https://www.facebook.com/104830911613365/

Jaridar Tsamiya, Kano (2024)

03/11/2023

Muna Kira ga Yan'majalisar jaha da na tarayya da sanatoci da ministota Yan Arewa da su shiga duk inda ya dace su fada domin a bude bodar Nigeria-Niger.

Haka ma, Muna Kira ga Mai girma shugaban kasa da ya sa a bude Mana bododi Kamar yadda na kudu suke a bude, domin a halin yanzu Yan kasuwarmu na Arewa ke fuskantar kariyar tattalin arziki su Kuma na kudu a cikin walwala suke, yin haka shi ne adalci.

Rufe boda ba ra'ayin Yan kasa bane, an yi ne domin Kare muradun wata kasa da take ganin yin juyin mulki a wata kasa zai hana ta samun abunda ta Saba samu.

~ Inji Prof. Muhammad Sani Umar R/lemo.

Copied from Comrd Abba Sani Pantami

06/05/2023

Yadda Abacha ya yi wa Shonekan juyin mulki

📹 Madubi Tv

15/04/2023

KANO STATE
KANO STATE HOUSE OF ASSEMBLY
GARKO LGA

15/04/2023

KANO STATE
KANO STATE HOUSE OF ASSEMBLY
GAYA LGA

15/04/2023

KANO STATE
KANO STATE HOUSE OF ASSEMBLY
WARAWA LGA

25/03/2023

ABOKIN FIRA

36. Wani Hani ga Allah Baiwa!

Shaihun Malami Farfesa Haruna Birniwa ya ƙissanta min labarin wani dattijo² da aka yi shi a zamanin iyayenmu.

Wannan dattijo ya je wani banki don ya buɗe asusun ajiya da kuɗi Fam Hamsin. A wancan lokaci Fam Hamsin kuɗi ne manya sosai.

Abin da ya sa Manajan Bankin ya yi ma sa kyakkyawan tarbo, sannan ya kawo takardar buɗa akawun ya cike masa ya nuna masa in da zai sa hannu.

Abin mamaki sai dattijon nan ya ce ma sa, ai ni ban iya rubutu ba. Manaja ya kada baki ya ce ma sa, ba ka iya rubutu ba amma ka iya kawo kuɗi har Fam Hamsin a buɗe maka akawun?

Dattijo ya ce ƙwarai kuwa. Kuma a duk sati da izinin Allah zan kawo maka irin su ka zuba ciki.

Manaja ya ce, to, da a ce ka iya rubutu fa? Sai ya ce, da yanzu ina can ina karɓar Sule Hamsin a wata (Sule ɗari su ne Naira ɗaya. Naira biyu su ne Fam ɗaya).

Manaja ya saki baki yana kallon sa, ya ce, to ka ba ni labari, in ji. A nan ne dattijo ya gyara zama ya don ya ji wannan labari:

Na kasance direban wani kamfanin ayyuka da gine-gine, ina tuƙa babbar motar da take ɗaukar yashi da duwatsu da mak**antan su.

Albashina kuma shi ne Sule Hamsin a kowane wata. Ana haka watarana sai masu kamfanin s**a buƙaci sayar da shi, Turawa s**a saye shi.

Da s**a zo sai s**a ce kowane ma’aikaci sai an sake gwada shi don tabbatar da ya iya aiki, kuma dole ne kowane ma’aikaci ya zama ya iya karatu da rubutu. Da aka zo ta kaina, an yi mani duk wani nau’in gwaji aka tabbatar na ƙware matuƙa a tuƙin mota amma matsalata gauda ɗaya ce; ban iya karatu da rubutu ba.

Na yi magiya har na gaji amma s**a ƙi saurare na. Ala dole na haƙura, aka sallama ni, na karɓi Garatutina na tafi gida.

Da waɗannan kuɗin garatuti ne na fara sana’ar tireda. Kuma Allah ya sa ma ta albarka. Yanzu haka ina da
shaguna bakwai a kasuwa.

