Mabungwe Akuchitanji News Online

Mabungwe Akuchitanji News Online MA NewsOnline//The Real Voice of Organizations, Companies and Individuals
(1)

Alimi a fodya mdziko muno awalimbikitsa kuti adzigwilitsa ntchito dzigafa za moyo pa ntchito yawo pofuna kuthana ndi vu...
14/01/2025


Alimi a fodya mdziko muno awalimbikitsa kuti adzigwilitsa ntchito dzigafa za moyo pa ntchito yawo pofuna kuthana ndi vuto la kusintha kwa nyengo.

Bungwe la atolankhani olemba nkhani zokhudza ulimi wa fodya mdziko muno la Media Network on To***co (MNT) ndilomwe lapereka pempholi.

Kalata yomwe wasainira ndi mtsogoleri wa bungweli Alfred Chauwa yati ulimi wa fodya ukukolezera kwambiri mchitidwe woononga mitengo mdziko muno ndipo alimi akuyenera kuyamba kugwilitsa ntchito dzigafa za mtunduwu.

A Chauwa alimbikitsanso alimiwa kuti abzale mitengo yochuluka m'malo onse omwe anadula mitengo ponena kuti izi zithandiza kwambiri pa ntchito yobwezeletsa chilengedwe mdziko muno.

Kudzera mu kalatayi a Chauwa ati bungweli likukhulupilira kuti mbewu ya fodya ikuthandiza kwambiri pobweretsa ndalama zakunja koma nkofunika kuti adindo akhazikitse njira zoyenera zotetezera malonda a mbewuyi ndi chilengedwe.

NewsOnline Kukupatsirani Nkhani Zamabungwe/Kampani/ Ndi Anthu ena

Unduna wa zachuma lero wayamba mikumano yake yomwe wakonza sabata ino pofuna kumva maganizo a anthu pa ndondomeko ya za...
13/01/2025


Unduna wa zachuma lero wayamba mikumano yake yomwe wakonza sabata ino pofuna kumva maganizo a anthu pa ndondomeko ya zachuma ya chaka cha 2025/2026.

Nduna mu undunawu Simplex Chithyola Banda ndiye watsegulira ntchitoyi ku BICC mu m'zinda wa Lilongwe.

Mwazina akuluakulu mu undunawu, akatswiri pa nkhani zachuma,
mabungwe osiyanasiyana, atsogoleri amipingo ndi ena ndiomwe akutenga nawo mbali pa mikumanoyi yomwe ichitike m'mim'zinda ya Lilongwe, Mzuzu ndi Blantyre.

NewsOnline Kukupatsirani Nkhani Zamabungwe/Kampani/ Ndi Anthu ena

Nthambi yoona zanyengo ndikusintha yati pali kuthekera koti kuyambira pa 14 January chaka chino mvula itha kugwa pomwe ...
11/01/2025


Nthambi yoona zanyengo ndikusintha yati pali kuthekera koti kuyambira pa 14 January chaka chino mvula itha kugwa pomwe Namondwe wa Dikeledi yemwe wabadwa m'nyanja ya mchere ya India akhale akusuntha motalikirana ndi dziko lino.

Kalata yomwe nthambiyi yatulutsa yati padakali pano Namondweyu akupitilira kukula mphamvu ndipo ali paliwilo la makilomita 22 pa ola limodzi.

Nthambiyi yati padakali pano kauniuni wake akupitilira kuwonetsa kuti Namondweyu afika m'nyanja ya mchere ya pakati pa maiko a Madagascar ndi Mozambique akadutsa kumpoto kwa Madagascar lero pa 11 January.

NewsOnline Kukupatsirani Nkhani Zamabungwe/Kampani/ Ndi Anthu ena

Nthambi ya asilikali komanso apolisi mdziko muno yati ikukhazikitsa ndondomeko zosiyanasiyana zomwe zithandize kupitits...
09/01/2025


Nthambi ya asilikali komanso apolisi mdziko muno yati ikukhazikitsa ndondomeko zosiyanasiyana zomwe zithandize kupititsa patsogolo chitetezo ndi kuthana ndi m'chitidwe wa ziwawa pa ndale pomwe dziko lino likuyembekezeka kuchititsa zisankho pa 16 September chaka chino.

