Ibrahim muhammad sani fagge

Ibrahim muhammad sani fagge Contact information, map and directions, contact form, opening hours, services, ratings, photos, videos and announcements from Ibrahim muhammad sani fagge, Digital creator, kabobo Street, Kano.

22/11/2024

MATA KU SAURARE NI DAKYAU.

Bari na faɗa muku wani abu s kyauta, abinda zai amfani rayuwar budurcin ki dakuma rayuwar auren ki. Abin da ba lallai ki gano kokuma ki sani da wuri ba sai bayan lokaci ya ƙure. Ki sani ke mace ce sannan komai naki mai mahimmanci ne, saboda haka ki saurare ni dakyau.

1: SAURAYIN KI BA MIJIN KI BANE.
Kada ki sake ki tambayi saurayi kuɗi kokuma wani abun da zai siya miki da nufin kina so kiga idan kunyi aure zai saki hannu kokuma za damƙe. Ƙarshen masu aikata hakan nadama ce.

2: KADA KI BIYEWA SHA'AWAR SAURAYI.
Duk saurayin da ya nuna buƙatar shi zuwa gareki to kiyi gaggawar dakatar dashi indai kema dama ba don hakan k**e ba. Idan ya dawo kun cigaba da soyayya to ki yafe masa. Idan bai ƙara zuwa ba to dama hakan ce ta kawo shi. Nadama itace ƙarshen masu biyan buƙatar samarin su.

3: SHA'AWA TANA IYA FIZGAR SAURAYI.
Ba lallai ɗan iska ne yake sha'awar mace ba. Saboda haka a duk lokacin da kika ga sha'awa zata fizgi saurayin ki to kiyi maza ki canja maganar da kukeyi kokuma kuyi sallama. Sannan kada ki dinga yin shigar da za'a yi sha'awar ki. Nadama itace ƙarshen masu tayar da sha'awar samarin su.

4: KI KOYI RARRASHIN MIJI.
Namiji yana da abubuwan da suke tayar masa da hankali masu ɗimbin yawa a waje idan ya fita, ki zamo wadda yake fara tunawa idan ya shiga damuwa saboda yadda k**e kwantar masa da hankali. Nadama itace ƙarshen masu ɗagawa mazansu hankali.

5: KI MAIDA GIDAN KI KAMAR ALJANNA.
Rayuwar maza cike take da burika masu yawan gaske. KANSHI, MATARSHI, ƳAƳAN SHI, IYAYENSHI, YAN UWAN SHI. duk so yake yaga basu wahala ba a rayuwa. Ki kasance mai tausasawa ga mijin ki. Nadama itace ƙarshen masu mayar da gidan su filin yaƙi.

Mata ku saurareni da kyau. 90% na cikin mazaje kimtsattsu sun auri mace ta gari ne. Ki kasance ta gari, ba ƴar gari ba.

Akwai abubuwa dayawa a gaban ki.
Ki rayu cikin aminci.

✍️Ibrahim reco kano

22/11/2024

MATA KU SAURARE NI DAKYAU.

GA WASU KUSKURE GUDA BIYU DA IYAYE MATA KEYI A WAJEN TARBIYYAR YARAN SU. MUSAMMAN YARA MATA.

Iyaye musamman mata na cikin gida suna yin kurakurai dayawa a cikin abinda ya shafi tarbiyyar yaransu mata. Wasu kurakuran daga ciki kawaici dakuma ganin ƙanƙantar abin ce tada suke yi. Wasu kuma ita kanta UWAR ce ahaka, ma'ana halayen ta suma a haka suke.

GA WASU KURAKURAI BIYU DAGA CIKIN SU.

1: TURA AIKEN BAƘAR MAGANA.
Iyaye mata dayawa suna yin kuskuren bawa yaransu saƙon zagi kokuma na baƙar magana su kaiwa wani ko wata. Misali wata maƙociyar ta ce ta hanata kuɗin ta da take binta bashi, sai ta aika ƴarta da baƙar magana akan cewa lallai lallai fa a bata kuɗin ta. ( babu amfanin kawo irin maganganun shiyasa bazan kawo ba).

To a wannan lokacin kin cusawa ƴarki abubuwa dayawa, kaɗan daga ciki sune: KOYON FAƊAR BAƘAR MAGANA. IYA FAƊAWA BABBA BAƘAR MAGANA, RASHIN SANIN YADDA AKE ƘARBAR BASHI, RASHIN KUNYA, dakuma FITSARA.

2: TURA AIKEN ZAGI.
Iyaye dayawa suna yin kuskure wajen bawa yaransu AIKEN ZAGI su kaiwa wani ko wata. Misali kin saka ƴarki ko ɗanki yayi miki wani aiki amma saiya tsaya wasa. Maimakon ki taso da kanki kiyi masa hukunci kokuma tsawatarws, a'a saiki ƙundumo wani zagin ki bawa ɗanki ko ƴarki ta kawo masa!!!!!

Abubuwan da kika aikata anan suna da yawan da bazasu irgu ba. Kaɗan daga ciki sune: KOYAWA ƳARKI ZAGI, RASHIN JIN TSORON ZAGI, ƘUNDUMA ASHAR A GABANKI, RASHIN GANIN MUNIN ZAGI.

Wani abin takaicin shine: rashin sanin ƙarfin ƙwaƙwalwar da mutum keda ita. Shi tunani musamman na yaro, ba k**ar na babba bane ba. Zaki iya bashi saƙon zagi ko baƙar magana kuma yaje ya isar daidai da yadda kika bayar, kokuma tayi ƙari akai idan tana jin haushin maƙociyar kokuma wanda aka aikawa zagin.

