Dang update

25/04/2024

इलाम २ मा भोलि घण्टी बज्ने सम्भावना छ तपाइको प्रतिकृया ?
क) बज्छ
ख) बज्दैन

15/04/2024

सन्दीपविरुद्धको बलात्कार मुद्दामा उच्चले मग्यो पीडित गौशाला २६ को जन्मदर्ता

उच्च अदालत पाटनले सन्दीप लामिछानेको जर्बजस्तीकरणी सम्बन्धी मुद्दामा पीडित गौशाला २६ को जन्मदर्ता मगाउने आदेश गरेको छ।

न्यायाधीशहरु मुनेन्द्रप्रसाद अवस्थी र दुर्गाप्रसाद ढुंगेलको इजलासले जन्मदर्ता प्रमाणपत्रको स्पष्ट बुझिने प्रति गाउँपालिकाको कार्यालयबाट मगाउने आदेश गरेको हो।

13/04/2024

नयाँ वर्षको सुरुवात जित संगै: Nepal wins the match with 32 runs over Qatar in ongoing ACC T20 Premier Cup. ❤️🇳🇵

13/04/2024

Dang update extends warm wishes for a joyous and prosperous New Year 2081 to all Nepalese!

11/04/2024

ठमेल वैशाख १ गतेदेखि २४ सैँ घण्टा खुल्ने भएको छ । नयाँ वर्ष २०८१ बाट ठमेल र दरबारमार्ग क्षेत्रमा पूर्णकालीन (२४ सैँ घण्टा) व्यवसाय सञ्चालनको घोषणा गर्ने तयारी भएको ठमेल पर्यटन विकास परिषद्ले जनाएको छ ।

10/04/2024

10/04/2024

बसको ठक्करबाट घोराहीमा एकयुवकको मृत्यु ,एक जना घाइते

तुलसीपुर
२८ चैत/ बसले मोटरसाइकललाई ठक्कर दिदा एक जना युवकको मृत्यु भएको छ। तुलसीपुरबाट काठमाण्डौ जाँदै गरेको ना ६ ख १४८६ नम्बरको रात्रीबसले मोटरसाइकललाई ठक्कर दिदा मृत्यु भएको दाङ प्रहरीले जानकारी दिएको छ। मृत्यु हुनेमा घोराही उपमहानगरपालिका १७ निवासी वर्ष २३ का सौगात ओली रहेको जिल्ला प्रहरी कार्यालय दाङले जानकारी दिएको छ ।

गोग्लीबाट घोराही तर्फ जाँदै गरेको लु ४१ प ८०९२ न को मोटरसाइकललाई उक्त बसले घोराही उपमहानगरपालिका
१७ बेलबास, सिस्नेखोलाको ओरालोमा मंगलबार राती पौने ९ बजे ठक्कर दिएको थियो ।

बसको ठक्करबाट गम्भीर घाइते भएका ओलीको राप्ती स्वास्थ्य विज्ञान प्रतिष्ठानमा उपचारका क्रममा मृत्यु भएको हो। ओलीसंगै मोटरसाइकलमा सवार रहेका तुलसीपुर उपमहानगरपालिका-११ बेलदमारका वर्ष ३५ का शरद लामिछाने घाइते भएका छन । उनको अहिले राप्ती स्वास्थ्य विज्ञान प्रतिष्ठान घोराहीमा उपचार भैरहेको छ। भ बस र चालक प्रहरीको नियन्त्रणमा रहेको प्रहरीले जानकारी दिएको छ।

09/04/2024

ओमनमा हुने प्रिमियर कप खेल्ने नेपाली क्रिकेट टोली घोषणा
काठमाडौं । आगामी चैत्र ३० बाट ओमानमा हुने एसिसी प्रिमियर कपका लागि नेपाली क्रिकेट टोलीको घोषणा भएको छ । एसियन क्रिकेट काउन्सिलले रोहित पौडेलको कप्तानीमा १४ सदस्यीय नेपाली टोलीको नाम सार्वजनिक गरेको हो ।

नेपालको टिममा कप्तान रोहित पौडेल, आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल शाह, गुलशन झा रहेका छन् । यस्तै दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जिसी र अभिनाश बोहरा टिममा रहेका छन् ।

