Achyut Ghimire Bulbul

26/07/2023

गजल यात्रा-५ जुलाइको शुरूवाततिरै सकियो । तर #बुलबुल मा पालो आज आइपुगेको छ । कार्यक्रमको अडियो उपलब्ध गराइदिने भाइ पवन लामिछानेलाई धन्यवाद ।
आज राती नेपाली समय सवा नौ बजे सुनौं - कोलोराडोमा सम्पन्न गजल यात्रा ५ का झलकहरू (गायन र वाचन दुवै) ।

26/07/2023

्को_माया र #पहेँलपुर उपन्यासका लेखक जिएस पौडेलको आज परेको जन्मदिनको अवसरमा उहाँलाई हार्दिक शुभकामना ।

26/07/2023

गजल

हजुरले नदेख्नु छुट्टै हो, मन काट्ने औजार छ ।
आँखामा रगत झैँ आँसु बग्छ , मौन अनुहार छ ।

मै एउटा आमा होला ! सन्तान हली बनोस् भन्ने ,
के गरुँ ! हाकिम किनबेचको सस्तो समाचार छ ।

काखैमा निदाऊ भन्छौ ,आरनमा निदाऊ झैं सुन्छु ,
रेटिन्छु! तिम्रो आँखामा धार , छातीमा तरवार छ ।

कान्छी ! एउटा फोटो खिच है छोरो हिँड्नु अघि ,
बदलिन सक्छ भोलि, बदल्न समयलाई हतार छ ।

जन्ममा जन्मोत्सव छैन ! के भएको आमा गाउँमा ?
छोरा! समाजमा बाउ फरार ,आमालाई केरकार छ ।
नमिता दवाडी
गोरखा , नेपाल
हाल: न्युजिल्यान्ड

24/07/2023

भोजपुरमा जन्मनुभएका कृषि ईञ्जिनियर डा. मनोज कार्की कृषि बुझ्न र बुझाउन विश्वभरिका २५ वटा देशमा पुगिसक्नुभएको छ । कृषिप्रधान देश नेपालमा उहाँको ज्ञानलाई उपयोग गर्न पाए कति प्रगति हुन्थ्यो होला ? आज स्टुडियोमा बसेर उहाँसंग कुरा गरेपछि मेरो मनमा प्रश्न खेलिरहेको छ । चाँडै सुनाउनेछु रेडियोबाट उहाँसंगको कुराकानी फल्चामा ।

24/07/2023

Good Morning :)

1245 likes, 20 comments. Check out indraadhikari139०००००'s video.

23/07/2023

कति राम्रो विचार । कति शालीन प्रस्तुति । यस्तो राजनीतिक संस्कारले शान्त बनाउँछ जनतालाई । सलाम चन्द्र भण्डारीज्यु ।

23/07/2023

यो मरमुभी यहाँ बालुवाको रापले पोल्छ
परदेशमा दिनहुुँ आफन्तको सन्तापले पोल्छ ।।
जिन्दगी सोचे जस्तो कहाँ सजिलो छ र ?
कैयौंपटक आफैलाई आफ्नै कापले पोल्छ ।।
मन भन्छ सधैंका लागि फर्केर स्वदेश जाउ
अचानक सम्झन्छु ऋणको चापले पोल्छ ।।
सोझा साधालाई सधैं दुख दिने पापीहरु हो
एकदिन तिमीहरूलाई त्यहीँ पापले पोल्छ ।।

खिम के.सी.
क्यालिफोर्निया, अमेरिका

22/07/2023

मृदुभाषी अभिनेता दिव्यदेव पन्त भोलि बिहान उज्यालो फल्चामा पाहुना हुनुहुन्छ । सवा ७ बजे उहाँसंगको कुराकानी सुन्न सकिन्छ । The Poet Idol का संचालक तथा २७ वटा नाटकमा अभिनय गरिसक्नुभएको छ । अहिले उहाँकै मुख्य अभिनय रहेको नाटक ट्रान्जिट शिल्पी थियटरमा मञ्चन भइरहेको छ ।

22/07/2023

भोलि बिहान उज्यालो फल्चामा पाहुनाको रूपमा आउँदै हुनुहुन्छ । उहाँलाई चिन्नुहुन्छ ?

22/07/2023

मिडिया र भिडियोबाटै देखाएर छर्लङ्ग पारिसक्दा पनि जीत भिलेनकै हुन्छ भने बुझ्नू यो जमाना हिरोको हैन !!

