29/12/2024
प्रथम डाँडाखेत कप: डाँडाखेत युवा क्लबद्वारा आयोजित माघे संक्रान्ति मेला २०८१
डाँडाखेत युवा क्लबको आयोजनामा माघे संक्रान्ति मेला २०८१ पौष २५ गतेदेखि माघ ०३ गतेसम्म डाँडाखेतमा विविध खेलकुद कार्यक्रम सम्पन्न गरिने भएको छ।
क्लबले आफ्नो आधिकारिक फेसबुक पेजमार्फत जानकारी गराउँदै, डाँडाखेतमा बसोबास गर्ने सम्पूर्ण स्थानिय, बुद्धिजीवी, समाजसेवी, र देश तथा विदेशमा रहनुभएका सबैसँग आर्थिक सहयोगको अपिल गरेको छ। कार्यक्रमको सफलताका लागि सहयोग र सुझावको विशेष आवश्यकता रहेको क्लबले बताएको छ।
कार्यक्रमले डाँडाखेतको पहिचान र अस्तित्वलाई थप उचाइमा पु¥याउने विश्वास लिइएको छ। स्थानीय माटो र जन्मभूमिसँगको सम्बन्ध अझ सुदृढ बनाउँदै समाजलाई एकतामा बाँध्ने उद्देश्यले यो कार्यक्रम आयोजना गरिएको छ।
डाँडाखेत युवा क्लबले लामो समयपछि स्थानीय क्षेत्रमा यस्तो महत्त्वपूर्ण कार्यक्रम आयोजना गर्न लागेको हुँदा सबैलाई आर्थिक, भौतिक, र नैतिक सहयोग गर्न आह्वान गरिएको छ।
सल्लाह सुझावका लागि सम्पर्क गर्नुहोला।
सुर्योदय न्यूजमा थप जानकारीका लागि साथमा रहनुहोस्।