प्रिमियर कपमा नेपालको समूहमा नेपालसहित मलेसिया, हङकङ, साउदी अरेविया र कतार छन् । अर्को समूह यूएई, कुवेत, बहराइन, ओमान र कम्बोडिया रहेका छन् । प्रिमियर कपको विजेता हुने टोलीले एसिया कप खेल्ने पाउनेछ ।

09/04/2024

*रास्वपाको काउन्टर माग : २०४७ देखिको छानबिन गर्ने उच्चस्तरीय समिति बनाऔं*
२७ चैत, काठमाडौं । नेपाली कांग्रेस गृहमन्त्री रवि लामिछानेमाथि संसदीय छानबिन समितिको मागबाट पछि नहटेपछि राष्ट्रिय स्वतन्त्र पार्टीले काउन्टर माग अघि सारेको छ ।

मंगलबार बिहान बसेको राष्ट्रिय स्वतन्त्र पार्टी (रास्वपा)को संसदीय दलको बैठकले उच्चस्तरीय स्वतन्त्र छानबिन समितिको गठन गर्नुपर्ने माग गरेको हो ।

२०४७ यताका उच्च पदस्थ पदमा बसेका सबै व्यक्तिमाथि छानबिन हुने गरी उच्चस्तरीय छानबिन समिति गठन हुनुपर्ने रास्वपा सांसद हरि ढकालले बताए ।

बैठकले प्रमुख प्रतिपक्ष दल कांग्रेसले विना आधार संसदीय छानबिन समितिको माग गरेको निष्कर्ष निकालेको उनले बताए । ‘आधार विना हल्लाको भरमा यस गरिमामय सदनमा संसदीय छानबिन समितिको माग गर्नाले संसदीय व्यवस्थाको नै उपहास भएको छ,’ बैठकको निर्णयमा भनिएको छ ।

हल्लाकै आधारमा संसदीय छानबिन समिति गठन गर्नु न्यायोचित नहुने रास्वपाले जनाएको छ ।

संसदीय समितिमा भएका निर्णयको आधारमा सांसद मनिष झाले संसदमा बोल्ने गरी रास्वपाले तयारी गरेको थियो । सभामुख देवराज घिमिरेले रास्वपाका सांसदलाई झालाई बोल्न समय दिए पनि कांग्रेसले अवरोध सिर्जना गरेपछि उनी बोल्न पाएनन् ।

नयाँ समीकरण बनेपछि न्यूनतम साझा संकल्पमा कुनै पनि कालखण्डमा भएका भ्रष्टाचार छानबिन गरिने संकल्प गरेको समेत रास्वपाले जनाएको छ ।

‘हामी आह्वान गर्न चाहन्छौं, प्रतिपक्षी दललाई । एउटा निष्पक्ष , विज्ञसहितको उच्चस्तरीय स्वतन्त्र छानबिन समिति बनाऔँ । जसले आम जनताबाट सबै प्रकारको उजुरी लेओस्, त्यसले छानबिन गरोस् सबै सासंदमाथि,’ रास्वपा बैठकको निर्णयमा भनिएको छ ।

09/04/2024

गृहमन्त्रीले दमन गरे, राजीनामा दिनुपर्छः राजेन्द्र लिङ्देन

काठमाडौं। राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले अब आफूहरुको आन्दोलन गृहमन्त्रीको राजीनामा मागमा केन्द्रित हुने बताएका छन्।

अध्यक्ष लिङदेनले राप्रपाका वरिष्ठ नेता बुद्धिमान तामाङलाई प्रहरीले आक्रमण गरेर घाइते भएको बताउदै अब आफूहरुले गृहमन्त्रीको राजीनामा माग्ने बताएका छन्। उनले शान्तिपूर्ण प्रदर्शन गर्न खोज्दा पनि प्रहरीले दमन गरेको बताएका हुन्।

भृकुटीमण्डपबाट सुरु भएको राप्रपाको जुलुस भद्रकाली हुँदै सिंहदरबारतर्फ आउन लागेपछि प्रहरीले हस्तक्षेप गरेपछि झडप भएको थियो। निषेधित क्षेत्र तोडेको भन्दै प्रहरीले पानीको फोहोरा र अश्रुग्याँस प्रहार गरेर प्रदर्शनकारीलाई तितरबितर पारेको थियो।

