Tongas Concepts

Home
Nigeria
Kano
Tongas Concepts

Shafi domin ayyukan Tongas Media Concepts
(7)

08/12/2023

DUBBAN MASU SAURARE ZA SU JEFA KURI'AR ZABEN TAURARIN 'YAN KASUWAR KANO NA 2023.

Ku Karanta Ku Ji.

Gidan Rediyon Vision Kano, da hadin guiwar abokanen Kasuwanci, TONGAS MEDIA CONCEOT, za su gudanar da Zaben Taurarin 'Yan Kasuwan Kano na 2023. Dubban masu saurare ne za su yi zaben TAURARIN 'YAN KASUWA NA KANO. 'Yan KASUWA dari biyu za su Sami shiga cikin zaben. Manufar haka, don INGANTA KASUWANCI DA SAMUN SABBIN ABOKANEN CINIKI, DA KARA KUSANTA 'YAN KASUWA DA JAMA'A. MASU JEFA KURI'UN MA, ZA SU SAMI KYAUTUKA DABAN DABAN.

A don haka, 'Yan KASUWA da ke sha'awar shiga, na iya zuwa gidan Rediyon VISION DA KE FARM CENTER YAU JUMA'A DA KARFE 4 NA YAMMA DOMIN KARIN BAYANI DA YIN RAJISTA. Ko a tuntube mu ta WhatsApp 08099000328

06/12/2023

Vision Radio Kano, 92.5FM
Business Affliate of TMC

ZABEN TAURARIN 'YAN KASUWAN KANO NA GIDAN REDIYON VISION.

'YAN KASUWAN DA KE BIRNIN KANO AKWAI ALBISHIR GAREKU A DAREN YAU.

Ku SAURARI Shiri na Musamman a daren nan na Laraba karfe 8 zuwa 9 INSHA ALLAH

04/12/2023

Vision Radio Kano, 92.5FM.
Business Affiliate of TMC.

MASU SAURARE ZA SU ZABI TAURARIN 'YAN KASUWAR KANO NA SHEKARAR 2023.

'YAN KASUWA NA KANO, KU KARANTA KU JI.
👇

Ina ku ke 'yan Kasuwan garin Kano? Za mu fitar da TAURARIN 'YAN KASUWAR KANO na SHEKARA ta 2023. Shiga cikin FAFATAWAR ZAMA TAURARIN ZAI BUNKASA KASUWANCINKU, SAMUN KARIN CINIKI DA KWASTOMOMI.

Domin karin bayani, da shiga TSARIN, Muna gayyatar 'yan Kasuwan zuwa gidan Rediyon Vision da ke FARM Center yau Litini da karfe 4 na yamma. Shin, kai da ke Kuna sha'awar shiga domin BUNKASAR KASUWANCINKU? Masu son halartar zaman, ku je WAJEN comment, ku rubuta sunayen WURAREN kasuwancinku, ku ce za ku halarta. Ko ku Yi mana magana ta WhatsApp 08099000328.

02/12/2023

Vision Radio Kano, 92.5FM
Business Affiliate of TMC

Albishir Ga 'Yan Kasuwar Kano.
Za mu fitar da TAURARIN 'Yan Kasuwar Kano na SHEKARA ta 2023 a karshen watan Disamba

Ina 'Yan Kasuwan da ke fatan kasancewa Taurarin? Ku ajiye sunayen Kamfanoninku, Masana'antu, Kantina, ko shaguna. Da lambobin wayarku na WhatsApp ko text message da za mu tuntubeku. Za mu turo muku SAKON gayyata domin halarta zaman karin bayani, Wanda za a gudanar gobe LAHADI a Vision Radio Farm Center, da karfe 4 na yamma.

Ku Yi hanzarin kasancewa a ciki DOMIN CIGABAN KASUWANCINKU

02/12/2023

Barkanmu da safiya. Allah ya Sanya mana albarka a wannan Rana, ya Buda mana kofofin arzikinsa.

01/12/2023

Vision Radio Kano, 92.5FM
Business Affiliate of TMC.
A Shirin DUK TUGEZA NA GOBE ASABAR, masu saurare ne za su zabi TAURARIN 'YAN KASUWA A KANO.

01/12/2023

Bari mu gani, mutanen da ke zaune a garin KANON DABO BIRNI nawa ne ke following na wannan shafin? Duk mazaunin Kano, ya daga hannu.
A kafta.

