First Aid Group Of Fityanul Islam Borno m.m.c Local Govt

13/12/2024

JUMMA'AT MUBARAK

Assalamu Alaikum wa Rahmatullahi wa Barakatuh.

Daga Capt. Rabiu Babayo, ina taya ku murna da wannan ranar mai albarka ta Juma’a. Allah ya karɓi ibadunmu, ya gafarta mana kurakuranmu, ya ba mu ikon aikata alheri, da kuma tsare mu daga dukkanin sharri.

Addu’a ta gare ku ita ce: Allah ya albarkaci rayuwarku, ya kara muku lafiya da nisan kwana, ya kare ku daga fitintinu, kuma ya cika mana dukkan burikanmu na alheri.

Allah ya sa mu kasance daga cikin wadanda zasu samu rahamar Allah a wannan rana mai albarka, ya kuma hada kan al'ummar Musulmi baki ɗaya.

Juma’a Mai Albarka!

Capt Rabiu Babayo ✍️

08/12/2024

🔥 𝐕𝐚𝐜𝐚𝐭𝐢𝐨𝐧 𝐓𝐢𝐦𝐞 🔥

🙏Pictures of the Day🙏

💞🎉𝐆𝐨𝐨𝐝 Night 𝐄𝐯𝐞𝐫𝐲𝐨𝐧𝐞 🥰🙏💔

01/12/2024

..MUNA CIKIYAR WANI YARO...!

Tawagar FAG/FIN Borno Media tana sanar da al’umma game da batan wani karamin yaro mai suna Muhammad a birnin Maiduguri. Yaron, wanda yakasance ɗan asalin unguwar Gamboru Custom, ya batane kwanaki biyu da s**a gabata har yanzu ba wani bayani ko labari.

Wannan yaro yana da matuƙar muhimmanci ga danginsa, kuma sun shiga damuwa da ƙunci sakamakon rashin sanin halin da yake ciki da inda yake.

Muna roƙon al’umma da duk wanda ya samu labarin wannan yaro, ko ya ganshi, ko kuma ya samu wani bayani dangane da shi, da ya tuntubi ɗayan waɗannan lambobin:👇
07030640609, 09160626452, ko 08103488964.

Bugu da ƙari, muna kira da ku taimaka da addu’a tare da fatan Ubangijin Allah ya bayyana yaron cikin aminci da lafiya. Haka nan, muna ƙarfafa jama’a su yi wuridi na “TSUMMA INNAH ALAINA BAYANA” ba adadi, tare da fatan Allah zai amsa addu’o’inmu.

Allah ya bayyanar da shi cikin koshin lafiya, amin.

Rabiu Babayo ✍️

SING 📝
Yakubu Mustafa Grema
FAG/FIN/BORNO/MEDIA/TEAM 01/12/2024

06/11/2024

05/11/2024

....ABIN FARIN CIKI....

SAKON TAYA MURNA GA COLONEL DR IDRIS AHMAD DAMAGANI

Alhamdulillah! Muna isar da sakon taya murna gare ka, Colonel Dr Idris Ahmad Damagani, daya daga cikin shuwagabannin Kungiyar Agajin Fityanul Islam reshen Jihar Nasarawa kuma mai rike da mukamin State Intelligence and Security. Kungiyar Fityanul Islam reshen Jihar Borno, tare da tawagar Borno Media, muna taya ka murnar samun wannan babbar nasara ta zama Chairman na Karamar Hukumar Keffi, Jihar Nasarawa.

Hakika, wannan babbar nasara ce ga kungiyar Fityanul Islam da dukkan ‘yan agajin kungiyar a fadin kasar nan.

Haka zalika, muna tare da kai cikin wannan farin ciki bisa wannan babbar ni'ima da Allah ya yi maka. Allah ya taya riko, ya kara maka nasara da daukaka… Amin.

Muna fatan Allah Ya taimake ka, Ya ba ka ikon gudanar da wannan babban nauyi cikin rikon amana da adalci. Allah Ya saka da alheri, Ya kara maka daukaka da nasara a rayuwa da aiyukanka.

Babayo

📝 Yakubu Mustafa Grema
FAG/FIN/BORNO/MEDIA/TEAM
05/11/2025

01/11/2024

"SANARWA GA AL'UMMA"

Ana sanar da al'umma da 'yan agaji cewa za a fara aikin gyaran maqabartar Bulunkutu Kogin Tifa gobe, ranar Asabar, sannan za a ci gaba da aikin har zuwa ranar Lahadi.

Aikin zai haɗa da share maqabarta da kuma rufe kabarurrukan da s**a rushe.

