Amon Nasara

Home
Nigeria
Kano
Amon Nasara

Wannan kafar sadarwa ce mai ƙoƙarin yaɗa labarai da rahotanni masu sahihanci, tare da nishadantar

11/03/2024

Barka da shigowar Ramadan. Allah ya bamu dukkan albarkacin dake cikin wannan wata mai alfarma.

02/03/2024

Bikin yaye ɗalibai na Jami'ar Bayero Kano da aka gudanar a ranar Asabar 2 ga Maris, 2024.

A taron an bada digirin girmamawa ga mataimakin shugaban majalisar dattawa, Sanata Barau Jibrin da kuma shugaban bankin Afirka, Adesina.

25/02/2024

Kungiyar Kano Pillars ta lallasa Sunshine Star da ci 5-1 a filin wasa na Sani Abacha.

SAI MASU GIDA

23/02/2024

Barka da Juma'a ga dukkan masoya wannan shafi. Allah ya bamu albarkacin wannan ranar.

21/02/2024

Kaftin ɗin ƙungiyar kwallon ƙafar ta Super Eagles, Ahmed Musa OON, ya kai ziyara ga Sarkin Kano, mai martaba Alh. Aminu Ado Bayero a fadarsa tare da rakiyar abokinsa Shehu Abdullahi.

A tawagar akwai wasu daga masoya ƙungiyar Kano Pillars.

19/02/2024

Najeriya ita ce ƙasar da tafi kowacce tsada a fagen kwallon ƙafa a Afirka. Wannan na da nasaba da tsadar da 'yan wasanta ke da shi.

Hakazalika, ita ce ƙasa ta goma a mafi tsadar 'yan wasa a duniya.

16/02/2024

Ɗan wasan Najeriya kuma wakilin jihar Kano a tawagar Super Eagles, Yusuf Alhassan yayin da ya koma ƙungiyarsa ta Royal Antwerp FC, bayan an kammala gasar kofin Afirka.

Shin ka gamsu da rawar da ya taka a gasar?

13/02/2024

Shugaban ƙasar Najeriya ya girmama 'yan kwallon ƙafar Najeriya na Super Eagles da lambar ƙasa ta MON.

A ranar Laraba ne shugaban ƙasar ya karbi tawagar ta Super Eagles a fadarsa, bayan dawowar su Najeriya inda s**a ƙarƙare a matakin na biyu a gasar kofin Afirka.

Hakazalika, ya bada ummarni bawa kowanne ɗayansu gida da fili a birnin tarayya, na Abuja.

12/02/2024

Ruwa abokin rayuwa. Kuna fuskantar barazanar tsaftataccen ruwa a yankin ku? Shin ta wacce hanya kuke samun ruwan sha?

Hoto: Sani Maikatanga

24/01/2024

Filin wasa na Akwa Ibom Stadium, Najeriya 🇳🇬

19/01/2024

Onana ya kwashi kaya a yayin da Senegal ta lallasa Cameron da ci 3-1 a wasan kofin Afirka.

18/01/2024

Najeriya ta yi nasara a kan masu masaukin baki Cote D'Ivore da 1-0 a wasan kofin Afirka da ake bugawa.

12/01/2024

Shubagan ƙasa Bola Ahmed Tinubu ya naɗa Ali Nuhu shugaban hukumar fina-finai ta Najeriya.

Wannan naɗin ya fito a wata sanarwa da mai magana da yawun shugaban Najeriyar, Ajuri Ngelale ya fitar ranar Juma'a.

Tuni masu ruwa da tsaki a harkar fina-finai da sha'awar harkar s**a fara taya Sarki Ali Nuhu murnar wannan naɗi.

Muna addu'ar Allah ya bashi nasara.

12/01/2024

Kanawa an hau celebration. Kano ta Abba ce👍🏼👍🏼👍🏼👍🏼.

12/01/2024

Kotun ƙoli ta tabbatar da Abba Kabir Yusuf a matsayin halattatcen Gwamnan Kano.

12/01/2024

Gwamnan Kano Abba Kabir Yusuf da mataimakinsa sun isa kutun ƙoli don sauraron hukuncin da za a yanke a yau.

11/01/2024

Har yanzu ruwa yana maganin dauda. Akwai ilimi mai tarin yawa a cikin littafi. Farin jinin littafi na zahiri da aka buga ya yi kasa, saboda zamani da ya kawo littafin da ba na zahiri ba, wato e-book da suke a iska tare da wayan hannu da ta zaman ruwan dare.