Kalata yomwe yasainidwa ndi akuluakulu a nthambi ziwirizi omwe ndi a Paul Valentino Phiri komanso Merlyne Yolamu yati nthambizi zapeza kuti padakali pano akuluakulu a zipani zina zandale komanso mabungwe ena akugwilitsa ntchito masamba amchenzo ndi njira zina poyankhula mawu omwe ali ndikukhekera kodzetsa ziwawa pa nthawi ya zisankho za chaka chinozi.

Kudzera mukalatayi awiriwa achenjeza aMalawi kuti apewe kugwilitsidwa ntchito ndi andale pochita ziwawa ponena kuti malamulo a dziko lino apitilira kugwira ntchito kwa onse omwe akuchita m'chitidwewu.

NewsOnline Kukupatsirani Nkhani Zamabungwe Kampani Ndi Anthu ena

"KWABADWANSO NAMONDWE WINA WA DIKELEDI UKU!! "Yatero nthambi ya zanyengoNthambi yowona zanyengo ndikusintha kwa nyengo ...
09/01/2025


"KWABADWANSO NAMONDWE WINA WA DIKELEDI UKU!! "Yatero nthambi ya zanyengo

Nthambi yowona zanyengo ndikusintha kwa nyengo yati m'nyanja ya mchere ya India mwabadwanso Namondwe wotchedwa "Dikeledi".

Malingana ndi kalata yomwe nthambiyi yatulutsa Namondweyu wabadwa kumpoto chakummwera kwa Madagascar .

Kudzera mukalatayi nthambiyi yati Namondweyu akuyembekezeka kufika m'nyanja ya mchere yapakati pa dziko la Madagascar ndi Mozambique (Mozambique Channel) akadutsa kumpoto kwa dziko la Madagascar lamulungu pa 12 January.

Apa nthambiyi yati iyesetsa kupitilira kudziwitsa aMalawi zokhudza Namondweyu.

NewsOnline Kukupatsirani Nkhani Zamabungwe/Kampani/ Ndi Anthu ena.

Pomwe pangotha miyezi pafupifupi itatu tsopano mvula itayamba kugwa m'madera ena a mdziko muno kuyambira mwezi wa Octob...
04/01/2025


Pomwe pangotha miyezi pafupifupi itatu tsopano mvula itayamba kugwa m'madera ena a mdziko muno kuyambira mwezi wa October umu ndimomwe chimanga chilili m'madera ena m'boma la Lilongwe.

Komabe MA NewsOnline yapedzanso kuti ngakhale izi zilichomwechi anthu ena m'madera ena m'bomali abzala kumene chimangachi.

Izi ndi zina mwa zithunzi zomwe MA NewsOnline yapedza pankhaniyi.

NewsOnline Kukupatsirani Nkhani Zamabungwe/Kampani/ Ndi Anthu ena

Unduna wa zamaphunziro wasintha tsiku lotsegulira sukulu zotsura aphunzitsi a m'sukulu za pulayimale za Kasungu, Phalom...
04/01/2025


Unduna wa zamaphunziro wasintha tsiku lotsegulira sukulu zotsura aphunzitsi a m'sukulu za pulayimale za Kasungu, Phalombe komanso Chikwawa.

Kalata yomwe wasainira ndi mlembi mu undunawu Mangani Chilala Katundu yati izi zilichomwechi kaamba koti Namondwe wa Chido anawonga zipangizo zina m'sukuluzi zomwe undunawu ukufuna kukonza.

Kudzera mukalatayi a Katundu ati sukuluzi adzitsegulira pa 20 January m'malo mwa pa 6 January.

NewsOnline Kukupatsirani Nkhani Zamabungwe/Kampani/ Ndi Anthu ena

Malawi Police Service (MPS) says it has recorded 9 road accidents during 2025 New Year celebration.MPS deputy national...
03/01/2025


Malawi Police Service (MPS) says it has recorded 9 road accidents during 2025 New Year celebration.

MPS deputy national spokesperson Harry Namwaza said this year's figure is matching the figure for 2024.

However Namwaza said the number of people who have been killed in the road accidents has increased from 2 in 2024 to 4 this year.

The number of people who have sustained injuries from road accidents during the period has also increased in 2025 from 10 to 15.

