What are the opening hours?

Monday 07:00 - 23:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:07 - 17:00

Kontagora Media forum

Home
Nigeria
Kontagora
Kontagora Media forum

Shafi domin karuwar al'umma Musulim da musulunci.

05/04/2024

Daga Kontagora

Rahoto cikin hotuna yadda aka gudanar da Muzaharar Qudus Day a garin Kontagora, jihar Neja.

Jin kadan da kammala sallar Juma'a yau 26ga watan Ramadan 1445BH, dai dai da 5th ga watan April, 2024.

Yan uwa musulmi almajiran Sayyid Ibraheem Zakzaky (H), na yankin Kontagora s**a fito domin nuna goyon bayan su ga al'ummar Palestine.

Muzaharar ta faro daga Babban Masallacin Juma'a na garin dake tsohuwar Kasuwa. Inda ta Rasta tsakiyar garin Kontagora, a karshe aka rufe muzaharar a bakin Asibitin Tagwai.

Daruruwan Yan uwan ne S**a halarci muzaharar a yau. Suna tafe dauke da tutocin kasar Palestine. Tare da rera baitocin nuna goyon bayan su ga al'ummar Palestine da HMK Israel take kashe.

Wakilin Yan uwa almajiran Sayyid Zakzaky (Sheikh Ibrahim Ahmad Imam) ya gabatar da jawabin rufewa. Tare da bayyana makasudin wannan fitowar ta yau.

Malamin yayi takaitaccen jawabin, inda yajawo hankalin al'ummar Musulumi na cikin garin Kontagora da cewa, “al'amarin Palestine ya shafi kowanne Musulumi Mai shaidawa da Kalmar Shahada. ”

Daga karshe aka rufe da addu'a aka sallami mahalar. Anyi lafiya an tashi lafiya.

📸Photo credit :
©Kontagora Media forum

5th April,2024

04/04/2024

BARKA DA SHAN RUWA
Gobe Juma'a akwai Muzaharar Qudus Day a garin Kontagora, bayan sallar Juma'a.
__Kontagora Media forum

20/03/2024

Wafatin Sayyida Khadija Da Abubuwan Da S**a Biyo Baya!

Sayyida Khadija uwar gida ce a wajen Muhammad Rasulallah (Saww) kuma a ranar 10 ga watan Ramadan Allah ya mata rasuwa (Ta Koma Zuwa Ga Allah), shekara 10 kafin hijirar Annabi (Saww), bayan ɗan rashin lafiya da tayi. Shi zama na jaje yana daga cikin haƙƙoki na Ahlulbait, kuma ya k**ata ya zama muminai su kasance suna farin ciki da farin cikin Ahlulbait sannan suyi bakin ciki da bakin cikin su.

Imam Ja'afar Assadiq (As) Yana cewa; magoya bayan mu yanki ne daga gare mu, (wato Shi'ar mu ɓangare ne gare mu) an halicce su ne da sauran taɓon da aka halicce mu, abin da duk ya ɓata mana rai suma ze ɓata musu! Abin da ya faranta mana rai ze faranta musu.
Kamar yadda muka yi bayani a 10 ga Ramadan, cikin irin wannan shekara ne ita Ummul Muminin Khadijatul Khubra tayi wafati! Bayan Abu Ɗalib ya koma ga Allah da kwana Arba'in da Biyar (45) ita ma Allah ya mata rasuwa!

Ita Sayyida Khadija Manzon Allah (S) ya aure ta a matsayin Budurwa ce ba Bazawara ba Maƙiya ne s**a shigo da shubhat dan su tauye daraja da girma wanda Allah (T) ya bata, Manzon Allah bai auri wata mata ba a lokacin da yake raye ba se bayan Wafatin ta, Sayyida Khadija ita ce ta haifa masa Ƴaƴa ciki harda Sayyida Zahra (As) Shugaban Matan Duniya da Lahira.

Kuma ita Sayyida Khadija ita ce farkon mace wanda ta fara karɓan musulunci, bayan Manzon Allah ya dawo daga kogon Hira da shi da ƙaninsa Amirul Muminin Aliyu (As) ya bayyana mata cewa ga sakon da aka isar mishi ya isar wa Al'umma anan ya kira ta kuma ta amsa masa sakon Alla. Shi kuma Sayyidi Aliyu daman tuntuni shi Musulmi ne ya yi imani da Manzon Allah (S) tun kafin saukar wahayi.
Sayyida Khadija ta taka rawa mai girman gaske a rayuwar Manzon Allah da tarihin musulunci, matace tsayayya jaruma wacce ta taimakawa Manzon Allah akan abin da Allah ya aiko shi akai. Dukiyar ta sadaukar wajen taimakawa Annabi da musulunci.

