12/08/2022
✅Өчигдөр өглөө гайхалтай урам зориг өгсөн сургалтанд онлайнаар хамрагдлаа.🌟
✨Таталцлын хуулийг ашиглан амьдралын уналтаас буцаж босох тухай сургадаг - Сониа Рикотти (зохиолч, илтгэгч, дасгалжуулагч)
✨Хувь хүний хөгжил, бизнесийн дасгалжуулагч, дэлхийн хамгийн алдартай көүч Тони Робинстой хамт дэлхийн хамгийн алдартай, том онлайн сургалтыг үндэслэгч - Дин Гразиоси (зохиолч, илтгэгч, дасгалжуулагч) нарын хамтарсан 2 цагийн үнэгүй сургалт байсан юм.
✅Сургалтын гол сэдэв хэрхэн онлайн бизнестэй болж мөрөөдлийн орлоготой болох уу, эд баялагтай болоход өөрийн хязгаарлагдмал итгэл үнэмшлийг тэлэх тухай байсан юм.
✅Би сүүлийн жилүүдэд энэ сэдвийг бие даан сонирхон судалж, хэрэгжүүлж ирсэн ч мэддэг юм шигээ хэрнээ нээрээ тийм шүү гэж нүд нээгдсэн хэд хэдэн санааг сургалтаас олж авсан юм:
✴️Онлайн бизнесийн хамгийн сайн загвар бол мэдлэгт суурилсан сургалтын бизнес. Хувь дасгалжуулалт, онлайн курс, workshop гэх мэт хувилбараар хийж болно.
✴️Онлайн сургалтын салбар интернетийн хөгжлөөс шалтгаалан маш хурдацтай хөгжиж, цэцэглэж байгаа. Одоогийн байдлаар 1 өдрийн 1 тэрбум долларын эргэлттэй бизнесийн салбар гэж үзэж байгаа бол 2027 онд жилийн орлого нь их наяд долларт хүрэх боломжтой.
✴️Онлайн бизнес эхлэхэд танд заавал нэр алдар, мэргэжил диплом, их мөнгө байх шаардлагагүй. Харин гал хүсэл эрмэлзэл, туршлага ба ур чадвар байхад шууд эхэлж болно.
Цар тахал, эдийн засгийн хямрал, цаг үе хэцүү боллоо гэдэг. Дэлхийн хамгийн баян хүмүүсийн нэг Варрэн Буфет 6 долоо хоногийн өмнө ийм нөхцөлд хүн яавал дээр вэ гэсэн асуултанд ингэж хариулжээ: "1т өөртөө хөрөнгө оруулалт хий" Өөр дээрээ ажиллаж, өөрийнхөө мэдлэг ур чадварыг борлуулж чаддаг байхад хүн ямар ч цагт орлого олох тухай юм.
✴️Та өөрийн хамгийн дуртай зүйл, хамгийн их туршлага амссан зүйл, хамгийн мэргэжилтэн болтлоо эзэмшсэн чадварыг бусдад заах замаар бизнесээ босгоно. Тэр нь заавал хамгийн шилдэг, мундаг байх албагүй. Гол санаа нь өөртэйгээ адилхан нөхцөл байдал, асуудалд орсон хүмүүст туслах явдал юм. "Таны туулсан амьдралыг яг өөр нэг хүн давтах гэж байна, та тэгвэл тэр хүнд юу гэж зөвлөх байсан бэ?" Таны гашуун туршлага, түүнийг даван туулсан түүх хэн нэгэнд яг одоо маш хэрэгтэй мессеж, үнэ цэнэтэй тусламж болж чадах юм.
✴️Яаж тэр мессеж, тусламжийг хүргэх вэ гэвэл гарц нь сошиал медиа. Өөрийгөө юу хийснийг хуваалц, юу мэддэгээ ярь, хэлж дуулга. Хэнд, ямар асуудалд нь туслах мэдэхээ хуваалц. Та онлайн бизнес босгохдоо дэлхий нийтийн, эсвэл монгол улсын асуудлыг шийдэх гээгүйг сана. Харин тэр нэг таны шийдэж чадах асуудалтай, хэсэгхээн хүнд зориулж дуугарахаар аяндаа зөв үйлчлүүлэгчид гарч ирнэ. Өөрөөр хэлбэл массад таалагдах биш өөрт тохирох хүрээллийг үүсгэнэ.
