09/12/2024
गायिका समीक्षा अधिकारीलाई कपिलवस्तु महोत्सवमा स्टेजमा माइक समातेर गीत गाउन ठिक्क परेको बेला दर्शकदीर्घाबाट ‘१० लाख… १० लाख…’ को होच्याउँदै होहल्ला गरेपछि हुटिङ गर्ने दर्शकतर्फ औँला उठाउँदै उनले कडा प्रतिवाद गरेकी छन् ।‘तपाईँको दिदी, तपाईँको आमा, तपाईँको बहिनी हो १० लाख ? आफ्नो दिदीबहिनीलाई भन्या हो ? गएर आफ्नो आमालाई भन्नु न जानु… सुन्नुभयो नि… ’ समीक्षाले चुनौती दिँदै भनिन् । त्यसपछि दर्शकले उनको समर्थनमा हुटिङ गर्न थाले । समीक्षाले दर्शकलाई सम्बोधन गर्दै भनिन्, ‘ल ठीक छ, अब त्यस्ता झारपात कुरामा ध्यान दिनु हुँदैन है । कि कसो ? अगाडि बढ्नुपर्छ है… जिन्दगीमा दुखको दिन सबै जनाको आउँछ के… कसैको देखिन्छ, कसैको देखिँदैन… फरक यत्ति हो… मेरो मात्रै लाइफमा होइन, भोलि तपाईँको आफ्नो छोरो चेली बैनीलाई पर्न सक्छ । त्यो बेला थाहा हुन्छ तपाईँलाई । अहिले अरूलाई गिराउन त सजिलो छ नि… । फरक पर्दैन भाइ फरक पर्दैन… । तर फेरि मैले चैँ मनमा लिन्न है।… अब त्यस्ता कुरा छाडिदिऊँ…’यति भनेपछि उनी आफ्नो प्रस्तुतिमा अगाडि बढिन् ।