He said during the period, MPS deployed traffic police officers in all major public roads to enforce road traffic rules and regulations. MPS booked 510 motorists for speeding, 660 for exceeding capacity, 92 for drink and driving, and flagged 220 unroadworthy vehicles.

MPS calls upon all road users in the country to ensure total adherence to road traffic regulations for their safety and prevention of road accidents.

NewsOnline/The Real Voice of Organizations/ Companies/Individuals

Nthambi yoona zanyengo ndikusintha kwa nyengo yati pali chiyembekezo kuti mwezi wa January madera ambiri mugwa mvula ya...
01/01/2025


Nthambi yoona zanyengo ndikusintha kwa nyengo yati pali chiyembekezo kuti mwezi wa January madera ambiri mugwa mvula ya mlingo wokhazikika kapena kuposera apo.

Kalata yomwe nthambiyi yatulutsa ikuwonetsa momwe izi zikhalire pomwe yati mlingo wake ukhala wapakati pa 200-350mm.

Onani zambiri mukalatayi.

NewsOnline Kukupatsirani Nkhani Zamabungwe/Kampani/ Ndi Anthu ena

SITINANENE ZIMENEZO IFE-Yatero Kampani ya ESCOMKampani yopanga ndi kugulitsa magetsi ya ESCOM yatsutsa malipoti oti id...
31/12/2024


SITINANENE ZIMENEZO IFE-Yatero Kampani ya ESCOM

Kampani yopanga ndi kugulitsa magetsi ya ESCOM yatsutsa malipoti oti idzithimitsa magetsi kwa maola 11.

Kampaniyi yanena izi kutsatira zomwe anthu ena akugawana pa masamba amchenzo kuti iyamba kuchita izi kuyambira pa 30 December chaka chino mpaka pa 4 January chaka cha mawa.

Posachedwa Kampaniyi inati magetsi adzithima kwa maola awiri okha kuyambira 6 koloko madzulo mpaka 8 koloko madzulo kaamba ka kuchuluka kwa anthu omwe akugwilitsa ntchito magetsiwa komanso kuchepa Kwa mphamvu za magetsi zomwe ikupanga.

Koma Kalata yomwe Kampaniyi yatulutsa yati zomwe anthu ena akunenazi ndizabodza ponena kuti Kampaniyi ilibe ganizoli.

Apa Kampaniyi yati palibe kusintha kulikonse pa nthawi yomwe magetsiwa adzithima.

NewsOnline Kukupatsirani Nkhani Zamabungwe/Kampani/ Ndi Anthu

31/12/2024


Bungwe loyendetsa zisankho mdziko muno la MEC lati lichita kalembera wachibwereza wa voti kuyambira pa 10 January mpaka pa 3 February chaka cha mawa.

Kalata yomwe wasainira ndi mneneli wa bungweli Sangwani Mwafulirwa yati m'maboma omwe ali mu gawo lachitatu kalemberayu adzayamba pa 10 January mpaka pa 14 January.

Iwo ati ndipo m'maboma omwe ali mu gawo lachiwiri kalemberayu adzayamba pa 20 January mpaka pa 24 January.

A Mwafulirwa ati pomaliza bungweli lidzachita kalemberayu m'maboma amu gawo loyamba kuyambira pa 30 January mpaka pa 3 February.

Kutsatira izi bungweli lapempha magulu onse okhudzidwa kuti apereke maina a anthu omwe omwe adzagwire ntchito yolondoloza momwe kalemberayu akuyendera pasanafike pa 8 January chaka cha mawa.

NewsOnline Kukupatsirani Nkhani Zamabungwe/Kampani/ Ndi Anthu ena

Ngakhale nthambi ya zanyengo yati mvula yochuluka yayamba kugwa m'madera ambiri mdziko muno kumapeto kwa mwezi uno zom...
31/12/2024


Ngakhale nthambi ya zanyengo yati mvula yochuluka yayamba kugwa m'madera ambiri mdziko muno kumapeto kwa mwezi uno zomwe zithandize kuti alimi mdziko muno apeze zokolora zochuluka mchakachi,MA NewsOnline yapedza kuti alimiwa atha kulephera kutero kaamba ka tidzilombo komanso matenda omwe ayamba kuononga mbewu zawo.