Darussa:
- Wani hani ga Allah baiwa.
- Kada ka raina mutum don rashin iliminsa. Kowa da ƙofar da Allah ya buɗe ma sa.

____________________________
² Daga bisani ya sanar da ni cewa, wannan labarin yana a cikin Hikayoyin Malam Aminu Kano. Amma a yanzu littafin ya yi mani nisa.

✍️Prof. Mansur Sokoto

14/03/2023

ABOKIN FIRA 34.

Mu Ɗan yi Dariya!

------ LABARIN WANI MAI-GIDA DA MAGENSA -------

Wani maƙetacin maigida ne ya yi niyyar halaka magensa, don haka sai ya ɗauke ta a mota ya yi tafiya mai nisa da ita, sannan ya samu wuri ya faka motarsa, ya fito da magen ya shiga daji. Ya yi tafiya mai nisa daga inda ya ajiye motarsa, sannan ya yar da magen.

Ya yi niyyar juyowa domin komawa inda ya ajiye motarsa, sai ya yi ɗimuwa, nan take ya rasa gabas ya rasa yamma.

Ya yi ta yawo har rana ta yi
sanyi, daga ƙarshe ya ɗaga wayarsa ya kira matarsa ya faɗa mata, ya zo daji domin halaka magen gidansu, amma ya yi ɗimuwa. Sai matar cikin mamaki ta ce, ''Ai kuwa ga magen nan ta dawo gida.'' Saboda tsananin ruɗewa sai ya ce. ''Ba ta wayar”!!

✍️ Prof. Mansur Sokoto

11/03/2023

ABOKIN FIRA

33. Haƙuri Maganin Zaman Duniya!

Wani hamshaƙin attijiri ne aka yi a ƙasar Sin wanda ya mallaki kadarori masu ɗinbin yawa da maƙudan kuɗaɗe.

Wannan attijiri yana da direba wanda yake yi masa ɗawainiya ba dare ba rana.

A kullum idan direban nasa ya zauna sai ya yi ta saƙe-saƙe a cikin zuciyarsa yana cewa, duk wahalar da nake yi da mutumin nan ba ya ba ni haƙƙina. Idan ya mutu haka zan tafi da wahalar banza, bayan na ƙare rayuwata a hidimarsa.

Ana haka, kwatsam! Sai maigidan nasa ya kwanta ciwo. Kafin wani lokaci ya ce ga garinku.

Da aka yi makoki aka ƙare direba na jiran sallamarsa sai matar maigidan nasa ta kira shi ta ce, yanzu kam sai ka je ka nemo mana direba.

Gabansa ya faɗi ras! Sannan ya ce, ranki ya daɗe ni ma ai zan iya ci gaba da aikina idan kin amince. Sai matar ta ce, ina! Ai kai ne za ka zama sabon maigidana.

A cikin ɗan ƙanƙanen lokaci mutumin naka ya rikiɗe ya koma maigida yana shan daular da tsohon mai gidan sa ya tara, tare da sabuwar
amaryarsa. A nan ne watarana yake cewa, a da na ɗauka ni nake hidimar maigidana. Ban sani ba ashe shi ne yake yi min hidima.

Darussa:
- Haƙuri maganin zaman duniya
- Sanin gobe sai lillahi
- Da yawa wanda kake yi ma hidima ba ka sani ba shi ne hadiminka
- Kada ka raina mutum. Wataƙila gobe zai amfane ka
- Mu nemi Halas don mu tsira. Da yawa abinda muke tarawa na duniya, ba mu za mu ci ba.

✍️ Prof. Mansur Sokoto

22/02/2023

DUNIYA MAKARANTA

131. Zunubin da ya sa ka yin da-na-sani da komawa ga Allah ya fi Ibadar da ta sa ka girman kai da ɗagawa!

✍️ Prof. Mansur Sokoto

22/02/2023

Kowa ya zaɓi Wanda yake so, Ƙungiyar Izala ba ƙungiyar Siyasa ba ce - Sheikh Bala Lau

At-tasfiyah24

17/02/2023

ABOKIN FIRA

30. Haɗarin Zina

Wata budurwa ce ta nemi izinin mahaifiyarta, tana neman ta amince mata ta riƙa yin Zina.

