https://www.facebook.com/100132905846877/

Nepal Drishti

Home
Nepal
Kathmandu
Nepal Drishti

नेपाल र नेपाली समाजको तेस्रो आँखा ।

19/09/2024

संविधान दिवस (राष्ट्रिय दिवस) को अवसरमा सम्पूर्ण नेपालीहरुमा हार्दिक शुभकामना ।

24/07/2024

उड्ने बित्तिकै दाहिनेतिर मोडिने क्रममा विमान दुर्घटना, १८ जनाको मृत्यु भएको पुष्टि (विवरणसहित)
मार्गदर्शन

काठमाडौं । नेपाल नागरिक उड्डयन प्राधिकरणले सौर्य एयरलाइन्सको जहाज दुर्घटना हुँदा १८ जना मृत्यु भएको पुष्टि गरेको छ ।

बु्धबार बिहान जहाज दुर्घटना हुँदा १८ जनाको मृत्यु र एक जना घाइते भएको प्राधिकरणको खोज तथा उद्धार समन्वय केन्द्रले विज्ञप्तिमार्फत जानकारी दिएको हो ।

प्राधिकरणका अनुसार अनुसार बिहान ११:११ बजेमा पोखरा उडानको क्रममा उड्ने बितिकै दाहिनेतिर मोडिने क्रममा रनवेको पूर्वतिर दुर्घटनाग्रस्त भएको उल्लेख गरेको छ ।

विमानमा पाइलट मनिष रत्न शाक्य र को-पाइलट एस कटवाल रहेका थिए । पाइलट मनिषको हाल केएमसी अस्पतालमा उपचार भइरहेको छ ।

त्यसैगरी जहाजमा अमितमान महर्जन, सागर आचार्य, दिलिप बर्मा, मनुराज शर्मा, अस्बिन निरौला, सुदिपलाल जोशी, सर्वेश मरासैनी, श्याम बिन्दुकार, नवराज आले, राजाराम आचार्य, प्रिज्जा खतिवडा ,अधिराज शर्मा, उद्वव पुरी, यज्ञप्रसाद पौडेल, सन्तोष महतो, पून्यरत्न शाही र अर्का विदेशी नागरिक आरेफ रेडा सवार रहेका थिए ।

उनीहरु सबैजना एयरलाइन्सका प्राविधिक कर्मचारी भएको बुझिएको छ ।

24/07/2024

सौर्य एयरको विमान दुर्घटनास्थलबाट चार जनाको उद्धार गरियो : प्रहरी

काठमाडौँ । सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ ।

उद्धार गरिएका ३ जनाको टिचिङ अस्पतालमा उपचार भइरहेको र एक जनाको केएमसी अस्पतालमा उपचार भइरहेको नेपाल प्रहरीले जनाएको छ । केएमसीमा विमानका पाइलट मनिष रत्न शाक्यको उपचार भइरहेको छ ।

अहिलेसम्म १५ जनाको शव निकालिएको र अहिले शव टिचिङ अस्पताल लैजादै गरिएको प्रहरीले जानकरी दिएको छ ।

विमानलाई काठमाडौँबाट पोखरा मर्मतका लागि लैजाने क्रममा दुर्घटना भएको हो । विमानमा १९ जना एयरलाइन्सकै कर्मचारी भएको प्रहरीले जनाएको छ ।

यसअघि १८ जनाको शव निकालिएको खबर आएको थियो ।

24/07/2024

सौर्य एयर दुर्घटना अपडेट: १८ जनाको शव निकालियो

काठमाडौं । त्रिभुवन विमानस्थलमा सौर्य एयरलाइन्सको विमान दुर्घटनामा परेका १८ जनाको शव निकालिएको छ ।

विमानस्थल कार्यालयका अनुसार पाइलट मनिष रत्न शाक्यको सकुशल उद्धार गरेर अस्पताल लागिएको छ भने विमानमा रहेका बाँकी १८ जनाको मृत्यु भएको छ ।

विमानमा रहेका यात्रुहरु मध्ये धेरै जसो एयरलाइन्सकै प्राविधिक कर्मचारी रहेको बुझिएको छ ।

