19/06/2022
Happy Father's Day ❤️
हजुरले मलाई देखाएको बाटोमा सधै हिन्न सकुँ ।
हजुरले मेरा खुशी किने जस्तै तपाईंका सपना मैले किन्न सकुँ ।।
हजुरको शिरलाई सगरमाथा जस्तै उठाउने हिम्मत जुटाउन सकुँ ।
हजुर थाकेर बस्दा तपाईंका जिम्मेवारीलाई आफ्नो काँधमा उठाउन सकुँ ।।
म हिड्न सिक्दा हजुरका हात जस्तै म पनि तपाईंको बुढेसकालको लठ्ठी बन्न सकुँ ।
मेरो भविष्यलाई उज्यालो बनाउन आफु जल्ने हजुरको जविनको बत्ती बन्न सकुँ ।।
हाम्रो लागि परिश्रम गर्दा गर्दै खियाएका ति हातहरूमा चिल्लो लाउन सकुँ ।
धेरै इच्छा त छैन बुबा बस! तपाईंले छाएको त्यो चुईने भएको टिनको छानोलाई मैले छाउन सकुँ ।।
हजुरको जस्तै निश्चल र निस्वार्थ माया तपाईंका लागि साँच्न सकुँ ।
मलाई आफ्नो पहिचान हुनु छैन बुबा हजुरको छायाँ भइ बाँच्न सकुँ ।
मैले देख्नु भन्दा पहिला हरेक ठाउँ हजुरलाई देखाउन सकुँ ।
दुनियाँको मनमा होईन हजुरको मनमा योग्य छोरा भइ नाम लेखाउन सकुँ ।।
तपाईंका सारा खुशी हजुरले मलाई पस्की दिनु भयो जति स्वार्थी भए पनि जमना ।
हजुरको भाग्यमा लेखिएका हरेक दुःख मेरो भागमा परुन यहि छ ईश्वर संग मेरो कामना ।।
