03/06/2024
ဇွန်လ အဟော
ဇွန်လသည် စနေ ဆန်းသောလ ဖြစ်၍ (၇) ရက် သားသမီး အပေါင်းတို့သည် ထီပေါက်သကဲ့သို့ ငွေဝင်ခြင်း၊ တရားတဘောင် ဖြစ်ပါက အနိုင်ရခြင်း၊ စက် ပစ္စည်း
စသည်တိုဘဝင်ခြင်း၊ ခရီးသွားမည်ဆိုပါက ချောမွေ့ အဆင်ပြေခြင်း၊ မိတ်ဆွေကောင်းများတွေ့ရခြင်း၊ မိတ်ဆွေများမှ အကူအညီရခြင်း စူည့် ကောင်းကျိုး မဂ်လာ များ ကြုံမည့် လ ဖြစ်ပါတယ်။
- - -
#တနင်္ဂနွေ
ဒီတစ်ပတ်အတွင်း အကြီးအကဲတွေရဲ့ကျန်းမာရေးကို အထူးဂရုစိုက်ပါ။ ဖြစ်ချင်တာတွေကိုဦးစားပေး ဆောင်ရွက်လို့မရသေးပါဘူး။ တနင်္လာသားသမီးတွေနဲ့ပတ်သက်ဆက်နွယ်ပြီးစိတ်ဆင်းရဲစရာကြုံရမယ်။အလုပ် အပြောင်းအလဲဖြစ်ပါလိမ့်မယ်။ ငွေကံက ဝင်လာလိုက် ၊ပြန်ထွက်သွားလိုက်နဲ့ အဖတ်မတင်သလိုမျိုးတော့ ဖြစ်နေ တတ်ပါတယ်။ အိုးအိမ်နေရာထိုင်ခင်းကိစ္စတွေနဲ့ပတ်သက်လို့ စကားပြောရလိမ့်မယ်။ အိမ်ထောင်ဦးစီးနဲ့ပတ်သက် ဆက်နွယ်ပြီး အကြောင်းကိစ္စတွေပေါ်လာတတ်ပါတယ်။မင်းအစိုးရ နှင့်သက်ဆိုင်သောကိစ္စများ တစ်ကြိမ်တစ်ခါ တည်းနဲ့ပြီးစီးဖို့ခက်ခဲနိုင်တာကိုတွေ့ရပါတယ်။ ကိုယ်ပိုင်စီးပွားများ ပုံမှန်အဆင်ပြေနေတတ်ပါတယ်။ ဒါပေမဲ့ ဥပဒေနဲ့ငြိစွန်းနိုင်တဲ့ ကိစ္စတွေကိုလက်ရှောင်သင့်ပါတယ်။ လုပ်ငန်းကြီးများ ဆုံးဖြတ်ချက်အမှားတွေ ချမိတတ်ပါ တယ်။ တတ်သိနားလည်တဲ့ စီးပွားရေးအကြံပေးတွေကိုအကူအညီတောင်းသင့်ပါတယ်။ ကျန်းမာရေးကတော့ အညံ့မရှိသလောက်နည်းပါတယ်။ ပုံမှန်ဂရုစိုက်ပေးရင်ကိုရပါတယ်။ အချစ်ရေးကိစ္စတွေကိုတော့ ဒီကာလမှာကံ ကောင်းနေတတ်ပါတယ်။ ချစ်သူရဲ့ဖေးမကူညီမှုတွေရတတ်ပါတယ်။ အိမ်ထောင်ရေးကံမညံ့ပါ။ ပညာရေးညံ့မည်။
အကျိုးပေးဂဏန်း 1/4/6
အထူးဟော -အရာရာရှေ့ထွက်မလုပ်မိပါစေနဲ့။
ယတြာ ပြုလိုပါက-တရားခွေများ ဓမ္မဒါနအဖြစ် လှူဒါန်းပေးပါ။
#တနင်္လာ
