15/08/2019
ХИЙМЭЛ ОЮУНЫ ТАСЛАМЖТАЙГААР ХҮНИЙ НӨӨЦИЙН СОНГОН ШАЛГАРУУЛАЛТЫГ САЙЖРУУЛАХ НЬ:
Маш олон аж үйлдвэрүүд аль хэдийнээ Хиймэл оюуныг ашиглах болжээ. Хиймэл оюуныг бизнест илүү шийдвэр гаргалт болон идэвхтэй үйл ажиллагаанд хэрэглэдэг. Яг л бусад аж үйлдвэрүүд шиг, аж ахуйн нэгжүүд ч мөн адил хүний нөөц болон сонгон шалгаруулалтдаа Хиймэл оюуны ашиг тусыг хэрэглэсээр байна.
Хиймэл оюун нь хүний нөөцийн сонгон шалгаруулалтад нэлээдгүй үнэ цэнийг өгч байгааг ухаалаг сонгон шалгаруулалтын аппликэйшнээс эхлээд сонгон шалгаруулалтын өгөгдлүүдийг ухаалгаар тооцоолон ашиглаж байгаа зэргээс харж болох ба энэ нь ямар ч байгууллагын хүний нөөцийн мэргэжилтэнд зөв авьяас, хандлага, зөөлөн чадварыг сонгон авах явцыг нь хөнгөвчилж өгч байгаа билээ.
Undercover Recruiter[1]- н нийтлэлүүдээс харахад ирэх 10 жилд Хиймэл оюун байгууллагын хүний нөөцийн албаны ажлын 16%-г дангаараа гүйцэлдүүлэх төлөвтэй байгаа ажээ. Гэвч хүнийн нөөцийн мэргэжилтнүүд үүнд санаа зовох хэрэггүй бөгөөд Хиймэл оюун үнэндээ танд өөр бусад зүйлд зарцуулах илүү орон зай, цаг хугацааг гаргаж өгөх юм.
Хиймэл оюун хүний нөөцийн сонгон шалгаруулах үйл явцыг өөрчилж буй зарим нэгэн гол хэлбэрүүдийг авч үзье.
[1] https://www.undercoverrecruiter.com/
�
ӨДӨР ТУТМЫН АЖЛЫГ АВТОМАТЖУУЛАХ
Хүний нөөцийн үйл ажиллагааг Хиймэл оюунтай хослуулснаар шууд гарч болох үр дүнгийн нэг нь байнга давтан хийдэг ажлуудаас зайлсхийх явдал юм. Тийм ээ, өдөр тутмын ажлуудыг гар ажиллагаагүйгээр гүйцэлдүүлж байгаад Хиймэл оюунд талархууштай. Энэ нь хүний нөөцийн процесс, сонгон шалгаруулалт болон авьяасыг олж нээх процессын үр ашгийг эрчимтэй нэмэгдүүлэх юм.
Жишээлбэл, цаг их шаарддаг CV, Resume, анкет үзэх процессыг Хиймэл оюунд суурилсан автоматжуулах технологиор шийдвэрлэж болж байна. Цаашлаад, энэхүү ухаалаг технологиор хүний гаргах алдаа, зөрүү, давхцалгүйгээр ярилцлагын цагийн хуваарийг гаргаж болох юм. Эдгээрийг нийтэд нь дүгнэж үзвэл нийт сонгон шалгаруулах процессыг маш хурдан болоод үр ашигтай болгож байна. Гар утасны аппликэйшн хөгжүүлдэг компани үндсэн чухал чадваруудтай экспертүүдийг олж авахад энэхүү автоматжуулалтыг ашиглаж болно.