Da hakane zakiga yara ƙanana suna ƙunduma zagi a gaban idon ka batare da sunji komai ba, saboda uwarsu ta saba aikensu dashi. Kuma idan suna isar babu abinda zata yi musu. Idan aka cigaba ahaka to babu shakka cewa zaka ga al'umma guda amma babu abinda s**afi ƙwarewa akai face munanan halayen da iyayensu mata s**a cusa musu.

Ki sani wata ranar ke zata zaga.
Akwai abubuwa dayawa a gaban ki
Ki rayu cikin aminci.

✍️ Ibrahim reco kano
And
Humairah Muhammad

23/10/2024

KA SAKA LURA AKAN MUTANEN DA SUKE MATSOKA YAYIN DA NASARA TA FARA ƘWANƘWASA MAKA ƘOFA.

Mazaje ku saurareni da kyau. Ka zamo cikin ankara da lura sosai akan soyayya dakuma girmamawar da mutane suke yi maka. Da zarar kaga mutum ya canza cikin dare ɗaya, yana girmama ka k**ar wani sarki alhalin a baya ba haka bane ba? To tabbas akwai abinda yake faruwa a ƙasa. Alama ce ta yaudara, kuma ya k**ata kayi saurin farga. Soyayya dakuma girmamawar gaskiya ana ginata ne cikin lokaci mai tsawo, cikin aiki, bawai mutum farat ɗaya ya canja ba.

Mutanen da suke jefo maka yabo tare da girmamawa cikin lokaci ƙanƙani, to kasani suna da wata ɓoyayyiyar manufa. So suke yi su samu wani abun, sannan ka sani cewa kaine abin harin. Idan ka sake garkuwar ka tayi ƙasa har ka yarda dasu? To lallai kana cikin babbar matsala.

Ko a cikin KASUWANCI, ABOTA, KOKUMA ALAƘA, kada ka sake ka makancewa irin wadannan abubuwan. Waɗanda farat ɗaya suke nuna soyayya da girmamawa s gareka da wuya ka same su cike da gaskiyar hakan. Sannan zasu iya zama tarko mafi hatsari wanda zai kaika ga shiga mummunan yanayi.

Ka kasance a kaifafe, ɗan uwa. Kada ka ruɗe a tsakanin soyayyar gaskiya dakuma ta bogi. Koda yaushe ka dinga gwada aikin mutane lokaci zuwa lokaci. Sannan kada ka faɗa TARKON canjawar halin mutum farat ɗaya.

Ana samun gaskiya ne cikin aikin da aka dade anayi. Bawai a cikin canjawar ɗabi'ar mutum lokaci ƙanƙani ba. Ka kare kanka. Ka maida hankali kwarai da gaske. Sannan ka bar idanun ka s buɗe akan waɗanda suke so su more ka.

Girmamawa abu ne mai daraja.
Amma fa idan ta zamto ta gaskiya.
Akwai abubuwa dayawa a gaban ka.
Ka rayu cikin aminci.

Ibrahim reco kano

22/10/2024

HANYAR CIMMA NASARA CIKE TAKE DA ƘALUBALE WADANDA JARUMAI NE KAƊAI KE IYA ƘETARE SU.

Mazaje ku saurareni da kyau. Kasancewa mutum mai gumurzu da fafutuka tamkar yaƙi ne, yaƙin da masu matacciyar zuciya ke gudunsa. A farkon lokacin da ka fara fafutuka to a lokacin ne ka ƙalubalanci duniya. Babu mai goya maka baya, babu mai yi maka tafi, haka zalika babu mai tallafa maka. Kai kaɗai ne masoyin kanka, mai ƙarawa kanka ƙwarin gwiwa, mai tallafar kanka.

Mutane zasu dinga kokwanto akanka, zasu raina himmar ka, sannan sun gunduri gumurzun ka. Zasu yi ta lallashin ka akan cewa ka haƙura da burin ka saboda yayi girma dayawa, akan cewa kana so ka bunƙasa matuƙa Zasu yi maka dariya yayin da kake fafatawa,

Wannan shine dalilin da yasa dole ne kazama k**ar kaɗaitaccen ZAKI, duk inda za aje adawo baka buƙatuwa zuwa gare su. Baka buƙatar yabon kowa. Amma wani abun mamakin shine: mutane zasu fara tallafa maka ne yayin da s**a ga nasara ƙarara tana tunkaro ka. KA SA LURA. Dole ne ka farka kullum cikin fusata da himma wajen fafutuka koda babu wanda yake tafa maka.

Kayi shigar sunƙuru ka mamaye birane. Kada ka dinga fallasa sirrinka ga mutanen da basu cancanta ba. Ka adana burin ka kusa da ƙirjinka sannan kayi gumurzu batare da waiwaye ba. Mutum mai fafatawa yasan yaƙi ne na kai-da-kai, sannan sak**ako ne kaɗai yake rufe bakin yan tsurku.

Yayin da kake kai kaɗai kana gumurzu, a sannan ne zaka ga asalin cikakken ƙarfinka da kuzarin ka. Wannan tafiyar bawai ana yinta bane domin burge wasu ba, a'a ana yinta ne dan ka tabbatar kanada abubuwan da ake bukata domin cimma nasara.