22/07/2023

हजुर पनि त हरिद्वार पुगेर गंगाजल बिर्सिएको।
अर्को म झन पागल आफनै धरातल बिर्सिएको।

कुम जोडिएकाहरुसंग पनि फाटो आएको छ।
धेरै भयो जाँतो बिर्सिएको ओखल बिर्सिएको।

स्वतन्त्रहरुले पनि छुट्टै स्वतन्त्र पार्टी खोलिसके।
देशमा एक तिमी एक म रहेछु दल बिर्सिएको।

कर्म गर फलको आस नगर बहुत सुनियो यार।
हो त्यहि आसमै आजसम्म मैले फल बिर्सिएको।

घोषणापत्र,उद्घोषमा त देश पहिल्यैँ बनेको हो।
सरकार कति भयो तैँले मंगाउन मल बिर्सिएको?

काजी प्रवासी
दैलेख

21/07/2023

म मरेको दिन तिमी, हाँस्छौ कि रुन्छौ सानु ?
खुचिङ पो भन्छौ कि, त्यसै मुच्र्छा हुन्छौ सानु ?

सँगै हुँदा रिस गर्छौ, भित्र माया छ कि कतै ?
खस्न खोज्ने आँसुलाई, खसाल्छौ कि थुन्छौ सानु ?

सोच्दा सोच्दा मन घुम्छ, के के सोच्छु मनभित्र
देखेपछि मेरो लाशलाई, तर्कन्छौ कि छुन्छौ सानु ?

रुन्छन होला परिवारका, वियोगमा डाँको छोडि
गाह्रो होला हाँस्नलाई, कि पिरव्यथा फुन्छौ सानु ?

कुरा होलान गुन बैगुनका अनि मेरो बारे
चुन्न परे गुन र बैगुन, तिमी कुन चुन्छौ सानु ?

मर्ने जान्छन मरिकन बाँच्नेलाई दूख हुन्छ
मनको माया समाल्छौ कि अर्को घर बुन्छौ सानु ?

मैलो हुन्छ अरे मन मरेकालाई देखेपछि
के के गर्छौ शुद्ध हुन, कि जिउ धुन्छौ सान ?ु

सजिलो छ भन्नलाई भोग्न गाह्रो पर्छ नि त
मान्छे पिच्छे फरक अर्ति कस्का कुरा सुन्छौ सानु ?

अर्जुन दाहाल “अपवाद”
मिर्गे–५,चिलाउनेखर्क,दोलखा
जनकपुर,नेपाल

21/07/2023

साँच्चै कसरी चलेको छ हाम्रो देश ?

18/07/2023

दुःख त सहनु नै छ अरु सबले सहे जस्तो
तर देखाउनु पनि छ दुःखनै नभए जस्तो

म यत्ति मै खुशी छु कम्तिमा जिन्दगी त छ
तिमि सोध्छौ जिन्दगी किन भएन सोचे जस्तो

मेरो भरोसाको ईज्जत तिमीले यसरी राखेको छौ
तिमि साथ हुँदा लाग्छ साथ कोही नभए जस्तो

परेलीमा अडिएको छ तिम्रो नामको आँसु
कर्कलाको पात माथि शित जमे जस्तो

सम्मोहन होस यस्तो कि दुश्मनकै पनि वाह भनौं
मेरो अँगालोमा तिमीलाई उसैको याद आए जस्तो

Milan.Nabik
Phoenix, USA

17/07/2023

सन् २०१२ देखि मैले चलाउँदै आएको मेरो फेसबुक पेज facebook.com/ghimireachyut मेरो पहुँच भन्दा बाहिर पुगेको छ । झन्डै २ महिनादेखि त्यसमा आएका message पनि मैले हेर्न पाएको छैन र त्यसबाट कुनै staus update पनि गर्न पाएको छैन । त्यसैले यो नयाँ पेजलाई मैले आजबाट आफ्नो व्यक्तिगत नामबाट संचालन गर्न थालेको छु । कृपया अब उप्रान्त मसंग जोडिनुभएका मित्रहरुले मलाई यसैबाट सम्पर्क गर्नुहुन सूचित गर्दछु । साथै अन्य साथीहरुलाई पनि थाहा दिनको लागि यो Page वा Status सेयर गरिदिनुभएमा आभारी हुनेछु ।

पूरानो पेजको पनि admin लिने प्रयास अझै जारी राखेको छु । यस सम्बन्धी कोही विज्ञ मित्रहरु हुनुहुन्छ भने पनि मसँग जोडिदिनुहुन अनुरोध गर्दछु । धन्यवाद ।

My page facebook.com/ghimireachyut which I have been running since 2012 has gone beyond my reach. For almost 2 months, I have not been able to do any activities from it. Therefore, I have started operating this page under my name from today onward.
Thank you.