Mwachitsanzo,m'minda yambiri m'madera ena a m'boma la Lilongwe tidzilomboti tomwe ndi monga ziwala komanso mbodzi zikuononga kwambiri chimangachi.

Komatu ngakhale izi zilichomwechi,MA NewsOnline yapedzanso kuti alimi ena m'maderawa ayamba kale kupha tidzilomboti pogwilitsa ntchito manja awo.

Izi ndi zina mwa zithunzi zomwe MA NewsOnline yatola m'maderawa.

NewsOnline Kukupatsirani Nkhani Zamabungwe/Kampani/Ndi Anthu ena.

''Man, 26, arrested over stepdaughter's murder in Lilongwe''Police at Nathenje in Lilongwe have arrested Luwashi Bakali,...
29/12/2024

''Man, 26, arrested over stepdaughter's murder in Lilongwe''

Police at Nathenje in Lilongwe have arrested Luwashi Bakali, 26, for allegedly assaulting to death a 2-year-old stepdaughter at Kawale Village in Traditional Authority Mazengera, on December 25, 2024.

On this day at around 16:00 hours, the mother left her daughter sleeping in the house while she [mother] went for a bath.

Surprisingly, on returning from the bathroom, the mother found her daughter helplessly lying outside the house in unconscious state.

Immediately, the mother, who was escorted by the very suspect, rushed the victim to Nkhoma Mission Hospital where unfortunately, the girl died while receiving medical attention.

However, rumours immediately started to unfold claiming that it was the mother's husband as being the person behind the girl's death.

It is said that the suspect was not happy that he was taking care of the child who was not his. So, since the couple got married few months ago, the suspect had been subjecting his stepdaughter to various forms of ill-treatment till this fateful day.

Police, after receipt of the report swiftly responded, and later took the girl's body to Kamuzu Central Hospital for postmortem. And the results revealed that death was due to internal bleeding resulting from physical assault.

The suspect will be charged with murder.

He hails from Mtisauka Village, Traditional Authority Mazengera in Lilongwe District.

NewsOnline The Real Voice of Organizations/ Companies/Individuals

Nthambi yoona zanyengo ndikusintha kwa nyengo yati kuyambira mawa pa 29 December m'madera ambiri a mdziko muno mugwa mv...
28/12/2024


Nthambi yoona zanyengo ndikusintha kwa nyengo yati kuyambira mawa pa 29 December m'madera ambiri a mdziko muno mugwa mvula yochuluka.

Kalata yomwe nthambiyi yatulutsa yati kutsatira kuchuluka kwa mvulayi anthu mdziko muno maka kuchigawo chakumpoto mphepete mwa nyanja ya Malawi akuyenera kukhala osamala ndi madzi osefukira.

M'madera ambiri mwakhala vuto la ng'amba kwa pafupifupi masabata awiri zomwe zachititsa mbewu kuuma.

NewsOnline Kukupatsirani Nkhani Zamabungwe Kampani Ndi Anthu ena

Nthambi ya apolisi mdziko muno yati ngozi zapa nsewu zokwana 19 ndi zomwe zachitika mu nyengo ya chisangalaro cha khiri...
27/12/2024


Nthambi ya apolisi mdziko muno yati ngozi zapa nsewu zokwana 19 ndi zomwe zachitika mu nyengo ya chisangalaro cha khirisimasi ya chaka chino.

Wachiwiri kwa mneneli wa nthambiyi, Harry Namwaza wauza MA NewsOnline kuti izi zikutanthauza kuti chiwelengero cha ngozi-zi chatsika ndi 21 percent poyerekeza ndi chaka chatha pomwe ngozi 24 ndi zomwe zinachitika mu nyengo monga iyi.

Komabe iwo ati ngakhale izi zili chomwechi,chiwelengero cha anthu omwe afa kudzera pa ngozi-zi chakwera kufika pa 13 pomwe chaka chatha anthu 8 ndi omwe anafa kudzera pa ngozi mu nyengo ngati yomweyi.

Iwo atinso mwa ngozi-zi chiwelengelo cha anthu omwe anavulala chatsika kufika pa 24 poyerekeza ndi chaka chatha pomwe anthu 34 ndiomwe anavulala.

Nthambiyi yati pa nthawiyi inakhazikitsa ndondomeko zokhwima ndipo inakwanitsa kugwira anthu osiyanasiyana omwe analephera kutsatira malamulo apa msewu.