Hanya ce ts**akkiya. Zaka iya samun daren da ka kasa yin Bacci a cikin sa, fuskantar ƙalubale iri-iri, wani lokacin ma har ka dinga kokwanton kanka da kanka. Kada ka damu domin hakan wani ɓangare ne na nasara. Kowane koma-baya, kowane cikas tamkar wata matattakala ce izuwa ga nasara.

Ba kabin duniya bashin komai, saboda haka kada kayi tsammanin zata baka abu haka siddan. Lokacin da ka fara zamarwa talauci dodo, lokacin da nasara ta fara ƙwanƙwasa ƙofa, to a wannan lokacin ne duk wani wanda yake rainaka, tsokanar ka da kokwanto akan ka bakinsu zai rufe ta hanyar nasarar ka.

Saboda haka kada ka damu kanka.
Kaci gaba da gumurzu.
Dariya tana nan tafe bayan kuka.
Akwai abubuwa dayawa a gaban ka.
Ka rayu cikin aminci.

Ibrahim reco kano

21/10/2024

MATA DAYAWA SUNA DA BURI AKAN WANDA ZASU AURA. ALHALIN BASU CIKA WANNAN SHARUƊAN A KARAN KANSU BA.

Mazaje ku saurareni da kyau. Yana da kyau mace ta ɗora buri akan wanda zata iya aura, MILONIYA, DOGO, ƊAN BABBAN GIDA, MAI DARAJA, MAI ƘARFI. Duk hakan yana da kyau. Amma saidai gaskiyar itace: dole ne kema ki haɗa duk waɗannan abubuwan. Dole ne kema ki zama mai daraja aji ta ɗaya k**ar yadda k**e so wanda zaki aura ya kasance.

Dole ne kema sai kinada wasu abubuwa masu daraja bayan kyakkyawar fuska. Dole ne sai kin fito daga babban gida, BUDURWA (ba second hand ba), MARA MUMMUNAN TARIHI, MAI TSABTA, YAR ƘASA DA SHEKARU 25, sannan mafi mahimmanci: MAI GIRMAMA AL'ADA, MAI TARBIYYA, MAI MIƘA WUYA, MAI TSORON ALLAH, sannan wanda zaki taimaka masa wajen cimma burin shi.

Ka daina shashantar da kanka wajen yin ƙasa da dokokin ka k**ar yadda itama take da nata dokokin kai domin ka faranta mata. Zaka yi rawar da babu tsalle. Kamar yadda ka kimtsa kanka to itama dole ne ta zamo kimtsattsiya.

Da zarar kace kaima sai mace mai daraja kake so ka aura to anan zaka ga munafurci, tsegumi, da ganin laifinka akan dan me zakace sai mace mai daraja zaka aura. YA ISA HAKA TO. ka ka sassauta akan dokokin ka. Ka tabbatar da cewa martabar ta takai ta LOKACIN KA, KUƊIN KA, KUZARIN KA. Kada ka zamo sakarai. Ka zamo kai ne kake sarrafawa.

Akwai abubuwa dayawa a gaban ka.
Ka rayu cikin aminci.

Ibrahim reco kano

21/10/2024

KASHEWA MACE KUƊI ALAMA CE TA RASHIN SANIN DARAJAR KAI DAKUMA LALACEWA.

Mazaje ku saurareni da kyau. Idan kana tunanin kashewa mace kuɗi shine zai saka ta girmama ka, to ka sake tunani. Ƙarya ake yi maka, zuƙi ta malle ake yayyafa mana cewa mata suna durƙusar da kansu a ƙasan wanda yake kashe musu kuɗi wajen siyan abu mafi tsada, ɗaukar su zuwa gidan abinci mai tsada, dakuma yi musu yayyafi da kuɗi.

WALƘIYA. baza su taɓa girmama ka ba saboda haka. Hasali ma saidai su kalle ka a matsayin shashasha sakarai. Sannan kai ɗin ba kowa bane ba face ATM ma tafiya a idanun ta.

Bari in yi maka gwari-gwari: ba zaka taɓa burge mace ba saboda adadin kuɗin da kake kashe mata ba, eh zasu iya yin murna da murmushi, suyi maka fari da ido, suyi maka godiya cikin tausasan kalamai masu daɗi, amma a can ƙarƙashin zuciyar su sunsan menene abinda yake faruwa.

Kana siyan kulawar su, lokacin su, kulawar su dakuma alaƙar su. To kasani cewa Mata suna girmama wanda yake umarni da girmamawa ne ta hanyar amfani da halaye tsayayyu da ƙarfi tare da manufa. Bawai wanda yake buɗe bakin aljihun shi ba.

Yayin da ka jefeta da kuɗi, to anan take kana tura wani saƙo ne wanda yake nuna gazawar ka a sarari tare da ƙoƙarin siyan yarjewa daga gare su. Amma kuma kasan me?? Babu wanda yake girmama namijin da yake ƙoƙarin siyan yarjewa. Zaka iya shinshino bijerewa daga wajen mace tun tana da tazara mai nisa.

Sannan adadin kuɗin da ka kashe mata?? Adadin rashin girmamawar da zaka gani daga gare ta. Zata karɓe kyaututtukan, zata morewa abincin, sannan ta ɗauki hoto tana murmushi harma ta turo maka. Amma a can ƙasa dariya take yi maka. Kai din ba kowa bane ba face wani lusari cikin jerin lusaran da suke kashe mata kuɗi.

