09/01/2023
Бидний хайртай дүү, ах, найз Эрдэнэ-Очирын Баттөмөр нь 2023 оны 1 сарын 8-ны өдөр тэнгэрийн оронд одож бидэнд нөхөж баршгүй хүнд гарз тохиолоо.
Тэрээр 1979 оны 1 сарын 22-нд Улаанбаатар хотноо айлын удаах хүү болон мэндэлсэн юм.
1987-1995 онд ерөнхий боловсролын дунд сургууль төгсжээ. 1996-2007 онд хувийн бизнес эрхлэж, улмаар 2007-2012 онд БНСУ-д ажиллаж хөдөлмөрлөн, 2012-2018 онд хувийн бизнэс эрхлэхийн зэрэгцээ “Negun” студид продюсер, менежерээр кино, тайз дэлгэцийн чамгүй олон уран бүтээлүүд дээр амжилттай ажиллан, хамт олныхоо үлгэр дууриалал нь болж байлаа. 2018-2023 онд Япон улсад ажиллаж амьдарч байв.
Богинохон ч гэсэн хайр, гэрэл гэгээ түгээсэн амьдралдаа тэр аав ээжийн хайртай сайн хүү, ах дүү, хамаатан садандаа тусч элэгсэг, хамаг бүхнээ зориулсан энэрэнгүй, өгөөмөр, хайр дүүрэн эрхэм хүн, хамт олон найз нөхөддөө бол инээд хөөр бэлгэлсэн, хөдөлмөрч, тусч сайхан сэтгэлтэй нэгэн байсан бөгөөд түүний ховорхон энэ зан чанарыг нь бид онцлон “Сэтгэл” хэмээн авгайлан дууддаг байлаа.
Эрхэм дүү, ах, найз Эрдэнэ-Очирын Баттөмөр таны элгэмсэг хүнлэг сэтгэл, тусч, хөдөлмөрч зан чанар бидний зүрх сэтгэлд үүрд үлдэх болно.
Ах дүү, найз нөхөд, хамт олон нь.
2023.01.09
