Sabon Gari Media Forum

25/12/2023

Bidiyo.

Wani ɓangare na Jawabin da Malam Muhammadu Sani ya yi a ya yin ziyarar da aka kai a cocin Makidoniya Baptist dake Muchiya.

Sabon Gari Media Forum

25/12/2023

Labari cikin Hotuna.

Ƴan’uwa musulmi Almajiran Shaikh Ibraheem Yaƙub Alzakzaky Hafizahullah dake Halƙar Haidar Sabon Garin Zariya sun kai ziyara da safiyar yau Litinin 25 ga watan Disamba na Shekarar 2023 cocin Makidoniya Baptist dake Muchiya duk a ƙaramar hukumar Sabon Garin Zariya domin taya su murna da ranar Kirsimeti.

Daga Sabon Gari Media Forum

25/12/2023

Bidiyo.

Jawabin maƙasudin ziyara a wannan rana daga wajen Malam Ibraheem Muazzam Khaleefa a ya yin ziyarar da ƴan’uwa musulmi Almajiran Shaikh Ibraheem Yaƙub Alzakzaky Hafizahullah dake Halƙar Haidar Sabon Garin Zariya s**a kai cocin Makidoniya Baptist dake Muchiya domin taya su murna da kirismeti na shekarar 2023.

Sabon Gari Media Forum

08/12/2023

YANZU YANZU: Ɓangarorin ƴan’uwa Musulmi dake Unguwar Jaba ƙaramar hukumar Sabon Garin Zariya sun fito kan t**i suna zanga-zangar lumana na kira da a yi adalci kan Musulmin da Sojoji s**a kashe a harin Bom ɗin da s**a kai a ƙauyen Tudun Biri Kaduna.

Limamin Masallacin Juma'a na ƴan ɗariƙa dake Unguwar Jaba ya sauke na shi nauyin. Ya yi kira da a gaggauta ɗaukar mataki a kan waɗanda s**a kashe waɗannan ƴan’uwa musulmi a wajen Mauludi.

Bayan ya kammala Huɗuba ne aka gabatar da Sallahr Juma'a, sai ƴan’uwa musulmi masoya Manzon Allah (SA) s**a hau kan t**i domin Alla-wadai da kisan da Sojoji s**a yi wa masoya Manzon Allah a Tudun Biri dake jihar Kaduna.

Shaikh Abdullahi Usman ne ya rufe wannan zanga-zangar ta lumana da ta gudana yau Juma'a.

Daga Mustapha Muhammad Rajab.

29/11/2023

Innalillahi wa Inna Ilaihi Raji'un.

Allah ya amshi rayuwar masoyin Manzon Allah (SAWW) Baba Saleh Is’haƙa mai Fata.

Cikin daren jiya ne misalin Magrib da Isha’i Allah Ta'ala ya yi wa Baba Sale ɗan gidan Marigayi Is’haƙa mai fata rasuwa dake Unguwar Jaba ƙaramar hukumar Sabon Garin Zariya. Malam Saleh ƙani ne ga Malam Mu’azu mai fata baban Shahidan Mu’assasar Abul Fadl Abbas Muhammad Mu’azu da Ali.

Ya rasu ne ta dalilin rashin lafiya, sannan kuma ya rasu ya bar ƴaƴa (6) mata ɗaya.

Kamar yadda Addinin Musulunci ya tanadar da safiyar yau Laraba ne da misalin ƙarfe goma na safe aka gabatar da Jana’izar shi.

Muna addu'ar Allah Ta'ala ya lulluɓe shi da Rahamarsa mayalwaciya.

Muna miƙa ta’aziyyar mu zuwa ga ƴan’uwa na wannan bawan Allah, musamman Malam Ahmad Hm da yake ɗa ne a wajen wannan mamaci. Allah yai masa Rahama.

-Aba Sajjadi.

25/11/2023

Alhamdulillah yanzu haka Ruwan Sama ke sauka a ƙaramar hukumar Sabon Garin Zariya.

Sai kuma ina ake Ruwan Sama yanzu.?

24/11/2023

15/11/2023

Labari cikin Hotuna.

Mauludin Manzon Allah (SAWW) ne ke gudana yanzu haka a tsugugi ƙofar gidan Malam Jibrin Anakallahu dake ƙaramar hukumar Sabon Garin Zariya.

Daga.
Sabon Gari Media Forum.

12/11/2023

Shaidar da aka yiwa Almajiran Shaikh Ibrahim Yaƙub Alzakzaky Hafizahullah da safen nan.