Өнөө үед хүний нөөцийн үйл ажиллагаа хэрэв сайн мэргэжилтэнг ажилд авсан бол цөөн хүнтэй багтай төвлөрч ажиллах хандлагатай болоод байгаа ажээ. Энэ нь Хиймэл оюун ухаан сонгон шалгаруулах процесс-д ихээхэн тохирч байгааг харуулж буй юм. Хүний нөөцийн баг бүрэлдэхүүнийг нэмэгдүүлэхгүйгээр илүү олон хүмүүсийг ажилд авах боломжийг олгодогоороо Хиймэл оюун нь орчин үеийн удирдагчдийн заавал сонгох естой сонголт болоод байна. Энэ нь Хиймэл оюун нь “багаар ихийг” хийх хандлагатай, мөн чухал авьяас чадвартэй хүмүүсээ алдахгүйгээр хамгийн сайн үр дүнтэй багийг бүрдүүлэхэд чиглэдэгийг харуулж байна.
Хэрэв та Хиймэл оюуныг өнөө үеийн өдөр тутмын үйл ажлыг автоматжуулахад хослуулж хэрэглэж чадвал дээр дурдсан ойлголтууд нь үнэхээр гайхалтай. “Багаар ихийг хийх” нь үргэлж компанийн сонгон шалгаруулалтын зардлыг хэмнэж байдаг ба мөн Хиймэл оюун маань байнга давтагддаг ажлуудад тань санаа тавих тул карьер төлөвлөгч, хөгжүүлэгчид маань өшөө илүү сайжруулах шинэ аргыг хайж олоход чиглэн ажиллах боломжтой болох билээ.
Иймд хүний нөөцийн менежерүүд тэдний одоогийн сонгон шалгаруулалт болон ажлын үйл явцдаа хялбархан холбож болох бөгөөд маш өргөн хүрээн дэх ажлуудын автоматжуулалтын шийдэл бүхий Хиймэл оюунд суурилсан шийдлийг заавал эрэлхийлэх хэрэгтэй юм.
�
ХЯЛБАР, ХУРДАН АНКЕТ ХАРАХ, ХЯНАХ
Ажил горилогчдын анкетыг харах, шалгаруулах процесс нь сонгон шалгаруулах цагийг ихээхэн хороодог талаар олон олон судалгаа шинжилгээ онцолсон байдаг. Тэгэхээр, олон ажил горилогчдыг анкеттай танилцах нь их цаг шаарддаг юм бол Хиймэл оюунд суурилсан сонгон шалгаруулалтын программ нь хамгийн үр дүнтэй шийдэл юм. Зөвхөн сонгон шалгаруулалтууд л ийм их цаг авч байгаа тул энэхүү программын арга нь их эрэлттэй болж байна.
Иймд бид энэхүү программ нь яаж ажиллаж байгаа талаар суурь ойлголттой байх ёстой болжээ. Үндсэндээ, Хиймэл оюунд суурилсан анкет шалгаруулах программ нь анкетуудыг ажлын шаардлага болон авахыг зорьж буй зорилтот хүний шинж чанарын дагуу шүүх замаар ажилладаг. Ерөнхийдөө бүх анкетыг нийтэд нь шүүх процесс нь ердөө нэг товч дарах төдийд л болох юм.
Харин дараа нь бидэнд энэхүү процессын үр дүнгийн чанарын талаар асуулт гарч ирэх бол энэхүү программ нь аль хэдийнээ маш олон бизнесийн байгууллагуудын бодит асуудлууд дээр хэрэглэгдэн, тухайн үе бүрд компаниудад зөв хүнээ олоход нь тусалсан юм.