Ka tsaya kayi tunani da kyau. Yaushe ne lokaci na ƙarshe da ka girmama wanda ya jefeka da kuɗin da yasha wahalar nema batare da wani dalili ba? Babu ko? To k**ar haka ne. Suma mata haka ne ta bangaren su. Zasu kwashi abinda zasu kwasa, amma GIRMAMAWA? wannan kana iya samun ta ne ta hanyar aikin ka, burin ka dakuma adadin yadda kake girmama kanka.

Namiji mai daraja wanda yasan ƙimarshi baya bukatar sai ya kashe kuɗi kafin mace ta kula shi. Yasan shi ɗin wanene sannan baya bukatar tabbatar da martabar shi da kuɗi. Ya himmatu wajen fafutukar shi ne. Yana gina goben shi ne sannan baya ɓarnatar da dukiyarsa domin burge mace, wadda Babu abin da zai samu a madadin kuɗin. Mazaje masu daraja suna kashe kuɗin su ne akansu, akan goben su dakuma abubuwan da zasu bayar da sak**ako. Ba wai akan murmushin da zai busar da aljihu ba.

A tunanin ka kana burge ta ne saboda sabuwar jakar daka siyo mata? Kokuma kuɗin anko ɗin daka bata? A'a sam sam, hasali ma tana tunanin yadda zata ƙara zage dantse ne wajen tatsarka dakyau. So take taga adadin malejin ka. Burinta shine nawa zata samu daga gare ka kafin ka farga ka waye. Sannan da zarar ka ankara SHIKENAN zata k**a gabanta. Ta tafi wajen wani sakaren na gaba wannan zai cigaba da biyan farashin. KADA KA SAKE KA ZAMA WANNAN SAKAREN.

Ka daina kasancewa dolon da yake kashe kuɗin shi akan mace da tunanin ai yana cin nasara ne akanta. Bata girmama hakan. Tana amfani da kai ne, tana yi maka dariya a bayan idonka, sannan da zarar ta gama dakai zata matsa izuwa wajen wani dolon wanda bai ankara ba.

Ka girmama kanka dakyau. Ka san kai wanene ta yadda zaka iya cewa A'A. Kuɗin ka naka ne, na kasuwancin ka ne, na ƙara bunƙasa kanka ne. Idan taƙi tsayawa saboda burin ka da manufar ka , to bata cancanci cin kuɗinka ba.

Saboda haka duk lokacin da mace ta ƙara yunƙurin gwada ka, tambayar ka kuɗin anko kokuma siya mata sabuwar waya, ka kalli cikin idanuwan ta kace mata KAI BA IRIN WANNAN SAURAYIN BANE. ka nuna mata cewa ƙimar ka bata da ma'aunin ta ɓangaren adadin kuɗin da zaka iya kashe mata. Sai dan kasancewar ka NAMIJI. idan ta cancanta to zata tsaya, idan kuma bata tsaya ba to ƙyale ta, sannan kayi murna ka kaucewa HARSASHI.

akwai abubuwa da yawa a gaban ka.
Ka rayu cikin aminci.

Ibrahim reco kano

20/10/2024

WAƊANDA S**A GAZA SUNE WAƊANDA S**A FAƊI. WAƊANDA S**A CI NASARA SUKE WAƊANDA BASU YARDA SU GAZA BA.

Mazaje ku sauraren i dakyau. Duk lokacin da rayuwa ta durƙusar dakai ƙasa , hakan ba yana nufin cewa SHIKENAN ba. A'a hakan wata dama ce ta ƙara ginuwa. Duk lokacin da kake tunanin gazawa kokuma kaci karo da dutse akan hanyar ka ta cimma nasara, to hakan yana nufin cewa ana kimtsa ka ne domin ruguza wannan dutsen. Wannan ɓarkewar da rayuwar ka tayi , tanan ne inda haske zai ɓullo. Tanan ne inda zaka haɓaka.

Karaya bawai ragwanci bane. Wani sarari ne da kake samun ƙarfin kaifafa kanka, kake shirya kanka da abubuwa masu ƙarfi. Kada ka ɗauka cewa wai ka ɗaiɗaice ne, a'a zaka dawo ka haɗe. Haɗewa mai ƘARFI, KAIFI dakuma mayar da hankali. Kowane ɓantare na rayuwar ka akwai muhallin sa, kuma bawai SHIKENAN anzo ƙarshe ba kenan. A'a hakan dama ce ta ƙara tasowa sama cikin kuzari.

Kada kaji tsoron kasawa. Amma kaji tsoron zama kasasshe. Kaji tsoron dawwama ahaka. A lokacin kasawar ka ne kake samun ƙwarin gwiwa na yunƙurawa, na gyara zaman ka dakuma ruguza duk wani abun da yake dakatar dakai.

Saboda haka duk lokacin daka jika a ƙasa kada ka zauna kana jimami da nadama. ZABURA KA MIƘE . Kadawo da ƙarfinka . Kai ba kasasshe bane , kai din JARUMI ne.

Akwai abubuwa da yawa a gaban ka.
Ka rayu cikin aminci.

20/10/2024

NASARA BATA GA RAGO. NASARA TANA GA WANDA YA ƘALUBALANCI KANSHI AKAN SAI YACI TA.

Mazaje ku saurare ni dakyau. RAƊAƊI, KOMA-BAYA, FAƊUWA, RAƊAƊIN ZUCU, wadannan ba iya abin ƙi da takaici kaɗai ne ba. Hasalima sune BULO da SIMINTIN da suke gina Gwarzon namiji. Wadannan abubuwan ba wai kaɗai suna gwada juriyar ka bane, a'a, sune suke goga dakai, suke mayar dakai ƙaƙƙarfa mai kaifi. A duk lokacin da rayuwa ta jefeka da ƙalubale to tana baka ZAƁI guda biyu. Kodai ka dauwama a ƙasa kana nadama da takaici, kokuma ka YUNƘURA domin ka nunawa duniya dame aka yi ka. Gwarzon namiji baya taɓa daukar zaɓin farko.