17/07/2023

पात्रोमा पो मलमास छ मनभित्र त मधुमास छ
एउटा ठूलो सपना त तिम्रै दिलमा कारावास छ
एकै नजर पर्नासाथ क्या तन्द्रुस्त भइदिन्छ मन
लाग्छ तिम्रा आँखामानै बर्नभिटा छ, च्यावनप्राश छ
बिन्ती गर्दै बगर भन्छ पर्ख एकछिन् बात गरौँ
रोकिन्दैनन् छालहरू समून्द्रमा खै के खास छ !
चट्टान बन्नु पीडा बोकी सुनामी नै आएपनि
खुशी फुल्नु अघि आँशु पोखिएको इतिहास छ
सोच्यौ होला टाढा हुँदा मरुभूमि भयो कि दिल
हराभरा छ याँ' तिम्रै यादहरूको बसोबास छ ।

© लेख कार्की
21 May 2018

17/07/2023

‘आफूले चाहेको मान्छेले आफूलाई अलिकति पनि मतलब गर्दैन भन्ने थाहा पाउँदा साह्रै एक्लो फिल हुँदो रहेछ’, टियू परिसरमा हिँड्दै मैले अक्षतालाई निरुसासँग भेट भएदेखि, उसको अन्तिम म्यासेजसम्मको कुरा सुनाउँदै बिलौना पोखिरहेको थिएँ ।
‘रिजेक्सन टफ नै हुन्छ’, अक्षता ठूलो घडी भएको भवन अगाडि रोकिई ।
दुवै त्यो भवनको गेटभित्र छि¥यौँ । आज घाम नलागेकोले साह्रै जाडो थियो । दिउँसोको दुई बजे साँझको पाँच बजिरहे झैँ माहोल थियो । कतिखेर पानी पर्छ झैँ आकाशमा कालो बादल लागेको थियो ।
ठूलो घडी भएको भवनको कम्पाउन्डमा धेरै बेञ्चहरू थिए । बेञ्चमा मान्छेहरू बदाम र सुन्तला खाँदै गफ गरिरहेका थिए । भवन पुग्ने सिँढी छेउको खाली बेञ्चमा हामी पनि बस्यौँ ।
‘तिमी कोहीबाट रिजेक्ट भको छौ ?’ मैले सोधेँ ।
अक्षताले भवन अगाडिको चिया पसलतिर हेरिरहेकी थिई । कालो ओभरकोटमा रातो मखलर र कालो पाइन्टमा ऊ आज पहिलेभन्दा फरक देखिएकी थिई । रुँघाले होला उसको नाक टमाटर झैँ रातो भएको थियो ।
‘मैले कसैलाई प्रपोज गरेको छैन’, मतिर फर्कदैँ उसले भनी ।
‘कसैलाई मन पराएकी छैनौ ?’
‘मन पराको भन्नाले ?’
‘मतलब लभ परेको छैन ?’ सिधै सोधेँ ।
ऊ खुट्टामा खुट्टा राखेर मतिर पूरै घुमी, ‘त्यस्तो फिल्मी लभ चैँ भको छैन ।’
‘कस्तो भको छ त ?’
‘अट्रयाक्सन चैँ भइरहन्छ...’ उसले हातले नाक चलाई ।
हातमा इन्फिनिटीको ट्याटु देखियो । उसले हामीभन्दा केही पर बसिरहेका तीनजना केटातिर हेरी । उनीहरू गफ गरिरहेका थिए ।
‘त्यो बीचको छ नि’, अक्षताले भनी ।
बीचको केटालाई हेरेँ, ह्यान्डसम थियो ।
‘ऊ मन परिराछ मलाई’, उसले भनी ।
‘हैन,मैले सोध्न खोजेको ट्रियु लभ टाइपको’, मैले भनेँ ।
‘त्यस्तो लभ हुन्छ जस्तो लाग्दैन ।’
‘ट्रियु फ्रेन्ड चैँ हुने लभ चैँ नहुने ?’
‘हेर, यो लभ भनेको,’ उसले ‘लभ’ भन्दा मुख अमिलो भएझैँ बिगारी ।
‘लास्ट ओभररेटेड, ओभर ग्लोरिफाइड इमोशन हो ।’
मैले कुरा नबुझेर उसलार्ई हेरिरहेँ, ‘मतलब ।’
उसले भनी, ‘त्यस्तो साह्रो बिउटीफुल चिज हैन जति किताबमा लेखिन्छ, फिल्ममा देखिन्छ, इनफ्याक्ट तिम्रो पनि निरुसासँग त्यो ट्रियुवाला लभ परेको हैन ।’
‘के हो त ?’
उसले केही सोचे झैँ औँलाले नाँक चलाई, ‘मे बी नोस्टाल्जिक इफेक्ट, निरुसा तिम्रो बच्चादेखिको साथी हो नि ।’
‘अनि बच्चादेखिको साथी नभएर पछि परेको लभ चाहीँ के इफेक्ट हो नि ?’
‘अपोजिट पोल इफेक्ट’, जोडले हाँस्दै ऊ उठी ।
पर बसिरहेका तीनैजना केटाहरू हामीतिर फर्किए । अक्षताले मुस्कुराउँदै चारैतिर हेरी, ‘यही बस्ने हो दिनभरी ?’
म पनि उठेँ । हामी त्यही भवन हुँदै पछाडिको पार्क निस्कियौँ ।