Duk da wannan cigaba, makaranta musamman masu shekaru har da wasu matasa sun fi samun natsuwa da gamsuwa su dauki littafi na zahiri su karanta fiye da karatu a waya ko na'ura kwamfuta.

Wani kan ce ya kan ji wani farin ciki idan ya shaki kamshin sabon littafi, bare muka ya fara karantawa shafi zuwa shafi.

Shin a wajenku ya ya abin yake, kana ganin littafi na zahiri zai cigaba da taka rawa a wannan duniya?

10/01/2024

Wasu daga hotunan tawagar kallon kafa ta Najeriya, Super Eagles da s**a ja hankalin duniya a lokacin da s**a shirya tsaf don wakiltar Najeriya a wasan kofin Afirka.

10/01/2024

Marubuciya Fauziyya D. Sulaiman a wajen kaddamar da wani littafi a Kano. Fauziyya ta kasance k**ar gizo-gizo mai kafafu da hannuwa da yawa.

Ayyukanta sun fantsama a bangarorin da s**a shafi rayuwa ta yau da kullum. Da farko marubuciya ce da rubutunta ya taka rawa wajen inganta rayuwar al'umma. Ta rike muk**ai a kungiyoyin marubuta, tare da kasancewa a kwamitocin wasu ayyuka da tarurruka na marubuta.

Baya ga wannan, ta yi aikin asibiti a matsayinta na wanda ta karanci fannin lafiya, inda nan ma ta bada gudunmawa mai yawa.

Ta shiga bangare rubutun fim wanda a nan ma ta yi shuhura. Rubuce-rubucenta a harkar fim ya yi tasiri saboda ilimin rayuwa da ta samu, musamman a yayin aikin asibiti da ta yi, inda ake ganin zahirin yadda rayuwar talaka take gudana a wannan kasa da yadda marasa galihu ke wulakanta.

Za a iya cewa wannan ne ya ba ta azama ta bude gidauniyar Creative Needy Foundation don tallafawa mabukata da yara, wanda suke neman taimakon al'umma.

Idan ka ji an ce wane ba banza. Fauziyya D. Sulaiman ta yi gwawarmaya a rayuwa, wanda hakan ya kara mata ilimi da wayewa. Wannan na daga cikin matakin nasararta a rayuwa.

Allah ya karawa rayuwa albarka.

03/01/2024

Wato fina-finan Hausa sun yi nisa wajen jan hankalin al'umma. Ko shakka babu wannan dama ce da za a yi amfani da ita wajen sauya tunanin al'umma zuwa ingantatciyar rayuwa da bin dokoki.

Kwanakin baya a kafofin sada zumunci har majalusu na unguwanni, maganar da na ji ana ta yi ita ce wai raba gardama ya bayyana. Da yake na kwana biyu ba na kallo, na ce wane ne wannan raba gardama? Ashe a cikin shirin Labarina ne na Aminu Saira.

A satin nan da muka fita daga shi, sai na ji sabon batu. Ko'ina maganar Al'amin da Maryam ake, wasu na cewa ashe Al'amin babban attajiri ne ya yi badda bami don ya samu macen da take son sa.

Wasu kuma ji na yi suna cewa idan s**a ga akasin haka, ma'ana marubuci da daraktan shirin sun nuna mafarki ne, ko Al'amin ya sayar da soyayyarsa to sun daina kallon series ɗin.

Nan na gyaɗa kai na ce lalle fina-fina Hausa sun fara balaga. Domin wannan zai nuna yadda shirin Labarina ya k**a zukatan jama'a. Haka abin yake da shirin Dadin Kowa da Kwana Casa'in tare da Gidan Badamasi.

Amma wataƙila mahukunta da masu ruwa da tsaki a cigaban ƙasa da tattalin arziƙi ba su fahimci lokaci ya yi da za su shiga harkar fim ɗin Hausa ba don saita tunanin al'umma.

Duk da ɗinbin masu kallon fina-finan, har yanzu ana kyamar sana'ar ko harkar. Bayan ta zama kusan gidan kowa akwai.

Shekarun baya gwamnatin tarayya ta so ta yi sansanin shirya fina-finai (Film Village) a Kano, amma aka yaƙi ƙudirin. Duk da cewa ba a daina fim ba a Kano, kuma masu kallon ƙaruwa suke a saƙo da loko.

Sai nake ganin idan da an yi film village ɗin, wataƙila da an killace masu yin fim, tare da tsara musu dokoki bisa al'ada da addini.

