Arewa Media Blog

06/10/2022

Maudu'i: Gudunmawar da matasa zasu bada wajen kawo sauyi da cigaba a arewacin Nijeriya.

Tambayoyi
Amb: Zamusu muji takaitaccen tarihinka mallam musa?

Musa: Bayan gaisuwa mai yawa ta addinin musulunci Assalamu'alaikum. Da farko duk abun dazamu Fara mukan saka sunan Allah sannan mu tike dashi. Muna koma salati da salami ga Manzon tsira Sallallahu Alayhi Wassalam.

Da farko sunana musa sani aliyu, an haifeni talatin ga watan uni shekarar alif Dari tara da casa'in da hudu. An haifeni a unguwar kundila zoo road dake Kano municipal anan jihar Kano. Nayi makarantar firamare a standard international school dake unguwar kundila. Daganan Allah cikin ikonsa sai na tafe Kano capital a shekarar 2007 inda anan nayi aji daya da aji biyu inda kuma anan ne nasamu sauyin makaranta zuwa Government Secondary School Model dakenan hausawa kusada gidanmu domin mun tasu daha kundila mun dawo nan hausawa zoo road. Nayi aji daya da aji biyu na babbar sakandare a makarantar sabuwar kofa. Inda na kammala babbar sakondare a pragmatic college.
Na karanta computer science a mataki na diploma a Kano state polytechnic. Yanxu haka ina karatun digiri a fanin Information Communication Technology a Jami'are maitama sule dake jihar Kano.
Na Fara aikin jarida a pyramid FM daga nan kuma na tafe gidan radio amince a shekarar 2018. Nayi aiki da gidan rediyon guarantee a yanxu kuma ina aiki da gidan rediyo jalla.
Nayi aiki a matsayin coordinator na Arewa agenda.
Sannan ni mai aikin sakai (Volunteer). Nayi aikin sakai da kungiyoyi da dama.
Ra'ayina yafe karkata ga aikin jarida da kuma aikin sakai domin dorewar cigaban al'umma da kuma bangaran abun daya shafe kirkira (Creativity).

Amb: A matsayinka na matashi kuma Dan jarida wasu irin matsaloli kaki ganin Arewacin Nijeriya ki fuskanta a yanzu?

Musa: Da farko akwai rashen shugabanci Wanda ko jawu nakasu wajen hadin kai da magana da murya daya don kawu cigaba ga yankin.
Na biyu shine durkushewar masana'antu. A shekarun baya a Kano ko na a arewa akwai kamfanuni Wanda s**a durkushe sunkai Kimanin Dari biyar da tamanin da uku. Yau a arewacin nijeriya ko ashana ba'ayi ballantana tsinkin sakace. Wannan yajawu durkushewar tattalin arzikinmu da wutar lantarki.
Wanda masana'atun yajawo rashen aikinyi a tsakanin matasa. Yanxu a duniya 'Soft Skills' ake magana.

Abu na uku shine shayeshaye musamman a tsakanin matasa.
A matsayina na dan jarida dana sha zuwa rundunar yan sanda ta jahoyi da dama. Idan aka aikata muggan laifuka gudu goma ba shakka zanga guda takwas Ku tara daga cikinsu matasa ne Wanda basu wuce shekara sha biyar zuwa ashirin da uku ba s**a aikata. Wanda dalilin dayasa suke fadawa cikin kwazazzaben wannan laifin shaye shaye ne.

Abu na hudu shine rashen bada shawarware ga matasa Wanda a turanci ake kirada 'Mentorship'. babu wasu manya dasuke zama k**ar madubi ga matasa sannan su kuma manyan basa basu wani horu domin matasan su zama abun koyi gobe kuma ababen kwatance.

Amb: Wasu irin gudunmawa kaki ganin matasa zasubi wajen kawo karshen wannan matsalolin?

Musa: Na farko matashi ya tsaya ya fuskanci kushi waye sannan yasamu role model wanda zai rinka kalla yana kwaikwaiya domin komai a duniya sai kanada madubin dubawa.
Mutane su samarwa kansu wasu mutane wanda zasu r***a bibiya. Domin ance daga nagaba ake gane zurfin ruwa.
Sannan abu na biyu shine, yazama sun samu ingantaccen shugabanci saboda sune karfin. Kowace kasa a duniya tana alfahari da matasan ta saboda matasa sune kida jini ajika.
Don haka matasa su samar da wata murya wacce zai zama suna magana da ita.
Sannan matasa suyi ilmi. Domin shi ilmi haskene kuma karfine.

Abu na karshe shine matasa su daina tunanin rayuwar jindadi. Su rinka aiyukan sakai tun suna shekaru kanana domin a samu kwarewa da cigaba mai dorewa. Sannan su koyi abun da ake kira da 'Soft Skills'. Domin yanxu andaina amfani da kwalin karatu sai kwarewa. Kwarewa shine abunda kasani kuma abun da zaka.iya.