Uwar ta nuna mata cewa wannan ba sana’ar arziƙi ba ce, abar ƙyama ce al’adance, kuma haramtacciya ce a addinance.

Amma yarinyar ta kafe kan ita dai tana so lallai uwar ta yarje mata, domin tana ganin akwai tagomashin abin duniya mai yawa a ciki.

Uwar ta ce: “Tun da kin kafe sai kin yi, to zan amince miki amma bisa sharaɗi sai kin ci wata jarabawa da zan sa ki yi”.

Cike da murna yarinyar ta ce ta yarda. “Shin mece ce jarrabawar farko?” Uwar ta ce: “Gobe idan gari ya waye,
ki je ƙofar fada, daidai inda Sarki kan wuce. Idan ya fito sai ki yanke jiki ki faɗi, ki sassandare k**ar mai ciwon fyarfyaɗiya. Ki zo ki faɗa min abin da zai faru”.

Kashegari yarinyar ta je qofar fada, ta yi abin da uwar ta faɗa mata. Nan take Sarki ya tsaya. Ya je wurin da ta faɗi da kansa, ya sa aka tashe ta zaune. Sai da ta buɗe idon ta, ta nuna alamar ta farfaɗo, sannan ya tafi.

Cikin murna yarinyar ta koma gida, ta shaida wa mahaifiyarta abin da ya faru. Sannan ta tambayi mece ce jarabawa ta biyu? Uwar ta ce, “Komawa za ki yi gobe, ki maimaita abin da kika yi yau”. Kashegari ta koma, ta sake maimaitawa, amma Sarki bai ko waiwaye ta ba, sai Waziri ne ya je wurin ta.

Da ta nuna alamar ta farfaɗo ya tafi. Ta koma ta faɗa ma mahaifiyarta, tare da neman sanin jarabawa ta uku. Uwar ta ce, “Wannan ce dai za ki koma ki maimaita.”

Da ta je ta yi a rana ta uku, Sarki da Waziri ba wanda ya kula ta, sai Sarkin Dogarai ne
ya je wurin ta, ya sa aka tashe ta zaune. Da ta nuna alamun ta farfaɗo ya tafi abinsa.

Ta koma ta faɗa ma uwar yadda aka yi, tare da tambayar ko jarabawar ta ƙare? Uwar ta ce: A’a, sai kin sake maimatawa sau uku tukuna”.

Yarinyar ta yi ta zuwa tana maimaita abin da ta yi a ƙofar fada. A rana ta shida sai ta je ma uwar tana kuka. Ta faɗa mata cewa, a rana ta huɗu wasu mutane kaɗan daga masu wucewa ne s**a kula ta. A rana ta biyar kuma babu ma wanda ya kula ta sam. A rana ta shida kuwa mutane s**a yi ta zagin ta, wasu ma har s**a sa ƙafa s**a shure ta, tare da gaya mata baƙaƙen maganganu!..

Uwar ta ce: “Madalla. To k**ar yadda kika ga wannan al’amari, haka halin mazinaciya yakan kasance. Komai kyawonta da darajarta, a farkon lamari, Sarakai da masu hannu da shuni ne za su riƙa tarairayar ta. Daga nan sai su bar wa mabiyansu. A hankali darajarta na faɗuwa, har ta koma sai ya-ku-bayi ne za su yi hulɗa da ita. A ƙarshe ma sai ta rasa mai kula ta, sai ƙasƙanci da wulaƙanci da za ta riƙa fuskanta a kodayaushe. Wannan fa, idan har ta yi sa’ar ƙetare haɗuwa da miyagun cututtuka kenan, waɗan da za su ƙarar da ƙazamin abin duniyar da ta tara.

To yanzu za:i yana hannunki. In har yanzu kina nan bisa ra’ayinki, sai ki je ki yi.”
Yarinyar ta ce: “Allah Ya kiyashe ni. Ai komai matsin rayuwar da zan shiga, ba zan yi Zina ba.” Uwar ta ce: “To Allah Ya yi miki albarka!”