Lokacin da kake cikin raɗaɗi, kada ka kalli hakan a matsayin kasawa, a'a ka kalli hakan a matsayin wata dama ta ƙara haɓaka. RAƊAƊI yana tunkuɗaka ƙarshen iyawarka ne domin ka faɗaɗu, yana ƙarfafa ka. Duk wani raɗaɗin zuci da ka tsallake to yana ƙara ƙarfafa ƙawa-zuci da shauƙin ka ne, ta yadda zaka shiryawa wani naushin da rayuwa zata kawo maka anan gaba. koma-baya yanada ciwo, amma yana koyar dakai yadda zaka daina ta'allaƙa rayuwarka akan ta wasu. A lokacin ne zaka fara gano cewa ashe rayuwarka mallakinka ce sannan babu wanda zai iya nuna mata gejin ta. Gwarzon namiji shine kaɗai ya san adadin gudun malejin sa.

FAƊUWA? wannan itace mafi ƙololuwar darasi. A duk lokacin da ka faɗi, to k**ar ka koya abinda baya aiki ne, wannan ka ƙara matsawa kusa da abinda yake aiki. Gwarzon namiji ya san cewa idan ya faɗi ba wai shikenan anzo ƙarshe ba. Yasan cewa ɗaya daga cikin matakin nasara ce. A maimakon ya bar faɗuwa haka ta wuce, a'a sai ya ɗauki darasin data koyar dashi, ta yadda zai ƙara himma da dabaru, sannan ya dawo cikin ƙwarewa da hazaƙa. Gwarzon namiji baya tsoron ya faɗi, domin yasan cewa idan ya faɗi to k**ar ya samu damar dazai ƙara yunƙurowa ne cike da ƙarfi da basira.

Duk wani ƙalubale daka tsallake yana tankwara ka ne kazamo abu ƙaƙƙarfa, abu mai juriya. Kana fuskantar ƙalubale haka zalika kana ƙara horuwa. Gwarzon namiji baya gujewa GUGUWA , ya tsayawa ne tsayin daka ya tunkareta. Saboda yasan duk wata GUGUWAR daya haye to tana mayar dashi mai tauri mai wahalar ruguzawa ne.

Saboda haka kada kaji tsoron gumurzu da fafutuka. Sune abubuwan da zasu mayar dakai Gwarzo. Ka koya daga garesu ta yadda zaka fito. DA ƘWARI, DA HIMMA, DA ƘARFI, DA TAURI, DA ƘWAREWA.

akwai abubuwa dayawa a gabanka.
Ka rayu cikin aminci.

Ibrahim reco kano

20/10/2024

SOYAYYA A 2024 SAI KABI A HANKALI IDAN BAHAKA BA KUMA KA FARA ZUBIN ADASHIN DA BABU RANAR ƊAUKA.

Mazaje ku saurare ni dakyau. Yin soyayya da mace a 2024 ya zama k**ar kaje gidan marayu ka ɗauko guda ɗaya domin ka raineshi. MEYASA? saboda yawancin matan da suke waje yanzu da sunan neman miji suna tsammanin abubuwa dayawa daga gareka da zarar ka furta kana son su. Suna jiran kace kana sonsu domin ka SIYA MATA ANKO, KA SIYA MATA WAYA, KA SIYA MATA ABINCI. Sai kace wadda take soyayya da gidauniyar bayar da tallafi. To ka sani cewa kai ba MAHAFINTA bane . Kuma ba kace kana sonta bane domin kawai ka kashe mata kudi ba.

Idan kuɗi take so domin ta kashe , to ta nemi aikin yi ko sana'a, kokuma ta tambayi mahaifinta . Ita alaƙa ana gina ta ne akan martaba juna bawai ka kasance mata ATM ba. Kada ka sake ta mayar dakai abun tatsar kudi . Mace mai daraja tana ɗaukar ɗawainiyar rayuwarta ne bawai jira take kalmar SO ta zame mata tikitin karbar kudinka ba. Bawai kazo wajenta bane domin kayi mata yayyafin kuɗi ba. A'a kazo ne domin gina wani abu muhimmi.

Saboda haka kada kabari mata irin wadannan su juya tunaninka izuwa na ragon namiji. Idan mace bazata iya tsayawa da ƙafafuwan ta biyu ba. Idan ta mayar da soyayya wani kogin kamfato kuɗaɗe, to kasani wannan bata cancanci LOKACIN KA, KUZARINKA, KUƊIN KA BA.

Akwai abubuwa dayawa a gabanka.
Ka rayu cikin aminci.

Ibrahim reco kano

20/10/2024

KADA KASAKE JIKIN MATARKA YA ZAMO A ARAHA BANZA. TA YADDA YA ZAMA ABIN KALLON KOWA.

Mazaje ku saurare ni dakyau. Jikin matarka naka ne sannan kuma kai kaɗai. Tsiraicinta hurumin idanuwanka ne kai kaɗai , sannan kuma dole ne a kare shi daga sauran idanuwa. Idan burinta shine kullum ta dinga fita rabin ta tsirara, tana nuna gashin kanta da ƙirjinta dakuma sauran abubuwa tana nunawa duniya domin ta gani , to ka sani wannan zazzafan MARI ne a gareka dakuma mazantakar ka, babu wani cikakken namiji da zai dauki wannan. Wa take so ta birge? Wa take so ta janyowa hankali ??

