कचनकवल दैनिक - Kachan Kawal Dainik

14/01/2024

राष्‍ट्रिय भाक्का दिवसको शुभकामना।

01/01/2024

इतिहासमा आज:
तत्कालीन राजा वीरेन्द्र वीरविक्रम शाह, रानी ऐश्‍वर्य राज्यलक्ष्मी शाह र युवराज दीपेन्द्र शाहको नेपालको होचो भूभाग कचनकवल भ्रमण हुँदा तत्कालीन केचना गाविसको आगन्तुक पुस्तिकामा भएको दस्तखत नमुना रेकर्ड।

22/12/2023

आज बिहान पथरिया उच्च माविमा अध्ययनका लागि जाँदै गरेका ३ जना विद्यार्थीहरूको कचनकवल-१, घोडामारा हुँदै डाँगीबारी जाने सडकको सालको रुखनिकट एक जङ्गली हात्तीसँगको जम्काभेटमा एक जना सामान्य घाइते भए तापनि तीनैजना सकुशल विद्यालयतिर लागेका छन्। एउटा ठूलाे दुर्घटना टरेको छ।

22/11/2023

कचनकवल गाउँपालिकाले हरिबोधनी एकादशीमा नभएर सो पर्व सकिएको भोलिपल्ट बिदा दिएको छ। स्थानीय बिदाका दिन वडा कार्यालय, स्वास्थ्य संस्था, विद्यालय बन्द रहने गाउँपालिकाका सूचनामा उल्लेख छ।

21/11/2023

श्री स्वर्णिम शिक्षा सदन मावि, कचनकवल-२(सुकुनाडिगी) मा निम्नानुसारको आवेदन खुलेको हुनाले इच्छुकले सम्पर्क गर्नुहोला।

20/11/2023

कचनकवल-३, दुर्गाभिट्टामा हरि तामाङ नाम गरेका व्यक्ति मृत अवस्थामा फेला परेका छन्। प्रारम्भिक अनुसन्धानमा उनले घाँटीमा खुकुरी प्रहार गरी आत्महत्या गरेको बुझ्न सकिन्छ।

19/11/2023

कचनकवल-४, केचनाको पोखरीमा आज साँझ देखिएको छठ पर्वको रमझम।

17/11/2023

आगलागी अपडेट:
आज बिहान कचनकवल-३ का स्थानीय मुनिम मियाका घरमा लागेको आगलागीबाट निजका घर, मोटरसाइकल, अन्‍नपात तथा कागजपत्र जलेर नष्‍ट भएका छन् भने मानवीय क्षति भने भएको छैन।
पटेका पड्काउँदा आगलागी भएको भन्‍ने अनुमान लगाइए तापनि आगलागीको ठोस कारण भने खुलिसकेको छैन।

17/11/2023

Breaking:
कचनकवल-३ स्थित मुस्लिम टोलमा आगलागी भएको छ। वारुणयन्त्रका सहायताले आगो नियन्त्रणमा आएको छ। आगलागीको कारण खुलिनसकेको र थप विवरण आउन शेष रहेको प्रहरीले जनाएको छ।

17/10/2023

यही कार्तिक १ गतेदेखि कचनकवल गाउँपालिकाभित्र माछाको बिक्रीवितरणमा रोक लगाउने निर्णय गाउँपालिकाको गत २४ गते बसेको बैठकबाट भएको छ।
भारतबाट लुकीछिपी मरेका माछा ल्यायी बिक्री हुने गरेकालाई आधार राख्दै उक्त निर्णय लिइएको हो।

12/10/2023

कचनकवल-१, घेराबारीमा बसोबास गर्ने प्रदीपनारायण राजवंशीको दुवै मिर्गौलाले काम नगरेका हुनाले ओम् साईँ पाथिभरा अस्पतालमा उपचार गराउने क्रममा मिर्गौला प्रत्यारोपण काठमाडौँमा गर्नुपर्ने भएको र घरको आर्थिकस्तर निम्न भएको हुँदा उपचारमा कठिनाइ भएको र निजलाई उपचारका लागि यथाशक्य सहयोग गरिदिन हुन सबैमाझ हार्दिक अनुरोध गरिन्छ।

खाता नम्बर: २०३५ ७५२९ ४११८६ ००१ (प्रदीपनारायण राजवंशी, एनआईसी एसिया)
सम्पर्क नम्बर: ९८२६०९०२४४

11/10/2023

लक्ष्मीप्रसाद देवकोटा मावि, कचनकवल-२ को कक्षा ११-१२ को हिजो स्थगित भएको परीक्षाका विषयमा स्पष्‍टीकरण दिँदै शिक्षक भीम राई।

सन्दर्भ: हिजोको परीक्षा हुने विषयका शिक्षक भीम राईले प्रश्‍नपत्र उपलब्ध नगराउँदा परीक्षा स्थगित भएको थियो।

10/10/2023

कचनकवल-२ अवस्थित लक्ष्मीप्रसाद देवकोटा माविको कक्षा ११ र १२ को आज(मङ्गलवार) हुने भनिएको परीक्षा स्थगित भयो।

यस विषयमा व्यङ्ग्य हान्दै सो विद्यालयका एक छात्र लेख्छन्, "अरू त उत्तरपुस्तिकामा उत्तर लेखेर विद्यालयलाई बुझाएर घर आउँछन्। हामी त घर नै लिएर आउँछौँ।"

08/10/2023

दुःखद समाचार:
वैदेशिक रोजगारका क्रममा मलेसिया गएको १ वर्षमै कचनकवल-७ , बालुवाडीका सहदेव राजवंशीले आत्महत्या गरेका छन्।