01/12/2023

Mu je WAJEN comment, mu yiwa Manzon Allah SAW Salati a wannan dare. Allah ya Buda mana KOFOFIN arzikinsa

28/04/2023

Ku ba ni shawara, ya dace na yafewa Buhari ko kuwa ka da na yafe masa?

18/04/2023

Shin Kuna Tare da Shafin nan Har Yanzu?

To Albishirinku.

Idan kuna biye da wannan shafin har yanzu, to muna muku albishir da cewa Kamfanin Tongas Media Concept, wanda ke da rajista da gwamnati, domin wallafe wallafe a kafar internet, ya shirya tsaf domin sake raya wannan shafin. Ba labarai za mu rika kawo muku ba, sai dai mamallakin shafin zai soma shayar da ku da bayanai akan business, yadda ake samun halastattun ayyukan yi da samun kudi a internet, nazari kan kasuwancin duniya, da gabatar da damarmakin ayyukan yi, ga matasanmu da sauran jama'a musamman na arewa. Kuma ma fi yawa a lakca na bidiyo. Hakika akwai karuwa sosai. Amma kafin nan, za mu auna nauyin wadanda ke biye da shafin har yanzu. Duk wanda ke biye da wannan shafi, mace ko namiji, kuma ke sha'awar soma shan ilimi kan dogaro da kai da hanyoyin samun halastattun kudi ta internet, to ya je wajen comment, ya rubuta yana tare da wannan shafin. Yawan mutanen da muka gani suna tare da mu har yanzu, shi ne zai bada damar soma abin da muka shirya.
Yanzu bari mu ga yawan wadanda za su yi comment.
Bismillah.

18/04/2023

TARON FACEBOOK CONNECT NA 'YAN AREWA.

Menene Hadafinsa?

Taron Facebook Connect da ake shirin yi, yana da muhimmancin gaske. Ko ba komai 'yan arewa za su yi zumunci, za a ga juna, kuma a yi nishadi.

Sai dai babban abin da wadanda s**a shirya taron ba su yayatawa da hange shi ne, hadafin taron, da dorewarsa. Ni dai ban taba ganin abin da 'yan arewa s**a shirya kuma ya dore ba.

Allah ya sa taron na Facebook Connect ka da ya zama na hira da cin abinci da nishadi, kuma a watse.

03/04/2023

A cikin daren nan, wata babbar mota ta yi hatsari kan gadar Lado a cikin garin Kano.

Hotuna daga Freedom.Radio.

03/04/2023

BAYAN GANDUJE YA KAI NNPP KOTU

Da Alama Shi ma EFCC NA JIRAN SA.

Bayan faduwar Jam'iyyar APC zabe a Kano, Gwamna mai barin gado Abdullahi Umar Ganduje ya ce za su je kotu su kalubalanci nasarar Abba Kabir na NNPP.

Tambayar da za a yiwa Ganduje anan shi ne, wanene zai biya kudin zuwa kotun? Domin wasu 'yan Jam'iyyar sun yi tsegumin cewa Ganduje ya yi kemadagas ya hana kudin Kamfen. Shi ya sa ba a iya zagaye kanana hukumomi 44 ba. Yanzu idan za a je kotu, dole a ware wata Naira biliyan daya domin lauyoyi da sauran abubuwa. To wai zai bada kudin?

A kasashen da s**a cigaba ko sharri aka yi wa Shugaba na bata suna, yana sauka daga mukaminsa ne ya bawa 'yan kasar sa da iyalansa hakuri. A Kano, an ga yadda aka nuna Ganduje na cusa Dala a aljihunsa, amma ko gezau ya cigaba da mulkinsa.

Sai dai kuma, alamomi suna nuna cewa da wuya EFCC bata damke Ganduje ba.

28/03/2023

A CIKIN KWANA DARI, GWAMNATIN ABBA KABIR ZA TA BA KANAWA MAMAKI.

-Alhaji Yahuza Gama ZANNAN KWANKWASIYYA

FITACCEN dan siyasar nan kuma jigo a cikim Jam'iyyar NNPP Alhaji Abubakar Yahuza Gama, Zannan Kwankwasiyya, ya bayyana cewa sabon zababben Gwamnan Jihar Kano Abba Kabir Yusuf ya yiwa Kanawa albishir a kananan hukumomi 44 idan su ka zabe shi. Ya ce babu mamaki wadannan albishir ya sa su ka fito su ka nuna masa halasci wajen zabensa.

