https://www.facebook.com/109497450963795/

Ruby Valley Khabar, Ruby Valley Rural Municipality, Dhading (2025)

20/03/2023

No.1 News Portal From Nepal

21/12/2022

रुबिभ्यालीकाे खादिङ गाउँमा तमु ल्होछार कार्यक्रम हुने

धादिङ, ६ पौष । गुरुङ जातिको नयाँ वर्ष २६०६ओैं तमु ल्होछार २०७९ को अवसरमा पौष १३ देखि १५ गतेसम्म रुबिभ्याली गाउँपालिकाकाे खादिङ गाउँमा तमु ल्होछार कार्यक्रम हुने भएको छ ।
बाइथान देबि आमा समूह रुबीभ्याली – ६’ खादिङ गाउँको आयोजनामा हुने उक्त कार्यक्रममा स्थानीय कला सांस्कृतिक तथा खेलकुद कार्यक्रम हुने वडाका अध्यक्ष समिर गुरुङ बताए ।
कार्यक्रममा पुरुष भलिबल प्रतियोगिता, छेलो प्रतियोगिता, घैटो फुटाउने एबं चर्चित कलाकारहरुको बेजोडको प्रस्तुति समेत रहने गुरुङले बताए ।
गत वर्ष रुबिभ्याली कै चालीस गाउँमा तमु ल्होछार कार्यक्रम गरिएको थियो । यसरी नै हरेक वर्ष गुरुङ गाउँहरुमा पालैपालो कार्यक्रम गर्दै आएको छ ।

09/12/2022

रुबिभ्याली गाउँपालिकाबाट राप्रपाका ३ जना सांसद !

धादिङ, २२ मङ्सिर । धादिङ जिल्लाको रुबिभ्याली गाउँपालिकाबाट ३ जना सांसद हुने देखिएको छ । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष बुद्दिमान तामाङ र बिना लामा समानुपातिक तर्फ प्रतिनिधिसभा सदस्यमा मनोनीत हुने करिब निश्चित भएको एक विशेष स्रोतले बताएको छ ।
बुद्धिमान तामाङ आदिवासी–जनजाति अन्तर्गत पुरुषबाट र बिना लामा महिलाबाट पहिलो नम्बरमा पार्टीको बन्दसूचीमा परेका छन् ।
मङ्सिर ४ को चुनावबाट प्रदेशसभा सदस्यमा प्रत्यक्ष तर्फ राप्रपाबाटै डम्बर तामाङ विजयी भइसकेका छन् ।
प्रतिनिधि सभामा प्रत्यक्षतर्फ ७ सिट जितेको राष्ट्रिय प्रजातन्त्र पार्टी (राप्रपा)ले समानुपातिकमा पनि ७ सिट पाएको छ ।

07/12/2022

निर्वाचन आयोगद्वारा समानुपातिक सिट बाँडफाँट, कुन दलले कति पाए ?

काठमाडौं, २१ मङसिर । निर्वाचन आयोगले गत ४ मंसिरमा सम्पन्न प्रतिनिधिसभा र प्रदेशसभातर्फको समानुपातिक सिट बाँडफाँट गरेको छ ।

प्रतिनिधिसभामा ३४ सांसद पाएको एमालेले प्रदेश १ मा १५, मधेश प्रदेशमा ८, बागमतीमा १४ गण्डकीमा १०, लुम्बिनीमा ११, कर्णालीमा ५ र सुदूरपश्चिममा ७ जना सांसद पाएको छ ।

यसैगरी, ९६ सांसदसहित दोस्रो स्थानमा रहेको कांग्रेसले प्रतिनिधिसभामा ३२, प्रदेश १ मा १२, मधेश प्रदेशमा ९, बागमतीमा १२ गण्डकीमा ९, लुम्बिनीमा १०, कर्णालीमा ५ र सुदूरपश्चिममा ७ जना सांसद पाएको छ ।

४३ सांसदसहित तेस्रो स्थानको माओवादी केन्द्रले प्रतिनिधिसभामा १४, प्रदेश १ मा ४, मधेश प्रदेशमा ४, बागमतीमा ७, गण्डकीमा ३, लुम्बिनीमा ४, कर्णालीमा ५ र सुदूरपश्चिममा ३ जना सांसद पाएको छ ।

२४ सांसदसहित चौथो स्थानमा रहेको राप्रपाले प्रतिनिधिसभामा ७, प्रदेश १ मा ४, मधेश प्रदेशमा १, बागमतीमा ६, गण्डकीमा २, लुम्बिनीमा २, कर्णालीमा १ र सुदूरपश्चिममा १ जना सांसद पाएको छ । राष्ट्रिय स्वतन्त्र पार्टीले प्रतिनिधिसभामा मात्र १३ सिट पाएको छ ।

