YOURS TV HD

YOURS TV HD सुचना मनोरञ्जन र ताजा अपडेट को लागि हा

14/12/2022

फौजदारी अपराधका दोषीलाई जेलमुक्त गर्न सरकारले ल्याएको अध्यादेश आफ्नो पार्टीले विरोध गर्ने नेपाली कांग्रेसका महामन्त्री गगन थापाले बताएका छन् । सरकारले ल्याएको अध्यादेश सर्वथा गलत रहेको भन्दै महामन्त्री थापाले आफ्नो पार्टी त्यसको विरोधमा उत्रने पनि बताए ।

14/12/2022

अर्जेन्टिनाका कप्तान लियोनल मेसीले कतारमा जारी फिफा विश्वकपको फाइनल खेलेसँगै आफ्नो विश्वकप यात्रा सकिने बताएका छन्।मंगलबार राती भएको क्रोएसियाविरूद्धको खेलमा ३-० को जित निकालेर फाइनल पुगेपछि ३५ वर्षीय मेसीले अर्को विश्वकप आफूले नखेल्ने बताएका हुन्।

13/12/2022

झापामा लागु औषध ब्राउन सुगरसहित एक महिला पक्राउ परेकी छिन् । पक्राउ पर्नेमा दमक नगरपालिका- ९ निवासी ४५ वर्षीया तुलमाया तामाङ रहेको प्रहरी कार्यालय झापाले जनाएको छ ।इलाका प्रहरी कार्यालय दमकबाट खटिएको प्रहरी टोलीले शङ्का लागी चेक जाँच गर्दा उनको साथबाट ब्राउन सुगर जस्तो देखिने लिस्याइलो पदार्थ ५ ग्राम फेला परेको हो । पक्राउ परेका उनलाई इलाका प्रहरी कार्यालय दमकमा राखेर थप अनुसन्धान अघि बढाएको प्रहरीले जनाएको छ ।

13/12/2022

दाङमा प्रहरी हिरासतभित्रै श्रीमानलाई लागुऔषध ब्राउन सुगर दिन खोज्ने महिला पक्राउ परेकी छिन् । पक्राउ पर्नेमा घोराही उपमहानगरपालिका १५ की २६ वर्षीया शान्ति खड्का घर्ती रहेको प्रहरीले जनाएको छ ।

13/12/2022

काठमाडौंको बाजाजुस्थित एक टहरोमा बस्दै आएकी ९० वर्षीया वृद्धाको हत्या भएको छ ।
तार्केश्वर नगरपालिका–६ बस्ने डिल्ली पतुवार वडा नम्बर–३ मा पर्ने जंगलमा मंसिर २२ गते मृतावस्थामा फेला परेकी थिइन् ।
उनको टाउकोमा गम्भीर चोट देखिएको छ । पोस्टमार्टम रिपोर्टमा उनको टाउकोमा हिर्काएकोजस्तो देखिएको अनुसन्धानमा संलग्न प्रहरी अधिकारीहरू बताउँछन् ।

13/12/2022

रौतहट ३ बाट प्रतिनिधिसभा सदस्यमा विजयी प्रभु साहले नयाँ पार्टीको नाम टुंगो लगाएका छन् । लामो आन्तरिक गृहकार्य र छलफलपछि साहले ‘आमजनता पार्टी’ नाम जुराएका छन् ।

13/12/2022

सेयर बजार मंगलबार झिनो अंकले ओरालो लागेको छ।

बजार आज २.५७ अंकले ओरालो लागेको हो। योसँगै नेप्से परिसूचक १८९९.७० को विन्दुमा झरेको छ। राम्रा र बलिया कम्पनीको सूचक सेन्सेटिभ इन्डेक्स पनि १.६३ अंकले घटेर ३७१.३० को विन्दुमा ओर्लेको छ। कारोबार रकम हिजोको तुलनामा घटेर पौने १ अर्ब रुपैयाँ बढीको भएको छ।