Ita kaɗaice Allah ya wanzar da zuriyar Manzon Allah ta tsatson ta sune Ahlulbait. Ance lokacin da ta kwanta rashin lafiyar da bata tashi ba, tace Ya Rasulullah ina rokon ka da cewa ka ɗauki wannan zamantakewan aure da muka yi na shekaru in na taƙaita wani haƙƙin ka wanda ban maka ba, ina rokon ka yafe min. Sai Manzon Allah yace Tun da na aure ki ban taba ganin wani abu ba sai Alkhairi daga gare ki, wannan shedane daga Sadiƙul Musaddik Muhammad Rasulillah (S).

Manzon Allah ya ƙara da cewa ban san komai daga gare ki ba sai taimako da jure dukkan cutarwar Maƙiya da s**a mana, kuma kin ba da duniyar ki (Sadaukarwa) gaba ki ɗaya don addinin Allah ya tabbata, don haka ba abin da zan ce sai dai Allah ya saka da Alkhairi. Kuma tun daga nan duniya Manzon Allah ya mata bushara da zai bata makullin aljanna.

Sai Sayyida Khadija tace ya Rasulallah ina ma wasiyya da wannan! Sai ta nuna Sayyida Zahra domin nan da wani lokaci kaɗan zata zama baƙuwa kuma marainiya a baya na, kuma kada wata mata Bakurashiya ta cutar da ita! Kada wani ya doketa kuma kada wani ya ɗaga murya akan ta! kuma bana son taga wani abin bakin ciki tare da ita!!!

Sayyida Khadija Itace farkon mace da ta gasgata Annabi, kuma itace wacce ta fara sallah a bayan Annabi aka yi jam'i da ita, Kuma itace farkon mace da ta jajirce wajen kare Manzon Allah da dukiyarta wajen yaɗa wannan addini da taimakon raunana, Kuma ita ce farkon mace da imanin ta yakai na k**ala, domin k**ar yadda muka yi bayani tana daga cikin mata hudu wanda Manzon Allah yayi bayanin Imanin su kammalalle ne.

Manzon Allah (S) yake cewa: Mazaje da dama sun kammala a imanin su da mutumtaka ɗin su, amma a mata guda huɗu ne s**a samu wannan kammala; Na Farko itace Sayyida Asiya matar Fir'auna, na Biyu itace Sayyida Maryam Mahaifiyar Annabi Isa, na Uku itace Sayyida Khadija matar Annabi, na Huɗu itace Sayyida Fatima (As) ɗiya ga Khadija, Manzon Allah yace wannan mata sun kammala a imanin su kuma sun kammala a mutumtaka ɗin su, sun kammala a kyawawan ɗabi'unsu.

Wani ɓangare daga jawabin Sheikh Adamu Tsoho Jos wanda ya gabatar a ranar 10 ga watan Ramadan shekara 1441/2020 a Hussainiyyatu Sheikh Zakzaky (H) Jos.
Da wannan Jawabin yau Shekaru hudu kenan daidai.

https://t.me/+SnRZ_3Ug4lE4YTky

.

13/03/2024

Update: Hadiyyar Ramadan:

Kamar yadda aka saba Jagora Sheikh Ibraheem Zakzaky (H), ya raba kayan abinci ga mabukata don Azumin watan Ramadana.

02/Ramadan/1445
13/03/2024

10/03/2024

AN GA JINJIRIN WATAN RAMADAN!

بسم الله الرحمن الرحيم

[شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ يُرِيدُ اللَّهُ بِكُمُ الْيُسْرَ وَلا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ ]

صدق الله رب العرش العظيم

Yanzu haka mun sami tabbacin ganin jinjirin wata Ramadan a Birnin Kabi, Kaduna da Zandar na Jamhuriyar Nijar. A duk waɗannan wurare biyu jama'a masu yawa ne s**a gani. Don haka gobe Litinin ta zama 1 ga watan Ramadan 1445.

Allah Ta'ala ya yi mana taufiƙi a cikin wannan wata mai alfarma da yin ayyukan ibadodi ya kuma nuna mana ƙarshensa lafiya.

