Omathimbo ga Namibia

30/09/2022

A pewa ehandukilo leedula omilongo nhatu naheyali (37)

Ku: Helena Fillemon

Omulumenhu wedina Kazana Nocolous Hausiku oo kwa li a mangwa po 2018 nokwa li a monika ondjo yedipao lomughona wofalama omo kwa li ha longele, okwa taalela ehandukilo leedula 37 netata modolongo. Omulumenhu oye tuu ou okwa monika ondjo moiningwanima tai shikula: ekwatonghonga olo kwa li a ningila omukulukadi wanakufya, ekwatombabyona nosho yo okuvaka.
Omutokolimhangu okudilila momhangu yopombada, Naomi Shivute, oye kwa li a yandja etokolo eli ongula yonena.

09/09/2022

Ohamba yomukainhu ya shiivika nawa nedina Queen Elizabeth Alexandra Mary, oya mana oweenda wayo omutenya wEtine ladja ko, momafiku eshi ali 08/09/2022, moBalmoral Castle, Buckingham Palace moshilongo United Kingdom. Queen Elizabeth okwa lela oshilongo shaUnited Kingdom koshi yepangelo loMonarch oule weedula 70 neemwedi 7.

Okwa tameka okulela okudja momafiku a hamano(6) aFebruary, modula 1952, fiyo omefyo laye. Otaku hokololwa kutya nakufya okwa xulifa ena eedula omilongo omuwoi nahamano (96).

Ku:Helena Fillemon

05/09/2022

Omunangeshefa A mana oweenda waye

Omunangeshefa nomufaalama a shiivika nawa tate Ismael Shailemo weedula 76 okwa mana oweenda waye ongula yonena moshipangelo mOndangwa moule wouyehame wefimbo lixupi.
Nakufya okwa li omunapolitika nokwa li omukomesho wofaalama yOmangeti.

Ku: Helena Taatsu

29/08/2022

Angola okwa yandja efudiko lopapangelo noshoyo oku yandja efimaneko laxuuninwa kOmupelesidende mukulu woshilongo, Eduardo dos Santos.
Eshi oshaningwa onghela konima yefyo laye mo shilando Barcelona, shaSpain momafiku a hetatu
(8), muJuly odula ei.

Ku: Tuyeimo Vaendwanawa

24/08/2022

Ovakwashiwana vaAngola moNamibia ova pita ongula yakula opo va ka kufe ombinga momahoololo oupresidente oo taa ningilwa pombelewa yaAngola,moshilandopangelo moshikandjohoololo shaKhomas, oyo hai ifanwa Angolan Embassy.
Omupopiliko waAngola moNamibia, Jovelina Imperial, okwa popya kutya ove li va shangifa ovakwashiwana vaAngola ve li 2000 ovo va teelelika va ka kufe ombinga momahoololo ongula ei yonena. Naashi hatu popi ngaha omahoololo oku li metifa nafiyo okeevili dokomatango.

Ku:Helena Fillemon

22/08/2022

Ovalumenhu vavali Dimbulukeni Nauyoma na Michael Amushelelo ova li va pewa elifutilemo leedola daNamibia omayovi atano keshe umwe (N$ 5000.00) okudiilila momhangu yopombada mOvenduka ongula ei yonena.

Dimbulukeni Nauyoma wokongudu yoAR naMichael Amushelelo wokongudu yoNEFF ova li va mangwa po muMay 2022 shi na sha nomakuyunguto noitilifa va li va ningila Ovachina komalandifilo aChina Town momudingonoko waVenduka.

Omushangi: Helena Fillemon

12/08/2022

Victor Zoe Karsten okwa dikwa nokufindana po oshishani shaMiss Teen Namibia 2022 .

Zoe Karsten okwa dikilwa konhele i li mOvenduka hai ifanwa Country Club onguloshi yEtine .

Jordan Strauss oye omufindani omutivali omanga Jada Tati oye wotete .