09/04/2024

तुलसीपुर उपमहानगरपालिकाका चार वटा विद्यालय व्यवस्थापन समितिका अध्यक्ष बर्खास्त
तुलसीपुर
२७ चैत/ तुलसीपुर उपमहानगरपालिकाले चार वटा विद्यालय व्यवस्थापन समितिका अध्यक्षलाई बर्खास्त गरेको छ ।
शिक्षा ऐन विपरीत व्यवस्थापन समितिको अध्यक्ष बनेको भन्दै महेन्द्र मावि तुलसीपुरका अरून लहरे,जनता मावि बिजौरीका हिमबहादुर डाँगी,मावि अश्वारका किरणबहादुर शाह र बालमितेरी मावि भोजपुरका अध्यक्ष शंकर खड्कालाई पदबाट बर्खास्त गरिएको उपहानगरका शिक्षा महाशाखा प्रमुख चक्र भण्डारीले जानकारी दिए ।उनीहरू यसअघि सर्वसम्मत व्यवस्थापन समितिका अध्यक्ष भएका थिए । उनीहरूविरूद्व अख्तियारमा उजुरी परेको थियो ।
उजुरीमा चारै जना अध्यक्ष गैर अभिभावक भएकाले छानविन गर्न माग गरिएको थियो । उजुरी पश्चात् अख्तियारले छानविन गरी सत्यतथ्य विवरण जानकारी गराउन उपमहानगरलाई निर्देशन दिएको थियो । छानविन गर्दा उनीहरू चारैजना गैर अभिभावक भएको पाइएपछि चैत २५ गते बसेको शिक्षा समितिको बैठकले पदबाट हटाउने निर्णय गरेको हो ।

07/04/2024

सेन्टर मावि तुलसीपुरको निर्णय: शिक्षकले अनिवार्य छोराछोरी स्कुलमा पढाउनु पर्ने
तुलसीपुर
२५ चैत/ तुलसीपुर –६ मा रहेको सेन्टर मावि तुलसीपुरले विद्यालयमा पत्रकार सम्मेलन गरि विद्यालयको आगामी रणनीति प्रस्तुत गरेको छ। शैक्षिक सत्रदेखि एसईईमा शतप्रतिशत विद्यार्थी उत्तीर्ण गराउने रणनीतिका साथ अघि बढेको विद्यालयका प्रधानाध्यापक भागवत पौडेलले बताएका छन।

पत्रकार सम्मेलनमा प्रधानाध्यापक पौडेलले विद्यालयमा यो वर्षदेखि मेघा परियोजना शुरु हुने छ भने यही शैक्षिक सत्रदेखि अध्यापनमा साधारण, मध्यम र विशिष्टीकृत पद्धति अपनाइने जानकारी दिएका छन ।

त्यस्तै विद्यालयका विव्यस समिति, शिक्षक अभिभावक संघ तथा विद्यालयमा कार्यरत शिक्षक, शिक्षिका र कर्मचारीले आफ्ना सन्तानलाई अनिवार्य यही विद्यालयमा पढाउनुपर्ने निर्णय गरेको प्रधानाध्यापक पौडेलले जानकारी दिएका छन ।

उनले भने हामीले आफूले पढाउने विद्यालयमा आफ्ना सन्तानलाई पढाउँउन सक्दैनौं भने आफ्नो काममा हामी आफै विश्वस्त छैनौं भने बुझ्नुपर्छ । पहिला आफ्नो सन्तानलाई स्कुलमा पढाउने अनि मात्र अरु बालबालिकालाई उचित शिक्षा दिन सकिने बताएका छन।
उनले स्कुलमा आफ्ना छोराछोरी नपठाउने शिक्षक र निर्णय नमान्ने समितिका पदाधिकारीले राजीनामा दिनुपर्ने बताएका छन ।

05/04/2024

Star कलाकारहरु, राम्रो विषयको फिल्म ' पुजार सार्की ' को मिठो पोष्टर आएको छ । कस्तो लाग्यो?