NewsOnline Kukupatsirani Nkhani Zamabungwe/ Kampani/ Ndi Anthu ena

Atsogoleri a zipembedzo awapempha kuti apewe kuyankhula mawu odzetse chisokonezo komanso kugawanikana mdziko muno.Gulu ...
26/12/2024


Atsogoleri a zipembedzo awapempha kuti apewe kuyankhula mawu odzetse chisokonezo komanso kugawanikana mdziko muno.

Gulu lina lomwe likudzitcha kuti atsogoleri a zipembedzo okhudzidwa ndiye lapereka pempholi lero pa msonkhano wa atolankhani omwe linakonza pofuna kufokoza zokhudza zotsatira za kafukufuku wa komiti yomwe imachita kafukufuku wokhudza ndege yomwe inapha Dr. Saulos Chilima ndi anthu ena asanu ndi atatu.

Poyankhula pa msonkhanowu wapampando wa gululi Hope Nkhoma wati gululi likukhulupilira kuti komitiyi inali ndi akatswiri ndipo inachita kafukufukuyu moyenera.

A Nkhoma atinso nkofunika kuti padakali pano anthu avomeleza zotsatirazi ponena kuti izi zithandiza kupititsa patsogolo mtendere mdziko muno.

Iwo ayamikiranso komitiyi kaamba koyetsetsa kuchita kafukufukuyu mwachangu komanso mwaukadaulo.

NewsOnline Kukupatsirani Nkhani Zamabungwe/Kampani/ Ndi Anthu ena

26/12/2024


Mawa bungwe loyendetsa zisankho mdziko muno la MEC mogwilizana ndi bungwe la zakalembera wa un'zika la NRB lichititsa msonkhano wa atolankhani.

Cholinga cha msonkhowu ndikufuna kufokoza zokhudza gawo lowonjezera la kalembera wa voti.

Malingana ndi kalata yomwe bungwe la MEC latulutsa msokhanowu womwe ukachitike ku Golden Peacock Hotel mu m'zinda wa Lilongwe udzayamba 9 koloko m'mawa.

Masiku apitawa bungwe la MEC linalengeza kuti lichita gawo lowonjezera la kalemberayu.

NewsOnline Kukupatsirani Nkhani Zamabungwe/ Kampani/ Ndi Anthu ena

Bungwe la National Advocacy Platform (NAP) ladzudzula m'chitidwe wa anthu ena omwe anapha wapolisi wina Benjamin Nyire...
22/12/2024


Bungwe la National Advocacy Platform (NAP) ladzudzula m'chitidwe wa anthu ena omwe anapha wapolisi wina Benjamin Nyirenda ku Chiponde m'boma la Mangochi.

A Nyirenda omwe anali mkulu wa polisi ya Chiponde anaphedwa lachisanu lapitali pa nthawi yomwe iwo ndi apolisi ena amafuna kuthetsa kusamvana pa nkhani ya malo komwe kunalipo pakati pa anthu ena ndi eni esiteti ya Chipunga.

Kalata yomwe waisanira ndi mkulu wa bungweli Baxton Nkhoma ndi wapampando wake Benedicto Kondowe yati m'chitidwewu ndiwokhumudwitsa ndipo nkofunika kuti apolisi achite kafukufuku mwachangu ndikupeza anthu omwe anachita izi.

Kudzera mukalatayi a Nkhoma komanso a Kondowe atinso nkofunika kuti nthambi ya mabwalo amilandu nayonso ipereke chilango chokhwima kwa anthuwa.

Iwo atinso kutsatira kupitilira kwa nkhani zokhudza kusamvana pa nkhani za malo m'bomali ndi maboma ena nkofunikanso kuti bungwe loona za mtendere ndi umodzi la Peace and Unity Commission likhazikitse ndondomeko zoyenera pofuna kuchepetsa m'chitidwewu.

NewsOnline Kukupatsirani Nkhani Zamabungwe/Kampani/ Ndi Anthu ena

Address

Lilongwe District

Telephone

+265994893117

Website

Alerts

Be the first to know and let us send you an email when Mabungwe Akuchitanji News Online posts news and promotions. Your email address will not be used for any other purpose, and you can unsubscribe at any time.

Shortcuts

Share

Category