(Guess the name of novel and the writer.)

17/07/2023

लुतोको कविता

उन्ताका कांग्रेस नामको लुतो कन्याइयो !
‘ओहो यो त लोकतान्त्रिक लुतो पो हो ’ भन्दै
रगट्नु रगटियो छालालाई !
अल्लि पछि,
कम्यूनिष्ट नामको लुतो कन्याइयो !
प्रगतिशील र समाजवादी लुतो ठानियो
र
माड्नु माडियो शरीरलाई !
त्यपछि आयो शरीरभरी-
क्रान्तिकारी लुतो !
ठुला ठुला कुरा गरियो
लुतोलाई सौभाग्य ठानियो
र
कन्याइयो लामा लामा नांग्राले
तब सम्म,
जब सम्म शरीर रगताम्य भएन !
अचेल
अर्कै लुतो कन्याउने रहर जागेको छ-
स्वतन्त्र नामको लुतो !
न आउन जानेको छ, न हराउन जानेको छ
अफ्टेरो ठाउँको यो लुतोलाई पनि
खुसी मानी कन्याइदैछ
ज्यानै खुल्काउने गरी !
हामी लुतो कन्याएर
मज्जा लिने नागरिक हौं !!
विश्व मानचित्रमा हेर्नू-
लुते नागरिकहरु नै
बढ्ता उफ्रिरहेका हुन्छन्,
कहिले स्वाभिमानको नाममा
कहिले राष्ट्रवादको नाममा
कहिले वीरताको नाममा
त
कहिले मूर्खताको नाममा !
यिनीहरु थाहै पाउँदैनन्
कुन पीडाले उफ़्रिरहेछन्, कराइरहेछन् !!
जुन दिन थाहा पाउनेछन्,
त्यो दिन यिनीहरुको शरीर सकिने छ !!!

✍️हेमन्त गिरी

17/07/2023

कृष्ण कुसुमको "अनपेक्षित सपना"