�
ХҮНИЙ ГАРГАЖ БОЛОХ АЛДААГҮЙГЭЭР АЖИЛЛАХ
Хүний нөөцийн сонгон шалгаруулалтын үйл явцад алдаа гарах нь чанартай хүн ажилд авахад тулгардаг хүндхэн асуудлуудын нэг юм. Хүний гаргах алдаанууд нь хувь хүний хандах хандлага, үзэл баримтлалаас шалтгаалдаг ба энэ нь үр дүнд мэдэгдэхүйцээр шууд нөлөөлдөг бөгөөд энэ нь ажилд сонгон шалгаруулах үйл явц үр дүнгүй болж болохын баталгаа билээ. Жишээлбэл, сонгон шалгаруулах ажилтан нь эмэгтэй хүнийг илүүд үзэх хандлагатай байвал бид маш хурдан солих шаардлагатай болж болохуйц муу ажилтанг авсан ч байх магадлалтай болж байгаа юм. Яг үүнтэй ижил зүйлс сонгон шалгаруулалтын ажилтны ямар ч төрлийн алдааны (bias) үр дүнд гарч болно. Энэ мэт алдаа их байх нь сонгон шалгаруулах үйл явцыг ямар ч үед муутгадаг.
Хиймэл оюунд суурилсан арга нь харин үүнийг гайхалтай хийж чадна. Хүйс, гадаад үзэмж, үзэл суртал, шашин шүтлэг болон бусад зүйлсээс үл хамааран Хиймэл оюунд суурилсан сонгон шалгаруулах программ нь хамгийн шилдэг ажил горилогчийг хамгийн тохирох үндэслэл, эх сурвалжаас танд санал болгох юм.
�
ИЛҮҮ САЙН ШИЙДВЭР
Эцэст нь, Хиймэл оюунд суурилсан хүний нөөцийн арга хэрэгсэл, программууд нь таныг илүү сайн шийдвэр гаргахад туслах болно. Дээр үеийн сонгон шалгаруулах үйл явц нь илүү боломжид найдсан болон сонгон шалгаруулах мэргэжилтний зөн совингоор хийгддэг байсан бол орчин үеийн мэргэжилтнүүд илүү өгөгдөлд суурилан шийдвэр гаргадаг болсон нь яагаад Хиймэл оюунд суурилсан технологи тэдний сонгох хэрэгтэй технологи болж байгаагийн баталгаа юм. Чанарт чиглэсэн, Хиймэл оюунд суурилсан хүний нөөцийн сонгон шалгаруулалтын арга хэрэгсэл нь мөн өөр 2 зүйл дээр ч тусалдаг.
Нийт сонгон шалгаруулалтын сайжруулалт : Бид өгөгдөлд суурилсан Хиймэл оюунт арга хэрэгсэлд талархах хэрэгтэй ба үүний тусламжтайгаар маш олон алдаа дутагдлууд түргэн шуурхай засагдах боломжтой болсон. Жишээлбэл, дээхэн үед ажлын анкет бөглөлт хэт бага байсан бол бидний одоогийн анкетын асуулт, загвар ихээхэн асуудалтай байх байсан нь маргаангүй юм.
Төсөв хуваарилалт : Сонгон шалгаруулалтын мэргэжилтэн зөв хандлага, ур чадвар, авьяасыг олохын тулд хэдий чинээ олон суваг ашиглана, Хиймэл оюунт, өгөгдөлд суурилсан анализ нь төдий чинээ хурдан сайн, бөгөөд үр дүнтэй, бага хугацаанд сайн үр дүнг үзүүлж чадах сувгийг нь тодорхойлж өгч чадна. Энэ нь сонгон шалгаруулах үйл явцад тохирох төсвийн хуваарилалтад тустай байдаг.
Сонгон шалгаруулах болон авьяасыг илрүүлэх нь ямар ч байгууллагын хувьд өрсөлдөөнд тогтвортой байх болон өсөн дэвжих амин чухал үйл явц юм. Ерөнхийдөө, аж ахуйн нэгжүүдэд Хиймэл оюунд суурилсан сонгон шалгаруулалтын шийдэл шиг сүүлийн үеийн арга хэрэгсэл ихээхэн хэрэгтэй билээ.
Эх сурвалж : Central Test LLC (https://www.centraltest.com/)
Блог : https://icareer.mn/blog/single/3