12/12/2022

समानुपातिक सांसद चयनबारे राष्ट्रिय प्रजातन्त्र पार्टी (राप्रपा)मा विवाद देखिएको छ । पोखरास्थित राप्रपाको प्रदेश कार्यालय र कास्की जिल्ला कार्यालयमा तालाबन्दी गरिएको छ भने प्रदेश अध्यक्ष पञ्चराम गुरुङको तस्बिरलाई तोडफोड गरी भुइँमा फ्याँकिएको छ ।
राप्रपाले समानुपातिक सांसदको सूची शनिबार अबेरमात्रै तय गरेको थियो ।

10/12/2022

नयाँ निर्वाचनको माग गर्दै प्रधानमन्त्री शेख हसिनाको सरकारविरुद्धको आन्दोलनमा बङ्गलादेशको प्रमुख प्रतिपक्षी दलका करिब एक लाख समर्थक शनिबार ढाकामा भेला भएका छन् ।
विपक्षी बङ्गलादेश नेसनलिस्ट पार्टी (बीएनपी) का सबै सात सांसदले उक्त कार्यक्रममा संसद्बाट राजीनामा दिने घोषणा गरेका छन् । यससँगै देशको विधायिकालाई मुख्यतया रबर स्ट्याम्पको रूपमा छोड्नेछ ।
पश्चिमा सरकार र संयुक्त राष्ट्रसङ्घले बङ्गलादेशको राजनीतिक वातावरणप्रति चिन्ता व्यक्त गरेका छन् ।

10/12/2022

नेकपा (एमाले)ले हालै सम्पन्न प्रतिनिधिसभा र प्रदेशसभा निर्वाचनमा पार्टीविरोधी गतिविधिमा संलग्न स्थायी कमिटि सदस्यद्वय घनश्याम भुसाल र प्रभु साहसहितका नेतालाई पार्टीको साधारण सदस्य समेत नरहने गरी कारबाही गरेको छ।

10/12/2022

अर्घाखाँचीको गोरुसिङ्गे सन्धिखर्क सडकखण्डको शितगंगा २ सितापुर राजुबास झोलङ्गेपुल नजिकै शनिबार बिहान कार दुर्घटना हुँदा एकै घरपरिवारका ५ जना घाइते भएका छन् । सुपादेउराली दर्शन गरेर फर्कने क्रममा ग ३ ज १५७९ नम्बरको कार सडकबाट करिब ८० मिटर तल सितखोलामा खसेर दुर्घटना भएको हो ।

09/12/2022

सर्वोच्च अदालतले निलम्बित प्रधानन्यायाधीश चोलेन्द्रशमशेर राणाविरूद्धको महाअभियोग निष्प्रभावी भएको भन्दै संसद सचिवालयका महासचिव भरत गौतमले लेखेको पत्र कार्यान्वयन नगर्न अन्तरिम आदेश दिएको छ।
शुक्रबार सर्वोच्चको संवैधानिक इजलासले उक्त अन्तरिम आदेश दिएको सर्वोच्च अदालतका सहायक प्रवक्ता देवेन्द्र ढकालले जानकारी दिए।

09/12/2022

चलचित्र विकास बोर्डले विश्वकप फुटबल देखाउने सिनेमा हललाई कारबाही गर्ने भएको छ ।
केही सिनेमा हलले २३ मंसिरदेखि विश्वकप फुटबलअन्तर्गत क्वार्टरफाइनलका खेल देखाउने घोषणा गरेपछि विकास बोर्डले ध्यानाकर्षण पत्राचार गर्दै चलचित्र प्रदर्शन गर्न दिइएको इजाजतपत्रमा उल्लेख भएबमोजिमका सर्तमा मात्र प्रदर्शन गर्न सूचित गरेको छ ।

09/12/2022

पोखराको मणिपाल अस्पतालबाट खसेर एक महिलाको मृत्यु भएको छ।
पोखरा महानगरपालिका -१८ सराङकोटकी ६५ वर्षीय धनसरी घर्तीको मृत्यु भएको जिल्ला प्रहरी कार्यालयका प्रहरी निरिक्षक ज्ञानबहादुर खड्काले जानकारी दिए।
उनका अनुसार बिरामी भएर भर्ना गरेकी छोरालाई भेट्न जाँदा शुक्रबार दिउँसो अस्पतालको तीन तलाबाट खसेर मृत्यु भएको हो।