A cikin zantawa da mukayi a yau da masu kula da maqabartar, sun bayyana mana cewa suna buƙatar taimakon itace, kwali, da sauran kayan aiki da ake amfani da su wajen binne mamata.

Haka kuma, masu kula da maqabartar sun tabbatar mana cewa a halin yanzu karnuka da sauran dabbobi na shiga maqabartar suna yin barna sakamakon wuraren da ginin maqabarta ya rushe.

Don haka, muna kira da babbar murya ga masu hannu da shuni da duk mai ƙwazo ga aikin Allah da su fito da kwazo domin taimakawa da kuɗi da ƙarfinsu.

A ƙarshe, an samu matsala da bohol na maqabarta, inda ya ɓaci kuma akwai buƙatar a gyara shi ko a tona sabon bohol, domin samun ruwa yayin binne mamata a maqabartar Amman yanzu ruwan yana da wahalar samuwa a maqabartar.

Muna roƙon jama'a su halarta domin bayar da gudummawa da haɗin kai a wannan aikin alheri. Wannan aiki zai kasance mai albarka ga al'umma baki ɗaya.

Allah ya saka da alheri ga dukkan masu taimako da goyon baya a wannan aiki. Allah ya ba da ikon taimakawa. Amin.

Babayo

📝 Yakubu Mustafa Grema
FAGFIN/BORNO/MEDIA/TEAM
01/11/2024

31/08/2024

FAG FIN BORNO MEDIA TEAM

TUNATARWA

Tawagar Borno Media tana tunatar da al'ummar Jihar Borno cewa za a rufe Makabartar Musulmai dake Gwange, wadda take kan hanyar Bama Road, Maiduguri, daga ranar Lahadi, 1 ga Satumba, 2024.

Daga bisani, Gwamnatin Jihar Borno ta shirya wa al'ummar Musulmai wani sabon wuri a maimakon wannan makabarta, wato Maƙabartar Dalori da ke kan hanyar Bama Road, Maiduguri.

Gwamnatin Jihar Borno tana da niyyar bude karin wuraren binne gawa yayin da gari ke kara fadada, domin ya dace da Tsarin Cigaban Al'umma.

A halin yanzu, Ma'aikatar Harkokin Addini ta sayi motoci guda shida (6) domin taimakawa jama'a wajen jigilar gawawwaki zuwa wuraren binne gawa da aka kayyade, kuma ana shirin sayo karin motoci nan ba da jimawa ba.

✍️ Rabiu Babayo

SIGN 📝
Yakubu Mustafa Grema
FAG/FIN/BORNO/MEDIA/TEAM
31/08/2024

30/08/2024

Shout out to my newest followers! Excited to have you onboard! Salisu Rss Yau, Umar Abdu Ningi

29/08/2024

SAKON FATAN ALKHAIRI

"Assalamu alaikum wa rahmatullahi wa barakatuhu.

Daga tawagar FAG FIN BORNO MEDIA, muna mika sakon fatan alkhairi gareku, shugabannin kungiyar Fityanul Islam, da zaku halarci taron mitin a jihar Katsina. Muna rokon Allah SWT ya ja-goranci dukkan lamuranku, ya baku nasara a dukkan al’amuran da zaku tattauna. Allah ya sa wannan taro ya kasance mai albarka da nasara ga kungiyar da dukkan mambobinta.

Muna kuma rokon Allah ya kare ku daga dukkan sharri da masifa, ya baku tsawon rai cikin koshin lafiya da imani. Allah ya tsare ku daga hatsari, sharrin yan kidnapping, barayi, yan Boko Haram, da duk wani azzalumi a hanya. Ya Allah, ka sa hanyoyin da zaku bi su kasance masu lafiya, Allah ya dawo da ku gida lafiya bayan taron.. Ameen 🤲

Allah ya kaiku lafiya, ya dawo daku lafiya. Amin."

Tawagar FAG FIN BORNO MEDIA na taya ku addu’a da fatan alkhairi. Allah ya bada sa’a a taron.

Ameen 🤲

✍️ Rabiu Babayo

SIGN📝
Yakubu Mustafa Grema
FAG/FIN/BORNO/MEDIA/TEAM 29/08/2024

26/08/2024

SAKON TAYA MURNA

Alhamdulillah!

اللَّهُمَّ إِنِّي أَسْأَلُكَ مِنْ خَيْرِهَا وَخَيْرِ مَا جُبِلَتْ عَلَيْهِ، وَأَعُوذُ بِكَ مِنْ شَرِّهَا وَشَرِّ مَا جُبِلَتْ عَلَيْهِ

Allāhumma innī as'aluka min khayrihā wa khayri mā jubilat 'alayhi, wa a'ūdhu bika min sharrihā wa sharri mā jubilat 'alayhi.