Amb: Mukalli bangaren siyasar matasa, wani hange kaki dashi idan har matasan mu s**a shiga siyasa domin kawo cigaba a nahiyarmu?

Musa: idan muka kalli bangaren siyasar matasa, matasa zasuyi tasiri sosai idan s**a shiga siyasa ta hanyar data dace saboda dasu ake cimma kowani gace a mataki irin na siyasa.
Matasa idan s**a samu ilmi da kuma ilmin dogaro dakai. Sabida akwai banbance tsakanin 'education' da kuma 'knowledge'. shiyasa majalisar dinkin duniya tace ayi 'Quality Education'.
Kwarewar da matasa s**a samu ta fannin ilmi zai taimakesu matuka wajen yanki hukunci saboda suna da kware ajiki dakuma kware a kwakwalwa.

Amb: A karshe, a matsayinka na matashi wacce gudunmawa kaki kokarinyi domin ganin an kawo warware matsalolin matasa?

Musa: Toh, a matsayina na matashi kokarin danake wajen ganin an warware matsaloli shine nakanyi shirye-shirye na wayar dakan matasa wanda ki zaburarwa da zakararwa na matashi ya fahimce baiwarsa ya kuma fahimce mai zai iya. Saboda akwai wadanda Allah yayisu a duniya ba lallai su iya karatu da rubutu ba amma Allah yayi musu wata baiwa.
Sannan abu na biyu shine nakanyi kokari na hada taro na wayar dakai da kuma bada horu akan wani Abu wanda matasa zasu samu su rikeshi a matsayin al'amari na dogaro da kai a harkar tunani da harkar sana'a.

Amb: Menene fatanka ga wannan zaure?

Musa: fatana ga wannan zaure shine; Ubangiji Allah ya sakawa wannan zaure da alkhairi da kuma wanda s**a assasashi. Babu shakka da ana samun irin wannan zauren tun abaya lokacin da su sardauna suke fadawa matasanmu mu tashi tsaye mufarga kuma karmuyi fargar jaji. Na tabbata yanxu da an wucce matakin da ake gurin matasa su fahimce kansu da kuma matukar gudunmawar dasuke bayarwa a kasa domin cigabanta.
Allah yasakawa wannan zaure da alkhairi kuma da fatan zai cigaba dayin wannan aiyuka na alkhairi.

Amb: Muna godiya sosai da bamu lokaci dakayi. Allah ubangiji ya Kara basira da tsawon rai. Ameen.

21/09/2022

Maudu'I: Hanyoyin Gina Sana'oin Mata.

Amb: Zamusu muji takaitaccen tarihinki hajiya Maryam?

Maryam: A taqaice, sunana Maryam Gatawa, nayi karatun firamare a Halal Nur/pri school dake Gandun Albasa Kano. Na cigaba da sakandire a makarantar Yan Mata ta Dutsen Alhaji Abuja, nayi digiri akan tattalin arziqi ko ince tsimi da tanadi wato Bsc Economics daga jamiar bayero dake kano. Sai na qaro karatu akan harkar cinikayya da kasuwanci a Dangote Bussiness School dake Bayero.

Amb: A matsayinki na fitacciyar yar kasuwa, wasu hanyoyin kika bi wajen gina kasuwancinki?

Maryam: Hanyoyin nada yawa, amman zan ce maka jajircewa da tsayawa sune mafi muhimmanci. Hakana na maida hankali sosai a wajen tallata kasuwanci na a kafar sada zumunta, daga baya na bude shago don ba wa kowa da kowa damar siyan kayana har wanda ba sa muamala da ita kafar sada zumuntar. Na kuma yi kokarin kyautata sana'ata yadda duk wanda ya siya zai dawo ko yayi ma wani kwatance yaxo ya siya a wajena saboda gamsuwa da kayan.

Amb: Yaya kiki kallon kasuwancin matan arewa ayau?

Maryam: Abune me matukar muhimmanci da burgewa. Ai duk mace me sana'a zaka ga da rufin asirinta kuma ta wuce raini. Duk inda babu sana'a zaka tadda lalaci, da mutuwar zuciya. Mace me sana'a zinariya ce, a yadda rayuwa ke tafiya, ba mata kawai ba, dole matasanmu su tashi su nemi sana'a domin itace mafita tabbatacciya ta samar da rufin asiri. Gwamnati ba zata iya ba.Don haka sana'a ce zata cike wannan gurbin. Mace me sana'a zaka tarar da ita ko a gidan aurenta cikin rufin asiri tunda za ta ma kanta ko tayi wa ya'yanta. Ba ruwanta da yawan bani-bani. Kai in ta'kaice maka an fi samun kwanciyar hankali da zaman lafiya ma a gidan auren idan mace na da sana'arta ita ko abunyi.
Kasuwancin matan arewa a yau abune me kyau, musamman idan aka rike mutunci, aka kame kai aka kuma rike gaskiya da amana wajen yin sa.

Amb: Wasu shawarware zaki bawa mata wajen gina kasuwancin su?