10/03/2024

29/02/2024

MUNA DA GAGARUMIN BIKI GOBE JUMA'A

Sheikh Shamsu Na Shehu Zai an gwance gobe Juma'a da Amaryar sa Malama Hafsah Ibrahim Auna.

Za a daura auren gobe Juma'a 20 ga watan Sha'aban a garin Auna dake karamar hukumar Magama a jihar Neja.

Mai gayyata Abu Ruhullah a madadin Dandalin Matasan Harkar Musulunci na yankin Kontagora.

Allah ya Bada ikon Halarta.

25/02/2024

BIKIN NISFU SHA'ABAN A ABUJA

Jagora Sheikh Ibraheem Zakzaky (H) ya halarci taron ranar Nisfu Sha'aban, wato ranar haihuwar Imami na 12 daga cikin Imaman shiriya, Imam Muhammad al-Mahdi (AJ), a Abuja, Nijeriya.

Taron ya kuma dace da ranar haihuwar Jagora Sheikh Zakzaky (H), inda ya cika shekara 73 a lissafin kalandar Hijira, a yau Lahadi 15 ga Sha'aban 1445.

15/Shaaban/1445
25/02/2024

22/02/2024

CIKAKKEN JAWABIN JAGORA (H)...

RAHOTON YADDA AKA GABATAR DA YIWA JAGORA SHEIKH ZAKZAKY [H] BARKA DA ZUWA A BIRNIN ABUJA.

-DAGA TASHAR ABS Channel Tv

ALHAMDULILLAH ❣️

22/02/2024

Wasu daga Hotunan Walimar Dawowar Jagora Shaikh Ibraheem Zakzaky (H) Daga Jinya, wanda ya gudana ranar Laraba 11 ga Sha'aban 1445 (21/2/2024) a National Stadium, Abuja.

— Cibiyar Wallafa

21/02/2024

CIKIN HOTUNA: Alhamdullah

Jagora Sayyid Ibraheem Zakzaky ya iso National studium dake Babban birnin tarayya Abuja yanzu haka.

📸Kontagora Media forum
21th February, 2024.

21/02/2024

Har zuwa yanzu karfe 12:20pm ana cigaba da zaman dakon jiran isowar Jagora Sayyid Ibraheem Zakzaky (H), a Birnin tarayya dake Abuja.

Nan wani sashe ne na daga mahalarta taron tarbar jagora Sayyid Zakzaky..

📸KKontagora Media forum MKontagora Media forum21th February 2024.

17/02/2024

Gayyata

Muna gayyatar al'umma zuwa taron murnar dawowar Jagora Sheikh Ibraheem Zakzaky (H) da mai dakinsa.

Sun dawo daga tafiyar jinyar da s**a yi. Alhamdulillah an samu nasarar jinyar.

Taron zai kasance k**ar haka:

Rana: Laraba, 11 Sha'aban, 1445 (21 Fabrairu, 2024).

Lokaci: 7:00 na safe (Taron zai fara da karfe 7:00 na safe)

Wuri: Abuja

06/Sha'aban/1445
16/02/2024.

01/02/2024

A gurguje saboda kurewar lokaci ga katin gayyatar Mauludin Imam Ali (As), wanda za a yi a garin Babban Rami.
👇🏼👇🏼👇🏼👇🏼

19/01/2024

Jagora Sheikh Ibraheem Zakzaky (H) ya gana da ƴan’uwa na harka Islamiyya dake karatu a Jami’o'i daban-daban a Iran.

19/01/2024

07/01/2024

MAULUDIN SAYYIDA FATIMA (AS), NA DARE A KONTAGORA YA ISAR DA SAKO

A daren jiya Asabar 6/1/2024 yan uwa Musulmi almajiran Shaikh Ibraheem Zakzkay (H), na garin Kontagora s**a gudanar da taron Mauludin Sayyida Fatima Azzahara (AS). A unguwar Bashari dake bayan gidan Sarkin Sudan, a cikin garin Kontagora.

Taron wanda yan uwa sisters s**a jagoranta ya fara gudana tun misalin ƙarfe 8:30pm na dare har zuwa karfe 12am na dare.