Alhaji Yahuza Gama ya yi furucin haka ne a yayin da yake zantawa da wasu daga 'Yan Jarida masu Wallafa a shafin Intanet a gidansa da ke Kano.

Ya cigaba da cewa mata da matasa za su ci gajiyar Gwamnatin Abba Kabir, a yayin da mata za su rika haihuwa a Asibitocin Gwamnati a kyauta, sannan kuma matasa za a samar musu da aikin yi.

Ya ce a kwanaki dari na farko na Gwamnatin Abba Kabir Yusuf, jama'ar jihar Kano za su ga abubuwan alheri da farin ciki. Ya tabbatar da cewa mutane za su tabbatar an sami Gwamnatjn da ta damu da dukkanin al'amuransu.

Yayin da ya ke karin bayani dangane da kiran da jam'iyya mai mulki ta ke yi na a mayar da zaben Abba Kabir matsayin wanda bai kammala ba, Alhaji Yahuza Gama ya ce wannan surutu ne kawai domin an riga an ayyana shi matsayin Gwamnan Kano. Ya ce jihohi biyu ne wadanda za a sake zaben Gwamna a cikinsu.

Tunda farko a cikin bayaninsa, Alhaji Yahuza Gama ya nuna farin cikinsa kan nasarar da Abba Kabir ya samu, ya ce hakan ma ya faru shekaru hudu da s**a gabata

26/03/2023

BAYAN FADUWARSU ZABE,

IDAN WADANNAN ZARGE-ZARGEN SU KA TABBATA, WATAKILA GANDUJE DA IYALANSA SU SHA DAURI KAMAR GORO.

KU KARANTA KU JI

KASHI NA DAYA.

Wani binciken kwakwaf da na soma gudanarwa, jim kadan bayan bada sanarwar rangada Dakta Nasir Yusuf Gawuna da kasa, da kuma nasarar Abba Kabir Yusuf matsayin Gwamnan Jihar Kano, ya soma nuna alamar cewa da wahala Gwamnatin mai shigowa ba ta binciki Gwamna Dakta Abdullahi Umar Ganduje da iyalansa ba. Wannan bincike dai, mai Mujalladi goma, shafuka fiye da dari daya, zan cigaba da sakinsa da yardar Allah, sannu a hankali.

DA MA CAN CIKIN GIDAN DAKTA GANDUJE BA SU SO TAKARAR GAWUNA BA.
Majiyoyin boye da kuma wadanda su ka bayyana sun nuni da cewa dama iyalan Dakta Abdullahi Umar Ganduje, musamman Farfesa Hafsat ba su so Dakta Nasir ya zama dan takara ba. Idan za a iya tunawa da Farfesa Hafsat ta taba yin wani furuci da ke nuni da bukatar ta na ganin Hon Murtala Sule Garo ya zama dan takara karkashin Jam’iyyar APC. Sai kuma wata majiya ta tabbatar min da cewa, mutane sun gaya wa Dakta Ganduje idan aka dora Murtala, mutanen jihar Kano ba za su yi shi ba, domin Dakta Nasir Yusuf Gawuna ya fi shi gogewa, ilimi da kwarjini. A don haka a dole aka dora Gawunan.

GANDUJE DA IYALANSA BA SU TAIMAKI GAWUNA BA YADDA YA KAMATA A LOKACIN ZABE.
Wani jigo a cikin Jam’iyyar APC na jihar Kano, ya guntsa min cewa har zuwa ranar Juma’a 17/3/2023. wato jajibarin zabe, Gwamna Dakta Abdullahi Umar Ganduje bai saki kudaden da za a yi kai da komowan zabe ba ga ‘yan jam’iyyar ta APC ba.

Wani na kusa da Babban Darakta Kamfen na jiha, na Jam’iyyar APC Rabiu Sulaiman Bichi, da karfe takwas na dare na jajibarin zaben, ya shaidawa wannan bincike da na aiwatar cewa a wannan rana ta Juma’a 17/3/2023, Babban Daraktan ya shaida masa cewa ‘har zuwa lokacin ba a a saki kayan aiki ba (Kudi), a domin haka su cigaba da hakurin jira.

Wani kusa kuma a cikin Jam’iyyar ta APC a jihar Kano ya tabbatar min cewa ire irensa da yawa a ranar zabe, sun je rumfunan zaben ne matsayin ‘yan kallo ba domin su taimaki takarar Nasir Gawuna ba.