Maryam: Na farko su jajirce, domin mataki ne na tadda nasara.

Na biyu su kyautata sana'arsu tamkar sune zasu yi amfani da kayan. A tsaftace, a zuba a mazubi me kyau.

A rike gaskiya da amana. Kasuwanci ai amanace tsakanin me siya da me siyarwa.

A rike mutunci, a maida hankali kawai akan abunda aka saka a gaba.

Sannan a daina yawon kallon wanda ya fika, ka dinga yawan kallon wanda kafi. Idan kuma matsaloli dun afku sai a kalli na sama a ga ya s**a samo mafita daga irin wannan matsalar.

Amb: Shin akwai wasu hanyoyin na zamani da Mata zasubi wajen bunkasa kasuwancin su?

Maryam: Eh shine tallata hajar su akan kafafen sada zumunta wanda gasu nan iri iri, sai kuma kokarin cike form na tallafi da ake bayarwa iru iri na kasuwanci. Domin ana samu kuma yana taimaka ma kasuwanci. Kar ki gajiya da cewa aikin cika baki samu ba, ai shi me nema yana tare da samu.

Amb: Menene shawararki na karshe ga mata?

Maryam: A tashi a k**a sana'a kuma arike ta. Idan akai hakan za su yaki lalaci, da mutuwar zuciya da zaman kashe zani. Za kuma su taimaki kansu, da iyalansu, yan'uwa har alumma ma. Akwai rufin asiri a sana'a tabbas.

Amb:Menene fatanki ga wannan zaure?

Maryam: Ina ma wannan zaure fatan alheri, da fatan karin cigaba a ayyukansu na alheri a kodayaushe.

©Arewa Media Blog

31/08/2022

A mafiyya yawan lokuta nakanyi nazari, tunani hada da binciki mai zurfi akan matasa wanda Allah ya h**e musu wata baiwa ko fikira. Nahiyar Africa akaf duniya ba nahiyar da takaimu taron matasa masu fikira, dabaru hade da baiwa wacce zata amfani al’umma. Amma abun da kullum yake maida wadannan matasa baya shine;

Rashen goyon baya da al’ummar gari da gomnati,
Rashen sanin hanyar da zasu yi amfani da fikirarsu,
Rashen samun wadatattun kudade wanda zasuyi amfani dashi wajen gina baiwar da Allah yayi musu.

Wadannan dama wasu dalilai na daya daga cikin abubuwan dayasa haryanxu matasa basa iya fitowa domin baje fasaharsu a idon jama’a.

Ni kaina na taso da wata irin baiwa ta kaifin tunani da son shiga abubuwan das**a shafe fasahar zamani. Na hadu da kalubale kala-kala. Bazan mantaba a shekarar data wuce nayi kokarin hada wata manhaja {software app} wanda zai tattara kamfanu da masana’antun jahar kano a waje daya watau acikin application din kenan. Akwai features danayi providing wanda zasu taimakawa kamfanunuwa masu sai da kaya wajen saukakawa kustomominsu yin home delivery, haka zalika a wannan manhajar dai mutum zai samu damar tallata hajarsa batare da yasha wahala ba. Amma abun dazai bako mamamki shine, akwai mutane dayawa wanda kida alhakin taimakamin wajen kaddamar da wannan kudiri nawa sai dai bansamu goyon bayan su ba kwata kwata. Abun ya dade yana mun ciwo amma na juri na cigaba da gina rayuwata.

Abun danakeso muhimta anan shine, ita baiwa a kullum ginata ake ta hanyar bincikin ilmi, bin mutane masu irin baiwarka da kuma jajircewa wajen ganin kayi amfani da baiwar nan taka.

Wallahi a kullum bani da buri face naga, matashi na amfani da baiwarsa wajen tafiyar da rayuwarsa. Hakan yasa ma nake kokari lokaci bayan lokaci nake fito da virtual classes akan graphic design da critical thinking. Duka wadannan skills din dana zai yanu nima wasu ne na zauna s**a koyamin kuma na biyasu. Kamar graphic design na koyi shine ta wani kamfani mai suna META DESIGN wanda akalla ba a kasaraba na kasha wajen $130 kafin na koyishi.

Don haka ya dan’uwa kada ka sare, kada ka juya baya, a yake ba’a lissafi da guduwa!
Katsaya kai da fata har sai ka cimma muradanka.

Hanyata a bude take domin bada shawarwari.

©Muhammad Usman
Blogger//Graphic Designer//Freelancer//Copywriter

19/08/2022

Maudu'i: Hanyoyin Samun Kudi Da Dogaro-Da-kai Ta Hanyoyin Yanar Gizo

Amb: Za mu so mu ji takaitaccen tarihinka?

Mohiddeen: cikakken sunana Muhammad Auwal Ahmad amma an fi sanina da Mohiddeen Ahmad musamman a dandulan sada zumunta. Ni mutumin jihar Yobe ne, na kammala karatuna na digiri a fannin Kimiyyar Na'ura wato Computer Science. A yanzu ni ne shugaban kamfanin Alphamega Digital Services, babban kamfanin da ya kunshi kamfanoni k**ar Stackplaza; kasuwar yanar gizo, Flowdiary Academy; makarantar yanar gizo, da sauransu.