आगामी सरकार आफ्नै नेतृत्वमा गठनका लागि यतिबेला प्रधानमन्त्रीसमेत रहेका नेपाली कांग्रेसका सभापति शेरबहादुर देउवा र नेकपा ...
09/12/2022

आगामी सरकार आफ्नै नेतृत्वमा गठनका लागि यतिबेला प्रधानमन्त्रीसमेत रहेका नेपाली कांग्रेसका सभापति शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले दौडधूप गरिरहेका छन्।

देउवा र प्रचण्डले दौडधूप बढाइरहँदा नेपाली कांग्रेसका वरिष्ठ नेता रामचन्द्र पौडेलले पनि प्रधानमन्त्रीका लागि सक्रियता बढाएका छन्। कांग्रेसबाट अब आफू प्रधानमन्त्री बन्न पाउनुपर्ने पौडेलले बताउँदै आएका छन्।

पोखरा स्वास्थ्य विज्ञान प्रतिष्ठानको जनरल सर्जरी विभागमा कार्यरत डा. किरण श्रेष्ठको हृदयाघातका कारण मृत्यु भएको छ । प्रत...
08/12/2022

पोखरा स्वास्थ्य विज्ञान प्रतिष्ठानको जनरल सर्जरी विभागमा कार्यरत डा. किरण श्रेष्ठको हृदयाघातका कारण मृत्यु भएको छ । प्रतिष्ठानमा आवासीय चिकित्सकका रूपमा कार्यरत २५ वर्षीय डा. श्रेष्ठको बुधबार बिहान मृत्यु भएको प्रतिष्ठानले जनाएको छ ।
उनी बुधबार बिहान डिउटीमा थिए । बिरामीको शल्यक्रिया सकिएपश्चात् अस्वस्थ भएका थिए । त्यसपछि उनलाई आवासमा लगिएको थियो । लगत्तै बेहोस भएका डा. श्रेष्ठलाई पश्चिमाञ्चल क्षेत्रीय अस्पतालले बुधबार नै मृत घोषणा गरेको हो ।

08/12/2022

नेपाली कांग्रेसले आगामी शनिबार केन्द्रीय कार्यसम्पादन समितिको बैठक बोलाएको छ ।पार्टी कार्यालय सानेपामा दिउँसो १ बजे बैठक बोलाइएको पार्टी कार्यालयका मुख्य सचिव कृष्णप्रसाद पौडेलले जानकारी दिए । ४ मंसिरको निर्वाचन सम्पन्न भएपछि पहिलो पटक कांग्रेसको बैठक बस्न लागेको हो

08/12/2022

नेकपा माओवादी केन्द्रका उपमहासचिव वर्षमान पुन ‘अनन्त’को चीनमा क्वारेन्टिनमा उपचार सुरु गरिएको छ।पुनको सेनजेनस्थित थर्ड पिपुल्स् अस्पतालको क्वारेन्टिनमा उपचार सुरु भएको हो। चौँथौ लहरको कोरोना महामारीका कारण चीनभर कडा लकडाउन छ।पूर्वअर्थ र ऊर्जामन्त्रीसमेत रहेका पुन लामो समयदेखि जटिल प्रकारको वंशाणुगत जण्डिसबाट पीडित छन्।

इलाम क्षेत्र नम्बर नम्बर २ मा पुन: मतगणनाको माग गर्दै कांग्रेस उम्मेदवार डम्बरबहादुर खड्काले सर्वोच्च अदालतमा रिट निवेदन...
08/12/2022

इलाम क्षेत्र नम्बर नम्बर २ मा पुन: मतगणनाको माग गर्दै कांग्रेस उम्मेदवार डम्बरबहादुर खड्काले सर्वोच्च अदालतमा रिट निवेदन दिएका छन् । धाँधली भई आफूलाई चुनावमा हराइएको उल्लेख गर्दै खड्का सर्वोच्चमा निवेदन दिएका हुन् ।