17/07/2023

२०६३ सालमा गणतन्त्र आउँदा जन्मेका केटाकेटीहरू अहिले १६ वर्षका भए । कम्तीमा २०५८ तिर जन्मेकाहरूलाई पनि सशस्त्र द्वन्द्वकालीन समस्या वा तत्कालीन समयका नेताको त्याग याद छैन । झन् त्यो भन्दा अगाडिको २०४६ को आन्दोलन त उनीहरूलाई याद हुने कुरै भएन । त्यसैले पञ्चायतकालमा संघर्ष गर्नेहरूको कथा अब बिरानो भइसक्यो । त्यो अघिको झापा विद्रोह, राणाविरोधी आन्दोलन, जनमतसंग्रह त इतिहासमा फाट्टफुट्ट पढ्ने मात्रै हो । त्यसो हुँदा अधिकांश युवा मतदातालाई राजनीतिक त्याग भनेको जेल बस्नु हो, प्रहरीको ज्यादती भोग्नु हो वा सामन्तसंग लड्नु हो भन्ने परेकै छैन । विकसित विदेशको प्रगति र राजनीति देखेको यो पुस्ताले पत्याउँछ त नयाँ पुस्तालाई नै । काँग्रेसमा गगन, विश्वप्रकास, प्रदीपलाई खोज्छ, एमालेमा गोकर्ण विष्ट, योगेश भट्टराई, माअोवादीमा लेखनाथ न्यौपाने, दीपशिखा जस्ता युवा खोज्छ । ती अगाडि आउन नपाउँदा नयाँ पुस्ताले बालेन खोज्यो । पुराना पार्टीले बुझेनन् । अहिले तोसिमा, सोविता, रञ्जिता श्रेष्ठ वा सिके राउतहरू खोजेको छ । अब ५ वर्षमा २०६३ पछिको मतदाताको संख्या भारी हुनेछ । हेर्दै जानुहोला - ठूला पार्टीले नयाँ पुस्तालाई नेतृत्वमा ल्याएनन् भने ५ वर्षपछि यी कुनै पार्टी ठूला रहन्नन् । राष्ट्रिय दल अरू नै बन्नेछन् !!!
#नीजि_विचार

14/07/2023

https://www.facebook.com/100002669678206/posts/6322017594563834/?sfnsn=mo&mibextid=6aamW6

09/07/2023

आकास बरालको उपन्यास #स्पर्श को दोस्रो संस्करण हामीसंग उपलब्ध छ । सम्पर्क : 9823037359

26/06/2023

https://m.facebook.com/story.php?story_fbid=170172169370916&id=100091344024934&sfnsn=mo&mibextid=6aamW6

यरिक नोगेन

21/06/2023

https://m.facebook.com/story.php?story_fbid=1526638321201158&id=100015650147101&sfnsn=mo&mibextid=6aamW6

12/06/2023

अनेकौं बाध्यताले परदेश लागेपछि आफ्नो इच्छा, चाहना र सपनाहरूको दागबत्ती दिनेहरु म जसताहरुको माझबाट एक जना मान्छेले आफ्नो मनलाई सुनेर, मनकै आदेशमा लेखिरहनु भयो। अनेकौं त्यस्ता मान्छेहरुबाट म यतिबेला मित्र Meenraj Basanta "मुदिर" लाई सम्झिदैं तपाईंको कृति सुलभ सबैको लागि प्रिय बन्न सफल बनोस कामना गर्दछु सर शोभाराम ओली 🙏

कार्यक्रम सफलताको शुभकामना ।

11/06/2023

03/06/2023

अर्को नयाँ उपन्यास - "चौथो जून" बजारमा आएको छ । सम्पर्क 9823037359

03/06/2023

कतारमा विमोचन - शोभाराम ओलीको #सुलभ

31/05/2023

30/03/2023

भारी छुटका साथ ७ पुस्तकको कम्बो तपाईंको घर घरमा । एकमुष्ठ रू. १२५० मा । फोन वा एसएमएस गरेर आजै अर्डर गर्नुहोस् । मोबाइल नम्बर 9823037359 ।
उपन्यास तथा उत्कृष्ट गजलहरूसहित गजल लेख्ने तरिका उल्लेख गरिएका पुस्तकहरू ।

A publication house which mainly deals with nepali literature, established with the purpose of
boosting 'reading trend' in youth and focuses on new comers.

26/03/2023

नारी प्रतिबिम्बित समाजिक यथार्थ चित्रण गरिएको काभ्रेली नारी अनुशा हुमागाईद्वारा लिखित , 'ब्युझिएको सास' उपन्यास सार्वजनिक भएको छ तथा पाठकहरुको आकर्षण बनी मन जित्न सफल पनि भएको छ।❣️

11/03/2023

भर्खरै बजारमा आएको पुस्तक 'ब्यॅुझिएको सास’(Bulbul Publication) हात परेको छ ।

यस पुस्तकमा महिलाहरूका दु:ख,वेदना र विरहकामात्र होइन साहश र गौरभका कुरा धेरै छन् भन्ने आशा गरेको छु ।