Amb: Me ake nufi da sana'ar yanar gizo kuma wasu ayyuka mutum zai iya yi a kafar yanar gizo domin samun kudi/dogaro-da-kai?

Mohiddeen: k**ar dai sana'ar da ake yi a zahirance, to kusan haka ta yanar gizo take. Duk wata hanya da ake samun kudi a yanar gizo ba ta wuce wadannan: na farko sayar da kayayyaki, na biyu aikin kwadago, na uku kuma kasuwancin k**asho —duk wasu hanyoyin da ake amfani da su wajen samun kudi a yanar gizo ta wadannan hanyoyin s**a fito.

Amb: Me mutum yake bukata domin fara aiki a yanar gizo?

Mohiddeen: ya danganta da irin sana'ar da mutum zai yi. Misali, idan sana'ar kwadago ce ta Graphics Design, kana bukatar ka nemi waya ko na'ura da kuma manhajar da ake aiki da su. Amma mafi girman abun da kowa yake bukata wajen fara kasuwanci ko huldar hada-hada da jama'a shi ne daidaita tsarukan kasuwancinsa, ta hanyoyi k**ar haka: na farko fito da kayayyakin da kake sayarwa da kuma kanka, na biyu daidaita tsarin kasuwancinka a zamanance, sannan sai na uku kuma shi ne bin ka'idar saye da sayarwa a yanar gizo.

Amb: Wadanne kafofi ne ke bayar da damarmakin aikin yi a yanar gizo?

Mohiddeen: suna da yawa, amma wasu lokutan mutum ne a karan-kansa zai kirkiro da damarsa. Ko a nan Facebook mutane suna amfani da damar da s**a samu suna samun kudi, wasu a YouTube, wasu a Google, wasu a Blogs, wasu a TikTok da sauransu.

Amb: Matasa da dama su kan fada hannun madanfara wanda aka fi sani da "SCAMMERS" wanda ke damfararsu da karbe musu kudade, wacce shawara za ka ba wa matasa domin su kauce wa wadannan batagarin?

Mohiddeen: zuwa yanzu kusan kowa ya san 'yan damfara da kuma hanyoyin da suke shiga suke damfarar mutane, amma mafi yawan lokuta mutane suna biye su ne don tunanin me za su samu. Duk da suna da hanyoyi da dama da suke fitowa da su, amma a wannan lokacin bai wuce abun da ake fitowa da shi na sanya hannun jari wato investment platform ba. Don haka wannan da ya kasance a bayyane sai a yi kokari a guje musu. Na biyu kuma su ne masu zamba cikin aminci, wato masu fito da kaya k**ar na sayarwa sai an yi ciniki da su kawai su damfari mutum.
To a shawarce, a yanar gizo a guje sayen abu a hannun irin wadannan mutanen, a kamfani ne kawai ya dace a sayi abu. Na uku, kada mu biye wa son zuciya ko kwadayi idan muka ga abu, don wannan shi ne babban tarkon da ake k**a mutane da shi.

Amb: Mene ne kiranka na karshe ga matasan Arewa?

Mohiddeen: babban kiran da nake yi wa 'yan'uwana matasan Arewa a kan abubuwa uku ne: na farko mu tashi mu jajirce a kan abun da za mu dogara-da-kanmu kada mu jira gwamnati, na biyu mu yi aiki tukuru tare da hikima da kuma juriya da jajircewa, na uku mu hada hannu mu taimaki 'yan'uwanmu don mu gudu tare mu tsira tare

Amb: A karshe, menene fatanka ga wannan zaure?

Mohiddeen: ina yi wa dukkan mabiya wannan shafin fatan alheri mai dumbin yawa, ina addu'ar Allah Ya daukaka shi fiye da yadda muke tunani, amin.

Muna godiya Mohiddeen Ahmad. Allah ya kara basira.

©Arewa Media Blog

19/08/2022

Yau ce Ranar Daukar Hoto ta Duniya!
Shin wane salon daukar hoto ne ya fi burge ku Potrait, Selfie ko kuma Landscape?

📷 Muhammad Usman

15/08/2022

Talaka Abin Dayake Bukata Ayimasa Shine; Saiti Ta Yanda Za’a Chanza Tunaninsa

Kamar yanda masana s**ayi iftifakin cewa kasha saba’in da biyar cikin dari na mutane duniya Allah ya halicce sune da san duniya kasha ashirin da biyar daga cikin dari kuma basu da san duniya.

Wannan kasha ashirin da biyar din su ake bukatar su jagoranci al’umma domin kuwa su suke da halaye na shugabancin wanda zai ciyar da al’ummarsu gaba.