Ya ce ‘Ba mutum da aka ba wa naira ko daya, in ji shi. Wasu kuma an ba su kudaden domin ba wa ‘yan Jam’iyya, amma sun kwanta a kai sun ki su bada.

Ya ce, da karfe biyu na daren jajibarin zabe, aka yi masa sakon text a wayarsa ana gayyatarsa zuwa wani filin wata Makaranta, amma ya yi biris da sakon, sai da safe a ranar zabe ya je. ‘A lokacin da na je, aka ce za a ba ni wasu ‘yan kudade kalilan don rabawa ga ‘yan Jam’iyya. Ni kuma na ce, ba zan karbi komai ba, don gudun ka da a hada ni rigima da jama’a, ko mutunci na ya zube’, in ji shi. Ya ce haka ya yi tafiyarsa ya koma gida ba tare da ya taimaki Nasir Gawuna ba. Ya kuma tabbatar da cewa Gwamnatin ta Ganduje ba ta yin komai da su.

TABARGAZAR DA AKE ZARGIN GWAMNA GANDUJE DA IYALANSA SUN TAFKA
Wani binciken da na aiwatar, mai tarin yawa ya bayyana yiwuwar watakila Gwamna Dakta Abdullahi Umar Ganduje da iyalansa da wasu mukarrabansa kalilan su fuskanci fushin sabuwar Gwamnatin NNPP jim kadan bayan an rantsar da Abba Kabir Yusuf.

Wani binciken gani har hanji da na aiwatar, ya yi nuni da zargin da ake yiwa Gwamna Ganduje da sayar da kadarorin Gwamnati daban daban, a cewar wadanda su ka yi fallasar domin azurta kan sa da iyalansa.

Wani babban Jami’i a cikin Gwamnatin ya shaida min cewa Gwamna na da iko akan filaye da ke fadin jihar da ya ke mulki, amma doka ce sayar da ginin Gwamnati. Amma a cewarsa Gwamna Ganduje ya sayar da gine ginen Gwamnati da su ka hada da Ma’aikatar Gona. Ya ce Gwamnan ya bada fulotai a harabar.

Ya cigaba da cewa, Gwamna Ganduje ya bada gefen Ganuwar Kano (BADALA), ga mutanen da su ka rika mayar da wuraren gidajen Mai.

Ya ce shi ma ginin Daula Hotel, wanda kaya ne na al’umma, Gwamnan ya bada shi ga wani fitaccen dan kasuwar Kantin Kwari. Ya ce a doka ba Gwamna ba shi da ikon sayar da ginin Gwamnati, sai dai a mayar da shi wajen amfanin al’umma.

Ya ce, a lokacin mulkin Gwamna Dakta Rabi’u Musa Kwankwaso ya mayar da ginin na Daula Makaranta. Ya cigaba da cewa, Kwankwason ya mayar da ginin Hasana Sufi da ke hade da ginin Ma’aikatar ruwa ta jiha Makarantar ‘Yam mata. Ya ce, amma shi Gwamna Ganduje hatta gidan Rediyon Tukuntawa ya tashe shi daga aiki, ya raba Fulotai ga jama’a.

Jami’in Gwamnatin ya cigaba da nuna takaicinsa yadda Gwamna Dakta Andullahi Umar Ganduje ya kwashe watanni goma sha tara ba tare da ya bawa Ma’aikatun Gwamnati Overhead ba, wato kudaden tasarrufi na wata-wata. Har ya bada misali da wata Ma’aikata wadda akwai ofisoshin da rufinsu ya lalace, amma gwamnan ya yi kemadagas ya hana kudaden da za a gyara.

Ya ce, shi ma Mayankan nan mai tarihi da ke kan hanyar zuwa Panshekara wanda tsohon Gwamnan jihar Kano Alhaji Abubakar Rimi ya gina, shi ma sai da Gwamna Dakta Abdullahi Umar Ganduje ya wargaza shi. Mai fallasar ya yi zargin cewa Ganduje ya bada wannan wuri ga surukinsa dan uwan matarsa.

Ya ce sai da aka yi wata uku ana kwasar karafuna da injina ana fitar da su daga wurin. Ya tabbatar da cewa a kiyasi za a iya samar da fuloti sama da dari biyu a wurin.