Mai gabatarwa sister Nusaiba Ibrahim Imam, ta fara gabatar da Malam Umar gidan ruwa domin ya bude taro da addu'a. Sai karatun Alkur'ani mai tsarki daga Maryam Alh. Umar, sai Zahra'u Umar Khajidaj Imam s**a karanto ziyara daga nesa. Sannan aka fara gabatar da mawaka.

Sai maraba da baki wanda Nusaiba Imam ta gabatar. Sannan Malama Hussai Isiyaku ta yi takaitaccen bayani game da falalolin Sayyida Fatima (As).

Wakilin yan uwa na garin Kontagora Malam Ibrahim Ahmad Imam shine yayi ta'alikin jawabin Malama Hussai. Tare da jan hankali da jan hankalin mahalarta game da wannan taron.

Sannan bayan ya kammala aka gabatar da Sidi Uzairu Badamasi, Kano domin wake Sayyida Fatima Azzahara. Uzairu Badamasi ya dauki dogon lokaci yana zubo baitocin yabo ga Sayyida Fatima da mahaifanta.

Jim kaɗan da kammalawarsa aka raba kyaututtuka na kananun buhun shinkafa ga mabukata na musamman. Da kuma wadanda sunan su ya dace da sunan Sayyida Fatima da kuma na mahaifan ta. Sannan aka yanka alkaki (cake).

Sai masu rabon kayan lambu fadak s**a cigaba da rabawa albarkacin Sayyida Fatima (As) ga mahalarta.

Daga karshe aka gabatar da Malam Muhammad Tukur wakilin yan uwa Musulmi almajiran Sayyid Zakzaky na garin Babban Rami ya rufe taron da addu'a.

Sai dai a yayin gudanar da taron wakilan mu na boye sun bankado mana yadda s**a jiyo muryoyin wasu daga cikin yan unguwar da ma sauran mahalarta suna nuna farin cikin su da wannan taron. Tare da jinjina ga wadanda s**a shirya taron.

📸Kontagora Media forum
Auwal M Tukur
Jawad M Abubakar

7th January, 2024.

06/01/2024

Yadda aka gudanar da Muzaharar Mauludin Sayyida Fatima (AS) a Kontagora jihar Neja

Da misalin ƙarfe 11:30am na ranar yau Asabar 6/1/2024 muzaharar Mauludin Sayyida Fatima ta ɗaga a filin kwallon kafa na cikin garin Kontagora.

Muzaharar wacce aka shirya domin tunawa da ranar da aka haifi Sayyada Fatima Azzahara. Muzaharar ta kunshi yanzu uwa maza da mata, yara da manya ciki har da Dattijai.

Wakilin yan uwa musulmi na garin Kontagora Malam Ibrahim Ahmad Imam shine ya jagoranci muzaharar.

Muzaharar wacce ta ratsa manya da kanana titunan cikin gari Kontagora. Inda a karshe aka rufe Muzaharar a kofar fadar mai martaba sarkin Sudan.

An yi lafiya an tashi lafiya. Sai dai kafin Rufewa da muzaharar yan jaishi Amirul Muminin, da Daliban Fudiyya s**a taka faretin girmamawa ga Sayyada Fatima.

Daga karshe Malam Imam yayi takaitaccen jawabi, sannan ya rufe taron da addu'a.

📸Kontagora Media forum
Auwal M Tukur
Khalid Haruna
Jawad M Abubakar
6th January, 2024.

05/01/2024

A CIKIN BUKUKUWAN MAULUDIN SAYYIDA ZAHRA (AS) A GARIN KONTAGORA RANA TA FARKO.

Yan'uwa sisters almajiran sheikh Ibraheem Zakzaky na garin Kontagora sun shiga tadrib na wuni daya a yau juma'a k**ar yadda yazo a jadawalin taron.

Malam Ibrahim Imam wakilin yan'uwa na garin Kontagora shine ya gabatar da karatuttuka a wurin taron, inda ya ambata cewa "dalilin kiran wannan tadrib din shine Sayyida Zahra ta zama samfurin sisters a wurin mu'amalar su da Mazajensu, makwabtansu, ya'yansu da yan'uwansu da kuma tarbiyyarsu ga ya'yansu da sauransu".

An fara wannan taron da misalin karfe 11:00am za'a rufe da misalin karfe 10:00 na dare insha Allah.

Kontagora Media forum
📸Nusayberh Ibraheem
5th jan, 2024

05/01/2024

HOTUNA: Yadda aka gudanar da taron Mauludin Sayyida Fatima Zahra (AS), a garin Babban Rami.