A arewacin nijeriya, an mayar da talaka wani saniyar ware ba’a nemansa domin kawo cigaba sai lokacin zabe ko kuma amfanin kai da kai. k**ar yanda muka sani bawata al’umma dazata tafe daidai batare da kyakyawan shugabanci ba. Duk wani abun da talaka zaiyi kadan ne idan ka danganta shi da shugaba wanda ki jagorantar sa.

Shugabanni su aka sani da tattaru hankalin mabiyansu ba talaka ba!
Shugabanni suke da hakkin jan ragamar al’ummarsu ta hanyar kawo musu cigaba mai dorewa!

Talakawa tamkar jirgin samane wanda ki bukatar kwararron matuki domin kita sararin samaniyya lafiya.
A don haka talakawa na bukatar shubanni masu dabi’u nagari wanda zai jawo hankalin mabiyansu ya kuma canza tunaninsu.

Shugabanni sune malaman al’umma!

03/08/2022

Shin kanason kawo sauyi acikin rayuwar matasan das**a rasa MANUFA a rayuwarsu?

Shin kanason tallafawa wajen ganin matasa yan uwanka son samu RAYUWA INGANTACCIYA?

Shin kana son bada gudunmawa domin tabbatar da tsaro da LAFIYAR AL'UMMA?

Shin kanason karfafawa matasa musamman na arewacin Nijeriya GWIWA domin so CIMMA BURUKANSU?

To ga dama tasamu!
Arewa Media Blog zasu dauki jakado Wanda zasu taimaka wajen kawu sauyi a rayuwar matasan arewa.

Duba wannan flyer domin Karin bayani.

02/08/2022

Maudu’I: Damarmakin Gina Rayoouwa Ingantacciya Ta Hanyar Amfani Da Yanar Gizo.

Amb: Zamusu muji takaitaccen tarihinka?

Abubakar: Sunana Abubakar Sani Dan Bahaushe Daga Zaria a jihar Kaduna, Nigeria. Nayi karatun Primary a Takai Academy sannaMmmn kuma nayi Secondary a MSS/ITN, bayan haka nayi karatun Diploma a sashin kimiyyar na'ura mai ƙwaƙwalwa dake jami'ar Ahmadu Bello da ke Zaria sannan kuma nayi karatun digiri a sashin kidigdiga duk a Jami'ar Ahmadu Bello.

Amb: Wasu damarmaki yanar gizo kibawa matashi wanda zasu amfanar da rayuwarsa?

Abubakar: Yanar gizo wata irin duniya ce wacce take dauke da damarmiki iri-iri. Akwai damarmaki dayawa dakisa rayuwa tayi kyau akwai kuma damar lalata rayuwa. Duk abunda kazo yanar gizo domin shi, to shi din zaka samu.

Kadan daka cikin damar da yanar gizo ke iya Bama mutum domin gina rayuwar shi akwai damar samun ilimi a fannoni na rayuwa daban daban, akwai damar kulla alakar kasuwanci da abokan cinikayya, akwai damar samun aiki sannan kuma akwai damar haduwa da mutanen kirki wanda zasu taimaki rayuwar ka.

Amb: Shin wasu hanyoyi kaki bi wajen ganin ka amfana da kafafan sada zumunta?

Abubakar: Hanyoyin da nake bi domin amfanuwa da kafafen sada zumunta suna da yawa, amma kadan daga cikin su akwai mutunta mutane da kuma girmama ra'ayin kowa, samu abokai wanda zan karu dasu ta fuskar ilimi da kuma kasuwanci da sauran abubuwa mak**antan haka.

Amb: A matsayinka na matashi, shin ka taba amfana da wata dama da ka cikaru dashi a yanar gizo?

Abubakar: Na amfana da abubuwa da yawa a kafafen sada zumunta ta fannin samun ilimi na rayuwa da kuma sana'a. Haka aikin da nakeyi yanzu, a kafar sada zumunta ne na same shi.

Amb: A karshe, wasu shawarwari zaka bawa matasa yan’uwanka wajen ganin son amfana da yanar gizo don samun ingantacciyar rayuwa?

Amb: Shawarar da zan Bama matasa musamman masu amfani da yanar gizo, shine suyi kokari suyi amfani da kafofin sada zumunta ta hanyar data dace domin cigaban rayuwar su, su guji cin zarafi ko cin mutuncin wani saboda basu san inda rayuwa zata kaisu neman alfarma ba wata rana.

© Arewa Media Blog

01/08/2022

Maudu’i: Kalubalen daki tattare da rashen kulawa da rayuwar yara wanda s**a iyayensu [marayu]

Amb: Zamusu muji takaitaccen tarihinki mallama fareedah.

Amb: Sunana Fareedah Halilu
Wanda aka fi sane da Farinkudi yar baba ko kuma uwar marayu.Nayi karatun Islama da na zamani Duk a garin kaduna.
Na halarci makarantar kiwon lafiya wato shehu idris college of health science and technology Makrfi, inda na karanta Environmental health technology.
A Yanzu haka ni malama tsafata ce 🤝. Kuma C.E.O Ta Fareedah Halilu charity foundation.

