाई सजह सुल्झाउन सम्बन्धित सबैलाई थप जिम्मेवारीबोध
गराएको छ । जनप्रतिनिधि पार्टी कमिटी र जिम्मेवार कार्यकर्ता पंक्तिलाई जनसरोकारका मुद्दामा नजिकैबाट जोड्न सफल भएको
छ । यात्राको क्रममा स्थानीय उत्पादन, उत्पादनको आधार,
नागरिकको बसोबासको प्रकृति, विविधतामा रमेको एकतापूणर् जनजीवन, ऐतिहासिक विशेषताहरू सामाजिक-सांस्कृतिक पक्षहरुको सुक्ष्म अध्ययनले एमालेलाई बलियो बनाइ दिएको छ ।
समाजलाई बस्तुगत आधारमा अध्ययन गरेर वैज्ञानिक व्यवस्थापन गर्नुपर्छ र समुदायलाई समेत तिनले झेलेका मुद्दामामिलामा आधारित रहंदै तदानुकूल गतिका साथ अघि वढ्नुपर्छ भन्ने सन्देश पनि यसले दिएको छ । नेपाली विशेषताका आधारमा निर्धक्क उभिन नसकेको नेपालको राजनीतिप्रति चासो राख्ने हरेक नागरिकले यो यात्रालाई स्वागत र सम्मान मात्र गरेका गरेनन्, यहाँ एकदमै सफल र सार्थक यात्राका रूपमा चित्रण समेत गरेका छन् । स्थानीय लयमा
नागरिकको प्रस्तुतिर गर्विलो उपस्थितिले नेपाली समाज सामाजिक-सांस्कृतिक महत्वका हिसावले संसारको धनी सम्पदा हो भन्नु अब हिच्किचाउनु नपर्ने सन्देश नागरिकले दिएका छन् । यो यात्राले स्थानीय मौलिक संस्कृतिलाई राष्ट्रियकरण गर्ने काम पनि गरेको बुझ्न कठिन भएन। यो यात्राले समिश्रित सम्पदा साँचो अर्थमा नेपालको विकसित परिचयका रूपमा बहुजातीय, बहुभाषिक, बहुसांस्कृतिक छ भन्ने तथ्य जगजाहेर छ भन्ने देखाएको छ। यसरी विज्ञ सहितको टोलीले मुलुक विकासका लागि अध्ययन अवलोकन गर्नु अत्यन्तै राम्रो पक्ष छ।तर चुनाव जितेर जाने,सत्तामा पुग्ने र जनताका समस्या तथन गर्नैपर्ने काम नगरेर स्वार्थमा केन्द्रीत हुनेहरुका लागि भने केही भन्नू छैन ।जे होस जनताको आँखाको नानी बन कसिंगर होइन ।

19/12/2023

उर्लाबारी क्याम्पसको प्रयास
युवा जनशक्ति विदेश पलायन रोक्नुपर्ने
उर्लाबारी, ३ पुस
२०४३ सालमा स्थापित मोरङको उर्लाबारी ४ मा रहेको यस क्षेत्र कै पुरानो उच्च शैक्षिक संस्था उर्लाबारी बहुमुखी क्याम्पस गुणस्तरीय शिक्षामा अब्बल बन्दै गइरहेको क्याम्पस प्रमुख खेमराज कार्कीले बताएका छन् । यस क्याम्पसले सर्वसुलभ र गुणस्तरीय शिक्षा प्रदान गर्दै सक्षम र कर्मठ जनशक्ति उत्पादन गरेर समुदायलाई अग्रगति दिने लक्ष्य बोकेको क्याम्पस प्रमुख कार्कीको भनाई छन् । सामुदायिक क्याम्पसहरू सम्पूणर् रूपमा समुदायको प्रयत्नबाट स्थापित र सञ्चालित भएकाले यस किसिमका क्याम्पसहरूको व्यवस्थापन, रेखदेख, स्त्तरोन्नति र नियमनसम्मका सम्पूणर् पक्षहरूमा विशेषतः समुदायकै पहल कदमी तथा नेतृत्व अग्र स्थानमा रहने गरेको उनले बताएका छन् । यस्ता क्याम्पसहरूको कार्यसम्पादनमा क्याम्पसलाई सम्बन्धन प्रदान गर्ने विश्वविद्यालय, विश्वविद्यालयहरूलाई राष्ट्रिय रूपमा नेतृत्व गर्ने विश्वविद्यालय अनुदान आयोग तथा नेपालका तीन ओटै सरकारहरूको चासो तथा सरोकार पनि अत्यन्तै महत्वपूणर् हुने उनले बताएका छन् ।