Taron wanda ya gudana jiya Alhamis 4/1/2024 a tsohon gareji dake cikin garin Babban Rami. A wannan karon an shirya taron ne domin tunawa da ranar da aka haifi shugabar matan duniya da lahira.

Da misalin ƙarfe 8:30pm na daren jiya Alhamis aka fara taron. Malam Haruna ya fara bude taron da addu'a. Kafin mai gabatarwa Sister Hauwa'u Abdullahi ta gabatar da Aliyu M. Halilu yayi karatun Alkur'ani mai girma.

Ittihadu sune s**a biyo baya da tsarabar baitocinsu, sai jawabin maraba da baƙi daga sister Larai Abubakar. Daga bisani sister Khadijah Bello ta karanto ziyarar Sayyida daga nesa. Jim kaɗan aka gabatar da Babban Bakon Sha'iri Sidi Uzairu Badamasi Kano domin bayar da tsarabar baitoci.

Bayan daukar mintoci yaba zubo gwala-gwalan baitoci yabon Sayyida Fatima da Ahlilbaiti (AS). Aka gabatar da Malam Sagir Aliyu Zawuyya Hayi Babban Rami. Wanda shine malamin da ya gabatar da jawabin a wurin.

Daga bisani aka Malam Muhammad Tukur yayi ta'aliki kan jawabin Malam Sagir. Jim kaɗan aka yanka alkaki (cake), domin girmamawa ga Sayyida Zahra. Tare da raba kyautukka ga masu sunan Fatima.

Daga nan aka sake gayyato Sidi Uzairu Badamasi ya cigaba da yin baitoci yabon Sayyida Fatima. Kana aka fara raba kayan lambun Fadak ga mahalarta.

Daga karshe wakilin yan uwa na garin Babban Rami Malam Muhammad Tukur ya gabatar da jawabin godiya a madadin sisters Forum na Da'irar. Aka gayyaci Malam Abubakar Labi ya rufe taro da addu'a.

📸Kontagora Media forum
Auwal M Tukur
Khalid Haruna
Jawad M Abubakar

5th January, 2024.

03/01/2024

GAYYATA ZUWA TARON MAULUDIN SAYYIDA ZAHRA(AS) A GARIN KONTAGORA

Sisters forum almajiran sayyid Ibrahim zakzaky na garin kontagora na farin cikin gayyatar yan'uwa musulmi maza da mata zuwa wurin taron tunawa da ranar haihuwar yar manzon rahma sayyida zahra (A.S) Wanda s**a saba shiryawa a kowace shekara.

Taron zai kasance na tsawon kwanaki biyu k**ar haka:

Ranar farko:- Juma'a 22 ga jumada thani

-Akwai tadrib wanda sisters zasu shiga na wuni daya.
-Wasannin yara.
-Ziyarar marasa lafiya a general hospital.

Rana ta biyu:-Asabar 23 ga jumada thani

-Muzaharar maulidin sayyida zahra da safe
-Taron maulidin a kofar gidan sarkin Kontagora 8:00pm- 11:00pm

Allah ya bada ikon halarta ilahee

01/01/2024

Gayyata! Gayyata!! Gayyata!!!

Ranar Alhamis 4/12/2023 idan Allah ya kaimu akwai Mauludin Sayyada Fatima Azzahara a garin Babban Rami.

KARFE 8:00PM NA DARE

01/01/2024

An gudanar da taron karfafa juna da Kwakwafa tunanikka akan Harkar a Da'irar Babban Rami

Sheikh Aliyu Tirmizi Kaduna shine Babban Bako a wurin taron da ya gudana jiya Lahadi 31/12/2023. Taron wanda Da'irar tare da haɗin guywar dandalin matasan na garin Babban Rami dake cikin karamar hukumar Mashegu a jihar Neja.

An soma taron tun misalin ƙarfe 10:30am na safiyar jiya Lahadi, a Government day secondary school, Babban Rami.

Taron wanda aka shirya domin zaburantarwa da karfafawa tare da Kwakwafa tunanikkan yan uwa Musulmi almajiran Shaikh Ibraheem Zakzkay (H), akan gwagwarmayar tabbatar da addinin Musulunci karkashin jagorancin Sayyid Ibraheem Zakzaky (H).

Daruruwan yan uwane maza da mata s**a halarci taron wanda aka shirya na wuni daya.