Idan matarka bata girmama kanta ba, ta yaya kake tunanin cewa zata girmama ka? Duk matar da take girmama mijinta baza ta taɓa fita tana yanga domin burge wasu mazajen ba. Ya k**ata ka lura da me matarka ta saka a lokacin da zata fita. Matukar bazata iya kimtsa kanta tayi shiga irin wadda ta dace koda bayan baka nan ba , to ka sani cewa bata cancanci kasancewa a cikin rayuwar ka ba.

Cikakkun mazaje masu ƙima basa aminta da macen da take son mutane su dinga yabonta da yabon jikinta. Matukar bazata iya ɗaukar kanta da daraja dakuma ƙima ba , to kasani wannan bata dace dakai ba. Ka zamo mara sassauci akan kanka , WACE IRIN MACE CE WADDA KAKE BUKATAR TA KASANCE A TARE DAKAI? wadda taka ce kai kaɗai kokuma wadda take tallatawa duniya kanta? Matukar batayi shirin martaba dokokin ka dakuma kare mutuncin kanta ba, to bata kai ƙimar da za a kirata da sunan MATARKA ba.

Akwai abubuwa dayawa a gabanka.
Ka rayu cikin aminci.

Ibrahim reco kano

19/10/2024

KADA KAYIWA WANI HASSADA . KAYI KOKARIN ZAMA WANDA ZA AYIWA HASSADA.

Mazaje ku saurare ni dakyau. Talaka yana tsanar mai kuɗi kwatankwacin irin tsanar da kasalalle malalaci yake yiwa jarumi Gwarzo. Saboda suna ganin cewa sune a mataki na ƙasa idan akayi gwaje.

Amma ga wata dabara guda ɗaya. Kayi amfani da wannan fushi ko jin haushin a matsayin wani mak**ashi na musamman domin ingiza kanka gaba. Ka bar wannan tsanar ya zamo wata wuta mai ruruwa daga cikinka. Kayi amfani da ita domin ƙara zage dantse. Ka kai kanka maƙurar iyawar ka. Ka tabbatar wa kanka cewa bazaka zauna a mataki na ƙasa ba.

Kada ka ɓata lokacin ka domin yiwa wani Hassada ko jin haushi. Kayi amfani da wannan kuzarin domin fafatawa. A kowane lokaci Kaga wani yana cin nasara , to hakan ya zama abun tunatarwa a gareka cewa ashe kaima zaka iya. Kayi amfani da ƙiyayya amma kada kazama maƙiyi.

Ka nutsu ka ƙara kimtsawa sannan Kayi aiki tukuru har ka dawo kaine wanda ake yiwa Hassada bawai kaine kake yi ba. Sannan aka wane lokaci kada dai ka manta da cewa kada kazamo mai yiwa wani Hassada. Kabarsu su suyi maka. A lokacin da kaikuma kake ƙara haɓaka kanka .

Akwai abubuwa dayawa a gabanka.
Ka rayu cikin aminci.

Ibrahim reco kano

19/10/2024

KOMAI YANADA FARASHI . HAKAN YANA NUNI DA CEWA NASARA MA AKWAI NATA FARASHIN.

Mazaje ku saurare ni dakyau. Nasarar da za a ci a gobe tana alaƙance da sadaukarwar da aka yi yau. Bazaka taɓa tsammanin nasara a nan gaba ba matukar baka zage dantse tare da horo da aiki tuƙuru a yanzu ba. GUMURZU, RASHIN BACCI DA DARE, GUMI, tare da FAFATAWA , duka wata shimfida ce ta cimma nasara. Idan kai aka da yaushe burinka shine JIN DADI, KASHE KUƊI NA SHIRME, BIYEWA ABUBUWA MASU JAN HANKALI, hakan tamkar kana haƙawa kanka da kanka ramin binne kanka ne. Sadaukarwa ba zaɓi bace, farashi ce da zaka biya domin gobenka .

A matsayin ka na matashi , wannan shine lokacin da yafi dacewa kayi gumurzu. Kada ƙarfi , Kanada lokaci dakuma himmar saita rayuwarka. Amma idan ka ƙarar dashi cikin biyewa abubuwa marasa amfani da biyewa gayu dakuma biyewa mata ? To kajira gobenka. Ina mai tabbatar maka da cewa zaka dauwama a waje ɗaya ne.

Sadaukarwa tana nufin ajiye duk wani gajeren jin dadi domin samun jin dadi mai tsawo. Tana nufin yanke zazzafan hukunci ta yadda zaka rayu anan gaba rayuwa mai dadi. Ka daina kashe kudinka akan abinda ba tilas ba. Ka guji abubuwa marasa ma'ana masu daukar hankali. Sannan ka himmatu wajen samun gogewa dakuma faɗaɗa kanka. Duk wata rana daka shashantar to ka koma baya. Sannan duk wata rana daka sadaukar to zata kara matsar dakai izuwa kusa da matakin nasara.

Akwai abubuwa dayawa a gabanka.
Ka rayu cikin aminci.

Ibrahim reco kano

18/10/2024

KOMAI TSANANI KOMAI WAHALA KADA KI SAKE KINA MACE KI DINGA CIN ABU AKAN HANYA.

