03/06/2024
Онолын физикийн зуны сургууль 2024
2024 оны Онолын физикийн зуны сургууль 7 сарын 1-5-ны өдрүүдэд МУИС дээр зохион байгуулагдана. Өнгөрсөн жил "ертөнц судлал" буюу космологи сэдвийн хүрээнд болсон бол энэ жилийнх "их энергийн физик" сэдвийн дор зохиогдоно.
Эгэл бөөм, их энергийн физик нь маттерийн бүтцийг хамгийн гүнд нь судладаг, ертөнцийн үүслийн эхний хэдхэн секундэд юу болоод өнгөрсөнийг ойлгохыг зорьдог салбар юм. Бид ердөө зуухан жилийн өмнө дөнгөж л атомтай танилцаж байсан бол өдгөө атомын цөм дэх нуклонууд нь электроноос ч жижигхэн кваркууд гэх эгэл бүтцээс тогтдогийг нээжээ.
Өнгөрсөн зууны хоёр дугаар хагаст эгэл бөөмийн физикийн Стандарт онолыг бүтээж энэ нь одоогоор бидэнд байгаа хамгийн МУНДАГ онол болсон юм. Гэхдээ Стандарт онол үзэгдэх ертөнцийн ердөө ТАВХАН ХУВИЙГ л тайлбарлаж чаддаг... Яагаад гэдгийг нь мэдэхийг хүсвэл зуны сургуульд хамрагдаарай.
Жич: Математик анализ, матриц үзсэн хүмүүст хичээлүүд ойлгоход илүү давуу талтай болохыг анхаарна уу.
Доорх хаягаар бүртгүүлээрэй:
https://forms.gle/H5EYTjV3iH5bGJBK9
Зуны сургуулийн веб хаяг:
https://sites.google.com/view/zuniisurguuli2024
Зуны сургууль өнгөрсөн жилээс эхлэн бүртгэлийн хураамжтай болсон бөгөөд бүртгэл 6 сарын 28-г хүртэл үргэлжилэхийг анхаарна уу!
Жич: Физик, математикийн ангийн оюутанууд бүртгэлийн хураамж төлөх шаардлагагүй.
Холбоо барих: [email protected], 89281339.
