05/01/2023
🏳️🌈 ЛГБТ Төвийн "ХҮНИЙ ЭРХИЙН ЗАЛУУ МАНЛАЙЛАГЧ ХӨТӨЛБӨР" 8 дахь удаагаа зарлагдаж байна 🏳️🌈
🤩🏳️⚧️🏳️⚧️🏳️⚧️ Энэ удаагийн хөтөлбөрийн онцлог нь транс* олон нийтэд чиглэсэн бөгөөд хүний эрхийн транс* залуу манлайлагчдыг бэлтгэхээр зорьж байна 🏳️⚧️🏳️⚧️🏳️⚧️🤩 (транс эрэгтэй, транс эмэгтэй, нон-байнари, жендэркүийр гэх мэт)
🏳️🌈 ЛГБТ Төвийн "ХҮНИЙ ЭРХИЙН ЗАЛУУ МАНЛАЙЛАГЧ ХӨТӨЛБӨР" 8 дахь удаагаа зарлагдлаа 🏳️🌈
🤩🏳️⚧️🏳️⚧️🏳️⚧️ Энэ удаагийн хөтөлбөрийн онцлог нь транс* олон нийтэд чиглэсэн бөгөөд хүний эрхийн транс* залуу манлайлагчдыг бэлтгэхээр зорьж байна 🏳️⚧️🏳️⚧️🏳️⚧️🤩
ЛГБТ Төв нийгэмд үйлчилдэг төрийн бус байгууллага нь бэлгийн болон хүйсийн цөөнх олон нийтийн нөхцөл байдлыг сайжруулахад хувь нэмэр оруулах чин хүсэлтэй залуу хүмүүсийг чадавхжуулах хөтөлбөрийг 2011, 2015, 2016, 2018, 2019 (Урлагаар дамжуулан бэлгийн цөөнх эмэгтэйчүүдийг чадавхжуулах нь), 2021 болон 2022 (Күийр уран бүтээлчдийг чадавхжуулах хөтөлбөр) онуудад тус тус амжилттай зохион байгуулж байсан билээ. 7 удаагийн "Хүний эрхийн залуу манлайлагч хөтөлбөр"-т 80 гаруй хүн оролцсоноос 7 нь ЛГБТ Төвд бүтэн цагийн буюу үндсэн ажилтан болж байсан түүхтэй.
ЛГБТ Төвийн 8 дахь удаагийн манлайллын хөтөлбөрийг The Asia Foundation Mongolia/Монгол дахь Азийн сангийн дэмжлэгтэйгээр зохион байгуулах гэж байгаадаа таатай байна.
📌 Хөтөлбөрт тавигдах шаардлагууд:
- Транс* буюу хүйсийн хэвшмэл байдалд үл нийцэх хүмүүсийн нэг байх (Транс* эрэгтэй, транс* эмэгтэй, нон-байнари, жендэркүийр, жендэрфлүийд гэх мэт)
- 18-34 настай
- Улаанбаатар хотод оршин суудаг
- Хөтөлбөр хэрэгжих хугацаанд тууштай оролцох
- Хөтөлбөрт хамрагдах, шинийг сурах, бүтээлч байх хүсэл эрмэлзэлтэй байх
✅ Хөтөлбөрт хамрагдсанаар ямар давуу талтай вэ?
- Манлайллын чадавхууд, нөлөөллийн арга хэлбэрүүд, ЛГБТИК+ хүний эрхэд хамааралтай олон улсын болон дотоодын эрх зүй, сэтгэл зүйн чадамж, багаар ажиллах гэх мэт 16 төрлийн ур чадварын сургалтуудад үнэ төлбөргүй хамрагдана.
- Найз, нөхөдтэй, өөрийн хүрээлэлтэй болно
- Өөрийн санааг бодит болгож төсөл хэрэгжүүлэх боломж
- Хүн бүрд ээлтэй, нээлттэй орон зайг бүрдүүлнэ
🎉 Ямар төслүүд хэрэгжүүлж болдог вэ?
Нийт 12 оролцогчид хөтөлбөрийн турш суралцах явцдаа бичил төсөл хэрэгжүүлэх юм. ЛГБТИК+ олон нийтийн нөхцөл байдлыг дээрдүүлэх, тэдэнд мэдлэг болон мэдээлэл хүргэх эсвэл нийгэмд эерэг, зөв ойлголт өгөх зэрэг зорилготой өөрсдийн санаачилсан төслөө хэрэгжүүлэх бүрэн боломжтой. Өмнөх 6 удаагийн залуу манлайлагч хөтөлбөрөөр сурч мэдсэн зүйлсээ нийгэмд хүргэснээс дурдахад: “Анхны үнсэлт” вайрал видео, “Залуучуудын дуу хоолой” вайрал видео, “Би хэн бэ?” вайрал видео, “Миний найз ЛГБТ” ном, ЛГБТ аман түүхийн төсөл, ЛГБТ яруу найргийн түүвэр, ЛГБТ сэдэвт Манга зохиолын тэмцээн (“Хайр бол хайр” манга ном хэвлэгдсэн), Rainbow flag видео төсөл, их дээд сургуулиуд дээр аюулгүй орон зай үүсгэх, “Sonder” богино хэмжээний кино, “Тэр гараг” сэтгүүл, "Tранс эрчүүдийг дэмжих төсөл", "Миний мэдэрч буй зүйлс" эсээ бичлэгийн уралдаан зэрэг олон санаачилгууд байна.
📆 Хөтөлбөр үргэлжлэх хугацаа: 01-р сарын 28-с 5-р сарын 28 хүртэл Бямба гараг бүр үдээс хойш 3 цаг
Бүртгэлийн хугацаа: 01-р сарын 05-с 01-р сарын 19-г дуустал
Хөтөлбөрийн тухай дэлгэрэнгүй мэдээлэл авахыг хүсвэл 70110323 болон ЛГБТ Төвийн чат руу холбогдоорой.
📎 Хөтөлбөрт 12 оролцогчдыг шалгаруулж авна. Оролцогчдыг 2 үе шаттайгаар шалгаруулна. Үүнд:
1.Бүртгэлийн цахим маягт (Эхний шатанд тэнцсэн оролцогч нарт утсаар болон имэйлээр мэдэгдэж дараагийн шатны ярилцлагыг товлоно)
2.Ярилцлага
Бүртгэлийн маягт:
https://forms.gle/JN3VtJJTF6yN3n7K6