08/12/2022

धनगढीमा आजबाट सुदूरपश्चिम महोत्सव सुरु हुने भएकाे छ। महाेत्सवकाे तयारी पूरा भएको र आज दिउँसाे २ बजे उद्घाटन गरिने कैलाली उद्योग वाणिज्य सङ्घका अध्यक्ष पुष्पराज कुँवरले बताए
प्रधानमन्त्री शेरबहादुर देउवाले मंसिर २२ गते(आज) दिउँसाे २ बजे महोत्सवको उद्घाटन गर्ने उनले बताए।

अर्जेन्टिनाका उपराष्ट्रपति क्रिस्टिना फर्नान्डेज विभिन्न परियोजनाको एक अर्ब डलर हिनामिना गरेको मुद्दामा दोषी ठहर भएकी छन...
08/12/2022

अर्जेन्टिनाका उपराष्ट्रपति क्रिस्टिना फर्नान्डेज विभिन्न परियोजनाको एक अर्ब डलर हिनामिना गरेको मुद्दामा दोषी ठहर भएकी छन् । अदालतले उनलाई ६ वर्षको जेल सजायसँगै आजीवन सार्वजनिक पदका लागि प्रतिबन्ध लगाएको छ

07/12/2022

नेपाल प्रहरीका उच्च अधिकारीहरूले सर्वोच्च अदालतमा तैनाथ प्रहरीहरूलाई सर्वोच्च प्रशासनको आदेशबिना निलम्बित प्रधानन्यायाधीश चोलेन्द्र शमशेर जबरालाई प्रवेश गर्न नदिन आदेश दिएका छन् ।

07/12/2022

महाअभियोग प्रस्ताव दर्ता भएपछि निलम्बनमा परेका प्रधानन्यायाधीश चोलेन्द्रशमशेर राणा बुधबार सर्वोच्च अदालत जाने भएका छन्।
संसद सचिवालयले आफूविरूद्धको महाअभियोग प्रस्ताव निष्प्रभावी भएको भन्दै पत्र आएकाले अदालत जान लागेको राणाले सेतोपाटीलाई जानकारी दिए।
‘पहिला कार्य सम्पादन गर्न नपाउने गरी भएकोमा संसद नै गइसकेको हुनाले निष्प्रभावी भएको जानकारी गराइन्छ भनेर पत्र आएको छ,’ राणाले भने,‘म व्यवस्थापन गरेर आजै अदातल जान्छु।’
संसद सचिवालयले राणालाई पत्र पठाइसकेको पुष्टि गरेको छ।

07/12/2022

पूर्वन्यायाधीश प्रचण्डराज अनिलको निधन भएको छ । बाँसबारीस्थित शहिद गंगालाल हृदय रोग केन्द्रमा उनको निधन भएको हो । ९२ वर्षीय अनिल मधुमेह, रक्तचाप र मुटुका बिरामी थिए ।

जिल्ला न्यायाधीशबाट न्याय सेवामा प्रवेश गरेका अनिल विभिन्न तह हुँदै सर्वोच्च अदालतको अतिरिक्त न्यायाधीश भएर अवकाश भएका थिए ।

राष्ट्रिय जनता दलका नेता तथा भारतीय राज्य विहारका पूर्व मुख्यमन्त्री लालुप्रसाद यादवको मिर्गौला प्रत्यारोपण गरिएको छ।याद...
07/12/2022

राष्ट्रिय जनता दलका नेता तथा भारतीय राज्य विहारका पूर्व मुख्यमन्त्री लालुप्रसाद यादवको मिर्गौला प्रत्यारोपण गरिएको छ।
यादवलाई उनकी छोरी रोहिणी आचार्यले मृगौला दान गरेको भारतीय सञ्चारमाध्यमले जनाएका छन्।
मिर्गौला रोगले पीडित यादवको उपचार सिंगापुरस्थित माउन्ट एलिजावेथ अस्पतालमा भइरहेको छ।