Yanzu ba a daina fim ɗin ba. Asali ma kwararo da loko idan ka shiga, za ka tarar ana ɗaukar fim, inda za ka ga yara sun taru ana kallon taurarin fim duk da yadda wasunsu ke ɓarin zance da mugun wasa.

Fitatcen shirin Daɗin Kowa ana shirya wani bangare a Kawo dake garin Kano. Kwanaki can ina kallo shirin, sai na ga an nuno wani gida da wasu taurarin shirin s**a yi aure a ciki. Koda aka shiga falon, nan na tabbatar ɗakin ƙanwar mahaifiyata ne.

Wannan zai nuna cewa shirin ya shiga jama'a sosai. Shirin ya zama wani bangare na rayuwarsu. Idan da wani abin ƙi, to an gudu ba a tsira ba. Tun da ba ta sake zani ba.

Shirin fim ba mai gushewa ba ne nan kusa. Ya k**ata a karɓe shi hannu bibiyu tare da tunanin yadda zai amfani jama'a ta hanyar da ta dace.

©Zaharaddeen Ibrahim Kallah

01/01/2024

Barka da sabuwar shekara ta 2024. Allah ya tabbatar mana da alherin dake cikinta, ya nesanta shairin cikinta.

29/12/2023

Wasu tarurrukan marubuta da aka gudanar a shekara ta 2023 ta muke bankwana da ita.

28/12/2023

Daga hagu, Kabiru Yusuf Fagge da Kamal S. Alkali sai Aminu Saira tare da Zaharaddeen Ibrahim Kallah a wani taro da aka yi don kaddamar da littafi tare da taya Nasiru Gwanwanzo murnar aurensa.

28/12/2023

Daga hagu, Tijjani Muhammad Musa da Nasiru Gwangwazo da Zaharaddeen Kallah sai Aminuddeen Ladan Abubakar (ALA) a Gidan Radio Freedom.

28/12/2023

Ado Ahmad Gidan Dabino, MON tare da Fauziyya D. Sulaiman a wani taron kaddamar da littafi da aka yi a Kano a watannin baya.

28/12/2023

Farfesa Yusuf M. Adamu da wasu marubuta a wani taron marubuta a Kano.

29/11/2023

Zanga-Zangar Unguwar Kurna: Yadda Ɗan Sanda Ya Harbe Salisu Player

Daga Isyaku Kabir Rio

"Jiya a can Ƙasan Layi faɗa ya rincaɓe tsakanin wasu yara har aka karya wa mutum biyu a hannu. Ana cikin rikicin ne wani yaro ya mari wata yarinya. Ganin hakan ne ya sanya yayan yarinyar ya ce Wallahi ba za su yarda ba, sai sun ɗau fansa. Shi ne ya je bakin titin Ƴan Doma Motors ya ɗauko ƴan daba domin su zo su ɗaukar wa ƙanwarsa fansa.

"Shi ne cikin daren nan ƴan daban s**a shigo domin ɗaukar wa ƙanwar abokinsu fansar marin da aka yi mata. To a dalilin haka ne aka sanar wa ƴan sanda s**a shigon cikin unguwar s**a kora yaran. To sai yaran s**a fito saman unguwar suna zage-zage, suna barazana ga mutane, suna saka mutane gudu, masu shaguna suna rufewa.

"To a daidai lokacin ne matasan unguwarmu, nan kan gadar gidan mai unguwa waɗanda suke bai wa unguwarmu tsaro s**a yi shiri domin hana waɗannan 'yan Dldaban shigowa cikin unguwar tamu su yi sata ko su ji wa mutane ciwo. A daidai lokacin matasan unguwarmu s**a tanadi duwatsu domin su ba su da makami irin na ƴan daba.

"Can muna tsaye sai muka hango mutane sun taho ana ta gudu. A daidai lokacin ne shi marigayi SALISU PLAYER ya ce min, "RIO ga su nan fa. Mu gudu, ƴan daba ne." Sai na ce masa 'wallahi ba inda za ni. Su zo mu gan su. Cikinsu babu wanda ba mu sani ba.' Ni ma na riƙe dutse a hannuna. Muna tsaye tare da ni akwai Deeni Amana. Shi kuma SALISU PLAYER sai ya gudu. Ashe bai tsira ba daga harbin tsinannen Ɗan Sanda😭😭

"Muna tsaye ayarin ya zo ya same mu. Waɗansu matasa ne da masu manyan kaya a jikinsu suna ihu ɗauke da mak**ai irin su katako, adda, barandami. Suna tafe suna ɗuɗɗura ashariya. Ganin haka sai su kuma waɗannan matasan masu kula da unguwa s**a sa musu jifa da duwatsun nan suna cewa ƙarya ne. Kawai a take a wurin sai na ji harbin bindiga daga cikin ƴan daban. Ashe wai ƴan sanda ne a cikinsu suna tare.