काठमाडौँबाट पोखरा उड्ने क्रममा धावनमार्गबाट चिप्लिएर विमान दुर्घटनामा परेको हो । विमानलाई मर्मतका लागि पोखरा लैजान लागिएको बताइएको छ ।

24/07/2024

जहाज दुर्घटना : क्याप्टेन थापालाई उपचारका लागि केएमसी लगियो

काठमाडौं । त्रिभुवन अन्तर्राष्ट्रिय विमानस्थलमा सौर्य एयरलाइन्सको जहाज दुर्घटना हुँदा घाइते भएकाले क्याप्टेन मनिष थापालाई उपचारका लागि केएमसी अस्पताल लगिएको बताइएको छ ।

दुर्घटनाका कारण लागेको आगो नियन्त्रणमा आएपनि विमान पूर्णरुपमा जलेको छ ।

काठमाडौंबाट पोखराका लागि उडेको सौर्य एअरलाइन्सको ९एन–एएमई जहाजमा १९ जना यात्रारत रहेको बुझिएको छ ।

घटनाको थप विवरण आउन बाँकी छ।

21/07/2024

प्रधानमन्त्री ओलीले पाए विश्वासको मत, पक्षमा १८८ सांसद

काठमाडौँ । प्रधानमन्त्री केपी शर्मा ओलीले विश्वासको मत पाएका छन् । प्रतिनिधि सभाको आजको बैठकमा प्रधानमन्त्री ओलीले विश्वासको मत पाएका हुन् ।

गत असार ३० गते संबिधानको धारा ७६ को उपधारा २ बमोजिम प्रधानमन्त्रीमा नियुक्त भएका ओलीले आज विश्वासको मत लिएका हुन् ।

आजको विश्वासको मतको प्रक्रियामा कुल २६३ सांसद उपस्थित रहेकोमा पक्षमा १८८ मत परेको छ । त्यस्तै विपक्षमा ७४ मत परेको थियो । त्यस्तै मत दिन्न भन्ने पक्षमा १ मत परेको सभामुख देवराज घिमिरेले जानकारी दिएका छन् ।

योसँगै प्रधानमन्त्री ओलीले दुई तिहाई सांसदको विश्वास जितेका छन् । उनलाई नेपाली काँग्रेस, नेकपा एमाले, जसपा, जसपा नेपाल, नाउपा, लोसपालगायत दुई स्वतन्त्र सांसदले मत दिएका थिए । त्यस्तै उनको प्रस्तावको विपक्षमा माओवादी केन्द्र, रास्वपा, एकीकृत समाजवादी, राप्रपा, जनमोर्चा रहेका थिए ।

14/07/2024

Congratulations and best wishes to KP Sharma Oli for being appointed as Prime Minister.

14/07/2024

ओली प्रधानमन्त्रीमा नियुक्त, सोमबार सपथ

काठमाडौं । प्रधानमन्त्रीमा केपी शर्मा ओली नियुक्त भएका छन् । आइतबार राष्ट्रपति रामचन्द्र पौडेलले संविधानको धारा ७६(२) अनुसार ओलीलाई प्रधानमन्त्री नियुक्त गरेका हुन् ।

ओलीले एमालेका साथै नेपाली कांग्रेसलगायत दलको समर्थनमा प्रधानमन्त्रीमा दाबी पेस गरेका थिए ।

शुक्रबारको प्रतिनिधि सभा बैठकमा पुष्पकमल दाहाल प्रचण्डले विश्वासको मत नपाएपछि सोही दिन राष्ट्रपति पौडेलले धारा ७६(२) अनुसार दुई वा दुईभन्दा बढी दलको समर्थनमा प्रधानमन्त्रीमा दाबी पेस गर्न आह्वान गरेका थिए ।

राष्ट्रपतिको आह्वान लगत्तै ओलीले दाबी पेस गरेका थिए । प्रधानमन्त्री नियुक्त भएका ओलीको भोलि बिहान ११ बजे शपथको कार्यक्रम तय भएको छ ।

12/07/2024

बाढी, पहिरो लगायतका विपद्‍मा परी एक महिनामा १०३ जनाको मृत्यु

काठमाडौं । अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढी, पहिरो लगायतका विपद्‍मा परी शुक्रबार दिउँसोसम्म १ सय ३ जनाको मृत्यु भएको छ ।