Darasi:
Abin da duk ka ga Allah Mahalicci ya haramta ma bawansa, to akwai babban lahani a cikin sa.

✍️ Prof. Mansur Sokoto

04/02/2023

ABOKIN FIRA

23. Wani Hani ga Allah Baiwa

Wasu fatake ne s**a yi tafiya a cikin jirgin ruwa wanda yake maƙare da hajarsu ta kasuwanci. A yayin da suke cikin tafiya suna raha suna nishaɗk suna tattauna al’amurransu na ‘yan kasuwa, sai kawai aka ji igiyar ruwa ta yunƙura k**ar za ta kifar da jirgin. Nan take s**a shiga taitayin su.

Wani ya ba da shawarar a rage ma jirgin lodi domin kayan da ya ɗauko sun yi masa nauyi sosai. Ba tare da tsayawa yin shawara ba aka yanke hukuncin a zubar da kayan Alhaji Jatau saboda su s**a fi zama kusa da gaɓar teku, kuma daman babu cikakken shiri tsakanin sa da manyan ƴan kasuwa.

Da Alhaji Jatau ya yi gardama sai s**a ga ba su da lokacin jayayya da shi a wannan yanayi da ake ciki.
Don haka, sai aka sa ƙarti s**a wurga shi tare da kayansa cikin teku, s**a ci gaba da tafiya abin su.

Alhaji Jatau ya ji kawai kunfan teku yana yawo da shi ba abin da yake yi sai Hailala yana neman agajin Mai-sama. Can sai ya ji an jefa shi a wani ɗan tsibiri taƙaitacce da babu mutum ballai aljani a cikin sa.

Da ya farfaɗo ya dawo hayyacinsa sai ya lura da wasu ƴan ganyayyaki waɗanda ya riƙa cin su k**ar yadda akuya take cin ciyawa. Idan ya ƙoshi sai ya sha ruwan da ke kwarara mai daɗi daga tsakiyar wannan
tsibiri.

A rana ta biyu ya saki jiki ya fara sabawa da wurin har ya ciro wasu rassan itatuwa ya gina ma kansa ƴar bukka wacce ya tsuguna a cikin ta.

A rana ta uku sai ya samu wata dabara ya dantse wata ƴar makwarara inda ƴan ƙananan kifaye suke wucewa. Sai ya fara farautar su yana gasawa yana yin kalaci.

Ranar da Alhaji Jatau ya cika kwana bakwai a cikin wannan tsibiri, da daddare ya hura wuta k**ar yadda ya saba don gasa kifayensa
sannan ya je wurin tarkonsa don k**a wasu. Daga can sai ya hango wuta ta k**a ƴar bukkar tasa.

Da yake abin ba mai yawa ne ba ko da ya iso bukkar ta ƙone ƙurmus. Alhaji Jatau ya damu matuƙa da wannan ci baya da ya samu. Amma ya yi haƙuri ya mayar da lamarinsa ga Allah Gwanin Sarki.

A daidai lokacin da alfijir yake ketowa sai wani ɗan ƙaramin jirgi ya dunfaro tsibirin da Alhaji Jatau yake cikin sa. Da jirgin ya iso sai ya ga wasu mutane baƙi da bai san su ba.

S**a nemi ya shigo jirginsu domin su tsallakar da shi. Ya tambaye su, ya aka yi s**a san da zaman sa a wurin? Sai s**a ce, ai mun hangi wuta ne tana ci a wannan yankin jiya da daddare, shi ya sa muka gane akwai mai neman taimako.

Da ya ba su labarin abin da ya faru da shi da ƴan kasuwar da s**a wurga shi a cikin teku sai s**a sanar da shi cewa, wannan jirgi tun a wannan ranar da s**a jefar da shi ya haɗu da ƴan fashi kuma duk sun kashe waɗanda ke cikin sa sun yi awon gaba da kayansu.