Da safen nan muna shirya muhallin gagarumin taron Maulidin fiyayyen halitta Annabi Muhammadu (SAWW) wanda Madrasatu Amiril Mu'minin (AS) Unguwar Jaba dake ƙaramar hukumar Sabon Garin Zariya za ta gudanar nan da awanni 6 masu zuwa.

Sai ga Sarkin Malamai na Sabon Garin Zariya yace mana nan wani taro za a yi.? Sai muka ce masa Eh, sai yace: “Ai na tabbatar baza kuyi taron banza ba.”

Allah ya taimaka ya sanya Alkhairi, wane taro za kuyi haka, sai nace masa Mauludin Manzon Allah (SAWW) ne, sai yace daman na faɗa na tabbatar baza kuyi taron banza ba. Allah ya taimaka.

-Aba Sajjadi.

11/11/2023

Kada ka bari a baka Labari.

Gobe Lahadi ne wannan taron.

Madrasatu Amiril Mu'minin (a.s) dake Unguwar Jaba ƙaramar Hukumar Sabon Garin Zariya na farin cikin gayyatar masoya Manzon Allah (SAWW) zuwa gagarumin taron Maulidin fiyayyen halitta Annabi Muhammadu (SAWW) wanda s**a saba gabatarwa duk shekara.

Allah Ta'ala ya bada ikon Halarta, Amin.

11/11/2023

YAUMU AMEENULLAH!!!

A wannan ranar ta asabar ne aka kammala wannan Taron na YAUMU AMEENULLAH Wanda aka shafe tsawon kwanaki uku ana gabatar da shi, inda da farko dai aka fara da wasan Yara a rana ta farko sai Kuma rana ta biyu aka gabatar da musabaqa a tsakanin Yan fudiyyah daban daban,Sannan a yau ne rana ta uku Inda Yan uwa almajiran sayyid Ibrahim yaqub el-zakzaky dake zaria dakewaye musamman ma Yara Yan matasa masu kanana shekaru, sun gudanar da muzaharar yaumu Aminullah Wanda s**a Saba yi duk shekara wannan shekarar ma angudanar dashi inda aka dauko muzaharar tundaga muchia Yan'awaki bakin madarasatul darul Mahdi (a.f) inda muzaharar tayi shatale tale ta Mika har zuwa yan'rake dake dogarawa S/gari zaria sai akayi addu'a aka daura da program.

Anfara wannan program din an farashi ne bayan kammala muzaharar inda yaran masu kananun shekaru ne s**a gabatar da program din da kansu k**a daga gabatar wa har xuwa karshen Taron,a karshe dai Malam Abdulhamid Bello ne yayi jawabin rufewa,tare da karfafa Yan'uwa akan shiryawa Yara irin wannan Taron domin janyo hankulan su zuwa ga kyawawan dabi'u.

Masha Allah anyi lafiya an tashi lafiya.

Rahoto: Sabon Gari Media Forum.

Labari cikin hotuna 👇👇

11/11/2023

09/11/2023

Labari cikin Hotuna.

Kyawawan hotunan taron ‘Yaumu Aminullah’ ranar farko da ya gudana da safiyar yau Alhamis 25 ga watan Rabi'us Sani 1445. Inda aka shirya wasan yara k**ar yadda aka saba shiryawa duk shekara.

Idan baku manta ba ƴan’uwa musulmi Almajiran Shaikh Ibraheem Yaƙub Alzakzaky Hafizahullah ɓangaren Dandalin Matasa dake ƙaramar hukumar Sabon Garin Zariya ta saba shirya taron “Yaumu Aminullah” na kwanaki uku duk shekara, to a wannan shekarar ma ta shirya, inda a wannan rana ta Alhamis aka fara da wasan yara, gobe Juma'a kuma Musabaƙa da kacici-kacici wanda Makarantu zasu gudanar. Jibi Asabar kuma Muzahara da Mauludi.

Alhamdulillah a wannan rana an yi taron lafiya an kammala lafiya.

Sabon Gari Media Forum.

08/11/2023

Mauludin Madrasatu Amiril Mu'minin (AS).

Maulud! Maulud!! Maulud!!!

Madrasatu Amiril Mu'minin (AS) dake Unguwar Jaba ƙaramar Hukumar Sabon Garin Zariya, na farin cikin gayyatar al'ummar Musulmi masoya Manzon Allah (SAWW) zuwa wajen gagarumin Mauludin fiyayyen halitta Annabi Muhammadu (SAWW) wanda s**a saba gabatarwa duk Shekara.

Wanda zai gudana k**ar haka!