ငွေရှာသူများ ငွေရမယ်။ ငွေကြေးအဝင်များခြင်းရဲ့နောက်ကွယ်မှာ ကျန်းမာရေးညံ့သွားနိုင်ပါတယ်။ဒါကြောင့် ငွေနောက်ပဲဇွတ်မလိုက်ဘဲ ကျန်းမာရေးလဲဂရုစိုက်ပေးပါ။ မေတ္တာရေးကိစ္စတွေမှာ လွမ်းဆွတ်စရာအကြောင်းကိစ္စ တွေပေါ်လာတတ်ပါတယ်။ ချစ်ရသူတွေနဲ့ လူချင်းဝေးနေရခြင်း၊အဆင်မပြေဖြစ်ပြီး စိတ်ချင်းဝေးနေရခြင်းများကြုံ ရတတ်ပါတယ်။အခြေချဖို့ ဆောင်ရွက်မဲ့ကိစ္စတွေကို ဒီတစ်ပတ်ရှောင်နိုင်ရင်ပိုကောင်းတယ်။ အိုးအိမ်ဝယ်ခြင်း၊ အိမ်သစ်မှာနေခြင်း၊ဆိုင်သစ်ဖွင့်ခြင်းများကိုဆိုလိုသည်။ ရင်းနှီးမြုပ်နှံမှုကိစ္စတွေကိုလဲ ဒီတစ်ပတ်မှာသတိထားပြီးမှ ဆောင်ရွက်စေချင်ပါတယ်။ ဝန်ထမ်းများ အလုပ်ထဲမှာမပျော်တော့တဲ့ အထိအလုပ်များနိုင်ပါတယ်။ စိတ်ပင်ပန်းစရာ၊လူပင်ပန်းစရာတွေများပေမဲ့ မိမိအနေနဲ့တောင့်ခံထားနိုင်ဖို့လိုပါ တယ်။ ဆရာအလုပ်နဲ့အသက်မွေးသူများ အပြိုင်အဆိုင်အတိုက်အခိုက်ပေါပါလိမ့်မယ်။ အောင်မြင်အဆင်ပြေနေ သူဆိုသတိထားအတိုက်အခိုက်ပေါပါလိမ့်မယ်။ကျန်းမာရေးဂရုစိုက်ပါ။ ဖျားနာရင် အဖျားရက်ရှည်သွားတတ်ပါ တယ်။ အချစ်ရေးမှာတော့ မိမိလိုချင်တဲ့ အဖြေကိုချစ်သူဆီကရတတ်ပါတယ်။ အိမ်ထောင်ရေးမှာတော့ သာယာ ပျော်ရွှင်စရာကောင်းပါတယ်။ ပညာရေးကတော့သင်တန်းပြောင်း၊ ကျောင်းပြောင်း၊ဆရာပြောင်းတာမျိုးတွေကြုံရပါ လိမ့်မယ်။
အကျိုးပေးဂဏန်း 0/2/7
အထူးဟော -အနည်းငယ်ပင်ပန်းစရာတွေများလိမ့်မယ်။
ယတြာ ပြုလိုပါက-မနက်ခင်းတွေမှာဘုရားရှင်ကို မှတ်မှတ်ရရ သောက်တော်ရေ မျက်နှာသစ်တော်ရေကပ်ပါ။
#အင်္ဂါ
အကျိုးသင့်အကြောင့်သင့်ကို နားလည်ပြီးသေချာစွာလုပ်ကိုင်တတ်မှုကြောင့် ဒီတစ်ပတ်အမှားနည်းပြီးတော့ အဆင်ပြေမှုများမဲ့ကာလဖြစ်တတ်ပါတယ်။ တက်ကြွခြင်း၊စိတ်မြန်ခြင်း၊အပင်ပန်းခံနိုင်ခြင်း၊အလုပ်မှာအားထည့် ခြင်းတွေကြောင့် သိသာစွာအကျိုးအမြတ်ရနိုင်ပါတယ်။ အောက်လက်ငယ်သားတွေကိုအားကိုးရမယ်။ ချိန်တွယ် တိုင်းတာရသောအလုပ်များ၊အင်ဂျင်နီယာ၊စက်ပစ္စည်းနဲ့ဆက်စပ်သောအလုပ်များအားကောင်းလာနိုင်တာကိုတွေ့ရ ပါတယ်။ ငွေကြေးကံအားကောင်းမှုက သာမန်ထက် ဘောနပ်ရခြင်း၊လာရောက်ဂါရဝပြုခြင်းများကနေ ငွေရတတ်ပါ တယ်။ နည်းပညာနဲ့နွယ်သောအလုပ်များ၊ အိုင်တီနဲ့ ပက်သက်သောစီးပွားလုပ်ငန်းများ အလုပ်အပ်သူတွေပေါများတတ်ပါတယ်။ စကားပြောဆိုရာမှာ လိမ္မာပါးနပ်သူ တွေ၊ အဆဲအဆိုမပါဘဲပြောတတ်တဲ့သူတွေ အလုပ်ခွင်အတွင်းနေရာပေးခံရတတ်ပါတယ်။ ဘာသာရေးအလုပ်များ ကုသိုလ်ရေးအလုပ်များလဲ အားပါးတရလုပ်ခွင့်ရတတ်ပါတယ်။ ကျန်းမာရေးအတွက် စိတ်ပူစရာမလိုတဲ့ နေ့ရက်တွေ ပါပဲ။ အချစ်ရေးမှာလဲချစ်သူသစ်၊ရည်စားသစ်ရလွယ်ပါတယ်။ ဒါမှမဟုတ်ဝေးကွာနေတဲ့ချစ်သူတွေပြန်ဆုံရတတ်ပါ တယ်။ အိမ်ထောင်ရေးမှာတော့ မိမိကိုယ်တိုင်မလုပ်သင့်၊မဆုံးဖြတ်သင့်တာတွေဆုံးဖြတ်လုပ်ကိုင်နေမိတတ်ပါ တယ်။ ပညာရေးနဲ့ပက်သက်ပြီးတော့လဲ ကြိုးစားသည်ထက်ပိုမိုထွန်းပေါက်ပါလိမ့်မယ်။
အကျိုးပေးဂဏန်း 1/3/6
အထူးဟော -ကံမြင့်နေမည်
ယတြာ ပြုလိုပါက-ပရိတ်ပဋ္ဌာန်းတွေများများရွတ်ပါ။
#ဗုဒ္ဓဟူး/ရာဟု
အတွေးအခေါ်မြင့်မားခြင်း၊စီးပွားရေးလာဘ်မြင်ခြင်းတွေက ဒီတစ်ပတ်မှာအကျိုးပေးပါလိမ့်မယ်။တစ်ပါး သူရဲ့အကြံဥာဏ်ထက်မိမိဦးနှောက်အတွေးအခေါ်တွေကိုသာဦးစားပေးဆောင်ရွက်ပါ။ သူတစ်ပါးရဲ့အခက်အခဲတွေ ကိုနှုတ်နဲ့ကူညီပေးခြင်းဖြင့်မိမိက အကျိုးအမြတ်ပြန်ရတတ်ပါတယ်။ ပွဲစားအလုပ်၊အကျိုးဆောင်အလုပ်များ၊ စကားဖြင့်အသက်မွေးရသောအလုပ်များအဆင်ပြေမဲ့ကာလပါပဲ။သားသမီးတွေနဲ့ပတ်သက်ဆက်နွယ်ပြီး အလုပ် အကိုင်အခွင့်အလမ်းတွေပေါ်လာတတ်ပါတယ်။ စိတ်ပူခြင်းတွေကိုလျှော့ချထားပြီး အရာရာကိုစိတ်အေးအေးနဲ့လုပ် ကိုင်ဆောင်ရွက်ခြင်းဖြင့် အဆင်ပြေမှုပိုရတတ်ပါတယ်။တစ်ပတ်ရစ်ပစ္စည်းများ၊အဟောင်းများ ရောင်းထွက်မဲ့ ကာလပဲဖြစ်ပါတယ်။ ထီကံစမ်းမယ်ဆိုရင်လဲ ဒီကာလတွေကအထူးကောင်းပါတယ်။ ထူး ခြားကောင်းမွန်တဲ့ စိတ်ကူးမျိုးအကြံအစည်မျိုးတွေရလာတတ်ပါတယ်။ အလုပ်နဲ့ပတ်သက်ပြီးတော့လဲ ပိုမိုကောင်း မွန်တဲ့အခွင့်အလမ်းမျိုးတွေရလာတတ်ပါတယ်။ ကျန်းမာရေးအရမ်းညံ့နေတာတော့ မတွေ့ရပါဘူး။ နှာဈေး၊ချောင်း ဆိုးလောက်ပါပဲ။ အချစ်ရေးအထူးအဆင်ပြေပါလိမ့်မယ်။ပြတ်ဆဲထားတဲ့ချစ်သူတွေပြန်ဆုံခွင့်တွေရတတ်ပါတယ်။ အိမ်ထောင်ရေးအညံ့အဆိုးအလွန်ကင်းနေတတ်ပါတယ်။ ပညာရေးကံအထူးကောင်းနေမည်။
အကျိုးပေးဂဏန်း 2/4/7
အထူးဟော -စိတ်ချမ်းသာရမည်
ယတြာ ပြုလိုပါက-ကြာဆံကြော်ဘုရားကပ်လှူဆုတောင်းပါ။
#ကြာသပတေး
အလှမ်းကျယ်အလယ်လပ် ဆိုတာမျိုးဖြစ်တတ်ပါတယ်။ လုပ်သင့်တဲ့လုပ်ငန်းဆောင်တာတွေကို အဆင့်ဆင့် မလုပ်ဘဲ ကျော်ခွလုပ်တတ်သူတွေပြဿနာများရတတ်ပါတယ်။ကြီးကြီးကြံ ကြီးကြီးတွေးပြီးလုပ်ကိုင်ခြင်းမျိုးကို တော့ အားမပေးပါ။ ကုန်ထုတ်လုပ်ခြင်းများ၊ဖြန့်ဖြူးရေးဆိုင်ရာအလုပ်များ၊ကိုယ်စားလှယ်အလုပ်များ ပညာရေးနဲ့ ပတ်သက်ဆက်နွယ်သောအလုပ်များ အနည်းငယ်အဆင်မပြေဖြစ်တတ်တဲ့ကာလပါပဲ။ ငွေကြေးအကြပ်အတည်း လေးတွေဖြစ်ရတတ်ပါတယ်။ ငွေကြေးနဲ့ပတ်သက်သောကိစ္စများသတိထားပြီးဆောင်ရွက်လုပ်ကိုင်ပါ။ ကိုယ်ပိုင်စီးပွားများလက်ရှိလည်ပတ်နေတဲ့အတိုင်းဆောင်ရွက်ပါ။ ထပ်ချဲ့တာ၊အပြောင်းအလဲလုပ်တာမျိုးတွေကို တော့ဒီကာလမှာရှောင်စေချင်ပါတယ်။ ကိုယ်ဒူးကိုယ်ချွန်ကြိုးစားလုပ်ကိုင်နေရတတ်ပါတယ်။ သူများကိုမှီခိုလိုစိတ် ကိုတော့ တတ်နိုင်သလောက်လျှော့လိုက်ပါ။ ကျန်းမာရေးကတော့ ဒီကာလဟာ မဖြစ်ရင်လဲဘယ်လိုနေနေ၊ဘယ် လိုစားစားဘာမှမဖြစ်ပါဘူး။ ဖြစ်လိုက်ရင်လဲ အသည်းအသန်ဆိုတာမျိုးကြုံရတတ်ပါတယ်။ အစွန်းနှစ်ဖက်သဘော မျိုးကြုံရတတ်ပါတယ်။ အချစ်ရေးမှာတော့ချစ်ရသူနဲ့ အုပ်ထိန်းသူတစ်ဦးဦးရဲ့ပယောဂကြောင့်အဆင်မပြေဖြစ်ရ တတ်ပါတယ်။ အိမ်ထောင်ရေးအဆင်ပြေသာယာနိုင်ပါတယ်။ ပညာရေးအားနည်းနေချိန်မို့သေချာကြိုးစားပါ။