Mata ku saurare ni dakyau. Kada ki kuskura ki sake kina mace a sameki kina taune-taune akan t**i kina tafiya. Wannan ba wani abu ne wanda za ayiwa kwaskwarima ba domin kai tsaye zubar da ƙima dakuma aji ne yin hakan. Anan take kin mayar da kanki tamkar tinkiyar da take cin ɓawon lemon da aka wurgar. Kina tunanin cewa wai mazaje nagari basa zuba ido wajen tace matar aure? To suna nan suna tsallake masu ciye-ciye akan hanya domin sun tabbatar da cewa mace ta gari bata taune-taune akan hanyar k**ar BALAMA.

Matukar kinaso idon mazaje masu daraja ajin farko su dawo kanki to saikin kame kanki daga cin abu akan t**i. Ina kunyar taki take? Ina kare mutuncin naki yake? A tunaninki haƙoran bakinki sunyi arahar da kowane GARA zai kalla? Ko kin daidaita ƙimar motsin bakinki data akuyar kan t**i?

Mata dayawa suna kukan rashin samun miji nagari. Amma sunkasa gano cewa shi miji nagari baya auren AKUYA ba. Kun kasa gane cewa kamun kai dakuma kare mutunci shine babban ado da mace take tafiya dashi akan t**i. To meyasa k**e wofantar da wannan adon?

Ki kula ki k**a kanki.
Shekaru kullum ja suke yi.
Akwai abubuwa dayawa a gabanki.
Ki rayu cikin aminci.

Ibrahim reco kano

13/10/2024

KODAI KA MAIDA KUƊI YAZAMA BAWANKA . KOKUMA KAI KAZAMA BAWAN KUƊI. ZAƁI YA RAGE NAKA.

Mazaje ku saurare ni dakyau. Mafiya yawan mutane yanzu sun koma yin bautar kudi batare da sun ankara da hakan ba. Kuma rashin ankarar shine yake ƙara dauwamar dasu acikin bautar. Kada ka sake kabari kuɗi ya mallake lafiyar ka, lokacin ka, kuzarin ka, tare da gobenka. Idan har kana iya siyar da ɗaya daga cikin waɗannan abubuwan domin kuɗi, to ko shakka babu kana bautawa kuɗi batare da ka sani ba.

Kamata yayi ka maida kuɗi bawanka. Wanda zai yimaka aiki tuƙuru koda kuwa bacci kakeyi. Idan har ka saka kudi yana yimaka aikin kawo wasu kudaden to alama ce da take nuna cewa kaine ka mallake shi. Amma matukar sai kayi aiki da lokacin ka da lafiyar ka sannan zaka samu kudi to shine ya mallake ka.

Rayuwa tsakanin biyan albashi dakuma biyan wani albashin , alama ce da take nune kuɗi shine yake sarrafa ka. Bawai kaine kake sarrafa shi ba.

TA YAYA ZAKA FITA DAGA ƘANGIN BAUTAR KUƊI, YADAWO BAWANKA?

■ Ta hanyoyi guda biyu:

1:BUSINESS.
● Business shine abinda idan ka bude da kudinka sannan ka dora wanda zai dinga kula maka dashi zai dinga kawo maka kudi kana can kana MINSHARI. a lokacin ne kasaka kudinka yayi maka aiki. Aikin kuma tuƙuru. Batare da ka saka lokacin ka kokuma kuzarin ka ba.

2:INVESTING.
●Zuba hannun jari shine ƙashin bayan samun arziki mai tarin yawa. A lokacin da ka zuba hannun jari, zaka kasance mai samun kudin shiga batare da Kayi aikin komai ba. Kana majalisar yan zaman kashe wando a nata hira kaikuma ashe zaman da kake yi kudi kake samu koda kuwa bakayi aikin komai ba.

Kayi tattalin lokacinka wanda dashi ne zakayi amfani wajen kara ganin damarmaki marasa adadi wadanda zasu kawo maka kuɗaɗen shiga masu tarin yawa.

Kodai kazama bawan kudi kokuma kudi yazama bawanka . Dole sai ɗaya ta faru. A wanne matsayin kake?

Akwai abubuwa dayawa a gabanka.
Ka rayu cikin aminci.

Ibrahim reco kano

13/10/2024

KADA KA TAƁA RAINA ƘANANAN MATAKAI. DUK GIRMAN MASARAUTA DA BULO ƊAYA AKA FARA GINA TA.

Mazaje ku saurare ni dakyau. Kada ka taɓa raina ƙanƙantar mataki a fagen cin nasara. Saboda babu wata masarauta data bunƙasa da girma face da BULO ɗaya aka fara gina ta. To haka zalika cimma nasara a rayuwa shima yana farawa ne da ƙananan matakai. Kana tunanin an gina masarautar daular ANDALUSIA ne cikin dare ɗaya? Da ace angina ta cikin ƙanƙanin lokaci to ta tuni ta rushe cikin irin wannan ƙanƙanin lokacin.

Dole ne kafin ka gina wani abu mai ƙarko saika ɗauki lokaci mai tsayi tare da aiki tuƙutu batare da gazawa kokuma ragin hanya ba. Ka kalli ALIKO DANGOTE a matsayin abun misali. Tun yaushe yake cikin harkar kasuwanci? JIYA? SHEKARANJIYA? MAKON DAYA WUCE? kokuma shekaru masu yawa das**a wuce? Tabba ya daɗe ana gumurzu dashi kafin yakai inda yake yanzu. Tabbas fafatawar da yayi bawai jiya ya fara ba kokuma shekarar data wuce. To kai meyasa kake so cikin wata ɗaya kaci nasara?