बाढी, पहिरो लगायतका विपद्‍मा परी काठमाडौं उपत्यकामा १ जना, कोशी प्रदेशमा १९ जना, मधेश प्रदेशमा ५ जना, बागमती प्रदेशमा ६ जना, गण्डकी प्रदेशमा ३८ जना, लुम्बिनी प्रदेशमा २३ जना, कर्णाली प्रदेशमा ४ जना र सुदूरपश्चिम प्रदेशमा ७ जना गरी जम्मा १ सय ३ जनाको मृत्यु भएको हो ।

साथै काठमाडौं उपत्यकामा ३ जना, कोशी प्रदेशमा ३१ जना, मधेश प्रदेशमा ८ जना, बागमती प्रदेशमा ४ जना, गण्डकी प्रदेशमा २८ जना, लुम्बिनी प्रदेशमा ९ जना, कर्णाली प्रदेशमा १५ जना र सुदूरपश्‍चिम प्रदेशमा ११ जना गरी जम्मा १ सय ९ जना घाइते भएका छन् । घाइतेहरूलाई उपचारको लागि स्थानीय अस्पताल लगिएको छ । साथै कोशी प्रदेशमा ४१ जना, गण्डकी प्रदेशमा १२ जना गरी जम्मा ५३ जनाको उद्दार गरिएको छ । बाढी पहिरोमा परी कोशी प्रदेशमा २ जना, बागमती प्रदेशमा २ जना र गण्डकी प्रदेशमा १ जना र सुदूरपश्‍चिम प्रदेशमा १ जना गरी ६ जना वेपत्ता भएका छन् । वेपत्ताको खोजी कार्य जारी छ ।

बाढीको कारण जम्मा १ सय ८२ घर डुबानमा परेका छन् । १ सय ८९ वटा घर, ७२ वटा गोठ, ४१ वटा पुल, १ वटा विद्यालय र २ वटा सरकारी कार्यालयमा क्षति पुगेको छ । ५ सय ९ वटा पशु चौपायको मृत्यु भएको छ । उक्त अवधिमा विपद्‍का घटनाबाट ३ हजार ५ सय ४७ घर परिवार विस्थापित भएका छन् ।

साथै बाढी पहिरोको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, पहिरोमा पुरिएका धनमाल निकालेर सुरक्षा गर्ने काम समेत विभिन्न निकाय र स्थानीयबासीको समन्वय र सहयोगमा गर्नुका साथै विभिन्न स्थानमा भएको बाटो अवरोध हटाउने कार्य समेत प्रहरीले गरिरहेको जनाएको छ ।

12/07/2024

प्रधानमन्त्री प्रचण्डले विश्वासको मत पाएनन्, अब ओली नेतृत्वको सरकार बन्दै

प्रधानमन्त्री पुष्पकमल दाहालले पाँचौँ पटक प्रतिनिधिसभाबाट विश्वासको मत मागे । चार पटकसम्म विश्वासको मत पाएका प्रधानमन्त्री दाहालले पाँचौ पटक विश्वासको मत नपाएपछि पदबाट मुक्त स्वतः मुक्त भएका छन् ।
आज संसदमा २५८ उपस्थित सांसद उपस्थिति थियो । जसमध्ये प्रधानमन्त्री दाहालले राखेको विश्वासको प्रस्तावका पक्षमा ६३ मत मात्र परेको छ भने उनको विपक्षमा १९४ मत परेको छ । १ सांसदले कसैलाई पनि मत दिएनन् । विश्वासको मत पाउन कम्तिमा १३८ मत चाहिन्थ्यो । वहुमतका लागि आवश्यक मत नआएपछि सभामुखले प्रधानमन्त्री दाहालले राखेको प्रस्ताव वहुमतबाट अस्वीकृत भएको घोषणा गरेका छन् ।

पहिलो पटक झण्डै शतप्रतिशत अर्थात २०७९ पुस २६ गते २६८ मत पाएका प्रधानमन्त्री दाहालले दोस्रो पटक २०७९ चैत ५ मा १७२ मत पाएका थिए ।
त्यस्तै तेस्रो पटक २०८० फागुन ३० गते १५७ मत पाएका थिए भने चौथो पटक २०८१ जेठ ७ गते १५७ मत पाएका थिए । पाँचौँ पटक २०८१ असार २८ गते आज ६३ मत मात्र पाएपछि प्रधानमन्त्रीबाट हट्नु परेको छ ।