06/12/2022

पोर्चुगल पठाइदिने नाममा २७ लाख रूपैयाँ ठगी गर्ने एक व्यक्तिलाई प्रहरीले मंगलबार पक्राउ गरेको छ।
झापाको कन्काइ नगरपालिका–७ स्थायी घर भई भक्तपुरको गठ्ठाघर बस्ने ३८ वर्षीय सञ्जिव आचार्यले विदेश पठाउने नाममा ठगी गरेको पाइएकाले पक्राउ गरिएको प्रहरी उपरीक्षक दुर्गाराज रेग्मीले जानकारी दिए।
घिमिरेले उमेश अधिकारीसमेत गरी चार जनालाई वर्किङ भिसामा पोर्चुगलमा आकर्षक तलब प्राप्त हुने लोभ देखाएर ठगी गरेको खुल्न आएको छ।

06/12/2022

रुपन्देही २ को प्रतिनिधि सभा सदस्य निर्वाचनमा पुनः मतदानको माग गर्दै राष्ट्रिय स्वतन्त्र पार्टीबाट उम्मेदवार बनेका गणेश पौडेलले सर्वोच्च अदालतमा रिट निवेदन दर्ता गरेका छन् ।

रुपन्देही २ को निर्वाचन अधिकृतको कार्यालयले नेकपा एमालेका उम्मेदवार विष्णु पौडेललाई अनियमित रुपमा निर्वाचित भएको घोषणा गरेको आरोप लगाउँदै उक्त परिणाम बदर गरी पुनः मतदान तथा मतगणनाको माग गरी गणेशले रिट निवेदन दायर गरेका हुन् ।

06/12/2022

दार्चुलमा भारतले महाकाली नदीको धार नेपाली बस्तीतिर फर्काएर अनधिकृत संरचना बनाएको र चारजना नेपालीमाथि ढुंगा प्रहार गरेको विषयमा नेपाल सरकारले भारत सरकारलाई कूटनीतिक नोट पठाउने भएको छ ।
आइतबार नेपाली र भारतीय नागरिकबीच नदीको धार नेपाली बस्तीतिर फर्काएको विषयमा विवादले झडपको रूप लिएको थियो । जसमा सीमा पारिबाट आएको ढुंगा लागेर विद्यालयमा खेलिरहेका चारजना बालक घाइते भएका थिए ।

06/12/2022

युक्रेनका शहरहरुमा रुसले मिसाइल आक्रमण गरेको छ । युक्रेनी अधिकारीहरुका अनुसार मिसाइल आक्रमणबाट दक्षिणी जापोरिजिया क्षेत्रमा कम्तिमा दुई जनाको मृत्यु भएको छ
युक्रेनका ऊर्जा क्षेत्रमा मिसाइलबाट क्षति भएको छ । यसैको कारण धेरै क्षेत्रमा बिजुली आपूर्ति बन्द भएको छ ।

06/12/2022

राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रले यही मंसिर ४ गतेको निर्वाचनमा भएको आफ्नो खर्चको विवरण सार्वजनिक गरेका छन् । मंगलबार विज्ञप्ति जारी गर्दै उनले निर्वाचनमा साढे २४ लाख खर्च भएको जनाएका छन् ।
मिश्रले काठमाडौं क्षेत्र नम्बर–१ बाट प्रतिनिधिसभा सदस्य पदमा प्रतिस्पर्धा गरेका थिए । सो क्रममा उनले २४ लाख ४९ हजार ६०७ रुपैयाँ खर्च भएको विवरण आज निर्वाचन आयोगसमक्ष पेस गरिएको जनाएका छन् ।

Address

Birtamod
Birtamod

Telephone

+9779817999931

Website

Alerts

Be the first to know and let us send you an email when YOURS TV HD posts news and promotions. Your email address will not be used for any other purpose, and you can unsubscribe at any time.

Contact The Business

Send a message to YOURS TV HD:

Shortcuts

Share

Category

Other Media/News Companies in Birtamod

Show All

You may also like