အကျိုးပေးဂဏန်း 3/5/9
အထူးဟော -ကံအနည်းငယ်အားလျော့နေမည်။
ယတြာ ပြုလိုပါက-အိမ်မှာအမှိုက်တွေ၊စားကြွင်းစားကျန်တွေ၊ ပစ္စည်းအဟောင်းအစုတ်တွေသေချာသန့်ရှင်းရေးလုပ်ပါ။
#သောကြာ
ဒီတစ်ပတ်အတွင်း အောင်မြင်ခြင်းရဲ့ခြေလှမ်းအစလို့ပြောလို့ရတဲ့ကာလဖြစ်ပါတယ်။ အစပြုခြင်း၊လုပ်ငန်းစ တင်ခြင်းများအလေးပေးဆောင်ရွက်သွားနိုင်ပါလိမ့်မယ်။ကောင်းသောကံတွေစတင်ဖြစ်ထွန်းနိုင်ပါတယ်။ ဒီတစ်ပတ် ရဲ့ အားနည်းချက်ဆိုလို့ မိခင်ရဲ့ကျန်းမာရေးတော့ဂရုစိုက်ပေးရတတ်ပါတယ်။ အခက်အခဲကြုံနေရသူတွေ၊အမှုအခင်း ရင်ဆိုင်နေရသူတွေ အကြပ်အတည်းဖြစ်နေသူတွေ ထိုဒုက္ခတွေကနေ စတင်လွတ်မြောက်ခြင်းကိုခံရတတ်ပါတယ်။ ငွေကြေးအပိုသုံးခြင်းတော့ရှောင်ပါ။ မလိုအပ်ဘဲငွေကုန်ပြီးအဖတ်မတင်ဖြစ်ရတတ်ပါတယ်။ လာဘ်စားခြင်း၊အောက် ဆိုက် ရှာခြင်းမျိုးတွေကို ဒီကာလမှာအထူးရှောင်စေချင်ပါတယ်။ အလုပ်နဲ့ပက်သက်ပြီး နီးနီးနားနားမှာအကျိုးစီးပွား ရှာလို့မရတတ်ပါ။ အဝေးကအလုပ်များ၊ အွန်လိုင်းစီးပွားများ၊ကုန်သွယ်အလုပ်များမှအကျိုးအမြတ်ပိုရတတ်ပါတယ်။ ကျန်းမာရေးကတော့ ခန္ဓာကိုယ်ကို အလွန်ပင်ပန်းစေမဲ့အလုပ်တွေရှောင်လိုက်ပါ။ လုပ်မိရင်ဖျားနာတတ်ပါတယ်။ အချစ်ရေးကိစ္စတွေမှာလဲ မိမိကိုယ်တိုင်ကချစ်သူအပေါ်အချစ်လျော့နေတတ်ပါတယ်။ အိမ်ထောင်ရေးကတော့ နွေး ထွေးကြင်နာမှုတွေသိပ်မရှိတဲ့ကာလလို့ပဲမြင်ပါတယ်။ ပညာရေးကတော့ အထူးအားကောင်းတယ်ဗျ။
အကျိုးပေးဂဏန်း 4/8/6
အထူးဟော -ကံသင့်ပါတယ်။
ယတြာ ပြုလိုပါက-စိတ်တူသဘောတူရှိတဲ့မိတ်ဆွေတစ်ဦးကို သူစားချင်တာလိုက်ဝယ်ကျွေးလိုက်ပါ။
#စနေ