04/04/2024

लुम्बिनी प्रदेशका मुख्यमन्त्री चौधरीले दिए पदबाट राजीनामा
दाङ
२२ चैत/ सरकार अल्पमतमा परेपछि लुम्बिनी प्रदेशका मुख्यमन्त्री डिल्लीबहादुर चौधरीले पदबाट राजीनामाको घोषणा गरेका छन् । बिहीबार लुम्बिनी प्रदेशसभा बैठकलाई सम्बोधन गर्दै मुख्यमन्त्री चौधरीले राजीनामाको घोषणा गरेका हुन् ।

नेकपा माओवादी केन्द्रले समर्थन फिर्ता लिएपछि चौधरी नेतृत्वको सरकार अल्पमतमा थियो । माओवादी केन्द्रसहितका दलहरूको समर्थनमा नेपाली कांग्रेसका चौधरी ११ महिनाअघि मुख्यमन्त्री बनेका थिए ।

केन्द्रमा कांग्रेस–माओवादी गठबन्धन भत्किएसँगै प्रदेश सरकारहरू पनि फेरबदल भइरहेका हुन् ।

03/04/2024

सदनमा उठेका प्रश्नको जवाफ सदनमै दिन पाउनुपर्छ ः गृहमन्त्री लामिछाने

काठमाडौं
२०-चैत/ उपप्रधान एवं गृहमन्त्री रवि लामिछानेले सदनमा उठेका बिषयहरुको जवाफ सदनमै उभिएर दिन पाउनुपर्ने बताएका छन् ।

मंगलबार संसद भवन नयाँ बानेश्वरमा सञ्चारकर्मीसंग कुरा गर्दै लामिछानले सहकारी लगाएतका बिषयमा सदनमा उठेका प्रश्नको जवाफ सदनमा दिने अवसर पाउनुपर्ने बताएका हुन् ।

लोकतन्त्रमा प्रतिपक्षीले आफुलाई लागेका कुराहरु सदनमा उठाउन पाउनुपर्ने बिषयलाई आफुले सम्मान गर्ने भन्दै उहाले आफुले पनि सदनमा नै त्यसको जवाफ दिने अवसर पाउनुपर्ने बताए ।

लामिछानले गृहमन्त्रालयको काम कारवाही, बिपत व्यवस्थापनको तयारी, भूकम्पपिडितको पुर्नवास लगाएतका बिषयमा समेत आफुले जवाफ दिन चाहिरहेको जिकिर गरे ।

उनले जाहेरी दिदैमा सदनमा सवै बिषयमा छानविन गर्न संसदीय समितिको आवश्यक नरहेको धारणा राखे ।

रास्वपा सभापति समेत रहनुभएका लामिछानेले पार्टीका अन्य नेताहरुको पनि सहकारी प्रकरणमा नाम जोडिएको बिषयमा प्रचारबाजी मात्रै भएको तर्क गरे । कसैमाथि प्रश्न उठ्दैमा आतिनुपर्ने अवस्था नरहेको उनको भनाइ छ ।

03/04/2024

नेपाली कांग्रेसका महामन्त्री एवम् सांसद गगनकुमार थापाले राजस्व अनुसन्धान विभागका कर्मचारीले कानुन नबुझ्दा ८० अर्बको आईटी उद्योग धरासायी हुने अवस्थामा पुगेको बताएका छन् ।

03/04/2024

दाङमा बस दुर्घटना हुँदा १३ जना घाइते

दाङ
२१-चैत/ दाङको देउखुरीमा यात्रुबाहक बस एकआपसमा ठोक्किदा १३ जना घाइते भएका छन ।

लमही नगरपालिका -३ वनगाउँमा बुटवलबाट सुर्खेतका लागि छुटेको लु १ ख ७३६३ नम्बरको बस र तुलसीपुरबाट बुटवलका लागि छुटेको रा १ ख २५८१ नम्बरको बस एकआपसमा ठोक्किदा १३ जना घाइते भएको प्रहरीले जनाएको छ ।

दुर्घटनामा परी दुबै बसमा सवार यात्रुहरु घाइते भएको प्रहरीले जनाएको छ । सामान्य घाइतेहरूको अहिले लमही अस्पतालमा उपचार भैरहेको छ भने गम्भीर घाइतेलाई बाहिर पठाउने तयारी भैरहेको प्रहरीको भनाइ छ ।

20/03/2024

Breaking😀
फेसबुकमा समस्या: Ahile dherai ko Facebook ma Online herna namilne, Story nadekhine, Search nahune jasto problem haru aayeko cha. Did you experience it?

18/03/2024

बस दुर्घटनामा ७ जनाको मृत्यु २० जनाभन्दा बढी घाइते !