उर्लाबारी क्याम्पसको इतिहास लामो रहेकोले क्याम्पस बलियो अवस्थामा पुगेको उनको दाबी छ । यहाँ कक्षा ११ देखि स्नातकोत्तर तहसम्म अध्ययन गर्ने सुनौलो अवसर रहेको र यो क्याम्पस सामुदायिक क्याम्पस भएको तथा विशुद्ध रूपमा नाफा रहित तथा सेवामूलक शैक्षिक संस्था भएको हुनाले यहाँबाट प्राप्त हुने शिक्षा सर्वसुलभ रहेको उनले जानकारी दिएका छन् । गरीब, जेहेन्दार तथा उत्कृष्ट विद्यार्थीहरूका लागि छात्रवृत्ति लगायतका व्यवस्थाहरू रहनुका साथै शैक्षिक रूपमा पछाडि परेका जनजाति विद्यार्थीहरूका सन्दर्भमा सतप्रतिशतसम्म शुल्क मिनाहाको प्रावधान समेत रहेको उनले बताएका छन् । आर्थिक अभावकै कारण बिचैमा पढाइ छाड्नु पर्ने बाध्यताबाट विद्यार्थीहरू मुक्त प्रायः रहेको उनको भनाइ छ । त्यस्तै क्याम्पसमा कार्यरत शिक्षकहरू अत्यन्तै प्रतिस्पर्धी, मेहनती र जुझारु रहेको उनले बताएका छन् ।
उनले क्याम्पसको पुस्तकालयमा १८ हजार थान पाठ्यपुस्तक र सन्दर्भ पुस्तकहरू रहेका साथै अनलाइन पुस्तकालयको पहुँच पनि रहेको बताएका छन् । भौतिक पूर्वाधार र त्यसको समग्र व्यवस्थापनमा उर्लाबारी क्याम्पस सक्षम र आत्मनिर्भर हुँदै गइरहेको बताएका छन् । हाल हामीसँग दुईओटा बिशाल शैक्षिक भवनहरू सञ्चालनमा छन् भन्दै उनले एउटा प्रशासनिक भवन सञ्चालनमा रहेको समेत अवगत गराएका छन् । साथै तराइ मधेश समृद्धि कार्यक्रम अन्तर्गत एउटा कम्युटर ल्याबको पहुँच सहितको सुबिधा सम्पन्न पुस्तकालय भवन निर्माण कार्य सकिन लागेको उनले जानकारी दिएका छन् । त्यसका साथै राष्ट्रिय योजना आयोगको पाँच करोड पैँसठ्ठी लाख रुपैयाँ अनुदान सहयोगमा एउटा अर्को शैक्षिक प्रशासनिक भवनको पहिलो तला निर्माण कार्य सम्पन्न भइसकेको र दोस्रो तला निर्माणका लागि ठेक्का प्रकृया अघि बढेको र क्याम्पस परिसरको पश्चिम तर्फको भवनको तेश्रो तलामा कोशी प्रदेश सरकारको आर्थिक सहयोगमा ३५० सिट क्षमताको सुबिधा सम्पन्न सभाहल निर्माण कार्य अन्तिम अवस्थामा पुगेको उनले बताएका छन् ।