"Wallahi billahillazi ba mu ankara ba sai gani na yi a gabana an harbi ɗan uwana USMAN IG. Harsashin ya gogi hannunsa ya wuce cinyar SARKI ZILADAINI. Saii ya kara harba bindigar, shi ne ya kashe SALISU PLAYER 😭"

03/11/2023

Falana Ya Koka A Kan Hukuncin Shari'ar Kano, Ya Ce Alƙalai Na Hukunta Masu Zaɓe A Kan Kura-Kuran Da INEC Take Yi

Fassarawa: Yasir Kallah

Babban lauyan nan mai rajin kare haƙƙin ɗan Adam na Nijeriya, Femi Falana, SAN, ya koka a kan hukuncin shari'ar kotun sauraren ƙararrakin zaɓen kujerar gwamna ta jihar Kano wadda ta soke nasarar gwamnan Kano, Abba Kabir Yusuf.

Idan ba a manta ba, Hukumar Zaɓe Mai Zaman Kanta ta Nijeriya, INEC, ta bayyana Gwamna Abba Kabir Yusuf a matsayin wanda ya lashe zaɓen kujerar gwamna ta jihar Kano da aka kaɗa a ranar 18 ga watan Maris, 2023.

Da yake jawabi a wani shiri na gidan talabijin ɗin Channels, Falana ya ce: "Bai k**ata ka hukunta masu zaɓe a kan kura-kuran da INEC ta yi ba. Hakan ne abin da ya faru ba da jimawa ba a Kano, inda aka ce jami'an INEC ba su maka ƙuri'u dubu 65 ba."

Ya ƙara da faɗin cewa: "Muna kira ga alƙalai da su rungumi adalci, adalci na haƙiƙa, ta hanyar da ba za ka iya hukunta masu zaɓe a kan kura-kuran da INEC ta tafka ba."

A dangane da tsari na doka, matuƙar an ƙirga ƙuri'un sannan an bayyana wanda ya samu nasara, "Ba za ka iya ƙalubalantar ingancin takardun zaɓen ba".

"Saboda haka, ina ganin waɗannan ne wuraren da alƙalanmu ya k**ata su koma baya su gyara," inji Falana.

10/10/2023

FRANCOISE BETTENCOURT MAYERS: MACE MAFI ARZIƘI A DUNIYA

Francoise Bettencourt Meyers na cigaba da jan zarenta a matsayin macen da ta fi kowacce arziƙi a duniya a wannan shekara.

Wannan shi ne karo na 3 a jere da take riƙe da wannan kambu, bayan la'akari da lalitarta mai ɗauke da dalar Amurka biliyan 80.5, inda ta samu ƙarin dalar Amurka biliyan 5.7 a kan shekarar da ta gabata.

Bettencourt Meyers a halin yanzu tana a mataki na 11 a masu kuɗin duniya, bayan da ta tashi daga mataki na 14.

Kafar sadarwa ta Forbes ta kawo ta a cikin jerin mata biloniyoyi 337 na duniya, wanda suke wakiltar kashi 13 cikin 100 na bilinoyoyi 2,640 da ake da su a duniya.

Meyers mai shekara 70 a duniya ta samu kuɗinta ne ta bangaren kwalliya da gyaran fata da gashi da na'ukan kayan da s**a shafi waɗannan bangare a ƙarƙashin kamfanin L'oreal Group, wanda ke da shekara 100 da kafuwa.

Kakanta ne ya kafa wannan kamfani mai tarihi, wanda alƙaluma sun nuna sun samu ribar dalar Amurka biliyan 38.2 a shekarar 2022. Wannan kamfani yana da ma'aikata sama da 85,000 dake aiki a ƙarƙashinsa.

Bettencourt Meyers ta mallaki kashi 33 na jarin wannan kamfani tare da iyalinta. Sannan ta gaji wannan matsayi na mace mafi arziƙi a duniya daga mahaifiyarta, Liliane Bettencourt wadda da mutu a shekarar 2017.

A shekarar 2018 ta ɗare kan wannan matsayi na mace mafi arziƙi da tsabar kuɗi wuri na gugar wuri har dalar Amurka biliyan 42.2.