अब संसदका दुई ठूला पार्टी नेपाली कांग्रेस र नेकपा एमालेको नेतृत्वमा अन्य साना पार्टीहरु समेत सम्मिलित सरकार बन्दैछ । नेकपा एमालेका अध्यक्ष केपी शर्मा ओलीको नेतृत्वमा दुई तिहाई सांसदको समर्थनको सरकार बनाउने प्रक्रिया आझैबाट शुरु हुने छ ।

नयाँ सरकार संविधानको कुन धारा अनुसार बनाउने भनेर राष्ट्रपति रामचन्द्र पौडेलले संविधानविदहरुसँग छलफल शुरु गरेका छन् । कांग्रेस–एमाले गठवन्धनले संविधानको धारा ७६ को उपधारा २ बमोजिम नै सरकार बन्ने बताएका छन् भने प्रधानमन्त्री पुष्पकमल दाहाल प्रचण्ड र उनको पार्टीलगायतका अहिले सत्तामा बाँकी रहेकाहरुले धारा ७६ को उपधारा ३ वमोजिम बन्नु पर्ने र २ अनुसार बने असंवैधानिक हुने तर्क गरेका छन् ।

कुन धारा अनुसार बन्ने भन्ने विवाद रहेकाले राष्ट्रपतिले संविधानविद्हरुसँग छलफल गरिरहेको बताइएको छ । तर अधिकांस संविधानविद्ले पनि धारा ७६ को उपधारा २ अनुसार नयाँ सरकार बन्न सक्ने तर्क गरेका छन् ।

संविधानको धारा ७६ को उपधारा ३ वमोजिम सरकार बन्न आवहान भएमा संसदको ठूलो दलको संसदीय दलको नेताका नाताले शेरबहादुर देउवा प्रधानमन्त्री हुनेछन । तर संविधानविद्हरुको तर्क र कांग्रेस- एमालेको सहमति अनुसार ओलीकै नेतृत्वमा सरकार बन्ने लगभग निश्चित छ ।

12/07/2024

पहिरोले वस त्रिशुलीमा खस्दा बेपत्ता भएका ५४ जनामध्ये १७ जना यात्रुको नाम खुल्यो

नारायणगढ–मुग्लिन सडकको सिमलतालमा लेदोसहितको पहिरोले दुईवटा बस बगाएर त्रिशूली नदीमा बेपत्ता भएका छन् । प्रहरीले दुवै बसमा ५४ भन्दा बढी यात्रु रहेको अनुमान गरेको छ । बेपत्ता भएका ५४ जनामध्ये १७ जना यात्रुको नाम खुलेको छ।

प्रहरीका अनुसार काठमाडौंबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल बस त्रिशूलीमा खसेको बताएको छ । एउटा बसमा गाडी धनी पनि रहेका प्रहरीले जनाएको छ।

उक्त बसका चालक, सहचालक पनि यात्रुसँगै नारायणीमा बेपत्ता छन् । बेपत्ता हुनेमा कम्तिमा पनि ६ जना भारतीय बताइएको छ । अहिले नेपाली सेना र सशस्त्र प्रहरी बलको गोताखोर सहित ७० जनाको टोलीले नदीमा बेपत्ताको खोजी थालेका छन् ।

यसै बीच प्रधानमन्त्री पुष्पकमल दाहाल प्रचण्डले पहिरोले दुई वटा बस बगाएको घटनाप्रति दुख व्यक्त गर्दै बेपत्ताको खोजी र उद्धार गर्न गृहप्रशासनलाई निर्देशन दिएको बताएका छन् ।

10/07/2024

मंगलबार रुपन्देहीका प्रजिअको कार्यकक्षमा मृतकका परिवारलाई ब्लडमनी बापतको ४६ लाख २५ हजार रुपैयाँ मृतक दुर्गा प्रसाद शर्माकी श्रीमती सीता शर्मालाई हस्तान्तरण गरियो ।

