https://www.facebook.com/108014855507605/

Appan Gyan, Kadam chauk, Janakpur (2024)

07/03/2024

कृषक स्तरीय तालिम सम्बन्धी सूचना

28/02/2024

सार्बजनिक भेला सम्बन्धी सूचना
औरही गा.पा. सिरहा

14/02/2024

सिंगटी हाइड्रोको हकप्रद शेयरमा आज(फागुन २ गते )देखी आवेदन दिन सकिने
कम्पनीले हाल १ कित्ता शेयर बराबर नयाँ १ कित्ता शेयर निष्काशन गर्न लागेको हो।

12/02/2024

फगुन १गते सार्बजनिक बिदा कायम नरहने सम्बन्धी सूचना

03/02/2024

जनकपुरधाम साहित्य - कला तथा अन्तर्राष्ट्रिय नाटय महोत्सव २०८० के आइ दोसर दिन विद्यालय वक्तित्वकला र मैथिल भाषामे विमर्श

01/02/2024

प्रेरक प्रसंग : आत्मविश्वास
नोबुनागा नाउँ गरेका एक महान् जापानी योद्धा एउटा भयंकर शत्रुसित युद्ध गर्न जाँदै थिए । शत्रु सेनाको संख्या उनका सेनाको तुलनामा दसौँ गुणा विशाल थियो । साथै, ती पर्याप्त शस्त्रअस्त्रले सुसज्जित पनि थिए । नोबुनागालाई सुनियोजित रणनीतिका साथ लड्ने हो भने कठिनभन्दा कठिन युद्ध पनि जित्न सकिन्छ भन्ने लाग्थ्यो । त्यसैले उनले यो युद्धमा पनि जितको सम्भावना देखेका थिए । तर, उनका सिपाहीलाई भने युद्ध जितिनेमा निकै ठूलो आशंका थियो ।

युद्ध क्षेत्रमा जाँदै गर्दा सेनापति नोबुनागा बाटोको एउटा सिन्तो मन्दिरमा पुगेर रोकिए र आफ्ना सिपाहीलाई यसो भने, ‘म मन्दिरको दर्शन अनि परिक्रमा गरेर आँउछु, त्यसपछि हावामा एउटा सिक्का उछाल्नेछ । हेराँै, भाग्यले के देखाउँछ । यदि सिक्काको टाउको पर्यो भने हामीले निश्चित रूपमा नै यो जित्नेछौ । होइन पुच्छर आयो भने हामीले हार्नेछौ । अब खेला भाग्यको हातमा छ ।’
नोबुनागा मन्दिर प्रवेश गरे । उनले त्यहाँ प्रार्थना गरे । त्यसपछि उनी फर्किएर बाहिर आए अनि आफ्ना योद्धाहरूको सामुन्ने हावामा एउटा सिक्का उछाले । सिक्काको टाउको पल्टियो । यो देख्नेबित्तिकै उनका सिपाहीमा अदम्य आत्मविश्वास भरियो । उनीहरू युद्ध जित्न आतुर देखिए । उनीहरूले कुशल रणनीति र आत्मविश्वासका साथ युद्ध लडे र जिते पनि ।

युद्ध सकिएपछि एकजना सहायकले नोबुनागासँग भने, ‘हो रहेछ, कसैले पनि नियतिलाई बदल्न नसक्ने रहेछ ।’ ‘अहँ होइन’, यसो भनेर नोबुनागाले उनलाई पहिले आफूले हावामा उछालेको सिक्का देखाउँछन् । सिक्काको दुवैतर्फ भागमा टाउकै चित्र अंकित थियो । कुनै पनि संघर्ष भाग्यको भरोसाले होइन, अथक प्रयास र अदम्य साहसले मात्रै जित्न सकिन्छ ।

01/12/2023

प्रेरक प्रसंग : चिन्ता कपको गर्ने कि कफीको ?

मित्रहरूको एक पुरानो समूह कलेज जीवनपछि आआफ्नो पेसा, व्यवसायमा व्यस्त भयो । सबैले राम्रै पैसा कमाए । उनीहरूले आपसमा भेटघाट नगरेको लामो समय भइसकेको थियो । त्यसैले, उनीहरूले एक दिन आफ्ना सबैभन्दा प्रिय प्राध्यापकको घरमा भेटघाट गर्ने निश्चय गरे ।
प्राध्यापकले पनि उनीहरू सबैको स्वागत गरे । पालैपालो उनीहरूका कामबारे चासो राखे । बिस्तारै कुराकानी जीवनमा बढ्दै गएको ‘स्ट्रेस’ र कामको ‘प्रेसर’मा केन्द्रित भयो । आर्थिक रूपमा मजबुत भए पनि उनीहरूको जीवनमा पहिलेजस्तो आनन्द नभएकोमा सबै एकमत थिए । उनीहरूको कुराकानी ध्यानपूर्वक सुनिरहेका प्राध्यापक अचानक उठे र भान्छाकोठामा छिरे । केही समयपछि भान्छाबाट निस्कँदै उनले भने– मेरा प्रिय विद्यार्थीहरू हो ! मैले तपाईंहरूका लागि तात्तातो कफी लिएर आएको छु । कृपया तपाईंहरू भान्छामा गएर आआफ्ना लागि कप लिएर आउनुहोस् । सबै विद्यार्थी फटाफट भान्छामा गए । त्यहाँ अनेक प्रकारका कप राखिएका थिए । सबैले आआफ्ना लागि राम्रोभन्दा राम्रो कप छाने । कसैले क्रिस्टलको, कसैले पोर्सिलेनको त कसैले सिसाको आकर्षक कप उठाए ।

जब सबैको हातहातमा कफी आयो, प्राध्यापकले गम्भीर हुँदै भने– प्रिय भाइबहिनीहरू, तपाईंहरूले जुन कप राम्रो र आकर्षक देखिन्छ, त्यही उठाउनुभयो । साधारण देखिने कपमा खासै ध्यान दिनुभएन । यसरी सबैभन्दा राम्रो कुरामा चासो राख्नु मानवीय स्वभाव हो । तर, यसैले हाम्रो जीवनमा समस्या या ‘स्ट्रेस’ ल्याउने गर्छ । हामी सबैलाई थाहा छ, कपको गुणस्तरले कफीको स्वादमा परिवर्तन ल्याउँदैन । कप त कफी पिउने एक माध्यम मात्र हो । तपाईंहरूलाई चाहिएको त केवल स्वादिलो कफी थियो । तर, तपाईंहरू कपको पछि दौडिनुभयो र आफूले छानेको कप पाइसकेपछि पनि अर्काको कप हेर्न थाल्नुभयो । हाम्रो जीवन यो कफीजस्तै हो भने पेसा, व्यवसाय, पद, पैसा आदि कपजस्तै हुन् । यी सबै जीवन जिउने साधन हुन्, तर जीवन होइनन् । हामीसित कुन कप छ भन्नेले हाम्रो जीवनलाई परिभाषित गर्ने होइन । त्यसैले, कफीको चिन्ता गर्नुहोस्, कपको होइन ।