Duk wani abu da aka ɗauki lokaci mai tsawo ana yinshi tare da sadaukarwa dakuma aiki tuƙuru to baya taɓa rugujewa acikin sati kokuma wata ɗaya. Amma duk abinda aka gina shi cikin gaggawa tare da bin ragin-hanya to ka kalli abin nan a matsayin rusasshe tarwatattse.

Kada ka damu da rashin saurin zuwan nasara matukar kana kan hanyar data dace. Lokacin da zakayi dariya alokacin ne zaka tabbatar da cewa lallai lokaci baya ƙarya sannan aiki tuƙuru da jajircewa basa tafiya a banza. Da ace ana samun abu mai ƙarko cikin ƙanƙanin lokaci to ina mai tabbatar maka da cewa rayuwar babu wani ɗanɗano ko zaƙi da zata yi . Domin an fi martabawa dakuma jin dadin nasara bayan ansha wahala kafin a samu.

Ka gaskata lokaci.
Kada kayi gaggawa.
Komai lokaci ne.
Kadai kabi hanyar data dace.
Kada ka biyewa masu gaggawa.
Akwai abubuwa dayawa a gabanka.
Ka rayu cikin aminci.

Ibrahim reco kano

12/10/2024

IDAN RAYUWA TAYI MAKA TSANANI . KA DINGA TUNAWA CEWA BABU WANDA YA DAMU DAKAI SAI KAI DA KANKA.

Mazaje ku saurare ni dakyau. Ka sani cewa rayuwa ɓangare biyu gareta . Akwai tsanani sannan akwai sauƙi . Akwai farin ciki sannan akwai baƙin ciki. Akwai dariya sannan akwai kuka. Akwai fushi sannan akwai murmushi. Uwa uba kuma akwai MUTUWA sannan akwai RAYUWAR ita kanta. Waɗannan abubuwan sune s**a haɗu s**a zama yau-da-gobe . To wani irin shiri kake yiwa ɓangarorin biyu na rayuwa? Ka kasalance ne saboda jindadi kokuma ka yanke ƙauna saboda tsanani?

Dole ne k**ar yadda rayuwa take da ɓangarori guda biyu , haka zalika kaika ka kasance kana da PLAN guda biyu . Idan rayuwa zata juyo maka da ɓangaren farin ciki babu NOTICE. Saboda haka kaima saika shiryawa wannan lokacin tun kafin yazo . Haka zalika idan zata juyo maka da ɓangaren baƙin ciki shima babu NOTICE. Saboda haka saika kasance a ankare cikin shiri tun kafin lokacin yazo.

TA YAYA ZAKA SHIRYAWA LOKACIN BAƘIN CIKI KAFIN YAZO?

■ Ta hanyar yiwa allah madaukakin sarki biyayya. Tare da bin dokokin sa. Ta hanyar kyautata alaƙarka da mutane. Ta hanyar taimakawa nakusa dakai a lokacin da kake cikin walwala kafin lokacin baƙin ciki ya juyo. Ta hanyar faɗaɗa hanyar samun kuɗinka. Ta hanyar yawan tuba daga zunubanka.

Idan kayi haka, shine zaka yi dariya harda shewa idan lokacin baƙin ciki yazo. MEYASA? saboda a fili ƙarara zakaga AYAR ALKUR'ANI tana fassara maka kanta . Daga lokacin ne duk lokacin daka bude cikin ALKUR'ANI kaci karo da AYAR kawo sauƙi bayan tsanani zakaji ta shiga cikin zuciyar ka domin ka gani a aikace .

Lallai ubangiji gwanin hikima ne cikin fadinsa ( FA INNA MA'AL USRI YUSRAN. INNA MA'AL USRI YUSRAN)

TA YAYA ZAKA SHIRYAWA LOKACIN FARIN CIKI KAFIN YAZO?

■ Ta hanyar yiwa allah madaukakin sarki biyayya. Tare da gode masa cikin yanayin ƙuncin da kake ciki. Ta hanyar rashin kaiwa kowa kukanka face ubangiji. Ta hanyar ƙin hada allah madaukakin sarki da wani a wajen bauta . Ta hanyar kiran allah madaukakin sarki kaɗai idan tsanani yayi tsanani. Sannan kuma kada ka ƙullaci kowa saboda yaƙi taimaka maka lokacin da kake bukatar taimako .

Hakanne zai sa idan lokacin farin ciki yazo bazaka ƙetare iyaka ba sannan kuma bazaka muzgunawa kowa ba . Sannan aduk lokacin da ka kadu da AYAR da take magana akan godiya ga Allah zaka ji tana ratsaka.

Lallai ubangiji gwanin hikima ne cikin faɗinsa (HAƘIKA IDAN KUKA GODE MIN TO ZANYI MUKU ƘARI . SANNAN IDAN KUMA KUKA BIJIRE MIN TO HAKIKA AZABATA TANADA RAƊAƊI)

Mazaje ku saurare ni dakyau. Babu wani wanda zaiyi maka duk wannan sai kai.
Akwai abubuwa dayawa a gabanka.
Ka rayu cikin aminci.

Ibrahim reco kano

Address

Kabobo Street
Kano

Telephone

+2347044442461

Website

Alerts

Be the first to know and let us send you an email when Ibrahim muhammad sani fagge posts news and promotions. Your email address will not be used for any other purpose, and you can unsubscribe at any time.

Videos

Shortcuts

Share

Category