တတ်သိနားလည်ထားတဲ့ပညာတွေကိုထုတ်သုံးပါ။ လှောင်ကုန်များဈေးကောင်းရရင်ရောင်းလို့ရပါပြီ။ဒီတစ် ပတ်က ဇွဲကြီးဖို့တော့လိုပါတယ်။ဇွဲကြီးသူတွေပန်းတိုင်တွေ့ပါလိမ့်မယ်။ ဘာကိုမှပေါ့ပေါ့တန်တန်မလုပ်ပါနဲ့။ အား ထည့်ပါ။စိတ်ရှည်ပါ။ တစ်ခါလောက်အဆင်မပြေတာနဲ့လက်မလျှော့လိုက်ပါနဲ့။ ဒီလိုကာလမျိုးက ကိုယ့်အောက်က လူတွေရဲ့စကားကိုနားထောင်ပါ။သူတို့အသံကို နားစွင့်ပါ။ လက်လွတ်စပယ် ပစ္စည်းငှားရမ်းတာမျိုးရှောင်ပါ။ ကိုယ့် ပစ္စည်းကို ပေါင်ခဲ့တာမျိုး၊ရောင်းခဲ့တာမျိုးတွေလုပ်နိုင်ပါတယ်။ တန်ဖိုးကြီးတဲ့ကားဆိုင်ကယ်တွေကို တတ်နိုင်သ၍ ငှားရမ်းခြင်းမျိုးရှောင်လိုက်ပါ။ အခွင့်အရေးတွေပေါ်လာနိုင်သလို မိမိကိုလက်တွဲလုပ်ဖို့ကမ်းလှမ်းတာမျိုးတွေကိုလဲ အထူးကြုံနေရတတ်ပါတယ်။ မည်သည်ခရီးမဆို၊ဘာကိစ္စကြောင့်ပဲဖြစ်ဖြစ် ခရီးကိစ္စတွေအဆင်ပြေတတ်ပါတယ်။ ကုန်သည်များအမြတ်အစွန်းများနိုင်ပါတယ်။ ကျန်းမာရေးနဲ့ပတ်သက်ပြီးတော့လဲ ရောဂါအနေနဲ့ သိပ်ဖြစ်တာမတွေ့ ရပါဘူး။ ဒါပေမဲ့ အလေးအပင်မပြီး ခါးနာသွားတတ်ပါတယ်။ အချစ်ရေးမှာတော့ ချစ်သူနဲ့ကတောက်ကဆအလွန် မှဖြစ်ရတတ်ပါတယ်။ အိမ်ထောင်ရေးအဆင်ပြေပါလိမ့်မယ်။ ပညာရေးမှာတော့ အလွန်ပဲကံမြင့်နေတာတွေ့ရပါ တယ်။
အကျိုးပေးဂဏန်းမှာ-3/5/0
အထူးဟော -အလုပ်တွေတိုးတတ်နိုင်ပါတယ်။
ယတြာ ပြုလိုပါက-နှင်းဆီပန်းဘုရားကပ်လှူဆုတောင်းပါ။
- - - -
၇ရက်သားသမီးအပေါင်း ရန်သူမျိုးငါးပါးဘေးမှ ကင်းဝေးနိုင်ကြပါစေ။
ဗေဒင်မေးမြန်းလိုသူများအတွက်-
ကျွန်ုပ်နှင့် ခင်မင် ရင်းနှီးခြင်းမရှိ၊မသိလည်း မသိသော သင့်ကို
ကျွန်ုပ် သင်ယူထားသည့် နာမက္ခရကြမ်း၊ သာဝတ္ထိဆန်းကြမ်း၊ အဂ်ဝိဇ္ဇာ ဆန်းဝေဒ ကြမ်း၊မြန်မာလက်ရိုး ဝေဒကြမ်း စသည်တို့ဖြင့် သင့် အတိတ်၊ ပစ္စုပ္ပန်၊ အနာဂါတ် အကြောင်းအရာများကို ပြောပြပေးနိုင်ပါသည်။
ဟောပြော ရရှိသည့် ဉာဏ်ပူဇော်ခများကို မြန်မာဒုက္ခသည် ကူညီရေးနှင့် ပီဒီအက်ဖ် များသို့ လှူ ဒါန်းမည် ဖြစ်ပါသည်။
ဦးသန်းတိုးရှိန်
BSc(Chem), HGP (10439)