Mayers 'yar ƙasar Faransa ce, sannan tana cikin hukumar masu bada shawara na L'oreal tun a 1997. Hakazalika 'ya'yanta Jean-Victor da Nicolas suma na cikin wannan hukumar.

A shekarar 2011 kotu ta tabbatar da Bettencourt Meyers a matsayin wacce za ta gaji mahaifiyarta, bayan an samu magajiyar Liliane da ciwon kwakwalwa tare da cutar mantuwa.

A yanzu Bettencourt Mayers ita ce shugabar gidauniyar Bettencourt, wadda ke bada gudunmawa a Faransa, a fannin bunƙasar ilimin kimiyya da gwanintar ƙirƙira.

📷: Forbes

©Zaharaddeen Ibrahim Kallah

15/09/2023

Ba Mu Janye Haramcin Bai Wa Ƴan Najeriya Biza Ba – Dubai

Daga Yasir Kallah

Haɗaɗɗiyar Daular Larabawa, Dubai, ta ƙaryata iƙirarin da gwamnatin Najeriya ta yi na cewa za ta cire haramcin bai wa ƴan Najeriya bizar shiga ƙasar.

"Zuwa yanzu babu wasu sauye-sauye a game da matsayin tafiye-tafiye tsakanin Najeriya da Dubai," wani jami'in ƙasar ya shaida wa CNN.

Jami'in ya nemi kar a bayyana sunansa saboda ba a ba shi damar magana da manema labarai ba.

A wata sanarwa da ta fitar a watan Oktoba ɗin shekarar da ta gabata, Dubai ta bayyana cewa ba za ta ƙara bayar da biza ga ƴan Najeriya da sauran wasu ƙasashe 19 ba.

A farkon makon nan ne shugaban ƙasar Najeriya, Bola Tinubu, ya haɗu da shugaban ƙasar Dubai, Muhammad bin Zayed Al Nahyan a birnin Abu Dhabi inda s**a yi yarjejeniya, k**ar yadda gwamnatin Nijeriya ta sanar.

Gwamnatin ta bayyana cewa yarjejeniyar ta samar da damar janye haramcin bayar da bizar, tare da barin jiragen sama su fara tashi da sauka a tsakanin ƙasashen guda biyu.

Sai dai kuma wani jawabi daga ƙasar Dubai ɗin da ya fita daga baya ya ce shugabannin biyu sun tattauna a kan wasu damarmaki na haɗin gwiwa tsakanin ƙasashen guda biyu, tare da fatan farfaɗo da alaƙar da ƙe tsakanin ƙasashen, amma bai kawo batun janye haramcin biza da saukar jirgi ba.

Address

10 Ibrahim Kallah Road, Giginyu Quarters
Kano

Telephone

+2349090563108

Website

http://www.amonnasara.com/

Alerts

Be the first to know and let us send you an email when Amon Nasara posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Amon Nasara:

Videos

Alhamdulillah. Ni'ima ta sauka a Kano. Allah ya bamu damuna mai albarka.

Kiciɓis da Jafaar Jafaar ya yi da Gwamna Ganduje a London. Jafaar ya shaidawa gidan Freedom Radio cewa an yi raha, inda gwamnan ya tsokane shi da ya gudo, shi kuma ya ce ai shi ya koro shi. Kuna ganin maganar faifan dala a binne ta?

Mai Martaba Khalifa Muhammadu Sanusi II ya yi kira ga musulmi da su yi watsi da wasu ɓata gari da aka samu labari suna yaɗa saƙonni don ɓata Sheikh Usman Ɗan Fodiyo da jihadinsa. Wannan yunƙuri ne na raba kan musulmai tare da ƙoƙarin kitsa fituna.

Allah Ɗaya Gari Bambam: Arziƙi Damfare a Dafin Kunama Yayin da ake gudin kunama saboda illar dafinta, a wasu ƙasashen arziƙi ne babba. Rahaton BBC Hausa ya nuna yadda ake sarrafa ruwan dafin Kunama zuwa kayan kwalliya da magunguna. Kalli yadda magani yake a gonar yaro.

Wata matashiya mai kwaikwayon murya.

Gwarzuwar Duniya: 'Yar Najeriya Oluwatobiloba Amusan, cikin hawaye yayin taken Najeriya don taya ta murnar lashe kambun gwal a gudun mita 100 na gasar duniya ta Athletics Championships da ake gudanrwa a Eugene, Oregon, USA

Wani Alhajin jihar Kano da bai samu jirgi ba don halartar aikin hajjin bana, ya fara gabatar da aikin hajjinsa a sansanin alhazai na jihar Kano, a yau Alhamis.