Kafin jawabi babban Bako, Malam Muhammad Tukur wakilin yan uwa Musulmi na garin Babban Rami, yayi takaitaccen bayanin makasudin shirya wannan taron.

Malam Ibrahim Ahmad Imam shine mai jawabi na biyu. Sannan jawabin Babban Bako Sheikh Aliyu Tirmizi Kaduna wakilin yan uwa Musulmi almajiran Shaikh Zakzkay na Da'irar Kaduna

Sheikh Aliyu Tirmizi, ya taɓo janibobi da daman gaske k**a daga manufar da'awar Sayyid Zakzaky, yadda dan gwagwarmaya ya k**ata ya kasance, yadda dan uwa ya k**ata ya kasance a cikin al'umma da yake rayuwa a cikin ta, mujahada da sauransu.

Sheikh Tirmizi yayi bayanin sosai. Kafin aka je sallah da cin abinci.

Bayan dawowa aka yi tambaya da amsa, filin tattaunawa, sai ta'aliki da Sheikh Tirmizi Kaduna ya gabatar. Inda ya jaddada muhimmancin neman ilimi ga matashin dan gwagwarmaya.

Sai aka yi addu'a da Sheikh ya gabatar.

©Kontagora Media forum
📸Jawad M Abubakar
1st January, 2024.

30/12/2023

A CIKIN DAREN NAN DAGA GARIN MATANDI

Yan uwa Musulmi almajiran Shaikh Zakzkay na garin Matandi, a karamar hukumar Kontagora jihar Neja. Sun gudanar da taron Mauludin Manzon da na Sayyida Fatima (AS), a yau Asabar 30/12/2023.

Ga kadan daga hotunan da Wakilinmu ya aiko mana su.

©Kontagora Media forum
📸Jawad M Abubakar
30th December, 2023.

25/12/2023

SANARWA! SANARWA!! SANARWA!!!

Dandalin matasan na harkar musulunci karkashin jagorancin Sayyid Zakzaky (H), na Da'irar Babban Rami a jihar Neja. Suna sanar da yan uwa almajiran Shaikh Zakzkay na Da'irar zuwa taron Mu'utamar na wuni daya da za a gabatar k**ar haka.

Ranar: Lahadi 31/12/2023 dai dai da 19 ga watan Jimada Sani 1445A.H

Wuri: Babban Rami

Lokaci: karfe 10:00am na safe

Babban Bako: Sheikh Aliyu Tirmizi Kaduna

Kudin Registration: ₦500

TAKEN TARO: Zaburantar da yan uwa akan Harkar Musulunci karkashin jagorancin Sayyid Ibraheem Zakzkay (H)

Domin tuntuba ko karin bayani
09072712469
08056030935
09156298687
09158937680

SANARWA: Daga Dandalin Matasa na Da'irar Babban Rami

16/12/2023

12 December: Tunawa da Shekaru takwas (8) na kisan kiyashin Zariya

Yan uwa Musulmi almajiran Sayyid Zakzaky (H), na garin Babban Rami dake karamar hukumar Mashegu a jihar Neja. Sun gudanar da taron tunawa da kisan kiyashin Zariya wanda Shugaban kasa Buhari ya yi a shekarar 2015.

Taron an shirya shi ne domin tunawa da kisan kiyashin Zariya cikar sa shekaru takwas (8).

Yan uwa da daman gaske ne, s**a halarci taron wanda ya guda a yau Asabar 16/12/2023 da misalin ƙarfe 5:00pm na yamma. Har zuwa karfe... na dare.

Maza da mata, yara da manya ne s**a halarci taron wanda ya guda a Markhazin yan uwan dake unguwar Kabawa a cikin garin Babban Rami.

Sayyid Zakzaky (H), shine ya gabatar da jawabin a wurin.

Ga kadan daga hotunan yadda taron gudana.

📸KKontagora Media forum MKontagora Media forumAAuwal M Tukur16th December, 2023.

16/12/2023

TUNAWA DA KISAN KIYASHIN ZARIYA SHEKARA 8

Kai tsaya daga Markhazin yan uwa almajiran Sayyid Zakzaky na garin Babban Rami, jihar Neja.

16/12/2023

SANARWA TUNAWA SA WAKI'AR BUHARI TA 2015.

Ana sanar da 'yan uwan musulunci Almajiran Sayyid Zakzaky (H) na Da'irar Babban Rami zaman tunawa da waki'ar Buhari ta 2015.