Omushangi: Tuyeimo Vaendwanawa

12/08/2022

E likufa omwenyo

Omulumenhu weedula dopokati wedina Joseph Shileka womomukunda Ohauwanga mosh*topolwa shaHangwena okwe likufa omwenyo onghela omutenya eshi e limangelekela mekove popepi neumbo lavo.
Otaku hokololwa kutya omaliumbato anakufya omafiku aa okwa kala ashike e limwenena nokakwa li ta ulike oughundi washa.
Eshi sha etifa oshiningwanima eshi inashi shiivika natango, onghee omakonakono opolifi oku li metifa.
Omushangi: Helena Fillemon

11/08/2022

Omulumenhu Eli omunangeshefa omu China okwali a ponokelwa kokalyamupombo vahamano meumbo laye ongula yonena momudingonoko wa Hochlandpark moVenduka.

Okwa kundwanwa kutya eembudi dili hamano okwali dahomata nodali dafadukapo noshimaliwa keemuna eemiliyona N$3.3 Millions noilongifomwa yawedwapo

Omushangi:Helena Fillemon

29/07/2022

Omulumenhu omuNamibia okuli eli longekidila okweeda kolupadi oshinano shifike peekilometa 2200.

Ku: Helena Fillemon

Omulumenhu weedula omilongo nhatu nanhano (35) ashivika nawa nedina Elago Nantana, okwali ahovela olweendo lwaye okudja mo Oranjemund mefiku lotete laJune 2022 no kwatokola akahulile ko Katima Mulilo. Okwa popya mo kutya ekufombinga laye lo lweendo eli oku udifa ondjovo yaKalunga unene tuu kovalumenhu ova Namibia noku veeta puKalunga.

Elago Nantana okwa fika mOtjiwarongo onghela konguloshi nokwa talela atwikile olweedo laye fiyo oko Zambezi region.

14/07/2022

Omutonateli woimuna e limangeleka

Neenghendabala adishe otapa kongwa ovakwanedimo vomulumenhu weedula omilongo nhee naheyali (47) ou e li odalele yaAngola noku li a hangika e limangelekela komuti pohambo opo kwa li ha longele moHalushu.
Olutu lanakufya ola monika Etivali potundi onhihetatu yongula (08h00), nola hangika la endjelela komuti nongodi ei e limangelekifa ya dingaela ofingo .Omukonakoni woshibofa, Commissioner Moses Simaho, okwa popya kutya nakufya odalele yaAngola nokwa dile momukunda Oshoonde moNdjiva.
Simaho okwa weda po ta ti mokukala kwanakufya oha monika ngaho ta enda enda nokwa li ha monika e li monghalo yomunhu ehe li nawa momutwe, ashike Omaandaxa okwa li ngaho ta monika e li xwepo.
Oshibofa sha taalela oshiningwanima eshi osha patululwa. Omakonakono oku li metifa noku kwetelwe komesho kopolifi yaNamibia.

KU: Helena Fillemon

08/07/2022

Omupresidente omukulu waAngola, Jose Eduardo Dos Santos, okwa mana oweenda waye.
Dos Santos okwa manena oweenda waye moshipangelo moBarcelona, moSpain, ongula yonena nokwa li e na eedula 79. Dos Santos okwa li omuleli waAngola okudja 1979 fiyo 2017.
Efyo laye ola kolekwa kombelewa yomupresidente waAngola.

Ku: Helena Fillemon

04/07/2022

Abed David weedula (19 ) okwa xulifa potundi onhinhatu konima eshi a wa konghambe .
Otaku hokololwa kutya Abednego okwa u konghambe ndele ta denge onhulo yaye mopala. Oshiponga osha ningilwa momukunda Okongo mosh*tukulwa shaShikoto .

Abed David okwa li omunafikola pofikola yedina Ekonghola.