06/10/2023

जनताका माझमा जनताका सुझाव ग्रहण गर्नुहुँदै गाउँपालिकाका अध्यक्षज्यू।

चित्र स्रोत: कचनकवल गाउँपालिका प्रमुखको सचिवालय

28/09/2023

धार्मिक सहिष्णुताको ज्वलन्त उदाहरण:
इस्लाम धर्मका सन्देशवाहक हजरत मुहम्मदको १४५२ औँ जन्मदिनको अवसर पारी कचनकवलका विभिन्‍न वडाबाट शान्ति र्‍याली निकाल्दै बनियानी आएकाहरूलाई स्थानीय नारायण नेपालज्यूका नेतृत्वमा तुलसी खतिवडा, निर्मल दाहाल, आशिष् वाग्ले, सागर राजवंशी, धनेश राजवंशी, मोनिका राजवंशी लगायतको टोलीले सर्बतपानी बाँडेको छ।

28/09/2023

वैदेशिक रोजगारीका लागि पाँच महिनाअघि खाडी राष्‍ट्र कुवेत गएका कचनकवल – ६ स्थित बनियानी निवासी खगेन्द्र राजवंशीको मृत्यु भएको छ। ड्‌युटीमा रहेका उनलाई अचानक पेट दुखेर अस्पताल लगिएको अनि त्यहीँ उनको मृत्यु भएको बताइएको छ। उनको शवलाई घरमा ल्याइपुर्‍याइएको छ।

21/09/2023

नेपाल शिक्षक महासङ्घ (कचनकवल गाउँ समिति) ले काठमाडौँमा गरेको आन्दोलनको दृश्य।

भिडियो स्रोत: शिक्षक चन्द्र गणेशज्यूको फेसबुकबाट

19/09/2023

नेपाल शिक्षक महासङ्घ, कचनकवलले असोज ३ गते हुने काठमाडौँ केन्द्रित आन्दोलनमा ३० जना शिक्षकहरू पठाएको छ। साथै उक्त सङ्घले शिक्षा ऐनलाई सार्वजनिक रूपमा जलाएको समेत छ।

14/09/2023

12/09/2023

कचनकवल-१ घेराबारीमा ३१ वर्षीया सुस्त मनस्थिति युवतीको बलात्कार भएको अनि गाउँसमाजको बैठकले पीडित युवतीका दाजु र भाइले उल्टै पीडकलाई दाइजोस्वरूप ५ कट्ठा भूमि दिनुपर्ने निष्कर्ष निकालेको समाचार बाहिर आएको छ।

यसैबीच घटनामा संलग्न ५० वर्षीय छवि राजवंशीलाई प्रहरीले पक्राउ गरेको छ।

10/09/2023

कुरो फोहोर व्यवस्थापनको: 🙃

08/09/2023

फोहोर व्यवस्थापन:
कचनकवल गाउँपालिकाले उठाएको फोहोर कचनकवल गाउँपालिका वडा नं. ५ को मेची नदीका तटमा फालिएको अवस्थामा छ। त्यहाँका फोहोरका टुक्राहरू उडेर छेवैमा रहेको सुकुम्वासी टोलतिर आइरहेको अवस्था छ। साथै उक्त नदीमा स्थानीयहरू गाईवस्तु चराउने तथा नुहाउने गर्छन्। यसले मानिसहरूको जनजीवन तथा पशुचौपायमा प्रतिकूल प्रभाव पर्ने सम्भावना बढेको छ।

02/09/2023

कचनकवल-२ सुकुनाडिगी निवासी नागर राजवंशी, मानसिक सन्तुलन पनि अलिक ठीक नभएको, विगत ४ दिनदेखि हराइरहेको हुँदा निजलाई देख्नेले तलको नम्बरमा सम्पर्क गर्नुहोला।

सम्पर्क नम्बर: ९८१५९४१५३७ [9815941537]

निजलाई अन्तिमपटक बनियानीमा देखिएको थियो।

01/09/2023

अध्यक्षज्यू लेख्नुहुन्छ…

31/08/2023

सोम चम्लागाईँ लेख्नुहुन्छ,,

13/08/2023

गाउँपालिकाले सूचना निकाल्दै भोलि सार्वजनिक बिदा दिएको छ।

10/08/2023

डम्बरबहादुर खड्काका नाममा रहेको श्री लक्ष्मी प्रसाद देवकोटा माध्यमिक विद्यालय, कचनकवल-२ बाट दिइएको चारित्रिक प्रमाणपत्रका साथै एउटा कालो रङको झोला बिर्तामोडमा अलपत्र अवस्थामा फेला परेकाले सम्बन्धित धनीले सम्पर्क गर्नुहोला। उक्त झोला बिर्तामोड प्रहरीलाई जिम्मा दिइएको छ।

03/08/2023

कचनकवलको बनियानीबाट बिहान ५:३० बजेतिर धरान जाने एक यात्रुवाहक बसमा चेकजाँच गर्ने क्रममा प्रहरीले १२ बोरा सुर्तीजन्य वस्तु बरामद गरेको छ। उक्त सुर्तीका बोरा भारतबाट अवैध रूपमा ल्याइको जनाइएको छ।

03/08/2023

सतर्क रहौँ:
कचनकवलमा पनि आँखा राता हुने तथा आँखा पाक्ने समस्या बढिरहेको हुनाले सम्पूर्णमा सचेत भई सावधानी अपनाउनहुन अनुरोध छ।