यहाँहरूलाई पनि पढ्ने इक्षा भएमा खबर गर्नु ल ।

01/03/2023

ब्युँझिएको सास ।

-अनुशा हुमागाईं

18/02/2023

बुलबुल पब्लिकेशनका पुस्तकहरू कम्बो प्याकमा होम डेलिभरी । नयाँ तथा पुराना ३ उपन्यास र १ कथासंग्रहका साथ दुई उत्कृष्ट गजल संग्रहसमेत । गजल लेख्न सिक्नेहरूका लागि तरिकासहितको पुस्तक । अर्डरका लागि सम्पर्क 9823037359 मा फोन वा एसएमएस गर्नुहोस् ।

13/02/2023

होम डेलिभरीका लागि हामीलाई फोन वा एसएमएस गर्नुहोस् ।
Contact 9823037359
HAPPY VALENTINE DAY.

12/02/2023

बजारमा आजदेखि नयाँ उपन्यास आएको छ । अनुशा हुमागाईंको उपन्यास ब्युँझिएको सास बुलबुल पब्लिकेशनका पुस्तक पाइने पसलहरुमा गएर किन्न सक्नुहुन्छ । वितरण वा होम डेलिभरीका लागि 9823037359 मा फोन वा एसएमएस गर्नुहोला ।

08/02/2023

#इन्दिरा उपन्यासका लेखक कमल पराजुलीको आज परेको जन्मदिनका अवसरमा उहाँको सुस्वास्थ्य, दीर्घायु र उत्तरोत्तर प्रगतिको कामना गर्दछौँ ।
- बुलबुल पब्लिसकेशन परिवार
- एडीबी पब्लिकेशन परिवार

06/02/2023

#स्पर्श उपन्यासको दोस्रो संस्करण बजारमा उपलब्ध छ ।
चाँडै बुलबुल पब्लिकेशन र एडीबी पब्लिकेशनका कम्बो प्याकेजहरू लिएर आउँदैछौँ । प्रतीक्षा गर्नुहोला ।

डेलिभरी वा विस्तृत जानकारीका लागि सम्पर्क 9823037359

18/01/2023

राम्रा पुस्तकका लागि ठूलो पुरस्कार भनेको उसका पाठकले निरन्तर पच्छ्याइरहनु हो । साहित्यकर्मीहरुले देखिरहनु हो । साहित्यपोस्ट परिवार र यसका सम्पादक अश्विनीजीलाई हार्दिक धन्यवाद ।

कथाले पात्रलाई भन्दा पनि पाठकलाई तनाव दिन थाल्छ । पाठक नचाहँदा नचाहँदै पनि नायकको सहयोगका लागि तथ्यको खोजी गर्न .....

03/11/2022

"झुमर" कृतिबाट ५ प्रश्नको सही उत्तर दिनुहोस्, पुरस्कार जित्नुहोस्।

प्रश्न नं १: "झुमर" पुस्तकमा झुमरको थर के रहेको छ?

प्रश्न नं २: हाकुको वास्तविक नाम के हो?

प्रश्न नं ३: न्युयोर्कमा रहेको नेपाली कटेज/होटलको नाम के हो? (नेपाली ______ अचार)

प्रश्न नं ४: झुमरको साथि जयन्तीको श्रीमानले कुन कलेज पढाउनुहुन्छ?

प्रश्न नं ५: रौनकले विषसेवन गरेपछि कुन अस्पतालमा भर्ना गरिएको थियो?

(माथिका प्रश्नहरु कवि/उपन्यासकार सिम्रन क्षेत्री ज्यूको कृति "झुमर" बाट लिईएको हो र त्यसै कृतिमा रहेर उत्तरहरु दिन अनुरोध गर्दछौं।)

👉 पुरस्कार राशि रु: ३०० रहेको छ।
👉 बिजेतालाई रु: ३०० मोबाइलमा रिचार्ज गरिनेछ।
👉 एकजना भन्दा धेरैले सही उत्तर दिनुभएमा गोला प्रथाबाट विजेता छनौट गरिनेछ।
👉 यस कार्यक्रमको समय भोलि बेलुका नेपाली समयअनुसार ८ बजेसम्म रहनेछ र भोलि ८ बजे नै विजेता घोषणा गरिनेछ।

नेपाली कला र साहित्य, नेपालीको शान।
पठन संस्कृतिको विकास हाम्रो अभियान।

||| धन्यवाद ाहित्य |||