Darussa:
- Shirin Allah gare ka ya fi naka ga kanka.
- Kada ka cuci kowa. Idan an cuce ka ka nemi haƙƙinka wurin Allah
- Wani hani ga Allah baiwa ne

✍️ Prof. Mansur Sokoto

28/01/2023

ABOKIN FIRA

21. Sata Halastacciya

A Ƙasar Ingila ne aka yi wani ɗan sane mai suna Wiliyam. Ba shi
da aiki sai bin mutane yana lalube aljifansu yana sace masu alabai
wanda suke ajiye kuɗinsu a cikin sa. Yakan bi wurare masu turmutsitsi da cunkoso domin ya samu damar da zai sa hannunsa a cikin aljifan mutane. To, amma abin da yake ba shi haushi da mamaki shi ne, a
kullum da ya yi sata nan take ƴan sanda sun k**a shi. Kamar dai da
Ɗai ba wanda suke fako in ba shi ba. Da yake an jarabce shi da yin
satar bai taɓa tunanin barin ta ba. Amma sai ya yi tunanin ya gurgusa
zuwa wata ƙasar in da doka ba ta da tsanani k**ar Ingila don ya yi
satarsa a cikin sakewa da walwala.

Wiliyam ya hau jirgi ya tafi ƙasar Amurka. Kwanan sa biyu yana
bibiyar hankulan mutane don ya samu sararin yin sata ba tare da an
k**a shi ba. A rana ta uku sai ya zura hannunsa a aljihun wani mutum ya janyo alabai ɗinsa. Ya yi wuf, zai ɓoye shi a aljihun bayan wandonsa sai ya ga wani mutum ya sharɓe hannunsa. A nan fa mamaki ya ishe shi. Sai ya ce, Sorry ɗan sanda. Wallahi ba sata na yi niyya ba, kuskure ne. Sai mutumin ya yi murmushi ya ce masa, ka kwantar da hankalinka. Ni ba ɗan sanda ba ne. Ni ma ɓarawo ne irin ka. Ina biye da kai tun shekaranjiya kuma na lura da halin da kake ciki. Amma wannan irin sata da kake yi ai ba ta da amfani. Ga ta da wahala, kuma nan take za a ɗaure ka. Amma ka zo in koya maka “Sata Halastacciya”.

Wiliyam ya tambayi sunan sabon abokinsa ya ce masa Gidiyam.
Sannan ya bi shi s**a tafi da shi har masaukinsa, ya shirya masa
yadda za su yi “Sata Halastacciya”. Kashegari sai s**a fita zuwa gidanwani mawadaci mai sayar da kayan barasa s**a sace wani akwati ba abin da ke cikin sa sai Dalolin Amurka. Maimakon su fita daga gidan sai Gidiyam ya ce ma Wiliyam, dakata. Je ka ɗauko mana kwalabar barasa guda uku. Sannan ya ce ya xauko Garmaho wanda suke shan kiɗe kiɗe ya kunna masa. Wiliyam ya ji tsoro ya ce, to ai a haka abu ne mai sauƙi mai gidan nan ya zo ya k**a mu. Gidiyam ya ce masa, kawai ka sa ido ka ga ikon Allah. S**a kuwa yi ta shan barasarsu suna kwasar rawa har maigida ya iso. Ga Kuɗi an fito da su daga akwati an shimfiɗe a gabansu. Da maigida ya iso babu ɓata lokaci sai ya yi kukan kura a cikin su, ya fito da bindiga yana barazanar zai kashe su. S**a yi k**ar ba su san da shi ba. Sai ya fito da wayarsa ta Salula ya kira ƴan sanda. Suna zuwa, sai ya ce masu, waɗannan mutane ne s**a shigo cikin gidana suna son su yi min sata. Ƴan sanda s**a kalli waɗannan samarin su biyu ba abin da suke yi sai rawa da shan barasa. S**a tsayar da su, s**a ce me ya faru? Sai Gidiyam ya kada baki ya ce, wannan abokinmu ne. Ya gayyato mu nan gidansa, mun yi masha’a, muka yi c**a muka cinye waɗannan kuɗin nasa. Kawai sai ya fiddo da bindiga wai zai kashe mu.