Amb: A matsayinki na yar gwagwarmaya wacce ki fafutukar wanzar da farin ciki a zukatan yara marayu, mai yaja hankalinki kika shiga wannan aiki?

Fareedah: bakomai bane yaja hankalina wajan wannan aiki da naki saboda nima mariniya ce na rasa nawa baban 😭 wanda ko yaushi na tuna mutuwar babana sabuwa ta ke dawo mu, Amma Alhamdulillah Kuma allah ya bamu uwa jaruma bata bari maraice ya ddabe rayuwarmu ba saboda tayi iya baki kokarin ta wajen ganin muyin karatu wannan shiyasa naga ya dace nima na taimaka ma wasu da iya karfin da Allah ya bane.

Amb: Yaya kiki kallon rayuwar yara marayu a yanzu musamman a arewacin nijeriya?

Fareedah: Gaskiya rayuwa maraya abun dubawa ce Tunda basu da uwa da uba ,Koma ynzu halin da muke cikin bakowa ne ki taimkawa maraya ba. A yau makoci yana kallan dan makocin ya lalace amma babu mai masa magana.
Halin da muke ciki yanzu kowa na shi yake so, Ba mai so ayima na shi fada kuma ba wanda yake so ya taimakawa dan wani.
Maganar gaskiya da muna taimako juna mu wallahi marayu ba za su sha wahala ba, Amma kowa kanshi ya sane!

Amb: Wani kalubale za’a iya fuskanta idan al’ummar gari basu kula da rayuwar yara marayuba?

Fareedah: MANZON Allah ( S.A.W) yace duk mai taimakon maraya yana tare dani ranar Al'kiyama.

Toh maiyasa Ba zamu taimakesu ba?

In bamu taimake su ba, su ka taso ba gata. Toh tabbas zasu iya fadawa munmunar rayuwa. Mata marayu za su iya fadawa karuwanci don su samu kudi, maza kuma su fada sara s**a da kwacen waya.
Toh a ganinku laifin waye?
lefin mune tunda muna da halin da zamu taimaka amma muka zuba ido s**a lalace tunda ba yayanmu bane.

Amb:Wasu abubuwa kiki ganin zasu iya inganta rayuwar mara?

Fareedah: Karatun boko, karatun addini da kuma Sana’a.

In ka bashi wannan abun uku toh ka gama masa komai.

Amb:Wacce humbasawa kiki wajen ganinkin wanzar da farin ciki a rayuwar yara marayu?

Fareedah: ina kokari naga cewa na rage musu radadin maraice wajan taimakun su da kayan karatu ko abince.

Amb: wacce gudunmawa gomnati zata iya bayarwa wajen inganta rayuwar wadannan yara?

Fareedah: kira da zanyi shine mu cigaba da aikin da muke ka san shi aikin alheri akwai wahala amma sai mu daure kuma muyi Hakuri da abunda wasu ki fadan akan mu.

Bayan haka al'ummar gari suma su daure wajen taimako ko ba yawwa ne su bamu saboda wanda ya baka kadan wata rana za baka babban.

Amb: A karshe, wani fata kiki dashi ga wannan zaure?

Fareedah: ina muku fatan alheri Allah ta daukaka wannan zaure kuma Allah ya biya bukata. Allah ya bamu zaman lafiya a kasar mu.
Nagode!

©Arewa Media Blog

26/07/2022

Maudu'i: Amfani Da Fasahar Matasa Wajen Gina Al’umma Ta Gari.

Amb:Zamusu muje waye Alhassan Sadiq?

Alhassan: Alhassan Abubakar Sadiq Dalibine, kuma Marubuci haka zalika Injiniyan Manhajar Na'ura mai Kwakwalwa (Computer Software Engineer) An haifeni a Birnin Zaria, nayi karatuna tun daga kan na addini zuwa ilimin boko a birinin na Zazzau, wanda a yanzu na kammala National Diploma a fannin “software Engineering” sannan ina cigaba da digiri na nafarko a bangaren computer science a wata jami’a dake amurka mai taken University Of The People, sannan nayi wasu gajerun karatu a wajaje da dama wanda har yanzu ina kan yin wasu.
Ni nake jagorantar Kanfanin AEMC (Arewa Enterainment & Media Concept) da sauran kananun kamfanin da muka bude akasansa k**ar AEMC Academy.

Amb: Tayaya matashi zai iya fito da baiwarsa/ fasaharsa?

Alhassan: Matashi zai iya bayyanar da baiwarsa ne tare da amfani da ita, misali inada baiwar yin rubutu ko hada manhajar computer ba zuwa zanyi inta cewa na iya kazaba, zanduba al'ummata ne naga mai suke bukata wanda baiwata zata iya samarwa(solution) in kuma ba hakaba akwai mutane da dama da suke neman irin wannan baiwar tawa domin suyi amfani da ita, bari to na koyar dasu da mak**antasu, dole sai matashi ya aikata wani abu domin bayyanar da baiwarsa agani a zahiri, haka zalika dandalin sada zumunta (Social Media) bakaramin taka rawar gani zasuyiba wajan taimakon matashi bayyanar da baiwarsa tare da hadasa da mutananda suke bukatarsa ko kuma wadanda zasu iya tallafa masa.