एकीकृत समाजवादीले प्रतिनिधिसभामा सिट पाएको छैन भने प्रतिनिधिसभामा जम्मा ९ सांसद पाएको छ । नेमकिपाले प्रदेशसभामात्रै २ सांसद पाएको छ । जनता समाजवादी पार्टीले प्रतिनिधिसभा ५ र प्रदेशसभामा ९ सांसद पाएको छ । जनतम पार्टीले प्रतिनिधिसभामा ५ र प्रदेशसभा ९ सिट पाएको छ ।

प्रदेशसभामात्र सिट पाएका लोसपाले ३, नेपाल संघीय समाजवादीले १, नागरिक उन्मुक्ति पार्टीले ५, राष्ट्रिय जनमोर्चाले १, हाम्रो नेपाली पार्टीले १ सिट पाएको निर्वाचन आयोगले जनाएको छ ।

06/12/2022

No.1 News Portal From Nepal

04/12/2022

धादिङ जिल्लामा कुन पार्टीको मत कति ?

धादिङ, १८ मङ्सिर । मंसिर ४ गते सम्पन्न आम चुनावबाट धादिङमा बढी मतको अधारमा पहिलो पार्टी एमाले बनेको छ, प्रत्यक्ष तर्फ भने ६ सिट मध्ये ५ सिटका लागि उम्मेदवार उठाएको एमालेले एक सिट पनि जित्न सकेन ।
धादिङमा समानुपातिकतर्फ ४१ हजार ८८ मत प्राप्त गरी नेकपा एमाले पहिलो पार्टी बन्दा प्रत्यक्ष तर्फ पराजित हुन पुग्यो । दोस्रोमा नेपाली काँग्रेसले ३७ हजार ५२४ मत प्राप्त गर्यो कांग्रेसले प्रत्यक्ष तर्फ पनि धादिङमा ठुलो सफलता प्राप्त गर्दा संघीय सांसद सहित २ जना प्रदेश सांसद समेत जित्यो ।
तेस्रोमा नेकपा माओवादी केन्द्रले २७ हजार २८८ मत प्राप्त गर्दा प्रदेश तर्फ दुई क्षेत्रमा उम्मेदवार उठाएको माओवादीले १ क्षेत्र गुमायो भने एकमा जित हाँसिल गर्यो । रवि लामिछाने नेतृत्वको राष्ट्रिय स्वतन्त्र पार्टीले १५ हजार ७५५ मत ल्याउँदै चौंथो पार्टी बन्यो तर यस पार्टीले प्रत्यक्ष तर्फ जित हासिल गर्न सकेन ।

यस्तै राष्ट्रिय प्रजातन्त्र पार्टी (राप्रपा) ले १० हजार ०५३ मत पाँचौं पार्टी बन्दा प्रत्यक्ष तर्फ १ सिट जित्न सफल रह्यो । नेकपा एकीकृत समाजवादीले धादिङमा ८ हजार ४२९ मत प्राप्त गर्दा धादिङ १ मा लोकप्रिय मतका साथ विजयी बन्यो ।

कुल २ लाख ६५ हजार ९९६ मतदाता रहेको धादिङ जिल्लामा प्रतिनिधिसभा समानुपातिकतर्फ खसेको १ लाख ५१ हजार २०६ मतमध्ये ६ हजार ६१० मत बदर भएको जिल्ला निर्वाचन कार्यालयले जनाएको छ ।

धादिङमा प्रत्यक्ष तर्फ कस्ले कस्लाई पराजित गरे :
धादिङ १ प्रतिनीधि सभा सदस्य
राजेन्द्र प्रसाद पाण्डे, एकीकृत समाजवादी प्राप्त मत ३५,९३४ विजयी
भुमि त्रिपाठी, नेकपा एमाले प्राप्त मत २७,९५३
धादिङ २ प्रतिनीधि सभा सदस्य
रामनाथ अधिकारी, नेपाली कांग्रेस, प्राप्त मत ३४,७३६ विजयी
खेम प्रसाद लोहनी, नेकपा एमाले, प्राप्त मत २४,१९०

धादिङ प्रतिनीधि सभा १ को प्रदेश सभा १
मदुकुमार श्रेष्ठ, नेपाली कांग्रेस प्राप्त मत १७,८७७ विजयी
रमेश आचार्य, नेकपा एमाले प्राप्त मत १६,५६८
धादिङ प्रतिनीधि सभा १ को प्रदेश सभा २
शालिकराम जमकट्टेल, माओवादी केन्द्र, प्राप्त मत १९,९२९ विजयी
गजेन्द्र थपलिया, नेकपा एमाले, प्राप्त मत १२,४९८

धादिङ प्रतिनीधि सभा २ को प्रदेश सभा १
गोविन्द लम्साल, नेपाली कांग्रेस प्राप्त मत १८,७४७ विजयी
डा. रामकुमार अधिकारी, नेकपा एमाले प्राप्त मत १६,४५८
धादिङ प्रतिनीधि सभा २ को प्रदेश सभा २
डम्बर तामाङ, राप्रपा प्राप्त मत १४,५१९ विजयी
जगत सिंखडा, माओवादी केन्द्र, प्राप्त मत १४,३८३