Rana: Lahadi 28 ga watan Rabi'us Sani 1445.
Wuri: Filin Malam Bala kusa da Markaz Unguwar Jaba Sabon Garin Zariya.
Lokaci: 4:00pm na yamma har zuwa dare.

Babban baƙo mai Jawabi na Yamma.
Shaikh Abdullahi Usman (As’habul Kahafi).

Babban Baƙo Mai Jawabi na Dare.
Shaikh Abdulhameed Bello.

Abubuwan da za a gabatar a wajen.
Karatukan ɗaliban Makaranta.
Ziyarar Manzon Allah (SAWW).
Faretin Harisawa.
Display.
Tamsiliyyah.
Jawabai.
Akwai Majalisin Mawaƙa daga:
Malam Ahmad Algwadawi (Ittihadush Shu'ara).
Malam Ammar Ɗantinka (Ittihadush Shu'ara).
Sidi Abdullahi kwayo (Khalifan Jamilu Ƙofar Waika).
Da sauran mawaƙa.

Wani abu ma sai kazo zaka gani.

Allah ya ba da ikon halarta, Amin.

Sanarwa:
Kwamitin shirye-shirye.

27/10/2023

Cikiya ! Cikiya !! Cikiya !!!

Muna cikiyar wannan yarinyar mai suna Hassana Abdullahi dake tsauni ƙaramar hukumar Sabon Garin Zariya, ɗaliba ce a tsangayar Malam Sani mai Almajirai, sannan kuma tana karatu a Fahimta International School, Shekarun ta Sha ɗaya a duniya.

Yau kwanan ta biyar (5) da barin ta gida babu labarin ta, har zuwa yanzu bamu da labari a kan inda take.

Don Allah idan an samu inda take za a iya kira waɗannan nambobin.

08140886179
08022566004

Sanarwa daga Iyayenta.

14/10/2023

Wallahi zuciyar su bugawa take yi duk lokacin da aka hasko ka a hoto Sayyidi wa Maulaya Hafizahullah ♥️

Muna magana da wani abokina nake ce mishi duk lokacin da aka kai wa su Malam Hafizahullah ziyara ko kuma wata munasaba tazo aka hasko hoton Sayyid (H) cikin fara’a da kwanciyar hankali, hankalin mahukuntan Nijeriya da ma wasu mutane ƙara tashi yake yi, saboda basu cimma abin da suke so ba.

Sai ƴan’uwa s**a ɗauki wani salo na ƙara gyara hoton yai kyau matuƙa, kana gani ka san wasu zasu kwana a baƙin ciki idan baccin ma ya yiwu kenan.

Ballantana yanzu da s**a ga irin tarbar da aka yi mishi a Jamhuriyyar Musulunci ta Iran, da kuma irin masu tsaron da suke kula dashi, sannan kuma s**a ga yadda ake haba-haba wajen karrama shi, daga gani ka san dole hankalin waɗanda s**a so ganin bayan shi ya tashi su kasa kwana cikin aminci.

Allah Ta'ala ya ƙarawa Jagoranmu Shaikh Ibraheem Yaƙub Alzakzaky Hafizahullah lafiya cikakkiya.

-Aba Sajjadi.

14/10/2023

Abokin aikin mu a wannan shafi mai suna Muhammad Abdullahi Hassan bashi da lafiya.

Muna barar addu'a daga wajen ƴan’uwa.

14/10/2023

Labari cikin Hotuna:

Yara ƴan Fudiyya Zaɓi dake garin Zariya sun shirya taron Maulidin fiyyayyen halitta.

A ranar Alhamis ɗin da ta gabata ne yara ƴan Fudiyya Zaɓi dake aji biyu (2) s**a shirya kuma s**a gabatar.

Taron dai ya gabata ne a garin Zaɓin Zariya, sun gabatar da taron ne a cikin makarantar su, wato Fudiyya, Maulidi dai ya ƙayatar sosai abin sai wanda ya gani, abin nasu gwanin ban sha'awa kuma abin koyi ga sauran yara ƴan Fudiyya.

Musamman ma tarihin fiyyayyen halitta da s**a kawo wanda yake a cikin Siratu A'immatu Ahlulbaiti, ga waƙe na musamman da s**a shirya wa Manzon rahama, sannan ga musabaƙar Alƙur'ani mai girma, sai tamsiliyya mai cike da wa'azantar wa a fagen neman ilimi, ga kareti da a akai.

Abin dai Masha'Allah.

✍️Ummu Sarhjidha.

05/10/2023

Bidiyon taron Takutaha a ƙaramar hukumar Sabon Garin Zariya.