Amb: Shin akwai wani alfanu dake tattare da fasahar matasa?

Alhassan: Fasahar matasa itace cigaban al'umma, saboda ta fasahar matasa ne za'a iya magance matsaloli da yawa, musamman fasahohin nan na zamani yanda suke sauyawa da kawo canji, sauyi da sauki a rayuwarmu.

Amb: A matsayinka na matashi, wacce fasaha kaki dashi, sannan taya kaki amfani da ita wajen kawo cigaba ga al’ummar dake kusada kai?

Alhassan: Fasahar kikkirar labari, sarrafashi da kuma tsara shi, haka zalika ni injiniyan na’ura ne, nakan hada manhajoji na yanar gizo(web Apps) da Manhajar Wayar hannu daga Android din zuwa IOS wato Mobile Application.
Ina amfani da fasahata wajan kawo cigaban al’ummatane ta hanyar kawo mafita ga abubuwan da s**a shige mana duhu, ta hanyar kawo sauyi ga abubuwan da muke amfani dasu, ta hanyar kawo sauki ga abubuwan da suke bamu wahala.
Misali manhajar da na hada ta AEMC Acadmy mun hada tane duba da yanda karatu da ilimin sana’oin hannu suke kara lalacewa, suke kara tsada, sannan rashin aiki yake kara hauhauwa, kusan matasa 21,764,614 basada aiki akasarnan, banda wadanda basa zuwa makaratanta wadanda basu samu dam aba, saboda tsadar karatu, ko kuma basu samu admission ba dole sai munfio da hanyar dani dakai zamu koyar da matasa wani abu dazasu iya amfani dashi wajan samun ingantaccen ilimi, ilimin da zai koyar dasu sana’o’in da zasu iya aiki ako ina a fadin duniya yabasu dama fiye da damar da kwalin digiri zaibasu, saboda yanzu harta manya kamfanoni na duniya sun bas u cikar neman kwalin digiri ba domin su daukeka aiki abunda suke bukata shine mai ka’iya? Ba wana kwali kakeda ba, waka sani, waye babanka way a turo kaba. Ta wannan manhajar rayuwar wasu da yawa tacanja, wasu suna koyarda fasaharsu suna samun kudi taciki tareda taimakon al’ummarsu, wasu suna karatu acikin domin samama rayuwarsu mafita, sannan ako da yaushe dalibai da malamai suna tunkaro kofarmu domin gina rayuwa maikyau da kawo sauyi ga rayuwarmu.

Amb: Tayaya matashi zaiyi amfani da fasaharsa wajen kawo sauyi acikin al’ummarsa?

Alhassan: A ko da yaushe muna bukatar fasahar matashi ruwa a jallo, akwai tarin hanyoyin da matashi zaifi wajan kawo canji ga rayuwarmu:
matashi zai iya amfani da ita wajan duba matsalolinda muke ciki tare da kawo mana mafita ko saukaka mana.
Matashi zai iya hada wani abun daban wand aba illa al’ummarsaba duniya zatayi alfahari da shi.
Matashi zai iya koyar da yan uwansa matasa wannan fasahar tasa domin habbaka baiwar.

Amb: Menene kiranka na karshe ga matasan arewa?

Alhassan: Nasan kowana matashi yanada baiwa ko fasaha, saide in bakasantaba ko kuma baisan yanda zaiyi amfani da itaba, koma yayane sakona da matasa shine lokaci yayi da yak**ata ace munyi karatun tanatsu muduba zamanin nan irin damarmakinda yabamu muyi amfani dasu ta hanyar kara ma kanmu ilimi, kasuwanci da kuma taimakon yan uwanmu.
Duk abunda kakeso Kazama ko ka koya kusan komai yanakan yanar gizo mafi yawancinsu kyauta, maimakon bata lokacinku a social media wajan fadace-fadace ko kuma yima yansiyasa campaign inama ace kun koya skills ne da wannan lokacin domin gyaran gobenku.

Yan uwana matasa lokacinmu yana da matukar tsada da tasiri a wajanmu gayi gudu yakeyi nanda shekaru kadan zamu zama labari, mu kikkira labarinda yan baya zasuyi alfahari damu ba kaicoba.
mujure duk gwagwalmaya wajan cikar burinmu mukara hakuri dukda bama samun masu tallafa mana amma muda kanmu zamu sauya labarin, zamu iya kikkiran komai, zamu iyayin komai matukar muna iya tunaninsa/hasashensa.
Muyi Amfani da damar da muka samu kafin ta gubuce mana, ko lokaci ya wuce da ita ko kuma mu din…..