A madadin Tawagar Fag Fin Borno Media, muna taya ki murnar samun kyautar girmamawa ta "Award of Excellence" da aka ba ki a Yola North, Jihar Adamawa. Wannan nasara ta kasance shaida ce ga jajircewarki da sadaukarwarki wajen hidimar al'umma, musamman cikin ayyukan alkhairi. Hakazalika, gudunmawar da k**e bayarwa ga kungiyar Fityanul Islam na da matukar tasiri kuma abin alfahari ne.

Muna rokon Allah ya ci gaba da taimaka miki, ya kuma kara miki nasara da kwarin guiwa a dukkan ayyukanki na alkhairi. Allah ya albarkaci rayuwarki da kuma dukkan aiyukanki na Alkhairi.

Ameen. 🤲

✍️ Write by
Rabiu Babayo

SIGN📝
Yakubu Mustafa Grema
FAG FIN BORNO MEDIA TEAM
26/08/2024

25/08/2024

"Dukkan wata matsala da mutum ya shiga, ya dogara ga Allah, domin Shi kadai ne zai kawo mafita."

https://www.facebook.com/sheikmalam.rabiu

✍️Rabiu Babayo

22/08/2024

"Haƙiƙa, ba ƙaramin abin takaici bane ace wai sarki irin na Gobir, cibiyar Shehu Usman Dan Fodio, ya rasa ransa a hannun 'yan ta'adda. Wannan ba ƙaramin rashin bane ga Musulunci, da al'ummar Najeriya baki ɗaya. Yakamata mu duba wannan lamari daga ɓangaren Musulunci, ba ta hanyar zage-zage ba. Tashin hankali ba shi da amfani ga al'umma. Yakamata mu mayar da hankali kan neman mafita ta hanyar fahimtar juna da addu'a, domin a tsare zaman lafiya da ƙoƙarin kawo ci gaba a cikin al'ummar mu."

Allah ya gafarta wa marigayi Sarkin Gobir, ya sa Aljannah Firdausi ta kasance makomarsa. Allah ya baiwa iyalansa da al’ummar Gobir hakurin jure wannan rashi, ya kuma karemu daga fitintinu da tashin hankali a gaba. Amin.

✍️ Rabiu Babayo

21/08/2024

*INNALILLAHI WA'INNA ILAIHI RAJI’UN 😭😭😭*

*Sakon Ta'aziya Daga Tawagar FAG FIN BORNO MEDIA TEAM Zuwa Ga Al'ummar Musulmi, Da Najeriya Bisa Kisan Gillar Da 'Yan Bindiga S**a Yi Wa Sarkin*

Innalillahi wa inna ilaihi raji’un. Muna isar da wannan sakon ta'aziyya ga daukacin al'ummar Musulmi da 'yan Najeriya bisa wannan babban rashi na kisan gillar da 'yan bindiga s**a yi wa mai martaba Sarkin Gobir, Alhaji Isah Muhammad Bawa. Wannan lamari ya girgiza zukatanmu, domin ya kasance babban rashi ga masarautar Gobir da al'ummar Musulmi baki daya.

A madadin shugaban rundunar 'yan agajin kungiyar Fityanul Islam na kasa, reshen jihar Borno, Brig. Gen. Muhammad Abdullahi, tare da dukkan 'yan agajin jihar, muna mika sakon ta'aziyya zuwa ga masarautar Sarkin Musulmi, da masarautar Gobir, dake ƙaramar hukumar sabon birni a jihar Sokoto da dukkan al'ummar Musulmi, da Najeriya. Muna tare da ku a cikin wannan lokaci na alhini da jimami.

Rahotanni daga jihar Sokoto sun nuna cewa har yanzu ana cikin zaman jimami da jiran dawowar wadanda s**a tafi kai kudin fansar marigayi Sarkin Gobir. Wannan kisan gillar da aka yi masa a hannun 'yan ta’adda ya kasance babban rashi da ba za a manta da shi ba.

Muna rokon Allah Madaukakin Sarki ya gafarta wa marigayi Sarkin, ya sa ya huta cikin rahamarSa, ya kuma sanya shi a Aljannah Firdaus.

Muna rokon Allah ya kare mu daga sharrin azzalumai, ya kuma tona asirin wadanda s**a aikata wannan mugun aiki na kisan gillar. Allah ya tabbatar da zaman lafiya a cikin kasarmu, ya tsare mu daga dukkan fitintinu, ya kuma jaddada alherin Sa a cikin rayuwarmu.

Amin 🤲

Rabiu Babayo ✍️

*SIGN📝*
Yakubu Mustafa Grema
FAG/FIN/BORNO/MEDIA/TEAM.