13/10/2024
"BULLETS YAPATSIDWA ZIGOLI ZITATU" - KATCHIKA
Mphunzitsi watimu ya Kumanda Stars, Innocent Katchika, wati wothandizira kwa oyimbira mmasewero omwe timuyi imakumana ndi FCB Nyasa Big Bullets wapereka zigoli zitatu kwa anzawowa zomwe sizimayenera kukhala zololedwa.
Iye amayankhula atatha masewero omwe agonja 22-1 pa bwalo la Kamuzu kuti atuluke mu chikho cha Castel Challenge Cup ndipo iye anaonetsa kusakhutira kwake ndi wothandizira oyimbirayu.
"Mukhonza kuona kuti oyimbira makamaka othandizira kwa oyimbira mmodzi wapereka zigoli zitatu kwa Bullets." Anatero Katchika.
Iye wati timu yake inagonja chifukwa anyamata ake anachita chabe mantha kuti amasewera ndi timu yaikulu ndipo wati mpikisanowu wawaphunzitsa zambiri zomwe agwiritse ntchito popita chitsogolo.
Pa zigolizi, khumi ndi chimodzi zinagoletsedwa mchigawo choyamba pomwe khumi ndi chimodzi zina zinalowa mchigawo chachiwiri.
Photo courtesy of Wa Ganyu