ब्लडमनी बाफतको रकम बुझ्दै गर्दा मृतक दुर्गाकी पत्नी सीता भक्कानिएकी थिइन् । त्यहाँ उपस्थित सबै स्तब्ध भए । ‘जागिरे जीवनमा पहिलोपटक म पनि भक्कानिएँ,’ रुपन्देहीका प्रमुख जिल्ला अधिकारी गणेश अर्यालले भने, ‘अर्कोतिर मृत्युदण्डको मुखमा पुगेका युवकलाई बचाउन सकेकोमा जीवनमै सबैभन्दा खुशी पनि भएँ ।’

आशा मारिसकेका पति रामआशिष यादवलाई रुपन्देहीका प्रजिअ र व्यवसायीले जीवनदान दिन पहल गरेको भन्दै रेनुका पनि खुसीका आँसु झरे । ‘तपाईहरु नभएको भए मेरो श्रीमान् फाँसीको सजायबाट उम्कन सक्ने थिएन, हाम्रो परिवारको लागि सिडियो साब भगवान हो,’ रेनुले रुँदै भनिन् ।’

२०१८ को अक्टोबर ६ तारिखमा कोठामै खानपान गरेर रमाइरहेकै बेला उनीहरुबीच सामान्य विवाद भयो । त्यस क्रममा रामआशिषले दुर्गालाई छुरा हाने । दुर्गाको घटनास्थलमै मृत्यु भयो ।

हत्या अभियोगमा साउदीको ताबुक क्रिमिनल कोर्टले सन् २०२० को २० डिसेम्बरमा राम आशिषलाई ५ वर्ष कैद सजायको फैसला गर्‍यो । ५ वर्ष पछि दुवै जनाको परिवारको बीचमा ब्लडमनीमा सम्झौता नभए अन्तिम विकल्प फाँसी दिने पनि अदालतको फैसला थियो ।

दुबै पक्षबीच सहमति भएसँगै रामआशिषले मृत्युदण्डबाट छुटकारा पाउने निश्चित भएको प्रजिअ अर्यालले बताए । ब्लडमनी पाएपछि रामआशिष र मृतक दुर्गाप्रसादको परिवारबीच भएको सम्झौताको कागजात कन्सुलर विभाग हुँदै साउदी पठाइने प्रजिअ अर्यालले बताए ।

09/07/2024

"रवि लामिछाने क्लबबाट निकालिएकाे हुँ, रास्वपाभित्र घण्टी बज्न रोकिँदैन"

05/07/2024

कांग्रेस एमालेबीचको नयाँ सम्झौताप्रति कांग्रेस नेता डा. शशांक कोइरालाले असन्तुष्टि जनाउनु, प्रधानमन्त्रीले विश्वासको मत लिनु, माधव नेपालले सरकारले संसदको सामना गर्नुपर्छ भन्नु अर्थविनाको तर्क ।

05/07/2024

सभापति रविको बोलीमा लगाम लगाउन खोज्दा महामन्त्री मुकुलको मुखमा चुकुल

02/07/2024

कांग्रेस- एमालेसँगको सहमतिपछि सामाजिक सञ्जाल मार्फत डा. बाबुराम भट्टराईले प्रचण्डलाई लक्षित गर्दै भनेका छन्- ‘केहीलाई सधैँभरी ठग्न सकिन्छ, सबैलाई केहीबेर ठग्न सकिन्छ तर सबैलाई सधैंभरी ठग्न सकिन्न । सन्दर्भ बुझौं !’

02/07/2024

यो कुरा सही हो ? कस्तो लाग्छ तपाईलाई ?

02/07/2024

एमाले अध्यक्ष ओलीलाई झापाको गिरीबन्धु टी-स्टेट काण्डमा करोडौँ घोटाला गरेको आरोप लगाउँदै आएका काठमाडौँ महानगरपालिकाका मेयर बालेन्द्र शाह (बालेन)ले कांग्रेस-एमालेको नयाँ गठबन्धनप्रति व्यंग्य गरेका छन् ।

मंगलबार बिहान सामाजिक सञ्जालमार्फत् उनले नयाँ सत्ता समीकरणको तयारीमा रहेका एमाले अध्यक्ष केपी ओली र कांग्रेस सभापति शेरबहादुर देउवालाई व्यंग्य गरेका हुन् ।
‘यो समय गिरिबन्धु चियाको हो,’ बालेनले सामाजिक सञ्जालमा दुई नेताको तस्बिर पोस्ट गर्दै लेखेका छन्, ‘काले काले मिलेर खाऊँ भाले !’