Bari na tsaya anan, gobe zan cigaba da yardar Allah. Kafin nan, watakila Kwamishinan Yada Labarai na Jihar Kano Malam Muhammad Garba, zai amsa kiraye-kiraye ko sakon kar-ta-kwana da na yi ta masa domin jin ta bakinsu.

Bala M Makosa
(Baban Haidar)

10/12/2022

WATAKILA GWAMNA GOMBE DAN MAJE YA FADI ZABEN SHEKARA TA 2023.

KU KARANTA KU JI

A yayin da zabukan shekara ta 2023 suke kara gabatowa, a bisa dukkan alama, Gwamna Jihar Gombe Alhaji Muhammad Inuwa Yahaya Dan Majen Gombe, zai tattara ya nasa ya nasa ya bar gidan Gwamnatin, yana ji yana gani idan har bai yi hanzarin canza tsarinsa ba.

A wani bincike da wakilinmu da yanzu haka yake garin Gombe ya gabatar, ya bayyana cewa a yau Asabar Gwamna Inuwa ya kaddamar da kamfen dinsa a babban birnin jihar. Sai dai kuma k**ar yadda wakilin namu ya lura, abin sam babu armashi, duk kuwa da cewa Jam’iyyar APC a jihar ta ce ta yi wani babban kamu na daya daga cikin jiga-jigan Jam’iyyar adamawa ta PDP.

Binciken da wakilinmu yayi ta bakin ‘Yan Jihar na Gombe, sun tabbatar da cewa Gwamna Dan-Maje yana gudanar da ayyuka a jihar, sai dai abin ya fi karfi a gina tituna da saka fitillun haskaka gari a babban birnin jihar. “Sai dai idan ka je kauyuka babu komai da Dan Maje yayi wa mutane”, in ji wani da aka tattauna da shi.

Binciken wakilinmu ya gano manyan dalilan da za su zama sanadin da Dan Majen zai iya rasa kujerarsa yana ji yana gani.

RASHIN WALWALA:

Bincike ya tabbatar da cewa, al’ummar jihar suna kuka da Gwamnan, wajen matse hannu da hana Ma’aikatu da Kwamishinoni walawa, da rashin sakar masu isassun kudi da za su yi aiki da kula da jama’a.

“Da a ce Gwamna na sakin kudin wajen gudanar da ayyuka da alheran sun kai ga jama’a. To, ya hana kowa, hatta kwangiloli ma shi yake bawa kansa”, in ji wani na kusa da Gwamnatin, wanda bai yarda a fadi sunansa ba.

Wakilinmu da ya zaga wadansu Ma’aikatun Gwamnati a babban birnin Jihar, ya lura cewa biri yayi k**a da mutum, ganin yadda gine ginen Ma’aikatun da Kwamishinoni suke babu kyan fasali, babu walwala, kuma babu wani ab una ku zo ku gani da ake gudanarwa. Wasu Ma’aikatun ma, gine ginen babu ko fenti, duk Silin ya daye. Da wakilinmu ya tambaya, an tabbatar masa da cewa, haka na faruwa ne, saboda tsananin matse hannu da Dan Maj eke yiwa Kwamishinoninsa yana yi masu gashin kuma.

SHIRIN KARIN HARAJI DA HANA SANA’AR ACABA.

Wasu mutanen babban birnin Jihar sun tabbatarwa da wakilinmu cewa, suna tsoron sake zaben Gwamna Muhammad Inuwa Yahaya a karo na biyu, domin a cewarsu sun ji daga majiya mai tushe cewa, Gwamnan yana shirin zambada Karin kudin haraji a gine gine, da wuraren neman kudi, da hana Acaba idan ya sake zama Gwamna.

TSAKANIN DAN MAJE, DA DAN BARDE DA MAI LANTARKI WANENE ZA A ZABA.

Tambayar da mutane suke yi, a tsakanin Gwamna mai ci a yanzu, Muhammad Inuwa Yahaya, na APC, da Dan Barden a PDP, da kuma Mai Lantarki na ANPP, wanene zai yi nasara?

Masu lura da al’amura, sun tabbatar da cewa hannun kutare irin na Gwamna Inuwa Yahaya, shi ne zai bawa Dan Barde da Mailantarki dama a kansa. Sai dai kuma, sun ce shi Danbarde ya kasa saita kansa, kuma yana fada da jiga jigan Jam’iyyar ta PDP a jihar Gombe.

Masu lura da al’amuran s**a ce, irin hannun kyauta, da kyautatawa irinta Mailantarki, na iya sa ya rangada Gwamna Inuwa Yahaya da Dan Barde da kasa.