©Arewa Media Blog

25/07/2022

23/07/2022

Maudu'i: Gudunmawar Da Matasa Zasu Bayar Wajen Dakille Labarun Karya.

Barka da warhaka tareda kasancewa damu a wannan lokaci acikin shirinmu na Matasa A Yau.
Da farko dai wannan zaure tareda mabiyansa zasu son ji takaitaccen tarihin babban bakon mu.

Sameen: Sunana Sameen Y Saeed. An haifeni a garin Kano, nayi makarantar islamiya, daga baya na yi primary school a unguwar Tudun Murtala, sannan nayi Secondary school guda biyu, Kawaji Boys da Kuma GSS Gwale. Nasamu shiga kwalegin Share fagen shiga jami'a wato Cas Kano a shekarar 2015 daga baya nasamu admission a Bayero University Kano, sashin nazarin Zamantakewa da Halayyar dan Adam Wato Sociology Department. Nagama a shekarar 2021.
Yanxu haka ina aikin da Wata kungiya mai rajin tabbatar da ansamu jarida da kafar sadarwa, da fasahar zamani ingantattu wato “Africa Media and Information Technology Initiative” Sannan nine Kano State Champion, Open Government Partnership Nigeria Youth Network.

Amb: Shin a taka fahimtar menene labarun karya [fakenews]?

Sameen: fakenews a fahimtata ta itace kofar yada futuna musamman a social media. Domin duk sanda akace ana yada labaran karya to kafar futuna ta bude. Yawancin rigingimu ko kuma daukar fansa da ake ko kuma abunda ake kira “Collective behaviour” yana faruwa ne sak**akon yada Labaran karya. Don haka yada labarai mara tushe futuna ne.

Amb: Ta wasu kafa kake ganin ake yada labarun karya?

Sameen: Social media itace kafar da akafi yada labaran kanzon kurege wato Fakenews, kasancer rashin regulations da kuma dokokin gudanar da social media. Abu na biyu sharing ko repost shine hanya mafi saukin yada Labaran Karya ta kafar Social Media.

Amb: Wasu matakai matashi zaibi wajen tantance labari kafin ya yadashi?

Sameen: Bin diddigi wato Fact checking, da kuma tabbatar da ingancin kafafen das**a yada labari kafin a yadashi, wato sharing ko repost.

Amb: Wacce gudunmawa matasa zasu bayar wajen dakile labarum karya?

Sameen: kokarin Wayar da kan sauran matasa yan uwansu dakuma daina yada labarin da baida tushe.

Amb: A karshe wata shawara kaki dashi ga matasan arewa?

Sameen: Matasa su maida hankali wajen kawo canji a alummar mu. Yada labaran karya ilarsa takai yada guba acikin alumma.

Matasa su nemi sana'a a dogara dakai. Domin sana'a dogaro dakai shine kesa mutum yazama wani anan gaba.

Amb: Muna godiya sosai da bamu lokacin ka dakayi acikin wannan shiri. Allah yakara daukaka da nasara. Ameen.

Gamasu sun suyiwa babban bakonmu tambaya, zasu iyayi a comment section.

Mun gode!

22/07/2022

Ku tare mu a gobe a cikin shirin Matasa A Yau Kashi Na Uku tareda Sameen Y Saeed.

Sameen Dan asalin garin kano ne, Wanda ya karanci sociology, Kuma matashin Dan gwagwarmaya.

Zamu tattauna dashi akan: Gudunmawar Da Matasa Zasu Bada Wajen Dakile Labarun Karya.

22/07/2022

MAGANIN DUKKAN MATSALA ADDU’A

A rayuwarmu ta yau da kullum mun sha ganin wadansu daga cikinmu da suke fadawa kangin wahala da kuncin rayuwa, wanda hakan ke jefa su cikin damuwa da kamuwa da cututtuka. Amma da dama daga cikinsu s**an fada cikin irin wadannan halaye ne saboda jahilci da kuma rashin fahimtar addini.

A gaskiya addu’a makami ce mai tarwatsa dukkan wata masifa, ko duk wani abu da zai sosa ran mutum.
Kuma ita ce hanyar da ya k**ata mu bi domin tarwatsa duk wata matsala da ta addabe mu. Babban abin lura shi ne mutum ya zama mai tsayawa a kan addu’a tukuru.

Wata rana na ji wani likita yana cewa da marar lafiya, “hakika ina neman taimako Allah a duk lokacin da zan fito aiki domin Allah ya taimake ni na zama sanadin warkewar duk marar lafiya da na duba. Zan baka magani kuma yana da kyau ka sha shi da sunan Allah ka kuma roke shi ya baka lafiya”.

Addu’a takobi ce ko bindiga ga dan’adam. Idan ka dukufa da ita to kada ka sare, sai kaga abin da ya turewa buzu nadi.

Ya dan’uwa mu dogara ga Allah, mu mika al’amuranmu gare shi, mu kuma nemi taimakonsa a kan dukkan al’amuranmu, sai muga mun sami biyan bukata.

’at Mubarak!