✴️Санхүүгийн эрх чөлөөнд хүрье, баян болъё гэж битүүхэн хүсдэг хэрнээ ихэнх хүний дотор ийм дуу хоолой сонсогдож эхэлдэг: "Заавал тэгэж шуналтах хэрэг байна уу. Бага байх үеийг бодвол манайх байр оронтой, машин тэрэгтэй, өмнөхөөсөө хамаагүй дээр амьдарч байна. Ажлаа хийгээд, сарын орлогоо олоод, хүнээс дутахгүй боломжийн л амьдарч байна ш дээ. Тэгэж баяжиж, тансаг сайхан амьдарч, дэлхийгээр аялна гэдэг ч арай дэгсдсэн мөрөөдөл байх оо. Надад тийм хувь аз байхгүй. Тэрний ороод урдах ажлаа сайн хийгээд, мөрөөрөө аз сорихгүй амьдарсан нь дээр." Хэрэв энэ танд танил санагдаж байвал таны дотор маш том хязгаарлагдмал итгэл үнэмшил /limiting beliefs/ байна. Өөрөө тийм эрхтэй, хувь заяатай, бололцоотой гэдэгт итгэхгүй, өөртөө эргэлзэж байгаа хэрэг. Яагаад тийм байж болохгүй гэж, дэлхий дээр олон хүн баян чинээлэг амьдрахад хангалттай хүрэлцэх их мөнгө байгаа ш дээ. Би энэ амьдралдаа илүү сайхан амьдарч болно ш дээ гэж бодохын тулд тэдгээр хуучин итгэл үнэмшлийг өөрчлөх хэрэгтэй юм. Бас яг энэ дуу хоолой бодолд давамгайлж байсан ч нөгөө талд бяцхаан, бүдэгхээн ч гэсэн дуугарч байгаа "Тийм ээ, би чадна. Би санхүүгийн эрх чөлөөнд хүрнэ, баян чинээлэг болно. Илүү сайхан амьдарна. Би онлайн бизнес босгож, амжилтанд хүрэх болно." гэсэн дуу хоолой бас сонсогдож байгаа. Яг энэ цэг дээр зөв дуу хоолойнд итгэж дагасан цөөн хүмүүс бидний дунд амжилтаараа дурсагдан, гайхагдаж байдаг.
✴️Мөнгөтэй болохын тулд мөнгөтэй байх сэтгэлгээнд өөрийгөө бэлдэж, дасгалжуулах хэрэгтэй. Тэгээд хэд хэдэн зүйлд сэтгэл зүйн бэлтгэлтэй байхад бизнесдээ алдаа гаргалгүй амжилт бүтээх боломжтой. Үүнд: Сургалт, дасгалжуулалт, ном гээд бүтээгдэхүүн үйлчилгээгээ гаргасан ч зарж борлуулахаас ичих. Энэ хорвоод борлуулалт хийхгүйгээр ашиг орлого олдог зүйл гэж байхгүй. Мөнгө зөвхөн тэндээс л гарч ирнэ. Тиймээс гол зүйлдээ сэтгэл, анхаарал хандуулахгүй байх нь зөв биш. Хүмүүст юм зарж байна, намайг сонгоорой, минийхийг аваарай гэж хэлээд, бүтээгдэхүүн шахсан юм шиг санагдаж хүмүүс намайг шоолохвий гэж битгий ай, битгий тэгэж бод. Таны зорилго зарах биш зорилтот хүмүүст туслах гэдгийг сана. Та өмнө нь IELTS-н шалгалтанд 2 удаа унаж, 3 дахь дээрээ өндөр оноо авсан гэж бодъё. Яг одоо анхны IELTS-аа өгөх гээд бэлдэж байгаа хүнд та өөр шигээ 2 унахгүй, шууд тэнцэхэд нь туслах ямар зөвлөгөө тусламж өгч чадах вэ? Тэр хүн таны сургалтанд суугаад 3 дахин ажил болохгүй эхний шалгалтаа амжилттай өгвөл сайхан биш гэж үү? Та тэр хүнийг яавал тэнцэхийг мэдсээр байж зааж өгөхгүй, унавал унаг гээд хаях нь зөв үү? Яагаад гэвэл та тэр хүнд миний сургалтанд суугаарай гэж хэлэхээс ичиж байгаа учраас!