Gwambawa me ku ka ce?

01/12/2022

An Inside Look at the 2015 Zaria Massacre.

07/10/2022

LABARIN DA BA KU SANI BA KAN KISAN KIYASHIN DA AKA YIWA 'YAN SHI'A A SHEKARAR 2015.

Ana gab da kammala hada shi da yardar Allah. Kuma za a nuna shi a wani babban gidan Talabijin na duniya.

Ku kalli somin-tabi, sannan ku yi sharhi kan yadda ku ka gan shi.

29/08/2022

NA LURA ANA FADA NE DA AREWA, SHI YA SA ZAN FITA NNPP NA KOMA PDP.
-Shekarau.

Kun san arewan da ake fada da shi? Aljihun Shekarau shi ne arewan. A NNPP aljihunsa ba zai cika ba, amma yanzu a yau a Kano, Atiku zai cika masa aljihunsa. Shi kenan an daina fada da arewa. Shigarsa PDP, an daina fada da arewa kenan.

27/05/2022

DA ALAMA SHA'ABAN SHARADA ZAI YI KARKON KIFI A SIYASAR JIHAR KANO.

Ba takarar Gwamna, sannan kuma da alama zai rasa kujerar Dan Majalisar birni a Majalisar Tarayya.

26/05/2022

KUSKUREN PDP, NA TSAYAR DA DAN GIDAN MAROWATA TAKARAR KUJERAR GWAMNAN KANO.

-MUHAMMAD SANI ABACHA BA A GANINSA SAI BAYAN SHEKARA HUDU.

Na tuna, akwai wani lokaci da Muhammad Sani Abacha ya fito takarar neman a tsayar da shi kujerar Gwamnan Jihar Kano. A dai dai lokacin, gidan Marigayi Sani Abacha ya zama dandali ga 'Yan Siyasa, haka suke shiga, su yi ta hira da Hajiya Maryam Abacha. Su ci abinci da sauran nishadi.

To, amma, daga ranar da aka bada sanarwar cewa Muhammad Sani Abacha bai sami kujerar takara ba, to tun daga ranar aka kawo Sojoji kofar gidan, babu wanda ya isa ya shiga gidan.

Muhammad Sani Abacha, ba mu san shi a harkokin jin kan jama'a da shiga cikinsu ba, a jihar Kano ba, ballantana a siyasar jihar

Ko a wancan lokacin, hatta Shugabannin Kwamitin tafiyarsa, sun yi ta korafi akan girman kansa, da iko da jiji da kai. Kai hatta masu daukar masa hoto na bodiyo, akwai wadanda s**a kufula da halayyarsa. Masu hangen nesa ma suna fadin cewa, idan har Muhammad Abacha ya zama Gwamna, to gidan Gwamnatin Kano zai koma KWAIRANGA ROAD, domin mahaifiyarsa ce za ta zama Gwamnan a kaikaice.

Wannan, shimfida ne, kuma gabatarwa kawai kan jerin rubutun da zan yi akan rashin cancantar Muhammad Sani Abacha na samun kujerar takarar Gwamnan Kano, ballantana ya zama Gwamna.

A saurareni. Da yardar Allah.

19/05/2022

KANAWA SUNA YIWA ALHAJI BABALLE AHMAD TANIMU BARKA DA ZUWA KANO.

19/05/2022

LABARI MAI BAN MAMAKI.

GANDUJE NA SOSA BAYANSA DA MANJAGARA.

Dan Takarar Mataimakin Gwamna a Kano Murtala Sule Garo, na kokarin ficewa daga APC.

A cikin daren jiya, Gwamna Ganduje, tare da Barau Jibril Maliya, sun lallaba sun je gidansa domin su ba shi hakuri.

Madogara.
Labaran safe na AREWA RADIO.

18/05/2022

Dan takarar Gwamna Nasir Gawuna Ya Kai Ziyarar Kamun kafa gidan Aminu Dantata

Shin kuna ganin haka za ta fisshe su, dai dai lokacin da jiga jigan APC a Kano ke komawa wurin Kwankwaso?

18/05/2022

DA ALAMA DAI KWANKWASO YA GAMA KWASHE KAFAFUWAN GANDUJE A SIYASAR KANO.

-Shekarau ya Koma NNPP.

Me za ku ce?

