Jibwis Jalingo

17/12/2022

06/10/2022

MAGANAR A’SHARARAI:

Dr. Ibrahim Jalo Jalingo

1. Ibnu Ishaq ya ruwaito a cikin Sirah shafi na 197, da Ibnu Hisham a cikin Sirah 1/293 cewa: A’shararai, Shugabannin saba wa umurnin Allah da bin son zuciya sun taba taruwa a dakin Ka’abah s**a kira Manzon Allah mai tsira da amincin Allah s**a fadi karairayi da son zuciyarsu a kan shi, s**a ce da shi: ((Wallahi ba mu taba ganin wani mutum cikin Larabawa da ya kawo wa al’ummarsa shirme da bala’i ba irinka!! Hakika ka zazzagi Iyaye, ka aibanta Addini, ka wofintar da Hankula, ka zazzagi Abubuwan bauta, ka rarraba kawunan Al’umma, babu wani abu mummuna da yarage wanda ba ka samar da shi a tsakaninmu da kai ba)).

((انا والله ما نعلم رجلا من العرب ادخل على قومه ما ادخلت على قومك؛ ولقد شتمت الآباء، وعبت الدين، وسفهت الاحلام، وشتمت الآلهة، وفرقت الجماعة، فما بقي أمر قبيح الا جئته فيما بيننا وبينك)).

2. Lalle wajibi ne al’ummar Musulmi a duk inda suke su bi dokokin shari’ar Musulunci iya karfinsu; a cikin aqidarsu da siyasarsu da dukkan kome nasu. Allah muke rokon Ya taimake mu har kullum. Ameen.

05/10/2022

DUKKAN BIDI’AH BATA CE:

Dr. Ibrahim Jalo Jalingo

1. Wajibi ne Al’ummar Musulmi a duk inda suke su nisanci aikata bidi’a da nufin neman lada a gurin Allah.

Imamu Muslim ya ruwaito hadithi na 867, da Nasaa’iy na 1,799, da Ibn Majah na 45, da Ahmad na 14,334, da Ibn Khuzaimah na 1,785, da Daarimiy na 212, da Ibn Hibban na 10 daga Sahabi Jabir Ibn Abdillah Allah Ya kara masa yarda ya ce: ((Manzon Allah mai tsira da amincin Allah ya kasance idan yana huduba sai idanunsa su yi ja, muryarsa ta yi sama, fushinsa ya karu ka ce dai kamar wanda yake yi wa jama’arsa gargadin cewa ga fa sojojin makiya za su auka muku da asuba ko da maraice, sannan sai ya ce: “An aiko ni tare da zuwan Kiyama kamar wadannan abubuwa biyu” sai ya hada yatsunsa biyu Manuniya da Yatsar tsakiya, sannan ya ce: “Bayan haka; lalle mafi alherin magana shi ne Littafin Allah, mafi alherin hanya ita ce hanyar Muhammad -Allah Ya yi salati da tsira a gare shi- mafi sharrin al’amura fararrunsu, kuma dukkan wata bidi’a bata ce”)).

2. Muna rokon Allah Ya taimake mu Ya cusa mana son bin Sunnah, da kin yin bidi’ah cikin ibadarmu. Ameen.

04/10/2022

SAƘO Sheikh Abubakar Mukhtar Yola GA MUSULMIN JIHAR TARABA 👇👇👇