उर्लाबारी बहुमुखी क्याम्पस समुदाय, सरोकारवाला, सरकार तथा सम्बद्ध सबै पक्षको निरन्तर सहयोग र हौसलाका कारण एक सबल, सक्षम र प्रतिस्पर्धी शैक्षिक संस्थाका रूपमा उभिन सफल भएको उनले जानकारी दिएका छन् । शैक्षिक संस्थाको प्रमुख पक्ष भनेकै त्यहाँको शिक्षाको गुणस्तर नै हो भन्दै उनले अहिले “गुणस्तरीय शिक्षा” सस्तो नाराका रूपमा सबैका मुखबाट सुन्न पाइने गरे तापनि वास्तवमा कस्तो शिक्षालाई गुणस्तरीय भन्ने र त्यसका मानकहरू के हुने तथा एउटा निश्चित तहसम्मको शिक्षा पूरा गरेको मानिसमा के कस्ता आधारभूत सिपहरू रहनुपर्छ भन्ने कुराहरू प्रमुख रहने उनले बताएका छन् । यस क्याम्पसले दिने शिक्षाको गुणस्तरीयताका मानकहरू मध्ये यहाँका विद्यार्थीहरूको पास प्रतिशत एउटा महत्वपूणर् मानक भएको र औसतमा विद्यार्थीहरू अन्तिम परीक्षामा सफल हुने दर लगभग ७०% सम्म रहेको छ साथै यो दर उच्च शिक्षामा पूर्व क्षेत्रकै सर्वाधिक रहेको उनको भनाई छ । गुणस्तरीय शिक्षाका सवालमा माथि भनिएका दुबै पक्षहरूमा सन्तुलनमै रहेर कार्यक्रमहरू सञ्चालन गरिने उनले बताएका छन् । शैक्षिक गुणस्तर कायम गर्न शैक्षणिक तथा व्यक्तिका व्यवहारिक पक्षहरूमा अत्यन्तै सम्बेदनशील भएर लाग्ने उनको भनाई छ । शिक्षाको गुणस्तर कायम गर्न हामी नियमित कक्षा सञ्चालनका अतिरिक्त नियमित आन्तरिक परीक्षाहरू सञ्चालन गर्ने र आन्तरिक परीक्षामा विद्यार्थीले देखाएको प्रस्तुतिका आधारमा समयमै जोखिममा रहेका विद्यार्थी पहिचान गरी उनीहरूलाई आवश्यक पृष्ठपोषण प्रदान गर्ने तथा आवश्यक परेमा थप सहायताका लागि अतिरिक्त विशेष कक्षाहरू पनि सञ्चालन गर्ने गरेको क्याम्पस प्रमुख कार्कीले बताएका छन् । यसरी थप सहायताका लागि सञ्चालन गरिने विशेष कक्षाहरू निशुल्क हुनुका साथै विभिन्न समयमा ख्याति प्राप्त भिजिटिङ प्रोफेसरहरूद्वारा कक्षा सञ्चालन पनि गर्ने गरिएको उनले बताएका छन् । विद्यार्थीका समग्र पक्षहरू जस्तै सामाजिक, शारीरिक, सांस्कृतिक, मनोवैज्ञानिक, सम्वेगात्मक तथा मानव स्वास्थ्य लगायतका सर्वाङ्गीण पक्षहरूको सन्तुलित विकासका लागि नियमित अतिरिक्त क्रियाकलापहरू सञ्चालन गर्ने र त्यसरी सञ्चालन हुने कार्यक्रमहरूमा भलिबल, फुटबल लगायतका खेलकुदहरू, ध्यान तथा मनोपरामर्श शिविरहरू, नियमित स्वास्थ्य परीक्षण, लोक सेवा तथा शिक्षा सेवा आयोगका तयारी कक्षाहरू, स्थलगत भ्रमण तथा शैक्षिक भ्रमणहरू, सामुदायिक तथा सामाजिक कार्यमा सहभागीता लगायत थुप्रै कार्यक्रमहरू रहेका उनले जानकारी दिएका छन् ।