24/06/2022

Omudokotola Joe Phaahla okudidilila mouministili woundjolowele mo South Africa okwa shiivifa onghela kutya omukifi owo wedina Monkeypox owalopotwa wamonika mo Johannesburg, konima eshi omulumenhu weedula omilongo natu (30) ali aya koma konakono.

South Africa okwashivifile oshiwana kutya ovanhu ita va kapulwa vali iilyemo yo Covid-19 okuuya moshilongo no mangudumano itaa ka ngambekwa vali no sho wo okudjala oumaska ita va kadengela vali.

Ku: Helena Fillemon

20/06/2022

Omulumenhu weedula omilongo nanho nayimwe (51) okwa mana oweenda waye onguloshi, 19 Juni 2022 konima eshi ali ayashwa nokwa fya, ko mumwainamati weedula omilongo hamano na nanho (65).
Oshiningwanima eshi oshali shaningilwa momukunda wedina Okatope mosh*topolwa Ohangwena, nomu feekelwa okuli atulwa moipandeko no kwa taalela oshipofa shedipao.

Ku: Helena Fillemon

14/06/2022

Omupopileko okudiilala kombelewa ya Ombudsman, Basilius Djakugha aanya eindilo longudu yo NEFF

Ku Tuyeimo Vaendwanawa

Basilius okwaanya eindilo Eli la ningwa ko ngundu yo NEFF va taalele oshikumungu shomu President Woshilongo Hage Geingob, Okwa popya kutya vo ita veli do pomo nande nande mo makonakono oshiningwanima eshi.
Takukundanwa kutya omupresident Hage Geingob otafeekelwa akwa telwa moshibofa shoumbudi shinasha nevako loshimaliwa shongushu yo US N$ 4 million mo falama Yo President wa South Africa Cyril Ramphosa. Oimaliwa ei oya li ya vakwa ko vakwashiwana va Namibia.

14/06/2022

Omundokotola afimana moshipangelo shakula Onandjokwe, Dr Akutu Munyika okwa shiivifa no kwa yandja eidilo kutya ota ka fiyapo oilonga yaye momafiku eshi taa ka kala 06 July odula oyo tuu ei. Eshi sheetifa opo aninge etokolo eli ina shi shiivika natango.
Omundokotola Akutu Munyika moilonga omo okwa kala mo oule weedula nanho, oku dja mo 2018 eshi ayi ponele yomundokotola Igo Petrov adile ko Russia.

14/06/2022

Etanga leameno mosh*topolwa shaKhomas moVenduka ola li le shipondola ongula yonena, sho la kwatapo no kutula moipandeko omulumenhu eli omufeekelwa shinasha nedipao La Charmaine Saron ou ali atuwa nombele iikando ili omilongo mbali nanee momulamba konima yongerika yedina Hosiana Mo Katutura etine loshivike shandjako.
Omupopileko wopolifi Silas Shipandeni okweshikoleke no kwati omufeekelwa okwa mangwapo nokuli mokalimosho moKatutura. No polifi otai twikile nomakonakona shinasha noshibofa osho tu eshi.

13/06/2022

Opolifi moshikandjo hogololo shaOkahao mosh*topolwa shaOmusati oyali yamangapo nokutula moipandeko omumati weedula omilongo mbali nanatu womomukunda Okangala eshi kwali atwa mukwao weedula omilongo mbali na mbali nombele oyo hayiifwanwa okapi onghela potundi onimugoyi yuufiku.

Omupopiliko wetanga lopolifi Commissioner Moses Simaho otati ovalumenhu ava vavali okwali taalu, nanakutuwa okwatuwa iikando ili ivali nombele medimo noshali sheetifa omandjandja eu kombada.
Otakukundanwa kutya nakutuwa okuli eli moshipangelo sha’shakati nokuli monghalo iyi neenghono. Nakufweekelwa okwamangwapo nokwataalela oshipofa shedipao.

13/06/2022