Zaman zai kasan k**ar haka:

Yau Asabar:16/12/2023
Lokaci: karfe 5:00pm na yamma
Wuri: Markhaz dake unguwar Kabawa

Note: Akwai sauraron jawabin Jagora (H), na tunawa da waki'ar da za'a saurara a wurin.

Allah ya bada ikon halarta

Sanarwa: Kontagora Media Forum

15/12/2023

Muzaharar cika shekaru takwas da ta'addacin Zariya a garin Babban Rami

©Kontagora Media forum

Daruruwan 'yan uwa Musulmi almajiran Shaikh Ibraheem Zakzaky (H), na Da'irar Babban Rami ne s**a gudanar da gagarumar muzaharar ruwan da waki'ar Buhari a yau Juma'a 15/12/2023.

Yan uwa Musulmin sun fito ne domin tunawa da kisan kiyashin da gwamnatin Buhari ta yi a Zaria. Kimanin shekaru takwas kenan da s**a gabata.

Masu muzaharar almajiran Shaikh Zakzkay ne, maza da mata yara da manya dauke da fastoci, da tutocin, suna tafe suna yin wakokin juyayi da alhini kan ta'addancin da aka yi a garin Zaria dake cikin jahar Kaduna a tarayyar Najeriya a shekara ta 2015.

Mai karatu zaka iya ganin yadda muzaharar ta gudana a cikin hotuna dake kasa.

Wakilin yan uwa Musulmi almajiran Shaikh Zakzkay na Da'irar Babban Rami Malam Muhammad Tukur ne ya gabatar da jawabin rufewa.

Daga wakilinmu
Abu Ruhullah
15th December, 2023.

Address

Maraba
Kontagora

Opening Hours

Monday	07:00 - 23:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:07 - 17:00

Telephone

+2349025104818

Website

http://Kontagoramediaforum.blogspot.com/

Alerts

Be the first to know and let us send you an email when Kontagora Media forum posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kontagora Media forum:

Videos

CIKAKKEN JAWABIN JAGORA (H)... RAHOTON YADDA AKA GABATAR DA YIWA JAGORA SHEIKH ZAKZAKY [H] BARKA DA ZUWA A BIRNIN ABUJA. -DAGA TASHAR ABS Channel Tv @followers ALHAMDULILLAH ❣️

TUNAWA DA KISAN KIYASHIN ZARIYA SHEKARA 8 Kai tsaya daga Markhazin yan uwa almajiran Sayyid Zakzaky na garin Babban Rami, jihar Neja.

Gargadi ga Masu Zumudin Kaiwa Jamhuriyar Nijar Hari. @Szakzakyoffice 06/08/2023

Aikace Aikacen Makiya Cikin Al'ummar Musulmi. @Szakzakyoffice 06/08/2023

Gareku masu karya cika ciki, ga amsa daga malumnan ku. Therefore; ranar Ashura rana juyayi ce, ranar bakin ciki ce. Ranar tsinewa makasan iyalan gidan Manzon Allah ce. Ba a yin farin ciki a ranar Ashura! ALLAH KA LA'ANCI MAKASA IYANA GIDAN MUHAMMADU (S). DA DUK MASU GOYON BAYA KO JIN DADIN ABINDA AKA YI A RANAR.

Ku kalli bidiyon yadda Jagoran Harkar Musulunci Sheikh Zakzaky, ya jagoranci raɗin Sunan Jikarsa a gidansa dake Abuja. Linzami da wuta maganin doki Mai gardama🥰 sun buga da kai sun barka Abu Ahmad.🤗

Kiran Jagora Sheikh Ibraheem Zakzaky (H) Game da Ranar Qudus ta Bana 2023. @Szakzakyoffice #FreePalestine #qudsday2023 12/04/2023

TAFSEER: Rana ta Goma sha biyu TAFSEERIN AL-QUR'ANI MAI GIRMA DAGA BAKIN SHAIKH ZAKZAKY (H) A RANA TA 12. #RamadanKareem Kontagora Media forum 4th April, 2023.

TAFSEER: Rana ta Goma sha daya TAFSEERIN AL-QUR'ANI MAI GIRMA DAGA BAKIN SHAIKH ZAKZAKY (H) A RANA TA 11. #RamadanKareem Kontagora Media forum 3th April, 2023.