Ƴan sanda s**a kalli wurin da kyau sai s**a ga kwalaben giya guda uku, kuma kowacce an buɗa an sha, sai s**a gaskata abinda Gidiyam ya gaya masu. S**a ce ma wannan attajiri, idan ka sake yin irin wannan za mu zo mu k**a ka. Sun kimtsa za su fita sai Gidiyam ya ce, idan kuka bar mu da shi fa lallai kashe mu zai yi. Sai s**a ce, to, ku zo mu raka ku. Wiliyam da Gidiyam s**a shiga gaba ƴan sanda s**a raka su har inda suke so sannan s**a rabu da su. Kun ji yadda aka yi wannan “Sata Halastacciya”!

Darasi:
- Da yawa waɗanda suke yin sata a cikin al’umma amma ba a san cewa su ɓarayi ne ba. Kuma satarsu ta fi girma da hatsari a kan satar ƴan sane da masu yankan aljihu.
- Akwai fashi da Makami, akwai fashi da Muƙami, akwai kuma fashi da Wayo da Dabara.

✍️ Prof. Mansur Sokoto

18/01/2023

ABOKIN FIRA

17. Kishiya Bayan Mutuwa

Wani mutum ne suna Zaune suna taɗi da matarsa sai kawai ta tambaye shi, yaushe ne za ka yi aure idan na mutu?

Sai ya yi murmushi, ya ce ma ta, ba zan yi aure ba sai ƙabarinki ya bushe. Ta ce, ka yi ma ni alƙawarin haka? Sai ya ce, eh.

A kwana a tashi ajali ya cim ma matarsa, ta yi jinya kaɗan sannan ta ce ga garinku. Da aka zo jana’izarta sai ya tuna da alƙawarin da ya yi ma
ta. Don haka bayan sati ɗaya duk sai ya je ya ziyarci ƙabarinta ya yi ma ta addu’a. Amma abin ban mamaki shi ne a kullum in ya zo sai ya tarar da ƙabarinta ɗanye k**ar jiya ne aka binne ta. Sai da aka yi shekaru yana haka, rannan sai ya yi kiciɓis da ƙanenta ya zo maƙabartar da ruwa a jarka.

Ya ce, me za ka yi ne halan? Ya ce, ina zartar da wasiyya ƴar uwata ne. Ya ce, me ta yi maka wasici da shi ne? Ya ce, ai ta roƙe ni ne bayan kowane kwana biyu in kwarara ruwa a ƙabarinta.

Darasi: Kishi kumallon mata, ko suna ƙabari suna jin zafin sa. Mu tausaya masu.

✍️ Prof. Mansur Sokoto

17/01/2023

Goron Safiyar Talata

✍ Ahmad Mak**a

Akwai darasi mai girma a kan mutuwan ɗan wasan barkwancin nan Kamal Aboki, wanda ya rasu jiya a hatsarin mota.

Cikin vidiyoyi na sa da s**a sa jiya, akwai wani da aka ɗauke shi yayi tagumi, sai wani ya tambaye shi Kamal yaya da tagumi ? Sai Kamal ɗin yace ba dole nayi tagumi ba Allah ya turo mu duniya don muyi bauta amma mun ɓuge da yin comedy, sai abokan sa da ƴan matan da suke wajen s**a fashe da dariya, sai Kamal yace wato dariya ma na ba ku.

Wannan vidiyo a fahimtata ba shiryawa a kayi ba ya faru ne a zahiri.

Allah Sarki rayuwa, yau gashi ya koma ga Allah, kuma Allah yayi alƙawarin tashin kowa kan abin da ya mutu a kai.

Ƴan uwa Kamal Aboki da ire-iren sa sun san abin da suke kai ba daidai bane amma kullum suna ɗauka wa kansu cewa zuwa lokaci kaza za su bari, amma ta Allah ba ta su ba sai mutuwa ta riga su.

Ƴan uwa jinkirin tuba ɓata ne, kowa ya duba abin da yake kai wanda ba daidai ba ya gyara ya nemi gafaran Allah mai Rahama.