***n

Address

Kathmandu

Website

facebook.com

Alerts

Be the first to know and let us send you an email when Nepal Drishti posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nepal Drishti:

Videos

सांसद केसीले भन्न खोजेको आफै मिलाएर बुझ्नुहोस् #nepaldrishti #nepalnews #samsad #arjunnarsingkc #subashnewang

सांसद सोविता गौतमका दोग्ला कुरा #nepaldrishti #SobitaGautam #RabiLamichhane #samsad #nepalnews

रामकुमारी झाक्रीलाई श्रीमानले नै नेकपा एस जस्तो पार्टीमा के चुनाव लड्छौं भनेपछि.. #Ramkumarijhakri #nepaldrishti

राष्ट्रिय प्रजातन्त्र पार्टीकी नेतृ एवं प्रतिनिधि सभा सदस्य अनिशा नेपालीले सरकारले फरक–फरक दुर्घटनामा निधन भएकाहरुप्रति विभेद गरेको टिप्पणी गरेकी छिन् । आइतबार प्रतिनिधि सभाको बैठकलाई सम्बोधन गर्दै उनले सौर्य एयरलाइन्सको विमान दुर्घटनामा निधन भएकाहरुप्रति मन्त्रिपरिषद्ले शोक प्रस्ताव पारित गरेको र झण्डा आधा झुकाएको स्मरण गराउँदै उनले सिमलताल दुर्घटनाबारे सरकार मौन रहेको बताईन् । #nepaldrishti #reelsviralシ #foryouシ #KPOli #anishanepai

पूर्वमन्त्री तथा सांसद वीरेन्द्र महतोले पाँच हजार घुस खुवाएको खुलासा #nepaldrishti #reelsviralシ #foryouシ #KPOli #birendramahato

कांग्रेस–एमाले सहकार्य रहस्यमय : प्रचण्ड #nepaldrishti #foryouシ #Prachanda #KPOli #SherBahadurDeuba #reelsviralシ

भगवान भण्डारी र आशा विसीबीचको घमासान #nepaldrishti #reelsviralシ #foryouシ #bhagawanbhandari #aashabc

प्यूठानको ऐरावती गाउँपालिका–६ मा ३० वर्षीया जीवा विकलाई प्रसूति गराउन धरमपानी स्वास्थ्यचौकीमा ल्याइएको थियो । सुत्केरी महिलालाई नछुने रुढीवादी मान्यताका कारण कोही अघि नसरेपछि महिला स्वास्थ्यकर्मीले जीवालाई स्टेचरमा बोकेर करिब साढे दुई किलोमिटर मल्लरानी गाउँपालिका–३, स्थित हेल्थपोष्टबाट घर लगेका छन् । #nepaldrishti #foryouシ #reelsviralシ #RabiLamichhane #Prachanda

रविको हिम्मत ? अझै ७ दिन छ फायल खोलौं ः ज्ञानेन्द्र #nepaldrishti #reelsviralシ #gyanendrashahi #RabiLamichhane #Prachanda #foryouシ

भन्न खोजेको कुरा आफै मिलाएर बुझ्नु होला । #nepaldrishti #reelsviralシ #reelsfacebook #viralshorts #samsad

प्रचण्ड भन्छन् #nepaldrishti #Prachanda #reelsfacebook #reelsviralシ #KPOli #viralshorts

समीक्षा अधिकारीको तीज गीत–२०८१ #nepaldrishti #SamikshyaAdhikari #song #nepalisong #Teejsong

Nepal Drishti

19/09/2024

24/07/2024

24/07/2024

24/07/2024

24/07/2024

21/07/2024

14/07/2024

14/07/2024

12/07/2024

12/07/2024

12/07/2024

10/07/2024

09/07/2024

05/07/2024

05/07/2024

02/07/2024

02/07/2024

02/07/2024

Address

Website

Alerts

Contact The Business

Videos

Shortcuts

Share

Category