यस क्याम्पसबाट अध्ययन पूरा गरेका विद्यार्थीहरूका लागि रोजगारी उपलब्ध गराउन सहजीकरण गर्ने उद्देश्यले रोजगार प्रबद्र्धन उप-समिति समेत रहेको बताउँदै उनले विद्यार्थीहरूलाई रोजगारी सम्बन्धी परामर्श दिनुका साथै स्थानीय बैँक तथा बित्तीय संस्था, उद्योग कलकारखाना लगायतका क्षेत्रहरूसँग समन्वय गरी रोजगारी उपलब्ध गराउने कार्य समेत गर्ने उनले बताएका छन् । गुणस्तरीय शिक्षा एउटा बृहत प्याकेज भएकोले उर्लाबारी बहुमुखी क्याम्पस त्यस मानेमा सर्बप्रथम आफैंमा स्पष्ट र प्रतिबद्ध रहेको उनले बताएका छन् । गुणस्तर प्रत्यायन सुनिश्चितता (क्युएए) का बारेमा उनले उच्च शैक्षिक संस्थालाई विश्वविद्यालय अनुदान आयोगले प्रदान गर्ने शैक्षिक गुणस्तरको प्रमाण-पत्र हो भन्दै यो वास्तवमा विश्वविद्यालयहरूका अतिरिक्त क्याम्पस, कलेजहरूबाट प्रदान गरिने औपचारिक शिक्षाको गुणस्तरको मानक भएको बताएका छन् । जसका लागि (क्युएए) को महत्वपूणर् प्रमाण-पत्र प्राप्त गर्न अहोरात्र काम गरिरहेका उनको भनाइ छ । यस क्याम्पसलाई क्युएए प्रमाणिकरण गराउने कार्यमा आशय-पत्रलाई विश्वविद्यालय अनुदान आयोगले नविकरण गरिसके पश्चात गत असारमा हाम्रो स्व-अध्ययन प्रतिवेदन पनि स्वीकृत भइसकेको जानकारी दिएका छन् । त्यसैगरी विश्वविद्यालय अनुदान आयोगका विज्ञ ९एच्त्० अनुगमन टोलीद्वारा क्याम्पसको अनुगमन यही पौष महिनाको १९, २० र २१ हुने भएको कुरा उनले जानकारी दिएका छन् ।
यस क्याम्पसमा २५/३० किलोमिटर टाढाबाट समेत विद्यार्थीहरू आउने जाने गरेका छन् । त्यसका लागि क्याम्पसले विद्यार्थीहरूको सहजताका लागि यातायातको समेत व्यवस्था गरेको छ । हाल छ ओटा क्याम्पस बसहरू सन्चालनमा छन् । नगरले दिएको समेत गरेर २ वटा बस क्याम्पसका निजी बस रहेको उनले जानकारी दिएका छन् । यस क्याम्पसको मुख्य चुनौती भनेको यसलाई समय सापेक्ष परिमार्जन गर्नु पर्ने र खास गरी पछिल्लो समयमा विद्यार्थीहरूको चाख प्राबिधिक धारका विषयतर्फ बढ्दै गइरहेकोले विद्यार्थीका चाहना अनुरूप उच्च शिक्षामा विज्ञान लगायतका प्राबिधिक धारका बिषयहरू थप गर्नुपर्ने उनले औंल्याएका छन् । क्याम्पसका हरेक कार्य सम्पादनका निम्ति सञ्चालक समितिका प्रतिनिधि, प्राध्यापक प्रतिनिधि र विद्यार्थी प्रतिनिधि सहितको उप समितिहरु निर्माण भएका छन्, उपसमितिले प्रक्रिया पुर्‍याई कार्य सम्पादन गर्ने र अनुगमन समितिले अनुगमन गरिसके पछि भुक्तानी गर्ने परिपाटी रहेकाले सबैको आ- आफ्नो भूमिका रहेको उनले बताएका छन् । राज्यमा नै रोजगारी, उद्यमशील वा ब्यवसायी बन्ने सुनिश्चितता गरिनुपर्ने भन्दै उनले नेपालमै अध्ययन गर्ने अवस्थाको सृजना गरे विद्यार्थीको संख्यामा वृद्धि हुने र सामुदायिक क्याम्पसहरुको वृत्ति विकासमा पनि सहज हुनुका साथै युवा जनशक्ति विदेश पलायन कम हुने उनको तर्क छ ।