रुकुम पूर्वबाट काठमाडौँका लागि छुटेको बस सोमबार साँझ बागलुङको निसीखोला गाउँपालिका–६ स्थित जाउलेपानीमा दुर्घटना हुँदा ७ जनाको मृत्यु भएको छ भने २० जनाभन्दा बढी घाइते भएका छन् ।
बस सडकबाट करिब ३ सय मिटर तल खसेको र गाडीमा ३२ जना यात्रु रहेको बताईएको छ ।
घटनाको थप विवरण आउन बाँकी छ ।

18/03/2024

पूर्व सभामुख, मन्त्री र अहिले माओवादी केन्द्रका उपाध्यक्ष कृष्ण बहादुर महरालाई सुन तस्करी सम्बन्धी केसमा प्रहरीले पक्राउ गरेको छ ।

11/03/2024

रास्वपाले इलाम–२ को उपनिर्वाचनमा उम्मेदवारी दिने, बझाङ-१ प्रदेशसभामा भने नदिने

काठमाडौं । राष्ट्रिय स्वतन्त्र पार्टीले इलाम–२ मा हुने आगामि उपनिर्वाचनमा भाग लिने निर्णय गरेको छ । सोमबार बार्टी कार्यलय बालाजुमा बसेको केन्द्रीय समिति बैठकले इलाम–२ मा हुने उपनिर्वाचनमा भाग लिने निर्णय गरेको महामन्त्री मुकुल ढकालले जानकारी दिए ।

रास्वपाले प्रदेश सभा अन्तर्गत बझाङ – १ को उपनिर्वाचनमा भने भाग नलिने निर्णय गरेको छ । ‘इलामको उपनिर्वाचनमा भाग लिने, दल दर्ता गर्ने निर्णय गर्‍याैँ,’ महामन्त्री ढकालले भने, ‘प्रदेश सभाको निर्वाचनमा भाग नलिने निर्णय गरेका छौं ।’

बैठकले सरकारको कामबारे हरेक हप्ता पार्टीका उपसभापति डा.स्वर्णिम वाग्ले र महामन्त्री ढकालले पार्टीका मन्त्रीहरुसँग छलफल गरेर सरकारको कामको समीक्षा गर्ने निर्णय पनि गरेको छ ।

11/03/2024

#गठबन्धनको - प्रदेश भागबन्डा सहमति
१) कोशी प्रदेश
नेकपा एमाले = ४ बर्ष (पुरै कार्यकाल)
२) मधेस प्रदेश
जसपा/ एमाले = २/२ बर्ष (पहिला जसपा)
३) वाग्मती प्रदेश
माओवादी/एमाले/समाजबादी = २/१/१ बर्ष (पहिला माओवादी)
४) गण्डकी प्रदेश
नेकपा एमाले = ४ बर्ष ( पुरै कार्यकाल)
५) लुम्बिनी प्रदेश
नेकपा एमाले = ४ बर्ष (पुरै कार्यकाल)
६) कर्णाली प्रदेश
एमाले/माओवादी = २/२ बर्ष (पहिला एमाले)
७) सुदुरपश्चिम प्रदेश
माओवादी/एमाले/नागरिक उन्मुक्ति = १/१/२ बर्ष (पहिलो माओवादी)