☑️Яг одоо би ч гэсэн өөрийн "Хувийн брэндээ онлайн бүтээж, орлого олох" сургалт дасгалжуулалтыг хүмүүст санал болгож, борлуулж байгаа. Гэхдээ надад үнэ, мэдээлэл хүргэж, өөрийн сургалтыг зарах үйлдэл нь бас таалагдахгүй байсан. Яагаад гэвэл юм зарах /мөнгө олох гэж/ улайрсан мэт харагдаж байгаа юм шиг санагдах, өмнө нь гаргасан амжилт чинь хаана байна гэж асуугдах, төлбөр үнэтэй байна гэж шүүмжлүүлэх нь надад хэцүү байдаг. Гэтэл дээрх харах өнцөг надад тайвшрал, ухаарлыг өглөө. Би чинь нээрээ хэрэгтэй хүмүүст нь л туслах гээд байгаа нь чухал юм. Өөрийнхөө зорилгын төлөө мөнгө олж, онлайн бизнесээ босгож байгаа нь миний хувьд үнэ цэнэтэй шүү дээ гэдгийг дахин санасан.
✴️Надад хүнд заагаад байх мэдлэг, чадвар, гайхуулах зүйл байхгүй гэж бодох гэж байгаа бол энэ бас л хязгаарлагдмал итгэл үнэмшил шүү. Үүний оронд надад юу байгаа бол гэж эрэл хайгуул хийгээрэй. Амжилттай онлайн бизнесийн эзэд маш энгийн сэдвийг ч борлуулж байна. Жнь: "Хэрхэн хүүхдийн экзем өвчнийг эмчлэх вэ?"; "40 гарсан бүсгүйчүүд хэрхэн болзоонд өөрийгөө шинээр бэлдэх вэ?"; "Тэжээвэр нохойгоо амархан сургуулилттай болгох"; "Веган хоол хийж сурах"; "Гэр бүл салалтыг хурдан, эрүүлээр даван туулах аргууд" гэх мэт хүний амьдралын бодитой, энгийн асуудлуудыг тойрон шийдвэрлэж байна. Таны амьдралд тулгарч байсан хамгийн том сорил магадгүй таны хамгийн том давуу тал болон хувирч чадна.
✴️If people don't pay, they don't pay attention. (Хэрэв хүмүүс төлбөр төлөхгүй бол анхаарал хандуулдаггүй) Энэ санаа өөрийн онлайн сургалтын төлбөрийг санаа зоволгүй хүргэх, үнээ бууруулахгүй байх шийдвэрийг минь батжуулсан. Яг үнэндээ би өөрөө ч гэсэн үнэгүй юманд хамрагдахаараа хойшлуулчих гээд, тасалсан ч гарзгүй юм шиг санагдаад ач холбогдол бага өгөх нь байдаг. Хүмүүс нийтлэг нь адилхан байх. Эсрэгээрээ зовж олсон мөнгөө төлсөн юм чинь харин ч нэг анхаарал хандуулна шүү дээ. Онлайн бизнес гэдэг нь хөдөлмөр, цаг орохгүй байна гэсэн үг биш. Тиймээс та гаргасан хөдөлмөртөө зохих төлбөрийг авах нь зөв юм. Нэг бүтээгдэхүүн/үйлчилгээгээр эхэлсэн бизнес чинь харин аяндаа өргөжин тэлж, унтаж байхад чинь ч олон тоогоор зарагддаг болох боломжтой.
☑️Энэ хүрээнд миний толгойдоо тогтоосон гол мэдээллүүд өндөрлөж байна. Үүнийгээ энэ групптээ хуваалцмаар санагдсан, магадгүй танд онлайн бизнестээ болох юмсан, орлогоо нэмэгдүүлж, өөрийгөө шинээр нээх юмсан гэсэн хүсэл нуугдаж л байгаа. Яаж гэдэг дээр гацсан бол би таны нэг боломж шүү гэдгийг дуулгахад таатай байна. (Над руу хувь чат бичин сургалтын талаар мэдээлэл аваарай)💌
💖Бид урам зоригоор тэтгэгдэж амьдардаг хүмүүс. Мотиваци, шинэ санаа, хүсэл эрмэлзлээ бадраах хүмүүс, сошиал хаягууд, дотоод итгэлээр өөрийгөө хүрээллүүлж байгаарай. Бас хорвоо ертөнцөд таны түүхийг сонсох, дуу хоолойг дагах, мэдлэгийг үнэлэх хэн нэгэн заавал байгаа. Таны хүртэх эд баялаг, алдар хүндийн орон зай заавал байгаа. Таныг хөдөлвөл дагаад хичээчих заяа чинь хүлээж байгаа гэдгийг санаарай! Та хүсэх юм бол заавал чаднаа! 🌟Амжилт Амжилт Амжилт🌟