Allah ka yafe mana ka azurta mu da gyarawa kafin mutuwan mu.

16/01/2023

Yau ko bakaso sai mun baka Sarautar Jarumin Karshi ~Cewar Sarkin Karshi.

Mai Martaba Sarkin Karshi Farfesa Sani Mohammad Karshi III, ya baiwa Engr Dr Rabiu Musa Kwankwaso Sarautar Jarumin Karshi, bisa irin namijin kokarin da yake yi wajen riko da gaskiya da Amana.

Farfesa Sani yayi jawabi tare da nuna Jin dadin sa da yadda Sanata Kwankwaso yayo tattaki da sanyin Safiya domin ziyartar masarautar.

A jawabinsa Engr Dr Rabiu Musa Kwankwaso yayi godiya da wannan kyauta da aka bashi tare da yin alkawarin ci gaba da kulla kyakkyawar alaka ga wannan masarauta.

A tare da tawagar sa akwai Mataimakin sa Bishop Isàac Idahosa, Engr Buba Galadima da Dan takarar Gwamnan Jihar Nassarawa a Jamiyyar NNPP da mataimakin sa da dai sauransu.

15/01/2023

FILIN NISHAƊI

Hirar Hajiya mai shanu da dan jarida 😀😀😀

Dan jarida:- Hajiya shanunki madara kwarya nawa suke fitarwa a kullum?

Hajiya :- Bakar ko farar ?

Danjarida: bakar

Hajiya : kwarya biyu.

Dan jarida: ita farar fa ?

Hajiya: itama kwarya biyu.

Dan jarida: lallai shanunki kosassune me dame k**e ciyar dasu?

Hajiya: bakar ko farar?

Dan jarida : bakar.

Hajiya : da ciyawa.

Dan jarida: farar fa?

Hajiya: itama da ciyawa.

Dan jarida: hajiya a ina shanunki suke kwana?

Hajiya: bakar ko farar?

Dan jarida: dukka biyu.

Hajiya: bakar a shinge take kwana.

Dan jarida: ita kuma farar a ina take kwana?

Hajiya: itama a shinge

Dan jarida: me yasa k**e amsa tambayoyin a haka?

Hajiya : saboda bakar itace tawa.

Dan jarida: ita kuma farar ta waye ce?

Hajiya: ita ma tawa ce.
Copied

15/01/2023

KHUTBAR WANI MAHAUKACI

Ku yi nazari sosai akan wannan khutbar.

An hakaito cewar:

An taɓa yin wani mahaukaci a zamanin baya, wata rana ya yi wa mutane khutbar Sallar Juma'a ya fara da cewa:

"Dukkanin godiya ta tabbata ga Allah, wanda ya halicce ku daga mutane biyu, kuma ya kasa ku kashi biyu.

Sai ya sanya Mawadata acikinku domin ku riƙa gode masa (akan ni'imar da yayi muku). Kuma yasanya talakawa acikinku domin ku riƙa yin hakuri (da yanayin da kuke ciki).

Yanzu babu mawadacin da ke nuna godiyarsa ga Allah, Kuma babu talakan da yake yin haƙuri da yadda Allah ya ajjiye shi.

Babu wani babba acikinku da yake kwaɓar na ƙasa da shi idan ya ga ya yi ba daidai ba.

Ziciyoyinku kun cika su da Mugunta da kuma ƙiyayyar ƴan uwanku, kai... amma dai Allah ya tsine muku gabaɗaya.

قومو إلى صلاتكم أيها المنافقون..."😂😂

Na ce: A cikin Khutbar akwai wa'azi sosai a karshe kuma sai ya ɓata lamarin da tsinuwa, amma da yake tun farko mun ce mahaukaci ne, to sai mu yi amfani da nasihar da ya yi mana mu kyale masa haukar 😅✌️

Allah yasa mu dace kuma ya ƙara tsare mana imaninmu, sannan yasa mu cika da kyau da imani.

©®Malam Idris M Rismawy