11/03/2024

१४ महिना १९ दिनमा तेस्रो पटक प्रधानमन्त्रीको अग्निपरीक्षा, यस्तो छ हिसाबकिताब

काठमाडौँ । प्रधानमन्त्री पुष्पकमल दाहाल ‘प्रचण्ड’ले बुधवार प्रतिनिधि सभाबाट विश्वासको मत लिने तयारी गरेका छन् । तेस्रो पटक प्रधानमन्त्री बनेका उनले यो कार्यकालको १४ महिना १९ दिनमै तेस्रो पटक विश्वासको मत लिन लागेका हुन् ।
सोही प्रयोजनका लागि प्रधानमन्त्री प्रचण्डले आइतबार संसद् सचिवालयलाई पत्र पठाइसकेका छन् । फागुन २१ गते एमालेसँग मिलेर नयाँ सत्ता समीकरण बनाएका प्रचण्डलाई एमालेसहित माओवादी केन्द्र, रास्वपा, जसपा र एकीकृत समाजवादीले समर्थन गरेका छन् ।
२७५ सदस्यीय प्रतिनिधि सभामा बहुमतका लागि १३८ मत आवश्यक पर्छ । यद्यपि तीमध्ये एमालेका सांसद सुवासचन्द्र नेम्वाङको निधन भएको छ । देवराज घिमिरे सभामुख भएकाले मत दिन पाउने छैनन् । टोपबहादुर रायमाझी नक्कली भुटानी शरणार्थी प्रकरणमा पुर्पक्षका लागि थुनामा छन् । कांग्रेसका सांसद टेकबहादुर गुरुङ निलम्बित भएकाले उनले पनि मत दिन पाउने छैनन् ।
अहिले एमालेसँग ७६, माओवादीसँग ३२, रास्वपासँग २१, जसपासँग १२ र एकीकृत समाजवादीसँग १० गरी जम्मा १५१ मत छ । यस्तै, प्रमुख प्रतिपक्षी कांग्रेससँग ८७ मत छ । राप्रपासँग १४, जपासँग ६, लोसपासँग ४, नाउपासँग ४, नेमकिपासँग र राष्ट्रिय जनमोर्चासँग एक÷एक सांसद छन् भने स्वतन्त्र तीन सांसद छन् ।
२०७९ पुस १० गते एमालेको प्रस्तावमा तेस्रो पटक प्रधानमन्त्रीमा नियुक्त भएका थिए । पहिलो पटक उनले पुस २६ गते प्रतिनिधिसभाबाट विश्वासको मत लिएका थिए । त्यतिबेला सत्ता पक्षबाट माओवादीसहित एमाले, रास्वपा, राप्रपा, जसपा, नाउपाले र राष्ट्रिय जनमोर्चाले विश्वासको मत दिएका थिए । यस्तै विपक्षी दल कांग्रेस, एकीकृत समाजवादी, लोसपा र केही स्वतन्त्र सांसदले पनि विश्वासको मत दिएका थिए ।

त्यतिबेला विश्वासको मत सम्बन्धी प्रस्तावको पक्षमा २६८ र विपक्षमा दुई मत परेको थियो । बैठकमा कुल २७० सांसदले मतदान गरेका थिए । प्रधानमन्त्री प्रचण्डले संसदमा उपस्थित कुल संख्याको ९९.२५ प्रतिशत मत पाएका थिए ।

तर तीन महिना नपुग्दै राष्ट्रपतिको निर्वाचनपूर्व गत वर्ष फागुन १२ गते एमालेसँग सहकार्य तोडेका प्रचण्ड पुरानै गठबन्धनमा फर्किए ।

एमाले र राप्रपा सत्ताबाट बाहिरिएपछि उनले गत चैत ६ गते दोस्रो पटक विश्वासको मत लिएका थिए । उपस्थित संख्या २६२ रहेकोमा विश्वासको मतको पक्षमा १७२, विपक्षमा ८९ मत परेको थियो । दोस्रो पटक प्रधानमन्त्री प्रचण्डले ६४.१८ प्रतिशत मत पाए ।

त्यतिबेला उनलाई नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी, राष्ट्रिय जनमोर्चाका सांसद र स्वतन्त्र सांसदहरु प्रभु साह, अमरेशकुमार सिंहलगायतले विश्वासको मत दिएका थिए ।
By Bhandari

27/02/2024

लेवनानलाई हराउँदै नेपाल फाइनलमा

27/02/2024

लेवनानलाई हराउँदै नेपाल फाइनलमा

काठमाडौं । नेपाल पश्चिम एशियाली फुटबल फेडेरेसन (वाफ) वुमन्स च्याम्पियनसिपको फाइनलमा प्रवेश गरेको छ ।

बुधबार बिहान सम्पन्न खेलमा लेवनानलाई २-१ गाेलले हराउँदै नेपाल फाइनलमा प्रवेश गरेकाे हाे ।नेपालका लागि सावित्रा भण्डारी र प्रिती राईले एक/एक गोल गरे ।

खेलको ३८औँ मिनेटमा आत्मघाती गोलमार्फत् लेबनानले अग्रता बनाएको थियाे । डिबक्स अगाडीबाट डिफेन्डर पूजा रानाले दिएको ब्याक पास सीधै गोलपोष्टमा प्रवेश गरेपछि लेबनानले आत्मघाती गोल उपहार पाएकाे थियाे ।

खेलमा १–० ले पछि परेको अवस्था उल्टाउँदै सावित्राले खेलको ७६औँ मिनेटमा गोल गरिन् । भने राईले खेलकाे अतिरिक्त समयमा गाेल गर्दै नेपाललाई २-१ काे जित दिलाइन् ।