17/05/2022

AN BUKACI GANDUJE YA KARYATA ZARGIN BADA KWANGILAR BOGI NA MILIYAN 110, GA KAMFANIN DA BABU SHI KWATA-KWATA.

Yayin da tukunyar siyasa ke cigaba da dumama a Jihar Kano, gidajen Rediyon Jihar masu zaman kansu, a jiya sun kawo bayanin fitaccen dan siyasar nan Bashir Jantile, wanda ya bukaci Gwamna Ganduje ya fito ya karyata zargin da wadansu jaridu suke y i masa.

Jaridun PR Nigeria, da Economic Finance, da Sahara reporters, k**ar yadda Jantile yayi bayani, sun ruwaito cewa, Gwamna Ganduje ya bawa wani Kamfanin da babu shi mai suna STONEGATE Quarry Ltd, kwangilar titin Ado Bayero Road, Dorayi Babba a cikin garin Kano, kan Naira miliyan 110.. Sai dai tun da aka soma aikin, aka jingine shi. Sannan kuma, Kamfanin da aka ce an bawa, wanda adireshinsa ke kan titin Domkard Bali Mabushi a Abuja, duk zuki ta malle ce.

Daga nan Bashir Jantile ya nuna mamakinsa yadda Gwamnatin Ganduje da sauran mukarrabansa har yanzu ba su fito sun karyata ba.. Ya ce, idan dai sun san kazafi aka yimasu, to k**ata yayi su fito su karyata, kuma su maka wadannan jaridu a kotu, ko domin Ganduje ya sami kwanciyar hankali shi da iyalansa anan gaba.

Masu karatu ya ku ke kallon wannan abin?

17/05/2022

Subhanalla.

An ce wani BOM ya tashi a Sabon Garin Kano yanzu yanzun nan.

Madogara
Jaridar Zuma.

Za mu kawo maku cikakken bayani

16/05/2022

Gwamna Ganduje ya janye takarar Sanatan Kano ta arewa, ya bar Barau Maliya ya sake takara.

A ganinku, me Ganduje ya hango ya janye daga takarar kujerar da yake hari idan ya sauka daga Gwamna?

Address

No 365, Shaik Jaáfar Mahmud Adam Road, Dorayi
Kano
234

Telephone

+2348099000328

Website

https://www.tmconcept.com.ng/

Alerts

Be the first to know and let us send you an email when Tongas Concepts posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tongas Concepts:

Videos

Vision Radio Kano, 92.5FM Business Affliate of TMC ZABEN TAURARIN 'YAN KASUWAN KANO NA GIDAN REDIYON VISION. 'YAN KASUWAN DA KE BIRNIN KANO AKWAI ALBISHIR GAREKU A DAREN YAU. Ku SAURARI Shiri na Musamman a daren nan na Laraba karfe 8 zuwa 9 INSHA ALLAH

An Inside Look at the 2015 Zaria Massacre.

LABARIN DA BA KU SANI BA KAN KISAN KIYASHIN DA AKA YIWA 'YAN SHI'A A SHEKARAR 2015. Ana gab da kammala hada shi da yardar Allah. Kuma za a nuna shi a wani babban gidan Talabijin na duniya. Ku kalli somin-tabi, sannan ku yi sharhi kan yadda ku ka gan shi.

GANDUJE A GIDAN SHEKARAU

A DAREN NAN, AN CE GANDUJE YA LALLABA YA JE GIDAN SHEKARAU. Shin, me ya kai shi?

INA MAKIYA MAULIDI?

MAULIDIN MANZON ALLAH (SAWA) NA BANA A SANA TA KASAR YEMEN. Makiya Maulidin Manzon Allah ya kasuwa? Sai dai ku mutu da bakin cikin. WARAFA'ANA LAKA ZIKRAKHA. Za mu daukaka ambatonka. Sai dai miyagu tsinannun Allah ne ke gaba da Maulidin Manzon Allah.

Shortcuts

Tongas Media Concepts, Publishers of MUJALLAR DUNIYA, and TongasOnline-English. Based in Kano, with registration NO: 2864848

Mujallar Duniya, da (TongasOnline-English), na kaiwa ga masu karatu fiye da dubu hamsin kowace rana. Muna samun makaranta, fiye da dubu dari biyu da hamsin a kowane mako. Ba a Najeriya kadai ba, har ma da kasashen duniya

Labarai da dumi-duminsu, shakatarwa, tallace tallace, shirye shirye da sauran isar da sakonnin