अब फाइनलमा नेपालले जोर्डनको सामना गर्ने छ । यसअघि आज नै भएको पहिलो सेमिफाइनलमा प्यालेस्टाइनलाई ५–० गोलले पराजित गर्दै जोर्डन फाइनलमा प्रवेश गरेको थियाे ।

प्रतियोगिताको फाइनल खेल आगामी बिहीबार हुनेछ ।

15/02/2024

फेरि बढ्यो पेट्रोल, डिजेलको भाउ, Breaking: NOC has increased the price of Petrol by NRs. 2 per litre & Diesel by NRs. 2 per litre.

15/02/2024

दाङमा प्रहरी श्रीमान-श्रीमतीको झगडा हुँदा श्रीमानले गो'ली हान्दा ड्युटीमा रहेकी श्रीमतीको मृत्यु भएको छ भने श्रीमानलाई प्रहरीले पक्राउ गरेको छ ।

29/01/2024

अटो दुर्घटना हुँदा पाँच जना घाइते

तुलसीपुर
१५-माघ/ दाङको तुलसीपुरमा अटो अनियन्त्रित भएर ठेलामा ठोक्किदा पाँच जना घाइते भएका छन् ।

सोमबार दिउँसो १२ बजेतिर तुलसीपुर ७ शिवनगर स्थित तुलसीपुरबाट रक्षाचौर तर्फ जादै गरेको रा १ ह ३२३४ नम्बरको अटो आफै अनियन्त्रित भएर ठेलामा ठोक्किदा पाँच जना घाइते भएको इलाका प्रहरी कार्यालय तुलसीपुरका प्रवक्ता नवचन्द्र मल्लले जानकारी दिए ।

घाइते हुनेहरुमा तुलसीपुर ९ बस्ने ३५ वर्षिया खिमा भण्डारी, उनका छोरा १६ वर्षिय कृष्ण भण्डारी, सासु ६० वर्षिया रेउती भण्डारी गम्भीर घाइते भएकी छन् ।

त्यस्तै ठेलावाला सोही ठाउँ बस्ने ३४ वर्षीय शम्भु गुप्ता र अटो चालक तुलसीपुर ७ दोघरे बस्ने ५० वर्षीय कुल बहादुर पुन घाइते भएका छन् ।

घाइते मध्य गम्भीर घाइते भएकी रेउतीलाई राप्ती प्रादेशिक अस्पतालमा सामान्य उपचार पछि थप उपचारका लागि नेपालगन्ज रेफर गरिएको अस्पताललाई उद्दृत गर्दै प्रहरीले जानकारी दिए ।

अन्य चार जनाको राप्ती प्रादेशिक अस्पतालमा उपचार भैरहेको छ ।

28/01/2024

काठमाडौं । गायिका रचना रिमाल आइतबार सवारी दुर्घटनामा परेकी छन् । नेपालगन्जबाट दाङको लमही महोत्सवका निम्ति हिँडेकी रिमाल सवार बा१६च ८३४३ नम्बरको स्कार्पियो जीपलाई वाग्मती प्रदेश ०३–०१ ख २११८ नम्बरको ट्रकले बाँकेको टिस्टानजिकै ठक्कर दिएको हो ।

रिमालको अवस्था सामान्य रहेको जनाइएको छ । दुर्घटनाका कारण आज उनी महोत्सवमा भने उपस्थित हुन सकिनन् ।

उनले दुर्घटनाबारे फेसबुकमार्फत जानकारी गराएकी छन् । भोलि महोत्सवमा आफ्नो प्रस्तुति रहने उनले उल्लेख गरेकी छन् ।

“आज नेपालगन्ज विमानस्थलबाट दाङ लमही महोत्सवमा जाँदै गर्दा हामी सवार गाडीलाई विपरीत दिशाबाट आइरहेको ट्रकले ठक्कर दियो । गाडीमा केही क्षति पुगेको छ,” उनले लेखेकी छन्, “यात्रुहरू हामी सबै सकुशल छौँ । साथै, आज लमही महोत्सवमा हुने भनिएको मेरो सांगीतिक प्रस्तुति भोलि रहने सबैमा जानकारी गराउँदछु । आज उपस्थित हुन नसकेकोमा क्षमा चाहन्छु ।”